روايات

رواية ورده في المزبله 2 الفصل العاشر 10 بقلم منه محمد

رواية ورده في المزبله 2 الفصل العاشر 10 بقلم منه محمد

رواية ورده في المزبله 2 البارت العاشر

رواية ورده في المزبله 2 الجزء العاشر

ورده في المزبله
ورده في المزبله

رواية ورده في المزبله 2 الحلقة العاشرة

البارت 43
الجزء الثاني
ورده في مزبله
بعد الخناقه نزل امير من السلم زعلان
سها : رايح فين يابني ؟؟
وقفه خالد:ع فين ؟؟
بص لابوه بزعل
مسك خالد ايده بندم : زعلت ؟؟
امير بزعل : اولا دي مراتي واحترامها من احترامي وانا قلت لك اتفاهم معها ،،بس ولا سمعت كلامي
خالد : ماتزعلش يا امير والله فقدت اعصابي وبعدين كله كف واحد اخدته
امير بهدوء : بابا لو تقطعني انا مستحيل افتح بؤي اما ريم رجاء ما تمدش ايدك عليها اذا غلطت انا اتفاهم معها
خالد بهدوء : خلاص ليك عليا مش امدي ايدي عليها بس انت ماتزعلش تعال ادخل
امير ببرود : متفق مع واحد من صحابي خارج معاه
سها : امتى راجع الوقت دلوقت اتأخر ؟؟ وبعدين قبل شوي رجعت
امير ببرود،: مش عارف اي ساعة هرجع
سها بهدوء : ماشي بس ما تتأخرش
هز امير راسه وبعدها استأذن وطلع
نفخ خالد بضيق وقعد على السلم
************قصص منه محمد******
دخلت الصبح المطبخ وكان الجناح هادي استغربت الهدوء وافتكرت انه امير النهارده شغله بالمستشفى فتحت التلاجه وعملت لها كوبايه حليب
قعدت على الطربيزه وبصت للكوبايه الي في ايدها ومسحت دمعه نزلت غصب عنها افأفات بضيق وفضلت تشرب الحليب بهدوء بعدها راحت لغرفه النوم وفتحت اللاب وقعدت تتابع بعض المنتديات عشان تنسى الي حصل
بعد اذان الظهر قررت تنزل تحت واستغربت العيال ما لهمش صوت لبست عبايه وحطت الطرحه على راسها فتحت باب الجناح وطلعت شافت احمد ومصعب في اخر الصاله يلعبوا بلايستيشن

 

 

 

راحت لهم وسحبت الاسلاك من الكهرباء
مصعب بانفعال : ليه كدا ؟؟
ريم مدت بوزها : ليه ما ناديتوني العب ؟؟
مصعب : كنت نايمه ورفضتي تصحي
رجعت الاسلاك بالكهرباء وقعدت على الارض
وبدأت تلعب معاهم وفضلت تضحك وتهزر معاهم ونسيت كل حاجه
*******************
رجع من شغله في المستشفى تعبان وراح للجناح يبدل هدومه وينزل سمع صوت ضحكها بص في اخر الصاله كانت بتلعب مع مصعب واحمد وتضحك رفع حاجب ولا كأنها هي اللي انضربت امبارح
اتوقع يرجع يلاقيها قافله الباب على روحها وحالتها حاله مش قاعده تلعب وتضحك دخل للجناح وهو مستغرب من حالها
**************قصص منه محمد**********
على الغداء قعدت بهدوء قبل ما يوصل عمها خالد
رامي بابتسامة : ياتري ناويه تدرسي ايه يا نسرين ؟؟
نسرين بدلع تغيظ ريم : بفكر ادرس لغه عربيه
امير بهدوء : ممتاز
رامي: ليه ما تدرسيش لغات ؟؟
قاطعهم دخول خالد قال السلام وقعد
كان يسرق النظر لريم
اللي كانت تكلم احمد وتبتسم والوضع عندها عادي
حس وشها منتفخ واثار لون احمر على وشها

 

 

 

 

بس عادي تضحك مع احمد ولا كأن حصل حاجه لو واحده تانيه كانت ما نزلتش لاسبوع بس حس بعيونها انكسار حزن يغلب عليها بريق الالم على الرغم انها بتضحك بس تحسها مكسوره من جواها
بص لامير لقاه مشغول بعياله ولا هو هنا
خالد متيقن من انها انظلمت كتير وانحرمت كتير من غير ذنب واكبر ظلم ليها انها اتجوزت من امير صحيح انه طيب وهادي بس عنده عياله اهم حاجه عنده ما بيشوف اهتمامه ليها كونها عروسه
وهي صغيره ليه تبدأ حياتها مع شخص متجوز وعنده عيال كان نفسه يجوزها رامي لانه هو الشخص اللي هيقدر يسعدها.. بس قدر الله وما شاء فعل كل شيء قسمه ونصيب
مش عارف ليه قلبه بيحقد عليها البنت دي يمكن عشان لسانها الطويل ينرفزه نفخ بضيق وكمل اكله
كانت تاكل شوي شوي وتهمس ل احمد وتبتسم
احمد بطفوله : بابا خدنا على المول النهارده !!
لطيفه : يا جدووووو خدنا على المول
خالد بهدوء : خلاص جهزوا نفسكم بعد العشاء نروح
روان : عاش بابا
عصمت : اه و الله في كم غرض نفسي اشتريه من يله هاوصيكم عليه
خالد : ليه ما تطلعيش معنا ؟؟
عصمت : ماليش خلق خليني هنا احسن
سها : وانا معاك يا خالتي وضعي ما يسمحش اروح الف في اي حته
خالد : خلاص براحتكم
ورجعوا يكملوا اكل بهدوء
*********************
جهزت لطيفه ونزلت عند جدتها
وسألت بهدوء : امتى جدي راجع؟؟
عصمت: والله مش عارفه بالظبط
سها: ندي فينها مش بتيجي ؟؟
ريم بهدوء : كلمتها النهارده بتقول جنى قرفتها في عشتها وعشان خاطرها مش عاوزه تطلع متغلبه فيها
عصمت : الله يكون في عونها
سها لريم : إلبسي طرحتك اظن انهم خلصو صلاة العشاء
ريم بهدوء : لا مش عاوزه اروح
عصمت: روحي غيري جو
ريم بصتلها بهدوء وجواها مع مين تروح
بنات عمها مش بيكلموها…لا ام ولا اب ولا حد تتسوق معاه حتى جوزها ما بيسألش عنها وندمت المره الي فاتت انها طلعت معاهم لانها هي والكرسي واحد
سها : روحي معاهم وتتسوقي مع نجوي رايحه معاهم
ريم بهدوء : ما ليش نفس اطلع واذا مضيقين من وجودي حالا اطلع على الجناح
الجده رفعت حاجب : ليه بتقولي كدا ؟؟ والله مش مضايقة من وجودك
سها حست ريم عيونها تلمع بالدموع : زعلانه مع امير ؟؟ او رفض انك تروحي؟؟
ابتسمت ريم بهدوء : لا والله قلت للطيفه تقولو مش رايحه
الجده : براحتك

 

 

 

 

رن موبيل سها
ردت بهدوء الو…………طلعت مع نسرين………..مش عارفه ……. اسأل لطيفه عنها يمكن معاهم …….مع السلامه
رفعت ريم نظرها لحماتها
سها: ده رامي بيسأل عن اميره
هزت الجده راسها وفضلوا يرغوا وريم مستمعه
اتصل خالد بسها
الو ………اه هنا ………..لا مش عاوزه تروح ……مش عارفه ………..
سها بصت ل ريم : عمك بيقولك تعالي معاهم
ريم بهدوء : لا مش عاوزه
سها رجعت تكلم خالد : مش عايزه تروح …………..
سها لريم : بيقولك دقيقتين تكوني عند العربيه
ريم والعبره خانقتها : مش عاوزه اروح
مدت سها الفون لريم : كلميه
اخدت ريم الموبيل وبصوت مخنوق : الو
خالد : دقيقتين تكوني عند العربيه
ريم بهدوء : تعبانه مش قادرة اطلع
سكت خالد وبعدها تكلم : براحتك
قفلت ريم الموبيل وعطته لسها
الجده : ايه الي بيوجعك ؟؟
ريم بهدوء : ولا حاجه
بعدها وقفت : انا طالعه على اوضتي انام نعسانه
سها: ماشي
طلعت ريم من الصاله
الجده بهمس : من القصه كدا شكل مانعها تطلع
سها : يمكن حتى ما اتصل يسأل ليه اتأخرت لانه منعها تطلع ليه بقي يسأل
ثواني ورن الموبيل
سها الو ………..طلعت تنام ……….لا ما فيهاش حاجه
ارهاق بسيط ………مع السلامه

 

 

 

الجده : امير ؟؟
سها: ايوه وبيسأل عن ريم ليه ما نزلتش
الجده بتحليل : مش امير اللي مانعها طيب ايه اللي يخليها ترفض تروح ؟؟
سها : والله ما انا عارفه يا خالتي
وكملوا كلامهم ولا علي بالهم بالمسكينه دي
*
*
يوم جديد
قاعده بالصالة بعد الفطار وتسمع من لطيفه ومصعب عن مغامراتهم امبارح
ريم بابتسامة : لطيفه انتي قلتي لامير اني مش عاوزه اروح ولا مصعب الي قال له ؟؟
مصعب : لا لطيفه قالت له وقال بابا براحتها
انقهرت ريم من رد امير
وصرخت عليهم : غوروا من وشي
لطيفه : خليني اكملك
ريم وقفت بضجر : لا اروح انضف المطبخ افيد لي
**************
قاعد مع عمه نادر بالمكتب
نادر : لانك فالبدايه بكره تتعود على المستشفى والسهر وتتأقلم معاه
امير بهدوء : ان شاء الله
نادر : النهارده هتنتقلوا للبيت الجديد ؟؟
امير : اه بعد العصر
نادر بهدوء : الله يبارك لكم ان شاء
بص امير في ساعته : استأذن خلاص وقت البريك
نادر ابتسم : مع السلامه
طلع امير من المكتب سرحان وهو بيفكر
ومستغرب طول فتره البريك وهو قاعد معاه ولا سأله عن بنته !!!
رفع امير نظره بعد ما صدم بشخص ورفع حاجب وبصله
صقر بابتسامة : سلامات يا دكتور فين عقلك ؟؟
ايهاب بابتسامة : هو عنده عقل اصلا
امير رفع حاجب : غيورين
صقر مسك ايد ايهاب وبص لامير بقرف : معوق
يالا يا ايهاب ورانا اشغال مهمه
ابتسم امير وطنشهم وراح لمكتبه
وخلال دقايق رن موبيله رفع الموبيل واستغرب رقم مش مسجل عنده
فتح خط بهدوء : الو
صوت بنت ناعم : الو
امير بهدوء : اهلا
البنت : انت الدكتور امير ؟؟
امير بتقل : نعم يا انسه اي خدمه
صوت البنت بتكلم حد جنبها: ده الدكتور امير رقمه صح يايي
ورجعت تتكلم : دكتور امير انت جديد عندنا في المستشفى ..تصدقني لو قلت لك انا تعبت اد ايه وانا بلف علي رقمك من اول ما شفتك حبيتك
امير بابتسامة وهو بيمشي : والله ؟؟

 

 

 

 

البنت : ممكن اقابلك ؟؟
وقف امير ببرود : ممكن يا قلبي بس انتي دكتوره ولا ممرضه هنا ؟؟؟
البنت بدلع : مش مصدقه انك وافقت على طول كدا
امير بصوت عالي وهو واقف وراي باب
مكتب صقر : لأ صدقي يا عمري وفتح الباب وبص لايهاب اللي ماسك الموبيل
وصقر حاطط ودنه على السماعه يسمع
بصلهم امير بدهشة وعيونهم مفتوحه
امير بابتسامة : انا بنفسي جيت لك للمكتب ما فيش داعي تهدري رصيد كفايه يا حلوه
نزل ايهاب الموبيل بذهول : ازاي كشفتنا ؟؟
قفل امير الموبيل وضحك : ههههه لان خططكم فاشله عادي تطلع من اللي ما عندوش عقل ؟؟؟ صحيح افتكرت دي الاشغال المهمه يا صقر ؟؟
ولعب بحواجبه
صقر : صدقني هيجي يوم وارفعلك ضغطك واخليك بركان ثاير بس استني المقلب الجاي
ضحك امير: هههههه فعلا انك سخيف يالا عن اذنكم
وبص لايهاب قبل ما يطلع : اه متتصليش بيا
يا حلوه مش فاضي دلوقت هههههههه وغمزله
*******************
نضفت المطبخ ومقهوره لحد الان
وهي تقلد صوت امير: براحتها
افتكرت جدها ما كلمتهوش من ايام هتحاول لما يرجع تشكي له مع انها عارفه انه مش هيساندها لان امير بالموضوع وجدها عنده امير ما حد يوصل درجته
طلعت من المطبخ وكانت الصاله فاضيه الظاهر ان مصعب ولطيفه طلعوا
دخلت غرفه النوم واتصلت بجدها بعد كم رنه فتح خط
ريم بهدوء : الو
الجد بترحيب : اهلا اهلا والله بالي قاطعه ميه ونور ولا بتتصل بيا كل يوم ليه
ريم : اتصلت بيك قبل ايام

 

 

 

قاطعها جدها : المهم اخبارك يا حلوه ؟؟
ريم حست بالعبره خنقتها لما كلمت جدها : امتى راجع بقي ؟؟
الجد حس فيها حاجه : مالك يا بنتي صوتك بيقول انك مضايقة ؟؟ حد زعلك ؟؟
ريم وكأنها قنبله موقوته : مش بخير يا جدي سافرت سبتني هنا لعمي خالد
الجد بهدوء : قال لك حاجه ؟؟
ريم ببكاء : مش بس قال ده ضربني
الجد بانفعال: ضربك ؟؟؟ ليه ضربك ؟؟
ريم وتمسح دموعها : لاني ضربت نسرين
الجد تنهد بهدوء : ليه ضربتيها ؟؟
ريم وطلعت شهقه منها وهي بتفتكر كلام
نسرين الي جرحها : جدي انت عارف نسرين ولسانها دايما تتعمد تجرحني وتهيني قدام بنات عمي تعايرني
ريم ببكاء مش قادرة تكمل وبصعوبه ضغطت على نفسها .تعايرني ان امي وابوي اتبروا مني وان عمي خالد مسح بيا الارض على الغداء
ليه انا حظي ناقص ما ليش سند يحميني ما لقيتش حاجه اقهرها بيها زي ما قهرتني والشاطر يرمي عليا كلام ويعايروني هي مش زي عايشه عند امها وابوها
مدلعينها ومش حرمنها من حاجه ليها اخوات مش زي وحيده منبوذه
ما فيش حاجه اعايرها بيها ما لقيتش غير اني اضربها اخفف من اثر كلامها اللي زي السم
اتنهد الجد : امير قال ايه؟؟
ريم من بين دموعها : ما كانش موجود لما انا ضربتها
دخلت الجناح وقفلت الباب ولما طلع عمي خالد وسمع من نسرين اني ضربتها فضل يتوعد ليا ويخبط على الباب علشان افتحه بس انا رفضت لاني عارفه انه هيدفني مكاني حتى من غير ما يسمع مني بعدها وصل امير ونسرين فضلت تعيط وقالها الا لازم ياخد حقها مني ليه يا جدي يوقف ضدي ليه ؟؟
مش انا مراته !! المفروض يوقف في وشهم ويقول لهم دي مراتي ومسمحش لاي حد يمسها لو بكلمه وطلب مني افتح الباب
لما فتحته هجم عليا عمي خالد وعطاني كم قلم
وبالغصب بعده امير عني علشان ضربت نسرين عصب عمي خالد ليه هو كسر ايدي ولا حد اهتم ليه ؟؟
ليه كدا حظي ؟؟
علشان انا ما ليش اب ؟؟
علشان ابوي متبري مني ؟؟
وبضعف كملت ….دايما بتحسسوني اني جاية من الشارع مش كأني بنتكم كل الي يكون متضايق ييجي يطلع غضبه فيا
قاطعها الجد وهو يسمع بكاءها : خلاص لما ارجع هعملك كل الي يطيب خاطرك
ونسرين حسابها عندي اذا ما نزلت واعتذرت لك ما اكون سليمان شديد .بس اهم حاجه مضيقيش خلقك ومتعيطيش ماشي ووعد مني اليوم تنزل وتعتذرلك
ريم بهدوء وصوت شهقاتها طالع : . شـ–شـكـ-ر ا
الجد بهدوء : يالا مسحي دموعك ومتزعليش نفسك

 

 

 

وبعدها استأذن وقفل الخط
اتنهدت ريم و حاسه نفسها ارتاحت شوي فضفضت من الضغوط اللي جواها
رمت نفسها على السرير وهي بتمسح دموعها
………
رن موبيله ووفكره صقر فقرر يطنشه
رن مره تانيه
مسك الموبيل واستغرب
فتح خط بهدوء : ايوه
الجد بعصبية :كتك اوه ليه مش بترد من اول رنه
امير ابتسم : انا فالمستشفى
الجد بزعل : ايه اللي سمعته ؟؟
وكمل من غير ما ينتظر اجابه
ليه ابوك ضارب مراتك ؟؟
امير ببرود : ايه عرفك ؟؟
الجد : جدتك قالت لي
امير بهدوء : بيقولوا ضاربه نسرين
قاطعه الجد بنرفزه : ليه ما وقفتش في صف مراتك ودافعت عنها وخليت اختك الزفته تعتذر من ريم ؟؟ مكنتش مستنيها منك تقف ضد مراتك كلكم ضد الضعيفه!!
امير بجديه : والله يا جدي بعدت ابوي عنها وبعد ما طلع سألتها عن الموضوع وانا ناوي اخلي نسرين تعتذر ل ريم اذا كانت نسرين غلطانه

 

 

 

بس لما سألتها ايه الي حصل بالظبط رفضت تقولي ولا حتى عبرتني وانت عارفني يا جدي مش بحكم الا اذا سمعت من الطرفين
وانا سمعت من نسرين ما سمعتش منها فمش هدخل الا اذا سمعت من الطرفين عشان اقدر احكم بينهم
الجد بهدوء : والله عرفك بس مش عاوزك تظلم البنت دي زي ما غيرك ظلمها عاوزك لما ترجع تنزل نسرين وتعتذر من ريم لان نسرين هي الغلطانه
امير رفع حاجب : وايه الي عرفك يا جدي ان نسرين غلطانه ؟؟
الجد بحزم : لا متفكرش اني مسافر مش عارف حاجه ولا داري بحاجه صحح معلوماتك دبه النمله بتوصلني ومنتظر اتصالك عاوز اسمع اعتذارها بنفسي
اتنهد امير : ان شاء الله
وبعدها قفل الخط
*************************
في غرفه نسرين
نسرين بغرفتها تبكي بقهر : لو اموت مش هنزل اعتذر لها
سها: عارفه جدك وعناده ما تعمليش مشاكل
نسرين بنهيار: انا جدي يمسح بيا الارض علشان الزفته ريم ويهددني لما يرجع امير من الشغل
اذا ما نزلتش معاه واعتذرت مش هيحصل طيب
روان بغيره : الريم دي لاحسه عقل جدي
سها خلقها ضيق من الحمل : انت حره انا حذرتك من عصبيه جدك
وبعدها طلعت ورجعت نسرين تبرطم بقهر
دخل امير بهدوء بعد ما دق الباب : يالا ننزل اعتذري قبل الغداء
نسرين بقهر : يرضيك اختك تنذل علشان ست ريم ؟؟
امير ببرود : والله انا ما سمعتش من الطرفين عشان احكم بس جدي بيقول عليك الحق
يالا شيفاني تعبان وعاوز اتغدى وانام ما تأخرينيش
اغسلي وشك وتعالي انا واقف مستنيك هنا

 

 

 

وقفت نسرين بعصبيه وبقهر دخلت الحمام وغسلت وشها وطلعت وهي بتنشفه
كانت قاعده بالصالة وتنتظر على نار امتى تيجي نسرين وتعتذر لها
قررت تقعد بالصاله على اللاب و تظهر انها ما تعرفش عن اي حاجه انشغلت بالمنتديات وبعد مرور وقت انفتح باب الجناح
ما بصتش وهي مندمجه مع المنتدى ونسيت الاعتذار
دخل امير وبهدوء : ادخلي يا نسرين
رفعت ريم راسها وافتكرت ومثلت انها ما تعرفش حاجه
رفعت حاجب باستغراب وهي شايفه نسرين
نسرين بتعالي : انا اسفه
سمعت صوت الجد على السماعة الخارجيه : خليها تسلم على ريم وتحب راسها
نسرين بقهر قربت من ريم ونفذت الامر
ريم ابتسمت بنصر
الجد : اديني ريم
مد امير الموبيل لريم
حطت ريم على السماعة الداخليه : الو …….
ابتسمت وبصت لنسرين وامير وقالت اه ……………راضيه ……….اه………….اه……….ان شاء الله ………مع السلامه
قفلت الخط وبصت ما كانش فيه الا امير
مدت الموبيل له بس مسك ايدها بهدوء وبصلها بتشكيك : انت حكيتي لجدي ؟؟؟؟
ريم بتمثيل : انااااا ؟؟
ابتسم امير ابتسامه خفيفه وهو متأكد انها هي اللي قالت لجدها بس كان نفسه يعرف ايه الي قالهولها جده
سابها بهدوء : انزلي تحت الغداء جاهز علشان نجهز باقي الاثاث
دخلت الجناح الجديد وهي بصاله بنظره تقييميه
كان اكبر من الجناح في بيت جدها
كان واقف وراها : خلي عنك التأمل دلوقت خلينا نرتب العفش وبعدها ارجعي للتأمل
لفت ريم وشها ومدت بوزها بضجر وهي بصاله ورقبتها مرفوعه عالاخر علشان تشوفه : يعني الخدم ايه وظفتهم ؟؟
مد ايده بهدوء على راسها ورسم على شفايفه ابتسامه ونزل راسها : لا تنخلع رقبتك وانت باصه فوق هههههه
ريم كشرت ملامحها وبصوت هامس : سخيف
سمعها بس اتظاهر انه ما سمعهاش : انت قلتي ايه؟؟
ريم وهي تتكتف : بقول ايه فايده الخدم ؟؟؟

 

 

 

امير بهدوء حازم : انا مش بحب حد من الخدم يلمس حاجاتي او حاجه عيالي لينا ايد ليه ما نخدمش نفسنا كله على الخدم هم كمان بشر ليهم طاقة لاحتمال الشغل يعني اذا رتبتي حاجاتك بتنقصي ؟؟؟
ريم رفعت حاجب : ارتب هدومي اه بس ماليش دخل بهدوم لطيفه ومصعب بس
وعطته نظره كلها عصيان وتمرد
بصلها باستغراب ما توقعش ريم اللي رسم لها شخصيه بعقله قبل ما يقابلها كدا
صورتها بمخيلته كانت اجمل من الواقع
اتنهد وهو يتكتف : عندك حق مش ملزومه بحاجه عيالي بس ملزومه بحاجاتي انا وبصلها بحده بعدها ارخى ملامحه
خلاص انا ارتب هدوم عيالي وانت رتبي هدومي وهدومك
ومشكوره مقدما ورماها بنظره فيها عتب
ريم بندم من طول لسانها حكت راسها باحراج
من تصرفها : انا اسفه خلاص انا هرتب كل الهـ….
قاطعها بعجرفه : لا شكراً
رفع شنط لطيفه ومصعب ومشى كم خطوه
بس مسكت ايده : خلاص انا ارتبهم مش قصدي
قاطعها بعصبية اول مره تشوفه كدا : والله ما ترتبيهم مش محتاجين منك خدمات متعرفيش لو رتبتيهم تاخدي اجر دول يتامى صغيرين بس مش عارف عقلك ازاي بيفكر
بعد ايدها عنه بهدوء وراح غرفه عياله
حطت صوبع ايدها في بؤها بندم
نفخت بضيق وومشت ودخلت لغرفة النوم ترتب باقي الحاجات
****************************
وقفت وهي تحط ايدها وراه ضهرها
من التعب بعد ما كملت من ترتيب الحاجات دخل بهدوء وراح للتسريحه
قعدت على السرير بتعب وهي تراقب حركاته راح للدولاب وفتحه
بعدها فتح كل ابواب الدولاب وهو يبص لباقي الهدوم مبعثره ولا تنتمي للترتب بصله
نفخ بضيق وبصلها وهو يكتم عصبيته : بتسمي ده ترتيب ؟

 

 

 

ريم ببراءه : والله تعبت وانا برتب فيهم
امير بحده رفع ايده ويشاور علي الدولاب : ده ترتيب وقسم بالله يمكن طفل ابو سنتين يرتب افضل منك (افاف بضيق)انا مش عارف شغلك ده غش والا ايه بالظبط ؟؟ بتستهبلي عليا
وقرب من الدولاب وفرغ كل الهدوم
وبحزم : رتبيهم من جديد انا طالع وراجع بعد وقت وقسما بالله اذا كان مش مرتب لا تعيديه من جديد انت دلوقت كبيره مش صغيره لازم يكون عندك تحمل للمسؤوليه اكتر من كدا
بصلها وهو مش عاجبه طريقه حياتها وطلع
نفخت ريم بضجر وهي تردد بنفسها : لا ياشيخ اعصابك
وفضلت تردد وهي تقلده : بتسمي ده ترتيب تف عليك كلب احول اخخخ يا قهري يقطع المسؤوليه وتعبها
بصت للهدوم بعجز وقرف ونفخت بصوت عاااااالي
*************قصص منه محمد ********
نزل من السلم وكان بيطل السلم على صاله كبيره
سها كانت واقفه بالصاله شافت
امير نازل من السلم : امير تعال
نزل من السلم وهو متنرفز الترتيب والاناقه والنضافه شئ رئيسي بحياته
مش بيرتاح يقعد بمكان مش بيلمع قرب من امه : نعم يا امي
سها : ليه كدا مضايق ؟؟
ابتسم امير مجامله والضيق باين على ملامحه: لا يا امي مافيش حاجه بس تعبان من الشغل ومارتحتش وعاوز انام
سها: ربنا يعطيك العافيه كملتوا ترتيب ؟؟؟
امير مسح على شعره الطويل بتعب : حاجه مصعب ولطيفه اترتبوا بس فاضل حاجتي انا وريم قاعده دلوقت ترتبهم
سها باعجاب : ما شاء الله معرفش ان ريم شاطره وخلصت ترتيب حاجات العيال والله نشيطه
ابتسم امير مجامله وجواه يعزي نفسه هو لدلوقت متنرفز من ريم
امير جواه…ال نشاط ال اي نشاط ده واي شاطره دي ترتيب الهدوم ولا بتعرف ترتبهم يارب صبرني بقي بس سكت ولا قال كلمه مش بيحب خصوصيات بيته تطلع حتي لو كان امر تافه ويصبر نفسه بكره تتعلم وتتعدل علي ايده بس هيحتاج لوقت
افأف بضيق وبص لامه : اقعدي يا امي ارتاحي وغمز لها بابتسامة خفيفه (علشان البيبي
دفعته امه عنها بخفه ووشها احمر من الكسفه : مش هلوم طوله لسان ريم مدام انت جوزها
ضحك امير : هههههههه والله عاوز راحتك
سها تحاول تغير الموضوع : ابوك فين من ساعه ما خرج مرجعش ؟؟
امير : والله مش عارف
دخل رامي بابتسامة
امير : اهلا بالعريس
رامي بابتسامة : فين الفرح باقي اسبوع !!
سها بفرحه وفخر باصه لعيالها : النهارده الاحد وفرحك يوم الخميس خلاص هانت
قاطعهم احمد وهو بيجري : ماما شوفي مصعب الزفت
امير رفع حاجب مش عاجبه : انت قلت ايه؟؟ مين الزفت ؟؟
احمد بخوف من امير : عيط
سها بضيق : ليه بصتله كدا ؟؟ عجبك دلوقت اهو عيط بس شاطر على اخواتك وبعض ناس لسانهم مترين مش قادر تقصه
فهم امير نغزتها بس ما ردش قرب لاحمد
ورفعه وهو يراضي فيه : خلاص يا بطل انا بهزر معاك

 

 

 

واحمد يبكي
امير بص لامه وهو طالع : انا هاخدهم على السوبر ماركت اراضي ابنك الدلوع قبل ما يجي ابويا ويفتح مجلس تحقيق
سها بابتسامة : ربنا معاك
******************************
دخل الجناح بهدوء بعد ما رجع من السوبر ماركو
بص في الصاله مفيش حد
راح لغرفه النوم وهو يتوعد اذا ما كانتش الهدوم مترتبه زي ماهو عاوز دخل وفتح عيونه على وسعهم يعني ده انصدمت صراحه
مش لدرجه الاهمال !!
مش للدرجه توصل معها ترمي كلامه بعرض الحائط قرب والهدوم زي ما سابها على الارض وحضرت الاميره النائمه كانت على السرير
كتم غيظه من تصرفاتها الامباله وغمض عيونه ووهو يستغفر ربه هزها بالخفيف ماردتش
وقف وصرخ باسمها : ريم
فزعت من النوم وبصت حواليها وكأنها مش مستوعبه
بعدها بص للمكان وبصتله وهي تقفل وتفتح بعيونها بعدها فتحتهم
شاور علي الشنط بهدوء:ممكن افهم ايه من التصرف ده؟؟
بصتله وحكت جبهتها : هاه
شاور تاني بهدوء : ممكن افهم ايه من التصرف ده ؟؟
بصتله بغباء….. امير مش عارف ازاي الجحش صقر قال عنها متفوقه بالمدرسه بصراحه مش راكبه عقله
لان تصرفاتها فالبيت مش بيدل غير على الغباء
بصلها وهو مستني الاجابه
ردت : اي تصرف وهي تتاوب
صرخ عليها : ريم قاعده تستهبلي عليا ؟؟
نطت بخوف ووقفت وهي تبص للهدوم حسها صحصحت بعد الصرخه : والله من التعب مش عارفه ازاي نمت
بصلها امير ومش عارفه ليه زعل عليها يمكن تكون تعبانه
اخد نفس وبهدوء : طيب روحي اغسلي وشك وارجعي علشان نرتبهم
هزت راسها ومن ملامحها ظاهر عليها الخوف وفي نفس الوقت الضجر
قعد امير على حافه السرير انتظرها
رجعت وراحت للهدوم قرب منها يساعدها
لكنه اتفاجئ بيها تبعد خطوه وتغطي وشها بايدها
استغرب تصرفها سألها بهدوء : فيك ايه مالك عامله زي الهبله كدا
نزلت ايدها بشويش وعلى ملامحها الاستغراب بس ما تكلمتش زي ما توقع افتكرته اني عاوز يضربها غريبه البنت دي والاغرب تفكيرها

 

 

 

اتنهد وحب يطمنها : متخافيش يا هبله مش هضربك مع انك عاوزه كسر راسك على كسلك بس امرنا لله يالا تعالي اساعدك بالترتيب واعلمك
هزت راسها وقربت وملامح التردد لسه علي وشها
وقف يرتب معها وهي هاديه ما تكلمتش بحرف مطيعه غالب عليها طابع الحزن
بعد وقت من الهدوء
امير من غير ما يبصلها : انا اسف اتعصبت عليك بس مش تلوميني لاني اذا شفت شيء مش مرتب اتنرفز واتعصب واتمني عشان نتفادى النقطه دي تخلي الجناح علي طول نضيف ومنظم وبالنسبة لمصعب ولطيفه مش مجبوره تقومي بالاهتمام بيهم وترتيب هدومهم وانا من بكره هشوف لهم مربيه ولو تعبانه ليه ما قلتليش كنت انا رتبتهم بنفسي!!!!
وهي ترتب من غير ما تبصله : مش تعبانه
ومصعب ولطيفه مش مجبوره اهتم بيهم جدتهم موجوده وعماتهم موجوين وبعدين مش صغيرين عشان تجيب لهم مربيه خليهم يعتمدوا على نفسهم
بصلها وهو مندهش كانت بتتكلم بحقد وكراهيه وكأنها فعلا زوجه اب بمهاره
امير ببرود : بتتكلمي كدا علي عيالي وانت لسه صغيره اومال بكره لما تدخلي الجامعه هتعملي ايه فيهم ياااه للدرجه دي بتحقدي عليهم وبتكرهيهم؟؟!!!
من دلوقت بقولهالك على بلاطه دخلنا بالمعروف نخرج بالمعروف مش طايقه عيالي ومش عاوزاهم او مضايقه من وجودهم نتقابل عند المأذون بكره
ريم بتفاجئ : تطلقني ؟؟؟!
امير بدون اهتمام : والله اذا مراتي حاقده على عيالي وتنغص عليهم عيشتهم بقولهالك بصراحه متشرفنيش تكوني مراتي

يتبع..

لقراءة الفصل التالي: اضغط هنا

لقراءة باقي حلقات الرواية اضغط على (رواية ورده في المزبله 2)

تعليق واحد

اترك رد