رواية بسمة الفصل الثاني 2 بقلم شهد ياسر

رواية بسمة الفصل الثاني 2 بقلم شهد ياسر

رواية بسمة البارت الثاني

رواية بسمة الجزء الثاني

رواية بسمة الحلقة الثانية

مشيت ناريمان وسابتني وانا مصدومه وبسأل نفسي انا عملتلها ايه يخليها تتمنالي الموت كدة! انا حتي مكلمتهاش فحياتي غير مرة واحدة من كذا سنة وساعتها كنت بحاول اتعرف عليها ولما هي لقتني بتعثلم قعدت تتنمر عليا ومن بعدها مبقتش اكلمها واحاول افضل بعيدة عنها علي قد ما اقدر مع ذلك كل ما تشوفني تتنمر عليا .
فوسط تفكيري نزلت دموع من عيني شافتني يسرا فجت حضنتني وحاولت تهديني .
= اهدي يا بسمة اهدي كل حاجه هتبقا كويسة..انتِ عارفة ناريمان دي عبيطة واللَّه وبتقول اي كلام عشان بس تخوفك مش اكتر متخافيش انا معاكِ ومش هسيبك واللَّه اعتبريني من انهاردة صحبتك وانا الي هقف لناريمان وصحابها .
قالت يسرا كل دا وانا واقفه لازلت مصدومه وكنت فاقدة القدرة علي النطق..يمكن مكنتش عارفة اقول ايه .
طالبتلنا يسرا اوبر و روحتني وطول الوقت دا كنت ساكتة وشوفت علي وش يسرا القلق .. ايه دا هو في حد مهتم انا حاسة بأي فالدنيا دي؟ انا اول مرة اشوف حد قلقان عليا من بعد ما ولدتي ما ماتت حتي ولدي دايماً مهتم بشغله اكتر مني .
= بيتك هنا ؟

هزيتلها راسي بالايجاب
= بس دي فيلا شريف الصافي اكبر رجل اعمال في مصر ، هو دا باباكي؟
_ا..ايوه .
= انتِ بتهزري صح ؟ وسايبة الي زي ناريمان دي تبيع وتشتري فيكي ! دا بتليفون صغير من باباكي يقدر يوديها هي واهلها ورا الشمس .
_ لل..لا ما ب..بابا م..ميعرفش ح..حاجة .. و مم..مش هق..هقولوا .
= ليه ؟
بصيت فساعتي وبعدين بصتلها
_هه..هبقا ا..اقولك بع..بعدين .
=طب استني هاتي رقمك عشان ابقا اكلمك .
كتبتلها رقمي ونزلت دخلت الفيلا .
دخلت اوضتي وكالعاده بابا مخدش باله اني جيت و روحت المطبخ اعملي غدا
‘ اعملك غدا انا يهان..
قاطعتها وقولت

_ ل..لا شش..شكراً .
سلقت مكرونه وعملت صلصتها و شوحتلي قطعة لحمه .
قعدت كلت وبعدين لقيت رقم غريب بيرن عليا فرديت
ولقيت ان يسرا الي متصلة
_ ا..ايوة يا ي..يسرا .
= بسمة عاملة ايه ؟
_ كك..كويسة الل..الحمدلله .
= ديماً يارب ..بقولك انا بصراحه دورت عشانك علي دكتور وكده .
_ عع..عشان ن..نطقي يعني؟
= ايوة .
_ بب..بس ا..انا مش عع..عايزة .
= لية ؟
اتنهدت
_اا..انا ز..زمان ر..روحت لل..لدكتور ب..بعد وو..وفاة م..ماما بس ف..فضلت ز..زي ما ا..انا فف..فيأست ا..اني اا..ارجع ط..طبيعية ز..زي ق..قبل وو..وفاة م..ماما .
= لا لا متخافيش دا دكتور شاطر اوي .
_ط..طيب ه..هفكر .
= اوكاي يلا باي .
_ بب..باي .
قفلت معاها وقومت ذاكرت ومحستش ان الساعة بقت ١١ فقومت انام لاني بصحي بدري عشان دروسي بس لما جيت انام تليفوني رن برقم غريب تاني ورديت
* ازيك يا ام نص لسان .
_نن..نريمان !

ضحكت بسخرية
*ايوة يا ختي ناريمان الي ان شاء الله هتكرهك فنفسك وانتحارك هيبقا علي اديها .
_ اا..انتِ ل..لي ب..بتكرهيني كك..كده اا..انا عع..عملتلك ..ااية ؟
*ملكيش دعوة انا كده بكرهك من الباب للطاق عندك اعتراض بقا ؟
_اا..انتِ عع..عايزة اا..اية..د..دلوقتي؟
*مش عايزة غير حاجه واحدة .
_ اا..اية هه..هي؟
*اشوفك وانتِ سايحة فدمك وميتة .
قفلت فوشها وانا مخضوضة ومش فاهمة هي ليه بتعمل كده حاولت اشيل كلامها من دماغي بس مكنتش عارفة و الي خلاني بفكر فكلامها اكتر واكتر انها بعتتلي ماسدج علي الواتساب بتقول فيها بالحرف “مش هسيبك غير لما تموتي …و يمكن حتي فالموت مش هسيبك ”

خوفت اكتر وكلمت يسرا وقتها وقولتلها
_ يي..يسرا اا..انا م..موافقه ا..اروح ل..للدكتور .

• لقراءة الفصل التالي : اضغط هنا
• لقراءة باقي حلقات الرواية اضغط على (رواية بسمة)