Uncategorized

رواية قدري الفصل الثالث 3 بقلم سما محمد

 رواية قدري الفصل الثالث 3 بقلم سما محمد

رواية قدري الفصل الثالث 3 بقلم سما محمد

رواية قدري الفصل الثالث 3 بقلم سما محمد

_ليلي بصدمة:ماماا
“في المستشفى “
_ليلي بخوف:طمني يا دكتور هي كويسة صح
_الدكتور:هي بخير دلوقتي هي بس مأخدتش دوا السكر
_ليلي:ماشي شكراً
***********
_ليلي:كدة يا ماما تقلقيني عليكي مأخدتيش الدوا ليه
_ماجدة:نسيت يا ليلي
_ليلي بحزن:طب انتي لسة زعلانة مني
_ماجدة:يا بنتي أنا عايزة اطمن عليكي
_ليلي:حاضر يا امي هقعد معاه
_ماجدة بفرحه:بجد يا ليلي
_ليلي بابتسامة:بجد يا ميمو يا قمر
“روحنا البيت ولقيت نور بتكلمني”
_نور: مش بتردي ليه هه اتصالحتي مع مامتك وسيباني مش كدة
_ليلي بضحك:يبنتي اهدي علي فكرة احنا لسة جايين من المستشفي
_نور بخوف:ايه مستشفي ليه ولمين
_ليلي :بصي اول ما روّحت
Flash back
دورت عليها في الشقه كلها ومش لقياها ولا بترد عليا لحد ما دخلت اوضتها لقيتها واقعه علي الأرض 
_نور:طب مكلمتيش حد فينا ليه
_ليلي: كلمت ادهم يبنتي علشان سيف مردش عليا
_نور:وبعدين
_ليلي: مفيش جه أدهم
_ادهم بخوف:ليلي طنط مالها
_ليلي ببكاء:دخلت لقيتها واقعه علي الأرض ومش بترد عليا
_ادهم:طب اهدي ان شاء الله خير
_ليلي:يارب يا ادهم
Back
_ليلي:بس وبعدين خرج الدكتور وطمنا وقالنا انها نسيت تاخد دوا السكر
_نور:طب وحوار العريس
_ليلي:قولتلها هقعد معاه واشوفه وخلاص بقا
_نور:هو هيجي امتي
_ليلي:ماما قالتلي انه هيجي يوم الخميس
_نور:طب تعالي ننزل نجيب فستان
_ليلي:فستان ليه أنا اصلا مش موافقة ولا هوافق أنا هقعد معاه بس علشان ماما
_نور:سلام يا ليلي دة انتي عديمة الفرحه
************
“تاني يوم”
“نزلت وروحت المكتب ولقيت سيف هناك”
_ليلي:اوبااا سيف باشا عندي في المكتب دة أنا هعمل منك بوفتك
_سيف بضحك: ليه بس كدة يا برعي
_ليلي:ولا كأني البيست فريند فور ايفر بتاعتك و ولا سائل فيا
_سيف:والله مشغول في الشغل جامد واه ألف سلامة علي طنط
_ليلي:الله يسلمك
_سيف:طبعا انتي مستغربة اني جيت المكتب وقولتي اكيد في مصيبة
_ليلي:هو انت بيجي حاجه من وراك الا المصايب ؟
_سيف:لاحظي ان كلامك جارح يا طنط
_ليلي:طنط ف عينك قول بقا ايه الموضوع فضولي هيموتني
_سيف بجدية:ليلي أنا بحب نور وعايزك تساعديني
“اتصدمت جامد اووي اول ما قال كدة وحسيت ان دموعي عايزة تتحرر”
_ليلي بصدمة:نور مين؟نور صاحبتنا
_سيف بابتسامة:أه هي
_ليلي:اساعدك ازاي
_سيف بابتسامة:يعني عايزك تفاتحيها في الموضوع وتقوللها اني عايز اروح اتقدملها ومستعد
…….
_سيف:ليلي روحتي فين يا بنتي
_ليلي:هاا أه.. اا أنا معاك اهو
_سيف بابتسامة:طب هتساعديني
_ليلي:اا أه طبعا هساعدك
_سيف بفرحه:كنت عارف انتي بجد احلي اخت في الدنيا
“مشي سيف ومشيت معاه روحي وساب قلب وراه متدمر والقلب دة مكنش غير قلبي أنا حسيت ان قلبي بيتكوي وكأن وجع الدنيا كله اتجمع في قلبي ومش عارفة السبب”
_ليلي:طب أنا زعلانة ليه طب ليه عايزة اعيط بس فيها ايه يعني هو بيحب ومن حقه يعني!طب وانا أنا ايه وفين من كل دة؟انتي مالك أنتو مجرد اصحاب يا ليلي افهمي!بس بس أنا معتبرتوش صديق! دي مشكلتك انتي يا ليلي انتي اللي غلطتي!ط طب هو ملقاش غير نور اللي يحبها؟مالها نور هتفرق ايه نور عن غيرها المهم هو مش بيحبك وعمره ما فكر فيكي غير اخت وانتي اللي غلطانة! ايوة فعلا أنا اللي غلطانة”
خلصت شغلي ورحت علي الكافيه كنا متفقين نتقابل هناك كلنا
_نور:بردو عمرك ما تيجي بدري ابداا
_ليلي:يبنتي عقبال ما خلصت شغلي
_ادهم:مجتهدة اووي يبنتي
_ليلي:الله يخليك والله
_ادهم:مالك يا ليلي حسك متغيرة
_ليلي:لا ما أنا كويسة اهو…اومال فين سارة بقالي فترة مشوفتهاش
_ادهم:ما انتي عارفه انها مسافرة عند اهلها فترة
_ليلي:اهه صح نسيت
_نور بشك:مالك يا ليلي انتي فعلا متغيرة
_ليلي بضحك:ايه يا جماعه في أيه ما أنا كويسة اهو
“كنت بقول كدة وانا مخنوقه وحاسة ان تقل الدنيا كله علي قلبي وهما فعلا عندهم حق أنا عمري ما كنت كدة كنت علطول البنت الفرفوشه بتاعت الشله دلوقتي الوضع اتغير كتير “
_نور:ادهم ما تكلم سيف شوفه اتاخر ليه
_ادهم:قالي انه زمانه جاي
_ليلي:طب أنا همشي يا جماعه علشان ماما
“الصراحه اتججت بكدة رغم ان ماما كويسة وعارفه اني مع صحابي بس لو شوفته وهو نظراته كلها حب ليها مش هقدر …الحقيقه انا مش عارفه حبيته امتي وازاي بس اهو دة اللي حصل…..قررت اني هحاول انساه رغم آني عارفه اني مش هقدر اعمل كدة بس هحاول وهوافق علي العريس اللي متقدملي”
“جه يوم الخميس والعريس المجهول زمانه جاي ونور كانت معايا علشان مبقاش لوحدي”
_ماجدة:يلا يا ليلي العريس جه برة تعالي
_ليلي:حاضر يا مااما جايه اهو
خرجت وقعدت باصه في الارض 
_……:طب مش هترفعي راسك
“صوته مكنش غريب عليا فقررت ارفع راسي وياريتني مرفعتها”
_ليلي بصدمه:انتَ
يتبع……
لقراءة الفصل الرابع والأخير : اضغط هنا
لقراءة باقي فصول الرواية : اضغط هنا
نرشح لك أيضاً رواية ملاك أوقع شيطان للكاتبة ريم محمد

اترك رد