رواية رياح الانتقام الفصل الثاني 2 بقلم ميرو احمد

 رواية رياح الانتقام الفصل الثاني 2 بقلم ميرو احمد

رواية رياح الانتقام البارت الثاني

رواية رياح الانتقام الجزء الثاني

رواية رياح الانتقام الفصل الثاني 2 بقلم ميرو احمد

رواية رياح الانتقام الحلقة الثانية

صقر مصدوم في الكف كيف جده ضربه قدام الكل 😡 
خش عليهم اسلام:  جدي عم البنت جاء وامعا بنت قال هذي مرت ولدكم 
صقر لف عليه والنار تطلع من اعيونه مجرد ما سمع اسمهم🔥 
الحاج ميلود: علاش مادخلته 
اسلام:قال مستعجل خله البنت برا ومشاه 
الحاج ميلود: وينها هي 
اسلام: واقفه ف الجنان جنب الباب 
الحاج ميلود لف ع صقر: ماتبيش اتشوف مرتك ياصقر 
اب صقر: يابوي راك قاعد تظلم ف ولدي ماسد زوجته لوحده مايعرف عنها شي غير خوها قاتل ولدي 
الحاج ميلود : القاتل ربي ياخد حق ولدك منه اما البنت هذي نبيكم اتعاملوها زي اي بنت من العيله اسمعت شن قلت ياصقر  هذي مرتك اتعاملها معامله اكويسه وانا كلمت هاشم ايطلع اولاد عمها مره تانيه ماديرش شي من وراي 
صقر ضحك بهزوه:  اندير الي نبيه مافيش حد يجبرني علي شي مانبيش 
الحاج ميلود: توا برا جيب مرتك وتعال 
سكت صقر  ماقدر ايرد ع جده طلع بيشوف المصيبه الي دبوسها فيه الي ف يوم وليله صار متزوج ومسؤلية امراء الي هوا يكره جنس النساء 😡 
كان يمشي بسرعه ما ايشوفش شي قدامه من عصبيته شاف جيهة الباب في شنطه وعبايه طايحه ع الشنطه 
صقر ضحك بحقد: تي وينها هذي اكيد هربت الكلبه 
رجع للمربوعه 
صقر يتكلم بهزوه كانه مش مرته: الي ع اساس زوجتوها ليا هربت زي خوها مافيش حد برا 
اب صقر: كيف مافيش حد 
الحاج ميلود: انت متاكد شفتها عند الصبايا بالك امعاهن 
صقر بضحكه ممزوجه بقهر: برا شوفها امخليه شنطتها والعبايه 
الحاج ميلود : وين بتكون بتمشي البنت ماتعرف حد هنا 
امير: خلينا نطلعو انشوفها مرات ما بعدت واجد 
صقر:اهو لعبو عليكم طلعو عويلهم وخدو بنتهم وهربو وانتم خليكم مضحكه 
اب صقر: ياولدي برا شوف البنت دورها وينها هل مره لو طلعو يلعبو علينا وربي يندمو 
طلعو كلهم برا ايدورو فيها 
اسلام واب صقر خشو ع الصبايا يسالوهم وباقي الشباب بدو ايفتشو عليها 
والحاج ميلود وامير بيطلعو برا الشارع بيشوفها 
اما صقر واقف ايشوف فيهم يتحاوسو  
امير بيفتح الباب شاف جيهة الشنطه ايد بيضه  ومصدوم 
امير :ياجدي اهيا البنت مشالها يجري وراء الحاج ميلود 
امير رفع راس فرح ويضرب فيها بخفه ع وجها
امير بخوف: ياجدي هذي مغمي عليها 
الحاج ميلود : لا حوله ولا قوة الا بالله ارفعها بسرعه لسياره تي وينه امكلوب هذاك
ولف ايدور علي صقر  اينادي عليه علي جيت جود و
وفارس يجرو ايشوفو ف البنت الي ف حضن امير 
فارس:  من هاذي 
الحاج ميلود:  برا نادي خوك قوله البنت القينها طايحه ايجي بسرعه 
فارس:  به ومشا 
امير رفع فرح وركبها ف السياره 
وطلعن الصبايا علي دوشت الشباب 
جاء فارس يجري لجده 
فارس:  جدي صقر قال ما دخلنيش فيها ديرو رايكم 
الحاج ميلود بعصبيه: حسبي الله ونعم الوكيل مصر بي ايجنني الولد هذا اركب يا محمد خلينا انشوفو البنت 
ركب اب صقر والحاج ميلود رفعوها لمستشفى
والصبابا ايشوفو لبعضهم مش فاهمين شي 
عبير ام صقر: حد ايفهمنا حاجه من البنت هذي الي ادورو عليها 
الشباب سكتو ماعرفوش شن ايقولولهم 
جمانه: من البنت هذي يا سعد 
سعد عم صقر: هذي مرت صقر 
عبير بصدمه 😨: كيف مرت ولدي شن اتقول انت
اما الباقي ايشوفو لبعضهم ومصدومين
سالم: موضوع طويل ماينحكي فيه هكي خشو داخل توا انفهمكم 
جوري بصدمه واعيونها ادموع: ياعمي ره خوي متوفي ماليش كم يوم وصقر يتزوج كيف هكي قولو اتبصرو صح 💔 
سالم بحزن: خشي توا انفهمكم القصه 
خشن الصبايا وراهم الراجاله وقعد سالم وسعد يشروحو في الموضوع ليهن وحكولهن كل شي
ويقلبوها الصبايا عزا مره تانيه وخاصة ام صقر 💔 
حاولو الشباب ايهدوهم اشويا والصبايا قلبهم تعبا حقد وكره لي فرح قبل حتي لا يعرفنها
.
.
.
.
.
.
.
عند صقر كان يتمرن بقوه في غرفة الرياضه كان امدايرها جنب داره وايفكر ف المصبيه الي طاح فوق راسه كيف ايحلها هوا متاكد مش ح يتقبلها ك زوجه وخاصة ايدور ف خوها بيقتله 🔥 
.
.
.
.
.
.
ف المستشفى عند فرح
اب صقر طالع وساند فرح عليه والحاج ميلود وراه الدكتور ايوصي فيهم 
الدكتور: لازم تنتبهو عليها صحتها تعبانه وعندها نقص ف التغديه انا كتبتلكم اشويا فيتامينات وحالتها النفسيه تعبانه اشوي يعني لازم تبتعد ع الزعل والمشاكل  
الحاج ميلود خدي الورقه: تمام شكرا يادكتور 
الدكتور: العفو هذا شغلي و الف لاباس عليها
ومشا 
اب صقر ايشوف ل بوه واجعهم حال البنت 💔 
طلعو من المستشفى وخدو دواء لفرح وروحو  وفرح كانت ساكته ادموعها بس تنزل 💔😢
.
.
.
.
.
ف مكان تاني بكل ما حكينا عليه 
عزو يلبس ف الكادر امتاعه: زي ماوصيتك اتسكري الباب وراي وجهك علي اكتاباتك وقولي لعمي عندي توكه اليوم ماسك ع واحد صاحبي 
وتين: تي باهي افهمت بابا رقد من امبكري ماما عطاته دواء ورقد وماما ادير ف العشاء 
عزو: تمام ماتبي شي انتي 
وتين: نبي كراسه و اقلام تلوين ابلة الجفرافيا الحرفه قالت تبي كراستين 😂😂 
عزو: تمام الصبح انا امروح انجيبهم ليك 
وتين: تمام ره عندي امتحان الرياضات الاحد راك تنسى قلت بتقريني 
عزو ضحك وشفشلها شعرها: كم عندي وتين عشان ننسى حاضر يوم الجمعه عندي عطله انقريك والسبت انراجعلك تمام هكي 
وتين ابتسمت بفرح: تمام ف امان الله هي امشي خلي نمشي نقرا العربي 
عزوضحك: سكري الباب ماتنسي 
وتين ضحكت: باهي باهي افهمت مش اول مره اتبات برا البيت
احلام طلعت من المطبخ: مازل مامشيت يا عزو اكيد هل الفرخه تشرط بطلباتها كل مره 
وتين ضحكت ع امها وحضنت عزو: وعادي خويا ونشرط عليك انتي مالكش دخل بين اخت وخوها 😂😂 
عزو ضحك: تي امك هذي يافرخه خلاص اطلقيني خنقتيني 
وتين بعدت عنه وكشرت: ازي عليك به بدل ما ادفع عليا مانيش فرخه انا خلاص اكبرت 
عزو يضحك عليها: كم عمرك توا 
وتين تحسب ع يدها : 16 16 اي اي 16 شهر 4 انخش سبعطاش 😂😂معاش اتقولو فرخه ايواه 
احلام تضحك: علي تصرفاتك هذي حتي لو وصلتي 30 سنه تقعدي فرحه 😂😂 
وتين عصبت: ماما خلاص 😡 
عزو ضحك:اتوصي ع شي مرت عمي 
احلام ابتسمت: سلامتك يا اوليدي رد بالك علي روحك 
وتين: ماتنساش اتفاقنا وابعتلي رصيد ماعنديش نت نبي انكلم صاحبتي تبعتلي حل الواجب التاريخ 
عزو:  مافيش رصيد ولا نت اقري امتحاناتك بكرا انروح نلقاك مش قاريه نهارك احرف يا وتين 
احلام: ايوه اعطيها ع راسها اغلبت فيها الفرخه هذي شادتها نت وهذرزه امعا صاحبتها وفايته اقرايتها والله اتجيبي معدل ضعيف ياويلك 
وتين: حرام عليك ياماما نقرا والله اكثر من هكي ناكل الكتابات ولا كيف 
عزو ضحك:ههههه لالا ياعمتي ف الناحيه هذي اطمني اتجيب المعدل الي نبوه ولا شنو ياوتيني
وتين ابتسمت بحب: اي اكيد ح انجيب ممتاز زي ماتبو ❤️ 
عزو ابتسم: هيا انا تاخرت ردو بالكم ع روحكم ياعمتي 
احلام ابتسمت:  في حفظ الله ورعايته انتبه ع نفسك اوليدي 
عزو ابتسم وطلع هوا ايشوف في حنان امه في مرته عمه كيف ربي عوضه علي هلها 
خلي انعرفكم ع بطلنا التاني عزالدين بوه وامه متوفين وحيد وعايش امع عمه يعتبر فيهم زي هله م90 متخرج من كلية الضباط يشتغل امع صقر وصاحبه عزو 
عمه موسى رجل مقعد 💔دار حاذث من سنتين انشل  مرته احلام طيبه واتحب عزو معتبرته كانها ولدها لانها هي الي امربيته من بعد موت هله  💔 عندهم بنت بس ربي ماعطهم اخ ل وتين بس عوضهم ب عزو 
بنتهم وتين عمها 16 سنه تقرا شهاده اعداديه مواصفتها قصيره جسمها امعبي اشوي وبيضه ولون شعرها مائل لبني واعيونها عسليات وعندها غمازات ملامحها حلوه  
عمه التاني عيسى مرته رجاء
عندهم زوز اولاد وبنت
رضا وعلاء و يقين متزوجه وعايشه في دبي  
وتين بعد ما طلع عزو سكرت الباب زي ماوصاها  
وتين:تبي شي ماما بنمشي نقرا 
احلام: تعالي تعشي بعدها اقري 
تعشت وتين هي وامها وخشت امها تغسل ف المعاين وهي خشت لدارها بتقرا رفعت تليفونها ابتسمت بفرح لقت عزو باعتلها رصيد وامعا رساله 
"عزو" تاخدي منها الحل واتسكري النت وتقري فاهمه وتردي عشان ما تتاخرري ع الباص الصبح " 
وتين ضحكت بعتله رساله"" حاضر افندي عزو من اعيوني يا احلا عزو ف الدنيا ❤️"" 
قرا عزو الرساله ابتسم وخش لمركز 
.
.
.
.
.
.
وصلو الحاج ميلود ولده بفرح وصلو لبيت ميلود 
الحاج ميلود: خشي يابنتي داخل تريح 
فرح من غير ما اترد عليه خشت 💔 
الحاج ميلود ايكلم ف ولده: كلملي صقر ايجيني 
محمد: يابوي صقر فوته صقر اليومين هذين ماسد ضربته قدامنا وانت تعرف طبعه صقر واعر انا الي بوه اغلبت فيه مفروض ماتضرباش لو جيته بالتفاهم والهدوه ره سكت ودار الي تبيه مش اتيبس راسه اكثر 
الحاج ميلود:اكثر من هكي تبي انبوس يده وراسه هوا ايعلي ف صوته عليا 
محمد: عنده حق كيف انزوجوه ل اخت الي قاتل ولدي انا ماتكلمت مانبيش نكسر كلمتك قدام الرجاله لانه ولدي الي مات مش كلب ولا قطوسه لين نسكت ع حقه 
الحاج ميلود: توا انت الكبير العاقل اتفكر هك مفروض انت اتعقل اصغارك الي يغلطو لانه اولاد عمه برئين مادخلهم ف القصه وثارك تاخده من القاتل حتي هله وقبيلته تبرو منه وسلمولكم رقبته تلقوه تقتلوه عد الله ميت ميت  ماعنداش وين يهرب حتي البنت هذي مسكينه ندمت انه وافقت ع الزواج حتي هي مظلومه من جراير خوها انا رضيت ع الزواج هذا لانه صقر ايكف شره ع العيله هذي ومايدير مصيبه ساد حارق بيتهم الراجل ماتكلم 
محمد: محلاه ويتكلم ولده قاتل تي هذا اشويا ف حقهم 
الحاج م:يلود: جواد الله يرحمه ادعيله وصدق عليه وربي موجود حق ولدك مش ضايع قال تعالي ""وبشر القاتل بقتل لو بعد حين "" 
محمد هز راسه بحزن هو محروق ع موت ولده 💔 
طلع لحوشه كلم صقر وقاله جدك يبك 
صقر هو ماشي لجده اتصل بيه صاحبه هاشم وقاله انه طلع الولاد الي جابهم عصب واجد 😡🔥 
والحاج ميلود خش داخل القي فرح واقفه ف المامر وتبكي كانت تسمع ف كلامهم 
الحاج ميلود طبط علي ضهرها: ماتبكيش يابنتي كل شي مكتوب من ربي مكتوبلك انك اتجي اتعيشي امعانا عارف انتي مالكش ذنب بس الله غالب الي مكتوب ع الجبين الا ما اتشوفه العين وانا اعتبريني زي بوك تبي اي شي ماتتردي ولا اتحشمي مني 
انا تبكي بعبرتها 💔: بس ليش اخترتوني الضحيه 
الحاج ميلود: لانه ما كان ف حل تاني كان ما درنا هكي ره الثار كبر ويوصل الدم للركب وعويل عمك مايسلموش كلهم كانو ح ايموتو لو اصرف صقر من عنده حتي هلك مايسلمو منه حفيدي ونعرفه توا توا مش ح يسكت لين تطفى ناره 
فرح ادموعها ع خدها بتتكلم بسقها صوت وراها 
صقر بغضب 😡:مادمك عارفني مش ح نسكت ليش اتحاول اتسكتني 
الحاج ميلود بصوت عالي: صقر 
صقر بعصببه: ليش امطلع الخروات من قالك اني بنطلهم اصلا 
انا ارتعبت وخفت من صوته وجهه الي ما يبشرش بخير 
هوا نفسه الي قالو حرق حوشنا بدم بارد 💔 
الحاج ميلود: انا مانرجاك لين انت اطلهم عاطي كلمه للناس والعيله هذي ماتحاول اتقربها لا بشر ولا بخير  سامع الناس توا ولو انساباتك احسب تصرفك 
صقر يتكلم بغضب وضاغط ع اسنونه😡: قصدك ياجدي انت بالزواجه هذي ناوي تلوي اذراعي واتسكتني تبي ايقولو الناس الملازم صقر يسكت ع ثار خوه وانسابته مجارهم هم الي قتلو خوه هههه ولا ناسي الي مات خوي انت تحساب هكي اتسكت فيا تي والله واحد واحد ناخد منهم ثاري الزواج الي درتوه مش معترف بيه من اساسه 😡 من غير موافقتي 
الحاج ميلود هز راسه ب يأس: الكلام امعاك معدوم هذا الي انقول عليه ضابط ويعرف القانون خيبت ضني فيك خود مرتك واطلع من وجهي الله الله ف المعامله امعاها البنت ماليها ذنب وخاف ربي فيها عطي الكيس الي فيه دواء فرح وخش داخل وخلاهم واقفين 
انا بعد الشيباني قال مرتك عرفته هوا الي ازوجني زدت انهرت نبكي عرفت روحي طحت  فجحيم ف يد واحد مايخاف ربي 💔😭 
صقر كان امعصب وقاهره كيف جده ياخد قرارت عنه ويصرف من عنده وايحطه ف امر الواقع و ايخرب كل شي خططله ويكسر كلامه وفوقه هانه وضربه قدام خوته واصغار عمه كان حتي لو مش حاط حاجه ف راسه بس توا خلوه ايزيد ايعند وايسكر راسه وزاد كره لفرح الي مش عارف حتي اسمها 
صقر سمع صوت ابكاها قعد ايشوفلها بحقد حذف الكيس الي اعطاه ليه جده وعفس عليه وقدم جيهتي ومسكني من يدي بقوه 
صقر بغل: وربي اندمك علي ساعه الي فكري اتخشي فيها هل البيت
وطلع وسحبني وراها مش قادره نمشي من سرعته ومن قوة مسكته ليدي حسيت ايدي انخلغت 💔 وانا نبي مش قادره نتكلم وصلنا قدام حوش كبير فتح الباب وحذفني علي طول ايده جيت طايح ع وجهي 
ام صقر طلعت من الصاله شهقت وراها الصبايا 
عبير طبست ع فرح الي تبكي ورفعت راسها: حرام عليك يا اوليدي 
صقر: يا امي ماحد يدخل بيني وبينها واعتبيرها زي الخدامه تحت رجليك وانتي اشر ع فرح نسمعك اتقولي لا صوتك عالي ع امي اتشوفي يوم اسود علي راسك 
عبير وجها حال فرح الي ح تنظلم امع ولدها صح مش متقبلتها وعارفتها هي ضحية 
محمد طالع من الدار: شن في كنه صوتك عالي 
الكل ساكت ايشوف لصقر 
صقر: نوضي اقلبي وجهك من قدامي خير ما نرتكب فيك جريمه اليوم 
انا ماسكه عبرتي ونبكي تمنيت بوي قتلني قبل ما يعطيني ليهم 
عبير: تعالي ياجوري ارفعي البنت لدارك 
جوري: بس ياماما 
محمد: ديري الي قتلك عليه امك 
جوري هزت راسها ونوضتي انا حيلي مهدود مشيت وراها ولحقتنا بيان وبلقيس 
عبير: حرام يا ولدي حتي هي ماليهاش ذنب 
صقر:ذنبها انها اخت القاتل ذنبها انها جت زوجتي من غير رضاي 😡 
محمد : البنت مادخلهاش في افعال خوها كنك ماتفهمش 
صقر بهزوه : افهمنا انها ماليهاش ذنب المطلوب مني ناخدها بالحضان توا ولا شنو 
محمد : احترمي راني بوك مش صاحبك 
صقر:شن قلت انا توا 
محمد: البنت اتعاملها زي خواتك توا هي مرتك وعيب اتعاملها هكي 
صقر ضحك: مرتي اني مش معترف بيها اساسا وخواتي حشاهن منها ماتقارنهن بي وحده زي هذي 
محمد: لا حوله ولا قوة الا بالله شن ف راسك انت 
صقر ابتسم : كل الخير 😏 ماهو انتم تبو هكي خلاص توا اتشوفو 
سماح: بس كيف يامحمد تبينا اندخلو وحده لحياشنا وخوها قاتل ولدنا 
صقر ضحك عليها:  اهي حتي مرتك طلعت تفهم بس انت لا 
عبير: خلاص ياصقر انهي القصه البنت توا مرتك والي صار صار 
صقر هز راسه وطلع 🔥
تيم ايبحت في بوي وعلامات الصدمه علي وجهه: كيف تعطوها البنت وانا طالبها منك ياعمي كيف 
الكل انصدم 😨 
بابا:مالكش فيها نصيب لو ما درنا هكي كان قتلوكم انتم 
تيم 😡: خلينا انموتو انعنا ما انردو كيف تعطيهم بنتك وفوقها امزوجها لصقر الي كان يبي يقتلنا 
بابا: مافيش حل تاني مادرت هكي تحسابني فرحان رفعت لبنتي للموت انا ضحيت بنتي عشان ما انشوف الكسره ف عين خوي ع اولاده ع الاقل بنتي تبقا حيه عندهم ما ايدرولها شي بس انتم كنكم متو خوي من بيعوضوه فيكم ياريت واحد فيكم بس رافعنيه انتم ف حسبت اولادي مانرضاس فيكم شي ولا بنتي رخيصه عندي  وطاح ع الارض يبكي  
عمي:  خلاص اهده ياخوي وانت ما اتزيدها ع عمك الي فيه ساده
تيم يتكلم هو محروق:  بس انا نبي فرح انحبها وامكلم عمي عليها ليش ما ايقولهم البنت مخطوبه متزوجه ماعندي بنات ليش ليش يعطيها ليهم 
عمي: لو ما عطيناها ليهم ره انت وخوتك متو واحني طلعنا من المنطقه 
تيم محروق 💔: عادي انموت وتطلعو شن فيها ولا تعطوهم فرح عارفين انتم بعملتكم هدي خربتو حياتي ياريتني متت ولا سمعت انها صارت نصيب غيري  
اسامه: كل شي نصيب يا خوي
تيم ركب لدار قعد ايعيط وايكسر ف كل شي ايجي قدامه ومقهور ومحروق ع فرح لانه كان ايحبها بجد 💔 مايحسابش القدر والنصيب ايفرقهم الي هوا كان فرحان بعمه اموافق عليه قاله اتكمل اقرايتها وتعال اطلبها رسمي 💔 قعمز هو داهش ويبكي زي العيل الصغير الي فاكين منه لعبته 💔💔💔💔
مرت عمي تبكي وتمسح علي وجه سامر: حسبي الله ونعم الوكيل فيهم الله ايكسر ايديهم 
كانو تيم واسامه وسامر مضروبين بشكل كارتي وجهم كله ازرق ودبشهم امزق وجسمهم مليان علامات وامحلقينهم صفر لو زادو يومين ره ماتو تحت التعذيب  
.
.
.
.
.
.
.
ياسمين ادق علي شوق الباب:  اطلعي غسلي الماعين ونظفي المربوعه وسيقي الجنان انوض الصبح نلقا كل شي نضيف سامعه وخشت لدارها بترقد 
شوق فتحت الباب تنهدت بحزن ودارت كل شي قالتلها عليه وردت لداها تبكي كيف بوها والزمان ضددها 💔 بعد اتفكر ف عرسها 💔 اتموت بحزنها انها ح تتزوج راجل اكبر من بوها 😭💔💔 
علي: بكرا تطلعلي اتشوفي البنت تاخديلها دبشها ره الخميس الجاي الفاتحه قال مابندير فرح ايجي يرفعها وايروح نتفكا من قبل ما اديرلي العار 
ياسمين بخبث: حبيبي خلاص هي بنت وغلطت ومراهقه وطيش شباب انا قتلك ماتخليهاش تقرا ف الجامعه اهو دارت علاقه امع واحد مش معروف اصله انا كان ماهو بنت خوي تقرا غادي ره ماعلمتها وقتلك ره الزمان هذا ايخوف البنت ينضحك عليها بكلمتين بس 
والشاب ياخد الي يبيه منها انا خفت عليها ايصيرلها شي هي زي بنتي حاسبتها 
علي ابتسم: انتي ياطيبه ياقلبك كبير 😍 
ياسمين ضحكت: علوشي 
علي: يا روح علوشك زيدي اقربي 🤤😍 
ياسمين ضحكت بخبث ورقدت ف حضنه 😈😉
وقعدت تحكيله شن بدير 😈
.
.
.
.
.
ف بيت هل صقر 
سماح : نبي نعرف ياعبير ليش ادافعي عليها خوها هو الي قاتل ولدك 
عبير :اهو انتي قلتيها خوها هوا القاتل مش هيا 
سماح: حتي لو خوها من نفس العيله تي والله انا لو ولدي لا قدر الله ره كليتها بسنوني هيا وعيلتها كلها 
عبير : انا نعرف رب ايجازي والبنت مظلومه ماذنبها شي 
محمد: خلاص انتي وياها وانتي كنك تفتني البنت مسكينه انهوها السيره 
عبير سكتت اتشوف لسماح 
سماح: به انحطلك تتعشا هنا ولا غادي 
محمد: لا مانبيش شي روحي لحوشك  
سماح سكتت بقهر:به 
سماح اتعيط ع بناتها: بلقييسسس بيااان هي روحو الحقوني بسرعه وطلعت
انا كنت ساكته ونمسح ف ادموعي انشوف فيهن كيف ايبحتن فيا بحقد نزلت راسي نبكي 😭💔 
بلقيس:اي زيدي اندبي علي عمرك هذا ما فوق قاتلين خونا توا جايتنا بكل عين وقحه تبي اتعيشي امعانا 
بيان: وغيرها متزوجه صقر تي انتي وين وصقر وين 
انا نبكي 💔😭: والله مظلومه انا 💔 
جوري : حتي لو مظلومه احني انشوفو فيك اخت قاتل خونا يعني ماتستني منا معامله اكويسه 
انا نبكي 💔: بس شن ذنبي انا 💔 
بلقيس:ولا دايره روحها مسكينه 😒 
بيان سمعت امها اتنادي عليها: بلقيس ماما تبينا انروحو شكله 
جوري لفت عليهم: خليكم حتي اليوم باتو امعايا 
بلقيس: بالنسبه ليا نمشي نرقد ف داري احسن مانرقد جنب هذي  اشرت ع فرح 
جوري: عشاني خليكم 🥺 انا كيف نقعد امعاها ابروحي 
بيان: خلاص ياجوجو توا نقعد امعاك انا 
بلقيس ضحكت تكلمت بصوت واطي: ديرو بالكم منها ره تقتلكم ف اليل 
جوري خافت: كنك اتخوفي فيا 
بيان قعدت تشبحلي زين ودت شافت جوري: لالا ماضنت ماتقدرش 
بلقيس بخبث: مادم خوها قتل حتي هي تقدر عيله يمشي ف دمهم القتل 
جوري ضربت بلقيس ع راسها: خلاص ساد ابصار رعشتيني 
بلقيس تضحكت : انا عليا نبهتكم
وطلعت لحقت امها 
جوري وبيان قعدو ايبحتو لبعض وطلعو بسرعه  
انا مش عارفه ليش ضحكت ع كلامهم بجد ف نص بكيتي ضحكت 😂 كيف خوفتهم وهربت  
بعد خطر عليا همي والمصايب كيف نزلو عليا في يومين انقلبت حياتي كلها 💔😭
.
.
.
.
وتين كانت تقرا ف امتحانها سمعت صوت الباب ايخبط 
وتين شافت الساعه ف التليفوت كانت 11:45 
قعدت اتفكر من بيجيهم ف الوقت هذا طلعت من دارها فتحت ع امها الدار لقتها راقده هي بوها  سكرت عليهم الباب 
وتين: مرات عزو روح بس عزو عنده المفتاح
وصلت لباب وهي خايفه وخاصة مافيش حد ايجيهم ف اليل
وتين: زعمك نتصل بعزو انقوله هو امنبهني مانفتح لحد اووووف به من بيجينا خلي نسال من لالا مرات عزو ناسي مفتاحه زي العاده فتحت الباب 
وتين اتشوفله بخوف 😨😨 : شن تبي انت جاي 
حط ايده وسكرلها فمها 😏:.......... 
.
.
.
.
.
.
.
تاني يوم الصبح الساعه 7 
صقر خش للبيت كان تعبان من التمارين  فات للمطبخ بيشرب اميه القي امه واقفه اتطيب في الفطور تعصب
وخش ع فرح في الدار 🔥😡 
صقر:............ 
فرح بصدمه 😨💔
.
.
.
.
.
.
شوق تبكي واتشوف للموس ف يدها والباب الي ايخبط
غمضت اعيونها بوجع وقطعت شرين ايدها  مسكت ايديها وهي ترجف وقطعت ايديها التانيه هي مش حاسه بشي غير النار الي بداخلها اشوي اشوي قعدت اتغمض في اعيونها لين طاحت 💔 
علي كسر الباب وشاف بنته والدم امعبه المكان بصدمه وهول الموقف نزل ع رجليه مصدوم ونزلت منه دمعه 💔😥 بس ماتجيش دمعته ف نقطه من ادموع بنته طول هل السنين وعذابها 💔💔
يتبع..
لقراءة الفصل التالي : اضغط هنا
لقراءة الرواية كاملة اضغط علي : (رواية رياح الانتقام)
google-playkhamsatmostaqltradent