رواية تزوجتها الفصل العاشر 10 بقلم مريم سمير

 رواية تزوجتها الفصل العاشر 10 بقلم مريم سمير

رواية تزوجتها البارت العاشر

رواية تزوجتها الجزء العاشر

رواية تزوجتها الفصل العاشر 10 بقلم مريم سمير

رواية تزوجتها الحلقة العاشرة

_البيه الكبير عمل حادثه

=نعم!!

محستش بنفسي غير وانا بجري على اوضته وواقفه قدامه، كأني صنم مش عارفه اتحرك، احمد اتكلم في التليفون ودكاتره كتير جم عملوا حاجات كتير مش عارفه اي هي، بس الي عرفاه ان عيني مش قادره تبطل عياط، قلبي مش قادر يبطل خوف وقلق عليه!!

كان مكان الكدمات ملفوف بشاش وهو قافل عيونه معقول مش حاسس بكل دا!!، الدكاتره مشيوا وقالوا لازم الراحه وانه ميجهدش نفسه، احمد وصلهم لغايه تحت وانا لسه واقفه مكاني، حسيت ب ايده ورايا ف لفيت وبصتله بحزن واترميت في حضنه، ملس علي شعري وباس راسي وطبطب عليا

_هيبقى بخير؟

=كله هيبقى تمم اتفقنا؟

_بس هو مصحاش!!

=اتحركي من مكانك وروحي احضنيه يمكن يصحى

_احضنه!!

=عارف انها اول مره، بس انتي مش عارفه تعملي اي، انا عارف ان نفسك تحضنيه، احضنيه يلا متقفيش طوبه كده!!

بصيت قدامي فزقني بالراحه وابتسم  ، حضنته!! حضنته وعيطت 

_اصحى يبابا انا عوزاك اصحى يبابا انا بحبك!!

بصتله وعيوني مليانه دموع وهو مفتح وبيبصلي ومبتسم

_انت فتحت! انت كويس مش كده؟

=انا كويس متقلقيش

_الحمد لله، طب حاسس بوجع؟

=اكيد يمريم حاسس بوجع انا عامل حادثه!

ضربت جبهتي ب ايدي _كويس انها جت على قد كده

=خايفه عليا؟

_الحياه من غيرك هتبقى بشعه انا متأكده 

=بس انا مقدمتش اي حاجه بالعكس كنت بعيد عنك، عمري  مسألتك حتى مالك!

_كفايه وجودك

حضني وانا غمضت عيني وحصنته، قد اي حضنه دافي ولأول مره احس بحضن الاب! امان ودفا انك مع سند بجد، خرجت من حضنه وبصينا احنا الاتنين ل أحمد

_انت بتعيط؟

=لحظه مؤثره جدا

_مجوزني واحد بيعيط يبابا!!

=الاه!! منا انسان والله 

ضحك* بس طيب

ابتسمت _اه والله، طيب وحنين ومعايا في كل صغيره وكبيره، بيسامح وبيفهمني وصاحب عظيم وزوج مثالي والله، انا بتهيقلي لو لفيت على رجلي مشي مش هلاقي حد زيه و..

بصيت حواليا لقيت بابا باصصلي واحمد باصصلي اي دا فضحت نفسي! ودتني في داهيه؟ اموتني بقى دلوقت ولا اعمل اي!!

*انتي حبتيه، حبتيه يمريم!! واخيرا  العقده اتفكت، عفارم عليك يا احمد

بصيت واحمريت ووقفت من مكاني

_نازله اقول لكوثر تعمل لحضرتك حاجه تاكلها

نزلت بسرعه هو اي الي قولته قدام بابا دا  طب والله متربيت لحظه توحد ربنا

دخلت المطبخ ملقتش كوثر  نديت عليها وبصيت ورايا لقيته في وشي

_الكلام الحلو دا كله يطلع قدام باباكي؟

=انا متربتش انا قليله الربايه قادره اصلا

_عجبتيني جامد

=ايدا!! الله يكرمك والله

قرب خطوه _ حنين انا مش كده؟

=انت عندك قلب اصلا!!

_وبفهمك!

=ايدا ما شاء الله وعندك عقل كمان!

_مش هتلاقي زيي؟

=لا هلاقي بس لو دورت بضمير

مسك شعري وحطه ورا ودني وبص في عيوني ف برقت ثواني يكابتن انت هتعمل اي؟؟ طلعت مني شهقه غصب عني فضحك 

_انتي خايفه؟

=واخاف من اي!!

_طب تمم استمري بقى

قرب مني جامد وفضل باصصلي يخربيت ام دي نظرات ولما يغمى عليا يعني دلوقت؟

*ايوه يهانم!!

بعد فجأه واتخبط ف تقفيله المطبخ الي وراه وبص قدامه

_احممم اي يكوثر في حاجه؟

*الست هانم كانت بتناديلي

_وجايه تفتكري دلوقت؟ دلوقت يكوثر!!

*كنت في الجنينه و..

_يستي يريتك كنتي فضلتي في الجنينه يستي، عدي من وشي يكوثر، دا كان لسه لحظه و.. منك لله يكوثر عدي من قدامي

ضحكت انا وكوثر وهو طلع فوق، حطيت ايدي على وشي الي كان أحمر اوي دا وابتسمت بكسوف

*جيت في وقت غير مناسب ولا اي؟

اتكلمت بصوت واطي =دا انتي انقذتيني، بس تصدقي كانت لحظات حلوه اوي يخربيت عيونه

*ايي؟ بتقولي حاجه يست! 

=حضري اكل خفيف لبابا، شوربه اي حاجه سهل يأكلها

_حاضر يست هانم

طلعت فلقيته قاعد على الكرسي الي قدام بابا وبابا نايم فربعت ايدي وبصتله

_انتي اي الي جابك هنا!! يلا هوينا

قربت وحطيت ايدي على بوقه

=اسكت بابا يصحى، هتقعد ساكت ماشي؟ 

مسك دراعاتي وهز راسه بالموافقه فشيلت ايدي

=ولا انت لازم تدي دروس في التسبيل انا عمري مشوفت كده! 

_والله مبقي واقع كده غير قدامك

=تعرف يا احمد انا بحس نفسي حلوه اوي لما تبصلي كده

_نفسي اعدي مرحله البص والله

ضحكت =استاذ احنا صحاب انت نسيت!

_والدبل الي جبتها دي؟ هنتعايق بيها ولا اي

=سيب ايدي يبني!!

_ولو مسبتش!!

*هخليك تسيبها انا!

بصينا احنا الاتنين قدامنا فسابني وزقني بعيد

_بنتك عاوزه تتحرش بيا وانا اقولها لااااا كله الا الشرف واشوح ب ايدي كده

=انا!!

_انتي اي يبنتي معندكيش عيال!!

ضحكت انا وبابا وبابا مسك دراع احمد

_لو عاوزني امضيلك وصل اني معتش ألمسها همضي يباشا، المهم رضاك

ضحك *يبني بقي، عاوز اسأل عن أحوال الشركه الفتره الي فاتت

_متشيلش هم، انت ارتاح

=عارف انها في ايد امينه

الغدا جه وأكلت بابا وقعدنا معاه، وحكلنا عمل اي في السريه بتاعته وانه خد الصفقه لصالحه واحمد حكاله عن الشركه، اي الكلام الي كله جد دا اي الحوار الي كله شغل دا  !!

فضلنا قاعدين لغايه ما بابا نام وهو غمزلي

ضحكت _يبني بقى! 

=عاوز احكيلك على حاجه والله 

_هتقعد ب ادبك؟ 

=ايوه 

_لي!!! 

=اي؟ 

_لا لا ولا حاجه

خرجنا من الاوضه ودخلنا اوضتنا وقعدت على السرير وهو قعد جنبي واستربع 

_بصي بقى يستي 

=ها!! 

_انا مش عاوز باباكي ينزل الشغل خالص دلوقت الا لما يبقى كويس 

=.. 

_وتستغلي الفتره الي هو قاعدها دي وتقربيله، كلميه وقوليله انك بتحبيه انك عاوزه يبقى قريب منك هو هيسمعك وهيحاول على قد ميقدر يعمل الي انتي عوزاه والله باباكي طيب وبيحبك 

=هعمل كده 

_جدعه يمريم طول عمري اقول البت دي جدعه 

=انشالله تنستر 

_انستر اي دا انا كل مقربلك اتفضح اتلهي 

=عشان انا سالكه 

_ايوه فعلا، اخدك في فندق يعني ولا اعمل اي!! 

=احمد!!! 

_يروح احمد 

=انت فاكر كده اني هضعف واربتك اركبت ارتكب

_!! 

=ارتبك ايوه هي ديي

_لا مش واضح عليكي اي ارتباك خالص 

=تعالي اقولك سر 

_طب متقول!

=قربي بس هاتي ودنك 

قربت _يلا قول 

=لا قربي كمان أصله سر خطير اوي 

قربت _ها!! 

حضني =بحبك 

_حاكم انت غدار 

=ماشي 

_وقليل الأدب 

=انا متربتش اصلا يمريم هنخيب!! 

.. 

صحيت الصبح، كنت في حضنه ف ابتسمت واول مصحي قلبت وشي وبعدت عنه

_انتي كده زعلانه يعني؟ 

=زعلانه جدا اوي خالص 

_واضح جدا اوي خالص، صباح الخير طيب؟ 

ابتسمت =صباح الخير  

خرجنا احنا الاتنين ودخلنا اوضه بابا وصبحنا عليه وفطرنا كلنا في اوضته 

قربت من بابا اويي قولتله اننا كنا بعيد وجه الوقت نقرب ونبقى عيله، عيله صغيره دافيه، كنت بروح الشغل مع احمد ونرجع نقعد مع بابا وساعات بنطبخ سوا ونجازف بحياتنا، اكيد بابا مش هياكل التلوث دا !! 

'عوض' لما يبقى العوض زيه يبقى يستحق استناه العمر كله والله، صدفه عرفته صدفه وحبيته ولأول مره القلب يدق ويحس ب حد كان هو! 

_انتي مش بتخبطي الباب لي؟ انتي عشان باباكي صاحب الشركه تقومي داخله كده عادي!! 

=احمد انا تعبانه 

_مقلب ولا بتتكلمي بجد! 

مسكت دماغي ومحستش بنفسي غير وانا على الأرض، فتحت عيني لقيت نفسي في المستشفى وهو ماسك ايدي وفرحان، فرحان اويي! 

رفعت حاجبي _فرحان اني تعبانه!! جاوبني بصراحه متجوز عليا؟ 

=انتي اه مطلعه عيني، ومكرهاني في الصنف كله اتنيلي اتجوز اي هو انا طايقك!! 

_احمد!!! 

=وربنا بهزر يروح احمد، خلاص والله

_ايوه كده اتعدل 

=ممكن بقى متتعصبيش تاني عشان الهانم الي هتشرفنا! 

_هانم مين! انت هتتجوز عليا بجد بقى! 

=بنتنا يمريم منك لله! 

_انا ..

ابتسم =حامل 

_ايدا في اي!! انا هبقي ام ومسؤوليه وكده، لا لا الجواز دا طلع حواراته كتير إلغوا ام رحلتي وقتي يلا 

=هرمونات الحمل هتبدأ دلوقت! امال في التاسع الهانم اي هتنتحر!! 

ارتخيت ومسكت ايده وابتسمت 

_انا بجد حامل؟ 

=ايوه والله في شهرين

_عاوز بنت! 

=عاوز بنت اه 

_متأكده انها عمرها مهتندم اني اختارتك اب ليها 

=ويبختها ان مامتها انتي والله 

_خلصنا حب في بعض؟ يلا شيلني 

=نعم!! 

_شيلني مش قادره امشي 

=انتي هتبدأي دلع من دلوقت؟ 

_ولما أوقع بنتك دلوقت يعني هترتاح؟ 

=مريم النونو لسه متكونش في بطنك اصلا ف اهدي ها اهدي 

_مش هتشلني يعني؟ 

=أمري لله تعالى 

رجعنا البيت ودخلت الاوضه لبابا 

_هتبقى جد 

=ايييي !! 

_انا حامل يبابا 

حضني =الف الف مبروك ياحبيبتي، ربنا يرزقكم الذريه الصالحه 

مر سبع شهور كان مستحملني وبيساعدني و.. 

_الاكل دا مين ياكله انا عامله ليكي!! 

=عاوز تموتني يا احمد!!

حسبي الله ونعم الوكيل يجماعه حد يشيله من هنا 

نورت حياتنا حبيبه، حبيبه القلب والروح 💙.

_هتفضل تحبني وانا شكلي كده!!

=لسه زي القمر على فكره

_لا انت بتضحك عليا، شوف تحت عيني اسود ازايي، وجسمي باظ من الحمل وبقيت تخينه و..

=والله لسه حلوه جامد

_يعني هتفضل تحبني ؟

=هفضل احبك والله اه يستي متقلقيش

_وحبيبه؟ 

=وهحب حبيبه الحته الصغيره الي شبهك خالص دي 

_شبهك انت، وعوزاها تحبك اويي عارف لو زعلتها وربي مهحلك 

=مريم البنت مكملتش يوم! 

_انا بعرفك من دلوقت عشان متتجننش في دماغك يعني 

=حاضر حاضر 

_انت متربي اوي لي كده!! 

=ارجع للتسبيل؟ 

_لا قولي انك بتحبني، بص كل لما تشوفني قولي عشان تعوض الايام الي مقولتلهاش فيها 

=بس انا بقولك على طول يمريم! 

_يعني انا كدابه؟ 

=هي هرمونات بعد الحمل اشتغلت ولا ايي!! 

حبيبه عيطت فشلها وضمها ليه فسكتت ف ابتسمت 

_يبختك ب ابوكي يحبيبه 

=ويبختي ب ام حبيبه💙

تمت

لقراءة باقي حلقات الرواية اضغط على (رواية تزوجتها

google-playkhamsatmostaqltradent