روايات

رواية قمر مشوه الفصل السادس عشر 16 بقلم اية عطية

رواية قمر مشوه الفصل السادس عشر 16 بقلم اية عطية

رواية قمر مشوه البارت السادس عشر

رواية قمر مشوه الجزء السادس عشر

رواية قمر مشوه
رواية قمر مشوه

رواية قمر مشوه الحلقة السادسة عشر

كارم/طب و بنتها فين
مصطفي/بنتها معرفش
كارم/يعني ايه متعرفش
مصطفي/لما عرفت أن كان لها بنت سالت عليها قالو بعد موت امها دورت علي شغل علشان متعش عاله علي حد و لما سالت عنها قالو واحده اللي شغلتها
كارم/و مرحتش للست دي ليه و تعرف مكانها
مصطفي/انا سالت عليها فعلا
كارم/و بعدين
مصطفي/لقتها ماتت و كانو ريحين يدفنوها
كارم/ايه
مصطفي/انا اسف يا بابا بس اوعدك اني هدور عليها في كل حته مش هسيب مكان مدورش عليها فيه
كارم/كنا عرفنا نلاقي امها من زمان لكن دي خلاص ضاعت مننا
مصطفي/متقولش كدا يا بابا إن شاء الله هنلاقيها
كارم/ماراحت زي ماراح غيرها …..لله الامر من قبل و من بعد
مصطفي/ربنا هيعترنا فيها
كارم/اتمني
ثم قام كارم من مقعده و ذهب باتجاه الباب
مصطفي/رايح فين يا بابا
كارم/طالع اوضتي
مصطفي/ما لسه بدري يا بابا خاليك معانا شويه
كارم/لا عايز اقعد لوحدي شويه
مصطفي/اللي يريحك يا بابا
و هو خارج من المكتب قابل وفاء و هي تخرج من غرفه قمر
كارم/ها يا وفاء قمر عامله ايه دلوقت
وفاء/بقت كويسه خالص و كانت عايزه تقوم تساعد امينه بس انا اصريت عليها تريح انهارده
كارم/عين العقل يا وفاء كويس انك عملتي كدا ربنا يكرمك

 

 

 

وفاء/و الله يا عمي انا حبيت البنت دي قوي و كنت هموت و انا شفتها تعبانه
كارم/عدت علي خير
وفاء/الحمد لله امال حضرتك رايح فين كدا
كارم/طالع اوضتي
وفاء/ليه كدا
كارم/معلشي عايز اقعد شويه لوحدي
وفاء/في حاجه مضيقاك يا عمي
كارم/لا مفيش
و تركها و صعد باتجاه غرفته وقفت وفاء قليلا و هي تنظر باتجاه الدرج
وفاء/يا تري مالك يا عمي انا عارفك متحبش تقعد لوحدك غير لو تعبان او زعلان و حاجه شغله تفكيرك
و استدارت لكي تذهب نحو الحديقه و لكن لفت نظرها باب المكتب المفتوح قيلا بعد خروج كارم فذهبت نحوه و مالت براسها قليلا لكي تري من بالداخل وجدت مصطفي جالس علي الاريكه كما تركه كارم و هو منحني الرأس و ينظر للاسفل و يشبك يده معا
وفاء/مصطفي
رفع مصطفي رأسه قليلا
وفاء/مالك يا مصطفي
مصطفي/……………
وفاء/في ايه و عمي كمان طالع شكله متغير في حاجه حصلت
مصطفي/بابا عرف كل حاجه
وفاء/ايه هو اللي عرفه………..اوعي يكون قصدك
مصطفي/ايوة
وفاء/عرف بموت عفاف
مصطفي/و اختفاء بنتها
جلست وفاء بجانبه في حاله ذهول كيف يحكي له كل هذا في وقت واحد فعمها لا يتحمل جميع تلك الصدمات
وفاء/ازاي تقوله يا مصطفي
مصطفي/اللي حصل
وفاء/يعني ايه اللي حصل احنا مش متفقين أننا نخبي عليه لحد ما نلاقي بنتها و ساعتها هيكون الخبر اهون شويه عليه
مصطفي/اعمل ايه هو كان حاسس و شاكك
وفاء/انا خايفه عليه قوي يا مصطفي
مصطفي/ربنا يسترها بقه و يعديها علي خير
وفاء/يارب
مصطفي/بقولك ايه اطلعي انتي ليهم برا و انا شويه و اهدي و احصلك
وفاء/هو انت مش هتقولهم حاجه

 

 

 

مصطفي/لا خاليها كدا زي ما هي و سبيها تيجي بظروفها و لحد ما نشوف بابا هيقرر ايه
وفاء/حاضر زي ما تحب
و قامت وفاء و ذهبت الي الخارج
🌿🌿🌿🌿🌿🌿🌿🌿🌿
في الخارج مازالت قسمت تجلس و معها نيلي و مالك
قسمت/خالي بالك بقه يا مالك من نيلي مش هوصيك عليها
و قبل أن يتحدث مالك بالرد عليها كانت قد جاءت إليهم وفاء
وفاء/يخلي باله منها ليه و انتي روحتي فين
قسمت/اصلي راجعه القاهره
وفاء/ليه كدا
قسمت /كفايه كدا بقه و كمان انا سايبه الشغل بقاله فتره
وفاء/ربنا يعينك
قسمت/مش هوصيكي انتي كمان علي نيلي يا وفاء
تنظر وفاء اليها
وفاء/نيلي دي في عنيا
نيلي/ربنا يخليكي ليا يا خالتو
وفاء/و يخليكي ليا يا روح خالتو
مالك/و حضرتك هتسافري امتي
قسمت/بكرا الصبح إن شاء الله كفايه كدا انا طولت عندكم قوي
وفاء/متقوليش كدا دا بيتك تيجي في أي وقت
قسمت/متاكده أنه بيتي
وفاء/ايوة طبعا و دي عايزه سؤال
قسمت/علي العموم انا احتمال اصفي شغلي هناك و اجي استقر هنا
نيلي/بجد يا مامي
قسمت /طبعا يا روح مامي
مالك/البلد هتنور
قسمت/و انتي رايك ايه يا وفاء
وفاء و معالم الصدمه مسيطره عليها
وفاء/إليه. ااها ااكيد هتنورى
قسمت/مش باين …….انا طالعه اجهز شنطتي بعد اذنكم ……تعالي يا نيلي ساعديني
نيلي/حاضر …بعد اذنك يا خالتو

 

 

 

وفاء/اتفضلي يا حبيبتي
و بعد ذهاب قسمت و نيلي نظر مالك الي ولدته التي معالم الصدمه مازالت مسيطره عليها
مالك/في ايه يا ماما شكلك أنصدم كدا لما عرفتي أن خالتو هتيجي تعيش هنا علي طول
وفاء بتوتر /ها ابدا يعني هتصدم ليه
مالك/ماما انا مبقتش صغير و حاسس ان في حاجه بينك و بين خالتو أو بالأصح بينكم …. انتي و بابا و جدو بين خالتو ممكن اعرف في ايه
وفاء/هيكون في ايه يعني انت بيتهيالك
مالك/لا مش بيتهيالي انا متاكد ان في حاجه و حاجه كبيره كمان
وفاء/مفيش حاجه خالص يا مالك
مالك/براحتك يا ماما بس مسيري هعرف
وفاء في سرها (ربنا يستر من اللي جي)
مالك في سره(انا لازم اعرف ايه هما مخبينه عني لازم)
و ظل مالك كما هو بجانب وفاء و لكنهم ابعد ما يكون عن بعضهما كلا منهم شارد بذهنه في مكان ما هو يريد معرفه الحقيقه اللتي لا يعرف عنها شيء و هي تريد عدم معرفه الحقيقه لأنها لا تفيد بشيء و تريد غلق صفحه الماضي لأنها لا تنفع بشيء و لا ذكر الماضي و تذكره يفيد بشيء غير وجع القلوب و الم النفس
🌿🌿🌿🌿🌿🌿🌿🌿🌿
بداخل غرفه قسمت تجلس هي و ابنتها علي الاريكه التي بمنتصف الغرفه و تمسك يد ابنتها
قسمت/انا مش محتاجه اوصيكي
تقاطعها نيلي
نيلي/عارفه يا مامي اخد بالي من نفسي كويس قوي
قسمت/تاخدي بالك من نفسك ايه
نيلي باستغراب
نيلي/امال ايه عايزه توصيني عليه
قسمت/انك تزودي العيار شويه
نيلي/عيار ايه
قسمت/في ايه يا بت مالك ما تركزى معايا كدا
نيلي/انا معاكي و الله و مركزه بس واحده واحده عليا كدا
قسمت/ ركزي و متقطعنيش معنديش وقت و بكرا انا ماشيه بصي طقم الحنيه اللي انتي مشغله دا حلو قوي انتي طلعتي بنت امك بصحيح و عرفتي ازاي تدخللهم عن طريقه حبه الحنيه مع قمر
نيلي/…………….

 

 

 

قسمت/حلو قوي الدور دا و خصوصا أنه جاب معاهم تمام عايزاكى بقه تزودي شويه بس مش قوي علشان ميشكوش في حاجه انا كنت بدور علي حاجه اتخلص بيها من البنت دي خصوصا لما بقت جزء من اهتماماتهم بالسهوكه بتاعها دي بس لما لقيتك اتصرفتي و جاب نتيجه سبتك تكملي ما انتي بردو تربيتي
نيلي/……………..
قسمت/خاليك ماشيه بقه علي النظام دا نيجي بقه لمالك دا هو اللي مهم….. عايزاكي تشغليه و تلفتي نظره باي حاجه مره بالدلع مره بالمشاكسه خاليكي حركه كدا
لازم مالك يقع في حبك و يتجوزك……….أو اقولك مش لازم حب ممكن موقعه بالحيله عارفه ازاي
نيلي/………..
قسمت/هقولك ازاي اعمليه فخ و استدرجيه لاوضتك بالليل و هما نايمين و انتي و شطارتك بقه لو حصل او ممكن تحطيلو مخدر في العصير و هتبقي اسهل و لم يفوق دمعتين علي خدك كدا مع كلمتين حلوين زي انت ضيعتني انت فضحتني يارب خدني انا كدا هجيب العار لاهلي هيتجوزك علي طول مالك مش ممكن يجيب الفضيحه لأهله و يبقي مبروك علينا فلوسه
نيلي/………..
قسمت/فهمتي و لا نقول كمان……
انا صح و خالتك كمان خاليكي تحت طوعها في الاول بس و بعد كدا اول ما تركيب و تبقي الكل في الكل اعملي كل اللي يريحك و مشيهم علي العجين ميلغبطوش و انا هبقي في ضهرك
نيلي/…………….
قسمت/في ايه يا بت مالك اتخرصتي كدا ليه
نيلي/لا ب ابدا بسمعك
قسمت/و فهمتي
نيلي/ايوة متقلقيش كله تمام
قسمت/جدعه طالعه لامك
نيلي/طب بعد اذنك بقه يا ماما علشان اروح ارتاح شويه
قسمت/ماشي روحي و انا هحضر شنطتي و انام علشان همشي بدرى
نيلي/تمام
و خرجت نيلي خارج الغرفه و ذهبت نحو غرفتها و هي تفكر بحديث ولدتها لها
اما قسمت و هي تقوم بتحضير الحقيبه و هي تحدث نفسها (ياه ياه حلمي قرب يتحقق و يبقي دا كله ملكى و تحت ايدي فاضل علي الحلو تكه )
ثم أغلقت الحقيبه و ذهبت لتأخذ حمام باردا و خرجت و بدات ملابسها و ذهبت نحو الفراش لتنال قسطا من الراحه و هي تفكر ماذا تفعل عندما يكون كل هذا تحت تصرفها بعد أن تتخلص من الجميع
🌿🌿🌿🌿🌿🌿🌿🌿🌿

 

 

 

اما عند قمر في غرفتها ظلت تفكر ماذا تفعل هل تبحث عن أهلها أما تظل كما هي فهي الان تضمن عائله محترمه و يعاملونها معامله حسنه هي حقا ليست منهم و لكن في مده قصيره أثبتوا طيبه قلبهم و حبهم لها دون مقابل انزل معهم ام تبحث عن أهلها فإذا وجدتهم و وجدت معهم الآلام فهي استكفت من وجع القلب ماذا لو تعاملوا معها معامله سيئه فا ابنتهم لم تتحمل المعيشه معهم و هربت منهم من قساوة قلوبهم فما و الا اذا كانو في قلوبهم رحمه لماذا هربت إذا هي لا تعلم اين هو الصواب اين هي الحقيقه فا والدتها لم تطلعها علي الحقيقه كامله و لماذا هربت من الأساس فيوجد حلقه مفقوده لوهله قد نسيت أمر ذلك الصندوق و تذكرته
فتحدث في نفسها(اكيد لو فتحت الصندوق هلاقي فيه الحقيقه كلها و قلبي يرتاح و اعرف اختار……. بس لو معرفتش حاجه و قلبي وجعني اعمل ايه يارب دلني…….. افتحه و لا مفتحوش )و بعد وقت حسمت أمرها لابد لها معرفه الحقيقه اولا و بعد ذلك سوف تقرر ماذا تفعل في القادم
و قامت و ذهبت باتجاه الدولاب و أخرجت منه الصندوق و أخرجت المفتاح الخاص به من الظرف الذي اسفل ملابسها و ذهبت مره اخري نحو الفراش و جاءت لكي تفتحه
جائها صوت امينه يصحبه طرقات علي الباب ذهبت علي الفور و وضعت الصندوق كما كان باسفل الولاب و و وضعت فوقه بعض من ملابسها و اخفت المفتاح ايضا اسفل ملابسها. و ذهبت باتجاه الباب لفتحه
امينه/كل دا
قمر /معلشي اصلي كنت في الحمام
امينه/ها عامله ايه دلوقت
قمر /بقيت احسن كتير الحمد لله
امينه/يستاهل الحمد
قمر /في حاجه
امينه/ايوة يا ستي انا جايه ابات معاكي بأمر من وفاء هانم
قمر /ليه
امينه/خايفه عليكي يا ست قمر تتعبي بالليل لوحدك و محدش جمبك قالتلي اجي ابات معاكي ايوة يا ست محدش قدك الست وفاء بنفسها خايفه عليكي الود ودها تيجي هيا اللي تنام معاكي
ثم ذهبت باتجاه الفراش الآخر الذي بالغرفه و تركت قمر كما هيا أمام الباب المفتوح
امينه/ايه يا قمر انتي هتفضلي واقفه كدا كتير اقفلي الباب و أطفئ النور و تعالي نامي يلا
فعلت قمر ما أمرته به امينه و ذهبت نحو الفراش الخاص بها و ظلت تفكر في حديث امينه لها و هل فعلا أخبرتها وفاء و هي تعمل لديها هل هي خائفه عليها فعلا اما خائفه ان يتاثر العمل لديها لا لا لا لا وفاء ليست من النوعيه هذه فهي تارك كل شيئ لامينه و هي من تقرر في الامور الخاصه بالمنزل فاما لو كانت هكذا كانت تعاملت معها كما تتعامل قسمت فا فسمت برغم انها ضيفه في هذا المنزل الا انها تتتعامل و كانها صاحبه المنزل و صوتها يعلي دائما عليها حتي لو لم ترتكب اي خطأ ما فا من المؤكد ان وفاء تحبها و بشده ايضا و الدليل اثناء ما كانت متعبه و لم ادري بشيئ اول ما فتحت عيني ورايت كان وجهه وفاء ثم الجميع من بعدها

 

 

 

و بعد مده طويله من التفكير قررت قمر عدم فتح الصندوق و لم تبحث بالماضي فهو لم يفدها بشيئ علي العكس تماما من الممكن ان يضرها بشده فلتبدا من جديد في ذلك المنزل مع هذه العائله و لا تفكر بالماضي نهائيا
ثم اغلقت عينها و ذهبت في سبات عميق من كثره التفكير
🌿🌿🌿🌿🌿🌿🌿🌿🌿
اما مالك فحاله لا يفرق كثيرا عن حال قمر فهما متشابها في التفكير هو ايضا ظل يفكر في ملاكه و يحلم باليوم اللذي سوف يراها و يتحدث معها دون اختفائها كا كل مره فهذه المره لا يدعها تضيع من يده و قطع شروده رنين هاتفه
مالك/السلام عليكم
المتصل/و عليكم السلام ايوة يا باشا
مالك/ها عاملت ايه يا منعم
منعم/عرفت كل حاجه عن صحاب العنوان اللي انت ادتهوني و جبتلك معلومات اكتر عن الناس اللي بتسال عنهم بالخصوص
مالك/و انت ايه عرفك انا بسال عن مين مخصوص
منعم/عيب يا باشا هي اول مره
مالك/ما تخلص يا منعم
منعم/لما حضرتك قولت انهم كتنو مسافرين محدش من البيت كان مسافر الفتره اللي فاتت غير شقه الاستاذ اسماعيل
مالك/ها و عرفت ايه عنهم
منعم/اسمع يا باشا…………..

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية قمر مشوه)

اترك رد