رواية أنا الإعصار الفصل السادس عشر 16 بقلم اسراء هاشم

رواية أنا الإعصار الفصل السادس عشر 16 بقلم اسراء هاشم

رواية أنا الإعصار البارت السادس عشر

رواية أنا الإعصار الجزء السادس عشر

رواية أنا الإعصار الحلقة السادسة عشر

شعاع انك تسامح ابوك يا ماذن…. عمي ايهاب مالهوش ذنب….
ماذن مالهوش ذنب…. مالهوش ذنب ازاي يا شعاع….. ده عمره مكان قريب مني او من سيرين…. دايما في الشغل وبس….
شعاع يتفهم ماذن… باباك همه في الشغل لانه كان فاكر انه بيعمل كده عشانكم وانه احسن ليكم… بس مكنش يعرف كده او يفهم… كان فاكر ان امكم بتسد مكانه…. قرب من ابوك يا ماذن بلاش تخسره وكمان انا بحسدك…..
ماذن باستغراب بتحسديني انا ليه…
شعاع علي الاقل من طفولتك لشبابك ابوك قصاد عينك وبيتكلم معاك…. لكن انا معشتش معاه ولا لحظه غير ذكريات قليله اوي ختها منه وانا لسه 10 سنين… وفضلت بعيدة عنه السنين دي كلها… بس سامحته ورجعت ليه… عشان احس بشعور الاب ودفئ حضنه… اعمل كده وصدقني… عمي ايهاب وقتها… اهتمامه مش هيكون غير ليكم وبس…
ماذن حاضر يا شعاع هحاول…
شعاع مش اسمها هحاول اسمها هقدر صح يا بطل….
ماذن بخجل صح…. شعاع هو انا ينفع احضنك…
شعاع وهي بتفتح ايديها اكيد يا ماذن تعالي هنا… وحضنت شعاع ماذن حضن اخوي… وهنا اقسم ماذن علي مساندتها…. ولكن فجاه حس ماذن وشعاع بشئ بيبعدهم ويشد شعاع عليه…. ويقول….
ادهم بغيرة علي ما اظن سايبكم وقت طويل اوي…. لكن توصل انك تحضنها… اقتلك مكانك…. شعاع وماذن بصو لبعض بصدمه وبعدها فضلو يضحكو بعلو صوتهم….. وادهم واقف متغاظ منهم…
ادهم بغيظ انتو بتضحكو علي ايه…. وبعدها لم يسمعو غير صوتان من خلفهم يقول….
عمار ايه ده هي العيلة راحوا فين….

لارين شعاع هي نغم واوركيد والباقي فين
ادهم بسخريه لا والله اهلا انتو لسه مشرفين…
شعاع بهدوء كنتو فين
عمار بكدب كنا بنتسابق في السباحه… بس ايه الي حصل…
ادهم بخبث بتتسابقو في السباحه بس… قرب ادهم من عمار وقال في ودنه بهمس لم يسمعه غيرهم…
طب مش كنت تخفف نفسك علي البت… لحسن العلامات ظاهرة اوي علي رقبتها…. خلي بالك بقي يا معلم…. عمار لف وشه وبص لرقبت لارين وفعلا زي ما قال ادهم… في علامات لسه علي رقبتها….
لارين ايه الي حصل يا شعاع
شعاع هفهمكم بس واحنا راجعين يلا عشان نكسب وقت….. ومشيو الشباب وحكت شعاع وادهم اللي حصل معاهم من اول صراخ فريدة…. لحد ما مشيو هما….. وارتاح عمار ان لارين مش بتحب اكرم…. وانها كانت خطه مش اكتر ولكن غضب بسرعه بسبب اللي عملته فريدة….. وزعل علي حال ماذن وسيرين بسبب انهم لهم امي زي ده……. يا تري ماذا ينتظرهم في المستقبل…..
مر عده ايام علي ابطالنا…. واللي حصل فيهم ان الجميع بقا بيتجنب فريده او كما نقول محدش مديها اي اهتمام خالص…. اما شعاع غيرت اوضه ماذن ودخلته اوضه تانيه…. وقفلت اوضته القديمه بالمفتاح وخفته عشان ميرجعش للاوضه تاني وياخد المخدرات لانو اكيد مخبيها فمكان…… وبقي فاوضته بيدخله الاكل…… وكان الجميع يهتم بيه….. حتي المعجزة ان سيرين كانت بتهتم باخوها….. وغيرت طريقه لبسها… وبقت هي واكرم قريبين من بعض ومبيعديش يوم من غير ما يشوف بعض ويتكلمو…… وايهاب بقا اهتمامه الاول والاخير هو الاهتمام باولاده…. بيفضل مع ماذن وسيرين طول اليوم…. وكان ماذن مبيروحش في مكان من غير ما يكون في حد معاه…. شعاع هي من امرت بهذا…. ونغم مسبتش ماذن نهائي….
قبل يومين…. وكان ماذن رايح جاي فالاوضه…. ومش متحمل حاسس بان حرارته مرتفعه ودماغه فيها صداع رهيب…. ومش قادر…. بس طول الوقت بيفتكر نغم…. وثقه شعاع بيه وابوة وباقي العائله….. خرج برا الاوضه وكان نازل قابل امه في وشه….. كان هيسبها…. لكن لقاها وقفت قصاده….. ورفعت اديها وورته كيس…… وكانت…. مخدرات…. فقالت له….
فريدة خد يا ماذن… خد يا حبيبي عشان ترتاح….
ماذن بصعوبه ابعدي عني بقا…… ابعدي…. انا مش عاوز منك حاجه….
فريدة يا حبيبي انا عاوزه اريحك من اللي انت فيه….
ماذن بغضب تريحيني من ايه… هاااا انتي كده بتدمريني….. حرام عليكي انتي استحاله تكوني امي استحاله…..
فريده بلا اهتمام مش مهم… المهم ترتاح وبدات بفتح الكيس عشان تشممه له…. ولكن لقت اللي بيرمي الكيس من ايديها…. وكانت هذه شعاع…. ونغم واقفه جنبها….
شعاع فريدة… هو انا مش حذرتك متقربيش من ماذن…
فريدة بغضب.. مقربش منه ازاي ده ابني…
شعاع بنبرة مرعبة ارعبت فريدة اخر تحذير ليكي… مش عاوزة اشوفك بتقربي منه سامعه…. متقربيش منه نهائى والا هنسا كل حاجه واقتلك بدم بارد…. سامعه… اتفضلي امشي… يلاااااا ومشيت فريدة من قدامهم وهي في قمه غضبها….. وبعد ما مشيت لفت شعاع لماذن وكان بيبص للكيس الي وقعته شعاع من ايد فريدة…. فقالت بهدوء….
شعاع نغم يلا عشان ناخد ماذن علي اوضته….. ولكن حصل ما افزعهم وهو ان ماذن زق شعاع وممشي باتجاه الكيس…. وكانت شعاع بتحاول منعه…. لكنه مش سامع لها…. فقالت لنغم اللي كانت بتساعدها….
شعاع نغم…. بسرعه روحي نادي ادهم…. ومشيت نغم ونزلت لتحت عشان تنادي ادهم… وكانت بتنزل بسرعه فاقربت من مكان جلوس الشباب….. لما شافوها قامو بسرعه… عشان يعرفو مالها….. فقالت

نغم وبتاخد نفسها بسرعه.. الحقو ماذن.. شعاع… شعاع بتحاول تمنعه…. بسرعه يا ادهم… بسرعه…. طلعو الشباب سرعه عشان يعرفو اي اللي بيحصل فوق….. واتصدمو من اللي شافوة….. وهو ان ماذن واقع عالارض وشعاع فوقه بتحاول توقفه….. فقالت بصراخ
شعاع ادهم… الياس… تعالو ساعدوني… جري ادهم والياس ومسكوة….. باحكام… وده لانهم جسمهم قوي….. وانهم اقوي من ماذن….. امسكوة كويس جدا ودخلوة اوضته….
نغم بدموع شعاع انا هدخله…
اكرم بغضب هتدخلي فين انتي مش شايفه حالته…..
نغم بدموع ارجوك يا اكرم….. انا هقدر اوقفه….
شعاع سيبها يا اكرم….. روحي يا نغم…. وجريت نغم ناحيه اوضه ماذن…. ولقت ادهم والياس مسكينه…. فقالت
نغم ادهم الياس اخرجو وسبوني معاه…
ادهم بس يا نغم…
نغم متقلقش يا ادهم هكون كويسه…. وخرج ادهم والياس… راحت نغم ليه وحضنته بكل قوتها…..
ماذن بضعف مش قادر يا نغم…. مش قادر
نغم وهي بتشدد في احتضانها له هتقدر يا ماذن… هتقدر استحمل عشاني وعشان نفسك….
ماذن خليكي معايا يا نغم…. خليكي جنبي متسبنيش….
نغم بدموع وانا مش هسيبك…. مش هسيبك يا ماذن وهفضل جنبك…. وفضل ماذن في حضن نغم….. لحد ما نام في حضنها…. وبعدها نيمته في السرير وغطته كويس…. وفضلت قاعده علي الكرسي قدامه ولم تتركه…
في الخارج عند شعاع وكانت قاعده هي والجميع….. كان كل العائله… بس معاده فريدة لانها كانت برا بعد ما اتخانقت مع شعاع…. وكانو منتظرين ادهم والياس عشان تبداء الحديث مع الكل….. وبعد مده اتي ادهم والياس…. فقال ادهم
ادهم اقدر اعرف ايه الي حصل من شوية ده….
منصور هو ايه الي حصل يا شعاع
شعاع فريدة كانت عاوزة ترجع ماذن للمخدرات…
عاصم بغضب يعني ايه الكلام ده…. هي اتجننت… دي زودتها المرادي…..
ياسين اهدي يا عاصم الموضوع مش بيتحل كده…
ايهاب بقلق طب ماذن كويس… طب هو عامل ايه..
شعاع اهدي يا عمي… انا ونغم لحقناه في اخر لحظه…. ونغم معاه في الاوضه دلوقتي…. عشان تقعد معاه وميتهوش….
سيرين بعياط ماما…. كانت عاوزة تاذي اخويا اكتر….. لييييه…. لييييه كانت سيرين بتعيط اوي مرة قدام العيله من قلبها….. وكان محبوبها…. يتقطع قلبه عليها….. لا يعرف السبب…. ولكن بيحس بشعور جميل معاها…. بيتمني لو يقوم ياخدها في حضنه ويمسح كل دمعه تنزل من عينيها….. ولكن وهي بتعيط… قامت هناء وحضنتها….. سيرين اتفاجئت….. ولكن حاسه بشعور اول مرة تحسو….. وهو شعور الدفئ…. شعور الامومه…. التي لم تشعر بها اتجاه امها….. فقالت هناء
هناء… بحنان اهدي يا سيرين يا بنتي متعيطيش
سيرين بحزن وخرجت من حضنها…. يااااه يا طنط.. هناء… زعلانه عليا وبتقوليلي معيطش… وانا امي كانت السبب في الي بيحصلك… وانا كانت طريقتي وحشه معاكي….
هناء حبيبتي مفيش حد مش بيغلط… وانتي غلطي واهو اعترفتي بغلطك…. وانا مش زعلانه منك…. وكمان اعتبريني امك يا ستي…
سيرين بدموع امي تصدقي الكلمه دي عمري منطقتها من قلبي قبل كده…
هناء واديكي هتنطقيها اهو وكمان منا ام لحيطان اهم مش شايفه… وكانت هناء تتكلم بمرح…. وبتشاور علي اكرم ويزن وسما وشعاع ولارين….
سيرين بفرحه بجد يعني انتي مسمحاني….
هناء طبعا يا بنتي وحضنتها….. فقالت لارين…
لارين دخلوني الحضن ده…. وجريت عليهم…. وححضنتهم جامد وكانت سيرين فرحانه بانهم سامحوها…. ولكن حسو بحد بيزقهم….. وبيشد هناء
عاصم بغضب انتي يزفته انتي وهيا ابعدو عن حبيبتي كده كتك القرف
لارين.. ايه يا بابا… كان لازم تزقنا يعني…. اووووف
ايهاب تعالو يا بنات في حضني انا… وقامت لارين من عالارض ومدت ايديها لسيرين عشان تساعدها… وكانت سيرين متفاجئه…. ولكن لما شافت ابتسامه لارين وهي بتمدلها ايديها…. فابتسمت لها ومد ايديها هي كمان وقامت… وبعدها راحو قاعدو جنب ايهاب… فقالت شعاع
شعاع بهدوء دلوقتي انا عاوزة اقول ليكم علي حاجه دلوقتي واتمني تحافظو علي هدوئكم وبذات انت يا بابا….
عاصم باستغراب هو في ايه بظبط يا شعاع

شعاع بهدوء انتو اكيد عاوزين تعرفو ايه الي حصل من 17 سنه هحكي الي انتو متعرفهوش…. مش الي عارفينه
ياسين طب احكي يا بنتي وقفتي ليه….
شاديه وشيرين بصو لبعض بخوف وبعدها بصو لشعاع بنظرات ندم
شعاع:: بصتلهم وفهمت نظراتهم وبعدها قالت الي حصل::::::::::::::

شعاع بهدوء انتو عاوزين تعرفو ايه الي حصل من 17 سنه صح وايه الي حصل مع ماما بظبط
عاصم شعاع متفتحيش الموضوع ده تاني…..
اوركيد لا يا عمي ده لازم يتفتح ودلوقتي كمان
شعاع انا هحكي الي حصل من 17 سنه هحكي الي انتو متعرفهوش….. مش الي عارفينه
Flash back………
قبل عده سنوات…. كانت هناء عايشه مع جوزها عاصم احلي ايام….. وكان اسعد انسان مع زوجته وبنته لحد ما جدي اجبرة انه يتجوز شاديه عشان خاطر يجيب الواد….. بابا ساعتها كان رافض تماما انو يتجوز علي ماما وساعتها جدي هدد ماما بيا انو هيحرمها مني وماما اقنعتو انو يتجوز وبابا فضل يحب ماما برادو….. ولكن فكل قصه سعيدة هناك كرة وحقد……. وكان بابا قاعد هو عمي ايهاب بيتناقشو فشغل….. فقال ايهاب كده تمام يا عاصم انا دلوقتي هروح لياسين الشركه عشان يمضي لينا علي الورق ده………. عاصم تمام يا ايهاب…. انا هكمل كام حاجه واطلع…… وبعدها خرج ايهاب من المكتب…. وبدا عاصم بانهاء عمله….. فتح باب المكتب…. فارفع عاصم عنيه عشان يشوف مين……. وهنا كانت الصدمه….. وهي ان فريدة هي اللي كانت دخله…. وكانت لبسه قميص نوم…. فبدات تقرب من عاصم بدلع وهي بتقول…..
فريدة عاصم… انا مش قادرة انا بحبك انت يا عاصم… حاولت اتقبل انك اتجوزت الفقيرة دي….. وكمان شادية…. بس مش قادرة…. انت عارف اني بحبك انت….
عاصم بغضب وهو بيبعدها عنه انتي اتجننتي… فوقي لنفسك…. انتي مرات اخويا….
فريدة بس انا بحبك يا عاصم ومش بحب ايهاب…. انا عندي استعداد اطلق وابقي مراتك في السر بس متسبنيش….
عاصم بغضب ونبرة ارعبت فريدة بشده لاااااا دا انتي اتجننتي خالص…. اسمعي يا فريدة… انا بحب هناء ومستحيل اخونها…. اه اتجوزت شاديه بس ده غصب عني….. اما انتي انا مش هقول حاجه… عشان اخويا وبنتك…. وابنك الي في بطنك… يا هانم… بس وعز وجلاله ربنا في عرشه…. لو الحكايه دي اتكررت… هكون مطلع روحك للي خلقك يا فريدة…. انتي سااااااامعه…..
فريدة بخوف خاااضرر…. ولكن هنا اتفتح الباب….. ودخل من كان عاصم بيدعي انها متشوفش ده…. وهي هناء…. هناء وكانت بتعيط…… فستغلت فريدة الموقف….. ومشيت بتجاه هناء…. وكانت بتبتسم بخبث…….(ده علي اساس انها مكنتش عامله زي الكتكوت قدام عاصم 😒😒))
عاصم هناء انا هشرح ليكي الموضوع….
فريدة بدلع تشرح ليها اي يا عاصم هو الي بينا يتشرح بر…… وهنا لم تكمل كلامها بسبب القلم الي خدته من هناء…..
هناء بغضب اسكتي يا حقيرة….. فكراني مش عارفه ايه الي حصل….. انا سمعت كل حاجه…. انتي واحده حقودة ومغرورة وشايفه نفسك عالفاضي….. انسانه حقيرة… اخرجي… بررررررررا
فريده بتوعد صدقيني هندمك يا هناء علي القلم ده… هندمك غالي اوي…. خرجت فريدة وهي ماسكه وشها مكان القلم…. اول لما خرجت جريت هناء حضنت عاصم وفضلت تعيط….

عاصم اهدي اهدي يا حبيبتي متعيطيش ده متستهلش دموعك….
هناء بقلق دي مش هتسكت يا عاصم انت سمعتها دي هددتني انها مش هتسكت….
ومرت الايام. وفريدة معملتش اي حاجه…. وصدقت هناء ان فريدة مش هتعمل حاجه وكانت بتهدد بس…. ولكن في الايام دي فريدة كانت بتخطط….
في يوم في نص الليل…. وكانت فريدة نازلة من سلم القصر… بقلق وخوف ان حد… يشوفها وكملت نزولها…. وراحت ورا القصر من برا وقابلت شخص…. فقالت
فريدة اسمعني كويس… الي هتعمله ده انا هديك فيه المبلغ الضعف عن الي بتاخده…
الشخص بطمع الي انتي تومري بيه يا هانم…. قولي انتي بس عاوزة ايه وانا اعملهولك…..
فريدة بشر اسمعني كويس ونفذ الي هقولك عليه………
الشخص تمام اوي يا هانم اعتبريه حصل….
فريدة وهي بتديه الفلوس دول نص المبلغ…. الباقي هتاخده بعد ما تنفذلي المهمه… سامعني…. تمام يا هانم ومشي…. فقالت فريدة لنفسها….
فريدة معلش بقا يا هناء انتي الي جبتيه لنفسك…. اشربي بقي…. وجت تمشي قابلتها شادية فوشها….. فريدة بخضه في اي يا شادية فيه حد يطلع فوش حد كدا….. شادية بخبث بتخططي لي اي يا فريدة……. فريدة بارتباك مفيش حاجه……شاديه بخبث لا فيه يا فريدة وانا سمعتك وانتي بتتفقي مع الراجل……. فريدة بخوف شادية…. انتي عاوزة اي بظبط…… شادية بخبث مش عاووة حاجه انا هساعدك يفريدة عشان اخلص من هناء…… ابتسمت فريدة بخبث وقالتلها يبقا اتفقنا وهتساعديني….. وطلعو الاتنين اوضتهم وعلي وشهم ابتسامه انتصار…….. وعدا يومين…. ونيجي بيوم جديد…. كان في احتماع مهم للعائله…. عشان كده محدش كان في البيت…. غير هناء وفريدة وشاديه وشيرين….. وكانو قاعدين مع ولادهم في الصالون وكان ادهم شايل شعاع في حضنه ونايمه في حضنه….. فقالت هناء….
هناء ادهم حبيبي طلع شعاع ونيمها جمب اختها فوق يلا…
شادية ردت لا يهناء انا هطلع انا معاهم وهطلع انيم ليث علي سريرة كمان وارجعلك….
هناء تمام اطلعي انا مستنياكي…
وطلعت شادية وفريدة بعدها جات وكانت ماسكه بكوبيه عصير… فايديها…. فقالت وهي بتقرب من هناء…..
فريدة اتفضلي يا هناء العصير ده علشانك….
هناء باستغراب عصير علشاني انا انتي كويسة يا فريدة…

فريدة ببتسامه مصطنعه ايوة عشانك انتي…. وكمان يابنتي انا كويسه انا عاوزة نبقا صحاب…
هناء بس اشمعنا انا الي اشرب العصير…..
فريدة بكذب يابنتي مش انتي لوحدك…. ده عصير انا عملاه وعاوزة اعرف رايك فيه…. وكمان انا اديت شاديه وشيرين منه…. وانا شربت فاضل انتي….. خدت منها هناء بحسن نيه العصير وشربته….
هناء طعمه حلو يا فريدة تسلم ايدك
فريدة اه بجد ميرسي….. وبعد دقائق حست هناء بالم في راسها…. وفقدت وعيها…. فقربت منها فريده وقالت…. مش فريدة الي واحده فقيرة زيك تاخد حاجه عجباني…… كامل….
فالوقت ده بتشوفهم شيرين اي ده انتو بتعملو اي وايه اللي بيحصل……. فريدة شيرين مش وقتك خالص اسكتي دلوقتي هنفهمك بعدين…..
جه كامل ناحيتها بعد ما سمعها (كامل ده الي كانت بتتفق معاه وادته فلوس ينفذلها الخطه)
كامل اوامرك يا فريدة هانم…
فريدة يلا شيلها واطلع بيها الاوضه….
كامل اوامرك… بس بالنسبه لشيرين هانم….
فريدة متقلقش هي مش هتتكلم وبتبصلها فريدة….. وشيرين واقفه بذهول وساكته…. يلا بسرعه عشان مفعول المخدر بدا يروح وكمان العيلة زمانها جاية
ومشي محمود بتجاه هناء وشالها وطلع بيها لوضتها…. وفريدة قلعتها كل هدومها….. ومشيت…. وقفلت علي شاديه وشيرين اوضهم بالمفتاح ودخلت اوضتها وقفلت علي نفسها برادو……. كل ده كان شايفه ذلك الصغير ادهم فكان طفل ومش فاهم حاجه كل اللي عمله انه دخل تاني اوضه شعاع ولارين وقفل الباب بالمفتاح وخدهم فحضنه وقعدو عالسرير
اما فالخارج في دخل عاصم القصر والغضب مليه…. وكان بيطلع السلم بسرعه.. وباقي العيلة وراه يحاولو يهدوء….. ولكنه مكنش سامع لحد…. وفتح باب الاوضه واتصدم من اللي شافه….. حبيبت حياته وعمره تخونه…. كان في اللحظه دي هناء بتستعيد وعيها…. واتصدمت هي كمان من اللي شايفه…. وشايفه نفسها عاريه… فكانت تحاول تغطي جسمها بغطاء السرير…. اما عاصم فهو مسك كامل وفضل يضرب فيه وفضل يضرب في كل شبر في كامل وكان كامل بينزف….. وبعدها عاصم قام وساب كامل وقرب من هناء
عاصم بصريخ… ليييييه ليييييه يا هناء عملتي فيا كده… انا عملتلك كل حاجه…. بس فعلا صدقت دلوقتي بابا لما قال عليكي انك متجوزاني عشان الفلوس…. وراح ضربها بالقلم علي وشها…..
هناء بدموع والله العظيم يا عاصم مخونتكش والله وحياه حبنا محصلش

عاصم اومال الي شوفته ده ايه…. ويدا يضربها بابشع الطرق…. ولم ينجدها احد غير ياسين وايهاب…. لما دخلو واتصدمو هما كمان…. فراحو شدو اخوهم عنها وخرجو برا….. كامل استغل الشجار وهرب….. اما هناء فكانت حالتها لا يرثي لها…… قامت بصعوبه ودخلت خدت دش من الدماء الي كانت بتنزل منها ولبست هدوم نضيفه
هناء بدموع ووحع والله مخونتكش يا عاصم والله ابدا انا مش خاينه….
هنا دخل عاصم مرة تانيه…. وهناء كانت خايفه منه….
قرب عاصم من هناء…. هناء كانت بتبعد لكن جروحها كانت بتوجعها…. فامسكها عاصم من ذزعها بقوة…. وبدا يتقرب وشه منها…..
هناء صدقني يا عاصم انا مخونتكش…..
عاصم وحياه اغلي حاجه عندي لندمك يا هناء علي الي عملتيه ده… انا حبيتك…. بس خلاص هدوس علي قلبي وهوريكي الجحيم بتاعي….. انتي هتعيشي هنا زايك زاي الخدامه…. تربي بناتي وبس….. وملكيش اي لازمه بعديها….. وزقها علي الارض وخرج برا الاوضه وفضلت هناء تعيط علي حظها….. وهنا دخلت عليها فريدة وهي تقول…..
فريدة بشر مش قولت ليكي هندمك يا هناء مصدقتنيش…
هناء بصدمه انتي الي عملتي كل ده… ليه يا فريدة حرام عليكي اذيتك في ايه…
فريدة بكره عشان واحده جربوعه زيك انتي تضربني بالقلم واحده زيك انتي تاخد حاجه عجباني لا…. ولسه استني…. بايدي دي انا هقتلك بناتك…. وبعدها اقول انك انتي الي قتلتيهم……
هناء بخوف ابوس ايدك يا فريدة بلاش بناتي حرام عليكي انا اموت بحسرتي عليهم…..
فريدة بغل هو دة الي انا عيزاه…. سلام يا قطه….
هناء منك لله يا فريدة منك لله….. بس انا عاوزة اقولك حاجه يا فريدة قبل ما تخرجي…..

فريدة باستغراب حاجه ايه دي….
هناء قولي لكل من يراكي يدعي لمن رباكي…. ربنا يوجع قلبك زي ما وحعتي قلبي… وعاوزة تحرقيه اكتر…..
فريدة باستهزاء نبقي نشوف يا هناء
هناء ربنا قادر علي كل شي وعمره ما بينسي عبده…. بذات لو مظلوم وانا مظلومه…. وهايجي اليوم الي ربنا يكشف الحقيقه فيه….
فريدة بلا مباله نبقي نشوف يا هناء
وخرجت فريدة وفضلت هناء تدعي لربها بان يحمي بناتها وجاه بليل وقررت هناء الهرب ومشيت الي اوضه بناتها وخدتهم ولكن وهي خارجه لقت ادهم في وشها…..
هناء بتوتر ادهظ انت ايه الي مصحيك لدلوقتي
ادهم مش وقته يا طنط يلا بسرعه انا هساعدك انك تهربي….. تعالي…. وخدها ادهم وخرجها من القصر من الباب الخلفي…. وادها شنطه صغيرة
هناء ايه ده يا ادهم
ادهم دي فلوس بابا بعتها ليكي وقال ليا اني ادهالك وانا بهربك….. متقلقيش يا طنط…. بابا بيقولك انو مصدقك…. خدت هناء الفلوس وادهم حضن شعاع ولارين وودعهم…. ودخل من غير ما حد يشوفه….. ومشيت هناء بعيد عنهم عشان محدش يلاقيها واشترت بيت بالفلوس الي معاها عشان تفضل فيه هي وبناتها….. وكان عندها ارض كانت ورثها من والدها وكانت ارض زراعيه يزرع فيها قطن… وعملت بها وبقت هي اللي بتديرها…. في الزراعه… وعاشت هناء حياتها… وكان عاصم بيدور

عليها في كل مكان زاي المجنون……. ولكن معرفش مكانها…….
نكمل البارت الجاي
وبكده تكون الرواية ابتدت توضح ليكم وفهمتو شعاع عايزة تنتقم من فريدة ليه
تتوقعو ايه الاحداث الي جايه 🤔
اللي جاي لسه هيبقا شديد 😂🙉

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (أنا الإعصار)