روايات

رواية الوردة الدبلانة الفصل السادس 6 بقلم حسام محمد

رواية الوردة الدبلانة الفصل السادس 6 بقلم حسام محمد

رواية الوردة الدبلانة البارت السادس

رواية الوردة الدبلانة الجزء السادس

الوردة الدبلانة
الوردة الدبلانة

رواية الوردة الدبلانة الحلقة السادسة

المشهد الاول : في شغل عمر
———————-
عادل ( زميل عمر في الشغل ) : استاذ عمر فيه واحد برة بيسأل عليك
عمر : واحد … واحد مين
عادل : اول مرة اشوفه …. تقريبا اول مرة يجي هنا
عمر : طب انا هخرج اشوف مين
——————–
المشهد الثاني
————————
عمر : اهلا …. ازيك يا حسن عامل ايه
حسن : تمااام الحمد لله لقيتك مش بتسال …. قولت لما اسال انا
عمر : معلش يا حسن و الله ظروف
حسن : ظروف …. ظروف ايه يا ابني اللي يخليك تنسي صاحب عمرك اللي اتربيت معاه
عمر : صدقني و الله انا بعد وفاة ابويا و الدنيا مش متظبطة معايا خالص …. المهم انت عامل ايه
حسن : الحمد لله تمااام … المهم انا جايلك النهاردة عشان اقولك أن خطوبتي الخميس اللي بعد الجاي و هستناك اوعي متجيش
عمر : لاء ازاي بقي و دي تيجي طبعا هاجي
حسن : كدة يا عمر لما اشوف
عمر : المهم انت هتخطب مين …. حد نعرفه من جيرانا يعني
حسن : مش هتصدق مين

 

 

 

عمر : يا عم هي فزورة اخلص … قول
حسن : هاخطب وردة بنت عمي عاصم
عمر : لاء …. بجد
حسن : اه يا عم بجد
عمر : ايه دة هي كبرت أمتي دة انا لما سيبت البيت و عزلت كانت لسة صغيرة بتتكلم بالعافية
حسن : كبرت يا عم الحمد لله و اديني هاخطبها و هاتجوزها
عمر : كدة طب الف مبروك يا حسن و ربنا يتمملك بخير
حسن : الله يبارك فيك يا عمر …. بس ماتنساش بقي الميعاد هاستناك و يا ريت تشوف اختك سارة كمان تعدي عليها و تجيبها معاك
عمر : ان شاء الله يا حبيبي و الف الف مبروووك
——————————–
المشهد الثالث
———————————
يجلس عمر علي سفرة الطعام و اخته سارة تحضر السفرة
عمر : عارفة يا سارة مين كان عندي النهاردة في الشغل
سارة : مين يا عمر
عمر : مش هتصدقي
سارة : يا عم مين اخلص هو دة وقت فوازير
عمر : حسن عبد الله الجبالي
سارة : غريبة
عمر : و ايه الغريبة في كدة …. الراجل جاي يعزمني علي خطيبته
عمر : مفيش اصل ميرفت اخت وردة كلمتني امبارح و سارة : عزمتني و قولتلها ابقي اشوف كدة سامح لو فاضي هاجي لو مش فاضي اشوفك انت لو فاضي … يمكن عشان كدة خلت حسن يعزمك
عمر : يا بنتي كدة كدة حسن كان هيعزمني انا و حسن صحاب من زمان و انتي عارفة كدة كويس
سارة : طب هتعمل ايه …. هتروح
عمر : مش عارف بس هحاول طبعا يكفي أنه جه لحد عندي الشغل و عزمني
سارة : طب لو كدة ابقي عدي عليا بقي و نروح مع بعض
عمر : خلاص ماشي … نروح مع بعض
—————————–
المشهد الرابع
————————–
وردة : هااا يا حسن وصلت لعمر
حسن : فضلت أكلمه ميردش عليا … قولت اروحله الشغل
وردة : و روحتله الشغل
حسن : اه روحت له و قابلته كمان
وردة : بجد
حسن : اه و عزمته ….و قولتله يجيب معاه سارة اخته

 

 

وردة : و قالك ايه
حسن : قالي خلاص تمااام هيجي و هيجيب معاه سارة
وردة : طب تمااام كدة …. المهم فيه حد انت لسة معزمتهوش
حسن : يا وردة …. انا معزمتش غير الناس القريبة مننا متنسيش أن الخطوبة هتبقي هنا في الشقة عندكم يعني ممكن متكفيش عشان أعزم الناس كلها فقولت بقي أن باقي الناس في الفرح ان شاء الله
—————————–
المشهد الخامس
————————————
سارة : انتي ما قولتليش يعني يا رانيا أن اخوكي حسن هيخطب وردة
رانيا : يا سارة انا قولتلك في اخر مكالمة بينا … ساعة ما قولتلك إن ميرفت عايزة تكلمك انتي عندك زهايمر ولا ايه
سارة : انتي بتقولي فيها العيال خلاص نسوني اسمي اساسا
رانيا : طب انا بكلمك دلوقتي عشان محتجاكي تنزلي معايا نجيب طقم احضر بيه خطوبة حسن اخويا …. و يا ريت في اسرع وقت احسن حسين امه تلعب في دماغه و يرجع ياخد مني الفلوس تاني
سارة : صحيح هو حسين عامل معاكي ايه دلوقتي …. طبعا اكيد انتي مطلعه عينيه كالعادة
رانيا : انا اطلع عينيه دة معايا بحالات اوقات يكون طيب و كويس و اوقات تانية بيكون ابن امه دة انا اخدت منه فلوس اجيب طقم بالعافية

 

 

سارة : معلش يا رانيا استحملي ما دام فيه طفل جاي في السكة
رانيا : اديني مستحملة …. اعمل ايه يعني …. المهم هتيجي الخطوبة ولا ايه
سارة : عمر اتكلم معايا و حكالي أن حسن راح زاره في الشغل و عزمه
رانيا : ايه دة هو حسن راح لعمر الشغل
سارة : اه …. انتي متعرفيش ولا ايه يا بنتي اخوكي محكالكيش حاجة
رانيا : لاء محكاليش اي حاجة ….اصلا من ساعة ما رجعت بيتي تاني و هو مكلمنيش
سارة : انا معرفش أنه محكالكيش بلاش تحسسيني بالذنب
رانيا : يا ستي لاء عادي عادي … معلش اكيد مشغول مع وردة في تجهيز لوازم الخطوبة
سارة : ربنا يتمم لهم بخير يا رب و يهدي سرهم
رانيا : يا رب يا ختي …. مقولتليش المهم عمر قالك هيجي و يجيبك ولا ايه
سارة : اه قالي أنه لازم يروح طبعا ما دام حسن راح له لحد الشغل عشان يعزمه
رانيا : خلاص تماام قشطة كدة
———————-
المشهد السادس
———————————-
يدخل حسين الشقة و ينادي بعلو صوته علي رانيا
حسين : يا رانيا يا رانيا
رانيا : فيه ايه يا حسين … مالك عامل قلق ليه …. خلاص يا ماما شوية و هتصل بيكي تاني سلام …. فيه ايه بقي عايز ايه
حسين : لسة راجع من الشغل يا رانيا و جعان عايز اكل
رانيا : طب يا حسين ما تطلع لك اي حاجة من الثلاجة كلها لحد ما اعمل الاكل
حسين : هو انتي لسة هتجهزي الاكل …. و انتي ليه ما جهزتهوش كان وراكي ايه عطلك ولا انتي مستنياني اجي عشان لسة تبقي تجهزي الاكل
رانيا : جرا ايه يا حسين هو انت عايز تعمل اي مشكلة و خلاص
حسين : انا برضو اللي عايز اعمل اي مشكلة مجهزتيش الاكل ليه يا رانيا
رانيا : مفيش كان ورايا حاجات في الشقة بعملها
حسين : انا لا شايف كنيس ولا مسيح ولا غسيل ولا اي حاجة ولا حتي لسة عندنا عيال هيعطلوكي … كان وراكي حاجات برضو ولا كان وراكي تليفون مش بتسبيه من ايديكي
رانيا : انا …. انا يا حسين مبسيبش التليفون من ايديا ولا انت اللي مبتسيبش التليفون من ايديك
حسين : هو انا لو ماسك التليفون في ايديا بابقي ماسكه اتسلي ولا بيكون عندي شغل أما انتي ليل و نهار لاما قاعدالي علي الزفت دة اللي اسمه فيس توك لاما بتكلمي مامتك

 

 

رانيا : ههههههههه اسمه ايه يا حسين …. قولها تاني كدة
حسين : فيس توك
رانيا : فيس توك …. لاء انا بعد الكلمة دي هخش احضرلك الاكل و مش بس كدة لاء هشتكيك في محكمة الأسرة و هاطلب الطلاق منك

يتبع…

اترك رد