رواية أريد حبها الفصل الثالث 3 بقلم سولييه نصار

رواية أريد حبها الفصل الثالث 3 بقلم سولييه نصار

رواية أريد حبها البارت الثالث

رواية أريد حبها الجزء الثالث

رواية أريد حبها الحلقة الثالثة

-اسفة يا دكتور علي خطتنا اللي فشل*ت
قالتها مريم وانا حاطط ايدي علي خدي …بعد ما نقطتني البعيدة وحسيت هتجيلي جل*طة اخدت مريم ومشيت واخدت برشامة سيولة ما هو اصل العمر مش بعزقه وشكلي عشان اعيش مع الكائن الفضائي ده هحتاج كل انواع أدوية الضغط والسكر والسيولة
..
بصيت لمريم وقولت:
-مخصوملك تلات ايام يا مريم يالا روحي لشغلك
-ايه حرام عليك يا دكتور أنا عملت ايه
-اهو كده ظل*م واستب*داد
-حسبي الله ونعم الوكيل فيك يا ظا*لم …
قالتها ومشيت فبصيت بذهول وطلعت برشامة السيولة التانية واخدتها….هتجيلي جل*طة بسببهم منهم لله الس*تات
……
كنت قاعد في البيت فلقيت فرح لابسة ومتشيكة وخارجة …
-تعالي هنا رايحة فين ؟
-رايحة اليكس

-ايه اليكس دي يختي
-الاسكندرية يا وائل
-افندم با حبيبتي ..
ابتسمت ببساطة وقالت :
-ايوة رحلة تبع الكلية بتاعتي دفعت تمنها وهروح …
طلعت برشامة السيولة تحسبا لأي حاجة واخدتها وبعدين بصتلها وقولت:
-من غير اذني
-وانا هستنأذنك ليك
-اصلهم بيقولوا اني جوزك
-اه صحيح نسيت الموضوع ده …
مسكت قلبي وقولت :
-قوليلي مين سلطك عليا يخربيتك معرفتش المرض إلا لما اتجوزتك
-الله وانا مالي يا لمبي ده انا حتي في حالي ومش بحتك بيك …ودلوقتي يالا باي …
لسه هتمشي قومت ومسكتها من بلوزتها وقولت:
-ادخلي دلوقتي اوضتك قبل ما ارتكب جنا*ية …
-يعني مفيش رحلة
-مفيش زف*ت علي دماغك ادخلي متكفر*يش سيئا*تي …

لما شافت شكلي كده خافت ودخلت اوضتها …قعدت علي الانتريه بتعب بس بعدين ابتسمت وانا سرحان …مجنونة بس قمر …شكلي وقعت ولا ايه ده انا اللي كنت بحذر*ها من أنها تحبني اروح أنا اللي احبها …
……
شوية كنت بكلم ابويا علي التليفون اللي كان بيوصيني علي فرح …ده هو مفروض يوصيها عليا ..
-اوعي يا بني تكون مز*عل فرح
-والله ابدا يا حاج بنت اخوك زي الفل أنا بس اللي هتجل*ط بس فداها
-ايوة يا حبيبي حطها في عينك دي طيبة اووي
-ايوة ما أنا عارف انت هتقولي علي طيبتها دي مورياني النجوم في عز الضهر
-ايه بتقول ايه
-مبقولش حاجة يا حاج بقول إنها ملاك ماشي علي الأرض
-ربنا يكرمك يا بني انا كده اطمنت عليها …
وبعدين قفل ابويا معايا …
ولسه هقعد لقيت فرح فجأة صرخت …جريت عليها بخوف لقيتها واقفه علي السرير وهي بتترعش …قولت بخضة؛
-مالك فيه ايه ؟!!
شاورت علي ركن بصيت ولقيت فجأة فار …عينيا وسعت بخو*ف وفي ثواني كنت بصرخ وطلعت جمبها علي السرير ومسكتها وقولت وانا بترعش:
-اقت*ليه يا فرح أنا بترعب من الفيران …
-وائل انت مجنون أنا البنت انت راجل مفروض متخافش ..
-اهو بخاف واللي حصل روح اق*تليه بقا ابوس ايديك
-انا بخاف منهم
-انتي ق*تلتي قبل كده صرصار
-ايوة بس الفيران غير …
بصيت للفار بر*عب وقولت:
-عندك حق …
وفجأة لقينا الفار بيقرب علي السرير …صرخنا انا وهي وطلعنا برة الاوضة ..ودخلت اوضتي وقفلنا علي نفسنا الباب …
-هنعمل ايه دلوقتي

-هننام هنا نعمل ايه يعني ..
-طيب هنام انا علي السرير وانت علي الأرض
-وانا علي الأرض ليه ..
-يعني معقول تخلي بنت عمك تنام علي الأرض ..
-لا نامي جمبي عادي
-نعم يا اخويا
-ده اللي عندي لاما روحي نامي في اوضتك اللي فيها الفار …
وبعدين روحت نومت علي السرير فنفخت بعصبية ونامت جمبي…
كنت مبسوط أنها جمبي ولأول مرة احس اني قلبي بيدق بالسرعة دي …
قبل الفجر صحيت ولقيت نفسي حاضنها …ابتسمت وقربت منها و …

لقراءة الفصل التالي : اضغط هنا 

لقراءة جميع فصول الرواية اضغط على ( رواية أريد حبها )