رواية رياح الانتقام الفصل الأول 1 بقلم ميرو احمد

 رواية رياح الانتقام الفصل الأول 1 بقلم ميرو احمد

رواية رياح الانتقام البارت الأول

رواية رياح الانتقام الجزء الأول

رواية رياح الانتقام الفصل الأول 1 بقلم ميرو احمد

رواية رياح الانتقام الحلقة الأولى

انجو الليلة المشئومه 💔  
في مكان شبه معدوم من الناس ومقطوع زوز من افخم السيارات تندره و سرليون واقفين عكس بعض واقفين جنبهن شابين في منتصف العشرينات واصواتهم عاليه والغضب مالي وجهم 
جواد بصوت مليان غصب :تي تحسابني عيل بتسكتني بص مليون ماكان اتفاقنا هكي 
مالك بعصبيه: لا والله انا الي انطيح في الرصاص وبايع روحي اشوي ومتت تبي نعطيك حقي لا يا بابا احمد ربك عطيتك نص مليون واجد عليك حتي هذين 
جواد مسكه من قميصه ولصقه في السياره يتكلم بغضب والنار طالعه اعيونه 🔥: ماتلعبش امعايا يامالك ره نرميك وراء الشمس وديني مانعبد اتصال واحد ايجيب اخرتك ولا انسيت جماعة الحدود كيف ايدورو في الي سارقهم 20 مليون ولا انسيت الصفقه الي خنبتها منهم 
مالك مسك ايدين جواد وبعده عنه وقعد يضحك 
مالك بضحكة خبث : اتهدد فيا انت 
جواد 😡: افهمها كيف ماتبي يا تقسم بنص يا اتشوف نهايتك اليوم بعدك الجماعه دمهم يغلي ايدورو في غنيمهم مايعرفون العقرب الي امربينها بينهم واتقين فيها 
مالك ضحك: اووووف عليك طمع النص شكلك تحلم 
جواد: والله الي عندي قلته ليك انا قريب ضيعت مستقبل خوي من جراريك عشان انمن ليك الطريق 
مالك يضحك بخبث : هههههه من ايقول خو اكبر ظابط ادير هكي ويتعامل امع الحشيش والتهريب 😂😂 
جواد ضربه بوكس: ماتغلطش وربي اندمك 
مالك يضحك: خوك يعرف انك من الجماعه الي ايدور فيهم ولا فالح في الكبسات ع الاستراحات امداير روحه شايخ علينا وخوه اكبر صرصري للحشيش 😂😂 
جواد نزل فيه ضرب: ولد &&&& يا&&& تي وربي جنيت ع اخرتك  
وقف جواد من مالك يمسح في يده وطلع تليفونه اتصل برقم وعطا مالك بضهر 
جواد:  ايوا خالد 
خالد: اهلين ياغالي 
جواد يتنفس بقوه: ره غنيمكم عندي 
خالد وقف بصدمه:كيف من هوا
جواد بيتكلم :م   طااااااف طاااااف طاااااف  💥 
طاح ع الارض فاقد الوعي 💔 
خالد سمع صوت الرصاص ايعيط بصوت عالي: من من الوووو تسمع فيا جواد من هوا  الوووووو 
وانقطع الخط 
مالك سكر التليفون وضحك بنصر 😂 وحذفه وعفس عليه تكسر: لا انت ولا عشره غيرك يوقفو في طريقي 
طبس رفع الشنطه وضحك بخبث: هههه زيادة الخير خيرين 😂  
ركب في سيارته طلع يجري وايسطرب ويضحك 😂  
مايعرفش انه في كانت في كاميرا قدام محل ما يبعدش هلبا عليهم  
وصل لشقته الي مايعرفها حد رفع حاجاته و وصلاته رساله ابتسم وركب فيه سيارته وطلع  
.
.
.
.
.
بعد مرور يومين
في مكان تاني او ب الصح المركز الشرطى 
هيما: سيدي تواصلنا امع صاحب المحل وحصلنا الكاميرا طلعت تشتغل تبي نفتحها ليك اتشوفها 
صقر وقف بسرعه: افتحها شن اتراجي  
هيما طلع الفلاش من وركبها في الابتوب وفتح الفيديو امتاع يوم الي مات فيه جواد قعد ايمرر في الفيديو لعند وصلت سيارة جواد وبعدها مالك بدا النقاش بينهم زي ما نعرفو لين هربت مالك  
صقر ايشوف لفيديو يتكلم بعصبيه: ماعرفتو من الي في الفيديو 
هيثم واقف وراء صقر: اي عرفنا السياره اتكون لصاحب خوك اتكون لمالك محمود وعليه وسجله امعبه واحد من الروس الي نبو انيحوهم بس ماكان عندنا دليل عليه
لانه في لمح البصر يطلع منها 
صقر اعيونه تقدح نار 🔥 : توا تعلم كل الدوريات وتبعت الفيديو لكل المراكز ب القاء القبض عليه وانتم تطلعو ورايا لبيته الكلب 
ابراهيم: علم سيدي وطلع بسرعه 
صقر رفع اسلاحه وتليفونه وطلع لحقه هيثم وباقي الشرطه 
جود وفارس وامير خشو بسرعه من باب المركز 
امير: صقر صح عرفتوه الي قاتل جواد 
صقر:اي 
فارس: من هوا وشن السبب 
هيثم: لحد توا ما نعرفوش شن سبب المشكه بس الكاميرات طلعوه مالك صاحبه 
جود بصدمه : مالك مالك انت متاكد تي هذا صاحبه معقوله 
امير بعصبيه: ولد &&&& تي قتله مليون مره يبعد عنه الولد مش مزبوط 
صقر خدا الاسلكي من هيثم واضح عليه ملامح الغضب 🔥: تي وربي طاح وين استراح الا ماناخد حقه ثالت متلث 
ابراهيم خش بسلاحه: افندي صقر السيارات جاهزات والشباب جاهزين وبلغت كل الوحدات التابعه لينا 
صقر هز راسه وطلع بكل شموخ بمشيته الي ماليانه هيبه و جهه الي فيه ملامح حاده اتخليك اتخاف توقف جنبه من كثر ما نضرته تقتل 🔥 
طلعو الشباب وراء 
امير: صقر بنمشو امعاكم 
جود: اي ماتقولش لا نبي الكلب هذا نقتله بيدي 
صقر لف عليهم:تمام انت وامير اتجو امعايا وانت يا فارس برا اقعد جنب بوي ف العزا 
فارس: بس 
صقر بصوت فيه نبره من التهديد: لا بس لا بسين اتروح تقعد انت و اولاد عمامك غادي بوي محتاج حد يوقف جنبه 
فارس :تمام بس خليت امعا اولاد خالي و اولاد عمامي 
صقر ضحك بهزوه:توا اولاد خوالك تحسبهم ع الرجاله تي برا دير الي قتلك عليه 
امير: بشويا علي الولد يا صقر مش هكي 
صقر ركب في السياره ما عدل عليه 
امير نزل راسه باسف وطلع مفتاح سيارته وعطا لي فارس 
امير: خود سيارتي واخطم ع المستشفى وروح بي بيان وجوري وطول لبيت تمام 
فارس هز راسه وطلع وجعه كيف خوه مش امدايرله اي قيمه ولا محترمه قدام الناس 💔 
اما الباقي ركبو سيارتهم واتجهو لي بيت مالك والكل مش ناوي ع خير 🔥
اكيد كلكم مش فاهمين شي عندكم حق  خاشه زي الحاذث فيكم 😂😂😂  المهم تعالو نتعرفو ع العيلة صقر  
طبعا عيلة صقر تتكون من الحاج ميلود و الحاجه امنه متوفيه 
عندهم 3اولاد وبنتين  
الولد الكبير محمد متزوج مرتين مرته الاوله عبير عنده منها 3اولاد وبنت الي هم
صقر م 88 واعر وعصبي مايتفاهمش نهائي ظابط ويشتغل ف المركز عنده كريزمه خاصه طويل لونه برنزي شعره اسود كيف ظلام اليل قلبه من حجر  مجرد من الاحاسيس والمشاعر وحياته كلها خدمته يا تدريب يا مركز بس  توا نتعرفو عليه فيه الروايه اكثر 
جود م 90 انسان حقاني مايحبش الظلم وهادي في حاله بس تعفسله ع طرف اتشوف جود واحد تاني 🔥 
جواد  م 93 الي توفى 💔 
جوري م 97 هاديه وطيبه وحساسه واجد 
اما مرته التانيه سماح  عنده منه زوز اولاد و 3 بنات 
امير م 91 مهندس نفط اغلب وقته مش ف البيت امسافر 
بتول م 94 متزوجه وعندها بنت 
فارس م96 شخص طايش وحياته كلها لعب بس 
بيان م 97 امسمينها ام السان 😂 قول عرب زمان تاخدك للبحر واتردك عطشان هذي بيان بلسانها تقدر تاخد الي تبيه شخصيتها قويه وقدوتها ف الحياه صقر  ماتخافش منه نهائي عكس الباقي ايخاف منه 
بلقيس م 99 اخر العنقود السانها ملوي علي رقبتها فيها نوع من الخبث 😈 
اما الولد التاني للحاج ميلود اسمه سعد مرته جمانه
عندهم زوز اولاد وبنت 
صدام م 90
معتصم م 93
موده م 95 
الولد الاخير للحاج ميلود اسمه سالم مرته نجاح
عنده زوز اولاد بس 
حسام م 89  دكتور ليه سنه امروح من المانيا واخد فيه طبع الجانب واجد عقليته متفتحه ومتفاهم لي ابعد الحدود 
وسام  م 94 
وبنت الحاج ميلود الكبيره اسمها خديجه عندها ولد وبنتين
اسلام م 92
ليلي  م 95 
ريما م98 
وبنت الاخيره للحاج ميلوه اسمها انتصار متوفيه من 7اسنين راجلها اسمه علي  عندها بنت وحده اسمها شوق م 97  عايشه امع بوها اتجي لعيت خوالها في العيد بس  
مرت بوها اسمها ياسمين عندها ولد وبنت اصغار
إياد عمره 5 اسنين وايلين عمرها 3 اسنين
وهذي عيلة الحاج ميلود عارفه واجد الاسامي ح اتلخبط واجد بس في منهم ماعندهمش ادوار هلبا في الروايه 
انردو لروايتنا
.
.
.
.
انجو لعيله تانيه كانت خايفه اتركب ف الشناطي في السياره وركبو وطلعو بسرعه عاليه من الشارع 
تيم اعيونه علي فرح :خلاص يا مرت عمي ماتبكش شوفو البنت كيف رعشتوها لونها مخطوف 
سليمه تبكي وتمسح ف ادموعها: فجعونا الله يفجعهم 😭💔 
بابا لف ع بنت هو داهش ياخد النفس: البنت خدت فعجه مش فاهمه شي يا بابا ماتخافيش مافيش  شي 
فرح وجها اصفر ادموعها ع خدها: شن يبو منا ليش قعدو يرمو في بيتنا 
بابا بحزن: خوك قاتل ومطلوب هذوم الشرطه والكتبيه جو يرمو ماصارش شي 
فرح تبكي: بس وينه مالك خوي يا بابا ره يقتلوه 
بابا بحزن:الله يغضب عليه دنيا واخره بلاني هرب الكلب دار عملتها و اختفى
سليمه تبكي وحاضنه فرح 
بابا: وين خوتك يا تيم 
تيم: خوتي اسامه خليته في زنقة الشارع ايراقب و سامر في المحل 
بابا: ومن خبركم انه مالك هوا الي قاتل 
تيم: عندي ولد نعرفه في المركز حكالي القصه 
بابا بقهر: هل مغضوب الولدين كان يمسكوه الشرطه بالك انتفكا من مشاكله 
تيم: سيورها تفرج ياعمي 
تيم مارفعش اعيونه من فرح 
وصلو لبيت هل تيم الي هوا خو محمود اسمه عبدالله
وخشو داخل الكل كان سامع بالمشكله تجمعو ايحاولو ايحلو المشكله
الكل ساكت وايفكر في المشكله قطع تفكيرهم اتصال هاتف محمود كان واحد من الجيران 
بابا: الو 
الراجل: الحق يامحمود بيتك والعه فيه النار 
بابا بصدمه:  كيف من شنو 
الراجل: والله الشارع زحمه وسيارات اسلاح و شرطه 
ماهمم امخلين حد ايطفي النار قالو ولدك قاتل خو الظابط و لقيو كميه كبيره من الحشيش في بيتك 
بابا نزل عليه الخبر زي الصاعقه بيته الي انحرق والحشيش الي فيه بيته كيف جاء 
الراجل: حرقو البيت كامل مابوش ايخلو سيارة المطافي اطفي النار و ايدورو فيكم سالو الجيران كلهم عليكم 
بابا نزل راسه بحزن وقهر تعب اسنينه مشا 💔: لا حوله ولا قوة الا بالله اللهم اجرني في مصيبتي واخلف لي خير منها  
سليمه شهقت وحطت ايدها ع قلبها اتراجي في شن ينطق فكرت انه ولدها مات 💔 
اما الباقي ايراجي في محمود يتكلم 
الراجل:وين انتم توا ره مش ناويلكم علي خير نسمع في واحد ايقول لو نفني قبيلته كلها مش بس عيلته ما ايبردش ناري ولا تطفى لعند ناخد بثاره 
بابا معاش تحمل الي يسمع طاح من طوله  
صارت حوسه فيها بعضها وسعفوه في البيت لانه محمود صاحب سكر طلع السكر هابط وناض بعد نص ساعه ومزال دايخ
اما فرح واقفه بيعد تبكي علي بوها وخوها الي وصلهم للمرحله 💔 الي كانت عيلتهم بسيطه وحلوه مليانه فرح صح خوهم كان ديما امنكد عليهم بمشاكله 
عبدالله: تي وسعو عنه خلوه يتنفس الراجل وانت افتح المكيف 
سليمه هي اتحط العسل في فم محمود: مزال دايخ حتي دواه انسينا في الحوش اليبرا ما ضربهاش 
تيم: توا انجيبله من الصيدليه الي في الشارع نفسه دواه الي قبل 
سليمه : اي  
عبدالله: ابسرعه ياوليدي جيبه 
بابا اشر بيديه ب لا وايهز في راسه 
الكل مش فاهمين عليه طلع تيم بسرعه ماطولش 10 دقايق ورجع امعا الابره 
تيم:والله كانو مايبو يعطوني من غير وصفه ولا البطاقه كان ماهو الولد صاحبي ره ماخديتها 
فرح خدت الابره وسحبتها وضربتها لبوها  
فرح: ياعمي نرفعوه للمستشفى احسن 
ماما: لالا خلاص توا يتحسن  
رن تليفون تيم وكان خوه اسامه وحكاله علي حرقة البيت والقصه كلها وخبرهم كلهم وماما ما بطلتش بكي  
اما انا كانت اتار الصدمه علي وجهي مش عارفه المصايب هذين وين كانو كانه حلم قبل ساعتين كنا في بيتنا وكنت راقده في سريري ونسمع في الاغاني وكيف انقلب حالنا 💔😢 
اشويا وصحصح بابا وحكالنا علي كلام الراجل
وقعد عمي ايصبر في بابا 💔 
مرت عمي: ياخوفي ايهدو علينا حتي احني مادم ايدورو فيكم  
عمي: تيم كلم خوتك خليهم ايروحو 
بابا: بالك نمشو للمزرعه خير ياعبدالله 
عمي: لالا المزرعه مش امان بالك تعرضولنا وايصير شي ع الاقل هنا حي سكني والناس تفزعلنا مايقدروش ايديرو شي 
تيم: صح كلام بوي هنا احسن وين بنمشو ب البنات غادي ع الاقل احني رجاله حتي كان متنا عادي لكن الصبايا من ليهن ولا ايصير فيهن شي لا سمح الله هذوم ناس عندهم ثار توقع منهم اي شي غير ايدهم واصله و خوه ضابط وعنده في الكتايب والملشيات 
عمي: اي حتي ايردو ثارهم فينا احني وخاصة انت ماعندك ولد تاني غير مالك 
بابا بحزن: غير كان نعرف وين هرب والله انسلمه بيدي ياريتني جبت كلب ولا جبت هل الجيبه 
عمي: الغلط منك ياخوي انت ما ربيته صح هذا نهاية الدلال امتاعك ليه 
بابا نزل راسه بحزن ونادم انه كان امدلل مالك لين خربه بطبعه 💔😢 
تعالو انعرفكم علي عيلتنا 
بابا محمود زي ماتعرفو وماما سليمه 
خوي مالك اكبر مني م 94 
وانا م 96 مانبيش نحكي عني توا تتعرفو عليا في الروايه 
وبابا عنده اخ واحد اسمه عبدالله مرته مريم
عندهم 3 اولاد وبنتين 
اولاد تيم و اسامه و سامر 
البنات 
موده متزوجه وعندها ولد وبنت 
ملاك م 96 انتيمتي وصاحبتي 
.
.
.
.
إسلام: دورنا في كل مكان وين ايكون هارب الكلب 
صقر: لو يهرب في اخر الدنيا انجيبه 
امير:حتي امهرب عيلته الكلب 
صقر: لا عيلته قاعده في بيت عمهم بعد سمعو بينا جاين هربو 
هيما: به توا شن بدير 
صقر: اتجيبولي اولاد عمه ال 3 نبيهم اليوم ايباتو عندي 
هيثم: تم 
صقر: انقسمو كلكم اتجيبوهم نبيهم اليوم 
امير: بس شن بدير بيهم انت 
صقر: بنضغط عليهم يا اسلمو ولدهم يا ال3 نقتلهم 
هيثم: افندي مانتسي روحك شرطي لانه في قوانين لازم تمشي عليك حتي لو كنت ضابط حتي حرقت البيت مشيناها عشان الحشيش يمكن ايصير مشاكل ليك 
صقر بغرور : ماتنساش انا القانون ابروحي مايشملني القانون التاني 
هيثم سكت 
صقر: تمسكوهم اتحطوهم في استراحتي تمام نتلاقو غادي 
هيما: بس هكي بتنضر انت 
صقر ضحك: ومن يقدر بيضرني ؟
عزو: افندي انفضل انه نرفعوهم للمركز او للكتيبه هكي بتنضر انت بتخالف القوانين تعتبر قضية اختطاف وعمل غير قانوني حتي نحنا نضرو امعاك 
هيما: اي صح بتنضر ياصقر 
صقر قعد ايفكر صح مش في صالحه ينضر هلبا 
صقر: تمام تاخدوهم عند هاشم مش المركز 
هيثم ضحك: تم 
تقسمو الشباب وطلعو
،
،
،
،
، 
دق الباب
عبدالله: تيم افتح الباب اكيد خوتك جو
وقف تيم وطلع يفتح 
تيم فتح الباب القي قدامه صقر وجماعة 🔥 
صقر: انت تيم عبدالله 
تيم دخل قلبه الخوف: اي انا 
صقر ابتسم لبسه الكلابشات وضربه ع راسه طاح تيم
رفعوه الشباب ركبو سياراتهم وطلعو  
عبدالله: ملاك يا ملاك ترا شوفي خوك كنه طول ع الباب 
ملاك طالعه من الدار: اكيد امع اصحابه ايهدرز توا نطلع ايهزبني 
عبدالله: كان كلمك قوليله بوي بعتني 
ملاك هزت راسها وطلعت 
بابا : انا الي امدوخني الولد هذا وين طار جميع ارقامه مقفله واصحابه مايعرفوش مكانه 
عبدالله: وين بتلاقه قتل وهرب 
بابا تنهد بتعب: يستر الله والله قلبي ناخصني مش متريح 
عبدالله: توا انت تريح بكرا تنحل توا 
بابا: ماضنيت تنحل لكن ان شاءالله 💔 
ملاك خشت:  بابا تيم مش قاعد والباب حصلته مفتوح 
عبدالله: وين مشا الولد 
ملاك: لكن سيارته قاعده برا 
بابا: بالك طلع امع العويل 
عبدالله: ترا رني شوفيه
ملاك اتصلت بخوها مارد وبعدها مقفل 
عبدالله خنس 😨: اتصلي بخوتك شوفيهم 
ملاك تتصل بيهم:  مقفل يا بوي كلهم 
بابا:  يستر الله اطلع ياعبدالله شوفه 
علي خشت راجل موده وجهه مقلوب 
عبدالله: اهلين سيف تفضل 
سيف بتوتر: ياعمي وين تيم 
عبدالله: قبل اشويا خبط الباب طلع ايشوفه اختفى شكله طلع 
سيف بتوتر 💔: ياعمي انا سامر واسامه كنا في المحل بنسكروه بنجو هنا خشو جماعة الكتيبه رفعو اسامه وسامر وطلعو من غير ما ايقولو شي انا سكرت المحل بسرعه وجيت هنا وانا جاي شبحت سيارات نفس السيارت طالعات شكله رفعو حتي تيم  
عاد مانحكيلكم شن صار انقلب البيت عزا مرت عمي قلبتها اعياط اولادها الثالثه رفعوهم مسكين رقا عليه الضعظ رفعه سيف وبابا  
مرت ليله طويله علينا 💔 المصايب ايصبو صب عليا  
تاني يوم طلع عمي وبابا واجل موده يسالو وايدورو فيهم بيعرفوه اما كتيبه رفعتهم 
.
.
.
.
هيثم وصل لعند بيت صقر ودق الباب فتحله امير 
امير:  اهلين عزو تفضل
هيثم: زيد فضلك نبي افندي صقر 
امير: خش توا انكلمه ليك 
عزو: لالا كلمه ليا نبيه ضروري 
علي طلعت صقر يربط في الكادر 
صقر:نعم 
عزو: السياره الي راكب فيها مالك حددنا مكانها 
صقر رفع راسه بسرعه: وين 
عزو: اقريبه من احدود مصر جانا بلاغ عليها بس فاضيه مافيهاش 
صقر بعصبيه: اكيد هرب الكلب 😡 بلغتو السفارات كلهم 
عزو: اي من امس 
صقر: بعتت دوريه مكان السياره 
عزو:  اي 
صقر: تمام جهز دوريه تانيه نطلعو انا وياك 
عزو: حاضر افندي 
امير: به شن ايصير في اولاد عمه 
صقر: يقعدو في الكتيبه لين ولد عمهم ايسلم روحه ولا نمسكوه 
امير:  بس هدا هارب وبايع هله 
صقر:  كان يمشي لي اخر الدنيا انجيبه 
وطلع هوا وعزو 
امير سكر الباب وخش رجع الباب دق من جديد
رجع فتحه القيه صبايا جاين ايعزو دخلهم وخلا الباب مفتوح  وخش لبيتهم
.
.
.
.
بابا وعمي بعد عرفو اولاد عمي عند صقر لمو اشيوخ القبيله وناس معروفه ومشايخ وطلعو لبيت هل صقر
فتحلهم فارس وخششهم علي جده وبوه عمامه الي كانو في المربوعه 
صار مناقشات طويله وعركه كبيره كانو خوت صقر يتحزو علي بابا بيقتلوه لو مايسلم ولده وبابا يحلفهم انه مايعرف وينه 
اب صقر: يا اتسلمو ولدكم يا اولادكم يقعدو عندنا وانتم تطلعو من المنطقه كلها 
بابا:  بس اولاد خوي مادخلهم ف القصه ولدي الي قتل وهرب تبو ثاركم خدوه مني انا اهو قدامكم بس اولاد خوي اطلعوهم 
الشيخ: استهدو بالله ياناس الي قاتل هرب شن ذنب ناس برئيه ايضيع عمرهم عشان واحد عاصي ربي ولديه 
عبدالله: ثاركم خدوه منا اهو انا وخوي اقتلونا بس اولادي يطلعو من المشكله 
بابا: وانا ولدي متبري منه ليوم الدين كان القيتوه ادبحوه حتي دبح هوا ليكم من اليوم والله ورب العباد لو نعرف مكانه ره قتلكم 
وصار حديث طويل ومزال هل صقر امصكرين راسهم انهم ايسلمو اولاد عم مالك لحتي ادخل شيخ من قبيلة عيت ميلود 
الشيخ: الحل الي يرضي الطرفين يا ميلود انت اتكلم احفادك اطلع اولاد هل المسكين ماليهم ذنب اما الولد بوه تبرا منه  قدامكم قالكم رقبته بين ايديكم تلقوه ادبحوه اما تطليعتهم من المنطقه سامحني فيهم غلط ماليهم دخل هنا هلهم وناسهم وبيتهم ورزقهم كله هنا غير حرق حوش المسكين كلم احفادك ما يتعرضولهم مره تانيه والناس ترجع لحوشها والحل انكم معاش تتعرضولهم تاخدوه بنت منهم و هكي تبدو انسابه وبعده تلقو الولد اقتلوه هذا الحل الوحيد 
واتقفو علي هل الحل والحاج ميلود قال واحد من او لاد محمد يتزوجها والشباب مش راضين كلهم رفضو
الا صقر الي مش قاعد 
قرو فاتحة صقر علي فرح من غير ما هوا موجود
واتفقو ايجيبو فرح بعدها ايطلعو اولاد خو محمود 
طلعو روحو ماما ضهره مكسرو وجعه كيف عطي بنته هكي وكسرها
وصلو للبيت  بابا حكي لماما  
سليمه اتعيط واتنتش في روحها: بعقلك يارجل ترمي بنتك في النار بيدك 
محمود امنزل راسه ويبكي: ماكان عندي حل تاني عشان انحل المشكله هذي ره ياخدو ثارهم في اولاد خوي ماسكينهم عندهم 
سليمه تبكي:  واضحي ب بنتك وتحدفها ليهم هكي عشان اولاد خوك ترفع بنتك للموت ولا انسيت شن دارو هم 
محمود: شن تبي اندير انا ما في ايدي شي ولا عاجبك هاربين هكي لعند امتي بنقعدو هكي 
سليمه تبكي: نطلعو منها ليبيا كلها ولا بنتي نحذفها في النار انت عارف شن ح ايديرو فيها 
محمود تنهد بحزن: خلاص معاش ينفع شي توا بنتك انقرت فاتحتها علي ولد عيت &&&&  
سليمه من قوه الصدمه اغمى عليها وطاحت 
فرح الي واقفه علي الدروج وتسمع فيهم ونار ولعه فيها 💔😭 
نزلت نجرري انشوف في ماما ونبكي 💔😭😭 
مرت عمي جابت اميه وصبتها ع ماما ناضت 
طول ماما حضتني وتبكي 😭💔 : يانعليا يابنتي بوك راماك في النار كله من وره خوك 💔😭😭 
طلع بابا منهار مكسور 💔 
مرت عمي قعدت اتهدي في ماما واتحاول اتفكها منها لانها كانت حاضنتي بقوه وتبكي 💔😭 
انا مزلت مصدومه من كلام بابا معقوله زوجني لخو الولد الي قتله خوي   💔 مش امصدقه نهائي حاسه روحي ف حلم 💔 
.
.
.
.
اما ف مكان تاني تحديدا مربوعه الحاج ميلود 
صقر ايعيط بصوت عالي 🔥: كيف تقرو فاتحتي ع اخت الي قاتل خوي 😡 
الحاج ميلود برود: الفاتحه انقرت وخلاص والناس هذوم تخطاهم واطلع الشباب المحبوسين والقصه انتهت 
صقر بعصبيه 😡: كيف اتقررو عني قرار كيف هذا واتزوجني تحسابني بنرضخلك كيف عويلك 
الحاج ميلود ضرب صقر كف الكل انصدم 
الحاج ميلود: بترضخ رجلك فوق راسك والي قتلك عليه اديره 
صقر مصدوم في الكف كيف جده ضربه قدام الكل 😡 
خش عليهم اسلام:  جدي عم البنت جاء وامعا ..... 
صقر لف عليه والنار تطلع من اعيونه 🔥 
.
.
.
.
.
ياسمين: صبي اطلعي الراجل ايراجي فيك 
شوق: مش طالعه ماتشوفي فيا كيف زرقه 
ياسمين ضحكت: ههههه ماهو من السانك توا اتصبي تلبسي وتطلعي الراجل ايراجي فيك وبوك قاعد امعا قال ناديها 
شوق: بس 
ياسمين: انا ماشيه اندير قهوه نلقاك واتيه وطلعت 
شوق وقفت بحزن لبست عبايتها وحطت وشاحها وطلعت 
ياسمين طالعه من المطبخ ورافعه سفرة القهوه ضحكت
ياسمين:  العفو ماشيه لعزا امالا بطفشي الراجل 
شوق رفعت القهوه منها وماتكلمت خشت علي بوها في المربوعه  مدتلهم القهوه وهي مصدومه من العريس كان شيباني كبير اكبر من بوها واشعره شيب
وقعدت واقفه من الصدمه  هذا الي بيتزوجها كانت تحساب مرت بوها اتغيض فيها بس ماتوقعت يطلع كلامها صح من قوة الصدمه طلعت بسرعه تبكي لداها  
اب شروق بتوتر: اكيد تحشمت طلعت بسرعه 
العريس ابتسم: اها خليها ع راحتها زين البنت ف خجلها 
اب شروق : تفضل اشرب قهوتك 
العريس شرب القهوه:  زي ما اتفقنا الخميس الجاي الفاتحه من غير عرس كان هي بدير هنا حفله تمام اما انا بنجي نرفعها بس في بيتي مش داير شي 
اب شروق: تمام زي ماتبي 
وقعدو ايهدرزو
اما شروق شادتها ابكا 💔😭 مش قادره ادير شي 
.
.
.
.
.
.
.
تيم خش هوا خوته لبيتهم القي هله ساكتين و بوه مش قاعده وعمه حاط ايديه ع راسه وساكت 
جرت امه وخواته يحضن فيهم ويبكن 😭💔 
تيم: وين بوي 
بابا ساكت ويبكي 💔 
مرت عمي:  بوك رفع فرح بيوصلها لراجلها 
تيم انصدم 😨😨: راجلها من  
مرت عمي:  صقر ولد الحاج ميلود 
تيم ايبحت في بوي وعلامات الصدمه علي وجهه: كيف تعطوها البنت وانا طالبها منك ياعمي كيف 
الكل انصدم 😨 
بابا: ...... 
تيم 😡:.......
.
.
.
.
صقر شادها من يدها بعصبيه وايجر في فرح وراه مش قادره اتلحق فيه من سرعته 💔 
صقر فتح الباب وحذف قدامه فرح: ............ 
يتبع..
لقراءة الفصل التالي : اضغط هنا
لقراءة الرواية كاملة اضغط علي : (رواية رياح الانتقام)
google-playkhamsatmostaqltradent