اسكريبت من اجلك اتيت الفصل الأول 1 بقلم ريهام رمضان

 اسكريبت من اجلك اتيت الفصل الأول 1 بقلم ريهام رمضان 

اسكريبت من اجلك اتيت البارت الأول

اسكريبت من اجلك اتيت الجزء الأول

اسكريبت من اجلك اتيت الفصل الأول 1 بقلم ريهام رمضان 

اسكريبت من اجلك اتيت الحلقة الأولى

_داخله فين 

_انا اسفه يدكتور انى اتاخرت 

_ الدكتور بعصبيه: اتفضلى واخر مره يحصل كده انا محدش يدخل بعدى المحاضره 

_بس انا مكنتش اعرف ان فى دكتور جديد جه 

_اتفضلى يا انسه بس بعد كده مش هسمح لأى حد يدخل ودلوقتى احب اعرفكم بنفسى انا الدكتور تيام احمد سالم  عندى ٢٥ سنه ، دكتوركم الجديد مكان دكتور شومان ..

_ ملك : اى يا نور اتأخرتى كده ليه أنا مش قيلالك أن فى دكتور جديد هيستلم مكان دكتور شومان 

_نور : المواصلات يا ملك اعمل اى يعنى

_ الدكتور بصوت عالى : انتى يالى بتتكلمى ورا قومى اقفى ثم شاور على نور 

_نور : انا ! 

_جايه متأخر وكمان بتتكلمى اتفضلى اطلعى بره 

_نور : بس انا ....

_ بقولك اطلعى بره 

طلعت نور والدموع مغرقه وشها خرجت من الكليه كان قصادها بحر قعدت عليه ....

"نور" 

انا نور عندى ٢٢ سنه ، حساسه جدا وبعيط من اى حاجه ، وانا صغيره مكنش ليا ام تطبطب عليا وقت ما اعيط ، ولا اب يقوينى ويجبلى حقى فكانت اقرب الحلول ليا هى العياط ، ايوا مليش اب ولا ام ، اتولدت لقيت نفسى فى ميتم ، وسط مجموعه من بنات واولاد شبهى ، كان ليا صاحب دايما كان بيخفف عنى وبيسمح دموعى ويجبلى حقى بس حتى هوا مكملش معايا مع اول عيله جت اخدته ومشى وفضلت انا زى ما انا فى الميتم مكسوره وضعيفه لحد ما ربنا رزقني باسره جت عوضتنى بكل إلى فات ، بس دا ميمنعش انى لسه بعيط !! "

_لو سمحت حد سابلك الورد والورقه دى 

نور باستغراب  : حد مين 

_ مش عارف هوا ادهمولى وقالى اديهم للانسه إلى هناك دى  

"محتوى الرساله " 

جئت لاچلك يا نورى ...ولن يضل طريقى 

فهيهاات بعد ملقاكى . لن اجعلك تتركينى 

امسحى دموعك دموعك غاليه عليا اووى يا نور 

_نور بسعاده : اى دا يا ترى مين باعتها ...

راحت نور  لملك بسعاده ...

_ملك ملك 

_ اى يبنتى إلى يشوفك من شويه ميشوفكيش دلوقتى 

_ متفكرنيش دكتور غتت صغير اه بس برضو غتت، انا اصلا مش عارفه هدخله ازاى بعد كده 

_ متقلقيش ، انا روحتله وعرفته انى انا إلى كنت بتكلم معاكى وسمح بدخولك المحاضره  

_بجد !! الحمد لله كنت خايفه تضيع عليا 

_ اى خدمه يستى ورينى بقا مين الاخ روميو دا 

_ انتى. متغاظه بقا عشان مفيش حد جابلك ورد 

_اى يماما نافخه ريشك كده ليه ، فى حد لسه بيجيب لحد ورد شكلوا من الزمن القديم 

_نور بغيظ: ملكيش دعوه وهاتى كده الورد دا ليستمم من كلامك 

_ملك : نينينيىننينيى

الاتنين ضحكوا سوا وروحوا على بيتهم ....

فى بيت نور ...

قاعده فاتحه الاب توب بتاعها وقاعده على اكونت الفيس وجه أشعار بالرسالة من اكونت مجهول 

_اتمنى يكون الورد عجبك 

_نور: انت مين وتعرفنى منين 

_عاوزه تعرفى انا مين فضول ولا حاجه تانيه 

نور:  هوا انا اعرفك اصلا، لا تقدر تقول أن دا فضول 

_ خلاص نتقابل بكره الساعه ٩ فى نفس المكان الى انتى كنتى فيه 

نور بتفكير : ٩ عندى محاضره دكتورها غتت وانا لما صدقت اعرف ادخل 

_خلاص معادنا ١٠ 

نور : تمام 

_ تصبحى على خير يا نورى .

_ نور : وانت من اهل الخير ...

صباح اليوم التالى ....

دخلت نور المحاضره وكانت الساعه ٩ الا خمسه لقت دكتور تيام فى المحاضره 

_الدكتور : اتفضلى يا انسه بره 

_نور بغضب : بس انا جايه قبل معاد المحاضره 

_ الدكتور : بس انا قولت مش هدخل حد بعدى 

_نور : هوا اى دا وانا اعرف منين يعنى 

الدكتور بماقطعه  : كلمه زياده وهتتفصلى 

نور بغضب : يوووه بقا مكنتش محاضره دى ومشت من المدرج ، راحت لنفس المكان على البحر  ...

"نور" 

انا  مضطره استنى هنا عما المعاد يجى .، دكتور غتت بصحيح 

سمعت صوت من وراها بيقول : عندك حق إلى يخلى العسل دا يضايق يبقى غتت 

التفت له نور : هو انت !!!!! 

يتبع...

لقراءة الفصل التالي: اضغط هنا

لقراءة باقي حلقات الرواية اضغط على (اسكريبت من اجلك اتيت)

google-playkhamsatmostaqltradent