رواية زواج باطل الفصل السادس 6 والأخير بقلم إسراء ابراهيم

خرج لهم الدكتور وقال: البقاء لله

جه ثروت وسمع الدكتور ووقف مصدوم

وأيضا دعاء وصلاح واقفين مصدومين 

دعاء بعياط: لا يا فاتن وقعدت عالارض أنا كده خسرت أمي مرتين أنتي كنتي أمي وأختي وصحبتي

هحكى لمين حياتي واللي بيحصل فيها أكيد أنتي زعلانة مني صح

عند ثروت لسه مستوعبش إن خلاص فاتن راحت ومبقتش موجودة مشيت قبل ما يطلب منها السماح

وأنا اللي كنت السبب في موتها ايوا أنا اللي خليتها زعلانة وحزينة أنا مش مسامح نفسي

بسببي هى اتعذبت وراح بص عليها لآخر مرة ودموعه نزلت ومشي على طول

دخل صلاح ليها ومنزلتش منه دمعة لسه في صدمته

وراح وقف جنبها ووطى مسك ايدها وبصلها وقال: أنا كنت هساعدك بس كنت زعلان منك عشان خبيتي عليا

تعرفي إني حبيتك من أيام فترة الخطوبة ومرضتش ابعتك لأهلك عشان خوفت عليكي وعلى سمعتك أنتي وأهلك

أنا عارف إن كان صعب عليكي تحكيلي قبل الزواج وأنا للأسف جيت عليكي وموقفتش جنبك بس كنت ساعتها متعصب ومش شايف قدامي

ولما دعاء حكتلي اللي حصل معاكي والمعاناة اللي أنتي شوفتيها السنين اللي فاتت حسيت نفسي غبي لأنك كنتي مفكراني هساعدك

لكن أنا فعلا قررت أساعدك واعاملك معاملة كويسة بس للأسف روحتي خلاص ومبقتش هعرف أساعدك ولا اعوضك أنا آسف يا فاتن سامحيني لو مكنتش قسيت عليكي مكنتيش تعبتي وسبتيني

ربنا يرحمك وكانت دموعه تنزل بغزارة

وجم أهلها وهما منهارين على موت بنتهم ودخلوا يشوفها لآخر مرة

وبعد ساعة كانوا بيدفنوها 

وابوها وصلاح واقفين منهارين كل واحد في عالم

وأمها كانت في البيت تعبانة وكل شوية يغمي عليها وأخواتها بيعطوا عشانها

 وبعد الدفن راحت دعاء وقفت قدام قبرها وكانت بتقرا ليها قرآن وبتعيط

أنا مش مصدقة إنك خلاص روحتي ومبقتش هشوفك تاني يا حبيبتي صدقيني عمري ما هنساكي ودايما هاجي ازورك

ربنا يرحمك ويغفرلك يا حبيبتي

وصلاح حكى لوالد فاتن إنها تعبت فجأة وهما كانوا مسافرين وروحت كشفت عليها وطلع عندها القلب ووبعدين حاولوا ينعشوه ماتت

(صلاح مرضيش يحكي ليهم اللي بنته عملته ويفضحها ولكن ألف حكاية من دماغه وقالها ليه)

 وراح صلاح يقف جنب دعاء عند قبر فاتن وبيقول قلبي واجعني جدا على فراقك معرفتش أقولك بحبك

وخد دعاء وروحوا

في الشقة دعاء قاعدة بتبكي وماسكة صورة فاتن وحضنتها

ودخل صلاح الغرفة وقاعد بيفتكرها وبيفتكر كلامه وزعيقه معاها ودموعه بتنزل

وخرج لدعاء برا وقعد جنبها وقال: تعرفي إني حبيتها وموتها صدمة ليا أنا كنت باني احلام كتيرة كنت ناوي احققها وهى معايا

دعاء بدموع: فاتن كانت طيبة أوي ومين أصلا ميحبش فاتن هى غلطت اها لكن ندمت وتابت

كانت بطمن نفسها من يوم ما خطبتها إنك هتفهمها

 وهتساعدها وتقف جنبها كانت بتقولي ربنا بعتك ليها عشان

 تساعدها وتستر عليها وقالت إنها بدأت تحبك من اهتمامك

 بيها وقالتلي إنها مش هتقولك مشاعرها لأنها كانت ناوية

 تتطلق منك وتخليك تشوف حياتك لأنها مترضهاش عليك

 إنك تعيش مع واحدة زيها هى قالتلي إنها هتعيش معاك على

 إنكم أخوات كانت هتقترح عليك ده كله بس لما جيت هنا

 وشوفت معاملتك ليها عرفت إنك متفهمتش موقفها وإنك بتذلها والدليل الأكبر جوازك مني

صلاح بدموع: مقدرتش اتخيل اللي بتقوله حسيت إني اتخدعت أنا لما أسمع منها اللي بتقوله صعب عليا اتقبله

وأنا عشان بحبها قولت هعاقبها بس مش هبعتها لأهلها لو واحد تاني مكاني كان زمانه قتلها أو بعتها لأهلها وفضحها

قولت هعاقبها بطريقتي بس كان كلام وخلاص وكنت هطلقها لأن كده يعتبر زواجنا باطل

وقولت هسيبها للأيام ونشوف هنوصل لفين ونام على رجل دعاء وقال: أنا بجد تعبان ربنا رحمها مننا وهو الرحيم

دعاء بدموع: فعلا كانت دايما بتفكر في اللي حصل ليها وكاتمة جواها حزن كبير ومكنتش بتقول لحد لكن أنا كنت حاسة بيها

وعدى شهر على وفاة فاتن ودايما كان صلاح ودعاء بيرحوا ليها يزروها ويقروا ليها قرآن

والأيام والشهور بتعدي وبقا بين دعاء وصلاح حب عشرة

واحترام وتفاهم وبعد سنة دعاء بقت حامل

وصلاح كان بيهتم بيها وطبعا أخو دعاء مكنش بيسال عليها غير كل شهر أو شهرين

وطلعت حامل في بنت وقرروا يسموها فاتن

وعدت الشهور وجه معاد ولادة دعاء وكانت في غرفة العمليات وصلاح واقف برا قلقان وبيدعيلها

وبعد شوية سمع صوت بنته بتعيط فرح جدا

وخرجت الممرضة ببنته وباسها وكبر في أذنيها ونقلوا دعاء غرفة عادية

ودخل ليها صلاح ومعه بنته ودعاء فاقت وابتسمت بتعب وصلاح اداها فاتن وباستها

صلاح: الحمد لله عالسلامة

دعاء: الله يسلمك يا أبو فاتن

صلاح: حبيبتي يا أم فاتن يا ترى هتبقى طيبة وحنونة زي فاتن

دعاء بابتسامة: أكيد وهتبقى شقية زيها وفرفوشة كده

وهنا فاتن عيطت

دعاء وصلاح بصوا لبعض وضحكوا وقالوا في صوت واحد ما هو باين

رأيكم!؟

#تمت