روايات

رواية ورده في المزبله 2 الفصل التاسع 9 بقلم منه محمد

رواية ورده في المزبله 2 الفصل التاسع 9 بقلم منه محمد

رواية ورده في المزبله 2 البارت التاسع

رواية ورده في المزبله 2 الجزء التاسع

ورده في المزبله
ورده في المزبله

رواية ورده في المزبله 2 الحلقة التاسعة

طلع امير وهو ماسك ايد لطيفه فجأة وقفته
ست كبيره بالسن من مشيتها : السلام عليكم يا بني
امير بهدوء : وعليكم السلام
كانت الست ساكته وعينها على ريم
امير :عاوزه حاجه يا حجا
الست بتردد : عاوزه رقمك !!
امير بتفاجئ : رقمي ؟؟!!
الست : متفهمنيش غلط بس عاوزه اخطب بنتك (وشاورت على ريم )لابني ما شاء الله مهندس وعنده بيت واسع اد الدنيا
امير ببرود : بس يا حجا
قاطعته الست: انا مستعده اديك العنوان وتسأل بنفسك الناس عنه وعن اخلاقه
ريم ابتسمت على كلام الست
امير ينهي النقاش : ما عندناش بنات للجواز
الست بحزم : والله ما تروح من هنا لحد ما تديني الرقم انا البنت عاجبتني الله
واستني شوي ابني دقايق ويوصل علشان يشوفها وتكون نظره شرعية وكحركه جريئة مسكت ايده
وبسرعة نفض امير ايده عنها وبعد ثواني وهو يستوعب الوضع
طلع كرت فيه رقمه وقرب من الست وهمس لها بكام كلمه وابتسم وعطاها الكرت وبص لوري وشاور لريم تتبعه
طلعوا من المول وراحو للعربيه
وبعد دقايق رن موبيل امير ابتسم
ورد بهدوء الو ……….صدقني لتندم على المقلب ده………مستحيل تقدر تستفزني ………هههههههه والله عرفتك لما مسكت ايدي مش ايد ست ابدا ……… ههههه بس جبت منين أدوات التنكر دي يابن الذينا ………..عارف يا صقر كنت بفكر افضحك فالمول ونشوف هيطلعك ايه من المشكله………..والله عادي اعملها ……..طيب حسابك بعدين ……… صدقني هاتتعب ….انا طبعي كدا بارد ……..هههههه طيب غور دلوقت ……… عمي الدبب ان شاء الله …….يالا غور
قفل الموبيل وهو يبتسم وبعدها حرك العربيه
مصعب بدلع : بابا اشتري لي شكولاته
لفت ريم وشها وبصت لمصعب بقرف من دلعه الرخم وصدت وشها ناحيه الشباك
بصلها امير ومش عاجبه حركتها وحب يرفع ضغطها شوي لانه مش بيحب حد يتعامل مع عياله
كدا : من عيوني يا بابا عاوزني اجبلك ايه؟؟
معصب بدلع يفقع المراره : امم بابا عاوز عصير
لطيفه بدلع قربت من كرسي ابوها : وانا يا بابا

 

 

 

 

وطلع صوت مصعب ولطيفه وطول الطريق : بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا بابا
ريم حست ان راسها مش قادره تتحمل الازعاج ده كله
بدون وعي صرخت : وبعدييييييين ؟؟؟؟
بصلها امير بتفحص ووقف العربيه بهدوء على
جنب الطريق : ايه التصرف ده ؟؟؟
ريم بصتله بعصبية مكبوته وصدت وشها ناحيه الشباك
مصعب بخوف : بابا ليه ريم تعبانه ؟؟
لطيفه : ليه بتصوت كدا زي المجنونه ؟؟
امير بهدوء : ما فيهاش حاجه بس راسها وجعها من صوتكم العالي خلاص اهدوا لحد ما نوصل البيت اتفقنا
مصعب ولطيفه قعدوا وكتفوا ايديهم بطريقه مؤدبه : اتفقنا
القى نظره عليها وهي صاده وبعدها حرك العربيه
وساد الصمت بالمكان
******************
تاني يوم
هيفاء بتعالي : وانت جوزك فين ليه قاعده هنا ؟؟
بصتلها ريم من فوق لتحت باشمئزاز : ما يخصكيش
هيفاء : لما تكلميني تتكلمي عدل يا حوثاله
ريم وقفت وهي تتخصر : عادي لما انتي تتكلمي معايا عدل مع انك انتي الي حوثاااااااله
هيفاء وقفت وبعصبيه : شفتي يا امي بعينك شفتي قليله الحيا بتقول ايه
الجده بنهر : ريم وبعدين معاك ؟؟ امتى تحترمي الاكبر منك امتى ؟؟؟
ريم وهي تتخصر : والله اذا كان محترم احترمه اما اذا كان
قاطعتها سها بحده :ريم وبعدين معاك دي عمتك !!
ريم ضحكت باستهزاء : تعرفي كنت بفكرها الشغاله
هيفاء بعصبية : لهنا وبس مسمحلكيش ابدا جوزها فين دي يجي يقص لسانها مش بتحترم حد
ريم قعدت وحطت رجل على رجل : جوزي خرج مع صحبه يتمشى
هيفاء نفخت بضيق ووبصت ل امها : طول ما الحربايه دي في البيت مستحيل ادخله
ومسكت شنطتها وطلعت من المكان
عصمت بعصبية : بعدين مع لسانك الطويل ؟؟ ليه مش بتحترمي حد ولا بتعملي حساب لحد
ريم بلامبالاه : من عداله بنتك هيفاء
نجوي وهي تشاور بايده : خلاص اسكتي اعوذ بالله من لسانك
* ***************
كان قاعد مع صديقه بالمطعم رن موبيله
بص علي الاسم واستغرب
استأذن من صديقه وبعد شوي وفتح الخط : الو ……
اهلا عمتي …….الحمد لله ……ليه ايه الي حصل………………………………………….. …………………….
………………………………………….. …………….
………………………………………….. ……………

 

 

 

 

قاطع عمته قبل ما تخلص الشكاوي : خلاص يا عمتي هيحصل بس انا دلوقت مش في البيت
لما ارجع اتفاهم معها …………خلاص ولا يهمك ………….احنا نخرج وانت تدخلي …………خلاص ان شاء الله …….مع السلامه
قفل الخط ورجع عند صديقه
صاحبه : سنه وانت بتتكلم بالموبيل مليت وانا قاعد لوحدي اكتر من نص ساعة
امير بابتسامة : مشكله بسيطه خلينا نكمل ها كنا بنقول
صاحبه رجع ضهره للكرسي : عن الدراسات العليا وانك قررت تكمل دراسات عليا
امير بابتسامة : اها صحيح
صاحبه : تقدر توفق بين وظيفه ودراسه وبيت وعيال
امير : ان شاء الله اقد….
قاطعه رنين موبيله
بص في الموبيل وابتسم باحراج لصاحبه : بس دقيقه
صاحبه نفخ بضيق : اذنك معاك
بعد امير عن صديقه ورد عالموبيل
اهلا يا ماما ………..مالها ريم ؟؟؟ ………………
طيب لما ارجع يحصل كل خير ……….خلاص ان شاء …….مع السلامه
رجع عند صديقه وهو يبتسم باحراج
امير : وصلنا لفين بالكلام
صاحبه ابتسم :كنا …
قاطعه رنين موبيل امير
قفلت ملامحه صاحبه
امير ابتسم بس دقيقه بعد شوي
الو …………..لا والله ما يحصل ………..طيب ادهالي…………..طيب خلاص يا جدتي لما
ارجع اتفاهم معها ريم دي………ان شاء الله مع السلامه
نفخ بضيق ورجع عند صديقه
وبعد ربع ساعه رن موبيله فتح خط الو
مصعب : بابا الي اسمها ريم اخدت الشكولاته كلها واكلتها
امير بهدوء : طيب يا بابا الكيس اللي اشتريتهولك امبارح افتحه وخد منه
مصعب بقهر : اكلته كله وورفضت تديني منه
امير اتنهد بقرف : خلاص يا بابا لما ارجع اشتري لك اتفقنا
مصعب بقهر وشوي ويبكي : اتفقنا
قفل الخط
صاحبه : ده مصعب
امير بهدوء : اه مصعب
رن موبيل ابتسم امير لصديقه
ورد :الو
لطيفه ببكاء : بابا ريم شربت عثيري كله
امير بص لصديقه : خلاص يا بابا دلوقت لما ارجع
اشتري لك
لطيفه : ماشي متتاخرش
امير بهدوء : ان شاء الله بابا يالله سلام
صديقه بضجر : يا أخي بقالي اد ايه ما شفتكش ويوم ما اقعد معاك موبيلك قلب شركه اتصالات
اتنهد امير وهو بيفكر كل الاتصالات شكاوي عن ريم
طول الاسبوع الي عدي بوجوده ما كانش فيه مشاكل كدا بس طلع من هنا اخدت مجدها ست ريم هز راسه بتوعد ورجع يكمل حديثه مع صديقه وبعد نص ساعة اعتذر منه وقرر يرجع البيت يشوف الابله ريم مهببه ايه …..دخل العربيه وقبل ما يتحرك رن موبيله وكان ايهاب

 

 

 

 

امير بهدوء : الو
ايهاب بعصبية : انت طلعت فين ؟؟
امير باستغراب : مع واحد صاحبي
ايهاب بعصبية : قسما بالله انا عملك حساب وعشانك سكت والا قسما بالله كنت دفنتها بمكانها
امير عرف بس اتغابى : مين هي ؟؟
ايهاب من بين سنانه : مراتك المصون وعيالك مصعب ولطيفه
اخد رامي الموبيل من ايهاب : يعني تقبل نكون واقفين احنا والشباب ما نشوفش الا الميه فوق راسنا
امير مسح على وشه : خلاص انا راجع ونشوف المشاكل دي
رامي : احنا سكتنا احترماً ليك
امير وهو ينهي : تشكر خلاص انا راجع دلوقت
قفل الخط وحرك بهدوء وقبل ما يدخل البيت
سمع صريخ ابوه : ريم بقولك انزلي
ريم وهي تضحك : خلاص اخر مره يا عمي
خالد بعصبية : بقولك انزلي
دخل وشاف ريم على الدرابزين بتتزحلق
خالد انتبه لامير : عاجبك واحده متجوزه وحالها كدا مش صغيره تتزحلق كدا عيب!!
نزلت ريم وحطت صوبعها في بؤها بتورط بطريقه طفوليه
اتنهد امير وبص لريم بهدوء : ريم ورايا ع فوق
طلع السلم وراح دخل للجناح
ريم بصت لعمها بلوم
خالد رفع حاجب :وري جوزك بسرعة
لوت ريم بوزها وطلعت وهي تسمع عمها يشتم ويصرخ
دخلت الجناح رجل قدام ورجل وراه قفلت الباب وراها وما تحركتش من مكانها
وهي باصه لامير الي قاعد فالصالة ويبصلها وساكت بعدها بدقايق شاورلها تقعد على الكنبه اللي جنبه
قربت ريم بتردد وقعدت على ابعد كنبه
امير بهدوء : ليه كدا يا ريما ؟؟؟
ما ستناش منها جواب كمل كلامه
من الاسبوع الي فات ما طلعتش مع صحابي والنهارده لما قررت اخرج يادوب اقعد مع صديقي براحه اتهبل كل شويه الموبيل يرن شكوي منك
ريم بعباطه : ليه ما قفلتش موبيلك وارتحت من الازعاج ؟؟
امير : يعني ده الحل اللي عندك ؟؟
طيب ومشكلتك مع عمتي هيفاء اتصلت تشكي منك
ريم افتكرت هيفاء وقلبت ملامحها
امير بهدوء : بتقول انك شتمتيها وقلتي عنها حوثاله صح الكلام ده ؟؟؟
ريم بانفعال : اه قلت لها بعد ما قالت عني حوثاله وشتمتني
امير بهدوء : حتى لو غلطت فيكي دي عمتك المفروض انك تطنشيها ،،ومالوش داعي لسانك يرد عليها..رجاء ما تعمليلي مشاكل مع عمتي يعني حتى لو كان عليها الغلط ده مش مبرر انك تشتميها
ريم بحده : يعني هي من حقها تشتمني عادي
امير ببرود : خلاص قعده فيها عمتي هيفاء ما تقعديش فيها وانتهينا
لوت ريم بوزها مش عاجبها
امير : وامي اتصلت تشتكي منك ليه ؟؟
ريم بتبرير : والله ما عملت حاجه بس فتحت على النت وفضلت اقر لها واخد رأيها بأسماء بنات علشان لما تولد يكون الاسم جاهز وبعدها فضلت تصوت في وشي
امير قاطعها : قلت لك امي بلاش تحرجيها في الموضوع ده خلاص انسي انها حامل عاوزه انتي ايه منها ان شاء يسموها عفريته مالكيش دعوه اتفقنا خلاص مش عاوز اسمع انك فاتحه مع امي موضوع الحمل وجدتي مهببه معها ايه اتصلت تشتكي منك ؟؟
ريم ببراءه : لاني حلفت يمين في حفله نجاح اميره ونسرين ما اجهزها وهي عصبت مني
امير : بس هي قالت لي انك بتقوللها ياعجوزه النار وومش بتحترميها قدام حد
ريم : والله بهزر معاها
امير عقد حواجبه : لا يا شيخه بتهزري معها !!
هي من سنك عشان تهزري معها ؟؟
انا اهو بنبهك يا ريم اذا سمعت انك قولتي لجدتي عجوزه النار مش هيحصلك طيب عيب احترميها
ريم من غير نفس : ان شاء الله
امير : ومصعب ولطيفه ليه اتصلوا يشتكوا منك ؟؟
ريم فتحت بؤها بغباء : هاه
امير بهدوء : ريم رجاء مصعب ولطيفه ياريت ما تضايقيهم وحاجاتهم بلاش تاخديها اطلبي مني وانا اشتري لك ماتعديش حركات العيال دي تاني ممكن
وقفت ريم وهي بتحاول تفر من التحقيق : ان شاء الله ،،ومشت خطوه

 

 

 

 

وقفها امير بجديه : ع فين ؟؟ لسه ما كملناش !!
ايهاب ووولاد عمك اتصلوا يشتكوا منك عملتلهم ايه هما كمان
ريم باحراج حكت راسها : ها لا بس كنا بنلعب بالميه انا ومصعب ولطيفه ولما كبيناها من البلكونه كانوا واقفين تحت
هز امير راسه بتسليك لكلامها : الحركات دي مش تتكرر ومش عاوز اطلع مكان وتيجيني شكاوي منك اتفقنا
هزت ريم راسها عشان تهرب
امير ببرود : اعمليلي فنجان قهوه راسي صدع بسبب مشاكلك
هزت ريم راسها وبسرعة جريت للمطبخ وهي تنهج ولنفسها : اكلك جحش فتح لي مكتب تحقيق الحمد لله برضه هو ارحم من عمي خالد والا كان رزعني كام كف وكام شلوط
******************
يوم الحفله يوم الخميس
كان الكل يستعد ويجهز لحفله نجاح نسرين واميره قرروا يعملوا الحفله فالبيت بالجنينه
رفضت ريم تجهز الزوج الثلاثي الي شن حرب عليها بعد رفضها ….!!
كانت واقفه قدام التسريحة وتحط مكياج وامير قاعد على السرير وقدامه اللاب يشتغل عليه
وبين لحظه والتانيه يسترق النظر ليها كانت ترتب نفسها بدقه وعنايه وبعد وقت خلصت المكياج وبصت لنفسها بإعجاب راحت لغرفه الملابس ولبست الفستان
كان فستانها لنص الساق لونه فضي ماسك عاري الاكتاف طلعت من الغرفه ورجعت عالتسريحه وهي تهندم الفستان وبعدها بصت علي تسريحه شعرها ورجعت تمشط فيه وتعمل فيه حركات وهو مفرود على طوله
بعد ما خلصت بصت لنفسها كنظره اخيره
راحت للدولاب وطلعت موبيلها واكسوار
وقبل ما تلبسهم قالها : غيري لبسك وامسحي الخرابيش الي علي وشك بسرعة
بصتله ريم بتفاجئ وابتسمت فكرته بيهزر لبست الاكسسوار
بصلها نظره خاطفه ورجع يكمل شغله على اللاب : قلت غيري لبسك وامسحي الخرابيش اللي على وشك واربطي شعرك
ريم عقدت حواجبها : ده بجد ؟؟
امير من غير مايبصلها : لا بهزار !! بقولك غيري لبسك وامسحي الخرابيش الي في وشك
ريم بعصبية مكبوته : لا والله ماليش دعوه مش هغير وهحضر الحفله كدا
امير ببرود من غير ما يبصلها : اطلعي كدا وشوفي وقتها ايه الي هيحصل
ريم بعناد : هطلع كدا واشوف ايه الي هيحصل !!
امير ببرود مبطن بتهديد : جربي تخطي خطوه
ريم بقهر : ليه اخواتك لابسين فساتين عريانه اكتر من كدا وحاطين مكياج عادي وانا ممنوع ليه يعني ليه ؟؟؟
امير ببرود اعصاب وهو مركز علي اللاب : قلتيها اخواتي ابوي مسؤول عنهم وبكيفه اذا سمح لهم اما انت انا مسؤول عنك وكيفي مش عاوزك تلبسي كدا
ريم بزعل :خلاص مش هحضر !!
امير بهدوء : براحتك
انقهرت ريم وضربت رجليها بالارض : ازاي محضرش يعني ازاي ؟؟
بصلها امير ببرود : انت الي لسه قايله مش هتحضري
ريم بقهر : بتتريق حضرتك …انا هاسبني منك خالص وهحضر كدا ولو مش عجبك انا عاجبني بقي
وقف امير وقرب للتسريحه وريم عطياله ضهرها بتظبط نفسها مش منتبه له
مسك قلم الروج وبسرعة فتحه وثبت وش ريم
وفضل يعمل خرايط بوشها بقلم الروج
وبعدها مسك علبه المناكير ووزعها على فستانها ورجع االروج والمناكير على التسريحه
وراح للسرير اخد اللاب وطلع بره الغرفه وقبل ما يطلع بصلها بشبح ابتسامه : لو عاوزه تحضري احضري محدش مسكك ،،وطلع
بصت لنفسها بالمرايه حتى رجليها اتوسخت وانقهرت وقعدت تعيط زي العيال
راحت للدولاب واخدت هدوم تانيه ودخلت للحمام ودموعها نازله شلال
طلعت من الحمام وكانت لابسه بنطلون جينز وبلوزه حرير لونها ازرق غامق
سابت شعرها مفرود بعد ما مشطته
رن موبيلها وفتحت خط …فينك اتاخرتي ؟؟
ريم بقهر ودموعها على خدودها : مش هحضر
عصمت باستغراب : ليه ؟؟
ريم بقهر : إسألي حفيدك

 

 

 

 

عصمت : ايه الي حصل ؟؟
ريم وهي بتبكي وتشهق :ربنا ياخدني وارتاح من الدنيا
و قفلت الخط مقهوره ازاي متحضرش الحفله
تموت على حاجه اسمها افراح وحفلات
ويجي بكل بساطة يخرب كل تجهيزاتها
راحت للسرير ورمت تفسها عليه وغطت نفسها كلها وفضلت تعيط وتشهق
**********************
كان قاعد سمع دق على باب الحناح : ادخل
فتحت الجده الباب ودخلت
وقف امير : اهلا يا جدتي
الجده بلوم : عامل ايه بريم ؟؟
امير فتح عيونه : هي كلمتك ؟؟
عصمت قربت منه : لا والله انا اتصلت بيها علشان تنزل وقالت مش هتحضر سألتها عن السبب قالت اسالي حفيدك وبعدها قعدت تدعي على نفسها وهي بتعيط وقفلت الخط
انت ضربتها
ابتسم امير : والله ما ضربتها وانتي تعرفي يا جده اني بكره حاجه اسمها ضرب
الجده : طيب ليه بتعيط وتدعي على نفسها ؟؟
امير ببرود : ما فيش حاجه
الجده : طيب ليه مش عاوز تخليها تحضر ؟؟
امير اكره ما عليه حد يتدخل بخصوصياته : انا ما منعتهاش تحضر الحفله
الجده اتنهدت : ودلوقت ؟؟ اكيد الناس هيسألوا عنها لازم تحضر !!
امير مسك اللاب : انا ما عنديش مانع تحضر بس
قولي لها زي ما قولتلها تنفذ شروطي وانتهينا
عصمت مش عاجبها كلامه : وايه هي شروطك ؟؟
امير ببرود قهر الجده : هي عارفه بس انت قولي لها
كدا وهي تعرف
هزت راسها الجده وراحت ودخلت للغرفه
قربت منها : ريم يالا قومي ما بقاش وقت على الحفله
ريم من تحت الغطا : لا مش هحضر
الجده سحبت الغطا عنها : ازاي ما تحضريش وانت عروسه والكل عاوز يشوفك دلوقت
ريم بعصبيه : ربنا ياخدني وتشوف الناس جنازتي علشان ارتاح
ودفنت وشها بالمخده
حاولت الجده فيها بس رفضت وهي دافنه وشها بالمخده
اضطرت الجده تسيبها بعد ما فشلت بإقناعها وحست انها اتاخرت على الحفله
فضلت دافنه نفسها بالمخده وهي تبكي
طلعت الجده من الغرفه ووبصت لامير : كدا تفضحونا قصاد الناس نقول ايه بس ؟؟
امير ببرود بصلها
الجده بعصبية طلعت من الجناح
بعد دقايق دخلت سها بعد ما دقت الباب
شافت امير قاعد بالصاله وقدامه اللاب ومندمج معاه
سها تحاول تظبط اعصابها : فين ريم ؟؟
امير ببرود شاورلها على غرفه النوم
سها بغضب : وليه ان شاء الله مش عاوزه تحضر ؟؟؟

 

 

 

 

امير وبهدوء : يعني بتكلموني وكأني حالف يمين عليها ما تروح !!! انا ما منعتهاش تروح هي رافضة تحضر بكيفها
سها بقهر : عاوزين تفضحوني قدام الناس ؟؟!
اكيد هيسألوني فين مرات ابنك اقول لهم ايه ساعتها ؟؟
امير : ادخلي عليها وقوللها تروح انا ما عنديش مانع
سها : وايه هي شروطك خالتي بتقول عندك شروط ؟؟
امير ببرود : هي تعرفهم
سها بقهر : يا برودك افففففف طيب ايه سبب المشكلة ؟؟
وقف امير : مين قال في مشكله ؟؟؟
سها بعصبيه : لا متجننيش جدتك بتقول البنت مموته نفسها عياط وانت تقول ما فيش حاجه ايه الي حصل انطق
قرب من امه وباس راسها وشاورعلى الغرفه : ريما هنا قوللها تنزل وانتهينا
بصتله بغيظ ودخلت الغرفه
قربت لريم : ريم ريم يالا اتأخرنا قومي جهزي نفسك مفيش وقت على الحفله
ريم وهي دافنه وشها بالمخده وصوتها مبحوح : مش هحضر
وبقهر رفعت راسها ورمت المخده بعيد عنها
مش هنزل يا رب اموت وارتاح من العيشه دي
وفضلت تمسح دموعها
دخل امير بهدوء وبصلها وبعدها راح للدولاب طلع له هدوم ودخل للحمام
سها : ازاي يعني ما تنزليش عاوزه تفضحينا قدام المعازيم ؟؟ طيب ايه سبب المشكلة ؟؟؟
ريم وهي تمسح دموعها بطفوله : محصلش حاجه وخلاص انا مش هنزل
سها واعصابها بدأت تفلت : ازايييي يعني مافيش حاجه وحالك حال يلا قومي البسي
ريم وقفت بعصبية : والله والله والله والله ما انا حضره الحفله
سها بحزن وقفت وطلعت من الجناح بزعل
راحت ريم للمطبخ وفتحت االتلاجه وفضلت تشرب ميه قفلت التلاجه وطلعت من المطبخ شافته لابس
والظاهر انه خلاص هيطلع فتح باب الجناح وطلع بهدوء
رجعت لغرفة النوم ودفنت نفسها تحت الغطا
ودموعها على خدودها وراحت في سابع نومه
فتحت التلاجه وهي حاسه ان راسها مصدع
اخدت كوبايه ميه وراحت للطربيزه اخدت حبيبتن برشام وشربتهم عشان يروح وجع راسها … قعدت على الكرسي وهي ضاغطه على راسها بعد ثواني حطت راسها على الطربيزه وغمضت عيونها
وهي تشتم نفسها غبيه لو غيرت هدومي وحضرت
الحفله اكيد نسرين واميره بيقولوا عني غيرانه عضت على شفايفها بغيظ
واكيد دلوقت الزوج الثلاثي شمتانين فيا غبيه ..غبيه …غبيه وطول عمري هفضل كداغبيه رفعت راسها لما حست حركه بالمطبخ
شافت امير عند الغاز بيعمل قهوه
استغربت وقفت وقربت عنده وهي حاسه بالندم ما كانش فيه داعي للمناحه اللي عملتها
ولو ما عاندتش ماكانش حصل الي حصل وبتردد وصوت مبحوح : ناولني اكمل عنك
بصلها ببرود ورجع يجهز القهوه
ريم وحست انه زعلان : ارتاح انا اجهزها
طنشها وولا بصلها ..كانت واقفه محتاره تعمل ايه
جهز القهوه وهي بصاله
بعدها راح للطربيزه واخد فنجان واحد وحطهم على الطربيزه وقعد وسكب له فنجان كانت ريم تتابع حركاته بدقه
راحت وقعدت قصاده وبتردد : أأأانا آسفه
شرب من فنجان القهوة ولا عبرها ولا كأنه في شخص قاعده قدامه
ريم جن جنونها ازاي جوزها يزعل منها فضلت تفكر بأي موضوع تفتحه علشان تكلمه
وفجأة لمعت الفكره براسها : اصحي مصعب ولطيفه ؟؟؟
طنشها ولارد عليها
ريم بندم : انا اسفه انت زعلان مني ؟؟
وقف وهو رافع فنجان القهوة ومن غير ما يبصلها : لما تحفظي اسرار البيت وقتها ارد عليكي
وطلع من المطبخ
قامت وراه بسرعة وهي تردد : والله ما قلت لجدتي حاجه بس قلت لها مش عاوزه احضر
طنشها وطلع من الجناح
ضربت رجليها بالارض بقهر ومشت مستغربه لطيفه ومصعب تصحبهم

 

 

 

 

دخلت غرفهم واستغربت انهم مش موجودين
دخلت غرفة النوم وطلعت اللاب وقعدت على النت وحست راسها خف وجعه شوي
تاني يوم الظهر
فركت عيونها وهي باصه علي اللاب سمعت دق على باب الجناح قامت بكسل تفتح الباب سألت من وراه
الباب : مين ؟؟
الشغاله : انزلي الغداء جاهز تحت
ريم بهدوء : اوكي
راحت للغرفه ولبست من غير مرايا
طلعت بهدوء وراحت للدرابزين ترفهه عن نفسها شوي واتزحلقت
بعدها دخلت لصاله اللاكل
دخلت وكان الكل موجود ماعدا الجد اللي لسه مسافر قالت السلام بصوت هامس
خالد بحده : كل يوم صوتك يلعلع في البيت وعند السلام تهمسي همس
طنشت ريم وما ردتش وقعدت كالعادة جنب احمد
بصت لامير اللي مندمج مع عياله بصت في الاكل ومسكت الملعقة بشرود
ريم ….. لامتي هتبقي حياتها كدا؟؟ المفروض هي اللي تزعل مش هو !!
مغرور وشايف نفسه قال اسرار اي اسرار بيقول عنها ؟؟!!
انا كل الي قلته مش عاوزه احضر وما قلت لهم السبب
ليه زعل ؟؟ وبعدين امه انا ما قلت لها !!
نطت على صوت مزعج: مطوله وانتي شارده ؟؟ من اول ما قعدنا وانت ماسكه المعلقه!!
بصت لخالد الي كان بيبيصلها وكأنها قتلت امه
وقفت ريم بهدوء : الحمد لله
خالد بحده : ارجعي اتغدي مش فاضيلك نبتلي فيك بالمستشفيات
عصمت بهدوء : خالد مابراحه على البنت ؟؟
خالد بغل : كل تصرفاتها مش عجباني !!
وبص لريم : اقعدي
بصت ريم لامير كان مشغول ويحط اكل للطيفه انقهرت ولا كأنها مراته المفروض هو يدافع عنهاحتى ولا اهتم من اول ما قعد وابوه ينفخ عليها ولا اتكلم
قعدت ريم وحاسه الدموع خانقتها
سمعت نسرين بتقول بصوت منخفض : ناس ما تيجيش الا بالعين الحمره
امير بحده : نسرين ابلعي لسانك جوه زورك احسن لك وعطاها نظره قويه
نسرين بقهر اول مره امير يكلمها كدا: وانا قلت ايه عشان تكلمني كدا ؟؟ كله علشان ست الحسن والجمال ؟؟
امير لاول مره يطلع صوته كدا على اخواته : نسسسسسيرين
نسرين بخوف من امير : اسفه
خالد بص لنسرين بقوه : انا لما اكلم بنت عمك ما تدخليش فاهمه
قاطعته عصمت : خلاص حصل خير كملوا اكل
نفخ خالد بضيق ورجع يكمل اكله مسكت ريم الملعقة وبعدها رجعتها مكانها

 

 

 

 

مسكت قطعة عيش صغيره وفضلت تاكل فيها شوي شوي بعد وقت كمل الاغلب اكله وريم لسه بتمضغ في قطعه العيش
قام امير واخد معاه عياله ما بقاش على السفره الا الجده وسها وخالد
خالد بهدوء : مش عاجبك الاكل ؟؟
بصتله ريم وعيونها تلمع بالدموع وما ردتش ونزلت راسها
خالد بهدوء غريب : انا اسف كملي اكلك واذا مش عاجبك اشتريلك وجبه من المطعم
ريم مستحيل تقبل الشفقة من حد عارفه ومتأكده ان خالد شفقان عليها
والا ما كان قال كدا !! هي وصلت للحد وبقت مثيره للشفقه اذا خالد الحجر شفق عليها !! مستحيل تسمح لحد يشفق عليها
اخدت نفس ورفعت راسها وهي تبتسم : مش جعانه يا عمي والا كنت شفتني دلوقت اكلت السفره كلها
وبعدها وقفت وهي تبتسم : عن اذنكم
طلعت من الصاله
عصمت نفخت بضيق : ليه عملت فيها كدا ؟؟ على الاقل خليها تاكل لقمه وبعدين تفتح اسطوانتك
خالد بندم : والله يا امي مش عارف لما بشوفها بحس براكين الحقد كلها تتجمع وندمت لانها ما اكلتش حاجه بس اضايقت لما قالت لي سها انها مزعله من امير انا تيجي عند امير وبس ما اسمحش لحد يضايقه او يزعله ونسرين دواها عندي
سها بهدوء : خلاص هدي اعصابك وكل شيء ينحل
عصمت : ابوك النهارده اتصلت بيه مش بيرد… كلمك ؟؟
خالد بتذكر : اه بالحق فكرتيني اتصل ابلغهم بصفقه مهمه
وبعدها وقف واستأذن وطلع
…………………..
قاعده بصاله tv قصاد امير
وهو مطنشها يكلم رامي
دخلت عصمت وسها
الجده بصت لريم بعد ما قعدت : ريم قومي اعملي قهوه لجوزك
امير بهدوء بص لجدته : لا يا جده شربت قبل شوي
وبص لريم : اعملي قهوه لامي وجدتي
قامت ريم بهدوء ومدت القهوه لام امير والجده
وبعدها رجعت مكانها
بعدها استأذن رامي وطلع
سها : دلوقت انتم الاتنين موجودين ممكن اعرف ايه الي حصل امبارح ؟؟
عصمت: وماتقولوش مافيش حاجه ده رد ما يدخلش الدماغ ببصله بايظه
بصلهم امير ببرود : محصلش حاجه
قاطعته امه بزعل : بقيت انا غريبة عنك وتتكتم وما تقولي
امير بهدوء : شوفي يا امي انتي على عيني وراسي بس بحب اقولك وده انا بقوله قدامها (وشاور علي ريم) اه فيه مناسبه ممنوع تطلع وهي حاطه مكياج والفستان يكون بكمام وطويل وشعرها ممنوع يكون مفرود غير كدا ما عنديش
ريم باتفعال لا ارادي: لا والله
عصمت بنهر : ريم
وقفت ريم وبصت لجدتها : سمعتي قال ايه ؟؟؟
سها مش عاجبها كلام امير: حفله من غير مكياج ازاي يعني؟وفستان بكمام ؟؟؟ يا امير انت بتتكلم بالعصر القديم مافيش فساتين كدا!!!
الجده : وبعدين فستانها امبارح انا شفته ساتر !!
امير ببرود : بالنسبة ليا مش ساتر ودي شروطي نفذتها اسمح لها تحضر ما نفذتهاش تقعد في اوضتها
بعدها وقف وطلع بهدوء
ريم وهي تردح بعد ما طلع : لا والله ..دي حريه شخصيه انا البس الي انا عاوزه ومحدش له حاجه عندي وما اسمحش لحد يدخل
يعني شفتوني سكت ولميت الليله قلتو نستعبدها انا بقولكم من دلوقت انا هلبس الي انا عاوزاه واحط الي انا عاوزاه
سها زعقت : شايفه طلع لك لسان بعد ما طلع ليه ماقلتيلو
ريم قعدت بعصبية : يعني عاجبك ابنك وقوانينه دي!!!
الجده : وبعدين معاك انت الست المؤدبه تمشي
بشوره جوزها ايه الي هتستفديه من الحفلات ده جوزك الظاهر انه زعلان
دخلت نجوي على اخر كلمه : مين هو الي زعلان ؟؟
ريم بهدوء مش عاوزه حد يعرف بالمشكله ويشمت فيها بدون نفس : ما حدش زعلان انتي بتتوهمي
وطلعت موبيلها وفضلت تطقطق عليه
نجوي بنغزه : ليه ما حضرتيش الحفله ؟؟
ريم من غير ما تبصلها وهي تطقطق : ما يخصكيش مزاجي احضر او ما احضرش
سها مش عاجبها تصرفات ريم : وقسم بالله اتصل بامير وابلغه
ريم بعد مبالاه : عادي قوليله

 

 

 

 

مسكت سها الموبيل
لمحت ريم سها مسكت الموبيل
وبعد ثواني قالت :الو
وبسرعة جريت عند حماتها وهي بتقول : والله بهزر
وسحبت الموبيل من سها وقفلته وهي سامعه امير بيقول الو
ريم بلوم : خالتي كل حاجه تروحي تقوليه حرام دي فتنه يعني تحبي تكوني فتانه ؟؟
سها فتحت عيونها : يا قليله الحيا انا فتانه ؟؟
ريم ببراءه : اذا قلتي لامير عني تكوني فتانه
نجوي : عيب عليك ايه الكلام ده
ريم وموبيل سها في ايدها وبصتله وهو بيرن وعطت مشغول
سها رفعت حاجب : هاتي الموبيل
بعدت ريم عن سها وخبت الموبيل وراه ضهرها
ورفعت حواجبها بمعنى الرفض
رجع موبيل امير يرن بصتلو ريم وعطته مشغول
سها بدأت تفقد اعصابها : هاتي الموبيل
ريم بعناد : لا لا علشان تقولي لامير
سها نفخت بضيق : خلاص مش هقوله بس هاتي الموبيل
ريم بعناد : نوووووووو نوووووووووو
رجع امير يرن عطته ريم مشغول
وبعدها بثواني رن موبيل عصمت
وبسرعه ردت الجده :الو
امير : فيه ايه يا امي ؟؟
عصمت بربكه : دي
ريم بصت لجدتها وصرخت : لاااااااااااااااا
وسحبت ريم منها الموبيل من جدتها وقفلته وبعدت عنهم
عصمت فتحت عيونها : يا قليله الربايه هاتي يا بت الموبيل
ريم بعناد : نووووووووووووووووووو
رن موبيل الجده وكان امير عطته مشغول
وخلال دقايق سمعت صوته من الخارج :امي فيه حاجه ايه الصوات الي سامعه ده
ابتسمت عصمت بخبث
بصتلها ريم وجريت وبسرعة حطت ايدها علي بؤها
عصمت وهي بتحاول تبعد ريم عنها : امممم امممم
سها بعصبية : ريم
امير :وبعدين مع الزفته ريم ؟؟
ريم بلوم وصوت منخفض لسها : اللي بيفتن ربنا بيحطه فالنار وتلسعه

 

 

 

 

امير بهدوء : ريم تعالي بسرعة
ريم بصت ل جدتها ومش عاوزه تطلع
عصمت بعصبية : امير قسم بالله اذا ما سحبتها من هنا حالا لساني ما يخاطب لسانك ..قطعها ايه طوله اللسان دي مش بتحترم حد
ريم هزت راسها بالرفض
سها : يالا روحي عند جوزك كتك القرف
ريم هزت راسها بالرفض
امير صوته من بره : ريم قلت تعالي بسرعه
ريم بعناد قعدت وبصوت منخفض : اهون عليك يا خالتي تطرديني ؟؟
سها اتنهدت : خلاص يا امير سيبها
عصمت زعلت عليها : خلاص يا امير روح
امير بهدوء : كلمتي مش بتنيها ريم تعالي هنا بسرعه
سها همست لها : خلاص روحي
ريم بعند هزت بالرفض راسها
عصمت بقهر من عنادها : خلاص شوفي عاوزه ايه وارجعي بسرعه
وقفت لما سمعت صوته الهادي : يعني افهم انها مش عاوزه تطلع
عصمت بسرعه : لا لا دلوقت جايه
وعطتها نظره بمعنى روحي
مشت ريم بره الغرفه بعد ما حطت الموبيلات على الكنبه وهي ماده البوز وتتحلف للزوج الثلاثي
طلعت كان واقف مستنيها
بصلها وبهدوء : اطلعي على الجناح فوق وماتنزليش منه الا لما ارجع
ريم بقهر وصوت منخفض : يعني عقاب ؟؟
امير ببرود : لا مش عقاب بس انا خارج مش فاضي كل شوي تجيني شكوى يالا قدامي اطلعي
طلعت السلم وهي ماده البوز وهو طلع من البيت
*************************************
كان قاعده في النادي مع صحابه وصقر معاهم
صقر وهو بيمسح مكان الضربه : حرام عليك ليه ضربتني ؟؟
امير بابتسامة : علشان تعمل مقلب زي وشك وبدر وعمر حسابهم بعدين يصوروا
لو ما كنتش مغطي على عيونك كنت عرفتك على طول بس صدقني لازم اردهالك والايام بينا
صقر : يا اخي نفسي اشوفك مره مش بارد ومتنرفز وماشي تكسر يمين وشمال مش دايما مروق وهادي قلت خليني اعمل كدا علشان تتعصب
امير ابتسم : قل اعوذ برب الفلق
صقر بستنكار : صفيق اصلا انا غبي مضيع وقتي معاك
بعدها وقف واستأذن وطلع عنده مناوبه بالمستشفى
رجع امير مع صحابه ضحك وانبساط وقفل موبيله خالص احتياطي
***************
طلعت ريم تشوف لطيفه ومصعب ما دخلوش الجناح والوقت اتأخر وعدت الساعه 10
طلعت وشافت في وشها نسرين واميره وروان
بصتلهم ريم وطنشتهم ونادت احمد اللي كان واقف عند السلم
بس وقفها صوت نسرين :لو شفتي يا اميره
بعض ناس بابا مسح فيهم الارض على الغداء بصراحه حزننونيييييييي
اميره بشماته : ليه ما صورتهاش كنتي خليني اضحك عليهم ..!!
ريم باشمئزاز : حطي لسانك جوه ضبك انتي وهي
روان : اصلا هي غيرانه مننا
ريم بقرف : لا يا شيخه يا حسره على ايه اغير دي هَزلت
نسرين قربت منها وشاورت عليها بتعالي : انتي يا قزم على ايه شايفه نفسك المفروض تدفني نفسك امك وابوك اتبروا منك ومش سائلين عنك والا في ام ما تحضرش فرح بنتها ؟؟
ريم جن جنونها وعندها عقده من كلمه قزم
وهي اصلا خلقها ضيق ومخنوقه وزاد خنقها كلام نسرين مش بطيق حد يفكر بامها خير شر مش بطيق كل ما تنسي الماضي الوسخ لازم يفكروها بيه ومن غير ادراك هجمت علي نسرين وشدتها من شعرها بعنف وبعدها عضتها من ايدها وزقتها بسرعه وهربت علي الجناح
وقفلت الباب بالمفتاح
والبنات بصدمه مش مستوعبين الموقف
نسرين ودموعها نازله: والله يا كلبه لتندمي
وخلال دقايق الجوز الثلاثي كان متواجد ومعاهم خالد
نسرين بقهر ودموعها تنزل : شوف يا بابا مكان عضتها
وشوف شعري ازاي قطعته
خالد وهو يكتم عصبيته : انت ما ضربتهاش

 

 

 

 

نسرين وهي تمسح دموعها : والله والله ما ضربتها حتى اسأل البنات هي هجمت عليا وضربتني وبعدها هربت للجناح
اميره : والله يا عمي نسرين ما ضربتها ريم هجمت عليها وضربتها
وكل البنات ايدوا كلامها
راح خالد للجناح ودق الباب وبصريخ : ريم افتحي الباب
ريم من وراء الباب : مش هفتح
خالد صرخ : بقولك افتحي الباب قبل ما اكسره فوق نفوخك
ريم ببرود وهي تمسح دموعها : اذا تقدر تكسره اكسره
خالد بصريخ : رييييييييييييم
طلع الموبيل ورن على امير بس مقفول
شد على الموبيل بقوه
عصمت قربت من الباب بهدوء :ريم من غير مشاكل افتحي الباب
رجع يتصل خالد بامير بس مقفول
من القهر ضرب الباب بقوه : بقولك افتحي الباب
ريم :لا مش هفتحه لو تموت
سمعت صوت : فيه ايه ؟؟
خالد بعصبية : انت كنت فين وموبيلك مقفول ؟؟
خليها تفتح الباب احسن ما اكسره فوق راسها اتفاهم انت معاها خليها تفتحه
امير بهدوء :طيب فهموني الحكايه
خالد بصوت عالي جدا : اقولك انت متجوزه كلبه !!شوف ايد اختك وشعرها
بص امير لمكان ما شاور ابوه
نسرين بقهر : شوف مكان عضتها وشوف شعري ازاي قطعته
بص لمكان العضه مكان اسنانها واضح في اثار للدم خفيف وشعرها منكوش
اتنهد وبص لنسرين : فجأة من الباب للطاق هجمت عليكي؟؟
خالد بعصبية : يعني انت عاوز تطلع اختك غلطانه ؟؟!!
نسرين: مقولتلهاش حاجه كنا بنتكلم مع بعض وبعدها هجمت عليا والله ما ضربتها
وفضلت تمسح بدموعها : لوانت اخوي مش هتقف معايا مين الي هيقف معايا والله حاسه ان راسي طلعت مني من شدها لشعري وفوق ده كله عاوز تطلع الحق عليا انا (وفضلت تعيط و تشهق)
امير مش بيحب يشوف دموع اخواته قرب من نسرين
ومسح دموعها : خلاص انا هاخدلك حقك واوعدك اوقفها عند حدها اذا كانت غلطانه

 

 

 

 

نسرين: اذا مش مصدقني كل البنات يشهدوا معاي
امير بهدوء : خلاص مصدقك بس ماتعيطيش
خالد بعصبيه : سيبك من نسرين وتعالي خلي الكلبه تفتح الباب
اضايق امير من شتم ابوه وبهدوء : بابا اعتقد ليها اسم
خالد طنش : يالا خليها تفتح
قرب امير من الباب وبهدوء : ريم افتحي الباب خلينا نحل المشكله
ريم كانت قاعده وراي الباب وبتمسح دموعها
ما لهاش سند في الدنيا دي كلهم ضدها وخاصه بعد ما سمعت كلامه مع نسرين وهي كانت مستنياه ياخد حقها من نسرين تحس كل امالها اتحطمت فجأة
الشخص اللي كانت تنتظره يبعد شر عمها عنها
طلع الشخص بصف اعدائها بس مستحيل تضعف لهم مستحيل
امير بهدوء : ريم بقولك افتحي الباب
خالد ضرب الباب بقوه : وقسم بالله اكسره فوق نفوخك
ريم من بين دموعها اتكلمت باستهزاء : اذا كسرته بقولك من دلوقت تصليحه عليك
قاطعها امير وما زال محافظ على اعصابه : ريم افتحي الباب
وبعدها بص علي البنات : ليه واقفين هنا ؟؟
روان ونسرين خدوا بنت عمكم واطلعوا من هنا
وانت يا جده روحي ارتاحي انتي وامي
طلعوا البنات وهما متغاظين ميقدروش يقولو لامير لأ
بالرغم من بروده الا له شخصيه بينهم وكلمته ماشيه عليهم
عصمت مش عاجبها : يالا يا ام امير
امير بص ابوه : انا اتفاهم معها وان شاء الله يحصل كل خير اتفضل انت
خالد بعند : مش متحرك من هنا الا لما تفتح وانا اتفاهم معاها
وضرب الباب بقوه : بقولك يا بت افتحي الباب
مسحت ريم دموعها
وهي بتفكر الضرب هتاخده هتاخده …خلاص تفتح وتاخده وترتاح خاصة بعد ما راحوا البنات يعني ما فيش حد هيشمت فيها
دخلت للحمام غسلت وشها ونشفته وراحت للباب
وفتحته وخلال ثواني كان خالد ماسكها وعطيها قلم علي وشها
بعد امير ابوه : بابا
خالد بعصبية : سبني عليها اذا اليوم ما طلعت غلي فيها هدخل المستشفى واموت يابني بقهري ربنا ياخدها رفعت ضغطي
وبحركه سريعه بعد امير عنه وسحب ريم من ايدها
بس مسكه امير :يا بابا سيبها واسمع منها بالاول
خالد بدون وعي : سبني يا امير مفروس منها
امير بهدوء : بابا دي مراتي ومش بحب حد يمد ايده عليها
ساب امير ابوه وبهدوء : اذا بتعزني يابابا سيبها
وسحب نفسه وراح للمطبخ يجيب كاس ميه لابوه لانه متأكد جدا ان ابوه بيعزه ومش هيضربها

 

 

 

 

حمد ربه انه لقى طريقه يبعد ابوه عن ريم
فتح باب التلاجه وسمع باب اتقفل استغرب ليه ابوه طلع قفل التلاجه وطلع للصاله بسرعه شاف ريم واقفه وحاطه ايدها على خدها
وابوه مش موجود
قرب منها وبهدوء : طلع ؟؟
رفعت ريم نظرها عن الارض ونزلت ايدها
عند خدها وبابتسامه هزت راسها بالموافقه
نفخ بضيق وبصلها : ليه كدا يا ريما ؟؟
لازم كل ما اطلع من البيت اغلبهم يشتكوا منك ؟؟
ليه ما تحاوليش تتأقلمي معاهم وتعملي علاقات طيبه مع اخواتي !! ليه تخلي الكل ينفر منك يعني من اول ما رجعت والكل يذمك ويذم طوله لسانك !! ليه ؟؟؟بستفيدي ايه اذا الكل نفر منك ؟؟
دلوقت انت كبيره متجوزه لازم علاقاتك مع الي حواليك تكون افضل من كدا !! ممكن اعرف ليه ضربتي نسرين ؟؟
كانت باصه للبعيد وتسمعلو …مستحيل حد يفهم الي جواها مستحيل حد يشعر بمعاناتها …دايما هي الغلطانه
من اول ما جات هنا من هي طفله الكل ينفر منها ويتقزز منها هما زرعوا الحقد والكره بعلاقتها معاهم
حاولت تنسى وتتأقلم معاهم بس للاسف
قلوبهم سوده حقوده مش بحاجه لصداقة حد !!
عاشت حياتها من غيرهم وتقدر برضه تكملها من غيرهم
رفعت نظرها له وكان ينتظر منها الاجابه : خلاص ضربتها وعمي اخد حقها مالوش داعي نفتح تحقيق
ودخلت للغرفه مش هتقول لاي شخص اللي في قلبها
لو اشكتلو من اخته مش هيقف معها وطبعا هتبقي اخته اولى منها
ليه تتعب حالها وتدافع عن نفسها طلاما من اول ما جات والكل يشتكي من طول لسانها
محدش هيصدقها ويكذب اهله نفخت بضيق وراحت للحمام
تاخد راحتها وتسمح لدموعها بالنزول
تشكي آلامها واحزانها …..
###################
#########
ايه الي بيحصل ده ايه شئ لا يصدقه عقل يخربيتك يا ميرو عنده برود اعصاب اصمالله ولا جراح كلاوي بس عسسسسل اميرو قشطا عليك اديها مترحمهاش …محدش يشتم الشتيمه بتلف وترشق في صاحبها…انا دايما بحب ابطال قصصي الي اسمهم امير من حبي في امير وفريحه الي هو اشتاي اولسوي💗 بموت فيه انت مالكم انا بموت محدش يموت معايا الله🥶

يتبع..

لقراءة الفصل التالي: اضغط هنا

لقراءة باقي حلقات الرواية اضغط على (رواية ورده في المزبله 2)

تعليق واحد

  1. كملي ياقمر الروايه بجد تحفه ومتعبريش حد خالص اكتبي اكتبي واقولك نصيحه اكتبي كأنك بتكتبي لنفسك فقط متخديش رأي الناس في حاجه صدقيني ساعتها هتنجحي نجاح باهر

اترك رد