Uncategorized

رواية التوأم الفصل الخامس عشر 15 بقلم ايمان

 رواية التوأم الفصل الخامس عشر 15 بقلم ايمان

رواية التوأم الفصل الخامس عشر 15 بقلم ايمان

رواية التوأم الفصل الخامس عشر 15 بقلم ايمان

أتصل عمر بالاسعاف والتى جاءت على الفور وأخذ والده8 ووالدته الى المشفى وبقيت ضحى بجوار رغد فيما غادرت سهى المنزل
أنتى حتفضلى هنا ياماما
ايوة امال عوزنى اسيب توفيق لوحده
يا ماما دا فى العناية المركزة يعنى مش محتاجك
أنا لا يمكن اسيبه واروح
طب وحنسيب البنات لوحدهم فى البيت
طب روح انت لخواتك وكمان عشان تلحق تنام شوية قبل ما تروح الشركة ماهو مش حينفع تسيب شغلك وتفضل جنبنا 
طيب يا ماما أنا حروح وحفوت عليكى الصبح قبل ما اروح الشركة 
عندما سمعت ضحى بابا الفيلا يغلق هبت فزعه وهى جالسه بجوار رغد ثم عادت الى هدوءها عندما رأت عمر أمامها فقالت على الفور 
بابا عامل ايه ياعمر
طب تعالى بره عشان عماد قالى ما نتكلمش جنبها
طيب . ها ادينا خرجنا بابا عامل ايه
بابا فى العناية المركزة ياضحى لانه اتعرض لازمة قلبية
فقالت من بين دموعها يا حبيبى يابابا ربنا يقومك بالسلامة يارب 
امال هى فين الهانم 
سهى أخدت هدومها ومشت منها لله هى السبب فى كل اللى احنا فيه ده يارتها ما رجعت
ان شاء الله كل شىء حيكون تمام الدكاترة قالوا ان بابا وصل فى الوقت المناسب الحمد لله 
طب لما رغد تفوق اقولها ايه عن بابا
اوعى تقوللها انه فى المستشفى ولا تحكى اى حاجة من اللى حصلت دى
امال حعمل ايه اكيد حتسألنى بمجرد ما تفوق
بصى قوللها ان فى صفقة سافرت الامارت وحصل فيها مشكلة وبابا سافر عشان يحل المشكلة دى بنفسه
طب ولما تسأل عن ماما
ابقى اتصرفى بقه ياضحى قوللها انها خرجت تشترى حاجات فى المطبخ اى حاجة لحد ما اقدر اقنع ماما تيجى البيت
طيب خلاص طب احضرلك العشى
لالا مليش نفس خالص انا حدخل احاول انام
طيب وانا حمدد بقه على الكنبه اللى فى اوضة رغد 
لا روحى نامى فى اوضتك هى كده كده مش حتفوق غير الصبح عماد قالى كده
طب خلاص تصبح على خير 
وانتى من أهله
واتجه كل منهم الى غرفته ، وبمجرد ان تمدد عمر فى فراشه أخذ يفكر فى كل ما حدث وفجأة هب واقفا واتجه لغرفة رغد أضاء نور الغرفة وجلس بجوا  فراشها وأخذ يدها بين يديه وأخذ ينظر اليها وهو يقول :
أنا أسف انا اسف على كل اللى عملته معاك أروجوك تسامحينى وانا اقسملك انى حعوضك عن الاسلوب الوحش اللى  كنت بتعامل معاك بيه الفترة اللى فاتت وانك مش حتشوفى منى غير كل حب ومودة ورحمة بس قومى بالسلامة عشان خاطرى انا بحبك بحبك أوى يارغد 
وفى هذة الاثناء دخلت ضحى عليه 
ايه اللى صحاك من النوم ياضحى
أنا مانمتش اساسا مش جايلى نوم قولت اجى اقعد جنب رغد اتاريك سبقتنى وقاعد تحب
حتى فى اللى احنا فيه ده برضو بتتلمضى
اعمل ايه ياعمر خلقه ربنا اعمل ايه بس
ماشى ياضحى بس لما افوق لك
بتحبها بجد ياعمر
ليه بتسألى السؤال ده ؟!!
يعنى عشان مكنتش طايقها وعشان هى توأم سهى والشبه اللى بينهم
على فكرة بقه رغد مش شبه سهى نهائى
نعم دا اللى هو ازاى يعنى
اللى يبص ليهم من بره بس يقول اللى انتى بتقوليه لكن اللى يبص ليهم من جوه يعرف الفرق
انت حتجننى هو ايه اللى من جوه ومن بره ده
طب فكرة لما مرة كانت سهى دخله علينا وقولتلك يييه ايه اللى جاب دى دلوقت وانت وقتها استغربتى وقولتيلى هو انت ازاى بتعرفهم من بعض وبتميز بينهم
ايوة فاكرة
كنت بعرفهم من عنيهم سهى عنيها كلها غل وكراهية اما رغد عنيها هادية ورايقة وبريئة ما اخدتش بالى من كم الغل والكره اللى فعنيها الا لما شوفت عنين رغد طول عمرى كنت شايفها ملاك الحمد لله انها ظهرت على حقيقتها ومفيش بينا ولاد وكانت قصتها هى وأختها اتكررت تانى 
فعلا الحمد لله
صباح الخير ياعمر . رايح الشركة
ايوة بس حعدى اطمن على بابا وماما الاول وانتى خدى بالك من رغد ولما تفوق زى ما اتفقنا بلاش تقوليلها اى حاجة مزعجة
طيب ربنا يستر
يارب يلا انا ماشى ولو احتاجتى حاجة اتصلى بيا 
حاضر
صباح الورد يا قمر
صباح الخير ياضحى 
هاا احضرلك الفطار
لا استنى بس هو ايه اللى حصل وفين بابا وماما وسهى وعمر
أخذت ضحى نفس عميق وبدءت فى انتقاء كلماتها بمنتهى الدقة كى لا تتسبب فى مشكلة جديدة لها
طب مانفطر كده الاول وبعدين نتكلم فى الحاجات الكتير دى
 لا قوليلى الاول فين بابا
اه بابا . بابا ياستى حصلت عنده مشكلة فصفقة كده كانت سفرت الامارات وهو اضطر يسافر عشان يحلها بنفسه
فقالت رغد ساهمه : آه طب وسهى سهى فين وعمر عمل معاها ايه
سهى زى ما رجعت فاجأة ومن غير مقدمات برضو لمت هدومها ومشت بدون مقدمات
ايه ازاى وبابا سبها تمشى كده
حيعملها ايه هى قالت انها مش عوزة تعيش معانا
آلو صباح الخير ياعماد
أيه الاخبار عندك عمى توفيق عمل ايه بعد اللى حصل 
بابا جاتله ازمة قلبية امبارح بعد ما اتخانق مع الزفته سهى ونقلناه المستشفى
ايه عمى توفيق فى المستشفى
ايوة
طب وانت معاه ولا فين دلوقت 
انا فى الشركة ماما هى اللى معاه
الله يكون فى عونك ياعمر طب انا كده مش حقدر اروح البيت عندك عشان اطمن على حالة رغد والبنات لوحدهم
اه عندك حق طب بص انا ربع ساعة واكون فى البيت كويس كده 
اه ان كان كده يبقه كويس
خلاص اتفاقنا 
عمر!!!! ايه اللى رجعك بدرى فى حاجة ولا ايه ؟؟
ايه مالك مخضوضه كده ليه مفيش حاجة اصل عماد جاى يطمن على رغد وطبعا مش حينفع يجى وانتوا لوحدكم فى البيت
فارتبكت ضحى عندما سمعت بمجىء عماد ولكن عمر لم يلحظ ارتباكها ثم قالت على الفور : اه طيب
هى رغد فاقت ولا لسه
صحيت من بدرى
سالتك عن حاجة 
اه سألت عن الكل بابا وماما وسهى وقولتلها زى ما اتفاقنا 
طيب انا حطلع اطمن عليها
ماشى يا عم الحنين بقولك انا كنت نازله اعمل لينا كوبيتين شاى اعملك معانا 
طبعا بس اعمليهم على نار هادية 
بس كده عنيه
السلام عليكم
وعليكم السلام عمر
عاملة ايه دلوقتى 
بخير الحمد لله
مالك شكلك عوزة تقولى حاجة 
عمر الكلام اللى قولته عن سهى انها يعنى كانت عايشة مع واحد من غير جواز ده صحيح
رغد خليكى فى صحتك وبس دى اهم حاجة
أرجوك ياعمر جاوبنى الكلام ده صحيح 
ايوة صحيح وانا أتأكدت منه بنفسى . ممكن أعرف انتى بتعيطى ليه دلوقتى انا مش عوزك تفكرى فيها نهائى واعملى زى بابا واعتبريها ماتت او ملكيش اخت من الاساس وكفاية عليك ضحى
أيوة الحمد لله ربنا عوضنى عن أمى بماما سعاد وعن أختى بيك انت وضحى
ايه لاااااااا مش حينفع كده خالص
هو ايه اللى مش حينفع؟؟؟
انك تعتبرينى أخوك
أنت لسه بتكرهنى عشان شبهها
لا مش كده بس انفع اكون لك اى حاجة صديق حبيب لكن أخ دى مش حيحصل
فابتسمت رغد
الله ابتسمتك حلوة اوى اوى
وفى هذة اللحظة سمع جرس الباب فانتفض إثر سماعه وقال : يعنى انت لازم تيجى دلوقت يا سى عماد
وهب واقفا وهو يقول : يلا لمى شعرك ده بحاجة واتغطى كويس عشان عماد جاى عشان يشوفك
حاضر
عندما سمعت ضحى جرس الباب أسرعت بفتحه لتكون اول من يستقبل عماد
اهلا دكتور عماد
ازيك ياضحى عاملة أيه
الحمد لله
ايه هو عمر لسه ما وصلش 
انا هنا من بدرى ياسى عماد تعالى 
صعد عماد ومن وراءه ضحى وهى فى غاية السعادة ثم قاده عمر لغرفة رغد
السلام عليكم عاملة ايه انهاردة يارغد
وعليكم السلام الحمد لله يا دكتور بخير
طب ايه عوزين حاجة انتوا الاتنين يلا اتفضلوا بره
كده يا دكتور طيب
ضحى : هو طلعنا بره ليه
اكيد عشان يتكلم معاها براحته عن اللى حصلها امبارح
طب انزل انا بقه اكمل الشاى 
اه واعملى حساب عماد 
من غير ما تقول طبعا عامله حسابه
وبعد قليل خرج عماد من غرفة رغد فأخذه عمر لغرفة المكتب 
اتفضل اقعد يا دكتور
بحبك أوى وأنت بتدينى برستيجى يا عمر
يلا قولى عاملة ايه دلوقت
لا الحمد لله احسن بس برضو بلاش اى اخبار مزعجة الفترة دى
يعنى نفضل مخبين عليها ان بابا فى المستشفى
ايوى اوعى تقولها وان شاء الله هو كمان يقوم بالسلامة قريب انا كمان حبقه اروح اطمن على حالته بنفسى 
ربنا يخليك ليا يا عماد 
ضحى : اتفضلوا الشاى
عماد : شكرا يا ضحى استنى كده
وأخذ رشفة من الشاى ثم قال لها بإبتسامه : معقول لسه فكرة مزاجى فى الشاى
ضحى بارتباك : ايوة مش انا كتير كنت بعملكم الشاى أيام ثانوى لما كنتم بتذكروا سوا
صحيح وحقيقى احلى شاى اللى كنت بشربه من ايدك
عمر : ايه انتوا حتفضلوا تفتكروا الذكريات ومش حنكمل كلامنا ياعماد
ضحى بغيظ : طب انا حطلع لرغد 
عماد : اتفضلى
أتأخرتى عليا ليه يا ضحى
كنت بقدم الشاى لعمر ودكتور عماد
فردت بخبث : آآآه قولتيلى 
مر يومان لم ترى فيهما رغد سعاد وكلما تسأل عنها ضحى تتزرع لها بحجة جديدة غير ان ابيها لم يسأل عنها وعن حالتها وهو الذى تركها وسافر وهو يعلم انها مريضة شعرت بعد كل هذا التفكير بان هناك شىء ما تخفيه عليها ضحى ومعها عمر فنتهزت فرصة أن ضحى تركتها  قليلا وقررت أن تغادر فراشها وتخرج من حجرتها لتكتشف الشئ الذى يخفيانه عنها 
خرجت رغد من غرفتها واتجهت لحجرة ابيها فوجدتها خاليه فتجهت الى السلم لتنزل  للطابق الاول وما ان نزلت اول سلمتين حتى شعرت بالدوار يداهمها
يتبع…
لقراءة الفصل السادس عشر : اضغط هنا
لقراءة باقي فصول الرواية : اضغط هنا

اترك رد