رواية 30 يوم حياة الفصل السابع والعشرون 27 بقلم أميرة اسامة
رواية 30 يوم حياة الفصل السابع والعشرون 27 بقلم أميرة اسامة
رواية 30 يوم حياة البارت السابع والعشرون
رواية 30 يوم حياة الجزء السابع والعشرون
رواية 30 يوم حياة الحلقة السابعة والعشرون
بعد ما وصلت الباصات واتجمعوا ورا بعض أدام الشاطئ نزلوا الشباب الاول يأمنوا المكان ويتأكدو انه مش حزمه لان هما عددهم كبير وعشان الكل يكون مرتاح رجع الشباب بعد ما اتأكدو ان كله تمام وأبتدوا المسؤولين عن الشاطئ يظبطو مكان كبير جمب بعض يضم اهل الحته كلهم مع بعض..
راحوا الشباب دخلوا الباصات ونزلوا الناس كلها بعد ما خدوا شنطهم وأبتدوا يدخلوا جوه البنات كانوا مبسوطين اوي علي اد ما الشمس كانت طالعه لاكن الهوا كان يجنن ومنظر البحر مغري يخلي اللي يشوفه يبقي هاين عليه يجري باللبس بتاعه زي ما هو ومن غير ما يغير يترمي فيه..
دخل الشباب وأبتدوا يحطوا الشماسي ويجيبوا كراسي ويحطوا الترابيزات ويأعدوا الناس الكبيره.
زين…كده كله تمام حد ناقصه حاجه
سعيد….لا يا ابني كده حلو اوي
سهير…مش كنا طلعنا شويه لأدام عند البحر اكتر
أدهم….كده احسن عشان الميه ما تطولش الشنط والاكل اللي معاكم
احمد العربي….البحر بيعلي كل شويه وهتبصي تلاقي الميه وصلت لرجلينا كمان كام ساعه لو اعدنا ادام هتغرقنا خالص
سهير…لا وعلي أيه خلينا هنا احسن
روحيه من اول ما أبتد ا يحطوا الكراسي ويظبطوا الاعده أعدت عالرمل وهي ماسكه حتت خشبه صغيره تحفر فالرمل وتلعب مع عيال الحاره الصغيرين..
صالح….طب ايه مش هتغيروا ولا ايه
أدهم…طب ما تستنوا شويه نشرب شاي ناكل ساندوتش كده يعني
عامر…ياعم نروح نغير ونرجع نعمل اللي عايزينه انا حران مش قادر
صالح….ايه يا اما مش هتنزلي بردو
نعمه…لا يا ابني انا اخري انزل رجلي فالميه مقدرش انزل انزلوا انتوا
عادل…وانتي يا امي
فاطمه…انا زي خالتك نعمه مش هقدر
مديحه…وانا كمان انزلوا انتوا واتبسطوا خلينا احنا فالاعده الحلوه دي
ناريمان…انتوا عارفين احنا ملناش فالبحر
ايهاب….وادي سماعه فيها اغاني زمان عشان اعدتكم الحلوه تكمل
احمد العربي…اهو ده الكلام
سهير…انزلوا انتوا ياولاد واتبسطوا احنا الكبار اعدين
روحيه…كبار مين ياختي اتكلمي عن روحك انا هنزل العب مع العيال
يوسف…عيال ايه يا اما انتي اخرك عالشاطئ هنا احنا هنا مش فالسيده تتوهي وميت واحد هيلاقيكي احنا هنا بعيد يعني لو توهتي مش هنلاقيكي
روحيه…بزعل خلاص مش عايزه 😔
اعد يوسف علي ركبه وباس راسها….لا والنبي اوعب تزعلب بقولك ايه واللي خلق الخلق لا هتنزلي قبل الكل ياست الكل
روحيه…بفرحه والنبي صحيح
يوسف…ايوه بس بردو مش هتدخلي جوه
روحيه….جوه فين هو انا بعرف اعوم يا ولا
يوسف….ماشي ولا تروحي بعيد تأعدي تلعبي وتتبسطي ادامنا هنا
زين…اه والنبي ياروحيه احنا جايين نتبسط مش نتنكد
روحيه….لا انا هلعب هنا مع العيال فالرمل
وعد….وانا هاجي العب معاكي ياروحيه ونبني بيت
روحيه…بفرحه والنبي صحيح
مريم….وانا كمان ياروحيه هلعب معاكم
يوسف…ابسطي ياستي اهم البنات هيلعبوا معاكي
توته…متخفش عليها يا يوسف احنا كلنا معاها وهنزلها معانا
يوسف…ماشي ياتوته ربنا يستر
حسني…ياض ماتخفش عليها ده هي بتتبسط يوم ولا اتنين فالسنه سيبها علي الله كلنا عيننا معاها
يوسف…ماشي ياعم حسني
هيما….طب بالصلاه عالنبي الحريم مش نازلين انتوا ايه ظروفكم
حسني…لا انا هنزل معاكم
عيسي…وانا كمان
هيما…اوعب يا عم عيسي ياجن
صلاح…وانت يا باب هتنزل
حاج فاروق….ماشي ياابني هن ل معاكم شويه
احمد العربي…وانا بردو هنزل معاكم شويه بس حبه كده
ادهم….ايوه يابرنس السيده ياجامد
احمد العربي اتلم يا ابن الكلب
ادهم…بضحك يدوم يا برنس
كريم…وانت ياحاج
سعيد…انا ايه لا انسي انا كبرت يا ابني عالكلام ده
زين….طب واللي خلق الخلق علي رأي يوسف لا هتنزل معانا
سعيد…بضحك لا اله الا الله ماشي يازين شويه كده وانزل معاكم حبه
المهم روحوا انتوا يلا غيروا وخدوا البنات معاكم غيروا بسرعه واقفلهم بره ورجعوعم معاكم عشان محدش يضايقهم
زين…اكيد ياحاج سعيد
عادل…متقلقش يابا هنستناهم طبعا
احمد العربي …يلا بقي اتكلوا بلاش رغي خلونا نسمع الست وهي بتغني
زين…ماشي يابرنس
مشيوا الشباب وخدوا معاهم البنات راحوا يغيروا ..
بعد شويه
منار…انا خلصت
وعد…هدخل وخليكي وقفالي هنا هغير بسرعه
منار…ماشي
دخلت وعد وخرجت علي طول وقفوا يحطوا لبسهم فالشنطه
وعد…مالك يامنار
منار…بأبتسامه بسيطه مفيش
وعد…هتخبي عليا ولا انا بعني معرفكيش
خدت منار نفس طويل …عامر مسافر
وعد…باستغراب مسافر مسافر فين وليه
منار…بيقول شغل. هيروح شرم
وعد…طيب وفيها ايه ادام شغل وبعدين مش هيروح ويرجع
منار.هياعد 3 شهور من غير ما يجي خالص يا وعد وبعدين بيقول فرصه انا خايفه اوي
وعد…منار انتي خايفه عامر يقدر يوصل لحلمه
منار….لا بالعكس انا نفسي يحقق كل احلامه ياوعد والله بس انا عارفه انهم مش هيبقوا 3 شهور ويمكن خايفه ينجح لسبب واحد بس انه يبعد علي طول ياوعد وحياته تتغير وينسانا او نشوفه كل فين وفين
وعد…انتي عارفه ان عامر مش كده يامنار وعمره ما هينسانا او حتي يتغير بس كبيعي الشغل بياخد الواحد وده مش عيب
منار…عارفه بس حاسه اني مخنوقه مش عارفه اعمل ايه
وعد…مفيش في ايدك حاجه يامنار
منار….عارفه بردو ويمكن ده اللي تاعبني اكتر
وعد….اقولك نصيحتي وتسمعي كلامي
منار….قولي لو هقدر هعملها
وعد….فكري في نفسك شويه يامنار انتي عارفه من اللدايه ان عامر مش ليكي شوفي حياتك وبلاش توقفي نفسك عشانه
منا….حاولت كتير ياوعد بس مش مقدرتش ولا هقدر انتي مش فهماني ياوعد اللي فيا ده غصب عني حب عامر جوايا عامل زي اللعنه اللي دخلت جوه قلبي وأتمكنت منه بحاول والله بس مش بقدر غصب عني وعد انا من غير عامر ممكن اموت
وعد…بعد الشر ماقوليش كده والنبي وبعدين يامنار انتي مش معاه اصلا
منار….فعلا بس كفايه ان هو اللي معايا في قلبي وعقلي وعيني عامر موجود في كل حاسه فيا يا وعد عارفه ياوعد يمكن اللي هقوله ده هتستغربيه بس عندي اهون من انه يبعد انا معنديش مشكله ان عةمر يحب ويتجوز حد تاني بس يفضل ادامي اشوفه دبما كويس بيضحك ويهزر ويغني ومخلي الدنيا كلها فرحه في عيني بس يفضل ياوعد
وعد….انتي بتحبيه اوي كده يامنار🥺
منار…بضحكه سخريه كلها حب بحبه والله ياوعد مش كلام اشعار وروايات الحب اللي في قلبي لعامر اكتر بكتير من اي كلام. ممكن اقوله💔
وعد…انا مش عايزه اشوفك كده يامنار الوجع اللي كنت بحسه وهو زين بعيد عني محبش انك تتوجعيه
منار….اهو الوجع اللي انتي اتوجعتيه ده ياوعد ميجيش واحد فالميه من وجع قلبي انا بجد ياوعد قلبي ديما واجعني مبحسش اني مرتاحه غير لما بشوف عامر ياوعد انا ياوعد كل يوم استني عامر من شباك أوضتي لحد نا اشوفه طالع بيته كيمو بيفضل مستنيه بحاول مابينش نفسي بس مقدرش ماطمنش عليه…عارفه ياوعد انا بحس ان عامر أبني لما بشوفه بيضحك والله بدياوعد والله قلبي بيبقي بيضحك من جوه يوم ما طلع عليه الشباب والناس اتلمت علي صوتي انا قلبي اللي كان بيصرخ ياوعد لما شوفت عينه راحت خالص كأن حد مسك قلبي نصين وقطعه بأيده….
وعد…مسحت دموع منار بسرعه وخدتها في حضنها خلاص بقي اسكتي العيال هتخرج بلاش يفضلوا يسألوا مالك واحنا خارجين كده عشان اخواتك كمان مايخدوش بالهم
بعدت منار عنها وغسلت وشها وأبتسمت ولبست نضارتها عشان عينها ماتبانش
منار….كده تمام
التسمت وعد بحزن تمام عشان خاطري فكي وحاولي تتبسطي
منار…متقلقيش عليا انا اول ما اخرج من هنا وأشوفه هتبسط وهضحك وهبقي طايره كمان كفايه اني هبقي شيفاه
هزت وعد راسها بأبتسامه حزن وبعد شويه خلصوا البنات كلهم وخرجوا لقوا الشباب واقفين
أدهم…ايه كل ده انتوا بتجهزوا لفرحكم
توته….الله في ايه احنا كتير
زين….كتير ايه بس الشمس كلت دماغنا
بوسي…طيب يلا بقي
صالح…الوقت يلا بقي كأننا احنا اللي معطلنكم
بوسي…الله مش خرجنا خلاص بقي
صالح…ماشي ياختي انجري أدامي يلا
بوسي…يوه ماتزوقش كده😉
صالح….خليني ساكت يارب
بوسي…🙈🙈😂
يوسف…تعالي معايا يامريم لحظه
كيمو….علي فين ياچو
يوسف…أسبقوني بس هحصلكم
سبقوه كلهم علي هناك وكلهم طلعوا ياكلوا وعملهم صلاح شاي
صلاح…اي خدمه مش حارمكم من حاجه اهو العده معايا علي طول
احمد.العربي….القهوه بتاعتك يالاحه ملهاش زي مابيعدلش مزاجي غير فنجان القهوه بتاعك.
صلاح…بألف هنا يا حاج احمد
حسني….والشاي صراحه احلي كوبايه شاي
ادهم….اه علبه كوبايه شاي
زين…صحيح ياض يالاحه انت أستاذ في الشاي والقهوه بجد ايه السر بقي انك مبتشربش اي حاجه سخنه
مع انك بتعرف تعملهم
صلاح….والله مااعرف بس انا مبحبش اي حاجه سخنه خالص
نعمه….ده من زمان علي فكره وهوكده حتي وهو صغير ماكنش يشرب اي حاجه سخنه الصبح
سعيد…في ناس كده مابتحبش المشروبات اصلا
صلاح…لا انا بحبها بس اشرب صاقع وبس
بعد شويه
رجع يوسف وهو ماسك في أيده جردل لعب بتاع الاطفال
هيما….ايه ياض اللي انت ماسكه في أيدك ده انت أتسخط.
يوسف…خليك في حالك يابابا وراح لروحيه خدي ياروحيه.
روحيه…ايه ده ياولا
يوسف…ده جردل في لعب للرمل عشان تحفري براحتك بدل الخشبه اللي انتي مسكاها دي
روحيه…بفرحه ليا انا😍
يوسف…بحب اه ليكي ياروحيه عشان تلعبي وتتبسطي كمان
أعدت منار علي ركبها ممكن تلعبيني معاكي ياروحيه
روحيه….معاكي لعب زيي لو معاكي العبي مش معاكي مش هلعبك معايا😏
منار…ضمت شفايفها بطفوله كده ياروحيه طب انا زعلانه منك الحق عليا كنت هرسمك لو لعبتيني😔
عامر….كان واقف باصص عليها ومبتسم بس مش نظره اعجاب علي اد ماهي كانت نظره أستغراب ازاي هي حزينه بالشكل ده وقادره تداري ده بطاقتها وحضورها وابتسامتها
كلهم كانوا اعدين يضحكوا علي منار وروحيه
روحيه…طيب انتي بتعرفي ترسمي ايه 😒
سعيد….لايا ست روحيه بقي دي منار رسامه بريمو
روحيه….خلاص أرسميني🤔
كريم….عيني عليكي يا منار😂
منار…طيب هتلعبيني🙄
روحيه….بتفكير🤔🤔🤔 ماشي بس الاول أرسمي وبعدين العبي
منار….ماشي أرسم ايه
روحيه…أرسمي ناس أعدين عالبحر زينا وانا بلعب فالرمل
احمد العربي…. طب وزينا ليه ارسمينا احنا بنفس أعدتنا دي
منار…بأبتسامه ماشي موافقه..
كريم….وليكي عندي أشتري منك اللوحه دي ب100جنيه لو طلعت حلوه
عادل…عليا ب200
ادهم…عليا 300
يوسف…ان شالله ما حد حوش عليا ب400وهعلقها في شقتي انا ومريم
زين…عليا ب500وهقلد يوسف واعلقها في شقتي انا ووعد
منار…بفرحه الله الله الله دي شكلها هتلعب
روحيه…تلعب في عينك انتي مش قولتي هتدهالي طب مش ملعباكي
منار…اصبري ياروحيه متبقيش قطاعت ارزاق ده في مصلحه حلوه وهنعمل مزاد وباينها هتلعب هرسملك انتي واحده تانيه ومن غير فلوس ياستي بس خلينا نشوف المصلحه الحلوه دي
روحيه…طيب هتجبيلي حاجه حلوه لو بعتيها🤔
منار…حاجه واحده بس هي تتباع بس وانا اظبطك
عامر…..عليا ب1000
الشباب….ايييييه
ايهاب….والعه
عادل….منار عدت كده
كريم….بت يامنار ركزي مع ابو الف وبالنص
منار….بفرحه طب ايه مين يزود
عامر…محدش هيزود خلاص انا هاخدها مليش فيه
منار…أبتسمت ماشي أرسمها بس الاول يمكن متعجبكش
عامر…ماشي هنشوف
راحت منار طلعت كشكول الرسم اللي جابته معاها كانت ناويه تأعد مع نفسها ترسم رسمه فالبحر وجاتلها الفرصه واتحمست اكتر من تشجيع الشباب ليها وخصوصا عامر…
عامر…كان نفسه يبسطها بأي طريقه لاكن مكانش عارف ان ده بيخليها تتمسك بأملها أكتر…
زين…طب ايه احنا هنفضل نترسم كتير كده نش هننزل
منار…بص هقولك علي حاجه لو حابين تنزلوا انزلوا عادي بس قبل ما تنزلوا كل واحد فيكم ياخد الوضعيه اللي حابب يترسم بيها وانا هطلع موبايلي وأصوركم وأرسمكم من الصوره
زين…حلوه دي
أدهم…طب بقولك ايت عشان لو الواد الرخم ده خد الصوره ما تصورينا انا وتوته وارسملما رسمه
منار…ماشي بس دي هتاخدها بقي لما نرجع مش الوقت واللي حابب ارسمه اصوره وهديهاله لما نرجع واخلصها
كلهم عجبتهم الفكره واتصوروا قبل ما ينزلوا الميه عشان شكلهم ميتبهدلش ووعدتهم منار انها هترسمهم بسرعه وتبعتلهم صورهم مرسومه..
حتي عامر خلاها صورته عشان ترسمله رسمه لوحده كانت منار طايره من الفرحه
أن صورته معاها وقدرت تلقطله فالسر كذا لقطه بسرعه بحجه انها بتظبط الكاميرا…
منار….يلا جاهزين اعدوا عشان اخدلكم لقطه حلوه
يوسف…ابعدي شويه وهاتي روحيه وهي بتلعب فالرمله كده
منار…دي اول واحده لازم تيجي
كريم…طب ايه مش هتيجي معانا
منار… لا بلاش بقي انا اللي هرسم
عامر…لا معلش انا عايز الصوره كامله ميبقاش فينا حد ناقص
منار…ودي هنجبها أزاي
زين…بسيطه نادي زين علي شاب كان بيتصور هو وصحابه من حتتهم وشغال في أستديو تصوير
محمد….ايه يازين
زين…جبتلكم المصور بنفسه اي خدمه بقولك يا محمد عايز لقطه حلوه لينا كلنا
محمد…بس كده طب اصورهالكم بالكاميرا
منار…لا لا انا عيزاها بموبايلي عشان هرسمها بعد كده
محمد…طيب تمام خد منها الموبايل وراحت منار وقفت فوق كرسي كريم وهي بتميل علي كريم شويه
محمد….جاهزين هعد واحد اتنين تلاته. بقول ايه بانو طبيعيين اكتر أدام هتترسم لازم تبقي طبيعيه
عامر….ااااه محمد بقي فنان
محمد…بضحك ياعم والله اسمع مني هتطلع احلي
عامر….ايوه مانا كده هدبس في الف جنيه
محمد…مش فاهم
عامر…بضحك ماهي لو طلعت حلوه هيبقي هشتريها بألف جنيه
بصتله منار وهي بتضحك علي كلامه انت مستخسرهم فيا 🤨
وفالوقت ده لقط محمد الصوره منار باصه لعامر سانده بايدها علي كرسي كريم وجزء بيضحك وجزء فاتح بوئه عشان يتكلم وحد بيشاور بأيده وروحيه في دنيا تانيه وتوته سانده علي كتف ادهم وزين بيوقف وعد علي كرسي عشان تطول شويه وهيما ومنه بيضحكوا عليهم …كانت صوره تجنن وتبان طبيعيه..
محمد….اظن دي صوره تحفه
راحت منار شافتها الله دي تحفه اوييي😍🙈
عامر…وريني
منار… لا مش هوريها لحد هخلصها الاول
عامر…ماشي.
أدهم…طب يلا بينا بقي ننزل احنا كده تمام
منار….تمام
راحوا الشباب مع بعض وأعدت منار بعيد شويه بس عشان محدش يشوف منهم الرسمه.
توته…الميه صاقعه
وعد….اه اوي
ادهم….صقعه ايه انزلي يابت يلا وفضل يغرق فيا وهي تغرق فيه
وعد ….لا مش قادره
منه…تعالي دي فالاول بس جوه شويه دافيه والله
زبن…مسك ايدها ودخل بيها
وعد…استني يازين والنبي والله صقعه اوي
زين….والله مش اوي حلوه
وعد…انا واحد في عز الصيف بتاخد دش بميه مولعه مش قادره
زين…ادخلي معايا بالذوق بدل ما اعمل فيكي زي توته
وعد…لا خلاص اوعي ترمي عليا والله هيغم عليا😂🙈🙈🙈
زين…بضحك طب يلا باجبانه
عامر…كان معاه شنطه بلاستيك كل شويه يملاها ويروح يفضيها علي دماغ حد
صلاح…ايه ده ياض يا ابن الجزمه
جري عامر منه وهو بيضحك بفوقك الحق عليا يالاحه
صلاح…لو قفشتك مش هرحمك
أدهم ..بقول ايه بلاش جنان احنا جايين هنا نتبسط مش نتنكد خلينا هنا فالامان ومحدش يسرح علي جوه
كريم….انا مش هتنقل من مكاني انا استقريت خلاص اللي يخرج يخرج واللي يدخل يدخل.
زين….برنس انت
قرب عامر منه وهو مالي الشنطه مايه وحدفها علي كريم
كريم…بضحك انا لو مسكتك والله اخاف عليك عشان لو أعدت عليك هساويك بالرمله اللي تحت البحر
عامر….وهو بيستعطفه لا والنبي انا حبيبك
كريم…ماشي ياخويا
فضلوا يلعبوا ويهزروا ويتكلمو ويعوموا
وفجأه أندمج أدهم وتوته وفضلو يحبوا في بعض وفجأه.
عامر…ولا ياكيمو بص ادهم عامل فيها حبيب
كريم…لو عملت في حاجه هياكلك بوكس يدخلك اخر البحر
يوسف…بضحك ده ايده طارشه
عامر….بضحك انا ورايا رجاله احنا بنخاف
يوسف…اه يا خويا بخاف
كريم….ولنا شرحه انا ايدي ازرقت من ضربهم فالاتوبيس وانا بحوش عنك
عامر…بصوا هغرقهم واجري وانتوا عطلوهم ماشي
بوسف…بضحك علي الله ميجبكش من قفاك قبل ما تجري
عامر…بضحك هي موته ولا اكتر.😂😂🙈
ملي الشنطه مايه ونزل ايده فالميه عشان ماتبانش وراح جمبهم عادي وهو بيعوم وهو مش مدين خوانه ورفع الكيس حماهم هما الاتين
وجري..
توته….اااااه
أدهم…يابن الل ورحمه امي ما هسيبك
عامر…بقي يعوم بسرعه وجري ورا كيمو ويوسف
وأول ما حس انه هيعرف يمسكه جري علي زين..
عامر…وحيات امك يازين
زين….ولما انت جبان ياواطي
ادهم…خد ياض
زين…بضحك خلاص حقك عليا انا 😂😂😂
ادهم…أبدا هنفخ أهله😡
عامر…الحق اخوك يا ايهااااااااااب😂😂
ايهاب…يكش يولع فيك تستاهل عشان تبطل مقالب وتعقل
عامر…وهو بيتخانق وبيشوح بأيده من ورا زين ومين يشهد للعروسه يا خويا اه مانتوا نسايب خلاص بتبيع اخوك عشانه ده بوكس من ايدك يطيره
ادهم…يطير مين ياض يا ابن….شوف الواد عامل زي نطاط الحيط ازاي مش عارف أمسكه
عامر….وانت تقدر تمسكني وانا ورا زين الرجال بردو
زين….وهو بيبص ورا أتلم بدل ما انا وانت نتضرب متعصبوش
عامر…مابنخافش🤨
زين…بأماره ايه يا ابن الهبله ده انت مستخبي ورا ضهري
عامر…ياجدع بحمسك 🙄
ادهم….ماشي ياعامر خليك واقف وراه بس ورحمه امي لا هقفشك
عامر….رفع عامل ايد زين وطلع من تحتها كأن زين حاضنه اللي عندك اعمله
بص أدهم وراه وهو بيضحك وربنا هضربك😂
فاللحظه دي مسك عامر الكيس ورفعه ورماه علي زين
عامر…اركب الهوا
زين…يابن الل وانا اللي بحوش عنك طب تعالي
وفضل هو وادهم يعوموا لحد ما قفشوه
كريم…طب وربنا تستاهل
زين…تعالي ياض
ادهم…قفشتك ومش هحلك
هيما…هيعملوا منك بوفتيك
عامر…ياجدع انت وهو عيب بهزر معاكم
زين…تعالي بس احنا كنان هنهزر معاك
ادهم…انا هعلمك متهزرش تاني
عامر…يا كيمو ياچو يالاحه وحيات امك ياهيما الحقوني عادل تعالي انت عاقل هيسمعوا كلامك..يابوب ياواطي
هيماراح يخلصه من ايدهم هو والشباب خلاص عندي دي
زين….ابدا ده عيل واطي
هيما…ياجدع علي ضمانتي خلاص هيعقل
عامر…ايوه هعقل صدقه🙄
صالح…خلاص يا ادهم بقي حقكم علينا عيل وغلط😂😂
توته…والنبي لو منكم ما تسبوه
عامر…ياستي خليكي محضر خير الله🤨
أدهم…انت بتزعأ لمراتي يالا🤨
توته…ايوه زعألي😂
عامر…انا اقدر انا اسف يا توته عليت صوتي فكرتك مش سمعاني بس
توته…لا ياراجل
يوسف…خلاص بقي حقكم عليا
سابه زين وادهم وهما مدينوا اخر فرصه..
أنضملهم احمد العربي ورجاله الحته كلهم وخرج يوسف جاب روحيه وفضلت منار ترسم زي ماهي…
روحيه…كانت قافشه في رقبه يوسف
يوسف…يا اما انتي هتفضلي مسكاني زي الحراميه كده رقبتي اتخلعت
روحيه…انت عايزني اسيب عشان اغرق ياواد
يوسف…يا اما بعد الشر ان شالله اللي كرهك بس رقبتي وقفت
زين…انزلي ياروحيه متخافيش هتعرفي تطولي
توته…تعالي ياخالتي هاتي ايدك واقفي جمبي انا والبنات هنا
رحاب….نزلي رجلي هتلاقي الرمل تحتيكي متخافيش واحنا جمبك امسكي فينا
شمس…اوعي تفكري تمسكي فيا ياروحيه هغرق انا وانتي انا واقفه بالعافيه
كريم….ابعدي عنها ياشمس وربنا تغرقك وتأب هي عالميه
شمس ..نهار اسود انا ابعد احسن😂
يوسف….اه والله تنقذ نفسها تقفش فيكي مش هتسيبك😂😂😂
وفجأه. صوت عامر لما لقي نفسه اترفع وشاله عامر من تحت الميه
يوسف….ياض نزلني ياض
عامر…ابدا
روحيه…انت يا واد سيبه بدل ما اجيلك
يوسف…ياختييييييي طب احدف حوه شويه انا طويييييل هنزل فالرمل يا ابن الذكيه
عامر…دخل شويه بيه يلا جاهز
يوسف…منك لله يا عامر وسد مناخيره وأتشقلب من علي كتفه. بعدها بشويه اتسحب عامر ونزل شاله عادل وطلع بيه
عادل…اركب الهوا😂😂😂 طب ادي انذار الله يخرب بيتك
عامر…هي حلاوتها فالخضه وهوب حدف عادل
وراح شال صلاح بنفس الطريقه
صلاح….ولا اطلع بره شويه مبعرفش اعوم الله يكسفك
عامر….عيب يا لاحه لما يكون شغلك كله فالميه ومبتعرفش تعوم
صلاح…علي اساس ياظريف بعوم فالكوبايت
عامر…انت بتستظرف طب اهو وراح حدفه. وبص علي ادهم وزين. وضحك
زين….فهمه متحاولش هتغرق تحت ومش هتعرف تطلع بواحد فينا
ادهم…عايز يشلنا صح طب ياريت تعالي عشان انفخك
عامر…لا ياعم ماما قالتلي متلعبش مع حد اطول منك😛
ومره واحده لقي عامر نفسه مرفوع
عامر….احيييييه
هيما….ايه الاخبار عندك فوق
عامر…كده يا ابو الرجوله تيجي منك انت
هيما…بقيت ابو النداله علي ايدك قوم اقف ياض
عامر…طب هات ايدك مسك ايده هيما ووقف عامر علي كتفه ونط
خرجوا شويه يستريحوا وياكلوا فالوقت ده خلصت منار الرسمه
منار…خلااااااصت
كريم…وريني
عامر…هاتي رسمتي
منار…وهي بت جه ليهم القلم بتحذير ابعد ايدك انت وهو يامبلولين🤨🤨
هوريكم من بعيد
عامر..وريتا فرجتهم كلهم الاول عالصوره اللي فالموبايل عجبتهم اوي انها طبيعيه جدا وبعد كده ورتهم الرسم كلهم انبهروا كأنها هي الصوره بالظبط كأنهم طبيعين بالرغم انها اترسمت بالرصاص بس كانت فظيعه
عامر….ايه ده انتي فنانه طول عمرك بتعرفي ترسمي بس اول مره اعرف انك بترسمي أشخاص
منار…بجد حلوه
عامر…والله العظيم فظيعه
كريم….تجنن والله يامنار
كلهم فضلوا يقولوا رايهم فالرسمه وخدها عامر منها
منار…طيب أستني بس ألونها وابقي ابعتهالك
عامر…..طيب اوعي تديها لحد انا هدفع الف جنيه انا اغني واحد فيهم
ادهم…اتنيل😏
منار…بضحك لا هديهالك ومش عايزه فلوس كمان دي هديه مني ليك بس اياك تبوظها🤨
بص عامر لكريم…تصدق منار فيها منك بتقلب نفس قلبتك تبقي طيبه وفجأه تزعأ🤔
كريم…تربيتي
فاطمه…اعدوا بقي يلا عشان نتغدي ابتدوا يطلعوا الغدا
زين…ولا ياعمر يلا عشان تاكل
عمر…حاضر ياعم زين
مديحه…غلبان الواد ده
زين….اوي طار من الفرحه لما قولتله هتطلع معايا الرحله
مديحه…ربنا يفرحك يازين
منار كانت اعده عالرمله سرحانه فالبحر وسانده علي كرسي كيمو ميل علي ودنها. وحست انها اتصدمت من كلامه😳
كريم….اوعي تتخلي ابدا عن اي حاجه بتحبيها حتي لو بعيده عنك عافري عشان توصليلها حاربي عشان تطوليها متستسلميش واوعي تسمعي كلام عقلك لما يقولك مفيش فايده ومفيش امل صدقيني يامنار في امل وامل كبير كمان
لفت منار وبصتله بأستفهام وأرتباك انا مش فاهمه حاجه
كريم…أبتسملها بحب لا يا منار انتي فاهمه وفهماني انا بالذات المهم اسمعي كلامي اوصلي للأنتي عيزاه ياحبيبتي فرحي قلبك اللي قرب يعجز من الوجع
اتجمعت الدموع في عين منار وكأنها ما صدقت
حط ايده علي راسها بحب وهو مبتسملها
زين ووعد كانوا مركزين معاهم حتي عامر كان بيلمحهم بكرف عينه ولفت نظره دموع منار اللي بتحاول تمسحهم بسرعه
كريم….منار انا طول عمري بحس بيكي وعارف اللي جواكي من غير ما تتكلمي مش عايز حاجه من الدنيا غير اني اشوفك مبسوطه
منار…كفايه وجودك جمبي ياكيمو ده اكتر حاجه بتبسطني
كريم….بس انا مببقاش مبسوط وانا حاسس بوجع قلبك ده
منار….غصب عني ياخويا والله
كريم….بس انتي هتفرحي يامنار قريب انا حاسس والله
منار….انا بحبك اوي يا كيمو
كريم….وانا مبحبش حد ادك فالدنيا دي كلهااا
منار…مسحت دموعها وهي بتبتسم…ياسلام يا اخويا اسرح بيا
كريم…والله العظيم بحبك اكتر حد فالدنيا دي كلها
منار…ربنا يخليك ليا وميحرمنيش من حنيتك عليا دي ابدا
كريم….سيبك من حنيتي الوقت ركزي فالكلمتين اللي قولتهملك يامنار وكفايه وجع في قلبك ولما نرجع في حاجه هاخد رأيك فيها لو وافقتي هعملها عشان خاطرك بس
هزت منار راسها بأبتسامه وهي حاسه انها عايزه تنفجر من العياط في حضنه.
بعد شويه نزلو كلهم تاني وشويه وطلعوا ورجعوا نزلوا تاني وكل واحد كان مع حبيبته وشويه ويقفوا مع بعض وفالاخر قرروا انهم هيطلعوا الشباب يلعبوا كوره اما كريم وعامر فضلوا الميه شويه لحد ما يجهزوا اللعب كان عمر واقف بيلعب معاهم
عامر كان بيغطس يجيب ودع وعمر يقلده وكريم يحوشلهم في شنطه لحد ما بقي معاهم اشكال كتير
فجأه عمر صرخ وبقي يطلع وينزل الحقني ياعامر والموج يجي عليهم وينزل عمر اكتر الحقني ياعم كيمو كريم كان اقرب ليه جري عليه بسرعه وقفشه من دماغه وجري عليهم عامر
كريم…انت كويس ياض
فضل عمر يكح والميه مشرقاه
عامر…في ايه ياض
كريم…الميه عليت وسحبته تعالوا بقي نطلع بره شويه
عامر…طيب يلا فين الشنطه ياض
كريم…سبتها من ايدي وجريت عليه بس امسك دي لحقتهالك اي خدمه
عامر…هي دي اللي ربنا قدرك عليها😒😒 يلا حلوه حطها في جيب الشورت
كريم…طيب يلا نخرج امسك انت الواد ده مش هعرف اخرج بيه الموج عالي هتشقلط انا وهو
عامر….طيب يلا
خرج عامر وعمر وكريم وراهم ولسه عمر اعد يكح لحد ما خرج عندهم
احمد العربي مالك ياعمر
عامر…كان هيغرق الموج عليي اوي والبحر كمان في سحب
فاطمه….خلي بالكم والنبي بقي ومحدش يدخل جوه تاني وانت يا ابني اعد بره هنا انت امانه يا حبيبي
مديحه…متدخلش تاني ياعمر
عمر…لا مش هنزل تاني اصلا الميه اللي شربتها تعبتني
زين…..يلاعم انت وهوعشان نلعب
عامر….براحه ياعم 🤨🤨🤨 علينا كنا بننقذ الصبي بتاعك كان بيغرق
زين…مالك ياض ياعمر انت كويس
عمر….اه الحمد لله بس شربت ميه
زين…طب روح خد دش ونزل الميه المالحه دي واشرب مايه وتعالي كل
عمر….ماشي
سهير…أما اقوم امشي رجلي شويه تعبت من اعدت الكرسي
مديحه …ومين سمعك انا نفسي اروح البيت والله
نعمه…اه والله السرير وحشني رجلي وجعتني
فاطمه…ياختي المهم العيال اتبسطوا هي جت من يوم
الشباب كانوا اعدين ورا يلعبوا كوره والبنات تشجعهم
فاطمه….والنبي شكلهم حلو وهما مبسوطين كده…
ناريمان…يارب يفرحهم ديما ويجعل كل ايامهم جميله
سهير…ايه ده دي ست روحيه نامت ياعيني
سعيد….غطيها يا فاطمه بأي حاجه
مديحه…كوبس اني غيرتلها قبل ما تنام والهدوم تنشف عليها
نعمه….فرحت باليوم انهرده
مديحه…اه دي لعبت لعب ولا الاطفال الصغيره جميله روحيه دي
ومره واحده…الشباب…جوووووووووووون
قامت…روحيه مخضوضه…فين العصايه فين العصابه ومسكت عصايه صغيره وجريت عليهم روحيه وهما اعدين يجروا منها ويضحكوا
وفجأه😛😛😛😛 أصلها وحشتني رخامه بقي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية 30 يوم حياة)