روايات

رواية 30 يوم حياة الفصل الرابع 4 بقلم أميرة اسامة

رواية 30 يوم حياة الفصل الرابع 4 بقلم أميرة اسامة

رواية 30 يوم حياة البارت الرابع

رواية 30 يوم حياة الجزء الرابع

رواية 30 يوم حياة
رواية 30 يوم حياة

رواية 30 يوم حياة الحلقة الرابعة

وفجأه…سمعوا صوت صوات جاي من شقه زين فتحت منه الشباك ونادت علي زين وهي بتصرخ
منه….الحقني يا اخويا بسرعه جري زين والشباب وهما بيوقعوا الكراسي دخلوا الشقه
زين…في ايه يامنه
منه…الحق ماما يا ابيه زين اغم عليها جوه فالمطبخ ومش عارفين نقومها
دخل زين جري جوه الشقه هو وادهم وفضلوا الشباب كلهم واقفين بره شالها زين بمساعده ادهم خرج بيها بسرعه
يوسف…هاتها بسرعه عالعربيه يلا
جري بيها زين علي عربيه يوسف
منه…استني هاجي معاكم
زين…ادخلي جوه يامنه
منه ..مش هقدر اسيبها
زين…بعصبيه بقولك ادخلي انتي وهي جوه
جري وراه الشباب
هيما…ادخلي يا منه جوه انتي ووعد وانا هطمنك
منه…والنبي ياهيما خدني معاك
هيما…يابت ادخلي جوه واسمعي الكلام قولتلك متخافيش هطمنك هملم رحاب تجيلكم تأعد معاكم
منه….وهي بتعيط ماشي
دخلت منه وفضلت تعيط هي ووعد
هيما…ركب الموتسيكل ورا ادهم وراحوا وراهم
هيما اتصل بأخته رحاب
رحاب…ايوه يا هيما
هيما…انتي فين يارحاب
رحاب…انا اعده مع توته واخواتها وابله سهير
هيما…طيب جري علي شقه زين تأعدي مع منه ووعد
رحاب…في ايه حاجه حصلت
هيما…ام زين تعبت ورايحين بيها المستشفي وهما اعدين يعيطوا فالبيت خليكي معاهم
رحاب…طيب يا هيما انا نازله حالا سلام.
توته…في ايه يابت يا رحاب
رحاب وهي بتظبط هدومها هيما بيقول ان ابله مديحه مامت زين تعبت وجريوا بيها عالمستشفي وعايزني اروح لمنه ووعد مموتين نفسهم عياط
توته…وهي بتضرب علي صدرها يالهوي طب استني انا جايه معاكي
سهير…استنوا يابنات هلبس عبايتي واجي وراكوا
استر يارب
وجري
دقايق وخرجت رحاب وتوته واخواتها وامها راحو علي بيت زين
وكل شاب من الشباب اتصل بوالدته تروح للبنات
ثواني وبيت زين بقي مليان ناس جايين ياخدوا يعملوا الواجب.
سهير…في ايه يامنه امك مالها
منه…معرفش يا ابله سهير كانت فالمطبخ وفجاه سمعنا حاجه دبت عالارض خرجت من اوضتي انا ووعد لقيناها مرميه عالارض حاولنا نفوقها مفاقتش ومعرفناش نقومها خرجت ناديت علي ابيه زين هو اللي شالها وخرجها
سهير خدتها في حضنها
سهير…طب بس بس بلاش عياط بلاش عياط يا وعد هتبقي زي الفل تلاقيها داخت من الحر ولا حاجه لا حول ولا قوه إلا بالله
نعمه…والدت صالح وصلاح
طب احنا هنفضل اعدين كده وسايبين الست لوحدها مع الرجاله
ناريمان حماه يوسف ووالده مريم
نعمه….بت يا منار روحي هاتيلي الفلوس بتاعتي بسرعه وهاتيلي عبايه بدل دي
منار…حاضر جريت منار بسرعه
ناريمان…عندك حق يا ست فاطمه يلا نروحلها ميصحش نسيبها لوحدها
سهير…استنوني انا جايه معاكم
رجعت منار ادت لوالدتها العبايه وكيس الفلوس وطلعت تاني للبنات
منه…والنبي خدوني معاكو
سهير…يابنتي اعدي متوجعيش قلبي بعياطك ده وبعدين انتي قولتي زين مرضيش هيتعصب لو شافك سبيه فاللي هو فيه وانا هطمنك بالمحمول اول ما اوصل
منه…كلكم بتقولوا اطمنك ومحدش طمني لحد الوقت
ناريمان….لا نطمن علبها وهنكلمكم علي طول
سهير….خليكوا معاهم يابنات متسيبوهمش لحد ما نرجع
توته…احنا اعدين معاهم يا اما متخافيش
مشيت سهير وناريمان وفاطمه
رحاب خدت منه في حضنها
رحاب…بس يامنه بقي كفايه عياط
توته…يابت انتي بتبشري علي امك هتبقي زي الفل
بوسي….هي مكالتش حاجه
منه…لا كلت وكانت بتغسل المواعين فالمطبخ
مريم….يمكن داخت او ضغطها وطي
توته…هو الضغط ابن الجزمه ده
مريم…مالك ياوعد ساكته ليه
وعد…ابدا مفيش
شمس…متخافيش ياوعد خالتك هتبقي كويسه
وعد…يارب ياشمس
منار…بحزن علي وعد ومنه ان شاء الله خير متخافوش ادعولها
منه…ماتكلمي ادهم او هيما أساليهم كده
رحاب ..لا ياختي هيهبوا فيا و هما ملخومين كده
منه…طب ماتتصلي انتي يا توته بادهم
توته…يا اختي هيهب فيا نفس الهبه اللي هيهبها في اخته ماتتصلي انتي بزين
منه…لا اخاف
توته…غمزتلها خلاص اتصلي بهيما
منه ..يا اختي انتي كمان يا توته فايق
توته…يابت مش حبيب القلب مش هيهب
منه ..لا يا اختي هب فيا قبل ما ينزلوا وبعدين ماادهم حبيب القلب وخايفه من هابته😒
شهد….والنبي انتوا اللي اتنين ملكوش حل ولا اللي ماسكين زعله علي بعض انا عارفه هتبقول سلايف ازاي
منه…اطلعي انتي منها ياحقنه توته حبيبتي وبعدين يا اختي خلاص بقينا سلايف محسساني اني اتجوزت هيما
شهد…هتتجوزيه ياختي
رحاب…هو هيما اخويا اه بس يطول يتجوز القمر ده
رحاب.. بضحك بت يا منه انا هبقي عمتك انتي وتوته وهعمل عليكوا اخت جوز
توته…عمي في عينك قال عمتي قال يابت انتي في اهبل منك
رحاب…اهدي يا توته مش كده انا نطقت🙄
توته…ايوه كده
منه…ملكيش غير توته😒
منار….جبانه😂😂
مريم…بقول ايه اسكتوا هتصل بچو يمكن ميهبش فيا ويطمني
توته…اتصلي يا اختي
يوسف…ايه يامريم
مريم…ايه چو مفيش اخبار منه ووعد هيموتوا علي ابله مديحه
يوسف…طمنينهم فاقت الحمد لله بس لسه محدش قالنا مالها الدكتور معاها جوه
مريم…طيب الحمد لله
يوسف…هنهاص واطمنكم يلا سلام
مريم…سلام.
وعد…قالك ايه
مريم…بيقول فاقت الحمد لله بس لسه محدش قالهم سبب الاغماء الدكتور معاها جوه
منه…الحمد لله
توته…الحمد لله وبصت لوعد وانتي ياختي فكي شويه
وعد.. اعمل ايه يا ابله توته
ينهار اسود انتي يابت مش هتبطلي ابله توته دي انتي عايزه ادهم يسمعك يقول اني كبرت يروح يدور علي عروسه غيري
ضحمت وعد غصب عنها علي توته…ده انتي قمر هيسيبك ويروح لمين بس
توته…عارفه لو سمعت بتقولي ابله دي تاني هصلط علبكي عيال الحته الصغيرين وبلاش اقولك هيعملوا فيكي ايه😒
منه…بضحك انا عارفه
بوسي ..وانا كمان😂😂😂
وعد…طيب اقول ايه
توته…قولي توته وبس يا اختي انما ابله دي مسمعهاش بتحسسني بسني
وعد…ماشي ياتوته وبطلي يا اختي انتي وهي تقولول لزين يا ابيه هتوقفوا حال الراجل وهو قمر كده
رحاب….نهار اسود بتعاكسي حد غير اخويا لا انا لازم اقوم بدرو العمه
توته…يا اختي اتنيلي هو في فجمال ادهم بس صعبان عليا الراجل اخته وبنت خالته بيقولوله ابيه
منه…امال نقوله ايه بس
توته…هو زين وبس
منه…انتي هتعملي زيه كل شويه يقولنا بطلوا ابيه زين دي
توته…اهو الراجل نطق ولان توته عارفه من ادهم حب زين لوعد بصت لوعد وانتي يا اختي قوليله زين الواد حلو والف مين يتمناه متكبريهوش وبعدين اللي في سن زين بيتجوز عادي اللي في سنك
وعد…انا بس عشان اتعودت
توته…لا لما تقولي زين هتتعودي
وعد…بابتسامه حاضر هحاول
في المستشفي..
وصلت سهير وفاطمه ونعمه وناريمان
فاطمه…خير ياولاد
سهير…اطمنتوا علي ست مديحه
زين…فاقت الحمد لله بلغونا بس من ساعتها محدش خرج وقال هي فيها ايه الدكتور معاها جوه
فاطمه…ان شاء الله يا ابني هتبقي زي الفل
زين..يارب يا حاجه فاطمه
بس ايه اللي جابكم لوحدكم كده كفايه الشباب معايا وعم احمد وحاج سعيد وعم عيسي مسابونيش
ناريمان…متقولش كده يازين احنا اهل
سهير…وبعدين كلكم رجاله معاها وهي ست بطولها لازم نبقي معاها نسندها نلبسها
زين…الله يخليكي يا ام توته طول عمرك ست جدعه
سهير…ويخليك يا زين انت جمايلك مغرقه الحاره
زين…احنا اهل متقوليش كده يا ام توته
هيما…في حد مع البنات
سهير…اه يا اخويا كل البنات معاهم هناك اطمن
خرج الدكتور فالوقت ده
زين..خير يا دكتور
الدكتور…خير متقلقش عملنالها تحليل وهي زي الفل معندهاش حاجه بس ضغطها كان عالي اوي هي فاقت واحسن والضغط فضلت متابعه واديتها حقنه تظبطه والحمد لله هي زي الفل الوقت
احمد العربي…طيب وايه السبب يادكتور
الدكتور…هي معندهاش اي اعراض لاي حاجه غير الضغط يمكن تكون زعلت بتفكر في حاجه يمكن الحر
زين…هي كانت كويسه ومفيش حاجه مزعلاها
الدكتور….يبقي اكيد من الجو وطبعا احنا داخلين علي صيام اي وقت تحس بتعب تفطر فورا وكتبتلها انا علي علاج للضغط وتريح كده كام يوم
سهير…تريح با اخويا واحنا نعملها اللي هي عيزاه يعني احنا روحنا فين
حاج سعيد…طيب هي ممكن تروح
الدكتور…اه ولو حابين الوقت كمان
زين…ممكن ادخلها
الدكتور…ايوه طبعا اتفضل بعد اذنكم
دخل زين ومعاه ستات الحته
زين…مسك ايد امه باسها كده يا امي ترعبيني
مديحه بابتسامه كلها حنيه انا لخير يا زين الحمد لله اطمن
زين..حاسه بايه طيب
مديحه…احسن والله الاول كنت دايخه بس الوقت كويسه الحمد لله
سهير….ماهي زي الفل ادامك اهي يا زين انت بتبشر عليها ولا ايه سلمتك يا ست مديحه
مديحه…الله يسلمك يا ام توته تعبتي نفسك ليه
سهير…تعب ايه انتي اختنا متقوليش كده
نعمه…عامله ايه يا ام زين الوقت
مديحه…احسن والله يا حاجه نعمه
فاطمه…وقعتي قلبنا يا مديحه
مديحه…ربنا يخليكوا ليا يا نعمه انا لو عندي اخوات مش هيعملوا كده معايا والله
ناريمان…ربنا يديم المعروف
زين…طيب ايه قادره نمشي ولا لا
مديحه …اه عشان منه ووعد اكيد قلقانين
سهير….هما بطلوا عياط
مديحه…طيب يلا يا ابني نروح
سندها زين هو نعمه وخرجوا من المستشفي كلهم
زين…اركبوا انتوا مع يوسف واحنا هنيجي وراك
نعمه…خليك انت مع امك يا ابني هنروح زي ما جينا
احمد العربي…قسموا نفسكم معايا ومع يوسف
زين…ميصحش يا حاجه نعمه اركبوا الوقت اتأخر
ركبت والدته ادام وركبت فاطمه ونعمه وناريمان.
سهير…انا هركب معاهم امشوا انتوا مفيش مكان
زين…تعالي معايا ام توته
يلا يا اخويا
ركب حاج سعيد مع احمد العربي ومعاه زين وام توته وباقي الشباب ركبوا الموتسيكلات بتاعتهم ومشيوا ورا بعض كلهم
وصلوا ادام البيت.
مديحه…شكرا يا حاج سعيد شكرا يا استاذ احمد واستاذ عيسي تعبتكوا معايا
حاج سعيد…متقوليش كده احنا اهل يا ام زين
احمد العربي حمدالله علي سلامتك مشيوا رجاله الحته ودخلها زين ومعاه سهير وفاطمه ونعمه وناريمان
جريت عليها منه ووعد
منه…ماما عامله ايه
وعد…انتي كويسه يا خالتو
مديحه…والله زي الفل دخلت اعدت
نعمه…ربنا يطمنا عليكي مديحه مش عايزه حاجه
فاطمه…نسيبك ترتاحي بقي
مديحه…خليكم انا بخير والله
ناريمان…ادخلي افردي جسمك وريحي
مديحه متحرمش منكم
زين…تعبناكم معانا والله
سهير…تعبكم راحه ومنجلكوش في حاجه وحشه ابدا يا زين يلا يابنات
توته…سلامتك يا ابله مديحه
مديحه انشالله تسلمي ياتوته شكرا يا بوسي شكرا يا شمس
خرجوا ملهم بعد ما اطمنوا علي مديحه
ادهم…لسهير خلصتوا
سهير…اه نسيبها تريح بقي
ادهم…طب يلا تعالوا اوصلكم
توته…بصاله ومبتسمه زي الهبله
سهير….اقفلي بوئك شويه يا حبيبتي
توته….لادهم وهي بتضحك امي مفرقه الجماعات
صلاح بص لبوسي وهو بيغمزلها ضحكت ومشيت جمب امها واكتفت شمس بابتسامه لعادل ومشيت مع امها هي كمان.
…….
هيما….زين مش عايز حاجه
زين…تسلم يا صاحبي تعبتك معايا
هيما…تعب ايه يا جدع ده امي متقولش كده
زين…ربنا يخليك ليا
هيما…بص لمنه من بعيد طب انا ماشي بقي
زين…ضحك ما تمشي ولا اقولك ادخل بات معانا ياروح امك🤨🤨
هيما…تصدق بالله هتصدق ان شاء الله كنت واثق من القلبه دي عشان كده همشي بكرامتي احسن سلام ياخالتي
ضحكوا كلهم علي هيما وقفل زين وراه
فضلت منه تضحك
زين…بصلها اضحكي اوي يا اختي🤨🤨
منه…🙄🙄
مديحه ربنا يسعدكم با الني ويطمن قلبي عليكوا
زين…ويخليكي ليا يا ست الحبايب بقول ايه انتي وهي تشيلوها من عالارض شيل ده كلام الدكتور مش عايزها تقف
مديحه…يا ابني هو حد يسمع ملام الدكاتره ده اللي يسمع كلامهم يتعب زياده وانا مش واخده عالراحه
زين…لا من هنا ورايح تاخدي عليها وبص للبنات مفهوم
منه…مفهوم
وعد…مفهوم
خلص اليوم علي ابطالنا
في صباح يوم جديد
ابتدت الحاره تعلن عن وقفه رمضان وروايح رمضان اللي كانت ماليه المكان من ريحه ياميش لريحه التمر والسوبيا …الزحام كان شديد فالسيده والاسواق زحمه الكل بيستعد وبيجهز لرمضان فالوقت ده
خرج الحاج سعيد من المسجد بعد صلاه الضهر
جريت وراه ست من ستات الحته.
حاج سعيد يا حاج سعيد
سعيد…ايوه يابنتي
مني…ازيك ياحاج سعيد
سعيد…في نعمه الحمد لله
مني…كان ليا طلب عندك انا وستات الحته اللي عندهم عيال صغيره
سعيد…اطلبي ولو هقدر نش هتأخر
مني…يعني ياحاج رمضان بكره بأذن الله وكنا يعني طالبين منك لو ينفع كل يوم ساعه تاخدهم في الجامع تحفظهم قرأن تعلمهم الصلاه تقولهم دروس تنفعهم تعرفهم الحلال من الحرام كده يعني
سعيد…بفرحه يا سلام انا تحت امركم حلوه الفكره دي اوي ربنا يصلح حالكم وحال ولادكم من بكره كل يوم ينزل ا يصلوا العصر وبعد العصر يفضلوا فالجامع نخلص صلي ونبتدي درس والشاطر فيهم انا بنفسي هجبله حاجه تفرحه
منب…يارب يخليك يا حاج سعيد طيب قولي بقي يعني الحصه تبقي بكام
سعيد…بأبتسامه انتي تعرفي غني كده يا بنتي
مني…والله ما اقصد ياحاج سعيد بس يعني ده حقك ووقتك هيضيع معاهم
سعيد… يابنتي احلي تجاره تدخليها في حياتك التجاره مع الله صدقيني مش هتلاقي اربح منها ولما اعلم كام عيل حاجه تنفعه في دينه واقابل انا وجه كريم ويكبر هو ويتحط في موقف ويفتكر حاجه من اللي علمتهاله ويترحم عليا ساعتها بس هحس ان عملت حاجه وساعتها هكون باخد حقي بس بدل الفلوس دعاوي وسيره حلوه طيبه من الاخر يا بنتي اكبر ربح تعمليه فالدنيا انك تأمني نفسك فالاخره فهمتيني يا بنتي
مني….فهمتك ياحاج سعيد ربنا يحفظك ويخليك لينا ويديك طولت العمر
سعيد…ويبارك فيكم يا بنتي بكره ان شاء الله هبتدي مع الولاد كل يوم ساعه
مني…تسلم يارب سلام عليكم
سعيد…عليكم السلام ورحمه الله وبركاته
مشي حاج سعيد راح وقف ادام محل كيمو
سعيد…ماشاء الله شايفك واخدها جد وظبط المحل يا كيمو
كريم…ايه رايك ياحاج شوفت بتاعت الكنافه بزمتك مش جامده لسه الصنايعي مخلصهالي من شويه والوقت هوصل الغاز واجربها
سعيد…ربنا يباركلك في رزقك يا ابني ويجعلها فاتحه خير عليك
كيمو …يارب يا حاج
سعيد…مش عايز مني اي حاجه اعملهالك
كيمو…ربنا يخليك ليا ياحاج اطلع انت ارتاح الجو حر اوي ولو احتاجتك هنادي عليك
سعيد…ماشي ياحبيبي شويه كده وهعدي عليك وانا نازل اصلي العصر يلا سلام عليكم
كيمو…عليكم السلام
خلص زين العربيه اللي في ايده .
زين…صالح ولا ياصالح
صالح من القهوه ايوه يازين
زين…فاضي خمس دقايق
صالح ولو مش فاضي افضالك ياصاحبي راح عليه صالح
زين…تسلم يا صاحبي خمسه بس هبص علي مديحه واجي
صالح…عامله ابه انهرده
زين…الحمد لله زي الفل بس قولت اطب عليها واشوفها اعده مرتاحه ولا قامت تشتغل فالبيت كالعاده
صالح…ربنا يطمنك عليها ياصاحبي
زين…يارب جاي علي طول سلام
صالح…سلام
دخل زين الشقه فتح بالمفتاح مكنش في حد فالصاله
دخل عالمطبخ لقي وعد واقفه وضهرها للباب
لابسه تيشرت بحمالات وشورت قصير وبتعمل اكل
فضل زين واقف مبتسم وسرح في دنيا تانيه خاااالص
زين…لنفسه معقول ياوعد يجي اليوم اللي اكون شايفك ادامي بنفس وقفتك دي بس في بيتنا معقول تحبيني زي مانا بحبك نفسي اقولك كل حاجه في قلبي بس خايف تخافي مني اوقات كتير بشوف في عينك حب واوقات بشوف في عينك خوف مني عشان انا المسؤول عنك نفسي تشوفيني بنظره تانيه غير ابيه زين معنديش اي استعداد اخسرك او اشوفك مع غيري ياوعد ومعنديش اي استعداد اجبرك علي حبي مش متقبل فكره انك تكوني لغيري ولا اقدر امنع قلبك يحب بس بتمني ياوعد من ربنا ان اسمك ميتكتبش غير علي اسمي مقدرش اشوفك عروسه لحد غيري وفنفس الوقت مقدرش امنعك تفرحي يابنت عمري
وعد….لفت فالوقت ده واول ما شافته اتخضت ووقعت منها المعلقه علي رجلها واتلسعت
وعد….اااه
جري عليها زين فتح الميه وعسل رجلها بسرعه وجري فتح التلاجه طلع مكعب تلج حطه علي رجله ولسه وعد مصدومه مش بتنطق مصدومه انه شافها باللبس ده هي عارفه انه مش بيدخل ابدا ولو دخل بيعمل صوت ومصدومه من وقفته وهو سرحان وباصص لها ومصدومه من لمسه ليها وقفت زي التمثال مش بتتحرك
زين….انتي كويسه
هزت وعد راسها من غير كلام
زين….مش تخلي بالك رجلك علمت هجبلك كريم حروق من الصيدليه تحطيه
وعد….بارتباك ممم مش مستاهله انا كويسه
هو حضرتك جيت امته ودخلت ازاي من غير ما اسمعك وليه واقف كده انا قلبي وقع
زين….اولا انا اسف والله مقصدش اخضك بس دخلت اشوف مديحه كده فالسر قولت اشوفها مرتاحه ولا ضحكت عليا وقامت كالعاده تشتغل لما لقيتك واقفه اطمنت بس سرحت في حاجه فالشغل وفضلت واقف معلش يعني ما ركذتش انك هتخافي
وعد….اممم حصل خير يا ابييه زين
زين…من غير ما يحس مسكها من كف ايدها بقوه وهو بيدوس علي سنانه ابو ايدك ياوعد بلاش تقولي يا ابيه زفت انتي فاهمه
وعد…انااا قاطعها زين
زين…ومره تانيه اي وقت ادخل تكونوا عارفين اني جاي او حتي مش عارفين ملمحكيش باللبس ده فالبيت عايزه تأعدي بيه اخرك حدود اوضتك وبس مفهوم😡
وعد…هزت راسها وهي عينها فيها دموع وباين عليها الخوف
خرج زين بسرعه من الشقه وهو بياخد نفسه بسرعه حاول يهدي نفسه وهو واقف في مدخل البيت اول ما حس انه هدي راح علي الورشه لصالح
زين…معلش ياصالح اتأخرت شويه
صالح…بضحك لا مانا قولت اعد بقي واسيبك براحتك مش عارف ليه يازين حسيت للحظه انك هتعمل فيا اللي عمله كيمو فالواد عامر وتدخل تنام
ضحك. زين علي صالح يلا ياض من هنا خلينا نشوف مصالحنا
صالح..بتاخدني لحم وترميني عضم ماشي ياصاحبي
اما وعد فا بمجرد ما اختفي من ادمها زين فضلت تعيط وطول اليوم وهي ساكته ومش بتكلم حد
فضل زين طول اليوم باين عليه العصبيه مش عارف أذا كان من نفسه عشان اللي عمله في وعد والدموع اللي شافها في عينها ولا عشان هي مش حاسه بيه خلص وقفل الورشه ودخل الحمام اللي فالورشه ظبط نفسه وراح علي ادهم وهيما الچيم
….ادهم…اخيرا حنيت علينا بقالك اكتر من اسبوع مش بتيجي ولا ملتزم وده غلط
هيما…انا كل يوم بقوله وهو ولا هنا مع انه عارف اكتر مننا انه مينفعش يهمل فالتمارين
زين…وهو بيقلع وبيربط علي ايده العراقات
واديني جيت اهو نقفل بوئنا بقي
ادهم…في ايه يالا مالك
زين…ادهم انا علب اخري سبني الله يخليك
هيما…مين مزعلك
اعد زين علي جهاز وجاب وزن عالي وابتدي يلعب…محدش مزعلني
ادهم وقف من جمب وهيما وقف من جمب
ادهم…لا ياراجل انت بتيجي هنا في حالتين اما خايف علي جسمك ومهتم بالتمرين وملتزم او لما بكون حد مضايقك والانا شايفه ان حد مضايقك
هيما…زين انت رافع 100كيلو وده غلط علي عضلات رجلك بقالك اسبوع موقف ودخلت علي طول حتي من غير تسخين
زين وهو مش باصصلهم سيبوني وروحوا شوفوا شغلكم
ادهم…زين
زبن غمض عينه ادهم ابوس راسك يا جدع خد اخوك وامشي من ادامي الوقت
ادهم طبطب علي كتفه يلا يا هيما شويه ونرجعله يكون هدي
فضل زين يلعب في اكل الاجهزه لحد ما حس ان حيله اتهد
…..
هيما ..بقول ايه يا ادهم
ادهم…قول يا هيما ايه رأيك اخلي منه تكلم وعد او انت تخلي توته تكلم وعد
ادهم…لا طبعا مينفعش
هيما…طب ليه بس
ادهم…يا هيما افهم البت بتعانله علي انه ابن خالتها اخوها الكبير وبتطمن من ناحيته لو هي مش بتحبه وسمعت منهم الكلام ده هتكش منه وهيبان عليها وحاجه من الاتنين يا هتوافق خوف او كسوف انها ترفض او ممكن تمشي
هيما…ياجدع تمشي تروح فين هي ليها غيرهم
ادهم…خلينا نتوقع اسوأ حاجه مش يمكن تفكر في حاجه زي دي خوف من انها تواجه وترفض
هيما…ياجدع مش يمكن توافق
ادهم…افهم يا بغل البت لو بتحبه كان بان عليها الحب بيبان يا هيما ووقتها زين كان هيحس وكان هيتجرأ ويعترفلها بس معني سكونه وخوفه ده انه عارف انها مش بتحبه انت فاهمني
هيما…انا نفسي اعمل حاجه تريحه
ادهم…مش اكتر مني يا ادهم بس انا عندي فكره
هيما…ايه
يعني اقول للبت توته اي وقت ياعدوا مع بعض تسالها يعني اذا كانت بتحب معجبه بحد كده يعني
هيما…ممكن بردو بس تفتكر هتقول حاجه يعني هي وتوته غير بعض خالص
ادهم…ومالها توته يالا
هيما…ياعم ملها انت جاي في اي خناقه اقصد وعد هاديه وخجوله وتوته بنت بلد ومهيبره مايمشوش مع بعض يعني
ادهم…لا اطمن وعد بتحب توته اوي
هيما…ماشي ان شاء الله خير واشوفك مرتاح يازين
ابتدي الشارع يتزحم والكل يشتري السحور
عند كيمو كان الوضع مختلف وكأنه فرح وقف معاه صحابه كلهم حتي زين فك شويه وفضل يضحك علي مناظرهم
عامر…..قرب قرب قرب اشتري باتنين جنيه فول تاخد بجنيه هديه بمناسبه الافتتاح
ايهاب… ولا ياكيمو هات اكياس الاكياس خلصت
كيمو….حاضر
عامر….هات طعميه ياكيمو
كيمو…هتطلع اهي
ادهم…رمضان كريم ياحاره
كل اللي واقف وانت طيب يا ادهم
جه يوسف فالوقت ده
يوسف…كل سنه وانتو طيبين وفضل يضرب كلاكسات ولا يا كيمو عايز باتنين جنيه فول وبتلاته طعميه ومتنساش العيش دوخت والافران كلها خلصت
عامر…بضحك😂😂😂😂 ايه هتتسحر
يوسف….وربنا لولا ابوك وامك واخوك غاليين عندي كنت جيت حطيتك في زيت الطعميه ده اخلص ياض عايزها سخنه ريحتها هتجنني
روحيه…بصت من الشباك ولا يايوسف انت جيت
يوسف…ايوه يا اما جيت وبجبلك السحور
روحيه…ولما انت جيت يا ابن الكلب سايبني اعده جعانه كده
يوسف….الواد عامر مش راضي يديني بيقولي الاكل خلص
روحيه….هو قالك كده والنبي لا انا خرجاله بالعصايه
عامر….احيييه هي قالت خرجاله
زين…وبالعصايه
روحيه…ولا يا عامر
عامر…

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية 30 يوم حياة)

اترك رد