رواية المنبوذة الفصل العاشر 10 بقلم جيجي

رواية المنبوذة الفصل العاشر 10 بقلم جيجي

رواية المنبوذة الجزء العاشر

رواية المنبوذة البارت العاشر

رواية المنبوذة الحلقة العاشرة

مرتضى بعصبيه وصوت عالى: ممكن اعرررف يا بهوات ايه شغل البلطجه وقلة الادب اللِ حصلت دى …فضحتونا وسط الناس….
عمر:ماتنطقوا…خرستوا دلوقتى..حصل ايه يخليكم تعملوا كدا فى بعض …
زياد:محصلش حاجه يا بابا….
عمر بتريقه:يااااا سلااام محصلش حاجه شوفوا وشكم يا بيه مافيش فيها حته سليمه دا انتوا خرشمتوا بعض…
كريم:اسأل ابنك يا عمو…ابنك عاوز حاجه مش بتاعتوا..واحسنلوا يبعد عنها والا ورب الكعبه ما هسكتلوا…
عمر: زياااد حصلنى على فوق فى شقتنا ..
زياد:يا باباااا
عمر:اخرس ولا كلمه اطلع فووووق كلامنا لسه ماخلصش….
مرتضى:تعالى يا كريم اوضه المكتب نتكلم سوا….
كريم:حاضر يا بابا اغسل وشى بس وهحصلك…

مريم: كريم تعالى معايا اعالج الجروح اللِ فى وشك….اكيد بتألمك..
كريم بنظره كلها غضب :من الافضل ليكى يا مريم تتجنبينى النهارده علشان متهورش واعمل حاجه هندم عليها بعدين.
مريم:يا كريم سيبنى اشرحلك اللِ حصل والله فاهم غلط….
كريم بعصبيه:ايييه اللِ فاهمه غلط….ابعدى عنى يا مريم دلوقتى انا مش ضامن نفسي لما بكون متعصب ..
مريم بستسلام:ماشى يا كريم اللِ تشوفه..مش هتشوف وشى النهارده..
سوسن:يا بت يا ماهيتاب احكيلى يا بنتى ايه اللِ حصل اكيد انتى عارفه…
ماهيتاب: يعنى هيكون ايه اللِ حصل كله من تحت راس بنتك مريم…تلاقيها مبسوطه …راجلين زى القمر بيتخانقوا عليها ….من ساعه ما عملت عمليه التجميل وبقت حلوه وهى راسمه نفسها …
سوسن: هو جوزك لسه عينه من مريم…هو احنا مش خلصنا من الموضوع دا…
ماهيتاب بسخريه: خلصناااا منه…انتى بتهزرى يا ماما…زياد مش شايف حد غير مريم..انا بالنسباله هوا ماليش وجود فى حياته …انا واحده اتغصب انه يتجوزها علشان بنت عمه ولازم يدارى على الفضيحه وسط الناس من الحادثه اللِ حصلتلى مش اكتر وفى اقرب فرصه هيطلقنى…

سوسن: واختك رأيها ايه فى الموضوع دا …يعنى هى ممكن تخليه يطلقك ويتجوزها هى….
ماهيتاب:انا مش عارفه هى بتفكر فى ايه..بس على كلامها انها نسيته وبتحب كريم…
سوسن:انا مش عاوزه فضايح فى وسط الناس..انا هدخل لاختك اوضتها وافهم بنفسي الحكايه…
منصور:لا حول ولا قوة الا بالله..
عمر:ممكن اعرف يا دكتور يا جامعى يا محترم اييييه اللِ انت عملته فى خطوبة بنت عمك…
زياد:انااااا بحبهااا يا بابا وانت عارف كدا كويس وكلكم عارفين ….لييييه عاوزين تتعبوا قلبى ..
عمر:انت جوز اختهااا دلوقتى يعنى حرام شرعا وقانونا تبصلها نظره تانيه غير نظره الاخوه…
زياد:انت مصدق اللِ انت بتقوله جوز اختهاا مين انت عارف انه جواز على ورق علشان الموضوع اياه وعلشان استر عليها من نظرة الناس وكلامهم..وانا مش ممكن اكمل معاها انا مش بحبها هى بالنسبالى زى اختى مش اكتر انتوا ليه مش فاهمين كدا..
عمر:بالهداوه كدا ربنا عرفوه بالعقل..مريم باين عليها بتحب كريم وهو بيحبها..يعنى هى خلاص نسيتك وبتكمل حياتها ابعد عنها بلاش تكون عقبه فى حياتها انت لو بتحبها زى ما بتقول ضحى علشانها…انت مش عاوز تشوفها سعيده
زياد: مريم بتحبنى انا متأكد هى بتهرب منى عن طريق كريم …كل دا علشان خاطر اختها وامها اللِ مش سامحين ليها انها تكون معايا…
عمر:وعلى فرض كلامك صح…انت عارف الناس هيقولوا ايه على مريم لو انت طلقت اختها واتجوزتك….دووول يابنى هيقطعوا فى لحمها وهى قدامهم نظرتهم ليها ممكن تقتلها حرام يبنى تعرضها للموقف دا…
زياد:خلاص يا بابا …اطمن مش هقرب من مريم…بس لازم تعرف انكم كلكم شاركتم فى تعاستى طول حياتى…
مرتضى:اقعد يا كريم يابنى…ايه اللِ حصل انا اول مرة اشوفك كدا…بقى انت كريم الهادى …دوول اصحابك مسمينك التلاجه من قوه اعصابك..ازاى تتصرف بالشكل الهمجى دا…
كريم:يعنى مش عارف فى ايييه…دا حتى مريم حكيالك على كل حاجه وعن علاقتها بابن عمها زمان…والحب اللِ ما بينهم
مرتضى:اديك قولت بلسانك زماااان ليه دلوقتى بتحاسبهم على الماضى
كريم:لان الدكتور الجامعى ما نسيش ولسه بيطارد الهانم وبيحبها بالرغم انه متجوز اختها …دا حصلت يوم خطوبتها بيحاول يجدد الوصال بينهم تانى وانا الحمار اللِ كنت مبسوط وطاير من السعاده بخطوبتى والهانم واقفه معاه فى الجنينه وبيتكلموا فى عشقهم القديم..منتظر منى ايييه اصقفلهم مثلا ولا اهنيهم…
مرتضى:ما تظلمش مريم اكيد فى سبب قوى يخليها تتصرف كدا مريم مش كدا خالص واكيد انت من عشرتك ليها فهمتها
كريم:ما ده اللِ هيجننى…ازااااى . دى وعدتنى مش هتخبى عنى حاجه..ازاااى تسمح لنفسها تحطنى فى الموقف دا اكنى كيس جوافه ماليش لازمه فى حياتها..

مرتضى:اهدى يابنى…اسمع منها الاول..مش يمكن كانت مضطره …بلاش تحكم عليها من غير ماتسمعها…دا المجرم بيسمحوله يدافع عن نفسه..
كريم:حاااضر يابابا هسمع منها بس لو ماقتنعتش باللِ هتقوله انا مضطر افسخ الخطوبه دى وارجع على اول طياره لالمانيا
مرتضى:ربنا يهديك يا بنى..روحلها واتكلم معاها بس بالراحه بلاش عصبيه ..
كريم:لو سمحتى يا عمتى نادى على مريم عاوز اتكلم معاها…
سوسن:حاااضر يابنى والله دى عين وصابتكم…استغفر الله العظيم
سوسن:مريييم مريييم يا ماهيتاب ما شوفتيش اختك فين مش لقياها فى البيت
ماهيتاب:شوفتها خرجت من نص ساعه كدا وندهت عليها ماردتش وكانت بتعيط
سوسن:معلش يا كريم.. مريم خرجت.. اختها شافتها من نص ساعه خارجه وكانت بتعيط…
كريم افتكر الحوار اللِ دار مابينهم من نص ساعه وكلامها بانه مش هيشوف وشها تانى…وخاف لتعمل فى نفسها حاجه وجرى على برا يدور عليها…
كريم بنفس متقطع:كنت متأكد هلاقيكى هنا على النيل ايييه اللِ خرجك لوحدك من غير ما تقولى لحد….
مريم بحزن:هو انا اهمك فى حاجه..وجودى زى عدمه ماحدش بيحبنى ..انا ساعات بفكر انا ليييه عايشه لحد دلوقتى..
كريم بخوف لتكون مريم بتفكر فى الانتحار…مريم مين قالك اننا مش بنحبك
انتى مش شايفه وشى متشلفط ازاى . ..مش دا من حبى فيكى …..
بس انا زعلان منك …ايه اللِ يخليكى تسيبى خطوبتك وخطيبك اللِ هو انا بالمناسبه..وتقفى برا مع زياد وتسمحيلوا يتجاوز كلامه معاكى. ….
مريم ببكاء:علشان ارضى اختى…علشان هى اللِ طلبت منى دا …لما رفضت زعلت منى واتهمتنى انى مبسوطه بخناقتكم عليا…كنت عاوزه افهم زياد ان خلاص علاقتنا انتهت وانى بحبك انت وانه يقّدر اختى اللِ بتحبه ويديها فرصه يكمل معاها حياته…وانت جيت على رده عليا وحصل اللِ حصل….
كريم:قبل ما تتكلمى معاه كنتى قولتيلى..عرفينى ماتخلنيش اتفاجأ بالموقف دا انتى عارفه انا حسيت بأيه انا فكرتك بتحنى ليه من تانى…انتى عارفه احساس ان فى حد فى حياتك بتحبيه وطايره من الفرح انه فى حياتك وتكتشفى ان الحد ده بيحن لحد غيرك… دا احساس صعب اتمنى انك ماتحسهوش
مريم ببكاء وانهيار:انتوا ليييه بتفكروا فيا كدا هو انا وحشه فى نظركم ليييه دايما بتفترضوا فيا السوء . حتى اختى اللِ عملت كدا علشانها سمعتها بتكلم ماما وبتقولها ان انا السبب وهى عارفه انا كنت واقفه مع زياد ليه…
خلاص يا كريم لو عاوز تسيبنى وتسافر اتفضل انا مش همنعك… انا مش محتاجه حد فى حياتى كلكم زى بعض … انا كنت فاكره انهم بيعملونى وحش علشان ماكنتش جميله زى ماهما عاوزين..لكن دلوقتى اتاكدت انه مش بسبب انى ما كنتش حلوه…هما بيكرهونى ومش عاوزينى فى حياتهم انا سبب كل مشاكلهم انا هريحهم منى للابد..
كريم:مريييم مريييم فوقى حد يطلب الاسعااااف بسرررعه…
كريم وهو بيجر مريم بالنقاله مع المسعفين….دكتوووور بسرعه
كريم :هاه يا دكتور مريم مالها..عندها ايييه…

الدكتور:للاسف حاله انتحار ..هى شربت كميه كبيره من الادويه..بس الحمد لله وصلت فى الوقت المناسب وقدرنا نعملها غسيل معده وهى نايمه دلوقتى …
كريم:انتحار!!!! طيب ممكن ادخلها اطمن عليها..
الدكتور:هى هتفوق بعد ساعه تقدر تدخلها …هو حضرتك تقربلها ايه.
كريم: خطيبها وابن خالها..
الدكتور: فى الحالات دى بنعمل محضر.ولازم تتعرض على دكتور نفسي لانها ممكن تأذى نفسها تانى . …
كريم:للدرجادى…طيب يا دكتور ممكن ترشح لينا دكتوره نفسيه شاطره..
الدكتور: هجيب لحضرتك كارت لدكتوره نفسيه اشهد بشطارتها…عن اذنك
كريم:الوو ايوه يابابا احنا فى مستشفى##..مريم حاولت تنتحر ..لا متقلقش بقت كويسه..طيب منتظركم.سلاام
كريم وهو ماسك ايد مريم وحاسس بالذنب انه كان السبب فى انهيارها…وانتحارها….وتفاجأ بدموعه بتنزل وانه مش بس بيحبها لا دا بيعشقها لدرجه الجنون..قلبه كان هيقف لما وقعت قدامه حس ان عقله اتشل لدرجه انه ماكنش عارف يتصرف ازاى…
مريم حبيبتى فوقى يا قلبى .. انا كريم حبيبك ..عاوزه تموتى وتسبينى من غيرك..هونت عليكى …على فكرة انتى انانيه مافكرتيش فيا هعيش ازاى من بعدك…
مريم بدأت تفوق…اناااا فين..
كريم:مريم …انتى سمعانى …
مريم:اااه بطنى بتوجعنى ..فى الم فى معدتى ….انا فين
كريم:انتى فى المستشفى.. .انا مش هحاسبك على اللِ عملتيه…عاوزه تموتى كافره…لدرجادى حياتك مش مهمه…مفكرتيش فيا يا مريم…عاوزه تسيبينى…
مريم بتعب:ما انت كنت هتسافر وتسيبنى …قولت اريحكم منى …
كريم:اوعى اسمعك تقولى كدا تانى…انتى راحتى وسعادتى…
مريم بتعب،:انا عاوزه انااام اناااام

كريم:مريم مرييم فوقى..يا نيرس لو سمحتى تعالى هنا من فضلك ..شوفى مريم مالها كانت بتكلمنى وفجأه اغمى عليها…
الممرضه:ماتقلقش دا مفعول المهدئ..هى هتنام وتصحى لغايه لما مفعوله ينتهى…
زياد:مرييييم مريم مالها يا كريم
كريم:!!!!

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية المنبوذة)