رواية توأمان وقلب واحد الحلقة الثامنة 8 بقلم إيمان المهدي
رواية توأمان وقلب واحد الحلقة الثامنة 8 بقلم إيمان المهدي
 |
| رواية توأمان وقلب واحد الحلقة الثامنة 8 بقلم إيمان المهدي |
رواية توأمان وقلب واحد الحلقة الثامنة 8 بقلم إيمان المهدي
أمير. ازاى حور اتبرعت بقلبها ايه الكلام ال سمعتوا ماما اتكلمى ال سمعته دا صح
الكل اتجمع على صوت أمير وبينهم حبيبه واقفه مصدومه من ال سمعته. لالا أكيد مش ال سمعته دا وهم … خيال اى حاجة غير ان تكون دى الحقيقة
أمير. مبترديش ليه فهمينى إيه ال حصل بالظبط
هاله يابنى اهدى كان لازم حبيبه كانت خلاص دقايقها معدودة ف الدنيا قلبها كان وقف بالفعل اكتر من مرة
مكنش فيه حل غير ان ناخد قلب حور وننقذ حبيبه
أمير بعصبيه انت هتجننونى ازاى يعنى كانت تموت بس مراتى كانت تعيش.
حبيبه واقفه ودمموعها نازله ماسكه قلبها وبتتألم موجوعه من أهلها ومن كلام أمير موجوعه على أختها
محمود. ايه ال بتقوله دا انت فاكر ان بنتى عملت حادثه وجاتلى وانا انتهزتها فرصه اخدت قلبها لأختها انت مجنون بالفعل
حمزة أمير. حور كانت أجزاء كتير ف المخ متضررة وحاولتا كتير ننقذها بس مقدرناش وسبحان الله كانت معجزة نخرج الجنين سليم والأم شبه منتهيه بس إرادة ربنا
يسرا يابنى أنا ال طلبت من عمك محمود ينقل قلب حور بعد ما إتاكدنا من موتها مقدرتش يابنى يخرج من بيتى جنازتين مقدرتش أشوف بناتى الإتنين بيروحوا من بين إيديا
حمزة. حور ال طلبت كدا قبل ماتموت ان قلبها يبقى لحبيبه. وكأنها كانت حاسه انها هتموت فعملت الصح وطلبت ننقذ توأمها
أمير. جميل اوووى الدراما دى …. يكمل وهو ينظر لمحمود وانت ملكش دور ف التمثيليه دى. دا انت أكبر مذنب فيهم شرحت بنتك وأخدت قلبها. انت ازاى حالك قلب تعمل كدا.
محمود بيحاول يتماسك بس كلام أمير جارح هو فعلا كانت صعب عليه يخرج قلب بنته وهو بينض بين إيديه
محمود دموعه غلبته وانهار أمام الجميع. … تمثيل إنت شايف كل ال عشناه كان تمثيل تعرف ايه انت عشان تحكم علينا بالقسوة دى أه يا أمير إحنا ممثلين شطار أووى 3 سنين عايشين ف عذاب أنا ومراتى وابنى. واحنا بنمثل على الكل أننا مبسوطين والفرحة عارفة طريق القصر دا 3 سنين بنخبى على حور وعليك مرض اختها بنضحك قدامكم. ونمثل الفرحة واحنا جوانا نار بتاكل قلوبنا حزن وقهر على بنتنا ال بتموت قدامنا وال عارفين ان أيامها معدودة ف الدنيا. استحملنا عشان سعادتكم ولما حور رجعت مكنش سهل أشوف بناتى الإتنين دقايقهم معدوده ف الحياة
كنت ممثل شاطر اوووى مثلت القوة وانا بعمل العمليه تغاضيت عن حقيقه إنهم بناتى واديت واجبى وخرجت قلب حور وخليته استقر ف صدر حبيبه.
وبعدها. كان لازم أمثل تانى واقول ان شخص مش نعرفه مات واخدنا قلبه
مثلت كتير اوووى ايه رأيك أنفع يا أمير اكون ممثل بارع. بس للأسف الفرق كبير لان كل دا واقع وحقيقه عيلتى عاشتها
أمير سابهم وطلع اوضته بدون ولا كلمه
يسرا. حبيبه يابنتى والله ما كنا عايزين نخبى عليكى بس كان صعب نحكيلك الحقيقة مستحيل كنت تتقبليها
حبيبه قعدت على أقرب كرسى بدون كلام السماء كان سيد الموقف. هي مش عارفه تتكلم ولا تقول إيه حاجات كتير جواها اتلغبطت. ايعقل تعلقها بالطفله وتغير طباعها يكون سببه القلب ال ف صدرها لا أكيد جنان وتخاريف هو معقول قلب حور يكون حاسس ببنتها.
خرجت من حاله التوهان والشرود. على ذلك الصوت
هاله يابنى هتسيبنى وتروح فين بس
أمير هروح شقتى عايز أفضل لوحدى. لوسمحتى
هاله. طيب اروح معاك. ولا اقولك خد مراتك وبنتك
أمير بعصبيه. أنا معرفش حد غير حور
ومراتى تبقى هى حور وبس ويتجه نحو حبيبه. وانت إياك تفتكرى بالورقه دى تقدرى تحصلى على أمير. عمرى ما هسمحك أبدا انت أخدتى قلب حبيبتى ال كان مليان بحبها ليا حتى لو كنتى شبها واتغيرتى وبقيتى زيها هتفضلى حبيبه وعمرك ما هتحصلى ولا على مكان صغير ف قلبى. متحلميش يا حبيبه جوازنا شكليات مش أكتر وأخد شنطته وسابهم واقفين كل واحد بيلوم نفسه
حبيبه. برافو. ال عملتوه يستحيل أمير يسامحكم عليه
كان ممكن لو عرف بطريقة أحسن. دلوقتى هو شايف نفسه مجبر يعيش مع قلب مراته ال بيحبه بس بإسم شخص مختلف كان لازم نعرف يابابا. كان لازم تقول على الأقل أعرف سبب تغيرى وتعلقى بالطفله. وانا كنت فاكراه احساس داخلى بس طلع حب نابع من قلب حور لبنتها مش إحساس حبيبه أبدا.
مر أكثر من إسبوعين وامير متباعد تماما عن الفيلا ومحاولات الكل ف انه يرجع بس كل محاولاتهم فشلت
واستقر الوضع هكذا بالأسابيع
حمزة. وبعدين يابابا هعمل ايه مع والد رنا حاولنا معاه مفيش فايدة رافض تماما. جوازى منها على أساس انها مخطوبه لابن عمها
محمود. يابنى أنا حاولت ومش لاقى طريقة حتى صحوبيتنا مغفرتش لينا بإنه يوافق. وانت عارف انه صعيدى. وعوايدهم كدا
حمزة عوايد إيه. هو لسه فيه التخاريف دى ازاى يجبر بنته على الجواز من ابن عمها. وهو متأكد ان هو عايز يتجوزها بس عشان فلوس ابوها
محمود. دا ال عايز افهمولك ان شاكر عارف كدا كويس وراضى. لان شايف فلوسه تروح لإبن أخوه بدل ماتروح لحد غريب ورنا ملهاش اخوات
حمزة يعنى كدا رنا هتروح من بين إيديا دا مستحيل
محمود. ملكش نصيب فيها. ياحمزة سيبها يابنى دا قدرها. واحنا عملنا ال علينا
حمزة. لأ مش هسيبها حتى لو قدر هغيره وسابه وخرج
محمود لا حول ولا قوة الا بالله اللهم لا تسئنى ف أولادى
طول الأسابيع الماضيه وخالد ورحمة بقوا أصدقاء وتقربوا بعض كتير ورحمه حاولت تخفف عن خالد بسبب زواج حبيبه
رحمه كنت بتحبها أوووى كدا يا خالد
خالد تصدقى لو قلتك مش حب أكتر ما هو تعود. أنا سنين وانا بدخل بيت محمود الهاشمى بحكم صداقته مع بابا حبيبه كانت مرحة جدا وعفويه كان عندها طاقه وايجابيه غريبة حبيت اوووى طباعها لانها بخلاف طباعى لانى كنت دايما هادى منطوى على نفسى وهيا بتضايق لو لقت حد ساكت كانت دايما تعمل مقالب فينا كبرت على كدا وانا متعلق بالبنت ال بتخلينى مختلف عكس نفسى خلتنى أضحك واهزر ويمكن ارقص وأتجنن كمان. عشان كدا اتقدمتلها خفت لو اتجوزت غيرى ملقاش حد زيها. عرفتى بقا كان تعود وحب للتغير مش أكتر واكتشفت دا بعد جوازها من أمير لو كان حب بجد مكنتش هستحمل أشوفها مع غيرى
رحمه. أتمنى تلاقى حب يعوضك وتلاقى البنت ال معاها تكملوا بعض
رنا. ببكاء الوووو الحقنى ياحمزة
حمزة. فيه يارنا مالك
رنا. بابا حدد ميعاد كتب الكتاب يوم الخميس الجاى. بعد أربع أيام يا حمزة. ارجوك أعمل اى حاجة يستحيل اتجوز غيرك
حمزة. ممكن تهدى قابلينى بكرة وانا هتصرف
بعد كام فى فيلا شاكر (والد رنا)
كان اهل شاكر واخواته جايين من الصعيد وكان عازم اصدقاءه المقربين من بينهم محمود ال شاكر اصر على حضوره بحكم صداقتهم وعشان يأكد عدم زعله لرفضه ابنه
حبيبه بحزن يالا رنا عشان تنزلى
نزلت. رنا برفقه حبيبه ورحمه صديقاتها المقربين
مع بدايه إن المأذون يكتب الكتاب. جاء هذا الصوت من بعيد
حمزة. ممكن افهم إيه ال بيحصل هنا وازاى بتكتب كتاب واحدة متجوزة. بالفعل
شاكر. حمزة خالى الليله تعدى على خير وامشى.
حمزة. انت مسمعتش قولت ايه رنا تبقى مراتى
شاكر بعصبيه محمود عقل إبنك وقولها مش شاكر الغامرى ال يتلعب معاه
أمير. بس حمزة بيقول الحقيقة رنا تبقى مراته وانا شاهد
خالد وانا كمان شاهد.
حمزة. ودى قسيمه جوازى من بنتك أظن كدا مش بهزر ولا بلعب معاك
يتبع..
لقراءة الحلقة التاسعة : اضغط هنا
لقراءة باقي حلقات الرواية : اضغط هنا
نرشح لك أيضاً رواية القوية إذا أحبت للكاتبة ندى الشريف.