Uncategorized

رواية العشق لا يعرف وطن الفصل الثامن 8 بقلم أية إنسان

 رواية العشق لا يعرف وطن الفصل الثامن 8 بقلم أية إنسان
رواية العشق لا يعرف وطن الفصل الثامن 8 بقلم أية إنسان

رواية العشق لا يعرف وطن الفصل الثامن 8 بقلم أية إنسان

_ صحيت هاجر من النوم وخدت شاور ونزلت تفطر .
_ صوت من وراها قال : صباح الخير يا استاذه .
_ بصت هاجر لمصدر الصوت وقالت : خير في حاجه تانيه نسيت تقولها امبارح .
_ آسر : انا اسف مكنتش اقصد .
_ لا عادي حصل خير بعد اذنك .
_ مسك أسر أيديها وقال :  لو سمحت ممكن نتكلم شويه .
_ خير يا استاذ .
_ بصي بلاش شغل المدارس دة انا آسر السمري دكتور .
_ اهلا بيك .
_ خلاص بقى انا اعتذرت منك يا … اسمك اي .
_ انا هاجر العامري.
_ ابتسم أسر وقال :  اسمك دة غالي عليا اوي يا انسه هاجر مش انسه بردو ؟؟
_ اتنهدت هاجر وقالت: دكتور أسر لو سمحت ممكن اعرف انت بتعمل اي هنا وعرفت مكاني ازاي والأهم من كده جاي وعاوز اي .
_ بصراحه انا مشيت وراكي امبارح وعرفت انك مقيمه هنا أما بالنسبه ل انا هنا ليه فأنا هنا علشان ارجع ليكي الكاميرا خدت معايا طول الليل بصراحه علشان اصلحها .
_ قالت هاجر بحماس : احلف انك صلحتها .
_ ههههه خدي جربي .
_ مسكت هاجر الكاميرا وقالت لحظه واحده يا دكتور ابتسم كده .
_ هههههههه اتفضلي .
_ صورت هاجر أسر كام صوره وقالت : شكرا جدا مش عارفه اقولك اي .
_ ولا اي حاجه أنا بس حبيت اصلح الكاميرا وعلى فكره انا مكنتش عاوز انتحر انا بس سرحت شويه ومشوفتش العربيه .
_ احم أنا عارفه اني قولت كلام سخيف إمبارح بس انا لما بتعصب بقول اي كلام فأسفة.
_ لا عادي مفيش مشكله انا مضطر امشي بقى بعد إذنك .
_ دكتور أسر .
_ نعم يا أنسه هاجر .
_ لا تتعارك مع ذكرياتك لأنها سوف تهزمك فخلي بالك .
_ ابتسم أسر وقالها  : معاكي حق سلام .
☆ ———— بقلم الكاتبة/ آية إنسان —————–☆
في المستشفى عند  آسر : 
_ دخل أسر المستشفي يباشر عمله فرن موبايله وكان ليل فرد وقال : نعم خير .
_ليل : انعم الله عليك يا أسر .
_ اخلص وقول عاوز اي يا ليل .
_ هو انت ليه دايما فاهمني غلط  عاوز منك خدمه صغيره قد كده .
_ أنجز عندي شغل .
_ تنزل تشتريلى  بدله علشان عندي عشاء عمل مهم جدا وهخلص شغل بالليل ومش هلحق .
_ وأنا مالي يا اخي ما تروح تشتري لنفسك .
_ علشان خاطري مش هلحق ، اعمل خدمه لاخوك وصاحبك .
_ لا يا ليل .
_ تصدق يا أسر انك مش جدع على فكره .
_ ايوه ايوه انا عارف سلام بقى .
في الفندق عند هاجر: 
_هاجر : الو ايوه يا اسماء عامله اي .
_اسماء  : وحشتيني اوي يا هاجر حاسه انك مسافره بقالك سنه .
_ هههههه لا كده هتغر في حد انا وحشته علشان غيبت يوم دة انا مهمه بقى .
_ ههههه لا متتغريش اوي كده انا بس مش لاقيه حد يدفع فلوس الفطار .
_ ماديه حقيره .
_ ههههه ميرسي يا بيبي هقفل احسن استاذ عماد رئيس القسم عاوزني هكلمك تاني باي .
☆ ————– بقلم الكاتبة/ آية إنسان —————☆
 في الشركه عند إياد :
_ دينا : بشمهندس اياد …ماهر  بيه عاوز حضرتك في مكتبه .
_ طب اتفضلي انتي يا دينا .
_ الباب بيخبط :
_ماهر :  ادخل يا اياد تعالي .
_اياد  : نعم يا بشمهندس ماهر حضرتك عاوزني .
_ اياد في إجتماع مهم جدا في فرع الشركه في المانيا وانت لازم تسافر .
_ تمام ماشي في اي حاجه تاني .
_ اياد هتفضل كده لحد امتي .
_ مش فاهم .
_ لا يا اياد انت فاهم كل حاجه من وقت ما سيبت هاجر وانت طريقتك معانا على القد وكلامك ناشف فين اياد بتاع زمان .
_ ماهر بيه أعتقد أن دة مكان شغل وانا مش مقصر في شغلي في حاجه تاني .
_ يا ابني انا ابوك وخايف عليك انت ليه مش عاوز تفهم .
_ زعق اياد وقال : ولا عاوز افهم و لو عاوز الحق انا مش  طايق اقعد في البيت معاكم بعد اللي حصل كان اكتر قرار غلط اخدته في حياتي اني سمعت كلامكم وسبتها تروح مني ، طول عمري بعمل اللي انتو عاوزينه علشان متزعلوش البس دة ماشي كل دة ماشي ادخل هندسه حاضر اشتغل في الشركه حاضر حتي جوزتني بنت صاحبك وقولت حاضر ناقص بس تقولي اتنفس كام مره بس لحد هنا وكفايه بقى انا زهقت بعد إذنك .
☆ ————— بقلم الكاتبة/ آية إنسان ————– ☆
 في مطعم في وسط البلد:
_ سارة : صباح الخير يا حبيبي .
_ عمرو : صباح الخير يا سارة خير .
_ مالك يا عمرو فيك اي .
_ مفيش انا كويس اهو .
_ طب بقولك اي تعالي نخرج نسهر بره بالليل اي رأيك .
_ مش فاضي يا سارة مشغول .
_ يا عمرو انت بقالك كتير بتهرب مني .
_ نعم !! اهرب منك انتي واعيه بتقولي اي ولا هي هبت منك .
_ يا عمرو انا بحبك وعاوزه اكون معاك .
_ وانا مش فاضي لما افضي هبقى اكلمك سلام وقام مشي.
_ اتنهدت سارة بحزن وافتكرت أسر :
  «فلاش باك»
_آسر :  الجميل قاعد زعلان ليه .
_سارة :  انا مضايقه اوي يا أسر .
_ من اي يا قلب أسر .
_ زهقانه وعاوزه اشتري لبس واشتري حاجات كتير بس انت عارف .
_ طب يلا بينا .
_ على فين يا أسر .
_ علي اجمد وافخم مول علشان حبيبت قلبي تنقي وتختار كل ما تتمني وبعدين نسهر في اي مكان تختاريه .
_ بجد يا أسر .
_ بجد يا حبيبتي .
_ انا بحبك اوي يا أسر .
_ هههه وانا بموت فيكي يلا بينا .
   «انتهي الفلاش باك »
_سارة :  مش عارفه ليه حاسه ان عمرو باعني خلاص بس اعمل اي أنا بحبه هو بس اكيد مشغول في شغله وانا هكلمه تاني كمان يومين ايوه وقامت مشيت.
☆ ————- بقلم الكاتبة/ آية إنسان —————☆
في المستشفى عند آسر: 
_ دكتور أسر .
_ نعم أزابيل .
_ هل تمانع أن عزمتك على الغدا اليوم .
_ لا اعتذر منك لا استطيع .
_ لماذا لا تستطيع انت الان هنا ولا تفعل شئ دعنا نتناول الغداء معاً.
_ لا أنا أعتذر منك لدي مشوار مهم بعد إذنك .
_ خرج أسر ونزل يروح المول يشتري بدله لصديقه ليل .
☆ ————– بقلم الكاتبة/ آية إنسان —————-☆
_ عند هاجر الى  واقفه تجرب نضاره طبيه أمام أحد المرايات وبتكلم نفسها  : مش بطاله صحيح واكله نص وشي بس حلوه شكلها جميل .
_ جه صوت من وراها وقال : يعني النضاره مكنتش نظر وبتضحكي عليا.
_ لفت هاجر وشها وابتسمت : لا انا مسمحش انك تقول كده هل أنا قولتلك أنها نظر .
_آسر :  بصراحه لا .
_ شوفت ازاي .
_ اومال فضلتي تصرخي وتقولي نضارتي نضارتى حسستيني انك خلاص مش هتشوفي وفي الاخر طلعت ديكور اهى .
_ هههههه ديكور مره واحده بس مقبوله منك بتعمل اي هنا .
_ جاي اشتري بدله وانتي .
_ بتفرج وبصور يعني بتسلي.
_ طب اتسلي براحتك وانا هروح ادور على البدله .
_ لو احتجت مساعده عرفني .
_ ههههه لا متشكر جدا انا هلاقي لنفسي .
_ متخدش بالمظاهر يا دكتور مش كل اللي بيلمع بيكون ألماس .
_ تقصدي اي .
_ لا ابدا مفيش حاجه سلام .
_ فضل أسر يلف ومش عارف يختار اي يمكن علشان مركز في كلام هاجر ولكن وهو بيلف لفت نظره أن هاجر بتشاور لبنت على فستان وغالباً بتطلب منها تجربه وبعد كام دقيقه خرجت البت وكانت جميله جدا في الفستان وطلبت منها هاجر أنها تصورها وبالفعل صورتها كذا صوره وفضلت ترجع لورا وهي مش واخده بالها من السلم ومن أنها هتقع ولكن قبل ما تقع على الأرض وقعت في حضن أسر وكأن الزمن يتوقف عند إلتقاء العيون وللمره الثانيه تلتقي غابته الزيتونية مع ليل عيونها فاقت هاجر من شرودها واتعدلت وقالت وهي محروجه جدا : انا انا اسفة وجريت ولكن خبطت في بنت كانت بتصور فستان وقعت العصير عليها .
_ فقامت البنت تزعق .
_هاجر :  انا انا اسفة لم أكن اقصد .
_ ولكن الفتاة مازالت تصرخ .
_ هاجر في نفسها : انا مش فاهمه بتقول اي أنا بكلمها بالانجليزي وهي بتتكلم ألماني اكيد ومش فاهمه حاجه .
_ تدخل أسر وقال : محتاجة مساعده .
_ لا كتر خيرك انا هساعد نفسي شكرا .
_ ولكن البنت اللي وقعت عليها العصير عماله تصرخ .
_ ردت هاجر الرد المصري الاصيل وقالت : ما خلاص يا بت بقى بطلي صراخ جتك البلي وانا مش فاهمه من أهلك حاجه .
_ واقف أسر كاتم ضحكته وقال: على فكره يا هاجر دي موديل إعلانات وكانت بتصور إعلان وانتي بوظتي الدنيا واديها مشيت .
_ اعملها اي اعتذرت منها وهي بالعه عرسه مش عاوزه تسكت جتها قرف وسابته ومشيت خطوتين ولكن اعترض طريقها صاحبه المول .
_ تكلمت هاجر الانجليزيه وقالت : نعم ماذا يوجد الآن .
_ ……………………….
_هاجر :  يادي النيله عليا انا مش فاهمة منك حاجة بتقولي اي .
_ رد أسر اللي متابع وقال : بتقولك انتي لازم تصلحي اللي عملتيه .
_ حلو يعني اعمل اي بقى .
_ ترجم أسر الحوار .
_ بتقولك انتي لازم تدفعي حق الاعلان اللي هي عملته ومتصورش .
_ حلو اسألها كام .
_ ………………….
_ آسر : عاوزه ٢٠ ألف دولار .
_ هاجر : نعععععام يا عنيا عاوزه كام .
_ هاجر دة مش أسلوب اتكلمي كويس .
_ كويس مين يا ابو كويس دي ست حرميه قال ٢٠ الف دولار قال انا مش هدفع مليم.
_ خلاص يا هاجر حصل خير انا هدفعهم .
_ دة ليه إن شاء الله بتاع اي تدفعلي انا أقدر ادفع ليها المبلغ بس دة افترى وانا مش هدفع حاجه .
_ هاجر مهو يا الدفع يا الحبس المكان مراقب بكاميرات .
_ يووووو بقى انا مش هدفع حاجه وعرفها كده .
_ …………………………..
_ هاجر : بتقول اي الوليه دي .
_ آسر : بتقول لو مش هتقدري تدفعي صوري انتي مكان الموديل اللي مشيت .
_ كمان لا فين الحبس اللي هنا فشافت هاجر الامن جاي عليها فقالت : احم فين اللبس .
_ شاورت صاحبه المول للبنات أنهم يخدوا هاجر يجهزوها .
_ وبعد عشر دقائق وقفت حاجر قدام المرايا وكانت فعلا جميله ذلك الفستان السيلفر اللامع ذات الكم الواحد والآخر بلا كم والهيلز الاسود وذلك الكحل الذي جعل من عينها كالليل الساحر ورموشها الطويله وكأنها غابه متشابكه وذلك الشعر الاسود المنسدل الي أسفل ظهرها مع اسوره وعقد من نفس لون الفستان وذلك الروج الوردي الهادئ .
_ هاجر : مش معقوله انا هخرج كده لا لأ مش هقدر انا هدفع الفلوس وخلاص بس دة مبلغ كبير اوي وبعدين ولكن وهي بتفكر شافت البنت اللي بتساعدها بتسحلها من أيديها ومره واحده شافت نفسها بره في مكان التصوير .
_ كان أسر بره بيتكلم في الفون ولكن لما شافها وقف سرحان في جمالها خلعت الاسود والنضاره وفكت الكحكه وحاطه مكياج خفيف مين دي يا الله فإن لها جمال من نوع اخر مختلف ومميز شافها واقفه عماله تفرك ومتوتره جدا اي دة اي دة دي هتعيط ولا اي .
_ قرب أسر منها وهمس جنب ودنها وقال :  انتي هتعيطي ولا اي .
_ قالت بصوت مرتعش : لا لا انا بس .
_ لاحظ أسر ان نفسها سريع وضربات قلبها عاليه فقالها بصوت هادئ :  انتي كويسه .
_ أسر الناس كلها بتبص عليا.
_ في الوقت دة بس افتكر أسر أنه في المول ولف يشوف الناس وبالفعل كان المول كله واقف بيتفرج عليها فعلى  الرغم ان في بنات احلي منها هنا كتير ولكن هي ليها طاله مميزه وغريبه اضايق أسر جدا أن كل دول شايفنها فخرج بغضب وكلم الأمن واللي سرعان ما اخرج الناس سريعا من الطابق اللي هما متواجدين فيه .
_ قرب أسر من هاجر وقال :  روحي غيري هدومك علشان نمشي مفيش تصوير انا هدفع الفلوس وهنمشي .
_ في الوقت دة نسيت هاجر إحراجها وتوترها وقالت : تاني هيقولي هدفع هو انت هتجبي عليا ولا اي أنا مش عاوزه منك حاجه اصلا كل دة بسببك انت .
_ يا سلام انا اللي قولتلك امشي خبطي في الناس .
_ يوووو بقى بقولك اي أنا على اخري ……… سرح أسر فيها مره تانيه وقال في نفسه  :  مجنونه وعصبيه خدودها هتفرقع من كتر الغضب بس شكلها حلو اوي منين عاقله وحكيمه ومنين مجنونه وعصبيه ولكن فاق على صوتها وهي بتزعق فيه .
_آسر :  اخرسي شويه يا هاجر انتي مش عارفه انتي بتقولي اي فاسكتي احسن .
_ وقفت هاجر اتنهدت وخدت نفس وقالت بصوت عالي نسبياً : اهدي يا هاجر مفيش حاجه الموضوع سهل كام صوره وكل شئ يتحل يلا يا حبيبتي .
_ مجنونه والله انا عارف مجنونه . 
_ خرجت هاجر لمكان التصوير ووقفت زي ما قال المصور وأسر واقف مضايق جدا ومش عارف السبب اي ولكن فضل واقف مركز معاها مش عارف ليه .
_ خلصت هاجر جلست التصوير والمصور لم كل حاجه والبنات بتساعده مشيت هاجر عند أسر .
_ احم احم.
_ خير .
_ لو ينفع تصورني كام صوره بالكاميرا .
_ كمان اصورك ليه كنت …..
_ بس بس خلاص يا عم هطلب من حد تاني .
_ خدي هنا .
_ عاوز اي .
_ هاتي الكاميرا .
_ لا خلاص مش عاوزه شكراً.
_ هاجر متعصبنيش هاتي الكاميرا خلصي .
_ طب مفيش كاميرا ووريني هتعمل اي .
_ قرب منها أسر وبص في عيونها وقال  : كنتي بتقولي اي يا هاجر .
_ كنت كنت ولكن فضلت ترجع وهو يقرب لحد ما كانت هتقع فمسكها من وسطها وشدها عليه .
_آسر :  خلي بالك مش كل مره هتقعي هكون موجود علشان أمسكك .
_ اتحرجت هاجر جدا وقالت :  انا مقولتش ليك تمسكني ابقى سيبني اقع بعد كده ومشيت خطوتين ولكن وقفت على صوت أسر وهو بيقول :  هاجر .
_ لفت هاجر وشافته ماسك الفون بتاعه وبيقول :  اضحكي علشان الصوره تطلع حلوه .
_ هههههه ماشي بس مش بتصور بالكاميرا ليه .
_ الكاميرا الذاكره اتملت هصورك وابقي خديهم بعدين يلا خلصي وصورها ١٠ صور اوضاع مختلفه وقالت :  لحظه وراجعه وفعلا غيرت هدومها ومسحت المكياج ورجعت لمنظرها القديم تاني .
_هاجر : هات فرجني الصور .
_ مين الانسه .
_ نعم .
_ خلاص خلاص هتكليني ولا اي .
_ هههههه مش للدرجه دي مش دراكولا انا .
_ اللي يشوفك دلوقتي مش يشوفك من شويه .
_ اتنهدت هاجر وقالت  : مش قولتلك مش كل اللي يلمع بيكون ماس يا دكتور هاجر دي هي هي هاجر اللي شوفتها من شويه يلا مش مهم انا متشكره جدا تعبتك معايا .
_ هو ممكن تساعديني اختار بدله علشان انا مش عارف .
_ هههههه اي دلوقتي اختلفت صحيح عالم بتحب تاخد بالمناظر .
_ على فكره انتي فهمتي غلط وعلى العموم اعتبري نفسك مسمعتيش حاجه .
_ بس انا سمعت تعالي معايا يا دكتور احنا بردو ولا بلد واحده تعالي ومشيوا يتفرجوا ولكن مفيش حاجه عجبتهم وبعد ساعتين تلاته من اللف لفت نظرها بدله كحلي في فضي وقالت :  الله جميله اوي اوي دي جرب كده .
_ بالفعل دخل أسر لبسها وخرج كان فعلا جميل جدا جدا .
_ وااااو جميله جدا معلش ممكن اخدلك صوره واحده بس .
_ بصي انا مش بحب الصور .
_ صوره واحده بس .
_ ماشي اتفضلي .
_ ابتسم مره في حياتك .
_ ابتسم أسر على كلامها وطلع ساحر فقالت :  ما شاء الله شكله جميل اوي .
_ سمعتك على فكره .
_ انا انا مش قصدي .
_ ههههههههه خلاص خلاص جتك خيبه اومال عامله البت الجامده ليه .
_ دبت هاجر في الأرض وقالت :  تصدق انك رخم اوعي ومشت خبطت في صف الملابس اللي قدامها وقع .
_ قرب منها أسر واول لما شافها وقعوا الاتنين من الضحك لدرجه ان صوت ضحكهم لفت انتباه المول كله وبعدين سكت أسر وهي فضلت تضحك وهو بس واقف سرحان فيها و في لمعه عيونها والغمزات اللي زادتها وسامه .
_ وبعدين سكتت هاجر وقالت :  معلش وقامت ترجع الهدوم مكانها وراحت لأسر وقالت :  انا اسفه دائما متأخرة ودائما بخبط في اي حاجه وكل حاجه .
_ لا ما انا اكتشفت دة متقلقيش .
_ اوكي .
_ استني اغير وننزل .
_ تمام .
_ غير أسر واخد البدله ونزلوا سوي .
_ شكرا يا دكتور أسر.
_ على أي انا معملتش حاجه بس هو انتي بتعملي اي هنا سياحه .
_ مش اوي انا بنط على كل بلد شويه بصور اي حاجه وكل حاجه لصالح نفسي اولا وجريده الجمهوريه عندنا في مصر ثانيا .
_ حلو دة وانتي هنا علشان تصوري الهدوم والموضه وكده .
_ مش بالضبط انا هنا علشان مهرجان التزلج اللي هيقام بعد بكره دة حدث مهم ولازم اكون موجوده .
_ ايوه فهمت ربنا يوفقك .
_ تسلم ربنا يوفقك انت كمان وشكرا مره تانيه سلام .
_ سلام يا هاجر .
يتبع ……
لقراءة الفصل التاسع : اضغط هنا
لقراءة باقى فصول الرواية : اضغط هنا

اترك رد