رواية عفواً لقد أتممت الثلاثون الفصل الحادي والعشرون 21 والأخير بقلم هند حمدي

كانت وعد تقوم بتنظيف المنزل فلقد وصل الي حاله مزريه من الاهمال وعدم النضافه..ووجدتها فرصه حتي لا تتذكر طلب معتز ببقائها هنا وعدم الذهاب لبيته

وبعد انتهائها.. كادت تستريح الا انها استمعت لنقر ع باب المنزل فذهبت لتري من

وعد.. حاضر جايه ثواني..وقامت بارتداء خمارها.. وجدت حسن وسميه ومعهم فتاه تساند سميه

سميه بخضه مالك فيكي ايه ومخبيه نص وشك ليه

حسن.. ندخل الاول يا وعد وبعدين اعرفي كل حاجه

قام بادخال سميه الي غرفتها وتركتها هي والممرضه لتساعدها.. وذهب لوعد ليخبرها ما حدث

حسن…. خلاص بقي يا وعد كفايه عياط قدر الله والحمد لله انها جت علي اد كده….بس انا اسف هتعبك معايا لان رحمه بنتي عند الجيران من ساعه ما حصل اللي حصل

وعد وهي تبكي.. روح هاتها وانا هدخل اطمن علي سميه

دخلت وعد.. فكانت الممرضه تقوم بعمل غيار لها.. فرات وعد ما حدث بوجه اختها فشهقت وارتمت باحضانها

وعد.. حبيبتي يا سميه بعد الشر عنك.. ياريتك ما كنتي روحتي تساعدي ابيه حسن فلورشه واخذت تبكي

سميه.. هو حسن قالك ايه

وعد.. قالي انك روحتيله الورشه وجيباله اكل عشان يتغدي.. وحبيتي تساعدي وهو كان معدي الشارع ومعاه ازازه ميه نار لشغل وكانت فيه عربيه هتخبطك لولا انك شدتي.. فالازازه وقعت عليكي وحرقتلك وشك واخذت تبكي

سميه.. علمت انها خسرت جوهره نفيثه.. فابرغم ما فعلته.. لم يريد تشويه صورتها امام اختها..

وبنفسها ياريتك يا حسن تقدر تسامحني.. ياريت ما طمعت يارتني فضلت عايشه تحت رجيلك اخدمك واسهر علي راحتك… يارتني حفظت عليك.. دلوقتي بس عرفت ان كل ملايين العالم متسويش ضفرك

سمعت وعد والدها ينادي عليها فذهبت له وتركت الممرضه تكمل عملها

وعد خير يا بابا.. ولكن وجدت معتز بجواره

معتز بعصبيه.. ايه يا وعد غلبت اتصل بيكي مبترديش. قلقتيني قلت لاقدر الله حصل حاجه

وعد.بتزمر طفولي.. لا محصلش والتلفون فالاوضه ومسمعتوش

معتز.. يعلم انها غاضبه منه ولكن تركها.. واشعرها انه لم يلاحظ

طيب اتفضلي البسي بسرعه عشان هنروح مشوار مهم

وعد علي فين وبعدين ابيه حسن هيج……

معتز… انا قبلت حسن وقولتله هعدي عليه هناخد رحمه نوديها لماما وبعدين واحنا راجعين ناخدها واتفضلي البسي ونبقي نتكلم فالسكه

وبالفعل ذهبوا الي حسن واخذوا الطفله.. وذهبوا بها الي والدت معتز ولكن وجدوا ريهام هناك فوقع قلب وعد خشيه ان تتصرف معاها بطريقه سيئة

وعد وهي تنظر لريهام.. معتز انا هاخد رحمه واستناك تحت.. ولكن سمعت ريهام تناديها

ريهام… وعد.. انا اسفه وذهبت لها واحتضنتها

وعد.. من صدمتها.. فتحت فمها علي مسرعيه وحدقت عينيها

حسن بضحك عالي.. اقفلي يا ماما العنكبوت هيعملوا عش هههههههههههه

ريهام.. بس ملكش دعوه بيها

وعد انا اسفه.انا غلطت فحقك كتير واهنتك وجيت عليكي.. بس انتي كنتي اكرم مني وعمرك ما فكرتي تردي الاهانه…وصدقيني من النهارده انتي اختي وحبيبتي وصاحبتي

وعد.. مدام ريهام

ريهام بس من غير مدام يا وعد.. افتحيلي قلبي وخلينا نبدء صفحه جديده

فقامت وعد بفتح زراعيها لها واحتضنوا بعضهم

والدة معتز.. احمدك يارب ???? بقي عندي بنتين

فذهبوا لها واحتضنوها..شعرت وعد انها اصبحت فرد من عائلتهم.. ولكن تدخل معتز ليعكر صفو تلك اللحظه

معتز… خلاص يا ماما انتي وهي ببرنامج المسامح كريم دا.. خدي البنت يا ريهام عشان ورانا مشوار سلام يا ماما

وذهب واخذ وعد ورائه .. رغم تزمرها ولكنها لم تعترض

حضر حسن ومعه بعض الأطعمة الجاهزه..دخل الي الشقه فوجد غرفت زوجته مفتوحه.. فقترب منها ليناديها

ولكن لمحها لاول مره تصلي بخشوع.. ولكن علي سريرها

وسمع مناجاتها لربها

يارب انا عرفه ان ذنوبي كتير.. بس مش اكتر من عفوك

عرفه اني ظلمت وافتريت كتير.. بس مغفرتك اكتر يارب سامحني واقبل توبتي.. يارب حنن قلب حسن عليا يارب.. يارب مش قادره اطلب منك الشفا لاني عرفه ان دا عقابي واني استهله وراضيه .. بس طمعانه فكرمك يا كريم

اللهم اغفرلي زنبي واقبل توبتي وتجاوز عن سيئاتي.. اللهم عملني برحمتك لا بعدلك وأخذت تبكي بصلاتها

شعر حسن بالسكينه عندما رائها تلجئ لربها وتطلب منه العفو

صلي علي النبي وتبسم

بقلم #هندحمدي

وعد.. ممكن اعرف احنا هنا بنعمل ايه.. مش نازله الا لما اعرف

معتز… بصي يا ستي فيه مسابقه عملها مطعم مشهور جدا هنا اغلب زبينوا سفره ووزره

.. ومجمع فيها عدد من البلدان العربيه كنوع من تنشيط السياحه.عنده . وانا اشتركتلك فيها بالاكل اللي طلبته منك.. داه كان شرطهم اكله يقيموا بيها المستوي وحضرتك من ضمن اللي اختروهم

وعد… انت بتتكلم بجد

معتز.. لا بهزر.. اتفضلي انزلي عشان كلهم مجتمعين وحضرتك اللي فاضله.. هينسقوا معاكوا كل شي لان المسابقه هتنزاع وهيشفها العالم كله.. يعني لو نجحتي اعتبري نفسك عديتي ومش هنعرف نكلمك

وعد لم تسيطر علي مشاعرها فقامت بتقبيله من وجنته..ربنا يخليك ليا يارب

معتز.. وهو يقوم ببلع لعابه يهدك ربنا احنا فالشارع مبتتهوريش فالبيت ليه هاااه

واخذوا يضحكون.. ودخلوا الي المطعم..فشقهقت وعد من اتساعه وجماله وفرغت فاهها

معتز.. اقفلي ياما هتلمي علينا الناموس هههههههه

وذهبوا لتنسيق وترتيب المسابقه فيجب ان تكون علي مستوي

…

سميه بعد ان استاذنت الممرضة لتنفرد بحسن ولم يمانع حسن.. لان الطبيب اكد علي العامل النفسي لشفاء

حسن ممكن تساعدني اقف..بالفعل قام باسندها حتي وقفت علي قدميها.. وهو امامها فلم تنتظر

فنزلت علي ركبها امامه.. وحاولت تقبيل قدمه وطلب السماح منه

حسن.. رفعها سريعآ.. استغفر اللّٰه..ليه كدا يا سميه استغفرك ربي واتوب.اليك

سميه بندم حقيقي.. انا لوفضلت اللي باقي من عمري تحت رجلك اترجاك واستعطفك واطلب السماح مش هيكفيك حقك

ظل حسن يستمع وهو يستغفر الله كثيراً

حسن انا عرفه اني مستهلكش ولا استاهل حتي ضفرك..

بس انا طمعانه فكرمك واخلاقك العاليه..عوزاك ترجعني لعصمتك وافضلك مراتك حتي لو بالاسم هيكفيني

ومتخافش مش هطلبك باي حقوق.. بالعكس اتجوز اللي تستهلك وتعوضك تعب السنين وانا هعيش بس عشان اخدمك واربي بنتي

حسن…. تعرفي يا سميه لما معتز سئلني عن مشاعري ناحيه وعد قولتله ايه

فلاش باك

حسن.. تعرف يا معتز لو كلامك دا جه بدري كام يوم كان ردي هبختلف وكنت هندم ندم عمري

صحيح انا كنت بكن مشاعر لوعد.. بس ربنا يعلم ان عمري ما حولت اعمل شئ يغضب ربنا بالعكس كنت دايما بعتبرها امانه وبحافظ عليها.. بس قلبي اتفقل علي كدا

بس لما حصل موقف ادامي قلبي اتهز بين ضلوعه

لما شفت سميه كانت هتروح ادام عيني حسيت ان روحي بتنسحب من جسمي.. طلع فيه حب مكنتش ملاحظه

اسمه حب العشره.. حتي لو مكنش قلبي اختارها.. بس مراتي وام بنتي وعشرت عمري حسيت ان ربنا بيديني اشاره..عشان اخد بالي وينور بصرتي

من الاخر يا معتز.. ويشهد ربنا علي كلامي ان وعد اختي اللي مولدتهاش امي واني دايما هكونلها اخ وسند.. وعوزك تطمن ان عمر وعد ما كانت ليا.. لان دا نصيب ومكتوب

سميه التي تلألأت دموع الفرحه بعينيها..يعني افهم من كدا انك ىتحبني وعوزني حتي وانا متشوها

حسن.. يا هبله وهو لو انا مش ناوي اردك كنت فضلت معاكي فالاوضه لوحدينا.. هقول ايه نصيبي وغمز لها

بس ليا شرط.. اياكي والحرام واوعي ترجعي للي كنتي بتعملي لاني خلاص مش هسمح بده

سميه.. خلاااااااص حرمت ياسي حسن

حسن..تنحنح بصوت عالي حمممم ايوه كده وضحكوا من قلوبهم

صحيح ياسي حسن انا هعملك توكيل عشان تاخد الفلوس اللي فالبنك لاني عهدت ربنا اني مش هاخد قرش واحد منهاا

حسن..بجد.. متعرفيش انا فرحان بتغيرك اد ايه وكنت ناوي اني مصرفش علي علاجك منهم جنيه واحد انشألله ابيع حتي الهدمه اللي عليا

سميه عندمآ سمعته ونبره السعاده الواضحه علمت انها ضيعت اغلي ليالي عمرها ع البخث وان الجوهره الحقيقه هي زوجها

وعد يا معتز.. انا مش عرفه انت مصمم متدخلش ليه

معتز.. يا وعد انتي زنانه ليه قولتلك قولي للحاج شاهين وحسن اني عوزهم بليل فموضوع مهم جدا مصيري.. وعوزك تتشيكي مفهوم

وعد بغيظ.. والله ما فهمه حاجه.. اقولك انا هقولهم وهركز بالمسابقه يلااا اشوفك بليل

صحيح وابقي هات معاك ست رحمه اللي شبطانه فمعتز بن اختك من وقت ما شفته

معتز وهو يغمز لها.. طالع خلاصه لخاله

دخلت وعد وهي سعيده بالرغم بشعورها بغصه لابتعاد معتز عنها.. ولكن ما قدمه لها لم تحلم به في اقصي احلامها

معتز..يا ساامي المعاد مهم اظبط معايا كدا.بالثانيه فااهم

اه صحيح الخبراء الالمان عملوا ايه ردوا علي العينات اللي بعتها حسن

بتكلم جد يعني خلاص هنمضي العقد النهائي اخيرا اللهم لك الحمد وساكت با بايخ من الصبح اما اشووفك

سامي..طيب بالمره صينيه بسبوسه وانت جااي ههههههههههههه

انتظروني…. والخاتمه ..

يتبع..

الخاتمة..

ذهبت وعد الي الداخل.. فوجدت سميه وزوجها يضحكون ويتوسطهم شاهين والدها.. فالقت السلام وشعرت بالسعاده.. لرؤيه عائلتها سعيده

فانضمت لهم.. وشاركتهم المزاح واخبرتهم كيف تعلقت ابنتهم باطفال ريهام.. واخبرتهم بماجئ معتز مساءآ

واخبرتهم بموضوع المسابقه التي تقدم بها معتز باسمها

وتمنوا لها جميعا التوفيق.. وخاصه سميه بعد ان شعرت بمدي حبها لها

في تمام السابعه مساءآ اتي معتز ومعه باقه زهور واستقبله الحاج شاهين وحسن

وبعد ان اتت وعد قدم لها باقه الزهور وهو يقبل يدها.. مما جعل وجنتها تشتعل خجلآ

معتز.. ممكن اميرتي تقبل مني الورد اللي جمالك غطي عليه

وعد.. لم تشعر الا ودموع الفرحه تلألأ بعينها وهزت راسها بالموافقه

معتز… بعد اذنك يا عمي انا هاخد وعد واطلع علي مشوار.. وهو يغمز لحسن دون ان تراه

شاهين.. يابني دي مراتك يعني من حقك تاخدها وقت ما تحب

معتز… ياعمي هي فبيتك دلوقتي يبقي امرها فايدك

شاهين.. ابتسم له.. اتفضل يابني ربنا يهدي سركم ويسعدكم

كانت وعد ترتدي فستانآ أوفويت وبه ورود صغيره مع سلسله بسيطه علي شكل قلب وحزاء نفس اللون مما أعطي لها مظهر العروس

وعد.. ممكن اعرف هنروح فين دلوقتي

معتز لم يتحدث ولكن اخذها وذهب الي الروف الخاص بمنزلهم

طيب احنا طلعين هنا ليه ممكن افهم

لم ينطق بحرف كان صامت وهي بيده تعلو درجات السلم ورائه.. حتي وصلوا الي الروف

وجدت وعد الورود تملئ المكان والارضيه ووجدت من يناديها

وعد..كانت والدة معتز واخته وزوجها والاولاد جميعهم

ووجدت بعدها سميه وزوجها وهم يساندون السيد شاهين واجتمعوا جميعا

ووجدت منضده خلفهم.. ووجدتهم يجتمعون حولها ومعتز يقزفها ناحيتهم

وبصوت واحد كل سنه وانتي طيبه يا وعد.. يلااااا حالا بالا حيوا ابو الفصاد.. هيكون عيد ميلاده الليله اجمل الاعياد فالتحيا ابو الفصاد هااااااااه

معتز… الذي جذبها امامه وقبل راسها كل سنه وامرتي طيبه وبخير

انا حطيت شمعه واحده عشان عمرنا بدء من السنه دي

وعد.. انا مش عرفه اقول ايه.. بجد انا لساني عاجز عن الكلام

معتز.. احسن بردوااااا..يلاااا نقطع التورته احسن انا قولت مليش حظ فالرومانسيه

فقاموا بالغناء لها وقامت بتقطيع التورته واطعمت الجميع منها حتي وصلت لزوجها.. فاخذها منها واطعمها بفمها.. فنظرت لها وارادت ان ترتمي باحضانه ولكن كانت خجله من ذلك الجمع

معتز… احممممم يا حاج شاهين انا انا جاي وجايب عائلتي معايا.. عشان يشرفني اني اطلب ايد بنتك ربه الصون والعفاف الانسه وعد

شاهين… يابني ماهي مراتك هتجوزها مرتين

معتز… لا المره اللي فاتت كانت الظروف جبرها انما دلوقتي هي ليها مطلق الحريه تختار.. وياحاج عشان نبقا علي نور انا مجنون وبغير ها قولتوا ايه

حسن…رايك ايه يا عروسه.وغمز لها. انا لو منك افكر ????????

وعد التي شعرت ان قدميها لم تعد تتحملها من فرحتهاا

اخذت تهز براسها مواااافقه والسعاده باديه علي وجهها

فقامت كل النساء باطلاق الزغاريط ريهام وولدتها وسميه

فذهب معتز.. ووضع يده بجيبه واخرج علبه صغيره.. بها دبل الخطوبه.. فسحب يدها وقام بالباسها الدبله وقبل يدها مبروك عليا انتي وربنا يقدرني واسعدك واعوضك عن كل اللي فات وقام باعطاها دبلته

فاخذتها بايدي ترتجف… فقرر ان يمازحها قليلا. وقعيها بقي وافضحينا ونضيع السهره فالتدوير عليها.. فضحكوا جميعهم

البسته وعد الدبله.. ربنا يقدرني واسعدك واكون زوجه صالحه تفتخر بيها

وقاموا بعدها بتشغيل الغناء فاصبحت حفل لعيد ميلادها وخطوبتها ايضآ واخذوا يرقصون ويمرحون حتي اصبحت الساعه الحاديه عشر

معتز.. معلش يا جماعه ممكن نفضي السطح شويه وتسبوني مع عروستي وشويه وهننزلكم مش كدا يعني مش من اولها كتمين ع نفسي حتي غلط علي صحتي

نزلوا جميعهم واصبحت وعد مع معتز وحدهم

صلي علي النبي وتبسم

وعد جلست علي احد المقاعد واخذت تفرك بيدها من التوتر

معتز… خايفه

وعد.. طبيعي.. دي حياه جديده بس انا عرفه انك عوض ربنا لياااا وراضيه به

معتز… بكره هعدي عليكي الساعه 12 نروح للجواهرجي عشان تنقي شبكتك

وعد.. دبلتك عندي اغلي من ايه دهب تاني

معتز…. وعد اللي اقوله مفهوش نقاش فيه كل تفصيله صغيره هنعملها عمري ما هقبل اظلمك.انتي مش اقل من ايه بنت اتخطبت . وبعدين انا يتقالي امرك ياسي معتز ولا انا مليش نفس ولا ايه يعني????

كانت عقارب الساعه دقت منتصف الليل

وعد.. نعممممم ولكن لم تكمل جملتها بسبب قطع الكهرباء فتشبثت به معتز انا خايفه

معتز.. بس يا فقر.. ولكن وجدت بعدها السماء تضئ وظهر قلب وبداخله ( بحبك يا وعدي).. وبعدها عدد من الشماريخ وجاءت الكهرباء فور اختفاؤه

معتز.. حبيت مع اول دقيقه فاعيد ميلادك تبقي هديتي ليكي اسلمك قلبي وعمري.. تقبلي يا وعد تكوني اميرتي وسندي وفرحه عمري اللي ربنا كان شيلهالي.. وام اولادي

وعد لم تشعر الا وهي ترتمتي باحضانه وشهقاتها اصبحت عاليه .. واخذت تتحدث يارب كنت متاكده انك هتعوضني خير بس مكنتش متخيله هيكون كدا اللهم لك الحمد كما ينبغي لجلال وجهك وعظيم سلطانك

فاخذها من يدها مش عايز اشوف دموع تاني فعيونك الحلويين حتي لو كانوا دموع الفرح سمعه وقام بتشغيل اغنيه يعشقها

غمض عنيك واحلم معايا.. وهات اديك واحضن هوايا

احضن هوايا لأبعد حد والمس معايا خدودو الورد

لا نجوم وليل ولا سما ولا ارض داحنا في دنيا لوحدنا

دوقني شوق دوق الغرام غمض عنيك وفحضني نام وفالهوا من غير كلام داحنا اتخلقنا لبعضنا

واخذ يراقصها وهي باحضانه ولم يشعروا كم مر من الوقت… فكان كلا منهم سكنآ للاخر

شاهين كان يحمد الله ان وعد وجدت من يعوضها عن ما مرت به وان سميه علمت ان المال ليس هو السند وعرفت طريق الله ورد عقلها اليها قبل فوات الاوان ولكن كان قلبه دائم الانشغال عن ابنتيه من نجاة

ولكن سميه شعرت به واخبرته انها سترسل لها حسن لياتي بهم لكي يراهم ويطمئن عليهم

معتز..الذي صرخ مره واحده وابعدها قليلا

اقول عليكي ايه الخبرا الالمان جاين بكره ولازم اكون فستقبالهم.. نستيني اهلي من اولها .. بس هقول ايه بحبك يا وعدي واخذها ونزل الي الاسفل.. فوجد الجميع انصرف فتركها وقبلها من وجنتها.. هانت يا غزال قلبي هيييييييح

ذهبت وعد الي غرفتها مباشرة واخذت تحتضن الدبله وتقبلها واخذت تسترجع ما حدث الليله

…

في الصباح استعدت وعد للذهاب مع معتز لانتقاء شبكتها له.. وهي في طريقها له وقبل ان تصعد سيارته وجدت تلك الفتاه الصغيره التي كانت تخبرها بموعد زواجها وكانت امها تنهرها خشيه ان تحسدها

وعد… اذيك يا حبيبتى اخبارك ايه

الفتاه.. الحمد لله يا ابله وعد بس اطلقت وشفت ايام سوده منه لله اللي كان السبب فالجوازه دي كان اكبر مني ويشتغل يوم ويقعد عشره غير اللي شفتوا من اهله

وعد… لا حول ولا قوه الا بالله ان شاء الله عوض ربنا خير بس انتي قولي يارب

الفتاه.. صحيح يا ابله مبروك علي جوازك الحي كله شاف اللي حصل بليل والناس مبطلتش كلام خلي بالك لتتحسدي يلا سلام

وعد.. سبحانك يارب فنفس المكان بس الاوضاع مقلوبه صحيح لو علمتم الغيب

انتقت وعد شبكتها وهي فقمه سعادتها ونسقت مع معتز تفاصيل المسابقه فهي علي مرحلتين فهم عشر متقدمين

المرحله الثانيه ثلاثه فقط… وسوف تقدم جوائز نقديه للفائز الاول مع رحله للبلد التي يختارها.. ووظيفه دائمه بالمطعم

فاخذ يحمسها.. وبالفعل جاء موعد المسابقه

وكانت وعد تشعر بتوتر كبير ولكن وجود زوجها معها بث لها بعض من الطمأنينة

وعد.. معتز انا قلقانه هما مش قالوا عشر دقايق وهيعلنوا عن التصفيه

معتز… بس عشان مش طيقك فاليونيفورم دا اللي هياكل منك حته.. كتك الارف فحلوتك

وبالفعل.. تم تحديد التصفيه وكانت وعد من بينهم واثنين من الشباب

ذهبوا بعدها لتحضير الطبق الثاني.. وأثناء ذلك حضر من ضمن لجنه التحكيم رجل اعمال سعودي والذي يمتلك نصف المطعم.. وكانت عدسات الكاميرات تلتقط تفاصيل المسابقه والبث المباشر

فتقدموا باطباقهم اخيرا.. والقلق ياكل قلب كلا منهم

ومن سيعلن النتيجة هو رجل الاعمال ذلك

فاخذ يتحدث ولكن صمت قليلا كنوع من توتر للاعصاب

وأخيراً قرر.. الفائزه بتلك المسابقه هو………

ظلوا ثلاثتهم بجوار بعضهم ينتظرون من سعيد الحظ من بينهم

الفااائز هو… السيده وعد شاهين

فقام معتز بالصفير لها وذهبت هي له واحتضنته.. البركه فربنا وفيك يا حبيبي فاخذها بعد اعترافها بحبها لها واهذ يحتضنها ويدور بها كل زلك امام الكاميرات وتصفيق حاد من الموجودين معهم

فاستدعتها احدي القنوات.. لتتحدث عن شعورها بعد تلك الجائزه

وعد.. بسم الله والصلاةوالسلام علي اشرف خلق الله

اولا.. حبه اشكر زوجي الاستاذ معتز لان هو اللي له الفضل بعد ربنا اني اكون هنا وسطيكم وافوز بالجايزه

ثانيا كنت حبه اتكلم عن شي مهم جدا

انا يا ساده وبكل صراحه…

عفوا لقد اتممت الثلاثون… وتلك كانت ماساتي..فقد اصبحت ملامه من الجميع.. لانني وصلت لذلك السن ولم اتزوج.. كانني قمت بارتكاب وصمه عار فحقهم فيجب التخلص مني علي الفور

لقد تعرضت لكثيرا من التنمر وكثيرا من الانتقاضات ولكن لم أيأس من رحمه الله تعالى.. وكان يقيني بان عوض الله هات

وها انا التي امامكم ومن تصفقون لها وتفتخرون بها هي من اتمت عامها الثاني والثلاثون ووهبها الله زوج به من الصفات ما يجعلني فخوره به.. واتمني ان استطع نيل رضاه

واريد ان اخبره.. لو تكرر عمري مرة اخري لققررت ان اعيش معاناتي الاف المرات لكي تصبح انت عوضي عنها

واحب اوجه رساله لكل بنت مرت بظروف مشابهه لظروفي اوعي تفقدي ايمانك بربنا. وخلي عندك يقين بان عوض الله اتآ لا محاله

فوقفوا جميعا احترامآ لها وقاموا بالتصفيق الحار لها

وقرر رجل الاعمال اعطائهم تذاكر طيران لاحدي منتجاعته فالبنان لقضاء شهر عسل لهم

وهي اختارت السعوديه كجائزه لها وقررت منحها لوالدها لقضاء مناسك الحج

جاء موعد الزفاف وارتدت وعد فستان زفاف جعلها تبدوا كفتاه صغيره فمقتبل العمر.. وقاموا حفل زفافهم باحد المراكب الكبيره.. واصبحت وعد حديث العالم بذلك الوقت وقضت وعد ليله من اجمل ليالي العمر وحمدت الله علي ما وصلت اليه

معتز.. ياااه يا وعد اخيرا اتلمت عليكي فبيتي.. نشفتي ريقي

وعد… بقولك ايه.. انت هتنام علي الكنبه وانا هنام هناااا

معتز… ايوه بس نصلي وبعدها نشوف مين هيروح فين

قاموا بتغير ثيابهم.توضوا وائم بها فالصلاه ودعا كثيرا ان يوفقهم الله بحياتهم

بس وضع يده علي راسها وقرا الدعاء وبعدها لم يعطي لها فرصه للهروب

معتز امام غرفه العمليات.. يارب يارب.

والدته يابني مش كنت عرفت نوع الجنين.. كنا ارتحنا دي بطنها كانت قربت تدخل فبقهاااا

معتز… يامي كل اللي يجيبه ربنا خير بس تقوم بالسلامه

فاجتمع الجمبع.ربهام وزوجها . والدها..وحسن وسميه التي ارتدت الخمار.. واثار الاختراق اشوكت علي الاختفاء واصبحت بطنها منتفخة امامها.. ظلوا يدعون الله ان تقم لهم سالمه

خرجت احدي الممرضات.. واعطت لمعتز مولده جميله.. اتفضل يا استاذ معتز

معتز… الله بنوته اللهم لك الحمد طيب وهي اخبارها ايه واعطي الطفله بعد ان اذن لها

ولكن وجد الممرضه تخرج وبيدها طفلين اخرين واعطتهم له.. اتفضل اذن لدول كمان

مراتك جابت ولدين وبنت وهي ذي الفل الف مبروك

معتز..الذي سجد شكرا لله علي ما اعطاه له

فذهب لها.. قبل جبهتها.. حمدلله علي سلامتك يام العيال

وعد.. معتز.. هذه رئي من قبل قد جعلها ربي حقآ.. حلمت اني اسميتها مريم.. وبعدها لقيت هاتف بيقولي اهلا بام الحسن والحسين

معتز… الله اكبر.. خلاص يبقي مريم وحسن وحسين

هما مسك الختام لحكايتنا.. فعلااااا من توكل علي الله كفاه

وعوضه خيرا

مشهد إصافي..

معتز الذي يحاول معرفه نتيجه اولاده والتوتر واضح عليه بشده يارب يارب

وعد.. يا زيزو يا حبيبي اهدي وسبها علي ربنا اذا كان اولادك ولا فدماغهم

معتز الذي يستشيط غضبا.. صراحه يا وعدي معرفش انتي وعيالك جيبين البرود دا كله منين. دانا مقدرتش اروح الشغل وهموت من القلق وانتوا ماشاء الله اكياس تلج

ولادك علمي يا وعد يعني مش مجرد نجاح لا دا لازم مجموع كمااااان

كادت وعد تتحدث الا ان صوت الهاتف اوقفها…

هرد علي التلفون ورجعالك

معتز. بتوتر لاااا انا اللي هرد ممكن من الشغل

الوووو.. الطرف الاخر.. دا منزل حسن وحسين وومريم معتز

ابتلع معتز لعابه.. ايووه انا والدهم مين معايا

معاك.. وكيل وزاره التربيه والتعليم.. مبروك اولادك التلاته اول واول مكرر تهانينا

معتز بعد ان انهي المكالمه ذهب الي وعد وظل صاامت للحظات حتي بدء القلق يساورها

وعد… فيه ايه يا معتز خير…. ولم تشعر الا ومعتز يحملها ويدور بهااااا مبروووك يا وعدي اولادنا طلعواا الاوائل علي الثانويه العااامه

وعد.. وهي تبكي فرحا اللهم لك الحمد تعبنا مرحش هدر

حسن.. يا سميه خلصتي لبس ولا لسه لازم كلنا نكون موجودين لحظه افتتاح المسجد دا تعب سنين وحلم أخيراً هيتحقق وهنصلي فيه اول صلاه جمعه

اتت سميه الذي ذهل زوجها وهو يراها ترتدي النقاب

حسن اللهم بارك..ثم ذهب لها وقبل راسها.. متتصوريش انا فرحان بيكي وبتغيرك اد ايه

سميه..اللي انا فيه فضله يرجع ليك بعد ربنا سبحانه وتعالي.. واحد غيرك كان رماني ومفكرش حتي يبص لوشي المتشوه وكان شمت فيااا.. بس انت لا قلبك كبير وسامحتني وقررت تديني فرصه تانيه مع اني مكنتش استهلها.. فتحت عنيه علي حاجات كتير.. وعرفتني ان لا مال ولا جمال ولا حتي صحه بدوم.. وان الدنيا اتفه من اننا نضيع عمرنا فصرااع ع ايه شي

حسن..سميه هو انا قولتلك قبل كده اني بحبك

سميه.. محصلش ياسي حسن.. جذبها لاحضانه ربنا يباركلي فيكي ويهديكي دايما.. سمعوا اصوات نحنحه تاتي خلفهم …

احم احم نحن هنااااا

حسن الذي ابعد زوجته.. بسم الله انتي لسه هنا يا رحمه مش قولتي هتكوني عند خالتك من الصبح..

رحمه.. لا ياسي بابا ماهو خطيبي اتصل وقالي انه جاي فقولت نروح كلنا سوااا بقي.. وبعدين اخوياااا هناك من الصبح مش هنتقل عليهم بهاااا

حسن.. ماشي يا لمضه استعجلي خطيبك ويلااا وانتي ياست سميه نزلي النقاب يلااا عشان نتحرك

وهو يردد بداخله.. الحمد لله حتي يبلغ الحمد منتهاه

المذيعه..ببرنامج صباح الخير يا مصر

ممكن حضرتك توصفلنا احساسك وحضرتك بتتكرمي كام مثاليه لهذا العام واذي قدرتي توفقي بين عملك الناجح واولادك اللي دايما بيطلعوا مركز اول

وعد..اولا اللهم صل وسلم وبارك علي اشرف الخلق سيدنا محمد وعلي اله وصحبه اجمعي

ثانيآ… احساسي مش هقدر اوصفه لان مفيش كلمات هتعبر عن اللي حسه به.. بس دا كان يقيني بربنا دايما

ثالثا.. ده بيقي توفيق من ربنا سبحانه وتعالي حيث وهبني رجل ليس عاديآ فهو سند وحصن امااان.

لو كل زوج فهم ان الحياه مشاركه بين اتنين.. ولازم يعونوا بعض ويخففوا عن بعض كانت حياتنا اتغيرت

زوجي له فضل كبير عليا.. لان عمره ما اشتكي من مسؤلياته الكتير وعمره ما قصر فحقي وحق اولاده بالعكس دايما واقف معاهم ومعايا

وبيساعدني لما بحتاجه.. مش مجرد يديني مصاريف البيت وميبقاش له علاقه بشئ ودايما يرمي اخطائه ع الغير

الحمد لله.. زوجي متفهم لاقصي درجه.. ومن مكاني دا بوجهلوا كلمه… نجاحي ونجاح اولادك وتقدمنا فالحياه دا بيك وبدعمك لينا وحبه اقولك

شكرا لانك فحياتي

احسنواااا الاختيار

كده انتهت قصتنا علي اطعم ختام..

لقراءة باقي حلقات الرواية : اضغط هنا

الوسوم