رواية أنا الإعصار الفصل السابع عشر 17 بقلم اسراء هاشم

رواية أنا الإعصار الفصل السابع عشر 17 بقلم اسراء هاشم

رواية أنا الإعصار البارت السابع عشر

رواية أنا الإعصار الجزء السابع عشر

رواية أنا الإعصار الحلقة السابعة عشر

وبتكمل شعاع وبكدا تكون فريدة وشاديه وشيرين دبرو كل حاجه…… وعشان كدا انا رحعه عشان انتقم منهم واخد حق امي……..
وبعد ما قالت شعاع علي كل حاجه قال عاصم……
عاصم بغضب شديد يعني كل السنين دي هما الي كانو السبب في بعدكم عني….. انا مش هسكت المرادي…. مش هسكت وهقتلهم بايدي……
شاديه حاسه برعب وخايفه من عاصم وان سرهم وخطتهم اتكشفت…… واللي هيعملو عاصم فيها
شيرين بتقوم تقف بدموع ندم……. وبتقولهم انا عارفه اني غلطت اني ساعدتهم ودمرت حياتكم وساعدت اختي…… انها تاذيكو…… بس لما رجعتو….. تاني انا كنت خايفه منك يا هناء…… وان هما يعرفو وكنت هعترف بكل حاجه…… وبعدها بصت شيرين لشادية…… بس شادية هددتني……..
الكل حاسس بذهول وبيقولو هددتك هددتك بي اي…..
Flash back……
في اوضه شيرين وكانت قاعده بتفتح عليها الباب شاديه وقعدت قصادها….. وقالت….
شاديه شيرين عاوزاكي في موضوع….
شيرين باستغراب في ايه يا شاديه
شاديه… فريدة
شيرين مالها فريدة يا شادية انجزي وهاتي الكلام اللي عندك….
شاديه فريدة عاوزكي تجيبي ورق ليها من اوضه ادهم عشان عاوزه تستلم شحنه ليها من برا وعاوزة تستلمها في شركه ادهم…..

شيرين باستغراب واشمعني شركه ادهم…. وشحنه ايه دي
شاديه عشان ابنك كبير في مجاله ومعروف بشغله الكويس يعني الشحنه هتدخل من غير ما حد يشك….
شيرين شحنه ايه يا شاديه…
شاديه شحنه مخدرات….
شيرين بصدمه انتي قلتي ايه مخدرات انتي اتجننتي….. وانتي وفريدة من امتي بتشتغلو في الشغل ده…..
شاديه باستهزاء من زمان يا قلبي…. اومال الفلوس الي فريدة بتحولها ليكي وليا في البنك دي فكراها بتجبها منين…… من الكام صفقه الي بتعملهم في شركه…..
شيرين يعني كل السنين دي وهي بتاجر في المخدرات وانتي بتساعديها….. انتي ازاي تعملي كده….. مستحيل تكوني في وعيك…. انتي فاهمه انتي حاطه نفسك في ايه….. ده في ثانيه ممكن تتسجني…..
شاديه ماهو لو ساعدتيني… وجبتي الورق بيخص الصفقه لابنك احنا هنبدلها بورق الصفقه بتاعتنا ووقتها نستلمها بسهوله ومن غير اي خطر…..
شيرين بغضب مستحيل يا شادية اعمل الي بتقولي عليه ده انا صحيح اني مش قريبه من ولادي وبعيده عنهم….. لكن مستحيل اذيهم….. انا كملت معاكي في حكايه ليث وغرام لكن عمري ما اتخيلت النار الي كنتي هترمي بنتي فيها…..
شاديه اسمعي يا شيرين انتي لازم توافقي علي كلامي والا هتندمي….. وابنك اقري عليه الفاتحه
شيرين لا يا شاديه… مش هوافق مش هرمي ابني للنار عشانكم…. اخرجي يلا من اوضتي….
شاديه باستهزاء ايه ده…. هو ضميرك صحي وبقيتي الام الي عاوزة تحمي عيالها…. اسمعي يا شيرين…. لو منفذتيش علامي انا هاذيلك ابنك وبنتك……
شيرين بمقاطعه متقدريش تعمليها متنسيش اخوها… مين
شاديه ماهو انا اقدر بردو ادمر ابنك…. مثلا خبر بسيط يتنشر علي انه بيتاجر فالمخدرات…. شهود تشهد زور مع كام مرتشي…. وهوبا ابنك الي فرحانه بيه ده يضيع…..
شيرين انتي ايه يا شيخه….. بتعملي كده ليه….. انا اختك من لحمك…. ودول ولاد اختك يعني ولادك….. ازاي جالك قلب تفكري تعملي كده فيهم……

شاديه بغضب ايوة يا شيرين جالي قلب…. جالي قلب خليت ابني مدمن كحول….. كرهته في اخواته….. وجوزي الي هو عاصم عايش معايا بس عشان مراته الي بيحبها…. وان روحها تحت ايدي…. مليت عقلك بسواد ناحيه هناء وبناتها بان جوزك بيحبهم اكتر منك انتي وولادك وخليت الغيرة تعميكي وبقيتي تتعاملي معاهم باسوء معامله مع ان ياسين بيحبك وبيعامل هناء زي اخته ولادها زي ولادة….. بس مستحيل اخلي هناء هي وبناتها يتهنوا…. كفايه اني مستحملاكي… ومستحمله هبلك…. وغبائك…..
شيرين بصدمه بسبب كلام اختها مقدرتش توقف علي رجليها وقعت علي السرير انتي مستحيل تكوني بعقلك….. انتي مريضه…. مريضه يا شاديه….. غيرتك من هناء خلتك مجنونه…… غيرتك وجنانك خلوكي تاذي اقرب الناس ليكي…… وانا انا اختك…. بنت امك وابوكي…. خلتيني زيك… زيك
شاديه ببتسامه سخريه صحيح انك طماعه وبتحبي الفلوس لكن عيبك انك طول عمرك بتمشي ورا قلبك…. يعني مش زيي….. في فرق…. انا عارفه بعمل ايه وبفكر بعقلي مش بقلبي……. حاولت اخليكي زيي بس انتي طلعتي غبيه وقلبك كنت متاكده انه هايحن في يوم من الايام….. عشان كده كنت بمنع فريدة تعرفك شغلنا…..
شيرين وانا مستحيل اساعدك مستحيل…..
شاديه يبقا اترحمي علي ولادك يا شيرين….
شيرين بسخريه اترحم عليهم… طب ايه قولك لو كل الكلام الي قولتيه ده عرفته لشعاع…. ايه هيكون حالك لما شعاع تعرف انك السبب في خسرتها لابوها وخلتيها تعيش زي يتيمه الاب هي واختها…. ايه رايك لما اعرفها انك السبب في معاناه امها…..
شاديه بتوتر اخفته مش هتقدري…. لاني وقتها هقولها انك السبب برادو في معاناه امها وانك شريكه معايا…..
شيرين بندم لاول مرة فحياتها علي الاقل هيكون عقابي ارحم منك انتي……
شاديه بقسوة وكرة اسمعي يا شيرين… لو قولتي حاجه لي شعاع او غيرها مش هتردد لحظه في قتلك…. انتي فاهمه
شيرين وانا مش بخاف يا شاديه….. متنسيش اننا من بطن واحده يابنت امي وابويا….. سامعه يا شاديه…..
شاديه ماهو عشان اننا من بطن واحده احذري مني يا شيرين….. بلاش تلعبي ضدي….. وخرجت شاديه…. من الاوضه وكانت شيرين قاعده بتعيط بقوة وندم علي اللي عملته….. ندمانه علي العمر الي عدي منها ومقربتش من ولادها وخسرتهم…. ندمت علي الطمع الي عماها عن جوزها…. ياسين بيحبها… ندمت علي كل مشاعر حقودة وشر وضغينه شالتها اتجاه هناء وبناتها شعاع ولارين…. وبذات شعاع الي بتتاذي من افعال اختها…. واكتر ما ندمت عليه… وبكت عليه بشده هو بعدها عن ربها…. وعصيانه في حاجات كتير…. فقامت شيرين وتوضت وبدات تصلي لربها…. وتصلي من قلبها لاول مرة…. وكانت دموعها بتنزل…. ورفعت ايديها للسما وبدات تحكي علي الي في قلبها لربها وتدعي وتقول…….
شيرين بدموع يارب… يارب لا اله الا انت سبحانك اني كنت من الظالمين…. يارب سامحني يارب…. انا عماني الطمع والفلوس…. يارب عاقبني علي اي حاجه او اي طريقه….. بس اقف جمب ولادي.. واحميهم من شر وحقد شاديه وفريدة….. يارب احمي…. شعاع…. احميها يارب….. صدقني انا بندم علي كل لحظه عملتها في حقهم….. بندم علي عصيانك يارب….. بس انت غفور رحيم…. غافر الذنوب والمعاصي….. اغفرلي يارب…. وسامحني…. وبدات تعيط بحزن وندم ومش عارفه تعمل ايه وخايفه…..(فاقت لنفسها بعد فوات الاوان…. ولكن ماذا ينفع الندم في وقت لا ينفع فيه…. ولكن مشيئه ربنا والقدر ليهم راي تاني….)

الكل حاسس بذهول من اللي بيسمعوة ازاي فريدة وشاديه طلعو بالشر ده كلو
عاصم بيقوم بغضب العالم كله وبيقف قصاد شاديه اللي من كتر خوفها من غضب عاصم وان بسبب اختها الغبيه اتكشف كل حاجه وبكدا عاصم مش هيرحمها…… وبينزل عاصم ضرب فيها بالاقلام…..وبيتكلم بغضب وكرة بقا انا تعملي فيا كل ده وتدمريلي حياتي……
هناء وشعاع بيحاولو يبعدوة عنها والكل واقف الصدمه شلاهم من اللي سامعوة وشايفينو
هناء اهدي يا عاصم مش كده هي مش هتتخل بقتلها خالص… اهدي عشان خاطري…….
عاصم بغضب اهدي ازاي يا هناء…. كل الي حصل ده وعاوزاني اهدا….. لاااا مش هاهدي ولازم ادفعهم التمن غالي اوي…….
شعاع بغضب لا يا بابا…. لا انا مش هخليها ترتاح كده…. لازم اخليها تعترف…. لازم
شاديه بتقوم من عالارض بوجع وخوف وبتهرب من قدامهم قبل ما عاصم يقتلها…….
ادهم طب وهتعملي كده ازاي يا شعاع….
شعاع بجديه بصو معايا…… ونسيبهم بقي يعملو الخطه ونروح لمكان تاني…..

في احدي الكافيهات في الجزيرة كانت فريدة قاعده وكان يملاها الغضب من اللي عملته شعاع فيها…. وكانت بتدخن بشراسه……. وبعدها بمده لقت من يسحب الكرسي الي قدامها وبيقعد…. فقالت
فريدة بغضب انت يا استاذ حضرتك جاي تقعد فين… انت اتفضل قوم….
اهدي يا فريدة هانم ميصحش كده….
فريدة باستغراب انت تعرفني منين….. انا معرفكش…
انا فارس جمال…. رجل اعمال كبير وعاوز اعمل معاكي اتفاق….
فريدة بطمع اهلا بيك اتشرفنا…. بس اتفاق ايه الي عاوز تعمله معايا….
فارس بخبث بصي في واحده من عيلتك انتي عجبتني وانا عاوزها…..
فريدة باستغراب عاوزها ازاي يعني مش فاهمه…
فارس بمكر عاوزها.. يعني انتي اكيد فهماني….. ولو حبتهالي…. هاديكي تلاته مليون جنيه…. وعلي فكرة انا عارف ان ايهاب بيه هيطلقك ومش هيديكي حاجه….. وانا اهو بعرض عليكي تجبيلي البنت….. واديكي تلاته مليون جنيه…..
فريدة بطمع وخبث وانا موافقه بس هي مين…
فارس اسمها سيرين…. سيرين بنتك….
فريدة بصدمه بنتي….
فارس ايوة بنتك… هااا هتجبيها.. ولا يروحو عليكي التلاته مليون… فريدة سكتت شوية وفكرت…. وبعدها قالت..
فريدة بثقه بكرة تجهزلي التلاته مليون جنيه لان سيرين هتكون عندك بكرة بليل… وده الكارت بتاعي… سلام… ومشيت فريدة…. وبص فارس لي الرقم….. وضحك ضحكه استهزاء….. وقال
فارس يااااه اهو الزمن ده يوريك العجب…. ام باعت بنتها ليا عشان الفلوس….. انا هتسلي اوي…
ناتي في المساء…. ونروح لي اوضه لارين…. وكانت في اوضتها قاعده مع نفسها…. وبعدها بمده من الوقت جت عشان تخرج…. لقت ورق قدام باباها…. فمسكته وبصت في الممر عشان تشوف مين الي ساب الورقه لكنها ملقيتش حد…… خدت الورقه ودخلت اوضتها تاني….. وفتحت الورقه وقرات ما بداخلها…. وكانت كالاتي……
(قمري… بصي انا مش بعرف اتكلم كتير في كلام الحب والرومانسيه…. بس اتمني من قمري انه يتنازل ويجي يقابلني اليوم عندما يظهر القمر لكي ينير الليل…. انتظرك في الشاطئ الذي اوقعتني فيه واعترفت لكي به بحبي…. سوف انتظرك بعد ساعتين…. حبيبكي عمار ينتظر قمري الظاهر…..)
حضنت لارين الرساله بحب وفرحه وكانت سعيده جدا بهذا اليوم….. ومشيت بسرعه بتجاه دولابها عشان تشوف هتلبس اي لهذا اللقاء…. وبعد عناء طويل جدا واصبحت الاوضه مثل الغابه…. نقت لارين احلي فستان عندها……
وبعد ما لبسته…. واضافت بعد اللمسات الاخيرة لها…. خرجت من الاوضه وقابلت اختها شعاع وادهم برا…. فقالت
لارين ايه ده هو انتو واقفين كده ليه
شعاع عشان احنا الي هنوصلك للمعاد يا لارين هانم…. 😂😒
ادهم ببتسامه اخوية لازم نطمن علي اختنا الصغيرة…. لارين ابتسمت وحضنتهم الاثنان وقالت…..
لارين بفرحه انتو احسن اخوات في الدنيا….
شعاع بضحك ماشي يا ستي بس يلا عشان منتاخرش لحسن انتي بقالك مده كبيرة في الاوضه والمعاد فاضل عليه نص ساعه…. يلا بسرعه….
ومسكت شعاع ايد اختها ونزلو بسرعه ووراهم ادهم….. وبعد دقائق جاب ادهم العربيه واخدهم وانطلق الي الطريق…. وبعدها وصلو…. وقال
ادهم احنا كده مهمتنا خلصت بدات مهمتك انتي يا اميرتنا….
شعاع متتوتريش الواد الي جوة ده هيقولك علي حاجه وهيروحك سامعه…
ادهم بضحك خلاص يا شعاع سبيها بقي… مش وقت غيرتك… يلا سلام يا لارين وانطلق ادهم بالسيارة…. لارين فمشيت في الطريق من الورد…. وذهبت فيه وعندما انتهي هذا الطريق… بصت لقدام ولقت ما صدمها…. وهو…. ولقت موسيقي اشتغلت…. وشخص يمسكها من وسطها…. ويرقص معها…. وكان هذا لم يكن غير من شغل قلبها وعقلها….. عمار…. فقال….
عمار بحب وحشتني اوي اوي….
لارين بضحك هو انا لحقت اوحشك…. انا كنت لسه معاك الصبح….
عمار انتي كل دقيقه… كل ثانيه… بتوحشيني فيها اعمل ايه انا بقي….
لارين بخجل عمار بس بقا…. 😂🥰
عمار مش بقول الحقيقه بس ايه رايك في المكان عجبك…

لارين بفرحه جدا…. المكان تحفه… ربنا يخليك ليا يا عمار….
عمار ويخليكي ليا يا قلب عمار… بس انتي جميلة كده ليه…
لارين بجد عجبتك… بس ايه رايك في الفستان…
عمار جميل يا روحي…. بس تبقي تدهولي… مع فستان بتاع يوم السباحه….
لارين بضحك يا حبيبي هو انا كل ما هلبس فستان هتاخده تقطعه ولا ايه….
عمار طب اعمل ايه ما هو انتي بتبقي حلوة… وانا مش عاوز حلاوتك دي تكون لحد….. بس انا دلوقتي عاوز احكيلك علي الماضي الي بسببه كنت خايف اقرب منك….
لارين احكي يا عمار انا معاك ومش هسيبك…. احكي يا حبيبي يمكن ترتاح…..
عمار بتذكر من خمس سنين…. كنت بحب واحده كانت سكرتيرة ليا… حبيتها وخطبتها…. وكنا مبسوطين مع بعض…. او انا الي كنت سعيد.. وفي يوم كنت محضر ليها مفاجئه…. وهي اننا معاد فرحنا اتحدد وروحت ليها البيت…. وبالصدفه ولحسن الحظ لقيت باباها… مفتوح… وكانت صدمت حياتي… لان الي شوفته…
Flash back……..
كان عمار طائر من الفرحه…. فقد اتفق مع عاصم ومنصور علي موعد زفافه… من خطيبته الي بيحبها…. ورح بيتها بسرعه… وقرب من باب شقتها وجاي عشان يطرق الباب… اتفاجئ بان الباب مفتوح… فتحه ودخل بسرعه…. ولكن اتفاجئ بصوت ضحكات خطيبته واسمها شهد…. اتفاجي بضحكتها العاليه….. قرب من باب اوضتها… واتصدم من الي كانت بتقوله….
شهد بضحكه….. عرفت تلعبها صح يميزو ولا اقولك يا عزيز…. وهنا اتصدم اكتر من الي سمعه….. ان خطيبته مع عدوه هو واخوة…. في العمل عزيز…. فالوقت ده قلبه اتحطم الي مئه قطعه….. ازاي ده ازاي…. ولكن تحطم اكتر لما سمع باقي الحوار….
عزيز حبيبتي المطيعه… بس لعبتيها صح خلتيه يحبك لا وكمان هتخليه يتجوزك برافو….
شهد بس ايه ده يا زيزو ده طلع اهبل خالص…. مش زي اخوه التاني…. ده من كام معاد بينا وقع في حبي….
عزيز اومال انا خليتك ليه تشتغلي سكرتيرة عنده عشان تتجوزيه….
شهد بس اتجوزة ازاي وانا مش بنت….
عزيز عادي يا قلبي… كام عمليه… ونضحك عليه وتتجوزيه
شهد وبعدها بكام شهر اقتله واورثه يا حبيبي… وكل حاجه هتكون بتاعتنا…
عزيز صح يا قلبي… بس همتك دي بقي انك تخليه يتسحر بيكي….
شهد متقلقش يا حبيبي… عمار ده تقدر تقول عليه خاتم في صباعي…. هقدر اشكله زي منا عاوزة….. المغفل ده….
عزيز انا عاوزك تخليه يكتبلك املاكه كلها فهماني يا روحي….
شهد الا فهماك…. ده يكتبلي املاكه من هنا وشوية سم في اكله ويموت من هنا…. وضحكو الاتنين وميعرفوش ان هناك من يسمعهم….. وفي اللحظه دي دخل عليهم عمار…. وكان مسك مسدسه….. وهما كانو فوضع مخل….
عزيز بصدمه عمااااار….
شهد بخوف عمااار صدقني انت فاهم غلط….
عمار بغضب انتي تخرسي خالص لييييه تخونيني لييييه و انت احنا اذيناك في ايه…..
عزيز عشان انتو السبب في اني اعلان افلاسي وانت والياس وادهم…. الي دمرتو شغلي…..
عمار باستهزاء شغل ايه يابو شغل… وهو شغلك ده انك تتجار في الاعضاء…. شغلك ده انك تتاجر في السلاح…. بس تعرف صحيح انك هربان ومحكوم عليك بالاعدام…..
عزيز بقلق انت هتعمل ايه يا عمار….

شهد عمار اعقل متتهورش…. انت دلوقتي متعصب وفي لحظه شيطان….
عمار انتي ايه زباله…. دي لحظه شيطان…. واللهي محد شيطان غيركم… دا انتو وكانكم معجونين بمايه شياطين… انتو مش لازم تعيشو…. مش لازم….
عزيز عمار انت هتعمل ايه….
عمار هاعمل الي لازم يتعمل مع ناس شبهكم********واطلق عمار عددت طلقات من مسدسه ولحسن حظه ان مسدسه كتم الصوت…. عشان كده محدش سمعه من الجيران… وبعد ما قتلهم…. اتصل علي ادهم والياس…. وبعد ثواني رد ادهم
ادهم ايه يا ابني انت فين….
عمار بجمود انا قتلت شهد يا ادهم…
ادهم بصدمه انت بتقول ايه…. انت بتتكلم جد…
عمار بجمود انا في بيتها دلوقتي وجثتها قدامي تعالي بسرعه انت والياس وانا هفهمك…. وقفل عمار مع ادهم وفضل يبص لجثتهم…. وبعد مده جه الياس وادهم بسرعه ودخلو الاوضه…. واتصدمو من اللي شافوة….. فقال
الياس ايه الي حصل هنا…. وايه ده
عمار هشرحلك بعدين يا الياس…. بس اعمل ايه دلوقتي
ادهم طب اهدي…. ونده ادهم علي رجاله الي وقفين برا…. وامرهم باخفاء الجثتين…. وخد عمار… ومشي بيه…. لي مكان هادئ…. وسالة
الياس بغضب دلوقتي انت لازم تقولي ايه الي حصل هناك ده… حالا
عمار بدموع وانكسار خدعوني. يا الياس…. خدعوني كدبت عليا…. وانا صدقت
ادهم احكيلنا يا عمار ايه الي حصل…. وبدا عمار يحكلهم بكل حاجه من لحظه وصوله بيتها لحد ما اتصل بيه…. وادهم والياس سامعين كل ده وهما مصدومين وحزن علي اخيهم… وبعد ما خلص عمار من حكايته للي حصل…. قام الياس وحضن اخوه…..
عمار انا تعبت يا الياس تعبت…
الياس اهدا يا عمار… خلاص انسي انسي… والحمد الله انك بخير…. ولكن لم يسمعو رد…. لان عمار اغمي عليه…. فساعدوه وشالوة ورجعو بيه القصر…. وعمار مع مرور الوقت بداء يتقبل الموضوع…. ويهزر مع الجميع…. لكنه لم ينسي وجع قلبه…..
The end Flash back…
عمار صدقيني يا لارين لما شوفتك… حبيتك بس خوفت يحصل معايا نفس الشيئ…. عشان كده كنت ببعد عنك…. بس لما حسيتك بتروحي لحد غيري مقدرتش…. مقدرتش… اتقبل الموضوع…. وساعتها عرفت اني عمري ما حبتها…. وحبيتك تنتي…. يا لارين انا عشقتك مقدرش اعيش من غيرك انتي بقيتي كل حياتي….
لارين بدموع وانا بحبك…. وبجد فرحانه انك فتحتلي قلبك وحكتلي علي كل الي تعبك
عمار بحبك بحبك بحبك….
لارين وانا بعشقك… وحضنته بقوة… ام عمار فقام وشالها ولف بيها… وهو في قمت سعادته…. وكان هذا افضل يوم لهم علي الاطلاق….
ومر اليوم علي ابطالنا وجه يوم جديد…. ووقتها قرر اكرم ياخد سيرين عشان… يجيبو فساتين جديدة… وعشان تغير من لبسها القصير…. وراحت معاه سيرين لاحدي المولات التي في الجزيرة…. وكان اكرم بيديها رايه في الفساتين ومش عاجبه اي فستان مفتوح عليها…. كان بيحاول يجيب ليها فساتين مقفولة شوية…. واشترو هدوم كتيرة وبعدها راحو قعدو في كافيه….. فقال اكرم
اكرم عجبوكي الفساتين….

سيرين ببتسامه عجبوني اوي يا اكرم…. بجد شكرا ليك علي الخدمه الي عملتهالي….
اكرم ببتسامه خدمه ايه…. انتي غاليه عليا…. عشان كده اطلبي بس وانا انفذ….
سيرين بخجل شكرا…. بس انا لازم اجبلك هديه ومتعترضش انت تعبت معايا النهاردة اوي يبقي الهدية دي اقل شئ اقدر اقدمهولك….
اكرم ماشي موافق هاخد الهدية…
سيرين بفرحه طب استناني شوية هروح واجيبلك بسرعه
اكرم بضحك حاضر روحي….
سيرين مش هتاخر عليك… وبعد ما مشيت سيرين قال اكرم….
اكرم هو انا شكلي حبتها ولا ايه…. بس انا بحب اقضي الوقت معاها مش عارف ليه…. وفضل اكرم مستنيها… وعدت سعات وسيرين مرجعتش… قلبه اتقبض…. قرر البحث عنها فراح اوضه الكاميرات… عشان يعرف هي فين…. وعندما كان يبحث عنها في الكاميرات….. اتصدم اكرم من الي شافه…. وهو ان هناك ثلاثه اشخاص نومو سيرين بحقنه في رقبتها من غير ما حد يلاحظ…. وشالوها ومشيو بيها…… فاخرج اكرم هاتفه واتصل علي شخص وهو….
اكرم بقلق سيرين اتخطفت يا…..

نكمل البارت الجاي
هستنا رايكم فالبارت وعاوزة تفاعل حلو وكومنتات حلوة كتير عشان التفاعل وحش بجد 😢 لو مش عجبكو مكملهاش
اتفاعلو عشان انزل بارت كمان شوية كده
وقولولي رايكم وتتوقعو الاحداث الي جايه اي

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (أنا الإعصار)