رواية عشقت مريضي الفصل السادس 6 بقلم سلمى محمود

رواية عشقت مريضي الفصل السادس 6 بقلم سلمى محمود

رواية عشقت مريضي البارت السادس

رواية عشقت مريضي الجزء السادس

رواية عشقت مريضي الحلقة السادسة

فى فجر يوم جديد كانت تقف ثلاث سيارات خلف بعضهم امام منزل مازن واسراء
اسراء وهى تجاهد لفتح عينيها/ مش كنا سافرنا الصبح ياعمو…. انا مش شايفه قدامى
ضحك سفيان وذكى بشده على منظرها
نظر لها ذكى بضحك/معلشى ياقلب عمو… علشان نوصل بدرى قبل الضهر والحر
هز مازن رأسه ايجابا/ يلا ياكريم نحط الشنط فى شنطه العربيه
هز كريم رأسه ايجابا وتحرك مع مازن لوضع الشنط
.كريم موجها حديثه ليحيى/اى يايحيى مش تشيل معانا الشنط
يحيى وهو يفرك عينيه من اثر النوم /اشيل اى… انتو مش ملاحظين انى لسه صغير وانتو كبار
كريم بسخريه/ صغير بعضلاتك الى اكبر من حياتك دى
يحيى بابتسامه بلهاء/دول بلاستيك… بيفسوا بسرعه… حتى اسأل مازن
مازن بضحك/على يدى…. شيل ياعم كريم شيل
يلا يايحيى اركب مع ابوك
هز يحيى رأسه برفض وذهب لسراء وامسك يدها/انا هركب مع ايسو
اسراء بضيق مصطنع/يابنى انا خلفتك ونسيتك… مش ابوك واحشك… ماتركب معاه
يحيى برفض/هركب معاكى يعنى هركب معاكى…. مش انتى قولتى مش هسيبك
سفيان بضحك/خلاص ياسراء خليه يركب معاكو
مازن/طب يلا يااستاذ يحيى اركب

سبل يحيى عينيه ببراءه/هات تليفونك يامازن
مازن وهو يضيق عينيه/عارف يايحيى لو بوظت حاجه
هعلب فى وشك اكس او
اخذ يحيى الهاتف وجلس فى سياره مازن من الخلف
جلس الجميع فى سيارتهم
سياره كريم بها سفيان وذكى
وسياره مازن بها اسراء ويحيى
وسياره ادهم بها هيثم ومى(السكرتيره) وامنيه
تحركت السياره مسرعه خلف بعضها الى الصعيد
♧♧♧♧♧♧♧♧♧
فى سياره ادهم
كان يجلس الى جواره هيثم وفى الخلف امنيه ومى
امنيه بجوع/هيثم بالله عليك عند اى سوبر ماركت وهاتلنا اكل علشان انا جعانه
هيثم بقرف /واى الجديد يعنى ماطول عمرك جعانه
امنيه بسخريه/وانت طول عمرك بتجيبلى اكل… فهات وانت ساكت
هيثم بنافذ صبر/ ماشى ياختى
امنيه بضحك/حبيبى ياابو الهياثم
مدت مى يدها بسرعه وقرصتها فى ذراعها
فنظرت لها امنيه بوجع…. بادلتها مى النظر بغضب
ادهم وهو يوقف السياره / يلا ياهيثم ننزل نجيب ليهم اكل

هز هيثم رأسه ايجابا وهبطوا من السياره واتجهوا الى السوبر ماركت لشراء بعض الاطعمه السريعه
امنيه وهى تخرج رأسها من السياره/هيثم هاتلنا واجبه من ماك.
هيثم بصدمه/دلوقتى
امنيه/اه دلوأتشى حالا
هز هيثم رأسه بيأس
امنيه موجهه حديثها لمى/ بت انتى احنا مش راجعين من السفريه دى غير لما اكون مجوزاكوا انتى وهيثم
اعتدلت مى فى جلستها وقالت بفضول/ناويه تعملى اى
امنيه بخبث/مالكيش دعوه بس انتى امشى معايا على الخط
وبعد نصف ساعه كانوا ابتاعوا كل ما يحتاجوه طوال الطريق
هيثم بابتسامه/ما براحه ياعم جاك انت طاير على الطريق كده
امنيه بضحك/مستعجل يصالح الحب
مى بغمزه/ الLOVE ولع فى ال CORN
ادهم بهدوء/ اى يا شباب مكبرين الموضوع كده لى عادى يعنى… مش موضوع حب يعنى
امنيه بهدوء/اومال الموضوع موضوع اى
اخذ ادهم نفس عميق واخرجه بهدوء/انا وجهاد مافيش اى قصه حب مابينا… جواز صالونات زى ما بيقولوا
كنت فى الصعيد فى بدايه شغلى قابلتها هناك
وطبعا امى كانت بتزن عليا علشان اتجوز
وانا لاقيتها محترمه وحصل بينا كام موقف كويسين
وسألت عليها… واتقدمتلها ووافقوا… وقاعدنا تلات سنين مع بعض… محصلشى حمل فيهم…. ربنا مارادشى… انا لا فرحت ولا زعلت…. حمدت ربنا واكتفيت بيها

قاطعته امنيه باستغراب/ انت لافرحت ولا زعلت اومال رد فعلك كان اى
ادهم بهدوء/ امنيه انا محبتشى جهاد خالص… ولا قلبى دق معاها فى اى لحظه… علاقتنا كانت ماشيه كويسه… ويشهد ربنا انى كنت بعاملها بما يرضى الله وعمرى مابصيت لست من يوم ما اتخطبنا
بس احساسى كان غريب لما عرفت انها مش هتقدر تخلف
يمكن من جوايا كان فى جزء سعيد انى مش هجيب منها بيبى
عارف الكلام ده ممكن يكون غريب… بس كنت حاسس انى عاوز البيبى ده يكون فى انسانه قلبى عشقها
بس بردو فضلت جمبها ومسبتهاش
امنيه بهدوء/ طب لى مخلتهاش تجيب بيبى
ادهم / لان لو حملت حياتها هتكون خطر ونسبه نجاتها معدومه ولو البيبى اتولد هيموت… هستفاد اى وهى هتستفاد اى
امنيه/ يبقى هتسفاد… هتتجوز الانسانه الى قلبك يحبها
ادهم بشرود/ تصدقينى مفكرتش فى الموضوع ده… اكتفيت بجهاد.. هى بتحبنى… بتعاملنى بما يرضى الله… حياتنا هاديه وسعيده… مبسوطين سوا
فمفكرتش فى حد غيرها
امنيه وهى تنظر للنافذه/ ربنا يخليكوا لبعض… ويجمعوا تانى على خير باذن الله
ادهم/ان شاء الله
هيثم وهو ينظر امامه/ ياااه اول مره اعرف انك عميق كده ياادهومى
نظر له ادهم بقرف/ اى ادهومى دى يابنى

هيثم بدلع مصطنع/ بدلعك ياروحى
ادهم وهو يدفعه / ياشيخه اتلهى…. اى… قصدى اتلهى يازفت
انتبه ادهم على صوت امنيه
امنيه بصوت عالى/ انتى بتهزرى يامى
مى بحزن/ اعمل اى يا امنيه… ما انتى عارفه الى فيها
امنيه بغضب/ عارفه اى وزفت اى.. احنا مش كنا اتكلمنا فى الموضوع ده وقفلناه من زمان
حمحم هيثم بهدوء متدخلا فى الحديث/ هوا فى…. وموضوع اى… انا اسف على التدخل
نظرت امنيه له بمكر وقالت بمسكنه مصطنعه/ شوفت ياهيثم… مى هتسيبنى وهتشمى
هيثم بخوف وقلق/ هتمشى تروحى فين
مى بحزن مصطنع/ مهو ابن عمى متقدملى… وانا موافقه… وهنتجوز الشهر الجاى ونسافر ايطاليا
هيثم بغضب/ نعم ياختى… تسافرى فين… مافيش سفر
مى باستغراب/ لى
هيثم بغضب وصوت عالى/ علشان انا بحبك ياغبيه
مى بابتسامه رقيقه / وانا كمان بحبك
♧♧♧♧♧♧♧♧♧

فى سياره مازن
حاله من البهجه والسعاده المسيطره عليهم…. وجوههم التى تضيئ من فرط السعاده… اتسمعون صوت ضربات قلبهم العاليه…. الدم الى يتدفق فى كل اوردتهم من فرط السعاده
احساس العائله رائع…. ولاول مره منذ سنوات يشعروا باحساس بسيط عن معنى العائله التى انحرموا منها لسنوات
نظر مازن لاخته التى تجلس جواره والابتسامه لاتفارق وجهاا/ فرحانه يا اسراء
اسراء بسعاده/ ياااه… الكلمه دى قليله على انا حساه… انا مبسوطه قوى… لما حضنت عمامى حسيت كأنى حضنه بابا… حضنه دافى اوى وحنين… انا مبسوطه اوووى
مازن بفرحه/مش اكتر منى والله يا اسراء… بعد وفاه بابا وماما…. ضهرى اتكسر…. ملحقتش اتوجع او احزن عليه… كان لازم اقوى علشانك لو ضعفت كنا موتنا احنا كمان
اعمامى طيبن اوى… احساس السعاده الى باين فى عنيهم… لهفتهم لما عرفوا اننا ولاد اخوهم… كفايه عندى اوووى
اسراء بابتسامه/ربنا يباركلنا فيهم
مازن بدعاء/ يارب
اسراء بتساؤل/مازن لي لما اخدنا يحيى عندنا ماخدناش حاجته من المستشفى لى
مازن بهدوء/ انا روحت المستشفى واكتشفت الحاجه الى استغربتها
اسراء بدهشه/ اى هى؟!
مازن بايجابه/ انا روحت المستفشى واكتشفت ان يحيى مكنشى معاه اى حاجه تدل عليه خلاص…. هدومه بس الى كانت موجوده… دا معناه ان الحادثه مدبره…. وده الى هعرفه
اسراء بفضول/وهتعرف ازاى
مازن بضحك/ارجعى ياماما مكانك وانسى
اسراء بضحك/ماشى ياباشا… يحيى… مبسوط
يحيى بسعاده طفوليه وفرحه/مبسوط اوى يا ايسو اننا طلعنا قرايب
اسراء / وانا كمان مبسوطه اوى
يحيى/ تعالى بقا… وهوريكى اماكن حلو كتير اوى فى البيت وهنلعب كلنا
اسراء بسعاده/ اشطا موافقه… يلا يامازن بسرعه… واخذت تغنى بصوت عالى ويحيى يشاركها الغناء بسعاده
ومازن ينظر لهم ويدعو ان تدوم سعادتهم

♧♧♧♧♧♧♧♧♧
فى سياره كريم… لم يكن حال السعاده اقل من ابناء اخيهم… وجوهم مضيئه من فرط سعادتهم بعود ابناء اخيه
سفيان بفرحه/مش مصدق اننا لقيناهم ياذكى
ذكى بفرحه مماثله/ولا انا ياسفيان… اكيد هشام فرحان دلوقتى
كريم هو ينظر لسعادتهم/طب وهتعملوا اى بالمناسبه دى
سفيان/هندبح ونوزع على اهل البلد كلهم بمناسبه رجوعهم
ذكى/هنعمل كده… اول مانوصل بالسلامه… هتفق على الدبايح
كريم بغموض/ عاوزين نعرف مين ورا حادثه يحيى
ذكى/حاجه غريبه… ويحيى محتاج عنايه ومراقبه دايما
كريم /اى هنعين حرس معاه صح؟!
سفيان / لا… اسراء معاه… هتخلى بالها منه
هى الى متابعا حالته…. وهتعرف تتصرف معاه
ذكى/ فى حاجه مهمه لازم نعملها
نظروا له باستغراب
فأكمل/ نأمن اسراء ومازن وخصوصا يحيى كويس
♧♧♧♧♧♧♧♧♧

فى روسيا
وائل بغضب وهو يتحدث فى الهاتف / يعنى اى هرب منكم… انتوا اتجننتوا… انا مشغل معايا بهايم
دخلت الخادمه وتحدثت بهدوء/ مستر وائل… مستر اكس فى انتظارك بالخارج
زفر وائل بغضب وخرج بهدوء مصطنع… رسم على وجه ابتسامه ماكر…. وقال مرحبا/مرحبا مستر اكس… اهلا بك فى بيتى المتواضع
اكس بغضب/ ماتلك الانباء التى وصلتنى… ما الذى فعلته ياغبى
جلس وائل ببرود ووضع قدم فوق الاخرى / وماذا فعلت لكل ذلك الغضب
اكس بغضب/ احقا ماتقوله…. حسنا…. لاخبرك بالذى فعلته
قمت فقط بتفجير قصر احد رؤساء المافيا والاكثرهم خطرا
قتلته هوا وجميع رجاله
فقط هذا الذى فعلته
وائل بهدوء/اهذا اغضبك!… حقا انت مختل… الم يكن ذلك الرجل يسبب مشاكل لنا جميعا… تخلصت منه
لنتفرغ لمهامنا بهدوء
اكس / واتعتقد ان اتحاد المافيا العالمى يكتم على ذلك الخبر
وائل / ليس امامهم خيارا اخر
اكس/ ولاكن امامهم خيار…. قتلك والتخلص منك
وائل/ لايجرؤا على فعل هذا….. والان لنتحدث فى الامر المهم الذى جئت من اجله
اكس ببرود/ يحيى سفيان
اعتدل وائل فى جلسته / ماذا تريد منه
اكس/ روحه… يجب التخلص منه
وائل/ لما
اكس/ تعدى علينا… والمافيا اصدرت قرار بقتله… وهى مهمتك
اسند وائل ظهره للكرسى/ احجزى لى طائره لمصر… يجب تنفيذ المهمه فى اسرع وقت
♧♧♧♧♧♧♧♧♧

فى سياره ادهم….
هيثم بغضب/ علشان بحبك ياختى
مى بابتسامه جميله/ وانا كمان بحبك
نظر لها هيثم بصدمه كبيره…. ثوانى وحلت محلها ابتسامه بلهاء
ضحكت امنيه على ملامح وجهه وكذلك ادهم
هيثم بصدمه/ انتى بتحبينى
امنيه بقرف/ اى شغل المحن ده… على اساش انك مش عارف
هيثم بغضب/بت اخرسى خالص… مش عاوز اسمع صوتك كتك الهم
امنيه بغضب مماثل/ تصدق انا غلطانه…. غوروا يكش تولعوا فى بعض
هيثم وهو ينظر لمى ببلاهه/ تتجوزينى
امنيه بقرف/ قوم بوسها يلا بالمره… ماانت مش عامل لاهلى اعتبار
هيثم وهى يضربها بقوه/ ياشيخه غورى ينعل شكلك
اما فى سياره كريم
سفيان/ كريم… اقرب فندق انزل فيه نريح… الطريق طويل… والشباب مش هتستحمل
ذكى باستغراب/ لى ياسفيان… اول مره نستريح فى طريق
سفيان بغموض/ فى حاجه لازم تتعمل الاول قبل مانوصل الصعيد
ذكى بدهشه/ اى هيا
سفيان بهدوء/ لما نوصل هتعرف كل حاجه
ثم اكمل بهدوء…. لازم اعمل كده والا هتقتلهم
♧♧♧♧♧♧♧♧♧

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية عشقت مريضي)