رواية عشق في حي شعبي الفصل الخامس 5 بقلم ايات

 رواية عشق في حي شعبي الفصل الخامس 5 بقلم ايات

رواية عشق في حي شعبي البارت الخامس

رواية عشق في حي شعبي الجزء الخامس

رواية عشق في حي شعبي الفصل الخامس 5 بقلم ايات

رواية عشق في حي شعبي الحلقة الخامسة

جيجي وهيا تقترب من اختها ببطئ وجدتها علي الارض والد*ماء في كل مكان حتى قامت بالصراخ و سقطت هيا الأخرى من بشاعة المنظر.
وقف عيسى وحمل هايدي وسط صراخ والديها والجيران.
ام محمد بدموع وهيا تنظر إلى عيسى وهو يدخل بها إلى  السياره..... ست سماح .... ياحاج مصطفى مالها هايدي طمنونا عليها .
سماح ببكاء ... الله يخليكي اطلعي شوفي جيجي فوق .
ام محمد وهيا تحاول أن تطمئنهم... حاضر حاضر بس طمنونا علي هايدي متقلقوش علي ابله جيجي .
عند دخول أحد الجيران وجدوا مازن يحاول إفاقة جيجي.
اقتربت ام محمد بخوف...ابله جيجي ابله جيجي فوقي حد يجيب مايا بسرعه.
احضر احد الجيران الماء و أسقطه علي وجه جيجي.
جيجي بفزع.... هاااااايدي.
ام محمد والجيران.... اهدي يا ابله جيجي الحاج و البيه اللي كان هنا ودوها المستشفى .
جيجي بلهفة... مستشفى اي إسمها اي اخلصوا .
ام محمد... والله منعرف هما مشيوا علي طول .
مازن وهو يضع يدة مكان ضربه عيسى... اكيد خدوها علي مستشفى قريبه من هنا تعالي نروح وراهم بسرعه.
خرجت جيجي ومازن ومعهم احد الجيران.
دلفت جيجي إلى المستشفي وجدت ابوها وامها  ... بابا رد عليه هايدي مالها هياا هتبقااا كويسه صح قول صح و النبي يا بابا. 
الاب بحزن... إن شاء الله يابنتي هتبقاا زي الفل.
مازن وهو يضع يده علي كتفها... متخافيش ياجيجي إن شاء الله هتبقاا....
و في هذه اللحظه خرج الطبيب من غرفه هايدي
جيجي بلهفه .... اختي حصلها اي 
الدكتور... متخفوش الحمدلله الجرح سطحي بس خلوا بالكم منها تقدروا تدخلوا تطمنوا عليها.
دخل الجميع غرفة هايدي 
جيجي وهيا تحتضنها ... حمد الله علي سلامتك يانور عيني
الام ببكاء ... ااه ياقلبي سلامتك ياحبيبتي 
هايدي وهيا تضع يدها مكان الجرح... اااه يا ماما شفتي ايدو مرزبه ابن الوارما إلهي ينشك ف ايده 
جيجي... حقك عليه انا ياقلبي متزعليش بعدين ما انتي بروح أمك عملالنا فيها فندام وانتي مش محصله حتى محمد هنيدي
هايدي وهيا تضع يدها علي راسها.... ااه ياختي اااه ياصغيره علي الضرب ياديدي ربنا علي المفتري... الله صحيح هو فين عم دراكولا ده
قاطع كلامهم دخول احد المسئولين... 
الاب... خير يابني 
المسئول... حضرتك انا جاي اطمن علي الهانم ولو محتاجين اي حاجه 
الاب.. تسلم يابني ربنا يخليك بس قولي الحسابات فين عشان ادفع حساب المستشفى
المسئول... الحساب كله مدفوع يافندم عيسى باشا هو صاحب المستشفى عن اذنكم هشوف شغلي لو في اي حاجه ياريت تدوس علي الأزرار الي جنب الهانم هكون تحت امركم 
خرج المساول وبدا الجميع بالنظر لبعض
مازن... هو مين عيسى ده و ازاي يعمل كده
الاب... دا واحد مريض نفسيا بس ده راجل واصل اوي يابني ربنا يشفية و يهدية لنفسة
جيجي وهيا تحاول ان تغير الموضوع... يلا بقاا ست زفته هتعملنا فيها عيانه
هايدي بتاثر... اه ياختي ما انتي مجربتيش ايده ااه يانفوخي يا انا
........... 
عند عيسى.... 
شادي.... مالك ياعيسى اول مرة تكون كده 
عيسى وهو يفكر.....اول مرة اغلط
شادي بتعجب.. انت بتقول اي عيسي منصور يغلط ودي تيجي ازاي
عيسي... مش عارف البنت الي اسمها جيجي دخلتها حياتي وكنت هموت اختها ب الغلط مش فاهم لية كل ده
شادي... مش يمكن المعجزه اتحققت و حبيتها
عيسى بضحك... انا احب و احب دي مش للدرجادي 
شادي... ومتحبهاش لي دي بنت محترمه وانت محتاج واحده زي دي في حياتك
عيسى بإبتسامة خبث..  محترمه اااه معتقدش انا بس نفسي اجرب نوعها ادوقها بس
شادي بتفكير... معتقدش يا عيسى جايز تكون فقيره بس مش منهم
عيسى بمكر... منهم ولا مش منهم ميهمنيش انا عيسي منصور ابص لدي..... بس من ساعة مادوقت حته منها وانا عايز اجرب تاني 
شادي برفعة حاجب... جربت اي بالظبط .... اااااه فهمت عشان كده البنت كانت خارجه بتعيط انت مش طبيعي يا عيسى
عيسي بخبث... جهز نفسك عشان عندنا سهرة بليل بس بعد مروح اطمن علي الاستاذه هايدي وكمان اشوف ردت فعل ست جيجي
......... 
في منزل الحاج مصطفى 
جيجي وهيا تقدم العصير للجيران... اتفضلوا..... اشربي يا أم ياسر انتي انهارده ضيفة متخافيش
ام ياسر بتوتر.. تعيشي ياختي و الله يا ابله جيجي غيارات ابو ياسر كلها بنشرها في الحمام اه ياختي ميهونش عليه زعلكم.
جيجي بابتسامة ... ماشي يا ام ياسر اشربي العصير 
لتدلف شروق وهيا تاكل سندوتش وهيا تبكي.... اااااااه ياهايدي اااه ياقلبي ياصحبتي اي اللي حصلك ياختي
جيجي برفعة حاجب... جر اي يابت ياشروق هتندبي علي اختي يخربيتك 
تصرخ هايدي من غرفتها عندما سمعت صوت شروق...... لاااااا شروق لا و النبي متدخليهاش ياجيجي
دخلت شروق غرفة هايدي بعنف.... صحبتشي مالك ياختشي اي الي حصلك
هايدي بتاثر.... ااااااع ونبي ياشروق كفايه انا تعبانه وحيات امك امشي وانا هبقااا كويسه
شروق وهيا تهجم علي سرير هايدي... هيح لي بس ياديدي دا انا جيباا معيا سندوتشين كبده اي عسل
هايدي بحزن... جيبهملي انا يا قلبي
شروق و الاكل في فمها.... لا طبعا دول لياا عشان هقعد معاكي ولحد امك متعمل الأكل
هايدي.... اااااع ونبي امشي بقاا 
..... 
يدلف مازن داخل شقة الحاج مصطفى....السلام عليكم ياحاج
الاب... وعليكم السلام يابني اتفضل
جيجي بخجل... اتفضل يابشمهندس
مازن بجديه... انا مش جاي اضايف بس حضرتك مقلتليش إن بناتك كان معمولهم محضر قبل كده و إن هما رد سجون
الاب بغضب... اخرس قطع لسانك بناتي ياروح امك احسن من ميت واحد من عينتك روح اسال وشوف قعدو قد اي وكانوا رايحين لي الحته كلها تشهد ب اخلاق بناتي
كل هذا تحت صمت جيجي و هي كانت تحاول ان تخبئ حزنها لكن قطعها من شرودها صوت أحد الجيران .... هو مين ده ياحاج الي بيتكلم علي بناتك.
الاب بإبتسامة مكر... يرضيكي يا ام حموكشه الجدع ده يعيب في بنات حتتكم و انتو اللي مربينهم
وقف جميع الجيران وهجموا علي مازن بابشع الطرق
الاب من الخلف... انتوا عارفين بقاا مكانه في البلكونة جنبكم
الاب وهو يضع يده على كتف جيجي... ميهمكيش يابنتي ده كلب سيبك منو الي يغور يجي مكانه طابور ياجيجي
دلفت جيجي في حضن والدها بحزن.... انا حاسه اني بتهد يابابا 
الاب.. فشر جيجي مصطفى تتهد ده من عجائب الدنيا بقاا
ابتسمت جيجي وخرجت من حضن والدها
لكن سرعان ما دخل عيسى بهيبته... انا جاي اطمن علي الانسه هايدي
جيجي بغضب... امشي اطلع برا يلا مش عايزين نشوف وشك تاني 
عيسى بعدم اهتمام...دا شيك تعويض للي حصل لهايدي 
جيجي بغضب... خد فلوسك و اطلع برا بدل مخلي اللي ميشتري يتفرج عليك 
اقترب عيسى منها وهمس بخبث..  متزعليش اوي كده اعتبرية تمن اللي حصل في المكتب
تحولت عيون جيجي إلى الاحمر من شده الغضب ولم تشعر نفسها إلى وهي تصفعه بقوة
عيسى بغضب... انا هندمك انتي وعيلتك كلها يا جيجي كلكم هتدفعوا التمن
جيجي بحده ... إحنا مبنتهددش اللي عايزة ربنا هو اللي هيحصل
خرج عيسى من منزلهم بغضب و هو يتوعد لهم و هي بالأخص.
........ 
بعد خروج عيسى قررت جيجي أن تنسى كل شئ يخصة
بعد مرور شهر بدون أحداث تذكر
جيجي وهيا في الفصل تدرس مادة اللغه العربيه... صباح الخير يا عرر يا حثالة المجتمع
حموكشه وهو يرفع يده... ابله جيجي ممكن اروح الحمام
جيجي بضيق.... ولا انت مش لسه جاي من بيتكم ولا دة تبول لا ارادي دا يالا اتكل ومتتاخرش 
حموكشه وهو يخرج للحمام ويغمز لزميلته بوقاحه.
جيجي بتعجب... اااه يا إبن المدايقه طب وديني لما ترجع يا حموكشه الكلب وانتي يابت تعالي اقعدي هنا قدامي
سمر... لي يا ابلتشي المكان هنا حلو
جيجي وهيا تقلدها... ليه يا ابلتشي المكان هنا حلو حرمت عليكي عشتك يامفعوصه انتي واي ابلتشي دي قاعده ف كبارية النجوم ياختي
سمر بدلع.. سوري ياابلتشي
جيجي بغضب... تعالي يابت اقعدي هنا
سمر بزهق... هوف بقاا في اي انا عجبني هنا 
جيجي بمكر... خلاص يانور عين ابلتيشك انا هخليكي تقعدي لزق مع حموكشه كده اي لزق
بعد مرور بعض من الوقت
المدير وهو يمر علي الفصول كعادتة ليرا سمر و حموكشه متعلقين علي باب الفصل
المدير... يا نهار اسود مين اللي عمل فيكو كده 
حموكشه وهو متعلق.... ابوس ايدك يا حضرة المدير خلي ابله جيجي تنزلني العيال شغاله تتريق عليه
سمر بغضب... اي ده يا حموكشه عايزة ينزلك لوحدك صحيح الرجاله ملهمش امان انت دلوقتي بتعمل كده اومال بعدين هتعمل اي انا لايمكن اكمل مع عيل هفية زيك
تخرج جيجي من الفصل ببرود اعصاب و تمسك في يدها الخرزانه... عندك حق يا بت يا سمر شفتي بقاا انى كنت عايزه مصلحتك ازاي
سمر بتاثر.... اه والله يا ابلتشي عندك حق يا مأمنه للرجال يامآمنه للميا في الغربال
المدير بتاثر... ايه دا اي ياشيخه العظمه دي بتقولي حكم يا بت ياسمر علي اخر الزمن شقط في فصل تانيه تالت احي احي يا ابو سوسو احي
جيجي وهيا تاكل الخيار..  شفت ياباشا بس علي مين انا ظبطهم و زي ما انتا شايف سمر اكتشفت حقيقة حموكشه بدري و الحمدلله سيطرنا علي الوضع
المدير وهو يلطم... يختاي يختاي كمان المدرسه هتتقفل عشان قصت حب حموكشه و سمر يانهار اسود نزلي العيال دي و اطلبي ولي امرهم
جيجي ببرود.. لا مفيش داعي هي سمر هبله يعني عشان تآمن لحموكشه تاني
حموكشه بتزمر .. جرا اي يا ابله جيجي انتي جيا تهدي النفوس ولا اي ما تصلي علي النبي ف قلبك 
جيجي بتأثر... لا لا ياحموكشه عيب كده عايز تدي سمر علي قفاها لا معرفش عنك كدة
سمر ببكاء .... اااع وربنا لوريك يا حموكشه بس تنزلي والله
المدير... يارب صبرني على ما بلاني و إنتي يا استاذة جيجي قربي نزلي الطالبة دي و يالا اتفضلوا على فصلكم و يا ريت اللي حصل ما يتكررش تاني
بعد مرور بعض الوقت 
ذهبت جيجي إلى المنزل و تناولت الغداء مع عائلتها و تحدثوا مع بعضهم البعض في أمور كثيرة.
هايدي وهيا تاكل... امم بت يا جيجي هاتيلي ازازت الميا دي.
جيجي بقرف.. متقومي انتي ياختي ولا على رجلك نقش الحنه
هايدي ... جرا اي يابت دا الجرح الي ف راسي لسه مبردش
جيجي بغضب... وانا مالي ياختي مش انتي الي عملتي فيها احمد السقا
الام وهيا تصرخ.... بااااااس إخرسي يا بت منك ليها جتكم القرف مصطفي ياا مصطفااااااا
الاب بفزع.... اييي ياوليه سرعتيني
الام بدلع... بناتك ياحاج  تعبوني يرضيك يا حاج ايدي اتهرت من غسيل المواعين وهما ولا هنا
ليقترب الاب منها بحنان... وريني كده سلامتك ياقلبي 
هايدي برفعة حاجب.. جرا اي يامصطفي إحنا هنا متهدا باب الاوضه على اليمين ده مش لاجلي ده لاجل مشاعرنا اللي ريحتها فاحت دي
الاب.. اخرسي يابت وبعد ما تخلصوا طفح خشوا اغسلوا المواعين عشان في موضوع عايز احكية لموحه
جيجي وهيا تصفق... العب ياملعب احبك يا شقي إنت
بعد مرور بعض الوقت 
دلف كل واحد لغرفته ليناموا
 و فجأة استيقظت جيجي ... بت يا هايدي عايزه اشرب  نوليني مايا
هايدي بنوم ... وانتي اتشليتي قومي انتي
جيجي بزهق...خلاص اتخمدي 
ذهبت جيجي للمطبخ
 وهي عائده الى غرفتها اتسعت عينيها من الصدمة فكان المنزل يحترق و الجميع يصرخ ويخرجوا من غرفهم.
الاب وهو يحاول ابعاد النار عن بناته... جيجي هايدي انا هشيل الكرسي وانتو اجروا وانتي ياسماح
جيجي وهيا تصرخ وتحتضن اختها ببكاء .... لا يابابا مش هسيبك 
بدأ صراخ الجيران يكبر  والنيران تشتعل في كل مكان
جيجي وهيا تخرج اختها من حضنها وتصرخ في وجهها... اجري ياهايدي بسرعه من هنا 
هايدي ببكاء ... مش هعرف ياجيجي 
وقعت على الاب نيران تتشبث في زراعه.... يلا يا بنات بسرعه ياهايدي انتي وجيجي و..... 
يتبع..
لقراءة الفصل التالي : اضغط هنا
لقراءة جميع فصول الرواية اضغط علي : (رواية عشق في حي شعبي)
google-playkhamsatmostaqltradent