رواية لا افهمك الفصل الثالث والعشرون 23 بقلم هدير محمد

رواية لا افهمك الفصل الثالث والعشرون 23 بقلم هدير محمد

رواية لا افهمك البارت الثالث والعشرون

رواية لا افهمك الجزء الثالث والعشرون

رواية لا افهمك الحلقة الثالثة والعشرون

سجد آسر شكرا لله ثم احتضنها بقوة و هو يقبل كل انش من وجهها ….و رفعها بحب يهم بوضعها على السرير
– انت بتعمل ايه !!
– من النهاردة مفيش اي شغل هيتعمل هجيبلك وحدة تخدمك مش عايز مناقشة ..
– بس انا اقدر اخدم نف ..
-هسس مفيش كلام تاني في الموضوع ده …انتي تهتمي بيا و بابننا و بياسين و بس !! بس بيني و بينك انا عايز بنت مزة شبهك 😉🥰
– كل اللي ربنا يجيبه كويس يا حبيبي
– ..ربنا يخليكي ليا..انا بجد النهاردة اكتملت سعادتي يا رنون
تنهدت بعمق و قالت
– بس انا مش هتكتمل سعادتي قبل ما تنصلح علاقتك بأهلك
بقلمي آلاء إسماعيل البشري
حاول تغيير الموضوع و أجاب بسرعة
– على فكرة اعملي حسابك بكرة الصبح هنروح عند ماما سهير نفرحها هي اصلا كانت عازمانا عالغداء و انا قلتلها خلي العزومة بعد ما نرجع من البلد
تنهدت بحزن : اللي تشوفه حبيبي 😓
بعد شهرين
أحمد :الوو يا معلم الكيكة استوت و خايفين تتحرق مننا 😂
آسر : بلا عبط انت عارف اننا عالآمن …هااا …ادهم تاني !!
أحمد بضحك- هيكون مين غيره ؟؟ هو انت مش ناوي تضبطه بقى !! الواد استوى عالآخر و بقى يمشي يكلم نفسه …
آسر بمزاح : هيمو’ت و يعرف ازاي كل مخططاته بتتفشكل كل مرة قبل ما يبدأ تنفيذ ..صح ؟؟ 😂
– انت بتقول فيها !! ده هيطق له عرق …المهم ناوي تعمل معاه ايه ..مش لاعبناه كفاية بقى !!
– ايوة معاك حق …سيبه المرة دي ينفذ و خذ كل الاحتياطات عايزين نمسكه متلبس من غير ما حد يتاذي …يالا خليه يشرفنا عشان نوريه كرمنا يا أبو حميد
– علم و ينفذ يا باشا 😉
في الاخر اتقبض على ادهم بتهمة محاولة ق’تل معاذ و اتحكم عليه بعشر سنين سجن…واحد من المسا’جين حطه في دماغه
كل يوم مشكلة جديدة معاه …تعرض للتنمر و المضايقة و حتى التعذيب منه لوقت طويل
” ولا يحيق المكر السيء الا بأهله ”
“و يمكرون و يمكر الله و الله خير الماكرين ”
يرد مكرهم في نحورهم، ويحبط كيدهم، ويخيِّب سعيهم، ويعاقبهم عليه عقابًا شديدًا
بقلمي آلاء إسماعيل البشري
في قصر أسعد الحديدي
عبير بإنهيار : معقولة 3 اشهر محدش عارفه هو فين؟ يعني ابني كدة راح مني يا أسعد ؟
أسعد بخيبة أمل
– و الله انا ما خلتش حجر ما شلتوش ودورت تحتيه …كأن الارض اتشقت و بلعته ..
– كنت زودت مبلغ المكافأة !! 😭
– ازود ايه هو 3 مليون جنيه مبلغ قليل !! اي حد لو كان لقى ربع معلومة بس عنه كان استغل الفرصة و جيه بلغنا
انتي عارفة الناس ممكن تعمل ايه عشان ربع المبلغ ده بس !!
مادام محدش شافه طول المدة دي ده معناه حاجة وحدة بس يا عبير !
عبير بانهيار اكثر : لااااااا ما تقولهااااااش .. ارجووووك ما تقولهاش يا أسعد …ابني مستحيل يموو،ووووت !! 😭
مرت 8 اشهر
ياسين اكمل كل جلساته و تحسنت حالته كثيرا و أخيرا غادر المستشفى بعدما اكد الطبيب أنه في آخر مرحلة من مراحل العلاج …و هي مرحلة التأكد من اختفاء كل الخلايا الخبيثة من الجسم
اصحاب المدونات الحرامية اللي هينسخوا دلوقت و يكتبوا اكتملت بقلم هدير محمد و يشيلوا اسمي انا مش مسامحاكم على اخذ تعبي و هاخذه من حسناتكم يوم القيامة
اسلام تحسن وضعه كثيرا بعد ان اجرى العملية
اقنعه الطبيب ان محسنا مجهولا قد تبرع بمبلغ كبير لكل من يعجز عن دفع تكاليف عملية و الطبيب تذكره و أتصل به من اجل اجراء عملية زرع الخلايا الجذعية قبل فوات الاوان و انتهاء المبلغ طبعا وافق دون تردد ..لا يعلم أن المتبرع كان محمد والد رغد و الذي اضطر لدفع ثلاث عمليات مماثلة لإقناعه بصحة المعلومة
و هاهي قد نجحت لكنه لا يزال يمشي بعكاز و امامه شوط كبير من العلاج الطبيعي …رغم كل هذا فقد تفوق كعادته و كان الاول على دفعته لذا فقد حصل على منصب عميد في كلية القضاء
في احدى المكتبات التي كانت شبه فارغة من القراء…يجلس وحيدا في احد الاركان يطالع احد كتب القانون حين رآها تدخل متوجهة نحوه من احد الابواب
كان يهم بالنهوض و المغادرة في الاتجاه المعاكس حين اوقفته بحدة
– ممكن اعرف انت بتهرب مني ليه طول المدة الي فاتت دي ؟؟
تنهد بأسى دون ان يلتفت
– انا قلتلك مئة مرة … مش محتاج مساعدة حد ولا عايز احس بشفقة حد عليا ..
انفجرت رغد بعد ان استنفذت كل محاولاتها للتقرب منه طيلة الفترة السابقة
– مين قال اني باقرب منك شفقة !! على فكرة انت اغب’ى قاضي شفته ف حياتي !!! انت واحد اناني مش بتفكر غير ف نفسك و بس !!! بتفسر الامور زي ما انت عايز ليه ؟؟ مش يمكن انا اللي محتاجالك ؟؟
لم يجد اسلام بدا من المواجهة ..تلك المواجهة التي طالما تحاشاها ..التفت إليها و إجاب بحدة
– مين قال كدة !! بالعكس بقى !! انا لو كنت اناني زي ما بتقولي و بافكر في نفسي و بس كنت قربت منك و استغليت طيبتك و اهتمامك بيا ابشع استغلال ..بس انا مش كدة .. و عمري ما هكووون ..و بعدين واحدة زيك عندها كل حاجة هتحتاج ايه من واحد عاجز زيي ؟؟ هااااا ؟!!
انهارت رغد بالبكاء -بس يا اسلام اللي انت فيه بسببي انا !!
– و ده السبب اللي مخليني عايز ابعد فاهمة !! …مش عايزك جنبي لمجرد الاحساس بالذنب
– انهارت رغد ببكاء : و لو كان العكس !!! لو كنت انا اللي حصل معاي كدة كنت انت هتبعد عني برضو ؟؟
نسي اسلام نفسه و إجاب بلهفة – مستحييييل .. كنت هابقى رجليكي و عينيكي و ايديكي و مش هاخليكي تحتاجي لحد تاني أبدا ..
– ليه يا إسلام ؟؟
– لأني بح…
بقلمي آلاء إسماعيل البشري
سكت فجأة حين افاق من سهادته و انتبه لما قال
كاد ان يغادر بلا اي كلمة لكنها اوقفته ممسكة بيديه
– عايزة اسمعها يا اسلام ….ارجوووك
اسلام و هو يحاول تجنب النظر إلى عينيها
– رغد انتي تستاهلي واحد احسن مني …واحد يقدر يعيشك في نفس المستوى اللي انتي عايشاه ..واحد انتي اللي تسندي عليه مش العكس
– و لو قلتلك اني مش عايزة اكون مع حد غيرك يا اسلام !!! انا بحبك انت .. و محتاجاك انت بس في حياتي مش عايزة حد تاني
نظر إليها بدهشة فأكملت و هي تنظر اليه بإصرار جعله يتأكد من صدق كل كلمة تقولها
كملت ببكاء – انا حبيتك من قبل الحادثة .. بس حبي زاد اكثر بعدها و حاسة بحبك من زمان و عارفة و متأكدة ان محدش هيقدر يسندني غيرك ..ده كفاية انك دفعت رجليك الثمن ..ارجوك ما تبعدنيش عنك بسبب فكرة غب،ية في دماغك…
قبل أن يتكلم او يفيق من ذهوله من كلامها رن هاتفها
– ايه ؟؟ طيب طيب انا جاية حالا !!
اسلام بدهشة : رايحة فين ؟؟ حصل ايه ؟
رغد بتوتر – رنا بتولد !
– طب استني…. انا جاي معاكي !!!
في المستشفى
تجمعت كل العائلة : محمد و فاطمة و معهما الدادة سهير ، معاذ و وئام الحامل في الشهر الخامس تستند عليه بتعب و بجانبها والدتها
منال و ريم و معهما ياسين الذي اصر على آسر ان يكون أول من يرى المولود بعده …
ينتظر آسر بهلع شديد بالقرب من باب العمليات بعدما اكد الطبيب ان وضعها يتطلب عملية قيصرية و استحالة حصول ولادة طبيعية ..
يحاول خالد ان يخفف عنه و يواسيه
آسر ببكاء- خايف عليها اوي يا خالد
– ما تبقاش ضعيف كدة اجمد اومال ! ده بدل ما تدعيلها !!
– ياااا رب تطلع بالسلامة انا ما يهمنيش غيرها يا خالد
– هتطلع هي و ابنك ان شاء الله خلي أملك في ربنا كبير انت انسان مؤمن و ايمانك قوي .
في هذه الاثناء وصلت رغد تركض بسرعة و خلفها اسلام الذي يستند على عكازه بالكاد يستطيع اللحاق بها .
– ايه الاخبار يا ماما ؟! هي فين ؟
فاطمة بخوف – لسة ما طلعتش من العمليات يا بنتي ..
شكله كدة الوضع صعب اوي
رغد بخوف- يا رب تطلعها على خير .
وئام – الا قوليلي يا رغد هي ما قالتش عندها ولد ولا بنت !؟
رغد بتوتر : لا ما قالتش لحد ولا حتى لآسر …بتقول عايزاها مفاجأة للكل و اولهم آسر .. نظرت الى آسر الواقف بجانب غرفة العمليات و الذي كان سيغمى عليه من الرعب
رغد – يا رب بس تطلع لجوزها بخير مش مهم ولد ولا بنت
ياسين ببراءة : بس انا عايز ولد عشان العب معاه كورة
ريم بزعل طفولي : بس انا عايزة نونو بنت عشان العب معاها بالعرايس انا مليش صحاب بنات خالص و انت مش بتحب تلعب معاي و كل ما اتحايلت عليك نلعب بتزعل و بتزعقلي 😓
بقلمي آلاء إسماعيل البشري
في هذه الاثناء خرجت ممرضتان تحمل كل منهما مولودا
اسرع الجميع إليهما و اولهم آسر المصدوم
خرج من خلفهما الطبيب ينزع القبعة و القناع
– الف مبروك .. ولد و بنت ..يتربو في عزكم
الجميع ينظرون بدهشة و فرح في نفس الوقت : توأم !!
آسر بلهفة : مراتي كويسة يا دكتور ؟؟
– اتطمن المدام بخير هي بس محتاجة شوية وقت على ما تفوق من التخدير
اخذ آسر الولد و اخذت رغد البنت و اذن لهم و كبر في اذنهم
وسط فرحة العائلة
محمد بحب : الف مبروك يا حبيبي
آسر بجمود: الله يسلمك
فاطمة بفرحة – ان شاء الله طول العمر يا ابني .. عنك يا رغد عايزة اشوف بنت ابني .
آسر بحدة : خذي الولاد مكانهم يا رغد كفاية كدة
شعرت فاطمة بالحرج و الانگ،سار و نظرت الى محمد بخيبة
لاحظ الجميع تصرف آسر و لم يعقب احد
بعد مدة من الزمن افاقت رنا و اخذت لغرفة عادية
آسر بحب – حمد لله على سلامتك يا حبيبتي
– الله يسلمك يا روحي .. ولادي فين ؟؟
-ولادنا بخير …بقى معقولة تخبي عني خبر زي ده !!
– حبيت افاجئك 🥰
– احلى مفاجأة يا روحي ..شكل عزومة البحر و اكل السيفود إياها جابت نتيجة جامدة …أبقي فكريني لما نجي نخلف تاني و أانا هأبقى اكررها لك…بس خلي بالك هتبقى كل سنة مرة😉😂
ضحكت رنا و هي تمسك بطنها بألم : ليه بقى شايفني ارنبة..حرام عليك انا لسة والدة من ساعتين و حضرتك بتفكر في المرات الجاية !؟ ولا انت مش هامك صحتي عايز ولاد و خلاص !!
آسر بحب : باهزر يا عب،يطة ده انا كنت همو،ووت من الخوف عليكي …مكنتش ساعتها بفكر في اي حاجة غير انك تطلعي لي بالسلامة تاني .
دخلت ممرضتان تحملان الرضيعين
– مدام رنا ولادك محتاجين يرضعوا
أمسك هو بالبنت و اعطتها الممرضة الولد
خرجت الممرضتان
آسر بحب – على فكرة الإثنين قمر شبهك ..حتى الواد الحيلة
رنا بحرد طفولي – و دي حاجة تزعلك ؟؟
– بالعكس ..انا عايز منك دستة كلهم شبهك انتي 🥰
– ده انت بتتكلم بجد بقى !
– انتي خفي كدة و نوري بيتك بعدين نشوف الموضوع ده …ولا ايه يا ولاد ؟؟
احتضن الفتاة بحب و هو يهمس لها بصوت مسموع
– حقك عليا يا بنتي لو مكانش ابوكي طور كان زمانكم انتي و اخوكي بتجروا دلوقت و كان زمانا هنا بنستقبل الإنتاج الجديد
رنا بضحك على كلامه : شوف الراجل !! 😂😂
تنهد آسر بعمق – مش عايز أضيع اي لحظة معاكي من هنا و رايح …عايز حياتي كلها حب تعبت من القسوة و الوحدة طول عمري
تنهدت رنا بأسف: على فكرة انا عرفت اللي حصل
آسر ببرود : عرفتي ايه ؟؟
رنا : وئام حكتلي اللي حصل قبل ما تروح هي و مامتها و كانوا مستغربين تصرفك اوي
آسر ببرود: مليش دعوة بحد يفهموا اللي يفهموه
رنا بحزن : يا حبيبي انت دلوقت بقيت اب .. . مش كفاية قسوة بقى !! ابوك و امك ما يستاهلوش منك القسوة دي كلها …تخيل يجي يوم و ولادك يكرهوك بالشكل ده ! هيكون شعورك ايه ؟؟
هوما صحيح غلطوا في حقك و غلطة كبيرة كمان محدش يقدر ينكر ده و لا ينساه
بس هوما اعترفوا بغلطهم و ندمانين اوي و بقالهم سنين بيحاولوا يكفروا عن الذنب اللي اذنبوه في حقك…الاب و الام ما يقدروش يكرهوا ولا يقدروا يمثلوا الحب يا آسر .
– بس انا ما بقيتش محتاجلهم في حاجة …انا اترميت و اتحرمت من الاهتمام و الحنان و الحب في الوقت اللي كنت فيه بأمس حاجة لكل ده ….هأعمل بحبهم ايه دلوقت !؟ انا عندي انتي و ولادي .. انتو بالدنيا كلها
– غلطان يا آسر … محدش يقدر يعوض مكان الأم ولا أربعة مني و لا عشرة عيال من صلبك ….فوق يا آسر بلاش قسوة اكثر من كدة …. هوما بيحبوك اوي و موجوعين من قسوتك اوي …ده ربنا بيسامح العبد العاصي مهما كانت ذنوبه …ما تسامحش انت ! و مين ؟؟ اهلك !!!
لم يعرف آسر بما يجيب
بقلمي آلاء إسماعيل البشري
– آسر يا حبيبي انت شخص طيب و بتحب الخير و كل الناس بتشهدلك بكدة . .و مش بتبخل بحبك و مسامحتك على حد .. مع عدا الإثنين اللي ربنا امرك تبرهم و تحبهم … امتى هتزول الغشاوة دي من عينيك !! عشان خاطري بقى ! اديك شفت الناس كلها شافت تصرفك قبل. شوية و استغربت ازاي واحد في طيبتك يصدر منه تصرف مشين زي ده لأهله
محدش عارف الحكاية غيرك …لا وئام ولا أمها ولا خالد ولا مراته …يعني من الآخر كدة الكل هيطلع العيب فيك …محدش عارف انت عشت ايه عشان يلتمسلك العذر الكل بياخذ بظاهر الامور بس …
طب بلاش دول …. ولادي و ولاد اخوك و اختك هيعيشوا و يكبروا و هوما شايفين ابوهم او عمهم او خالهم بيتعامل بالشكل ده مع جدهم و جدتهم …المفروض يعملوا ايه هوما ؟؟ مش العادي انك تكون قدوتهم و توريهم الصح من الغلط ؟
انا مش عايزة ولادي يعملوا فينا كدة في يوم يا آسر …و لو حصل و واحد فيهم اتصرف كدة و حاولت تصلحله غلطه هيقول لك ايه ؟! اول حاجة يقولك طب ما انت وحش مع اهلك !! بتفتي عليا انا ليه؟
بقي آسر يفكر بجدية و اكملت رنا
– هااا …هتعمل ايه ساعتها؟؟ هتحكي لابنك الحكاية و تقوله انت اتولدت ازاي و اتعاملت من اهلك ازاي عشان كدة بتتصرف بالشكل البشع ده ؟؟ معنى كدة ان الحكاية هتفضل دايما حية مش هتتنسي …لان انت اللي مش عايز تنساها
الكل بيتعامل معاك بشكل طبيعي و بيحبك ..بس انت مصر تنبش في الماضي يا آسر .. مش عايز تتخلص من العبء ده عارف ليه ؟؟ لأن المشكلة فيك انت …مش فيهم هوما …
هوما تابوا و ربنا قبل توبتهم و الدليل اهو قدامي : ابنهم طلع ابن حلال مصفي و جواه نظيف و شهم و فيه حنية الدنيا كلها ..و لولا كدة مكانش ربنا بعد عنه نهلة و كشفها قدامه …و حطني انا في طريقه …ولا انت ايه رأيك ؟؟ 😊
امسك يدها بحنان : انا قلتهالك قبل كدة و اديني باعيدها
انتي هدية ربنا وعوضه ليا عن اللي انا شفته ف حياتي
قبلت رنا باطن يده بحب :
– و انت كمان يا آسر ربنا عوضني بيك عن أهلي اللي اتحرمت منهم …بس انا كنت بأتمنى من ربنا لو فضلوا عايشين حتى لو كنت هآخذ الضرب بالجزمة منهم كل يوم . ..المهم حسهم في الدنيا
للأسف يا آسر احنا مش بنعرف قيمة حبايبنا في الدنيا دي غير لما يفارقونا …ساعتها بنقول يا ريت اللي جرى ماكان و نندم في الوقت الي ما بقاش ينفع فيه الندم
بقلمي آلاء إسماعيل البشري
سكت آسر كثيرا كأنما يفكر في ما قالته و كأنها ايقظت جزءا كان نائما بداخله منذ وقت طويل لا يريد ان يستيقظ
نظر الى ولديه و اجتاحته عاطفة قوية و مشاعر غريبة حين تخيل للحظة إن ولده الذي تحمله في يدها سيكرهه في يوم ما بسبب ما يفعله هو بوالده ..لم يفكر في هذا قبلا..شعور الأبوة مختلف
يجعلك ترى الامور من زاوية و منظور مختلفين ! لم يفكر في هذا على المدى الطويل …لم ير كل ما قالته و لم يفكر به مسبقا
كانت القسوة و الحقد يغلفان قلبه لسنين طويلة جعلته يعجز عن المسامحة و الغفران
يقال فعلا ان الحب يصنع المعجزات ! فيأتيك بالعوض على شكل شخص له القدرة على تغييرك بالكامل… يدخل حياتك بدون سابق انذار فيبعثر العتمة الموجودة بداخلك و يحيل السواد الذي سيطر على قلبك لسنين طويلة الى ضياء
يزيل القسوة عن قلبك و يغلفه بطبقة رقيقة من الحنان يلتمسها كل من يقابلك
يحتويك و يعشق كل تفاصيلك حتى ما يراها الناس فيك عيوبا ..يحبك كما انت بأخطائك قبل حسناتك ..يقومك بدلا من ان يلومك….يعذرك بدلا من ان يعاتبك .
هذا ما فعلته هي به !! بإختصار … اعادت له صفة العفو التي انتزعها منه الزمن
في هذه الاثناء دخل كل من محمد و فاطمة
فاطمة – حمد لله على سلامتك يا حبيبتي
رنا بحب – الله يسلمك يا ماما
محمد: ألف سلامة يا بنتي …يتربوا في عزكم …نظر الى آسر بتردد ثم التلفت الى رنا و أكمل بصوت منخفض
هتسموهم ايه يا بنتي ؟
رنا : في الواقع ما حددتش لسة بس كنت …
فجاة و بدون أن يتكلم أعطى آسر الفتاة التي كانت في احضانه لوالدته ثم اخذ الصبي من حضن رنا و أعطاه الى محمد قائلا : انتو اللي هتسموهم يا بابا .
و نظر الى رنا المبتسمة بحب و قد غلبت دموعها الموقف
– ده طبعا بعد موافقة امهم
رنا بحب – أكيد يا حبيبي موافقة …احنا عندنا بركة الا هوما !
اردف آسر و هو يقبل يد والدته و بعدها يد والده : سامحوني
بكى والده بحرقة: احنا اللي مفروض نطلب منك تسامحنا يا ابني مش انت
انا المفروض اعمل كدة من بدري اوي .. انا غلطت ف حقك كثير في الوقت اللي كنت محتاجني .. و حاولت اكسب حبك بعد ما كبرت …بس عمري ما كانت عندي جرأة اعتذر منك لاني كنت اب اناني و جاحد …. جبان و مغرور
رغم اني انا اللي غلطت و مع كدة عاقبتك انت …. انا ما استاهلش ابن طيب زيك …انت كنت اغلى هدية من ربنا ليا بس انا بغبائي ضيعتها و ما اكتشفتش ده الا متأخر اوي 😭
فاطمة ببكاء : حقك علينا يا ابني
آسر و هو يجفف دموعه: خلاص اللي فات ما’ت احنا هنبتدي النهاردة صفحة جديدة اساسها الحب و التسامح .. ثم اردف بحبور
– ها هتسموهم ايه ؟!
محمد بسعادة غامرة و الدموع تنهمر من عينيه : عمر
فاطمة بحب : مريم
نظر الى رنا التي ابدت موافقتها :خلاص يبقى عمر و مريم 🥰
فاطمة : خذي بقى بنتك سيبيني اخذ ابني بقى
حضنت آسر بقوة و هي تبكي فرحا : يااااه قد ايه وحشني الحضن ده يا نور عيني…كنت خايفة اموت قبل ما اشبع من حضنك اللي حرمت نفسي منه
آسر : بعد الشر عليكي ان شاء الله تفرحي بعمر و مريم و تجوزبهم كمان
دخل معاذ ليجد آسر في احضان فاطمة و هي تربت على شعره
فرح معاذ كثيرا لهذا المنظر و دمعت عيناه
دخل بينهما ممازحا
-: لالا انا كدة هغير بقى !! عايز حضن من ده مليش دعوة
شددت من احتضان آسر : لا أنا عايزة اشبع من حضن آسر قبل ما ولاده ياخذوه مني تاني …
معاذ بزعل مصطنع: يعني انا خلاص يا ماما …بقيت ابن البطة السودة بعد ما لقيتي حضن آسر ! ماشي …أبقي افتكريها
آسر بمزاح : اخرس يا ولد ايشمعنى انا يعني !! ما انا كنت ابن البطة السودة سنين طويلة …يالا اشرب من ده انت كمان 😂
شددت احتضانه بندم : يعلم ربنا اني بحبكم انتو الإثنين سوا و عمري ما فرقت بينكم انا بس كنت خايفة من ابوك مش اكثر
محمد بندم : كله بسببي …حقكم عليا انا اللي فرقت ما بينكم و خلتكم تتربو بعاد عن بعض
رنا : ما خلاص بقى اللي فات ما،ت يا بابا …احنا دلوقت عيلة وحدة مش هيكون فيه غير الحب و الفرح مش كدة يا آسر ؟؟
آسر – أيوة يا رنون ربنا ما يجيب بعد و زعل أبدا
فاطمة : يا رب يا بنتي
محمد : انا هروح أشوف رغد مع ياسين اتاخروا في الكفتيريا …اصله كان واقع من الجوع و مع كدة ما رضيش ياكل حاجة لحد ما تطلعي
بقلمي آلاء إسماعيل البشري
خرج محمد و في نفس اللحظة دخلت سهير
– كدة يا خو،نة تسمو الولاد من غيري ؟ ماهو من لقى احبابه نسي اصحابه بقى !!
قفز آسر من حضن والدته و ركض مسرعا نحو سهير التي فتحت حضنها له بحب
آسر بفرح: ماما سهير !! ازاي بقى…ده انتي الخير و البركة ..
– الف مبروك يا ابني يتربو في عزك
آسر بفرحة : الله يسلمك يا ماما ..و ما تزعليش يا ستي انتي اللي هتسمي اللي جاي بعد كدة
و نظر الى رنا و غمز : مش كدة يا رنون !!
ضحكت بألم : شكلك ناوي عليا بجد يا مجنون 😂
همس آسر بمكر : مكنتش باهزر على فكرة 🙄😂
فرك شعر رأسه بدهشة : بس انتي مين قالك انهم توأم ؟؟
سهير بإبتسامة : رنا طبعا ..
نظر الجميع الى رنا بدهشة و اولهم آسر الحانق : يعني ماما تعرف ان انا جايلي توأم و أنا لا !!! دي اللي هي ازاي بقى !!!
ضحكت رنا بألم : كدة و خلاص هههه
نظر آسر الى سهير : لا الحكاية مش طبيعية …فيه سر و دلوقت هتقولولي عليه !!
سهير بضحك: مش قلتلك هيقفشنا ؟؟
فاطمة : لا بجد ايشمعنى انتي بس اللي عارفة … ما تقولي ايه الحكاية كلنا عندنا فضول نعرف !!
سهير : اقولهم يا رنون !!
رنا بإمتعاض : يووووه بقى يا ماما سهير !! 😥
سهير : لا خلاص هتزعل مني
آسر بإصرار : قولي ملكيش دعوة بيها …هبقى اصالحكم بعدين
ضحكت رنا و اجابت سهير : يا سيدي الحكاية و مافيها ان مراتك فضولية بزيادة… كانت عايزة تعرف سر يخصك كنت مخبياه عنها و اضطرت تقولي على جنس الجنين بشكل حصري عشان اقولها
معاذ بفضول : سر ايه ده يا طنط سهير!
– ملكش دعوة انت …ده يخص آسر عايز تحشر انت مناخيرك بصفتك ايه ؟؟
آسر بتذكر : يا نهار اسود!! اوعي تكوني قولتيلها عاللي ف بالي !
ضحكت سهير و رنا بشدة: ايوة هو ….😂
آسر بهمهمة: ضاعت هيبتي قدام البت خلاص هتفتكرني صايع أكيد
ثم اردف بحبور و هو يحاول تغيير الموضوع حين احس بان كل الانظار مرتكزة عليه : تعالي يا ماما شوفي ولادي حلوين قد ايه ؟؟ و همس في اذنها : و حسابي معاكي بعدين .. بعتيني بحتة خبر هههه هي دي الامومة ! اخص
همست سهير بحب: ابقى حل مشكل فضول مراتك الاول ..و اردفت بصوت عال .بسم الله ماشاء الله ايه القمرات دول .. رنا الخالق الناطق 🥰
رغد من خلفها بتذمر : شايفة يا طنط سهير ! بقى اثنين بحالهم و مفيش حد منهم يشبهني ؟ انا زعلانة منكم بجد 😥
آسر بعبث: يا ستي ولا تزعلي ..اهو معاذ هيخلف بنت شبهك
معاذ بضحك : لا يا اخوي انا عايز بنتي قمر زي امها
رغد بحنق : يعني انت شايفني ايه …. نيزك مثلا !!
رنا بألم : بس انت و هي فصلت حرام عليكم انا لسة طالعة من عملية 😂 ..
آسر بعبث : بصي يا ست رغد بدل ما انتي قاعدة تشحتي في العيال ما تتجدعني و تكلمي ابوهم اللوح ده و احنا نجوزك ليه و تبقي تجيبي دستة كلهم شبهك !!
خجلت رغد جدا و خرجت مسرعة دون ان تنطق بحرف
بقلم آلاء إسماعيل البشري
نظرت رنا اليه بحدة و جزت على اسنانها : جرى ايه يا آااسر !
آسر بضحك : ايه !!! هو انا قلت حاجة غلط ؟!
معاذ بضحك: قلت ايه ؟؟ انت دايما خاربها كدة 😂
فاطمة بضحك : كدة كسفت البنت !!
آسر بحب : انتي لسة شايفاها بنت!أنا شايفها عروسة و عريسها جاهز …على الله بس البعيد يتحرك و يتكلم قبل ما حد يسبقه
معاذ بإستغراب : يعني انت مش بتهزر !! قصدك مين ؟!
– حضرة العميد …شكله كدة مستنينا احنا اللي نطلب ايده للبنت 😂
في هذه اللحظة دخل محمد مبتسما و في يده ياسين
محمد : لا هو طلبها مني قبل شوية في الكفتيريا و انا قلتله لما نروح البيت نبقى نتكلم في الموضوع ده حسب الاصول
بقلمي آلاء إسماعيل البشري
سعد الجميع لهذا الخبر و أخيرا اكتملت سعادة رنا بلمة العائلة التي حرمت منها… و بلقاء كل الاحباب
ياسين : و انا كمان عايز اتجوز يا عمو آسر .
جثى آسر امامه : الله عالمفاجأة !!! و مين بقي سعيدة الحظ اللي هتبقى صاحبة النصيب ؟؟
ياسين ببراءة : ريم 🥰
رنا بدهشة : ريم !!! ده ازاي بقى و انتو طول الوقت زي ناقر و نقير ؟ ده عمركو ما اتفقتو على حاجة !! 😳
سهير: سبحان الله فكرني بإثنين كدة اعرفهم 😉😂
فاطمة بضحك: يا ستي ما محبة الا بعد عداوة 😂
آسر بتأكيد : ماما معاها حق .. و الدليل انا و اختك 🙄😂
ياسين : هاا قلت ايه يا عمو آسر ؟؟ هنروح نطلب ايدها امتى
ضحك الجميع و اجابه آسر بجدية مصطنعة
– لسة شوية يا حبيبي .. لما تخلص تعليمها الابتدائي و تدخل عالاعدادي …و اهو يكون معاذ جابلنا الانتاج الجديد يمكن تغير رأيك ولا حاجة 😉😂
ياسين بزعل : لا مش هأغير رأيي … انا عايز ريم 😤
دهش الجميع من هذا الولد الذي يعطي انطباعا بانه اكبر من سنه دوما
اردفت رنا : حاضر يا قلبي هاجوزك اللي انت عايزها اتجدعن بس و ادخل المدرسة و هات لنا مجاميع حلوة عشان ابوها يرضى يجوزهالك…ما تنساش انها بنت رائد !
ياسين بفرحة : بس كدة !! حاااااضر ! مش هأجيب غير ممتاز و بعدين انا كمان عمي ضابط !!
ضحك الجميع و احتضنه آسر بحب و هو يغمز لرنا : حبيب قلب عمك يا بطلي بس اوعة تطلع غبي زيه 🙄😂 مش عايزك تضيع وقت خالص ! و انا في ظهرك دايما
– حاضر يا عمو ..و بعدبن انت عارف ان انا اذكى منك و الدليل انك عمرك ما غلبتني 🙄
اردف آسر بغضب مصطنع: اوام بعتني! ماشي…و ابقي فكريني يا رنا ما اشتريش اي لعبة تاني للوا’طي ده 😡
ضحك الجميع عليهما
بعد يومين عادت رنا الى القصر مع احبتها بعد اصرار والدة آسر للإعتناء بها و بالاولاد .
استغل اسلام هذه الفرصة و تجرأ و عاد هذه المرة برفقة جدته لطلب رغد من والدها امام كل أفراد العائلة ..رحبوا كلهم و قدموا التهاني بلم شمل كل الاحبة
بقلمي آلاء إسماعيل البشري
بعد اسبوع
حضر الجميع في قصر العائلة يحتفلون بسبوع التوأم و بميلاد حقبة جديدة .. يملؤها الحب و التسامح و الحنان
يسودها حب التعاون و مد يد العون لكل من يحتاجه .
تمت بعون الله 🥰

لقراءة جميع حلقات الرواية اضغط على : (رواية لا افهمك)