روايات

رواية نغم العاصم الفصل الثالث 3 بقلم هاجر محمود

رواية نغم العاصم الفصل الثالث 3 بقلم هاجر محمود

رواية نغم العاصم البارت الثالث

رواية نغم العاصم الجزء الثالث

نغم العاصم
نغم العاصم

رواية نغم العاصم الحلقة الثالثة

“نرجع الصعيد في بيت الحج علي”
بعد ما حسام خلص مكالمته مع حمزه، فضل حيران من قرار صاحبه وبدأ يفكر في الطريقه اللي يقول بيها لعمه عن حمزه، وبعدين راح للحج علي واستأذن للكلام معاه
حسام: عمي!! ممكن اتكلم معاك؟
علي: تعالى يا حسام في ايه؟
حسام: في واحد صاحبي كان معايا في الكليه ودلوقتي معيد فيها وهو شاب محترم وكويس واهله ناس كويسه وقدامه مستقبل كبي…
بصله علي بتركيز وقاطعه: انت بتلف وتدور على ايه عاوز ايه؟
حسام بتردد: صاحبي ده عاوز يخطب نغم
علي: ايه؟؟
حسام: ايوه يا عمي شافها ف الجامعه وعجبته وطلب مني يجي يخطبها منك يوم الخميس
علي بمكر: وماله يجي ونشوفه
حسام: بجد؟
علي: ايوه طبعا قول له اني مستنيه يشرفني بس هناك في القاهره
حسام: ايوه يا عمي بس انا وحياة هنسافر الجمعه
علي: لا التلات وانا وصفا هنسافر معاكم وكمان مراتك ترتاح انت ناسي انها حامل والسفر هيبقا تعب عليها
حسام: اه صحيح طيب يا عمي انا هبلغه حالا، بس وموضوع أكرم
علي: مش وقته الكلام ده، روح بقا كلمه وقول له عالخبر ده
حسام: حاضر
******************

 

 

حسام ساب عمه وراح يبعت رساله لحمزه بموافقة عمه عشان يخطب نغم، اما الحج علي فضل قاعد مكانه قصاد الزرع وبيفكر وبيتكلم مع نفسه: عايزه تجيبي حد غريب يشيل الليله طيب يا بنت اخويا انا هوريكي هعملك فيه ايه ان مزلتوش وكسرته وكسرتك انتي كمان مبقاش انا
وقام منادي على مراته صفا وبلغها بقراره ونبه عليها تبلغ اختها فريده كمان
صفا: امرك يا حج هقول لها حاضر
علي: وقوليلها كمان اني هبقا عندهم يوم الخميس عشان الموضوع اياااه
صفا: موضوع ايه؟؟
علي: متشغليش بالك انتي روحي بس كلميها وشوفي عملوا ايه عالغدا احسن الواحد جاع من كتر المناهده وحرقة الدم من الصبح
صفا: حاضر
******************
“نروح القاهره، وفي بيت كامل”
وصلت نغم البيت بعد ما خلصت محاضراتها، ودخلت تدور وتنادي على مامتها: ماما!! ماما!!!
فريده: تعالي يا حبيبتي انا هنا ف اوضتي
خبطت نغم على الباب ودخلت اوضة مامتها، لقيتها قاعده عالسرير وماسكه صورة جوزها كامل اللي مات وصورة ابنها سيف اللي مات في مهمه له برا البلد وبتمسح دموعها، فقعدت نغم جنبها وقالت: الله يرحمهم كان نفسي، حد منهم يبقا معانا عالاقل مكناش هنتبهدل كده
فريده بتنهيدة: ااااه الله يجازي اللي كان السبب، المهم في ايه؟ شيفاكي عاوزه تقولي حاجه؟
نغم: ايوه يا ماما

 

 

 

 

فريده: خير يا بنتي
اتكلمت نغم مع والدتها عن حمزه وانه جاي يوم الخميس يخطبها قبل ابن عمها، سرحت والدتها شويه وبعدين بصتلها بقلق وخوف وقالت: تفتكري عمك هيوافق؟!
نغم بقلق: مش عارفه يا ماما انا خايفه اوي
فريده: عموما اللي في الخير يقدمه ربنا
(وفجأه رن فون والدتها برقم اختها صفا)
فريده: جيبنا في سيرة القط جه ينط
ضحكت نغم بقوه وقالت: ردي عليها طيب
(وفي الوقت نفسه رن فون نغم برقم حمزه)
فريده: وانتي ردي عليه
(ردت والدتها على اختها اللي بلغتها بالتطورات)
فريده: موضوع ايه؟؟
صفا: مش عارفه هو بيقولك اسألي نغم وانتي هتفهمي
فريده: طيب تيجو بالسلامه
صفا: بالسلامه ياختي
******************
في مكالمة نغم وحمزه
حمزه: عمك وافق خلاص
نغم بتنهيدة: انا عاوزه اسألك سؤال؟
حمزه: اتفضلي
نغم: ليه عملت كده؟ وانت عارف انت بالنسبالي ايه
حمزه: عارف بس انتي بالنسبالي كل حاجه وعاوز اسعدك واحميكي من اكرم
نغم: طيب وسعادتك انت فين؟
حمزه: اني اكون جنبك بأي شكل

 

 

 

 

نغم: بس انت بتظلم نفسك، وانت عارف اني مش هحب تاني بعد عاصم الله يرحمه
حمزه: انتي قولتي اهو الله يرحمه، انسيه بقا، ادي لنفسك فرصه وفكري فيا وهتلاقيني جواكي وصدقيني وقتها هكون اسعد انسان فالدنيا و..
قاطعته نغم: انا اسفه، ممكن مقدرش
حمزه: متعتذريش، الواحد مننا مش بأيده يحب مين او يكره مين دي حاجه ملناش عليها سلطان بس انا كل اللي عاوزه منك فرصه
نغم بقلة حيله: اللي ربنا عاوزه هيكون
حمزه: طيب يلا سلام بقا، وفكي كده
نغم: حاضر، سلام
******************
خصلت فريده المكالمه مع صفا وسألت نغم: موضوع ايه اللي عمك موافق عليه
نغم: موضوع حمزه انه جاي يخطبني منه
فريده بقلق: انا قلقانه يا بنتي عمك مش سهل واكيد ناوي على حاجه
نغم: ان شاء الله حاجه خير واكيد مش هيكسر بنفسي
فريده: اتمنى من ربنا كده
نغم: طيب هسيبك واقوم اغير هدومي ونتغدا
فريده: ماشي يا حبيبتي
******************
“نروح لبيت دينا”
كانت دينا رايحه جايه في اوضتها وهي ماسكه صورة حمزه والغضب والحقد مسيطرين عليها وبتلكم نفسها بصوت عالي: يعني بعد ده كله رايح تحبها، نفسي اعرف فيها ايه زياده عني؟ده انا احسن منها ف كل حاجه
وفجأه افتكرت المكالمه اللي جاتلها من كام اسبوع من حد غريب وقال لها انه عاوز مصلحتها بس هي قفلت في وشه السكه، ففتحت تليفونها وجابت الرقم وفضلت متردده تتصل لحد ما اتصلت
وفي المكالمة
-:كنت عارفه انك هتتصلي
دينا: واديني اتصلت، ايه مصلحتي بقا؟
-:وكلامي طلع صح
دينا: ايوه، اخلصي
-ضحكت بقوه وقالت: اهدي كده

 

 

 

دينا بغضب: انتي بتستفزيني اكتر، ايه مصلحتي؟
-:جينا للجد بقا، انتي عاوزه تنتقمي منها صح؟
دينا: ايوه، عاوزه افش غلّي منها
-: يبقا مصلحتنا واحده
دينا: ازاي؟
-: يعني اهو اخوها مات وخلصت منه ودلوقتي فاضل نغم
دينا: ايه ده هو انتي……
-: ايوه انا
دينا بتردد: طيب عاوزه ايه؟
-: تسمعي الكلام وتخليكي معايا
دينا: خلاص اتفقنا وانا تحت امرك
-:طيب اتفرجي بقا عاللي هعمله….

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية نغم العاصم)

اترك رد