روايات

رواية عذاب الحب الفصل الرابع عشر 14 بقلم شيماء أشرف

رواية عذاب الحب الفصل الرابع عشر 14 بقلم شيماء أشرف

رواية عذاب الحب البارت الرابع عشر

رواية عذاب الحب الجزء الرابع عشر

عذاب الحب
عذاب الحب

رواية عذاب الحب الحلقة الرابعة عشر

فى اليوم التالى فى فيلا عز الدين:.
كان الجميع يتناول الافطار معا ويتفاجىء عز ومديحة بصوت مالك من الخلف وهو يقول/صباح الخير يا جماعة
عز ومديحة معا بدهشة/مالك انت جيت امتى
سحب مالك الكرسى ليجلس عليةوهو يقول/جيت امبارح بليل بس انتو كنتو نايمين
مديحة بابتسامة/حمدلله على السلامةيا حبيبى
مالك/الله يسلمك
عز/وانت اية اللى صحاك بدرى كدة
مالك/رايح الشركة
عز/كنت خد اجازة النهاردة
مالك/وانا من امتى باخد اجازات وبعدين فى شغل كتير متعطل
جانا/ما هو من هنا ورايح مفيش شغل هيتعطل عشان انا هساعدك فى
عقد مالك حاجبية ليقول/تساعدينى ازاى
جانا/ماهو انا بقيت اشتغل فى الشركة
مالك/بتشتغلى فى الشركة من امتى دة انتى لسة وصلا
بقالك يومين
جانا/ما انا مبحبش اضيع وقتى
وقف مالك ليقول/انا همشى سلام
جانا/استنى خدنى معاك احنا بقينا نشتغل مع بعض
مالك بلهجة امرة/انا هستناكى فى العربية متتاخريش
جانا/اوك
…………………………………………………………….
فى منزل حياة:.
كانت حياة مستعدة للذهاب للعمل
زينب/انتى هتروحى الشغل النهاردة
حياة وهى تضع اغراضها فى حقيبتها/ايوة عندى شغل مهم والاستاذ مالك عز الدين مبيتوصاش لو اتاخرت ثانية عن ميعادى ما هيصدق
زينب/هو صعب اوى كدة
حياة /هو اوقات صعب اوى مش مفهوم ساعات تحسى قاسى ومعندوش قلب وساعات تحسى انو مفيش فى طيبة قلبة تعرفى واحنا مسافرين جتلى ازمة السكر شفة فى عينية الخوف والقلق علية لحد ما انقذنى وادانى الحقنة لما بيبصلى بشوف فى عينية نظرة غريبة اوى مش قادرة افهمها
زينب/على حسب كلام شهد انو قاسى عليهم كلهم بس اللى اعرفة انو مكنش كدة كان حنين اوى على كل اللى حوالية لحد ما حب واحدة وخانتة

 

 

 

حياة وهى عاقدة حاجبيها فى صدمة/بتقولى خانتة خانتة ازاى
زينب /معرفش
حياة/دلوقتى فهمت هو لية كدة
زينب /كدة ازاى
حياة /متخديش فى بالك انتى مش وراكى جامعة قاعدة لية
زينب/معنديش حاجة مهمة
حياة/ياعنى هتعدى فى البيت مصدقش
زينب/لا انا هعدى على شهد ونروح النادى شوية ما تعدى علينا ونروح سوا ومن زمان مقعدناش احنا التلاتة مع بعض
حياة بابتسامة/حاضر هخلص شغلى واعدى عليكم ودلوقتى سلام عشان انتى عطلتينى بما فية الكفايه
…………………………………………………………….
وصل مالك وجانا الى مقر الشركة:.
دخل مالك الشركة وهو فى كامل هيبتة ووسامتة دخل مكتبة ودخلت ورائة شاهى لتلقى علية جدول اعمالة
مالك/تمام اتفضلى انتى على مكتبك
جانا بابتسامة/كان نفسى اشوفك وانت بتشتغل
مالك بجدية/جانا احنا هنا فى الشغل اتفضلى على شغلك وسيبينى اشوف اشغلى
جانا/يظهر انك صعب اوى
مالك بحدة وهو يشير بيدة/اتفضلى على شغلك يلا
خرجت جانا من مكتب مالك وهى تتأفف فى غضب نن طريقة مالك الحادة معها كانت تعتقد ان بتوجدها متة طوال الوقت سوف تتقرب منة وتجعلة يحبها ولكن ما حدث هو العكس
………………………………………………………
وصلت حياة الى مكتب مالك وطلبت من شاهى الدخول واستاذنت ودخلت كان مالك جالس مكتبة وامامة بعض الملفات اقتربت حياة مكتبة وهى تقول بابتسامة/صباح الخير يا مالك بية
نظى مالك لحياة وهو يقول/صباح النور يا حياة تعالى
اعطت حياة لمالك ملف وهى تقول/دة ورق الصفقة بتاعت مستر روى حضرتك نسيتة معايا
مالك/انا منستوش انا كنت سيبة معاكى مش انتى المساعدة بتاعتى
حياة/طاب اتفضل
مد مالك يدة واخذ الملف وهو يقول/عاملة اية النهاردة لسة تعبانة من اللى حصل امبارح
حياة/لا انا الحمدلله بخير وبعدين انا محصليش حاجة لانك جيت اتقذتنى فى الوقت المناسب
مالك /نرجع بقى لشغلنا روحى مكتبك هتلاقى علية ملف عاوزك تدرسية كويس اوى وتقوليلى هنبدا تنفيذ ازاى وامتى قدامك لحد اخر اليوم وتيجى تقوليلى على فكرة المشروع وتكون مختلفة وكويسة
استقامت حياة فى وقفتها وهى تقول/حاضر بعد اذنك
كانت متوجهة الى باب المكتب الرئيسى ولكن اوقفها صوت مالك ليقول/استنى
التفت حياة ليقول/نعم
مالك/انتى ناسية ان فى باب مشترك بين مكتبى ومكتبك من دلوقتى لما تجيلى تيجى من الباب دة
هزت حياة رأسها وهى تقول/حاضر
خرجت حياة من مكتب مالك وما ان خرجت حتى دخل عمر مكتب مالك وهو يقول/مالك لزم اتكلم معاك فى موضوع مهم
مالك /بس مش فاضى دلوقتى
عمر /دة موضوع ميستناش

 

 

 

مالك /يارب ميكنش حاجة هايفة قول
عمر/مدحت مدير مكتب ابوك
مالك /مالة
عمر/لما انت كنت فى شرم الشيخ انا كنت براجع ورق بتاع صفقات فاتت و………..وحكى لة ما حدث وعن سرقة مدحت
مالك بجدية/وانت معاك اثبات للى بتقولة
عمر/للآسف لا
مالك/عمر انا مش هقدر اعملة حاجة لو مفيش حاجة ضدة انت عارف بابا بيثق فى ازاى ومستحيل يصدق غير لما يكون فى دليل
عمر/هاتو دلوقتى واسئلو قدامى وانا هواجهة قدامك وهو مش هيقدر ينكر
مالك/مش يمكن تكون انت فاهم غلط
عمر/بقولك الراجل دة نصاب وحرامى
مالك/طاب اهدى انا هبعد اجيبة دلوقتى
……………………………………………………………….
فى منزل حياة كانت زينب جالسة فى غرفتها تذاكر دروسها فرن هاتفها المحمول امسكت زينب الموبايل وضغط على زر الايجاب قائلة/ايوة يا شهد اخبارك اية
شهد/الحمدلله انتى فين دلوقتى
زينب/هكون فين ياعنى فى البيت بذاكر
شهد/لسة فى البيت احنا يابنتى مش متفقين نقضى اليوم فى النادى النهاردة اجازة من الجامعة والمذاكرة وكل حاجة
زينب/انتى مالك متحمسة كدة لية
شهد/اصل شهد هتفجر القنبلة النهاردة وهتقول لمالك يحضر حفلة عيد ميلادي
زينب/كويس انتى من زمان نفسك انو يحضر حفلة عيد ميلادك
شهد/اما نشوف اية اللى هيحصل يلا اجهزى على طول متغبيش
زينب/حاضر سلام
……………………………………………………………….

 

 

 

دخل مدحت مكتب مالك بعد ان استأذن
مدحت وهو يتقدم نحو مالك بكل هدوء وخطوات ثابته/خير يا بشمهندس حضرتك طلبتنى
مالك/فى كلام بيتقال عنك
مدحت مدعى البراءة/كلام اية
تحدث مدحت وكأنة لم يفعل شىء تحدث عمر بغضب قائلا/لا والنبى ياعنى مش عارف
مدحت/عارف اية
عمر/انا قلت لمالك على كل حاجة قلتلة انك نصاب وحرامى وبتسرق من ارباح الشركة
مدحت /انا مستحيل اعمل حاجة زى دى انا اعض الايد اللى اتمدتلى دة انا لحم كتافى من خيركم حرام عليك يا عمر تفترى عليا وتتهمنى بحاجة زى كدة
لم يحتمل عمر كذب مدحت فاقترب منة وامسكة من تلابيبة بغضب وهو يقول/انا اللى حرام عليا قول الحقيقة ياما هدفنك مكانك
امسك مالك بعمر وابعدة عن مدحت وهو يقول/عمر اهدى مينفعش كدة
اكمل مالك كلامة لمدحت ليقول /امشى من هنا دلوقتى يا مدحت
وجهة مدحت نظراتة لمدحت ليقول /اوامرك يا مالك بية عن اذنك
خرج مدحت مت المكتب وعلى وجهة ابتسامة خبيثة
مالك/اية يا عمر حد يعمل كدة
عمر/مستحملتش اشوفو بيكدب ويدعى البراءة وهو شيطان لو كان فى دليل ضدة كنت قدمتة للنيابة وسجنتة لكن للاسف مفيش
مالك/متقلقش انا هتصرف وهحطة تحت عينى كويس
…………………………………………………………….
كانت زينب وشهد يتمشيان سويا فى النادى:.
شهد بابتسامة/الحمدالله المرادى متعركتيش مع يارا
زينب/يابنتى متقليش يارا قولى حمارة دى حيوانة
شهد/انا مش عارفة العداوة دى كلها لية ولا ويارتكم تعرفو بعض من زمان دة انتو متقبلتوش غير مرة واحدة وفرجتو عليكم الناس
زينب/مرتين
شهد/اية اللى مرتين
زينب/فرجنا علينا الناس مرتين مرة هنا ومرة فى الجامعة
شهد/انتو اتعاركتو تانى فى الجامعة امتى ولية
زينب/كنت رايحة اسأل مروان على كتاب دكتور محمود ولسة بكلمة ولقيت دى اتحشرت زى عود البقدونس وكلمة منى وكلمة منها الموضوع ولع لولا تدخل مروان
شهد /ياخبر يا زينب انتى كل ما تشوفيها تبهدليها كدة وطبعا انتى متوصتيش
زينب/فكك من سيرة البت دى عشان سيرتها بتجبلى مغص بحس بغثيان
……………………………………………………………….

 

 

 

 

فى شركة عز الدين:.
كانت حياة جالسة فى مكتبها تحضر لفكرة و لتصاميم حتى انتهت وقررت الذهاب الى مالك لتطلعة عليها توجهت حياة الى الباب المشترك بين مكتبها ومكتب مالك فدخلت بعد ان استاذنت
دخلت حياة وعلى وجهها ابتسامة وهى لتقول وهى تقترب من مكتبة/ انا لقيت الفكرة لمشروع الكمبوند اشتغلت على التصاميم
مالك/انتى لحقتى
حياة/لزم اكون عند حسن ظن المدير بتاعى
ابتسم مالك على طريقتها ومد يدة لها وهو يقول/طاب ورينى عملتى اية
مدت حياة واعطتة الملف وبينما كان مالك ينظر الى التصاميم سمع صوت حياة تقول/انا كان عندى اقتراح صغير كدة
نظر مالك اليها وهو يقول/اقتراح اية
حياة/اية رايك لو نعمل شكل الكمبوند الخارجى والمداخل على شكل الفرعونى ونحط على الحيطان من برة رسومات فرعونية
مالك /انتى لية محسسانى انا احنا فى العصر الفرعونى يا كليوباترا هانم
ادركت حياة انامالك يسخر منها فقالت هى تحاول منع نفسها من الغضب /دة راى مش اكتر بس يظهر انو معجبكش يا يشمهندس بعد اذنك التفت حياة لتذهب فاوقفها صوت مالك ليقول/استنى
التفت حياة لتقول /نعم
مالك/انا لسة مقلتش رأيى
عقدت حياة يدها امام صدرها لتقول بابتسامة مصطنعة/ماهو رأيك وصل
مالك/هى فكرتك حلوة وجديدة بس لزم افكر قبل ما اديكى قرارى
حياة/خد وق…
قاطع كلام حياة دخول جانا وهى تقول بدلع /مالك حبيبى
مالك بتهكم/عاوزة اية يا جانا
لم تهتم جانا لحياة الواقفة واقتربت من مالك حتى تقلصت المسافة بينهما ووضعت يدها حول عنقة وهى تقول/انا كنت عاوزة اقولك اننا…..
قاطعتهم حياة وهى تقول بنبرة غاضبة /مالك بية انا رايحة مكتبى

 

 

 

 

خرجت حياة ورزعت الباب خلفها بقوة لترتعد جانا على صوتة وهى تقول/مساعدتك دى مبتفهمش ازاى تقفل الباب كدة
ابعد مالك يد جانا عنة ليقول بحدة/اوعى تشتميها مرة تانية وبعدين انتى ازاى تقربى منى بالشكل دة قدمها
جانا/وفيها اية
مالك/فيها ان احنا هنا فى شغل ولو تعوزى تقبلينى تاخدى ميعاد من شاهى وبعد كدة اشوف اذا كان ينفع اقبلك ولا لا
جانا/انا اسفة انا بس كنت جاية اقولك لو نروح نتغدى فى النادى النهاردة
مالك وهو يجلس على مكتبة /مش هينفع
جانا/ارجوك يا مالك وبعدين شهد مستنينا هناك وكنا عايزين نكلمك فى موضوع مهم بليز يا مالك
مالك.بنفاذ صبر/حاضر يا جانا هخلص الشغل اللى ورايا وبعدين نروح
جانا بابتسامة /ثانكس مالك
………………………………………………………………..انتهى مالك من اعمالة وذهب الى النادى مع جانا وجلسوا مع شهد وزينب بعد ان تبادلو التحية
مالك/موضوع يا شهد اللى انتى عاوزانى فية
جانا/مش لما نتغدى الاول يا مالك
مالك/طاب ما تطلبو الغدا
شهد/استنى شوية يا مالك حياة زمانها جاية
عقد مالك حاجبية ليقول باستغراب/هى حياة جاية
زينب/ايوة خمس دقايق وتوصل
صدر صوت حياة من خلفهم وهى تقول/اقل من خمس ثوانى وحياتك
زينب/يارتنى افتكرت حاجة عدلة
حياة/بقى كدة حسبنا فى البيت
وقفت شهد وقامت باحتضان حياة لتقول بابتسامة/وحشتينى اوى يا حياة ولاونى زعلانة منك لا بتسألي عليا ولا حاجة صحبية اية دى
حياة/معلش يا شهد غصب عنى واللهي
كانت حياة ترى مالك واستغربت من وجودة ولكنها لم تظهر هذا ولم تعطى جانا اى اهتمام حتى تكلم مالك وقال بصوت صارم/مقلتيش ياعنى انك جاية النادى كنتى جيتى معايا
حياة/ما انا مكنتش اعرف ان حضرتك جاى انت والانسة اللى معاك دى
جانا/اسمى جانا بنت عم مالك
حياة/وانا حياة مساعدة البشمهندس
جانا/انا شوفتك قبل كدة
حياة/شوفتينى النهاردة فى مكتب مالك بية
جانا/لا شوفتك قبل كدة قبل ما تسافرى معاة شرم الشيخ
حياة/ايوة افتكرت بس يظهر اننا هنشوف بعض كتير بعد كده

 

 

 

جانا وهى ترفع احدى حاجبيها فى تكبر /فعلا بس شكلك عادى ياعنى
حياة/ايوة عادى واقل من العادى فى عند حضرتك مانع
وبعدين فى ناس مهما تلبس وتجمل فى شكلها ولا بيبان عليها عشان الجمال الحقيقى موجود فى القلب مش فى الشكل
جانا/عمر بيقول عنك شعر بس نسى يقولى انك فيلسوفة
مالك بنرفزة/يظهر اننا مش جاين نتغدا جاين نسمعكم انتو الاتنين
قامت شهد بطلب النادل وطلبو الغداء اما حياة فكانت تتحدث مع زينب وشهد مالات حياة على زينب لتقول/لية مقلتيش ان مالك جاى هو والبتاعة اللى معاة دى
زينب/انا لسة عارفة من شوية وبعدين فيها اية
حياة/فيها انهم عيلة جاية تتغدا مع بعضها احنا جاين نعمل اية قومى نمشى
وقفت حياة لتذهب هى وزينب لتقول/ احنا ماشين يا جماعة
مالك/ لية فى حاجة
حياة/لا بس احنا اتاخرنا ولزم نمشى
شهد/عشان خاطرى يا حياة اقعدى شوية وبعدين احنا هنتغدى ونمشى على طول
تدخلت جانا لتقول/يمكن تكون خايفةمن مالك ماهو المدير بتاعها
حياة/لا يا حبيبتى انا مبخفش غير من ربنا
حضر الجرسون ومعة الطعام ووضعة على الطاولة
شهد/وادى الغدا جية يلا اقعدى

 

 

 

وبالفعل جلست حياة وزينب فكانت حياة تجلس بجانب مالك فهمس مالك ليقول لحباة/كنتى عاوزة تمشى عشان انا موجود صح
حياة/لا بس انتو عيلة فى بعض جاين تتغدو سوا مكنش ينفع انا وزينب نكون موجودين معاكو ولو كنت اعرف ان انت وبنت عمك جاين انا مكنتش جيت
قاطع كلام مالك وحياة صوت جانا وهى تقول/مالك انا كنت عاوزة اقولك حاجة
مالك/قولى فى اية

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية عذاب الحب)

اترك رد