رواية انتقام الجميلة الفصل الثامن عشر 18 بقلم سارة الفقي

رواية انتقام الجميلة الفصل الثامن عشر 18 بقلم سارة الفقي

رواية انتقام الجميلة البارت الثامن عشر

رواية انتقام الجميلة الجزء الثامن عشر

رواية انتقام الجميلة الحلقة الثامنة عشر

_ يعني ايه ؟ أنت مفكرني سلعه أو شئ من ممتلكاتك ؟
قالتها بدموع و تابعت :
_ طلقني يا أسد
_ نعم ! قولتي ايه ؟
_ بقولك طلقني
قالتها جميلة بدموع
_ مش بقولك عيلة ! ، لسه متجوزين من يومين و تقولي طلقني ، و كمان انتي اللي كنتي طالبة أننا نتجوز ، علشان السبب التااافه اللي في دماغك ، قال عايزه تغيظيه قال ؟!
قالها أسد بسخرية
_ انت بقيت عامل كده ليه ؟ انت اتغيرت فجأة كده ازاي ؟
قالتها جميلة ببكاء

_ انا متغيرتش ، انتي اللي مكنتيش تعرفيني ، أو الأدق مدتيش نفسك فرصة تعرفيني اصلا
_ انت ضحكت عليا ، انت مكنتش كده ، طلقني بقولك
قالتها جميلة بانفعال
أمسكها أسد من يدها بقسوة و تحدث بفحيح كالأفعي :
_ جميلة ، صوتك ميعلاش ، و طلاق انسي ، مفيش طلاق ، انتي هتفضلي ليا لآخر يوم في عمرك ، انتي فااااهمه ؟
و شغل الدلع ده خلاص انتهي ، مفيش خروج من البيت
_ يعني ايه هتحبسني ؟
قالتها بدموع
_ اه هحبسك ، انا اعمل اللي انا عاوزه ، و اتفضلي غوري من وشي دلوقتي
نفض يدها بقوة ، فأسرعت جميلة نحو المرحاض و ظلت تبكي بقهر ..
_ ماشي يا سيف الكلب ، إن ما وريتك مبقاش أنا أسد
_________________

_ ألو ايوة يا متر ، كنت عايز اتكلم معاك و افهم القضية هتمشي ازاي
_ ……..
_ تمام نتقابل كمان نص ساعة في ********* ، سلام
~~~~~~~~~~~~~~
_ خلاص بقا مش معايا مناديل و هتبهدلي الدنيا
قالها بمرح ليخرجها من حزنها ، فابتسمت من بين دموعها
_ خلاص هديت اهوه
_ أيوة كده يا نانوستي يا شاطرة ، مكنتش اعرف انك بتبقي قمر كده لما بتعيطي
_ هههههه ، مرسي
_ ضحكتك حلوة اوي
قالها أدم و قد سرح في جمالها
، ابتسمت و غيرت الموضوع :

_ احم ، مقولتليش بقا ، انت كمان حبيت قبل كده ؟
_ اه حبيبت مرة واحدة في حياتي و مش ناوي احب بعدها
_ دي مين دي تعيسة الحظ
قالتها بمرح
_ بنت رقيقة اوي ، مجنونه بردو ، جميلة اوي ، شبه الملايكه ، اول ما شفتها قلبي دق و بقا ينبض علشانها
_ الله ، ده انت علي كده بتحبها اوي
_ اوي اوي
قالها أدم و هو ينظر لعينيها
_ يا بختها بيك يا أدم
_ تفتكري هعجبها ؟
_ اه طبعا ، و هي تقدر ترفض واحد زيك ، دي تبقي مغفلة ، بس صحيح انت ساكت ليه ؟ متقولها
_ خايف ترفض

_ لا متخافش ، اقولك ، قولي مين و أنا هقولها انا هههههه
_ انتي !
قالها بعفوية
_ نعم ، انا ايه ؟
قالتها نانسي و قد تغيرت ملامحها للجدية
_ انتي البنت يا نانسي
_ ……………
~~~~~~~~~~~~~~~~~
_ ايه الأخبار يا متر ؟
_ كله تمام يا أسد بيه ، كده كده لازم الوصايا تبقي مع الأم علشان هو لسه صغير ، و مفيش داعي للخوف
_ طب و جوازها مش هيقصر ؟

_ هو في حالة زواج الأم ، يبقي الطفل مع جدته ام والدته ، و لو متوفيه ، يبقي مع والدة والده
_ بس والدتها متوفيه ، ده معناه إنه هيروح مع والدة باباه ، و احنا مش عايزين كده يا متر
_ احنا بنلجأ لكده ، علشان الطفل ميبقاش متوتر أو حالته النفسية تسوء بسبب تواجد رجل غريب مع والدته
، فلو علاقتك كويسة بالطفل ده هيسهل كتير ،
و ممكن الولد يفضل مع مامته بشرط تكون حالته النفسية كويسة و مرتاح
_ طب الحمدلله ، انا علاقتي حلوة اوي بنادر
_ يبقي كده كل حاجة تمام ، اول جلسه يوم *****
_ تمام ، متشكر اوي يا متر
_ العفو يا أسد بيه
~~~~~~~~~~~~~~

في شركة المرشدي …
دخل بوسامته و هيبته الطاغية علي المكان ، و أخذت الأنظار تلتف نحوه ، فهو حقا وسيم ،
به مزيج جذاب و غريب ، مزيج بين أجنبي و شرقي
، فعيونه خضراء كوالدته و شعره أسود كوالده و لديه لحيه خفيفة قد زادته وسامه ..
_ كارم بيه موجود
قالها بجدية للسكرتيرة
_ اه يا فندم
_ قوليله أسد مغربي بره
_ حاضر يا فندم
بعد قليل …
_ اتفضل يا فندم
~~~~~~~~~~~~
في المكتب ….
_ أهلا يا بني ، ازيك
_ الحمدلله يا عمي بخير ، انت أخبارك ايه ؟

_ الحمدلله ، جميلة كويسة ؟
_ اه يا عمي الحمدلله متقلقش عليها
_ طب ايه سبب الزيارة ؟
_ بصراحه يا عمي من غير لف و دوران ، أنا عايز أشارك حضرتك في مجال العقارات
_ هو انت تعرف حاجة عن المجال ده ؟ اقصد يعني اشتغلت فيه قبل كده ؟
_ بصراحة لا ، بس أنا عندي شركة سيارات كبيرة في باريس ، و دلوقتي أنا حابب أبقي متنوع و عايز أجرب حاجات جديدة زي العقارات يعني
_ طب سيبني أفكر و اقول رأي
_ اه طبعا يا عمي ، فكر براحتك … عن إذنك بقا ، علشان معطلكش
_ طب اقعد شوية ، اشرب القهوة
_ مرة تانيه بقا ، يلا سلام
_ سلام يا حبيبي
~~~~~~~~~~~~~

في الخارج …
_ و بكده اقدر أربيك يا سيف
، قرر أن يتصل بجميلة ..
_ ألو
_ ألو ، مش بتردي علطول ليه ؟
_ ………
_ جميلة ! انتي معايا ؟
_ ……..
_ جميلة ! مش بتردي ليه ؟ انتي كويسة ؟
قالها أسد بخوف
_ الحقني يا أسد
_ فيه ايه ؟
_ ………
_ طب انا جاي علطول يا حبيبتي ، عشر دقائق و هبقي قدامك ، خليكي معايا ، متقفليش
قالها أسد بهلع و أسرع نحو السيارة و قادها و أسرع إلي البيت …
~~~~~~~~~~

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية انتقام الجميلة)