رواية غيبوبة القدر الفصل الرابع عشر 14 بقلم رويدا القاضي

رواية غيبوبة القدر الفصل الرابع عشر 14 بقلم رويدا القاضي

رواية غيبوبة القدر البارت الرابع عشر

رواية غيبوبة القدر الجزء الرابع عشر

رواية غيبوبة القدر الحلقة الرابعة عشر

حاتم: اهيا البضاعة للي طلباتيها امتا بتجي منى ولا مازال مطولة.
خولة:🤨 شن دخلك في منى ومن امتا انت تقصقص عليها شن فيه.
حاتم: ريحي روحك وانت طول قرنتي حواجبك حليلي ع للي تغار عليا.
خولة: ماتغيرش الموضوع وتاكلني باللسان شن فيه تسأل اطلع مش عندك عمل.
حاتم: من الأخير خالد يموت في حاجة اسمها منى وهوا معاي البرا يستتى فيها امتا اتجئ.
خولة:🥺 اه وهيا تعرف قصدك منى نست صدام حسيت كأنه خوي كيف مات.
حاتم: هيا ماتعرف شئ وصدام الله يرحمه حرام عليك ياخولة هذا سنة الحياة وانت بنت متعلمة اهو انت اخته كملتي حياتك حتى هيا من حقها تعيش تجربة ثانية .
خولة: قصدك تعاير فيا اني قبلت نتزوجك وذكر فيا بيها باش تلقى مبرر لي منى انا في البداية أمي جبرتني عليك.
حاتم: امك جبراتك عليا 😡 تمام خلي اتجئ ضيفتك وتروح وبعدها نتفاهموا.
خولة: حسيت بكمية الوجع للي انا سببتهوله بكلمتي رغم اني ماكنتش نقصد شئ .
(احيانا يكون الإنسان غبي لدرجة انه يجرح أقرب الناس ليه بذون مايحس).
حاتم: معقولة انا مضحوك عليا لدرجة هاذي وانا للي نحسابها تحبني طلعت لي خالد وقلت مستحيل نخليه يحس بشئ.
مها: والله ماتتحشمي توا بطني قريب تضرب في (استيرسو) السيارة وجايبتني نوصل فيك.
منى: توا نمشي نوقف تاكسي ياحنا ولا بنوض بوك للي معاش عنده جهد لحد.
مها: والله فعلا بابا ربي يكون في عونه قداش بيتحمل
من وقت اطلقت سارة وهو وضعه مش تمام.

منى: اهوا الحوش يافالح للي قعدا ماشية تجري برى روحي نحس فيك بتجيبي ولد عملاق.
مها: انزلي واسكتي قولي ماشاء الله لايموت ولا تصيرلي بعض المصايب.
منى: ريت أبو زيد الهلالي عاد ريحي روحك انا غير متحشمتلك وليتي تقول فقمة 🤣.
مها:😡 العيب مش فيك فيا .
منى: توا وصلت وتم .
حاتم: اهيا جت اسمع انا بنمشي نخش للمربوعة وانت فرصتك تحكي معاها.
خالد: نحس في روحي خاش لإمتحان مش باش نكلم بنت بس شعوري يتلخبط مجرد مانشوفها .
منى:🤦🏻‍♀️ النحس هذا شن جيبه اهنيا قريب يطلعلي من تحت الأرض.
خالد: اهلين كيف حالك يامنى.
منى: ماشاء الله وحفظت اسمي بخير غير كان نرتاح من شوفتك .
خالد: علاش تعاملي فيا المعاملة اهيا اعطيني واعطي لروحك فرصة حرام عليك .
منى: حرة انا مانبيش نكلمك ومانبيش نشوفك مش بالسيف.
خالد: باهي شن خسارة انت جربي بالك تحبيني انا كيف ماتبي تلقيني.
منى: انت مش سيارة بنجربها باش نقولك تمشي معاي ولا .لا.
خالد: ورحمة صدام وغلاوته عندك تكلميني بالله عليك راني شهور نستنى فيك.
حاتم: نسمع فيه كيف يتجدا سخفني كنت بنطلع وبنقوله فوتها مش حد الدنيا هيا.
منى: لما حلفني بصدام خديت رقمه شن يخليه يتسخف باش نكلمه .
خالد: الحمدلله خداته .
خولة: اهلين كيف حالك حبيبتي .
منى: الحمدلله كيف حالك انت.

في مكان ثاني في حوش مليان حزن ووجع لما تكوني متزوجة شخص ماتحبيش تحسي حياتك معاه ظلام ولو كنت ساكنة في قصر.
أحمد:😏 هاك نتيجة التحليل متعك طلعتي حامل .
سارة:😭 ياربي تزوجت مغصوبة وفوقها نطلع حامل ياربي انصفني ياربي اجبرني .
أحمد: لو اني خايف ع للي في بطنك راني عجنتك .
سارة: أحمد هذا كان كابوس حياتي لاطبعه زي طبعي ولا نحس فيه يمشي معاي واحد متع مليشيات وقاطع ايده من ربي همه نفسه وبس اشتقت نرقد وانا مرتاحة
في كل لحظة نتخايل خاشلي حد من العصابات للي هوا فيها .
حاتم: وين الضيافة ولا بنقعد نستنى فيك سنة.
خولة: قربت منه حبيبي مزلت زعلان منى ياروحي .
حاتم: اسمعي لو بنقول زعلان نطلع كذاب لأني بنتفجر منك ومن تصرفاتك .
خولة: بالله ياحاتم ماتزعلش.
حاتم: خلي تروح منى واتصلي بيا باش بنمشوا لأمك .
خولة: علاش تكبر في المشكلة وهيا تافه وصغيرة.
حاتم: عندك تافه عندي انا كبيرة .
خولة: خشيت لي منى وقعدت نهدرز معاها وقلبي والعة فيه النار بعد ماقال هكي .
منى: خيرك ياخولة نحس فيك مضايقة ولا فيه حاجة تبي تقوليها.
خولة: اسمعي نبي نكلمك ع موضوع وياريت تفهميني
قبل كل شئ.

منى: شن فيه تكلمي تخلعي فيا هكي راهو.
خولة: حاتم كلمني ع خالد وقلي انه معجب بيك ويبيك
قبل ماتقولي كلمة صدام تعرفي انه مات والله يرحمه
ويغفرله لو تحبيه ماتعذبيش ماتحمليش ذنبك يامنى
عيشي حياتك حبي وانحبي الله غالب صدام مش كاتبلك تكملي معاه اعطي لروحك فرصة جديدة مع خالد.
منى: مازال قلبي مش متقبل حد مزلت نحب صدام .
خولة: شن بتحبي فيه يامنى صدام يقعد ذكرى وبس لا عاد بتشوفيه ولا بتحسي بيه .
منى: مزلت نحس فيه جنبي كل مانشتاقله مازالت كل ثانية عشتها معاه محفورة في ذاكرتي الناس تنسى وانا كأنه حياتي وقفت بعد موته .
خولة: غير جربي يامنى ع خاطري لو تعزيني .
منى: ايصير خير ان شاء الله .
حواء: يامحمود مبارك بتولي جد كلمني أحمد توا وقال انه سارة حامل.
محمود: الحمدلله بنلقو من يملأ علينا الحوش بدل ماالوحدة قتلتنا.
حواء: ايه الحمدلله.

محمود: الله غالب عارف انها كانت تتمنى صغار من أنس لكن ربي هكي كاتبلها استاحشت صاحبي نكتب في رقمه ونمسح ياريتنى نقدر نكلمه .
حواء: شن هبلت احنا للي يربطنا بيهم بنتنا واهيا معانا غير هكي مافيه شئ.
محمود: عيب عليك بينا عيش وملح والعشرة ماتهونش الا ع ولد الحرام.
حواء: شن قصدك بيه الكلام هذا انت 😡.
محمود: ان شاء الله ربي يسامحك وبنتك تنسى للي درتيه فيها .
حواء: يوم اتجيب تسمع كلمة ماما تفهم تصرفي معاها
وتفرح وتدعيلي.
محمود: ان شاء الله تدعيلك مش تدعي عليك.
أمينة: شن جوها خولة وكيف حال امها .
متى: الحمدلله بخير .
أمينة: اللطف مشيتي ناشطة روحتى حتى الكلام مش قادرة متكلمة تقول واكلة طريحة.
منى: مافيا شئ تعبانة شوية وخلاص .
أمينة: تحرثي ولا تعزقي .
منى: تصحبي ع خير يما بنرقد .
أمينة: الفرخة هاذي تطلع نهاية الحلقة ملبوسة .
خالد: خلي نجرب نبعثلها رسالة ( تقدري تكلميني هاتف توا).
منى: كيف بنحط رأسي وبنرقد جتني الرسالة فتحتها
في خاطري شن درت اعطيته الرقم.
رديت عليه (تعبانة بنرقد).

حاتم: هاتي حوايجك وهيا كان بتمشي لحوش امك .
خولة: بالله عليك ياحاتم والله ماقصدي نوجعك .
حاتم: الكلام تم هاتي حوايجك وهيا بالك بلا نفخ زايد .
خولة: مشيت نوتي في الساكو متعي وانا نبكي معقولة هكي هنت عليه شن بيقولو عليا عروسة وروحت .
حاتم: طلعت وعيونها معبيات دموع اركبي وراك تكلميني حتى كلمة لين نوصل بيك حوشكم وقتها كلامي مع امك مش معاك.
خولة: مش قادرة حتى نرد عليه من البكاء ساكتة وخلاص نفكر شن بنقول لأمي .
حاتم: انزلي هذا حوش امك ووصلتيه هذا مكانك .
خولة: خديت حوايجي وبننزل .
حاتم: شديتها من يدها بكل عقلك انت بنخليك تروحي هبلتي طول هكي نازالة.
خولة: من الصدمة لين حضنته توقعته حق بيخليني أسفة ياروحى والله ماكان قصدي.
حاتم: حتى انا اسف غير كنت نبيك تحسى الوجع للي حسيته انا وبس.
منى: مش حركة خلي نتصل بيه توا يقول كذابة وتتوزع فيا.
خالد: شفت الرقم 😲 هذا رقمها هيا تتصل حي خلي نسكر عليها ونعاودلها سكرت عليها وعاودتلها.
منى:🤨 خيرك سكرت عليا لما نتصل بيك.
خالد: باش نعاودلك بس .
منى: مدامه اتصلت معناها عندي رصيد .
خالد: خلي يقعدلك تستفيدي بيه المهم شن اخبارك توا .
منى: الحمدلله بخير.
خالد: دوم حمدك.
منى: سلمك المهم توا نستأذن بنرقد.
خالد: سعيدة.

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية غيبوبة القدر)