رواية لم يكن ذنبي الفصل الثاني 2 بقلم هاجر نور الدين

رواية لم يكن ذنبي الفصل الثاني 2 بقلم هاجر نور الدين

رواية لم يكن ذنبي البارت الثاني

رواية لم يكن ذنبي الجزء الثاني

رواية لم يكن ذنبي الحلقة الثانية

_إي اللي بيحصل هنا دا
قامت مروة من علي إيمان وهي بتنهج وراحت ناحية سليم وهي بتتصنع البراءة وبتقول:
=شوفت اللي حصل ياسليم أول مادخلت البيت لسة بقولها عاملة اي ياإيمان وإتطلقتي ليه وكإن السؤال جننها ومسكت فيا
_كدابة والله كدابة ياسليم أنا كنت قاعدة في الأوضة وهي اللي دخلت عليا وفضلت تضرب فيا من غير آي حاجة
_حقك عليا أنا ياإيمان معلش خمس دقايق وهجيلك
راح مسك مروة من ايديها جامد وشدها وراه ومامته بصت ل إيمان من فوق لتحت بقر*ف وشما*تة وخرجت وراهم
_هو اي اللي حقك عليا ياإيمان مروة بنت خالتك هي اللي معاها حق مكذبتش المعيو*بة دي هي اللي غلطت فيها وبدأت الخناقة
=إسكتي ياأمي دلوقتي عشان أنا مش هصدق حد فيكوا إنتوا الأتنين خالص دلوقتي
بعدين بص لمروة وكمل:
_عايز أعرف اي اللي إنتي هببتيه دا
مروة وهي باصة في الأرض وبتتصنع العياط:
=معملتش حاجة ياسليم هي اللي بدأت وأنا أكيد مش هسيبها تضربني يعني
زعق سليم بعصبية:

_أنا عارف إيمان أكتر من اي حد وهي متعملش كدا أياً كان السبب اللي خلاكي تعملي كدا والله يامروة لو قربتي من إيمان تاني أو أذيتيها حتي بنظرة والله هنسي إنك بنت خالتي وهتصرف معاكي تصرف مش هيعجبك
بصيتله مروة بعصبية وسابته ومشيت وأمه بصتله بعتاب وقالت:
_ليه كدا ياسليم البت بتحبك بتعاملها كدا ليه عشان المعيو*بة اللي جوا دي
=أخر مرة ياأمي أسمعك بتقولي عليها كلمة وحشة دي هتبقي مراتي عن إذنك
سابها وراح لإيمان خبط علي الباب لحد ما جاله صوتها ودخل:
_إيمان أنا أسف أوي بجد حقك عليا
إيمان بدموع:
=أنا مش فاهمة هما ليه بيعملوا معايا كدا أنا عملتلهم إي ولا ذنبي اي
_حقك علي قلبي والله بطلي عياط أوعدك محدش هيقرب منك تاني
بصيتله بإمتنان وشكر وبعدين قولتله:
=شكراً جداً بجد مش عارفة من غيرك كنت عملت اي
_متشكرنيش إنتي دلوقتي في مقام خطيبتي وكلها شهر وشوية وهتجوزك وتبقي مراتي
غمزلها وهو بيبتسم عشان يخليها تبطل عياط فإبتسامتله وهي مش عارفة تقوله اي ف كمل هو:
_أنا هخرج دلوقتي أنام برا وهسيبك ترتاحي شوية اليوم كان متعب بالنسبالك
=فعلا محتاجة أنام..شكرا جدا ياسليم
_دا واجبي متشكرنيش

وبعدين سابني وخرج مش عارفة فعلا من غيره كنت هعمل اي أهلي متوفيين وحتي البيت بتاعهم عمامي خدوه بعد ماأتجوزت..أنا مش فاهمة ليه عمر عمل كدا دا كان بيعشقني وبيعشق التراب اللي بمشي عليه وخلاني أحبه بس دلوقتي أنا مبكرهش في حياتي قده هو سبب كل اللي أنا فيه دا..نمت بعد تفكير كتير أوي وصحيت تاني يوم مرضتش أخرج من أوضتي عشان متلاقاش مع مرات عمي فضلت قاعدة شوية باب الأوضة خبط واكيد اللي بيخبط سليم أذنتله بالدخول ودخل ومعاه صينيه عليها فطار
قد إي أنا كنت غبية ومش بفهم لما رفضت حب واحد زي دا بيحبني كل الحب دا ومليان الحنية دي يمكن اللي أنا فيه دا ذنبه هو وذنب اني كسرت قلبه يمكن..
_إي دا ياسليم
=إنتي مكالتيش من إمبارح من ساعة ماجيتي هنا وأكيد جعانه ف قولت أحضرلك فطار كدا عشان تستعيدي حيويتك مع اني مش متأكد لإن أنا اللي عامله يعني بس ربنا يستر
ضحكت علي كلامه وبدأت أكل لما بدأ هو الأكل عشان يشيل الإحراج عني قعدنا فطرنا مع بعض وإحنا بنضحك ولدقايق نسيت كل اللي أنا فيه

دخلت بعد شوية مرات عمي وسندت إيديها علي باب الأوضة وإتكلمت بتريقة:
_ودا اي دا ان شاء الله قاعد معاها في اوضة واحدة وبتاكل معاها إنت نسيت إنها واحدة غريبة عنك
=أديكي قولتي ياامي باكل معاها وبعدين إحنا فاتحين الباب يعني مش بنعمل حاجة غلط
بصيتلها وقولت:
_تعالي أفطري معانا يامرات عمي
بصيتلي بقر*ف من فوق لتحت وقالت:
=مبفطرش مع اللي زيك
سليم قام وقف وزعق وقال:
_وبعدين ياأمي هو أنا مش قولت إمبارح بلاش الكلام دا هو في اي
=إنت بتزعقلي عشانها ولسة ياما هتعمل فيك
_طيب إسمعي بقي ياأمي أنا كنت عامل حسابي لكل دا أنا إشتريت شقة كنت هتجوزها فيها بس بما إن المعاملة كدا منك ف أنا هوديها تعيش فيها من دلوقتي
=إشتريتلها شقه!!
ودا من امتي من غير ماتقولي ياإبن بطني دي غيرتك أوي
_مفيش فايدة في الكلام خالص يلا ياإيمان قومي لمي هدومك وتعالي معايا لشقتك الجديدة
=بس!

_مفيش بس ياإيمان يلا
قومت معاه ولميت هدومي ومشيت معاه قدام نظرات مرات عمي اللي كانت هتقتلني
*علي ناحية آخري*
قاعدة بعصبية وتوتر وبتهز رجليها وهي حاطة التليفون علي ودانها ومستنيه الرد
_ألو يازفت إي اللي إنت هببته دا
=يعني عملت اي يعني مانا عشمتها بالحب وإتجوزتها زي ماقولتي أهو
_بس مكنش إتفاقنا إنك تطلقها بعد إسبوع كدا بوظت كل مخطتاطي بجهلك وطمعك
=متغلطيش بس وبعدين جالي مصلحة تانيه ب مليونين جنيه أسيبها وأفضل جنب ست إيمان دي
=والله ياعمر لأعرفك إزاي تبوظ كل حاجة بعد ماخدت فلوس قد كدا مني
_هو ال 500 ألف جنيه دول مسمياهم فلوس بقولك جاتلي مصلحة ب 2 مليون إنتي مش فاهمة ولا اي ويلا بقي سلام عشان مش فاضي
قفل السكة في وشها وهي بصت للتليفون بذهول وبعدين رميته وإتكسر
_والله ياإيمان ماهسيبك في حالك ولا هسيبك تتهني ب سليم..سليم ليا أنا بس وهفكرلك في حاجة تاني واخلص منك خالص بقي

عند إيمان وسليم:
_دلوقتي دا بيتك ياإيمان واللي هنتجوز فيه ان شاء الله
=إن شاء الله
جه مكالمة لسليم بعد شوية عن إيمان ورد:
_ألو
…..
_طب حلو اوي ظبطوه عقبال ماأجي
…..
_ماشي سلام أنا جاي اهو
بص لإيمان اللي بتبصله ومش فاهمة حاجة وقال:
_أنا هروح مشوار ضروري وهرجع علي طول إقفلي الباب علي نفسك كويس ومتفتحيش لحد
=حاضر ياسليم
وبعدين سابها ونزل وركب عربيته وبعد ربع ساعه كان وصل للمكان..دخل وشافه قاعد مربوط ورجالته قاموا بالواجب معاه خد كرسي وقعد قصاده وإتكلم:
_بقي إنت ياحتة حشرة متسواش حاجة تعمل كدا مع بنت عمي
بصله عمر بخوف وقال:
=والله هي اللي قالتلي اعمل كدا انا ماليش دعوة
بصله سليم بإستغراب وقال:
_هي مين?

إتكلم عمر بسرعه خوف من سليم:
=مروة..مروة بنت خالتك
سليم بصدمة:
_مروة بنت خالتي!!
=أيوا والله مروة
بصله سليم بغضب وقام:
_روقوه تاني وأرموه فيآي داهيه
=لأ والنبي أنا قولتلك علي كل حاجة خليهم يسيبوني بقي
_لازم تتعلم عشان اللي ييجي علي حاجة تخصني هيزعل جامد
وسابه مشي وهو رايح لمروة
وصل عند بيت مروة وطلع وهو الغضب عاميه منها خبط علي الباب وفتحتله خالته:
_سليم..إزيك يابني عامل اي
جاوبها سلين وهو بيدخل:
=الحمدلله ياخالتي فين مروة
_مروة جوا في اوضتها ثواني أندههالك
دخلت ندهتلها وطلعت مروة معاها بسرعه علي اساس انه جاي يعتذرلها عشان زعقلها طلعت وإتصدمت من كف نزل علي خدها بقوة:

_اي ياسليم اللي إنت عملته دا انت اتجننت
=اللي اتجنن بجد هي بنتك ياخالتي اللي الواضح كدا إنكم قصرتوا في تربيتها اللي بعتت واحد يلعب علي ايمان ويفهمها الحب ويتجوزها اسبوع ويطلقها ويخلي سمعتها زي الزفت
_إي الكلام اللي بيقوله دا يامروة
=كدب ياماما كدب أنا معنلش كدا
_الكدب مش هينفعك خلاص يامروة عمر جبته وإعترف عليكي بعد ماخد نصيبه من اللي عمله وأنا بحذرك يامروة لو قربتي من إيمان تاني مش هيكفيني فيكي موتك وهي خلاص كلها شهر وهتبقي مراتي عن إذنك ياخالتي
سابهم وسط صدمتهم ووسط عيون الغضب من أم مروة لمروة
وكملت عليها بالضرب
_خليتي راسي في الأرض من ابن خالتك والله مافي نزول ليكي بعد كدا غير علي بيتك هو معاه حق إحنا قصرنا في تربيتك وانا هصلح غلطتي دلوقتي وهربيكي

*عند إيمان*

وصل سليم للبيت وطلع خبط وناداها قامت فتحتله:
_إي كل دا ياسليم إنت قوبت هتيجي علي طول اي اللي حصل أنا قلقت عليك جدا
إبتسم سليم:
=قلقتي عليا بجد?
_اا قصدي يعني أت قلقت عليك عادي مش إبن عمي
=ماشي ياستي أبن عمك ابن عمك ..ليكي عندي خبر يفرحك
_إي هو
=أنا جبت عمر وعرفته مقامه وطلع كل اللي حصل دا من تفكير مروة وهي اللي زقته عليكي
إيمان بصدمة :
_يعني عمر مكنش يعرفني ولا كان عايز يتجوزني اصلا..وبعدين ازاي تعمل كدا هو ممكن واحدة تعمل في واحدة زيها كدا
=يلا أهم خدوا نصيبهم وربنا هيجازيهم..دلوقتي إنتي بريئة ومفكيش آي شئ يعيبك ياإيمان هو اللي طلع حيوا*ن هو و الشيطانة التانيه
_الحمدلله

*بعد مرور 40 يوم*
كان قاعد سليم وإيمان في القاعة في فرحهم ومامته جات غصب عنها..كانوا قاعدين وبيتكلموا مع بعض ومبسوطين وفجأة قالت إيمان:
_بحبك ياسليم
=إي قولتي اي
_قولت بحبك ياسليم وكنت غبية اوي لما رفضتك قبل كدا إكتشفت إني بحبك اوي وان مفيش زيك بجد
=دا انا اللي بحبك وبموت فيكي أخيراااً
_وفي حاجة كمان عايزاك تعرفها
=إي هي
إيمان بتردد:
_أنا..أنا
=في اي ياإيمان قلقتيني
_إحم أنا عذراء ياسليم
=إنتي بتتكلمي بجد

بصيتله بإحراج وإبتسمت:
_أيوا
=طب ازاي ومقولتليش ليه من الأول
_كنت تعبانة جدا جدا في الاسبوع دا وهو كان بيزهق مني وبينزل تحت علي القهوة
سليم بإبتسامة وفرحة قام وحضنها قدام الكل
=أنا بحبك اوي اوي
_وأنا بحبك اكتر ياسليم

تمت

لقراءة جميع فصول الرواية اضغط على  ( رواية لم يكن ذنبي  )