رواية روح الأدهم الفصل الخامس 5 بقلم يارا سلام
رواية روح الأدهم الفصل الخامس 5 بقلم يارا سلام
 |
| رواية روح الأدهم الفصل الخامس 5 بقلم يارا سلام |
رواية روح الأدهم الفصل الخامس 5 بقلم يارا سلام
ادهم : مش معقول انتي ازاي تعملي كده انا مصدوم فيكي بجد
اسيل بحقد : ايوة عملت كده وبصت ل روح وطول م انا عايشة ي روح مش هسيبك ف حالك عشان انتي دايما بتاخدي مني كل حاجة بحبها
حبيت مازن بس هو حبك انتي طب ليه
ودلوقتي اعجبت ب ادهم وبردو اخدتيه مني وبصت ل ادهم يعني انت فاكر ان محدش عارف انك بتحبها لا كل الناس عارفة انك بتحبها باين عليك اوي ي دكتور ع فكرة
وبعدين قوليلي انتي فيكي ايه زيادة عنى وعن اي بنت ليه كلهم هيموتو عليكي ليييييييه
__اسيل بنت مع روح ف الكلية وكانت من ضمن صحابها عشان كده الكل استغرب انها تعمل كده
ادهم بزعيق : انتي مريضة نفسيا ولازم تتعالجي
روح بتحضن مروان جامد وخايفة
مروان : متخافيش ي حبيبتي احنا جمبك
روح بدموع : كانت هتموتني ي مروان
مروان : متقلقيش انا جمبك وادهم كمان هنا
الظابط اخد اسيل واللي معاها ومشي
وادهم ومروان اخدو روح ع البيت بس روح لسه خايفة
روح خايفة من كل حاجة حوليها ودموعها مبتقفش
روحو البيت
سعاد : بنتي حبيبتي واخدت روح ف حضنها وروح بتبكي وبتحضنها جامد
روح : كانت عاوزة تموتني ي ماما كانت هترمي ف وشى مية نار
سعاد ب شهقة : مين دي ي قلب امك اللي كانت هتعمل فيكي كده قوليلي
رد ي مروان وانت ي ادهم ايه اللي حصل
مروان : ادخلي بس ي ماما مع روح تغير لبسها وترتاح شوية وبعدين نحكيلك كل حاجة
دخلت روح تغير لبسها
وقعد ادهم وسعاد ومروان يتكلمو ف اللي حصل
سعاد : ي حبيبتي ي بنتي كل ده حصل معاكي
ادهم : المهم انها بخير الحمد لله ان احنا لحقناها
مروان : بس ثواني ي ادهم هو ايه اللي قالته اسيل ده
ادهم : قالت ايه
مروان : قالت انك بتحب روح
ادهم وبيحاول يخبي مشاعره عشان خايف روح تكون مبتحبوش زي م بيحبها : احنا من اول يوم واحنة متفقين ان احنا صحاب واخوات ي مروان ومفيش حد مبيحبش اخواته
ثم ان دي مريضة نفسية ومينفعش ناخدلها ع كلام
مروان : عندك حق ي صحبي
ادهم استاذن عشان يروح يرتاح ومشي
بعد كام ساعة
سعاد عملت اكل وراحت تنده ع روح وقالت ل مروان ينادي ل ادهم
سعاد بتخبط ع باب أوضة روح : روح ي حبيبتي افتحي
روح :……..
سعاد زودت الخبط: روح افتحي ي قلب امك
روح:…….
سعاد بصراخ : ي مصطفى ي مروان الحقوني
مصطفى جه جري : ف ايه ي سعاد ايه اللي حصل
ادهم ومروان سمعو صراخها وجم جري
ادهم : ف إيه ايه اللي حصل
مروان : ف ايه ي ماما
سعاد : بخبط ع روح مش بترد عليا
خبطو جامد ع الباب
لكن بردو لا رد
مروان وادهم كسرو الباب
دخلو لقو روح مرمية ع الارض فاقدة الوعي سعاد صوتت
سعاد : ي حبيبتي ي بنتي كان مستخبيلك فين كل ده
مصطفى : لازم نروح مستشفى فوراا
مروان شال روح وادهم جاب مفتاح عربيته واخد روح ومروان ع المستشفى
مصطفى اخد سعاد وراحو وراهم بعربية مصطفى
ف المستشفى
ادهم ف نفسه : اوعي تسيبيني ي روح انا م صدقت لقيتك
مروان واقف ملهوف وهيموت ع اخته
مصطفى وسعاد : بيقراو قرآن وبيدعولها وبيعيطو
الدكتو ر خرج
جريو عليه
مصطفى بلهفة : خير ي دكتور طمني
الدكتور : للاسف مش قادرين نشخص الحالة لانها مش سهلة وهنحتاج شوية اشعة وتحاليل تساعدنا
وكتبلهم الاشعة والتحاليل المطلوبة واستاذن
عملو الاشعة والتحاليل وراحو يدو النتايج للدكتور
الدكتور : تمم انتظرو مني رد ان شاء الله هبلغكو الوضع ف التليفون واقولكو المطلوب
مصطفى تمم ي دكتور
روح فاقت واخدوها وروحو
وفضل ادهم ومروان يخرجو روح كل يوم ويفضلو يضحكوها ويحاولو ع اد م يقدرو انهم يخرجوها من المود الكئيب والمريض اللي هي فيه
وف يوم وهما خارجين
مروان : انا هروح اجيب ايس كريم لينا كلنا وانتو استنوني هنا
ادهم وروح : اشطات
ادهم وروح قاعدين ع البحر مستنيين مروان
ادهم : كنت خايف ل تروحي مني ي روح بعد م لقيتك
روح بصتله : ادهم هو الكلام اللي قالته اسيل حقيقي
ادهم : ايوه ي روح انا بحبك بحبك من ساعة م شوفتك اول مرة واتبسط جدا لما عرفت اننا هنبقى جران
واتبسط اكتر لما وافقتي اننا نكون صحاب
روح : طب ليه مقلتليش
ادهم : كنت خايف
روح : من ايه
ادهم: كنت خايف تطلعي مبتحبينيش زي م انا بحبك
روح : طب وليه قلتلي دلوقتي م انت بردو متعرفش اذا كنت بحبك ولا لا
ادهم : مش عارف بس يمكن حسيت انها فرصة وخفت انك تضيعي من ايدي بعد م لقيتك
روح ابتسمت وبصت للبحر
ادهم : سكوتك ده معناه انك موافقة ع حبي ليكي ؟
روح : انا قررت اديك فرصة وادي لنفسي فرصة انا دلوقتي مقدرش اقولك اني بحبك لاني كده هبقى بكدب عليك وع نفسي لان انا فعلا مشاعري متلغبطة
ادهم ب ابتسامة: دي ف حد ذاتها حاجة كويسة
ومن وقتها اتغيرت علاقة ادهم وروح ١٨٠ درجه وبدأوا يقربو من بعض اكتر واكتر
وبقو يخرجو كتير ويتصورو مع بعض وبيجبلها هدايا وبيفرح ل فرحها وبيزعل ل زعلها
لحد م روح فعلا اتاكدت انها خلاص بتحبه
وف يوم وهما قعدين ف البلكونة كالعادة ادهم وروح
وبيتكلمو عادي وادهم متعود انه ف وسط الكلام بيقول ل روح بحبك بس هي بترد ب ابتسامة
ادهم : بحبك
روح : وانا كمان بحبك وبصت للشارع
ادهم بفرحة : انتي قلتي ايه!!!
روح : لا هي بتتقال مرة واحدة بس وراحت اوضتها جري
ادهم خرج بسرعة راح شقته كلم بباه ومامته وقالهم انه عاوز يخطب وانه لقى البنت اللي دق ليها قلبه وطلب منهم يجوله عشان يخطبها
بباه : د خبر يجنن ي حبيبي طبعا هنيجي يوم الخميس الجاي نتقدملها
الكلام ده كان يوم الاتنين
ادهم : تمم ي بابا ♥️
وقفلو : تاني يوم الصبح
ادهم وروح وهما راحين الجامعة
ادهم ب ابتسامة : بابا وماما جيين يطلبو ايدك يوم الخميس
روح بفرحة : بجد ي ادهم
ادهم : ايوه ي روح ادهم
وفرحو جدا هما الاتنين وروح لما روحت قالت ل مامتها وبباها ومروان
سعاد ومصطفى : احنا موافقين ي بنتي مقدما لاننا مش هنلاقي احسن من ادهم نستامنه عليكي
مروان : الاه الاه مش كان بيقول صحاب من يومين ومتخدوش ع كلام اسيل ايه اللي حصل ????????
سعاد: بس ي ولاااا ادهم و روح لايقين ع بعض اصلا وقمرات كده ♥️
روح : اطلع انت منها ي اسطا ????????????
وقلبو القعدة ضحك وهزار وكانت ليلة سعيدة ع الكل
وبعدين كل واحد دخل اوضته
تاني يوم ادهم مستني روح كالعادة عشان تنزل ويمشو
روح نزلت لكن اتفاجئ ادهم انها بتشاور ل تاكسي ف نزل
ادهم : روح انتي بتعملي ايه انتي مش شيفاني واقف مستنيكي
روح : بعد اذنك ي ادهم سبني امشي انا عاوزة اروح ب تاكسي
ادهم : ف ايه ي روح ايه اللي حصل مالك
ي ادهم بقا لو سمحت سبني ع راحتي
وركبت ومشيت وادهم واقف زي م هو مش فاهم حاجة
راحت الكلية
وبعد م خلصت كل محاضراتها روحت بردو ب تاكسي
ادهم خرج ملقهاش
ادهم : تسنيم
تسنيم: ايوه ي دكتور ادهم
ادهم : فين روح
تسنيم : هي خرجت م المحاضرة مكلمتنيش خالص ولا استنيتني كالعادة وطلعت وراها لكن ملحقتهاش كانت ركبت تاكسي ومشيت
ادهم بحيرة واستغراب : تمم شكرا ي تسنسم
تسنيم : العفو ي دكتور
ادهم رجع البيت
سعاد : اذيك ي ادهم ي حبيبي
ادهم : بخير ي ست الكل فين روح
سعاد : انا مش عارفة مالها ي ابني من ساعه م رجعت وهي قفلة ع نفسها ومش بتكلم حد انا فكرتكو متخانقين
ادهم : ابدا والله ي سوسو وحكالها اللي حصل من اول اليوم
سعاد : والله ي ابني انا مش عارفة مالها
ادهم : تلاقيها بتتقل عليا بس ماشي ي روح
وضحك الاثنان ومشي ادهم ع شقته
يوم الخميس بقا اللي المفروض اهل ادهم جايين ف
روح نازلة راحة الجامعة وبتتجنب ادهم تماما زي اليوم اللي قبله بالظبط
ادهم : روح ف ايه من امبارح انتي متغيرة اوي انتي بتتعاملي معايا كده ليه
روح : مفيش ي ادهم م انا بتعامل عادي اهه
ادهم : هو ده عادي ي روح
روح : ايوة ي أدهم
ادهم : انا اهلي جيين بلليل ي روح
روح : ينورو ي ادهم
عن اذنك
ومشيت روح وسابت ادهم ف حيرة كبيرة مش عارف ايه اللي حصل خلاها تتغير بالشكل ده