روايات

رواية صغيرة فؤادي الفصل العشرون 20 بقلم أسماء سلام

رواية صغيرة فؤادي الفصل العشرون 20 بقلم أسماء سلام

رواية صغيرة فؤادي البارت العشرون

رواية صغيرة فؤادي الجزء العشرون

رواية صغيرة فؤادي
رواية صغيرة فؤادي

رواية صغيرة فؤادي الحلقة العشرون

عدى أنا بحبك اوى
ندى اتفجأت من كلامه
عدى أدرك هو قال ايه فبعدين قال
عدى قصدى أنا بحب كلامك اوى ، أنا مكنش قصدى ، مش عارف طلعت كده ازاى
ندى عادى ولا يهمك
عدى وندى كملوا مشى لحد ما عدى وصل ندى للبيت اللى ساكنه فيه وبعدين اطمن عليها ورجع بيته
طول الطريق عدى مصدوم من اللى قاله ، ازاى هو قال كده ، هو اكيد قال كده علشان وقفت جمبه مش اكتر ، الحمد لله أن الموضوع انتهى على خير وبعدين رجع بيته وقعد ما أهله
الاب عبدالمجيد ازيك يا عدى يا ابنى عامل ايه

 

 

عدى الحمد لله بخير يا ابوى ، شكل فى موضوع وعايز تكلمنى فيه
عبدالمجيد علطول فاهمنى يا ولدى ، ع العموم أنا وامك كنا بنتناقش وندورلك على عروسه
عدى يا ابوى كتر خيرك بس انا مش بفكر فى الموضوع ده دلوقتي ، لانى عايز وقت لما اتجوز اكون عند اقتناع علشان مظلمهاش معايا واكيد انت مش هتجبرنى يعنى
عبدالمجيد ربنا معاك يا ابنى ، بس ليه توقف حياتك بعد واحدة متستاهلكش
عدى عارف يا والدى أنها متستاهلنيش بس انا مش موقف حياتى عليها ، أنا دلوقتي بركز فى شغلى علشان اعمل لنفسى مستقبل ولو لقيت واحدة مناسبة فهاجى اقولكم واخد رايكم يعنى مش قافل الباب بس عايز واحدة كويسه علشان تعوضنى عن اللى فات وانا واثق فى ربنا خير
الاب والام استغربوا من هدوء عدى وأنه متقبل الموضوع لانه اول مرة يكلمهم كدا بس كانوا مبسوطين أنه بدأ يبص لحياته
الام ربنا يسعدك دائما يا عدى يا اول فرحتى ويرزقك ببنت حلال تحبك وتحبها وتجبلنا نونوا صغير

 

 

 

عدى باذن الله يا امى ، ادعيلى بس
الاب قولى يا عدى فى واحدة فى حياتك او بتفكر فى واحدة ، اصلك متغير كده
عدى يعنى فى ، ادعولى بس
الام يا حبيبى وقامت باسته وقالت ربنا يعملك الصالح واشوفك مبسوط ومتهنى علطول
عدى يا رب يا امى ، أنا هطلع اغير واصلى لحد ما تحضرى الاكل يا ست الكل
عدى طلع اوضته يغير
الام أنا فرحانه اوى يا عبده أن عدى بقى كويس ، كده لو مت هبقى مطمنه عليه
الاب بعد الشر عنك يا حاجة ، باذن الله تعيشى وتشوفى احفادة وأحفاد روح
الام يا رب ، روح وحشتنى اوى ، كانت عامله جو فى البيت ، دلوقتي البيت بقى فاضى
الاب اهم حاجة أنها مرتاحه مع زوجها ، احنا مش عايزين اكتر من أن ولادنا يبقوا بخير
الام على رأيك ، انا هقوم اجهز الاكل عشان عدى
الاب عدى بس
الام عدى وأبو عدى ❤️

 

 

عند زياد
زياد مش قادر يستحمل الاسبوعين اللى جايين يا ترى هتوافق بيه ولا لأ ، شعور الحيرة وحش اوى بس هو واثق فى ربنا خير
بالليل
فؤاد وسلمى بيقضوا اجمل اللحظات مع بعض فى نفس الوقت اللى شخص حزين وقلقان على الاستاذ فؤاد وطبعا كلكم عارفين انها روح
مر اليوم بخير على البعض والبعض الآخر لأ
تانى يوم ، بداية جديدة لكل إنسان
سلمى صحيت على لمسات فؤاد الرومانسية زى كل يوم وفؤاد مبسوط اوى وحاسس أنه خلاص ملك الجنة ومش عايز حاجات تانية بس نسى أن الجنة ممكن تبقى رماد فى لحظة بقدرة ربنا
سلمى صباح الخير يا روحى
فؤاد صباح النور عليكى يا قلب روحى

 

 

سلمى ايه الكلام الكبير ده اللى على الصبح
فؤاد اصلى محضرلك مفاجأة
سلمى قامت من على السرير وقالت مفاجأة ايه ؟
فؤاد اكيد مش هقولك لأنها مفاجأة ولو قولتلك مش هتكون مفاجأة
سلمى معاك حق يا حبيبى ، وقامت بايساه من خده
فؤاد مش هضعف بردو
سلمى باسته تانى من خده
فؤاد مش هضعف
فؤاد هقولك المفاجأة بالليل ، عايزة تجهزيلنا عشاء رومانسي كده وتجهز المكان كانى فى فندق 5 نجوم وانا هقولك على المفاجأة

 

 

 

سلمى فكره حلوة
فؤاد حضنها وقال ربنا يخليكى ليا دايما ونفضل مبسوطين علطول
سلمى يا رب يا حب ❤️
نرجع للشاب بتاع الكلية ماجد
ماجد الدراسه فضلها اسبوع وتبدأ وخلاص هشوفك وساعتها مش هسيبك ، شكلك قمر ومن نوعى المفضل وخلاص دخلتى دماغك وكده كده صحبتك منى دى حرف الميم يعنى هتكون فى جروب غير جروبك يعنى هتبقى فريسه سهله هههههههههههه ?
عند روح
روح قاعدة مكتئبة وزعلانه وخائفة وكمان بتفكر أن الكلية جاية وان فؤاد كان قايلها أنه هياخدها ويجبلها هدوم وأدوات الكلية ، طب دلوقتي هتعمل ايه ، إذا كان هى متعرفش هو بخير ولا لأ فقامت ولبست هدومها ونزلت عند حماها تحت
الام ايوه يا روح يا حبيبتى ، عامله ايه ، شكلك خاسس كده ليه ، انتى مش بتاكلى ولا ايه
روح حضنتها وقعدت تعيط جامد

 

 

 

الام قعدت تطبطب عليها وتقولها مالك يا روح ، مالك يا حبيبتى ، تعبانه عندك حاجة
روح طلعت من حضنها وقالت فؤاد يا ماما بقاله 3 ايام مش بيرد عليا وقافل موبايله وقالى انه رأيك شغل لمدة شهر وانا خايفة عليه وعايزة أكلمه واطمن عليه وعماله ارن يدينى مغلق ، قوليلى اعمل ايه
الام بحزن وقالت فى نفسها يااااه يا روح بتحبى فؤاد اوى كده وخائفة عليه وهو بيقضى شهر عسل مع مراته ، ملكش حظ يا ابنى ، هتضيع جوهرة من ايدك علشان خاطر شوية نحاس
الام متقلقيش يا حبيبتي ، اكيد مشغول مش اكتر ويومين كده وهيرن
روح وانا لسه هستنى يومين يا امى ، أنا خائفة عليه اوى وقلبى مش مطمن حاسه فى حاجة وحشة هتحصل علشان كده عايزة أكلمه واتأكد أنه بخير
الام فى سرها قلبك دليلك يا روح ، فعلا فى حاجة وحشة هتحصل بس ليكم انتم الاثنين ، لانه هيخسر وانتى هتتعبى ، بس نعمل ايه ، ده قدر ومكتوب
روح بتقولى ايه يا امى

 

 

 

الام يا روح ، هو اكيد بخير بدليل أنه لو مش بخير كانوا رنوا علينا أو جابوه لكن مدام كويس يبقى هيفضل هناك بيشتغل وهو اكيد مش هيفتح الموبايل فى أول شغله ، يومين زى ما قولتلك وهيرن عليكى
روح حتى بعد يومين مش هيرن ، لانه مش مهتم بيا وانا قاعدة هنا مرعوبة عليه ، هو عمره ما حبنى ولا حسسنى بالاهتمام ، هو شايف انى كويسه بس مش حاسس بأى حاجة من ناحيتى وممكن تكون فى واحدة تانية فى حياته ، الله اعلم
الام متخافيش يا روح ، تفائلى خير واللى ربنا هيكتبه هيكون خير ليكى وليه ، انتى بس اصبرى كمان يومين وشوفى هيرد ولا لأ
روح ماشى يا امى ، انا هطلع فوق بقى
الام لأ خليكى هنا معايا ، افطرى واتغدى واتعشى معايا وساعت النوم نامى تحت أو أنا هطلع انام معاكى علشان متحسيش بالوحدة والخوف
روح حاضر يا امى ، اللى تشوفيه اعمليه
الام ربنا يسعدك دائما يا بنتى ويعوضك خير دائما
روح اللهم امين يارب العالمين ?

 

 

 

عند ندى
ندى قاعدة بتشتغل وفجأة لقت مصطفى داخل عليها مكتبها ومعاه بوكيه ورد
مصطفى صباح الخير يا انسة ندى
ندى صباح النور يا استاذ مصطفى ، ايه المناسبة للهدية الجميلة دى
مصطفى الحمد لله انها عجبتك
ندى هى عجبتنى جدا لانى بحب الورد بس مقولتليش سببه ايه واشمعنا أنا بس
مصطفى علشان لسه جديدة فى الشركة فدى زى وسيلة ترحيب مش اكتر ، بتمنالك يوم سعيد وبالتوفيق دائما يلا سلام
مصطفى سابها وراح مكتبه
كل ده تحت عين عدى وبعض الموظفين وطبعا محدش اهتم غير عدى اللى حس أنه هيضرب مصطفى ده ، اشمعنا دى اللى بيقرب منها
عدى قرب منها وقال هات الورد ده ارميه ، ده مش مكان للورود
ندى ليه هو حرام ولا حاجة ، وثانيا دى هدية من شخص مش هرميها علشان مجرجش مشاعره ، كتر خيره أنه قدرنى
عدى ماشى يا ندى وسابها ودخل مكتبه

 

 

ندى هو ماله ، بقى غريب اوى معايا من ساعة لما جيت هنا ، بس بره بيكون رايق اوى ، هو بيتحول ولا ايه ، مش عارفه ماله بس اكيد فى سبب لللى بيعمله معايا وانا هعرفه
ياسمين كانت مروحة البيت بدرى بس حست أن فى حد ماشى وراها
عند زياد
زياد قرر يروح يزور عمه اللى هو والد روح بحيث الوقت يعدى ويشوف رأى ياسمين ايه
بالليل
روح نزلت تتعشى معاها حماها وحماتها زى ما حماتها قالتلها
ام فؤاد ملاحظة أنها زعلانه حتى حماها لاحظ ده
رضوان مالك يا روح ، مش بتاكلى ليه ، انتى تعبانه او حاجة
روح لأ يا عمى ، مش تعبانه ولا حاجة ، أنا بس متضايقة شوية لان فؤاد مش موجود
رضوان معلش يا حبيبتى ، عنده شغل واسبوع وهيجى متخافيش
روح بس هو هيقعد شهر ، أنا مش قادرة على اسبوع

 

 

 

رضوان اه شهر كتير وخصوصا انكم لسه فى أول سنة جواز ولازم يكون معاكى ، أنا هكلمه بعد الاكل واقوله يرجع
روح برن عليه من ساعة لما مشى بس مش بيرد ، وعلطول مغلق أو غير متاح ، علشان كده انا قلقانه عليه ، لو يفتح ويرد عليا على الأقل يطمنى
رضوان هشوف هيرد ولا لأ ولو مردش هكلم الشركة واخليهم يكلموا حد من صحابه علشان يكلمنا مدام موبايله مقفول ، تمام كده يا روح
روح اه يا عمى ، اعمل كده ، علشان نطمن عليه ، بدل ما الواحد عايش فى قلق كده
الام بس هو قالى يا حاج أنه هيقعد شهر ، فسيبه يركز فى شغله
الاب ماشى يركز فى شغله بس على الاقل يطمنا ولا هو علطول كده بيتصرف من دماغه ، ناسى انه عنده أهل وكمان عنده زوجه ولازم يطمنها عليه دائما
الام فى سرها يا رب يستر ، لو رن على الشركة هيعرف انه واخد إجازة شهر علشان هيتجوز وكده رضوان هيعرف والبيت هيتقلب وهتحصل خناقة بينهم ، يا رب استرها يا رب
عند زياد

 

 

 

عبدالمجيد نورت يا زياد بيت عمك ، بقالى كتير مشوفتكش ، طمنى عليك
زياد أنا الحمد لله بخير يا عمى ، بس كنت فى الجيش وعندى شغل
عبدالمجيد ربنا معاك يا ولدى ، اهم حاجة انك بخير ، أنا عايز اطمن عليك ، بعد موت والدك أنا بقيت مكان والدك بالضبط ، لو فى واحدة فى دماغك قولى ولو مفيش ندورلك
زياد طبعا يا عمى ، انت فى مقام والدى بالضبط وبخصوص الزواج فنا كنت نازل علشان كده ، بس صحيح يا عمى ليه جوزت روح بسرعة كده
عبدالمجيد علشان الماضى يا ولدى
زياد ماضى ايه
عبد المجيد من 15 سنة كانت روح لسه عندها 3 سنين فأنا وعمك كنا بنتخانق مع عيلة السبع ففى وسط الخناقة ابوك الله يرحمه خد منى السلاح وقتل فرد منهم فمن ساعتها وهما ليهم طار عندى وعند والدك
زياد طب وانت ذنبك ايه ، ده كان زنب والدى

 

 

عبدالمجيد علشان ابوك خد السلاح منى فهو فكروا أنى أنا اللى ادتهوله وقولتلته اقتله وكمان ابوك مات قبل ما ياخدوا الطار علشان كده عايزين ينتقموا منى ، فأنا جوزت لمياء وروح وهو صغيرين عندهم 18 سنة علشان كده وخصوصا روح لانى سمعت من ناس معارفى ان ابن الشخص اللى مات رجع وحالف لياخد طار أبوه فلما فؤاد اتقدم لروح واقفت بسرعة لانى واثق انه هيحافظ عليها وهيقدر يحميها ويكون ليها سند لو جرالى حاجة
زياد ربنا يخليك لينا يا عمى
عبدالمجيد المهم فى واحده فى دماغك ولا ايه النظام ، اصلى عارفه وانت من صغرك وعلطول تحب تفاجئنا فقولى دنيتك ماشية ازاى
زياد الصراحة يا عمى فى واحدة ساكنه عن عماد هناك وانا ارتحتلها وكلمت اخويا وروحنا اتقدمنا يشةلسه مجلناش الرد ، فأنا مستنى بقى توافق ، ادعيلى يا عمى ، خايف اوى
عبدالمجيد الف الف مبروك يا ولدى ، باذن الله خير وهتكون هى قدم السعد عليك ، ادعى ربنا وهو قادر على كل شىء
الام أنا سمعت كلمة الف مبروك ، حد عندنا هيتجوز
زياد تعالى يا مرات عمى ، عامله ايه

 

 

الام حضنته وقالت انت زى ابنى يا زياد فمتنكسفش منى ، المهم فى واحده ولا ايه
زياد باذن الله ، روحنا اتقدمنا وفاضل ردهم
الام الف الف مبروك يا حبيبى ❤️ ، ربنا يجعلها خير ليك ومن نصيبك ويسعدك دائما يا زياد
زياد يا رب
الاب اطلع ارتاح علشان مشوار السفر ده متعب اوى
زياد حاضر ، أنا فعلا تعبان اوى
عند سلمى
سلمى حطت الاكل على السفرة وجهزت البيت زى ما فؤاد قالها وعملت جو رومانسى جدا و ورود وشموع و بلالين والدنيا جميلة اوى
فؤاد كان نزل وسابها تحضر براحتها علشان يحس انها مفاجأة ليه
فؤاد جه وقال

 

 

فؤاد جميل اوى يا روحى وباس ايديها وقال ربنا تسلم ايدك يا حبيبتي ، ربنا يخليكى ليا يا رب
سلمى ويخليك ليا يا رب ، شوفت أنا عملت ايه ، قولى بقى ايه المفاجأة
فؤاد روعة يا حبيبتى ، الجو جميل ، طب نستمتع الاول بالجو ده وبعدين المفاجأة
سلمى حاضر يا حبيبى
فؤاد بدأ يرقص مع سلمى على اغنية رومانسية وهما مقربين من بعض اوى بس طبعا الرقصة مش بتخلى من لمسات فؤاد لجسم سلمى
فؤاد بحبك اوى يا سلمى ، يا رب نفضل سعداء مع بعض دائما كده
سلمى يا رب يا حبيبى
بعدين اتعشوا وكانت سلمى شارية اكل جاهز من بره لأنها مش بتعرف تطبخ وفؤاد عارف كده
وبعد الرقصة
سلمى يلا بقى ورينى المفاجأة

 

 

فؤاد طلع من جيبه تذكرتين وقال
فؤاد دول تزاكرتين لينا أنا وانتى لشهر العسل بتاعنا
سلمى بفرحة بجد يا حبيبى ، هتودينا فين ؟
فؤاد هنروح الساحل الشمالي ، مكان جميل اوى ويستحق أننا نزوره
سلمى انصدمت لما قالها المكان لأنها كانت مفكره انه هيوديها بره مصر ، جزر المالديف أو اسبانيا يعنى مش حاجة جوه مصر فقالت
سلمى انت بتهزر يا فؤاد ، عايز تودينى الساحل الشمالي ، يعنى مخلينى اعمل الليلة دى كلها علشان فى الاخر تقولى شهر عسل فى الساحل الشمالي ؟

يتبع..

‫9 تعليقات

اترك رد

%d مدونون معجبون بهذه: