رواية أنتقام ذاتي الفصل الحادي عشر 11 بقلم منة الله أيمن
رواية أنتقام ذاتي الفصل الحادي عشر 11 بقلم منة الله أيمن
رواية أنتقام ذاتي البارت الحادي عشر
رواية أنتقام ذاتي الجزء الحادي عشر
رواية أنتقام ذاتي الحلقة الحادية عشر
سالت دموعه ع كتفها. وهو بيحكي حياته.
“دا مش حلمي كان نفسي اكون مهندس كبير شركة وفلوس وحلال. حب وعيلة وبيت دافي حلم اي شاب ف العشرين لكن قبل 15 سنة لما كنت ف بداية العشرين. الدقن الكامله والصوت الخشن وكلمة ابني بقى راجل كنت فرحان بيهم وطاير ف السما بنظرة الفخر ف عين ابويا ليا. لكن…..”
قبل 15 سنة
قدام بحر الاسكندرية. وتحديدا ف ناحيه بعيده عن الناس شاليه منعزل عن الباقين
خرج ابليس من المية بانتعاش
قعد ع كرسي ريتان
مسك الفوطة يتشف شعره وجسمه وقال للنايم ع الشازلونج الريتان ولابس نضارة شمس
“بحر الاسكندرية مايته مية سحرية مش من الدنيا تخلي الواحد كانه لسه مولود. حقيقي لو اني مجتش هنا كنت همـ ـوت ف كلية الهندسة دي”
ضحك وقال”انا جبتك هنا عشان حضرتك بتتزنق زقنة الكـ ـلاب قبل الميد ترم دايما قلت نيجي نضيع الاجازة هنا عشان لما تتزنق تلاقي حجه”
مال ع ابوه وقال بضحك”بس مجيب مجموع حلو متنكرش؟ ”
نكزة وقال”رشـ ـاوي يابا رشـ ـاوي “
رسمت ملامح برئية وقال’خسارة ف ابنك حبيبك؟؟ ”
بصله بطرف عينه وقال”انت تنافس ابليس ف المسكنه والله هسميك ابليس بيه”
“هذا الشبل من ذاك الاسد”
بص ابليس ع البحر والرمله الذهبية. لفت نظرة راجل لابس كمامة واقف بعيد عنهم لكن المكان معروف انه لوالد ابليس
ضيق عينه وقال باستغراب”مين دا وازاى جه المنطقة دي”
قلع ابوه النضارة وبص كويس وبعدين قام وهو بيقول”خليك عندك هشوف واجي”
حط ابليس الفوطه ع الكرسي
ومدد عليه بضهره وغمض عينه يرتاح لكن منمش
عند ابو ابليس
قرب من الراجل ودا وقال”اهلا اهلا. فرج باشا اوعي تقول انك محتاجلي”
قرب منه فرج وقال من بين سنانه”مينفعش تسبني ف نص الطريق كدا انت فااااهم ”
“تؤ تؤ تؤ انا مش للامر والطاعة ي باشا انا للدماغ والدماغ دي دماغي طبعا”
“انا مش جاي عشان استعطفك ولا اامرك انا جاي اقولك لو مش خايف ع ابنك يبقي تسمع كلامي كويس”
قلبت عين ابو ابليس للشر وقال”ابني لو دخل ف الموضوع دا انت مش هتطلع منه حي”
قرب منه وقال بشر”لو واحد هيطلع حي يبقي انا”
مسكه من رقبته وبداء يخـ ـنقه بقوة ووالد ابليس بيقاوم
وقعوا ع الرمل والموج وحاوطهم من كل مكان.
فرج فوق والد ابليس وبخنـ ـق فيه ووالد ابليس بيقاوم بقوة
حس ابليس ان والده طول فتح عينه وبص عليه
اتنفض بقوة وهو شايف ابوه مرمي ع الارض وواحد ملثم بيخـ ــنق فيه
طلع يجري عليه
داس فرج بقوة ع رقبته لحد ما مـ ـات خالص
وقف ومسك حجر. قرب منه ابليس بغضب وجنون
راح ضـ ـاربه ف راسه بقوة فقد الوعي ف الحال
رمي الحجر ف البحر. وبص عليهم نظرة اخيرة ومشي
والد ابليس بيعدي عليه الموج وابليس بعيد عنه بخطوات بسيطه
شايف ابوه مـ ـيت. والبحر حوليه مش قادر يتحرك ولا يقوم
هو السبب لو ماصرش ع ابوه مكنش جه
من يومها ارتبط البحر بالذكرة دي
عودة للواقع
اتملت عيون ملاك بالدموع لكن منزلتش
بعد عنها ابليس وقال “انا قتـ ـلته قتـ ـلت الراجل اللي قـ ـتل ابويا. فرج الخولي. مساعد ابوكي ي ملاك”
لازالت نظرتها ليه متغيرتش. هي مش بتهتم باي حاجه تخص ابوها اصلا
اكمل”وقريبآ هقـ ـتل ابوكي واسلم نفسي ي ملاك شفتي حظي حلو ازاى ابو البنت اللي حبيتها الوحيده اللي دخلت قلبي يبقي نفس الشخص اللي كان سبب ف مـ ـوت ابويا”
نزلت الدموع من عنيها اخيرآ. وهي باصه عليه مش بتتكلم
هل ممكن تخسر ابوها وحبيبها ف يوم واحد ف وقت واحد. ليه الدينا بتحبها لدرجه دي
نطقت اخيرا وقالت”انت بتخيرني ولا اخترت من غيري؟؟ ”
“دا تـ ـار من زمان مش هقدر امـ ـوت وانا سايبه عايش هو ابوكي بس متنسيش الي عمله فيك….”
حطت ايدها ع بقه وقالت مقاطعه “ابويا هو هيفضل ابويا ي ابليس مهما عمل دي الحقيقة مش هتتغير”
“انا قلتلك يمكن تقدري تكـ ـرهيني بعد دا كله وتعيشي من بعدي”
وقف وطلع برا الاوضة من غير ما يسمع ردها
انـ ـهارت وهي مش قادرة تختار بينهم مين ليه سلطه ع قلبه ومين ليه حكم ع الذكريات ع النسب ع الحب
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أنتقام ذاتي)