رواية ملاك الجاسر الفصل الثاني عشر 12 بقلم رنا أحمد

رواية ملاك الجاسر الفصل الثاني عشر 12 بقلم رنا أحمد

رواية ملاك الجاسر البارت الثاني عشر

رواية ملاك الجاسر الجزء الثاني عشر

رواية ملاك الجاسر الحلقة الثانية عشر

في فيلا فهد …
في غرفته صباحا …
كان يفتح عيناه تتدريجيا بزفر فهو لم ينم طول الليل ليغتابه القلق الشديد فهو لم يراها بجانبه ليبحث عنها بهلع ليأخذ أنفاسه بصعوبه ويهدا عندما يراها تجلس في البلكونه بحزنا شديد ليقترب منها وهو يمثل الجمود..
/قاعده عندك بتعملي ايه.
ملاك بغيظ طفولي وحزنا شديد /ايه قاعده بشم هواء ربنا بتنفس ولا النفس كمان ممنوع ي فهد بيه قول مانا الجاريه الي جابهولك .
فهد وهو يكتم ضحكاته بصعوبه علي غضبها الطفولي ليتكلم بحده /بلظبط كده زي ماقولتي مش مسمحلولك تتنفسي حتي غير بأذني فاهمه .
ملاك باستفزاز وغيظ /احمم حوش ي حواش خوفت انا كده صح بقولك ايه انا معبيه منك وكفايه اوي الي عملته انبارح فيريت تسكت احسن واتفضل جدو عمال يرن عليا علشان الفطار كفيانا بقا قله ذوق ومسخره .
فهد بصدمه /مسخره هي البت دي اتجننت ولا ايه.
في الاسفل …
علي طاوله الأفطار …..
عامر بابتسامه/صباح الفل على أحلا بنات .
ملاك وداليا بابتسامه /صباح النور ي جدو .
عامر بابتسامه/ملاكي زعلانه ليه .

ملاك بغيظ/اسال ابن ابنك علشان جاب آخره معايا .
فهد بغيظ /مناقص تقولله مده علي رجليه انتي اتجننتي ولا ايه.
عامر بحده /جرا ايه انتوا هتتخنقوا قدامي ولا ايه.
ملاك بحزن شديد/حتي الخناق مبقاش له لزمه ي جدو.
داليا بقلق /مالك ي ملاك فيكي ايه.
ملاك بوجع وتنهيده الم /مفيش ي داليا متشغليش بالك .
لتنظر داليا الي الهاتف بلهفه وابتسامه بعدما اتاها رساله من جاسر يخبرها أنه ينتظرها بالخارج .
داليا بابتسامه/طيب ي جدو انا رايحه الجامعه محتاجين حاجه مني .
فهد بحده /انا شايف أن من ساعه ماجاسر بقا السواق بتاعنا وبقيتي منضبطه اوي ي داليا .
داليا بارتباك وقلق/ابدا ي أبيه ده بس علشان الامتحانات عن اذن حضرتك .
ملاك بحده /ممكن بلاش السواق بتاعنا دي ومتنساش أن جاسر ابن عني .
فهد بحده وغيره /بقولك ايه انتي كمان مش ناقصه مالكم كده شايفين جاسر باشا ملاك ماشي علي الارض بس الحقيقه أنه مش كده خالص .
ملاك بحده والم /علي الأقل عمره مجرح الي حواليه زيك كده ي فهد بالعافيه عن اذنكم .
فهد بحده/جهزي نفسك علشان هنروح الحاره خلينا نخلص .
ملاك بغيظ شديد/حاضر ثواني وهكون جاهزه .
عامر بخبث ومكر/ايه يا ابني الي انت بتعمله ده هو ده اتفاقنا مش قولتلك حايلها علشان نخلص وبعدين تخلص منها خالص ..
فهد بوجع والم لذلك الفكره /ربنا يسهل ي جدي عن اذنك .
عامر بخبث /اه والله ووقعت ي فهد برافوا عليكي ي بت ي ملاك عرفتي تعملي الي محدش قدر يعمله روضتي الفهد ….

في سياره جاسر …
داليا بابتسامه/اسكت احنا مفضوحين اوي علي فكره .
جاسر باستغراب /قصدك ايه.
داليا بابتسامه/ابيه فهد شكله شاكك اني بحبك غيران من خروجي الجامعه معاك كل يوم بس قلقانه ي جاسر نبرته مريحتنيش .
جاسر بتننهيده /خليكي حاطه كل الاحتمالات وخليكي عارفه أن فهد ممكن يرفض .
داليا بدموع والم /قسما بالله اموت نفسي لو فكر يحرمني منك .
جاسر بانفعال /بعد الشر عليكي اوعي تقويلي كده تاني انا هحارب علشانك مهما كان .
داليا وهي تمسح دموعها بطفوله /جاسر انا بحبك اوي انت قلبي الي بينبض جوايا .
جاسر وهو يحدث ذاته بعتاب /اه ي داليا كلامك ده بيموتني بس اعمل النار الي جوايا مش عارف اطفيها .
داليا باستغراب /جاسر حبيبي روحت فين .
جاسر بانتباه /ابدا ي روحي موجود .
داليا بابتسامه/ماشي ي حبيبي اكلنا بقا من علي عربيه الكشري الي شوفتها المره الي فاتت .
جاسر بابتسامه/كشري طب قولي بيتزا .
داليا بابتسامه/لا زهقت منها عايزه اكل كشري معاك وبعدين ترجعني بسرعه علشان عندي محضره مهمه لازم أحضرها .
جاسر وهو يقبل يدها بخبث /امرك ي برنسيسه .

في شقه اكمل ……
كانت تقف تقي وهي تعد الافطار ليختضنها اكمل من الخلف وهو يقبلها بعشق.
/ياه ي تقي انا حاسس اني بحلم .
تقي وهي تلف يديها علي رقبته بابتسامه حانيه /لا ي حبيبي صدق اننا بقينا مع بعض .
مالك بسخريه/ي سيدي ي سيدي طب راعوا أن فيه حد مش متجوز معاكم .
اكمل بجديه/رايح فين ي عم الي مش متجوز انت .
مالك بجديه/رايح عند فهد الشركه مانا خلاص اتعينت هناك في قسم المحاسبه .
اكمل باستغراب /غريبه مانا ياما اتحيلت عليك مكنتش بترضا .
مالك بابتسامه وهيام /خلاص بقا ي اكمل لازم اشتغل واعتمد علي نفسي علشان فيه حد هيبقى مسؤول مني .
اكمل بغيظ /ولا انت ناوي علي ايه انا مش مرتحلك .
مالك بغيظ /بقولك ايه مش انت رفضت تساعدني انا روحت ل فهد وهو وعدني هيتصرف.
اكمل بغيظ /اللهي تولع انت وهو بمصايبكم دي براحتك ي اخويا خليك ماشي وراءه .
مالك باستفزاز /اخرتها عنب أن شاء الله سلام ي اكمل .
تقي باستغراب /ده مين ده الي بيخبط علي شقتنا دلوقتي .
اكمل بقلق/تعالي نشوف مين .
في الخارج .
تقي بفزع /نجوي مالك فيه ايه.
نجوي بنت عمها بدموع وهي تحمل شنتطتها /الواطي طلقني ي تقي طلقني ورماني في الشارع انا اسفه ي تقي ماليش غيرك اروحله.

تقي بحزن شديد/طب اهدي اهدي ربنا علي المفتري .
اكمل بغيظ /قوليلي اسمه ايه وانا اجرره في المحاكم واخليه بقول حقي برقبتي .
تقي بجديه /نسيت اعرفكم معلش نجوي بنت عمي اكمل جوزي .
نجوي بصدمه /جوزك انتي اتجوزني امتا .
تقي بابتسامه /لا دي حكايه طويله تعالي الاول نفطر
وبعدين نتكلم تعالي .
اكمل بجديه/طيب ي تقي انا هروح الشركه لو احتاجتي حاجه كلميني .
تقي بابتسامه /طب ي حبيبي اقعد أفطر .
نجوي وهي تنظر إليه بإعجاب /اسفه ي استاذ اكمل لو كنت ازعجتكم.
اكمل بجديه/لا ابدا ده بيتك عن اذنكم .
تقي بابتسامه /تعالي بقا ي حبيبتي قوليلي ايه الي حصل..
في الحاره ….
كان يقف فهد بغيظ وغيره وهو يراها تسلم علي الجميع بالحاره فكان يشعر بغيره قاتله من نظرات الشباب لها .
فهد بغيره وغيظ /كفايه كده بقا واطلعي فوق يلا .
ملاك بحزن شديد/حاضر بس هفضل معاك اساعدك انت متعرفش الناس هنا كلهم .
فهد بغيظ وغيره/عمي حمدي معايا وجدي كمان اتفضلي انتي بقا غلي فوق وماتنسيش موضوع رحمه .
ملاك بدمع والم /مشاء الله عليك ي فهد عايز تجمع مابين قلبين وللاسف الحب ده متعرفش عنه حاجه ي فهد انا هطلع فوق .

فهد وهو يحدث ذاته بالم /مكنتش عارف فيه حاجه ولا كان يهمني قبل ماتتدخلي انتي في حياتي ي ملاك ….
علي ضفاف النيل….
داليا وهي تاكل بمتعه/الله ي جاسر طعمه جميل اوي .
جاسر بابتسامه/كويس أنه عجبك لانك معايا هتاكليه كتير فلازم تتعودي .
داليا وهي تمسك يده بحب /معاك اي حاجه هتكون شهد انت دنيتي ي جاسر .
جاسر بوجع ومراره/داليا هو انا مهما عملت هتسمحيني وتعزريني .
داليا بعشق وحب /اكيد هسامحك ي جاسر لانك روحي انت الوحيد الي خلقت داليا بتاع دلوقتي وموت داليا البنت المستهتره الطايشه فتتخيل اني ممكن ازعل منك ابدا وبعدين يالا هاتلي طبقين رز باللبن .
جاسر بضحكه ساحره/ههههه من عنيا حاضر.
في شقه ملاك …
فتحيه بخبث وطمع /اهلا اهلا ي فهد باشا نورت نورت ي عامر بيه اتفضلوا الشاي .
فهد باستفزاز وخبث/لا انا عايز قهوه وتكون مظبطه مش زي المره الي فاتت .
فتحيه بغيظ فهو دائما يعاملها كأنها خدامه /حاضر ي بيه .
حمدي وهو يحتضن ملاك بقلق/ايه ي قلب ابوكي مالك حزينه كده ليه .
ملاك بطفوله وبراءه/ملاك كويسه ي بابا .
عامر بابتسامه/متقلقيش ي حمدي ملاك زي الفل .
فتحيه بخبث ومكر/انا عارفه ملاك حبيبتي مالها اشتقت لاخواتها وهما كمان علي صرخه واحده ملاك ملاك وبقول ل حمدي نروح نقعد معاكم يومين مش موافق .
حمدي بغيظ /مش وقته الكلام ده .

فهد بمكر وخبث/وليه بقا مش وقته لا ي عم حمدي تيجوا تقعدوا معانا يومين انتوا واخوات ملاك .
فتحيه وهي تظن أنها انتصرت /بجد ي فهد الله يكرمك من بكره هنيجي.
فهد وهو يحدث ذاته بخبث /افرحي اوي قسما بالله لاسيقي المر الي كنت بتسقيه ل ملاك واخليكي تكرهي نفسك ..
رحمه بابتسامه واشتياق /ملاك حبيبتي وحشتيني اوي .
ملاك وهي تحتضنها باشتياق /رحمه وحشتيني اوي عامله ايه ي قلبي .
رحمه بابتسامه حزينه/الحمد لله عايشه ازيك ي فهد بيه .
فهد بابتسامه /انتي بقا رحمه اهلا بيكي .
ماهر باحراج /سلاموا عليكم انا اسف ي عم حمدي اني جيت كده من غير ميعاد بس روحت ل رحمه وعرفت انها هنا كنت عايزها في موضوع مهم.
حمدي بترحيب /بيتك ي ابني .
رحمه بغيظ وضيق /خير ي ماهر موضوع ايه ده الي جايلي هنا علشانه.
ماهر بحده /فيه أن برن علي سعادتك بقالي ساعتين مبترديش وكنت عايزك تشوفي البدله الي اخترتها ونشوف الفستان .
رحمه بحزن والم /حاضر هقعد شويه مع ملاك وبعدين هننزل.
ماهر بغيظ /ي سلام ي عني ملاك اهم من احتياجتنا مش شايفه انك مزودها شويه ي رحمه وانا ساكت ومحترمك ي بنت خالتي .
رحمه بزفر /انا اسفه ي ماهر شويه وجايه حلو كده .
ماهر بضيق /والله براحتك تيجي أو لا سلام .
فهد بهمس وغيظ/شايفه بيكلمها ازي واضح أنه بيخنقها شايفه الحزن والالم الي في عينيها مش هنضيع الفرصه ده ي ملاك .

ملاك بتنهيده /حاضر ي فهد .
حمدي بابتسامه /فيه ايه ي جماعه هي دي عقده دي .
عامر بابتسامه/معلش ي حمدي علشان عندنا شغل وانتوا هتيجوا اهو ي سيدي .
فتحيه بخبث ومكر/من النجمه ي سعه الباشا أن شاء الله.
ملاك وهي تحتضن رحمه لتتحدث بهمس /اسمعي بكره عيزاكي في الشركه عند فهد موضوع مهم اوي .
رحمه بحزن شديد/مش هينفع ي ملاك مانتي عارفه الي فيها والهم الي ورايا .
ملاك بتننهيده /حتي لو قولتلك أنه يخصك انتي ومالك .
رحمه بلهفه /مالك .
ملاك بجديه /ايوه اسمعي بس هستناكي بكره متتاخريش .
في الاسفل ….
فهد بجديه/عملتي ايه.
ملاك بعبوث /هتيجي ي فهد هتيجي .
جاسر بسخرية /ايه ده معقول فهد باشا منورنا في حارتنا المتواضعة .
فهد بغيظ شديد/طبعا ليك حق تتفاجي مانت مكنتش تحلم اني اقف اتكلم معاك مش كده .
جاسر بغيظ وحده/ عندك حق ساعات كتير حجات كتير بتحصل مبتبقاش متخيل أنها ممكن تحصل زي أن ملاك زي دي تتجوز واحد زيك .
فهد بغضب /طب أخفا من وشي بدل منمسك في بعض قدام الناس وانت مش قدي .
جاسر بغيظ /متنساش انك في حتتتي ي عني كل البقر الي معاك دول مش هينفعوك بحاجه فاهم .
ملاك بغيظ شديد/انتوا ايه حكايتكم بالظبط ايه النار الي بينكم دي فيه ايه ي جاسر .
جاسر بابتسامه/مفيش ي ملاكي سؤء تفاهم بس هيتحل أن شاء الله.
فهد بغيظ وغيره/يلا ي ملاك .
جاسر باستفزاز /طب استناني بليل جايلك في موضوع مهم ي جوز اختي .

في فيلا فهد …..
ليلا …
كان يجلس عامر وفهد وجاسر …
فهد بحده /خير أن شاء الله ممكن اعرف سعادتك عايز ايه .
جاسر وهو يجلس بغرور /عامر بيه انا طالب من حضرتك ايد الانسه داليا .
فهد بغضب جحيمي/نعم ي اخويا انت باين عليك اتجننت .
جاسر بغيظ/ليه أن شاء الله ايه الي الجنان في كلامي .
عامر بحده /فهد اهدا ولاحظ اني موجود وجاسر شاب كويس وميتعيبش .
فهد بحده وغيظ /ده نجوم السماء اقربله من اختي .
ملاك بحده /ليه ي فهد ماله جاسر .
داليا بدموع وقهره /ليه بتعمل كده ي فهد انا وجاسر بنحب بعض وانا مش عايزه غيره .
فهد بحده/علشان غبيه هو مش عايزك هو عايز يكسرني انا بيكي عايز يتحداني بس لا مش هسمحلك تكوني انتي الشوكه الي هيكسر ضهري بيها .
جاسر بغيظ /انت مريض ودائما شايف الناس كلها بتحاول توقعك من مصايبك .

فهد بغضب جحيمي/مش هيحصل ي جاسر مش هديك اختي تحرق قلبي عليها .
داليا بدموع وقهره وهي تسحب ذلك السكين /قسما بالله ي فهد لو فرقت بيني وبين جاسر هموت نفسي قسما بالله ي فهد لو مجبت مأذون وجوزتنا دلوقتي حالا هموت نفسي واخلص من الوجع ده .
فهد بخوف ورعب/سيبي السكينه دي وبطلي هبل.
داليا بدموع وقهره /جاسر هو حياتي وطالما عايز تبعدني عنه يبقا اموت احسن لان حياتي ملهاش طعم من غيره فاهم ي فهد ملهاش طعم من غيره .
جاسر بخوف شديد/داليا نزلي السكينه دي انا هنا جنبك ومش هتخلا عنك ابدا.
فهد بوجع ومراره /براحتك بس اعملي حسابك لو اتجوزتيه لهتكوني اختي ولا اعرفك وهتخرجي من البيت ده واعتبري ان اخوكي مات اختري ي داليا ي أنا ي هو ..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية ملاك الجاسر)