روايات

رواية لن أعشق سواك الفصل الخامس عشر 15 بقلم منى مرزوق

رواية لن أعشق سواك الفصل الخامس عشر 15 بقلم منى مرزوق

رواية لن أعشق سواك البارت الخامس عشر

رواية لن أعشق سواك الجزء الخامس عشر

لن أعشق سواك
لن أعشق سواك

رواية لن أعشق سواك الحلقة الخامسة عشر

عمر بصدمه : نوور
* كانت نور واقعه قدام السلم في الدور الاول و فاقده الوعي*
جري عليها عمر بسرعه عشان يفوقها بس اتصدم اول ما شاف الدم اللي على هدومها و في الوقت ده كانت سمر خرجت من اوضتها و سألت عمر : ايه ده؟ هو في ايه ياعمر ايه اللي حصل؟
عمر و هو بيشيل نور : نور وقعت انا لازم ٱخدها المستشفى خليكي انتي هنا و متتحركيش
* خرج عمر بسرعه و نيم نور على الكنبه اللي ورا في العربيه و طلع بسرعه على اقرب مستشفى*
___________________________________________
عمر بزعيق : عايز دكتور بسرعه
بيجري عليه المسعفين و بيدخلوه غرفة الطوارئ
بعد ما بيشوف الدكتور الحالة بيطلب من عمر انه يطلع بره يستنى لحد ما يبقى يخرج يطمنه
* بيفضل عمر منتظر زيادة عن ساعة و هو في حالة من الرعب و القلق و خوف من انه هو يكون السبب في اللي حصلها او .. انها تكون عملت كده عشان تنتقم منه زي ما قالت له…. افكار كتير كانت بتدور في دماغه وهو قلقان ومش عارف يتصرف ازاي *
بيخرج الدكتور من الغرفه و بيجري عليه عمر
طمني يا دكتور

 

 

 

 

الدكتور : الحمدلله ربنا ستر، انتو ربنا بيحبكوا لان وقعه زي اللي حضرتك وصفتهالي دي كانت ممكن تقضي على الجنين و يمكن كمان الام معاه، بس الحمدلله الاتنين ربنا نجاهم و قاموا منها بالسلامه
عمر بفرحه : بجد يا دكتور؟! الحمدلله يا رب الحمدلله، طب طيب هو انا اقدر ادخل اشوفها؟
الدكتور : اه طبعا تقدر بس ارجوك بلاش ترهقها بالكلام كتير لانها لسه تعبانه
عمر : حاضر يا دكتور متقلقش
___________________________________________
بيدخل عمر الغرفه و اول ما بتشوفه نور بتبص الناحيه التانيه
عمر بحزن : حمدالله على سلامتك يا نور
نور بتفضل بصه الناحيه التانيه و مش بترد
عمر : الدكتور طمني و قال ان انتي و الجنين الحمدلله بخير
نور التفتت ليه بسرعه : الدكتور كلامه طمنك بس ضايقني انا
عمر بإستغراب : يعني ايه؟
نور بإبتسامه و عينيها كلها دموع : يعني كان نفسي يكون كله انتهى و مبقاش في وجود للجنين ولا ليا
عمر بعد ما قام من عالكرسي اللي كان قاعد عليه : يعني افهم من كده انك كنتي قاصده اللي حصل ده
نور بتفضل ساكته و مش بترد عليه
عمر : خلاص يا نور انا فهمت….*بزعيق* بس وحيات امى لاهدفعك تمن اللي انتي عملتيه ده غالي اوي، قابلي بقى يا حياتي.
بيخرج عمر من الاوضه و بيقفل الباب بعنف
نور بتنهار في العياط و بتقول لنفسها : انا تعبت يا رب انا بيحصلي كده ليه انا عملت فيه ايه،يا رب انت عارف اني معملتش كده عن قصد واني عمري ما هأذي اللي في بطني…بس انا لازم هعرف يا عمر انت بتعمل معايا كده ليه و ايه الذنب اللي بتعاقبني عليه
___________________________________________
بعد ما بيخرج عمر من الغرفه بيتصل على سمر عشان يطمن عليها
سمر : الو
عمر : الو ايوه يا سمر عامله ايه؟
سمر : كويسه الحمدلله المهم انت عامل ايه و.. نور عامله ايه؟
عمر : الحمدلله يا سمر ربنا ستر و جت سليمه
سمر بعد ما عوجت بوقها بضيق من كلامه : اه الحمدلله
عمر : المهم خلي بالك من نفسك و متتحركيش من عندك زي ما قولتلك لحد ما نييجي و كده كده الدكتور قال انها هتقدر تخرج بكره بإذن الله
سمر : ماشي يا عمر متقلقش
عمر : تمام يلا اسيبك انا، سلام
سمر : سلام
بعد ما بتقفل سمر الخط بتروح غرفتها وهي متغاظه و بتكلم نفسها : جت سليمه؟ كل مره بتيجي سليمه معاكي يا نور بس صدقيني لسه موضوعك معايا مخلصش و هعرف اخلي عمر يكرهك اكتر و اكتر ازاي
___________________________________________

 

 

 

 

تاني يوم الصبح بيرجع عمر و معاه نور للبيت
اول ما بتشوفهم سمر بتتحرك ناحية نور و بتقول : حمدالله على السلامه يا حبيبتي،ايه مش تاخدي بالك وانتي نازله السلم
بتبصلها نور بإبتسامه مكسوره و بترد : الحمدلله انها جت على ادد كده اصل انتي عارفه عيون الناس مبترحمش و الحسد في كل حته
بتبصلها سمر بحده و هي بتجز على اسنانها و بتحس نور انها حرقت دمها فبتبتسم اكتر و بتقول : طب استأذنكم انا بقى هطلع ارتاح فوق شويه
وبعد ما بتطلع نور بتلتفت سمر لعمر و بتقوله : طمني عليك يا عمر انت كويس
عمر كان سرحان في نور و في اللي حصل بينهم في المستشفى بس قاطعه صوت سمر : عمرر هيي روحت فين؟
عمر : ها..لا مفيش انا بس مصدع شويه عشان معرفتش انام امبارح كويس
سمر : طب عموما انا كنت عايزه استأذنك اني لازم ارجع القاهرة دلوقتي
عمر : ايه ده انتي مش عامله حسابك هتقضي اسبوع معانا يا سمر؟
سمر : اه بس اصله…اصل اصحابي كلموني و قالولي ان الكورس اللي احنا حاجزينه هيبدأ من بكره الصبح
عمر بنبرة تشكيك : الكورس؟ …اممم طيب تمام يا سمر خلاص خلي بالك من نفسك ولما توصلي طمنيني
سمر : حاضر،وانت كمان خلي بالك من روحك
عمر : بإذن الله و متنسيش تسلميلي على خالتو
سمر : الله يسلمك يوصل
بتتوجه سمر لغرفتها و بتحضر شنطتها و بتسلم على عمر و نور و بتمشي
___________________________________________
عمر : الو ايوه يا ماما.. الحمدلله يا حبيبتي هي بقت كويسه متقلقيش.. لا هي فوق في الاوضه بترتاح شويه.. حاضر هقولها متقلقيش و هخليها تكلمك لما تنزل
___________________________________________

 

 

 

تليفون نور رن : الو.. ايوه مين؟ .. اه اهلا ازيك يا رامي.. ده رقم جديد ولا ايه؟.. اها تمام.. انا الحمدلله والله كويسه و اهي جت سليمه.. بس انت عرفت منين.. اكيد صح نيره هي اللي قالتلك مش سؤال يتسأل ده.. ربنا يخليك يا رامي ميرسي على سؤالك
٠ في اللحظه دي كان عمر واقف بره ورا الباب و سمع نور
نور : لا متقلقش عمر تحت..اكيد طبعا بس انت معلش بلاش تتصل تاني عشان ممكن يسمعني وانا بكلمك

• و في اللحظة دي اتفتح الباب و دخل عمر *

نور بصدمه : عمرر ‏

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية لن أعشق سواك)

‫4 تعليقات

اترك رد

%d مدونون معجبون بهذه: