رواية بنت في ورطه الفصل التاسع 9 بقلم كوكي سامح

 رواية بنت في ورطه الفصل التاسع 9 بقلم كوكي سامح

رواية بنت في ورطه البارت التاسع 

رواية بنت في ورطه الجزء التاسع 

رواية بنت في ورطه الفصل التاسع 9 بقلم كوكي سامح


رواية بنت في ورطه الحلقة التاسعة

__ خرجت ناديه" الممرضه" من الاوضه وقالت
ان حوريه فاقت
خالد دخل جرى عليها وبلهفه.. حور العين 
انتى كويسه
حوريه.. الحمد لله بس حاسه بشويه دوخه 
وبصت حواليها.. هو انا فين؟ 
خالد.. انتى فى بيتى 
حوريه بقلق وتوتر.. بيتك.. ازاى.. انا لازم اقوم علشان أمشى 
خالد.. فى ايه بس!.. انتى اغمى عليكى 
ومكنتش عارف اتصرف ازاى؟ وجبتك على هنا وبعدين انا مش قاعد لوحدى ماما 
واختى منال بره وهعرفك عليهم 
حوريه.. طيب انا عاوزه اقوم أمشى 
خالد.. هتروحى على فين؟ باب القصر بتاعكم 
مقفول 
حوريه.. القصر؟ 
خالد.. ايوه القصر.. مش انتى حور العين شمندى صاحبته؟! 
والممرضه بتاعتك اللى اسمها امل مش موجوده وكمان ابن عمك جلال مسافر ومكنتيش عارفه تروحى فيين؟
وابتدى يحكى لها كل اللى حصل ما بينهم وكل إللى هى قالته من اول ما شافها لحد ما وصلت بيته وهى مغمى عليها ____
وطلع المفتاح والورقة 
ودول الامانه بتاعتك يا ست حور 
وعلى فكره انا محاولتش حتى اشوف الورقه 
فيها ايه. 
حوريه ب استغراب.. امانه وخدتهم منه ومسكت المفاتيح وضمه ايدها عليها اوى.. بصتلوا.. هو انت قولتلى اسمك ايه؟ 
خالد.. انا خالد يا حور 
حوريه.. انا سعيده بمعرفتك اوى وشكرا جدا 
على مساعدتك ليه بس ليا طلب صغير عندك 
بصت لنفسها.. انا عاوزه اى حاجه البسها بدل 
الفستان اللى انا لابساه ده.. بصراحه شكله 
متبهدل على الأخر 
خالد.. حاضر انا هجبلك طقم من منال اختى
بس بعد ما تتعرفى عليها وعلى ماما دول طيبين وهيحبوكى اوى وكمان تاكلى معانا.. ده انتى مأكلتيش حاجه خالص 
حوريه.. انا مش عاوزه أكل.. وبتحاول تقوم من السرير
خالد.. خليكى رايحه فين انتى تعبانه
حوريه.. انا حاسه انى كويسه.. بس عاوزه اغير الفستان ده 
خالد.. طيب دقايق وراجعلك 
حوريه قعدت على السرير وكانت بتفكر فى اللى هى فيه 
__خالد خرج وبلغ مامته واخته انها فاقت علشان يدخلوا يتعرفوا عليها  وطلب 
من منال اى طقم علشان حوريه 
الام.. هى فاقت 
خالد.. ايوة يا ماما وياريت بقى يا ست الكل 
يا اصيله.. أكله من ايدك حلوه كده علشان 
حور تاكل معانا 
الام.. هى اسمها حور؟ 
خالد بلجلجه.. اه.. ما هى لما فاقت سألتها 
خرجت منال ومعاها طقم
انا حضرت طقم للبنت يا خالد
خالد.. اسمها حور يا منال
منال.. طيب.. والطقم اهو
__خالد خد منال ومامته واتعرفوا عليها
بس كانت الام بتكلمها وكأنها مش طيقاها
من خوفها على ابنها 
خرجت الام وحضرت الأكل
اما منال كانت مع حوريه طول الوقت
قعدوا كلهم واكلوا مع بعض إنما حوريه 
كانت بتفكر وفى عالم تانى خالص 
طول الوقت شارده ____
___ من جهه أخرى داخل القصر ___
امل قاعده ومستنيه رجوع حوريه
الفون رن وكان جلال
الو...
جلال.. لسه مرجعتش؟
امل بتوتر وبكاء.. والله يا جلال انا مليش ذنب
فى خروجها من القصر.. ده انا حتى قولتلها
متخرجش من غير ما تقولى
انما معرفش خرجت ازاى وبعدين خرجت 
ودورت عليها وملهاش أثر 
جلال بغضب وعصبيه.. اللى فى داق عمره ما هيبطلو.. انا قبل كده امنتك على اغلى حاجه
عندى وبردوا ضاعت منك
مش جديد عليكى يا امل
امل.. جلال ارجوك افهمنى
جلال بتجاهل.. حد اكتشف خروجها من الصبح
امل.. انا نزلت تحت بس النهاردة
كلهم مش موجودين
مفيش بس غير أحمد " ابن العم"
جلال.. اه اكيد عند سامى
بيطمنوا عليه، وبسخريه اصل عارف
طيبه قلبهم
امل.. والحل اعمل ايه دلوقتى؟ 
جلال.. الموضوع لسه مش واضح
اكيد مشيت فى مكان وراجعه
المهم بس انها مترجعش وتفتكر اللى فات
وقتها بس هخسر كل حاجه
ويبقى انتى السبب يا امل
امل.. كنت عاوزه اقولك ان ميعاد الادويه والحقن
عدوا عليهم اكتر من 3 ساعات 
واكيد هى تعبانه 
جلال.. قدامك لحد بكره الصبح ولو مرجعتش
سيبى القصر وتعالى وقفل فى وشها
امل بدموع.. الو.. جلال.. الو _____
وقامت بصت من شباك الاوضه وشافت 
بوابه القصر مقفوله 
نزلت جرى 
يا نهار منيل.. مش يمكن تكون رجعت 
ولقيته مقفول ومشيت 
لازم انزل افتحه 
وفعلا نزلت وشالت الجنزير والقفل 
وقفلت البوابه من غيرهم 
وطلعت على اوضتها والفون رن رساله واتس
فتحت الرساله وكانت من جلال 
انا مش عاوز تليفونات كتير 
احذرى لا يكون حد مراقبك علشان الصوت كان بيقطع جامد 
ياريت تاخدى بالك ها 
امل بداخلها.. اه علشان كده كان بيتكلم رسمى اوى وبيقولى امنتك امانه وضاعت منك 
انا فعلا استغربت _____
__ فى منزل خالد ___
بعد مرور ساعات وكانت الساعه 8 مساءاً
حوريه قاعده ولابسه الطقم وفى ايدها المفاتيح
والورقة والتفكير شاغل دماغها 
خالد.. خلاص هتمشى 
حوريه.. لازم أمشى 
خالد.. طيب هتروحى على القصر 
حوريه.. اكيد مش ده مكانى وحقى ولا ايه 
خالد.. انتى قولتيلى انه حقك 
حوريه باحراج.. كنت عاوزه منك طلب لو أمكن 
خالد.. اؤمرى 
حوريه ب شوشه.. كنت محتاجه فلوس وهبقى 
اردهالك علشان بس انا هروح مشوار قبل ما اروح القصر 
خالد.. بس كده حاضر 
بس هتروحى على فين؟ 
حوريه.. هقولك بعدين 
انا هروح المشوار وهرجع على هنا علشان البس
الفستان تانى اما انت بقى هتروح القصر تشوف 
مفتوح ولا لأ اوك 
خالد.. لو مش مفتوح هتتصرفى ازاى 
حوريه.. ربنا يسهل.. بس بليز متتأخرش عليه
____ خالد طلع المحفظه من جيبه
وطلع منها فلوس لحوريه
وخدتها واستاذنت منه ومشيت على اتفقهم
واول لما خرجت على الطريق
شافت كشك وطلبت تتكلم فون
مسكت الفون واتصلت برقم مامتها
_________
يتبع...
طبعا مش هتكلم على التفاعل❤️
انا بكمل الروايه علشان خاطركم وبعوضكم عن
التأخير يلا ادعمونى بلايك و 20 ملصق😻
علشان نكمل روايتنا للأخر 💃ج. 10👇🏻💪
اما الفانز الصامت بجد زعلانه 🙁 
#الجزء_العاشر💃
حوريه خلصت المكالمه وخدت أوبر
وكانت فى ايدها المفاتيح
وبتكلم نفسها.. المفاتيح دى انا عارفاها
كويس.. دى بتاعت الراجل المتسول
بتاعه العمارة القديمه الفاضيه اللى خدنى
فيها وشكنى ب الدبوس فى رجلى
انا فاكره كويس
انا هروح واتأكد واشوف بنفسى
الإوبر وصل قدام باب العماره _
نزلت حوريه ومسكت المفاتيح 
وفعلا فتحت باب العماره 
والله كنت متأكده وقفلت وراها الباب 
وطلعت الدور الأول وفتحت الباب ودخلت 
وقعدت على كرسى وكأنها متسمره 
وبتكلم نفسها.. هى مين حور العين 
اللى خلانى اتقمس شخصيتها 
واعيش دورها وياترى حكايتها ايه؟ 
انا فاكره كل حاجه وفاكره امل الممرضه 
وجلال اللى قال انه ابن عمى 
انا مشفتوش بس امل قالت كده 
وفاكره العلبه الخشب والخزنه 
وكل حاجه حتى أيوب واخته المتكبره سالى 
ودى بالذات انا فكراها كويس اوى 
من يوم ما طرددتنى علشان الفازه الكريستال 
وانا مش قادره انساها 
بس اللى مجننى ان المتسول قال 
انى هنسى كل حاجه واهلى كمان هينسونى وهعيش مع ناس تانيه 
ودلوقتى انا فاكره كل حاجه ولما كلمت ماما كانت فكرانى!
 ده انا كمان افتكرت خالد اللى نقذنى من الترعه لما فوقت. 
بس بردوا مش يمكن علشان مقولتش على المواقف اللى حصلت قبل شكه الدبوس 
ولا الموضوع فى " آنه" بقى 
والراجل ده نصاب وضحك عليه 
بس لو نصاب مكانش ساعد ماما واخواتى؟! 
مش يمكن حب يستغلنى ويوهمنى علشان يسرق 
القصر؟ الموضوع فى حاجه غلط انا مش فهماها
وسألت نفسها.. بس مين حور العين!؟
وقامت من مكانها تتدور يمكن تعرف حاجه
ولقت قصادها غرفه مقفوله
فتحتها ودخلت ___
وبقت تدور فيها ومفيش حاجه
بس لما فتحت الدولاب شافت صوره بنت جميله
اوى.. خدتها وقعدت تبصلها
ورجعت تفتش فى الدولاب وشافت فيه باسبور امريكى باسم حور العين وعليه نفس صورة البنت
يعنى فى بنت اسمها حور العين بجد
طيب لما هى موجوده اتقمس انا شخصيتها ليه!
ده حتى مفيش بينى وما بينها اى شبهه خالص
وافتكرت الكلام اللى مكتوب فى الورقه 
معنى الكلام ان حور العين مختفيه 
طيب وانا مالى بكل ده 
 وبغيظ قعدت على الكرسى 
وبداخلها يبقى لازم ارجع القصر علشان اعرف المتسول ضحكك عليه ليه.. وليه وعدنى بالقصر وقالى انى هكون صاحبته واللى فهمته ان القصر ملك والد أيوب 
وبعدين انا مالى بحكايه حور العين 
فى اسئله كتيره ولازم حد يجاوبنى عليها 
وانا عارفه الاجابه مع مين؟ 
مفيش غيرها "أمل" 
هى اللى معاها حل لكل اجابه انا عاوزها 
ونزلت، من العمارة وركبت أوبر وراحت على القصر 
لقت البوابه مفتوحه ومحدش قاعد عليها 
خالد بصوت واطى واقف ورا شجره.. حور.. حور
حوريه بخضه.. انت!.. قربت منه.. ايه اللى جابك هنا؟ 
خالد ب استغراب.. ايه اللى جابنى هنا.. مش ده كان اتفقنا ولا ايه 
إنما السؤال ده ليكى انتى ايه اللى جابك هنا؟ 
حوريه.. انا جايه القصر بتاعى 
خالد.. ما انا عارف.. بس مش انتى قولتى 
هترجعى عندنا علشان تلبسى الفستان 
حوريه بتوتر.. مش مهم يا خالد 
المهم ان القصر مفتوح والجنزير مش موجود عليه 
وبجد ميرسى ليك على وقفتك جمبى 
من يوم ما انقذتنى من الترعه لحد ما شوفتنى 
عند باب القصر 
خالد بابتسامه وفرحه.. يعنى انتى فاكرانى 
يعنى انا مش مجنون 
حوريه.. انا افتكرتك لما فوقت بس محبتش أبين 
لحد ما اجى هنا.. دبت برجليها على الأرض 
خالد.. طيب ازاى! 
حوريه.. الموضوع يطول شرحه وانا مستعجله 
يا شهم باى ودخلت جرى جوه القصر 
وقفلت البوابه وراها 
خالد بص من خلف البوابه.. حور العين 
حوريه.. نعم 
خالد.. خلى بالك من نفسك 
حوريه.. حاضر.. باااااى بقى.. ودخلت على جوه 
وطلعت على اوضتها.. فتحت الباب 
امل بخضه.. مين؟ 
حوريه.. انا حور العين يا امل 
امل بفرحه قامت جرى وخدتها فى حضنها 
حوريه بتحضنها ببرود 
امل.. كنتى فين يا حبيبتى.. حد زعلك 
اوعى يكون حد وزك على الهرب 
ولا حد خطفك ومش عاوزه تقولى 
عارفه.. جلال لما يعرف انك رجعتى 
هيفرح اوى.. ده احنا قلبنا الدنيا عليكى
حوريه قعدت على السرير 
امل مسكت الفون وبلغت جلال ان حور رجعت 
حوريه.. ممكن اتكلم معاه 
امل حطت ايدها على الفون 
بعدين يا حور علشان مشغول 
حوريه.. طيب قوليلوا انى عاوزاه ضرورى
امل بتوتر.. حاضر
وبعلو صوتها.. حاضر يا جلال هديها الحقن والعلاج وقفلت معاه 
وراحت عند الكمود 
وحضرت حقنتين فى سرنجه واحده 
وقربت منها.. يلا حبيبتى عرى دراعك علشان 
تاخدى العلاج بتاعك 
علشان تخفى على طول 
حوريه بصتلها بحده وعينها فى عين امل 
انا مش هاخد حقن تانى 
انا عرفت كل حاجه على فكره 
وخلاص افتكرت انى حوريه الدمنهورى وبصت 
لمكان الحقن اللى فى ايدها 
اكيد تأثير الحقن انتهى 
وبغضب قربت منها.. انتوا مين بالظبط 
وعاوزين منى ايه؟ 
ومين جلال ده ومين الراجل المتسول اللى دخلنى القصر ؟ 
امل فتحت الباب وبصت فى القصر كله واتأكدت 
ان مفيش حد بيسمعهم 
دخلت الاوضه وقفلت الباب وراها 
وقعدت على السرير وببكاء وصوت محشرج 
انتى عرفتى كل حاجه 
حوريه.. ايوه.. وعاوزه منك الاجابه انتوا مين 
ومين حور العين 
امل بخبث.. انا هكلم جلال وهو هيقولك على كل حاجه
إنما أنا مقدرش إتكلم خالص 
ده جلال كان يموتنى 
حوريه قربت منها وبتوعد.. لا هتتكلمى يأما أمشى دلوقتى حالا وقبل ما أمشى هقول لأيوب انى مش حور 
امل.. ايوب عارف انك مش حور 
حوريه.. لما هو عارف سايبنى قاعده هنا ليه! ها؟ 
امل بغضب.. علشان نصاب وابن كلب
وهو ورا اختفاء حور 
حوريه بذهول.. اختفاء حور 
امل.. ايوة
حوريه.. انا عاوزه اعرف كل حاجه دلوقتى 
مش هستنى جلال انا 
ده مش موجود ومن يوم ما دخلت القصر ده 
وانا مشفتش وشه ولا حتى اعرفه 
امل ببكاء.. المتسول هو جلال 
حوريه " صدمه ةةةة😱" نعم.. قعدت جمبها 
جلال هو نفسه المتسول.. ازاى!.. مش بتقولى 
انه فى أمريكا وعنده شغل 
وبعدين المتسول يبقى جلال.. انا مش مصدقه 
امل.. كذب.. جلال موجود هنا.. مش فى أمريكا 
هو كان فى أمريكا إنما خلاص
رجع مصر من بعد اختفاء حووور 
امل.. انا هحكيلك على كل حاجه بس ياريت تسمعينى وتقدرى موقفنا كويس
حوريه.. اتفضلى.. انا بسمعك 
امل قامت وقفت وبتوتر وارتباك.. انا وجلال فى قرابه ما بينا من بعيد وكنا ومتجوزين ودلوقتى منفصلين والسبب 
 حور العين😥
حوريه بتعجب.. انتى كنتى مرات جلال وكمان قريبته وقال ايه انا بحسبك بتشتغلى عنده
وضربت كف بكف 
وكمان اللى فرقت ما بينكم حور 
 يعنى هى موجوده مش مختفيه زى ما قولتى 
امل.. كانت موجودة.. إنما محدش يعرف طريقها 
حوريه.. يعنى راحت فين 
امل.. ما هو ده اللى جلال جابك هنا علشانه 
حور العين كانت عايشه فى امريكا 
هى ومامتها وجلال اخوها الوحيد 
حوريه.. مش انتى قولتى ان اخوها مات فى الحادثه 
امل.. ده كلام، إنما الحقيقه اللى بقولها دلوقتى 
وياريت تسمعينى كويس اوى 
من حوالى 7 سنين ابو العز كان على كرسى متحرك وبيتعالج من الشلل فى مستشفى كبيره فى أمريكا 
وفى يوم حماتى كانت بتزور واحده صاحبتها 
كانت تعبانه ومحجوزه فى نفس المستشفى 
واتعرفت عليه  وخصوصا انه كان لوحده فتره العلاج_____
كان تملى يشكلها من سوء معامله أولاده لى 
وخصوصا بعد ما اتشل 
ومبقاش يتحرك زى الأول 
كان بيقول انهم رموه للشغالين ومكانش حد فيهم مهتم بيه بعد ما مامتهم إتوفت ولا حد فيهم بيسأل عليه 
وقرر انه يسبهم ويسافر على أمريكا  علشان يتعالج. 
جلال كان بيقولى انه كان دايما حزين 
علشان مفيش حد من أولاده بيحاول حتى يسأل عليه ولما اتعرف على حماتى 
حياته اتغيرت تماما وبقى سعيد وسعادته زادت اكتر بعد ما شاف حور العين الشقيه البنت الجميله 
وجلال،، حبهم اوى وكان بيعتبرهم هما أولاده
وكان بيقول ان حور اعتبرته ابوها
من اول يوم شافته وكانت بتعامله معامله البنت لابوها فعلا
وبدموع.. أصلها كانت يتيمه من صغرها
حوريه.. انتى بتقولى الكلام ده من 7 سنين
مع انك قولتى ان زوج مامتها معاهم من زمان
امل.. انا قولتلك اى حاجه قبل كده قولتها ليكى
ممكن تكون مش حقيقه بس فيها شئ من الصدق
علشان اتوهك
وارجوكى بلاش تقطعينى
لو عاوزه تعرفى الحقيقه كلها
انا دلوقتى بقولك عليها وياريت تسمعينى
حوريه.. اتفضلى انا بسمعك
امل.. المهم ان ابو العز حب حور وجلال اوى
ومن سوء معامله أولاده لى
كتب كل فلوسه لجلال وحور
على حياته من غير ما أولاده يعرفوا
ويوم عيد ميلاد حور كتب ليها القصر بأسمها
بيع وشراء وسجلو كمان
حوريه بغضب.. ده ظلم مهما ولاده عملوا
فيه.. مينفعش يظلمهم
امل.. فى وقتها حماتى رفضت بس هو اعترض
وقالها.. انها فلوسه وهو ادرى بيها
ان شالله يرميها
حوريه.. وموقف جلال وحور كان ايه؟ 
امل..  كان فرحان طبعا وقال إن ولاده يستهلوه
وهما أحق بثروته لأنهم راعوه وعوضوه عنهم 
وحور كانت فرحانه بالقصر مع ان عمرها ما شافته 
حوريه بغضب.. بس ده ظلم 
وجلال ده ظالم.. ازاى يقبل مال مش ماله 
وحور كمان.. ده القصر مش من حقها
امل بعصبيه.. يا بنتى حتى لو هما رفضوا 
محدش كان يقدر على ابو العز 
لان حماتى رفضت بس هو كتب ماله لولادها
وساب ولاده وتقريبا انا عرفت من جلال 
انهم معاهم ميراث مامتهم بعد ما إتوفت 
حوريه.. كملى 
امل.. اللى حصل بقى غير كل حاجه
ابو العز كان ابتدى يخف وحالته تتحسن 
وفى يوم خرجوا فى فسحه
وعملوا حادثه 😭 حماتى وابو العز ماتوا
حوريه.. وجلال
امل.. ما انا قولتلك جلال مكانش معاهم فى الحادثه بس كنت بتوهك يا حور قصدى يا حوريه
حوريه.. ممم
امل.. كانت معاهم حور وللأسف لما شافت مامتها
ماتت وابو العز اللى اعتبرته ابوها مات
تعبت وعانت من الاكتئاب الحاد
وراحت عند الكمود ___
وكانت بتاخد كل الادويه دى.. على فكره الحقن
والأدوية دى كلها من امريكا
كانت بتنسيها اللى فات ولما تأثيرها يروح ترجع
تفتكر كل حاجة من تانى
حوريه.. اه وانا خدتها ونسيت
امل.. اه.. علشان تنسى
حوريه بضحكه سخريه.. يعنى كله كان ضحك على الدقون هههههه هههههه ولا شكه دبوس ولا بتاع
امل.. شكه الدبوس.. كانت كذبه من جلال
حوريه.. بس انا بعدها محستش بحاجه
امل.. لما جلال شكك بالدبوس انتى غمضتى عينك وجلال ضربك على دماغك وفقدتى الوعى
بعدها على طول انتى فضلتى نايمه لان انا وهو كنا بنديكى الحقن لمده يومين 
علشان تقومى ناسيه كل حاجه زى حور
وده اللى حصل معاكى
ولما سافروا جلال دخلك القصر بنسخه مفاتيح 
ابو العز اللى كانت معاه 
حوريه.. بس انا افتكرتك وافتكرت كل اللى حصل فى القصر وراحت عند الدولاب
وشاورت عليه.. وافتكرت العلبه الخشب والخزنه
امل.. ده طبيعى.. ما حور كان بيحصل معاها كده
بعد ما كانت بتاخد الحقن وتنسى
كان جلال بيخرجها ويفسحها ولو فى يوم نسى ميعاد العلاج كانت تفتكر كل حاجه من وقت الحادثه 
حتى الخروجه وكانت تفتكر كل كلمه 
اتقالت ما بينهم
وبدموع.. انتى متعرفيش جلال كان بيحب حور قد ايه.. كانت كل حاجه لى 😭
حوريه🥺.. وبعدين
امل.. بعد سنه من موت حماتى كانت حور مدمره وتعبانه اوى 
كنت بكلم جلال على الفيس واتعرفنا على بعض اكتر.. اه احنا قرايب بس من بعيد مكنش فى ود ما بنا وبعد ما حبينا بعض  جاب حور ونزل بيها على مصر واتجوزنا وعشنا مع بعض احلى سنتين فى حياتى 
وطبعا بعد حور ما دخلت مصحه علشان تتعالج 
بعد فتره من العلاج خرجت وكانت اتحسنت شويه 
جلال سابها فى رعايتى وانا كنت لسه مخلفتش
كنت بحبها اوى والله يا حوريه 
كنت بعتبرها بنتى 
إنما جلال نزل وقعد هنا شويه ورجع علشان 
يخلص شغلو فى أمريكا 
ويرجع يستقر هنا 
لما سافر.. قدر الله انه احمل 
وكنت تعبانه اوى ووقتها مكنتش باخد بالى 
من حور ولا من علاجها 
وفى يوم لقيتها بتتكلم على القصر وانه ملكها 
وعاوزه تروح تعيش فيه وتغير جو وطبعا 
انا رفضت وبشده إنما راحت من ورايا
واكتشفت انها سرقت الورق من الخزنه وراحت 
لحد القصر 
حوريه.. يعنى الورق اللى معايا مزور 
امل.. ايوه.. الورق الاصلى كله كان مع حور 
استنيت اسبوعين يمكن ترجع ومرجعتش واضطريت ابلغ جلال بكل اللى حصل 
حوريه.. مفترى اسبوعين وميسألش عليكم 
امل.. أصله كان مشغول جدا ومكنش بيتصل 
خالص 
اتعصب عليه وزعل منى اوى 
بس انا كلمتها وقالت إنها فى القصر وكانت فرحانه وقالت ايوب وسالى هيمشوا لما عرفوا ان القصر ملكها
حوريه.. هو أيوب ميعرفش حور وجلال 
امل.. لا كانوا فى أمريكا وعمره ما شافهم 
حوريه بتنهيده.. وبعدين 
جلال حاول يكلمها 
كان الفون مغلق على طول 
طلبت منه أن انا اجى هنا اطمن عليها.. رفض
ونزل بعدها وراح القصر 
 وكانت المفاجأه 
ان أيوب قالوا انه حور جت عنده فعلا ومكدبوش 
وكتبت القصر بيع وشراء لي هو واخته 
ورجعت حقهم ليهم 
وقال إن ده حقه وطبيعى.. واختك طلعت بنت ناس ومستحلتش مال غيرها 
طبعا جلال اتجنن عليه.. حور متعملش كده 
دى كانت فرحانه جدا بالقصر
ولما سألوا هى فين 
أيوب قالوا مشيت من القصر وميعرفش عنها حاجه 
جلال طلب منه اثبات على كلامه 
هنا بقى ظهر المحامى النصاب "سامى" 
وصدق على كلام أيوب وطلع الورق وكان مظبوط
 جلال اتجنن لما شاف الورق وعرف ان فى خطه 
مدبره لان حور متعملش كده ابدا 
ومن بعدها جلال قاعد من سنه على البوابه 
متخفى بملابس المتسول علشان يشوف حور 
او يعرف عنها اى حاجه 
حوريه.. مش يمكن أيوب صادق وحور رجعتلوا القصر فعلا 
امل.. طيب وراحت فين؟.. وبعدين البنت مريضه 
وبتتعالج نفسيا 
وبتوتر.. لو رجعت القصر.. طيب ليه مرجعتش الفلوس وقالت ليا او لجلال 
والطبيعى بقى ان أيوب يطلب فلوسهم كمان 
مطلبش ليه! 
حوريه.. ليه بقى؟ 
امل.. علشان هو ورا اختفاء حور ومش عاوز يفتح مواضيع ويدخل فى س و ج
حوريه.. طيب حور فين؟ 
امل.. معرفش؟ 
حور اختفت من بعد ما دخلت القصر 
حوريه.. اكيد أيوب وسالى وولاد عمو عملوا فيها حاجة.. اكيد قتلوها الكلاب
امل بفزع.. لا.. اوعى تقولى اتقتلت 
ده جلال يموت فيها.. حور كانت روح جلال 
من يومها وهو طلقنى شيلنى ذنبها 
وانا سقط من حزنى على اللى جرالنا 
حوريه.. طيب وليه كل اللف والدوران ده
ما كان جلال يقولى وانا كان ممكن انى اساعده
من غير اى حاجه 
امل.. على ما اعتقد انك كنتى هتقولى لا
لأنك هتخافى على نفسك
وبصراحه لما شافك مكسوره الجناح وكنتى بتعيطى وعرف حكايتك كلها لقيته اتصل بيا 
وطلب منى انى اساعدو وبكده اكفر عن ذنبى 
كلمنى وكان فرحان وقالى 
 انا لقيت حور خلاص 
انا فرحت وروحى رددت فيا بس قالى
انا لقيت البنت اللى هتعرف الحقيقه 
وهتقدر تعرف حور فين 
وسأل عنك وعرف كل تفاصيل حياتك 
وبردوا هو قالى انك اتكلمتى معاه وحكيتى 
حكايتك وصعبتى عليه اوى 
ورسمنا الخطه مع بعض وعلشان تكمل 
وانتى تصدقى راح لراقصه اللى خدت فلوسكم 
وعرف ان والدك مديون ليها بمبالغ كبيره 
علشان كده استولت على كل حاجه 
سد الديون كلها وخلاها تروح لحد بيتكم 
وترجع كل حاجه.. حتى الفيلا رجعتها 
وهشام اخوكى راح المستشفى يكمل علاجه 
وكان بيطمن عليه من بعيد لبعيد
بس والله يا حوريه ما قصدنا نأذيكى
كل الحكايه ان جلال عاوز يعرف حور فين
وبصعبانيه وتوسل.. ابوس ايدك يا حوريه 
كملى معانا.. عاوزين نعرف حور راحت فين 
زى ما جلال نقذ مامتك واخواتك من التشرد 
ورجع لكم حقكم وبدموع.. اققفى جمبه 
علشان يعرف اخته الوحيده راحت فين
وكمان ارجع بيتى اللى اتخرب 
حوريه بضعف.. حاضر🥺
انا هكون معاكم للأخر ومش عاوزه اى مقابل 
امل بابتسامه وحضنتها.. ربنا يخليكى لينا يا حوريه قصدى يا حور 
حوريه.. ههههههههه انا مش هاخد حقن تانى 
امل.. اكيد.. بس خليكى على وضعك.. انتى 
حور العين شمندى 
حوريه.. حاضر 
امل.. النهارده محدش فيهم موجود من الصبح 
تقريبا عند المحامى علشان تعبان 
انا هنزل اعمل كام سندوتش واتنين عصير 
لحد ما يرجعوا اهو نتسلى 
حوريه.. تمام وانا هغير الطقم والبس اى حاجه 
تانيه.. علشان حاسه انى مخنوقه 
__ امل نزلت على المطبخ 
حوريه قامت فتحت الدولاب وطلعت ملابس نوم 
ولابستها ونامت على السرير
بس المره دى كانت مرتاحه وحاسه ان اللى بيحصل بإيردتها وانها بتعمل خير علشان 
عاوزه ترجع اخت لحضن اخوها 
وراحت فى النوم 
___ من جهه تانيه خالد واقف قصاد باب القصر
عاوز يشوف حوريه علشان يطمن عليها 
ولما الوقت اتأخر قعد جمب الشجره 
"انا مش همشى غير لما اطمن عليها "
امل فتحت الباب ومعاها السندوتشات والعصير 
انا عملت السندوتشات وبصتلها 
انتى نمتى يا حور 
قعدت أكلت بسرعه ونامت جمبها 
وبعد مرور ساعتين الفون رن وكان الوقت متأخر
امل.. اكيد جلال جه
قامت بسرعه وقفلت الفون خالص 
وخرجت بره الاوضه وهى بتتسحب
قفلت الباب وراها ____
حوريه بتفرك فى عينها وبصت جمبها 
هى امل راحت فين 
وقامت وخرجت وشافتها دخلت الاوضه 
اللى جمبها 
وباستغراب.. هى دخلت الاوضه وسابتنى ليه 
يمكن هتنام لوحدها وبابتسامه.. اصلى نومى 
وحش اوى.. انا عارفه نفسى هههههه
قربت من الباب.. 
وكان موارب.. وشافت " صدمه ةةةةةةة 😱" 
راجل نايم على السرير وهى فى حضنه 
امل.. وحشتنى اوى يا جلال💋
جلال.. وانتى كمان يا روحى 💋 
أدم بيسلم عليكى.. كل شويه يعيط ويقولى 
مامى فين 
حوريه بذهول.. ايه ده مش هى قالت إنه طلقها؟ 
يا نهار اسود ومنيل وكمان عندها ولد 
يعنى كانت بتكذب عليه لا سقطت ولا طلقها 
ورجعت تسمع كلامهم 
امل..حبيبى انا نفسى اشوفه فيديو 
جلال.. مينفعش يا قلبى
امل.. يعنى ينفع انك تكون هنا دلوقتى اتصرف 
مليش دعوه! 
جلال.. يا حبيبتى.. انا عارف ان أيوب وسالى 
وابن عمه عند سامى بيطمنوا عليه بعد ما دبرت
الحادثه علشان ارتاح منه ولما شوفت احمد 
خرج هو كمان.. اطمنت وقولت نقضى ليله مع بعض النهارده.. انا واثق انهم مش هيرجعوا 
غير لما سامى يفوق 
ما ابن الكلب ده اللى عارف كل حاجه 
امل.. هو لوحده يعنى.. ما كله بسببها 
منها لله إذا كانت حيه ولا ميته 
طول عمرها مدوخاك وراها 
جلال.. حور دى فعلا كانت انسانه مستهتره وفاشله وغير كل يوم والتانى 
عامله علاقه مع راجل غير التانى 
وكتير قولتلها اننا مصرين لا دى عادتنا ولا تقاليدنا
إنما هى كانت دماغها غيرى خالص 
واللى زاد بقى لما ابو العز كتب لينا ثروته 
ضيعت نصها على الرجاله 
وماما كانت فى صفها دايما 
وابو العز تلف أخلاقها وبصراحه كان لازم اتخلص منه 
حوريه😰.. يا نهار اسود ده قتلوا 
امل.. بس اللى بوظ الدنيا انك مكنتش تعرف 
ان مامتك معاه 
جلال.. ده اللى وجع قلبى
بس بعد موتهم قدرت اسيطر على حور
بالحقن والأدوية لحد ما اتجننت 
ورجعت مصر وراحت من ورانا عند أيوب 
امل.. انا كلمتها وقالت إنها عنده وقولتلها ترجع 
بس كانت دماغها ناشفه وقال ايه حبته 
جلال.. خد القصر وفلوسها كلها 
امل.. وخباها والله اعلم عمل فيها ايه 
جلال.. مش مهم هى المهم الفلوس 
ياريت يكون قتلها وريحنى منها 
حوريه فتحت الباب بتهور ___
امل بخضه.. ايه ده حور 
حوريه بغضب.. حور.. انا حوريه يا نصابه 
يا محتاله يا كذابه 
جلال قام من على السرير 
ارجوكى افهمى 
حوريه.. افهم ايه.. انك اوسخ من أيوب وولاد عمه واخته.. افهم ايه.. انك قتلت زوج امك ومامتك 
وجننت اختك علشان الفلوس
بس والله شكلك حلو خالص
تصدق متغير عن ما كنت متسول 
امل.. انتى فهمتى غلط 
حوريه بغيظ.. اه اصل جلال بيحب اخته الوحيده 
وهيتجنن عليها.. ده طلقنى وانا شايله ذنبها 
يا حرام ولا ايه يا ست امل 
مش ده كل كلامك الكذب ليه 
يا أوساخ 
نصابين.. محتالين 
جلال.. يا حوريه افهمى 
حور كانت بنت فاشله 
حوريه.. اه وتستحق القتل 
علشان الفلوس والقصر 
وانا اللى كنت فكراك انسان وخايف على اختك 
بجد مش مصدقه نفسى.. هى الفلوس تعمل كده
جلال قرب منها وهى جريت على الباب 
___ من جهه تانيه وقفت عربيه قصاد باب القصر 
نزل منها أيوب وسالى وولاد عمه 
أيوب.. الله يرحمك يا سامى.. انا حاسس انى تاييهه ومش عارف اتصرف.. معاه كل حاجه 
محمد " ابن العم" احنا فى كارثه 
وغير البت اللى فوق دى 
سالى.. اقسم بالله البت دى 
لو مقالتش هى مين انا هقتلها واشرب من دمها
أيوب.. انا عارف انها نصابه وكذابه 
وبصلهم.. ما انتم عارفين كل حاجه؟؟ 
خالد ب ارتباك 😰.. حور فى خطر 
انا لازم اتصرف وادخل القصر 
كنت عارف ان فى حاجه غلط بس انا مش عارفاها.. هى مقالتش 
اعمل ايه دلوقتى يارب 
__ أيوب دخل القصر ومعاه سالى وولاد عمه
والحزن على وشوشهم 
احمد بزعيييق.. انا هقفل الباب 
خالد قرب منه 
احمد بخوف وارتباك.. انت مين؟
خالد.. انا.. وضربه على دماغه 
وقع مكانه مغمى عليه
خالد دخل القصر وهو بيتسحب وبيدور 
على حور ____
___ حوريه نازله جرى من على السلم 
يا نصابين.. يا محتالين..انا مستحيل اكمل فى 
المهزله دى ودخلت فى حضن أيوب 
حوريه.. هاا😰 أيوب 
جلال نازل ووراه امل 
سالى.. ايه ده هلو هلو 
وبذهول.. جلال اخو حور 
أيوب مسك حوريه من رقبتها 
اه انتى تبع جلال.. عمل عليكى دكر 
وجابك هنا تنصبى عليه
جلال بغضب.. انا دكر من قبل ما اشوفك 
يا ابن ابو العز 
أيوب بسخريه.. ههههههههه وبص لحوريه 
عشمك بايه هه
حوريه بخوف.. انا مليش دعوه بحوارتكم 
ارجوك.. سبنى أمشى 
أيوب.. انتى فاكره دخول الحمام زى خروجه يا روح ماما 
حوريه.. الحكاية انه عاوز يعرف اخته فين 
بس كده.. انا مالى بقى 
جلال.. فين اختى بقولك 
امل بزعيييق.. فين حور يا أيوب 
اللى نصبت عليها وخدت فلوسها والقصر غصب عنها 
أيوب.. كانت بتحبنى 
وبعدين انا خدت حقى وبس
اللى ابويا كتبوا ليكم ظلم 
جلال.. ده مش حقك.. دى فلوسى انا 
سالى.. اه.. أظهر وبان على حقيقتك 
انت عاوز الفلوس والقصر 
إنما حور متلزمكش
أيوب.. بس يا سالى انا لازم اريحه وقولوا 
اخته فين قبل ما يموت 
جلال بضحكه عاليه.. هههههههه 
يا ترى مين فينا اللى هيموت 
انا ولا انت 
خالد من ورا الباب.. حور اهى وواضح كده انها 
فى مشكله كبيره.. انا لازم ادخل انقذها 
من ايد الراجل اللى اسمه أيوب 
أيوب.. انا اللى زى ميموتش ابدا 
الزمن زمنى انا وبس 
إنما الاغبياء اللى زيك وزى حور 
لازم يدفنوا وميقومش ليهم قومه 
امل.. فين حور وفين الفلوس
جلال.. بس يا امل 
أيوب.. انتى مين اصلا 
حوريه.. دى مراته.. وهو بقى المتسول اللى كان بيقعد على الباب 
أيوب بسخريه.. بجد... انت الشحات يا عينى 
جلال بغيظ طلع مسدس من جيبه وصوبه على أيوب 
وبقى ينزل من على السلم وأمل نازله وراه 
أيوب بسخريه .. هههههه.. اه انا كده خوفت 
وزق حوريه على الارض
حوريه مسكت دماغها.. اه يا دماغى 
أيوب.. اققتلنى انا فارد دراعاتى قدامك اهو 
جلال.. فين الفلوس.. وعاوز عقد القصر 
يأما تترحم على روحككك
حوريه بتسحف ببطنها وبتحاول تخرج بره القصر
أيوب.. اختار حاجه واحده القصر ولا حور
عموما حور غرقت فى البسين ودفنتها تحته
" صدمه ةةةةةةة 😱"
انا مش شايف حد فيكم زعلان يعنى
جلال قرب منه ورافع المسدس عليه،
ما انا قتلت ابوك ابو العز 
أيوب.. انت قتلته.. طيب واحده بواحده 
عاوز ايه تانى.. مش عرفت طريق اختك
اختك ماتت بعد ما كتبت القصر ليه ولسالى
وطبعا بعد ما وقعتها فى حبى
أصلها كانت سهله اوى
جلال بغضب.. يا ابن الكلب انا مش هسيبك
وحصل بينهم اشتباك وانتهى ان أيوب قعد
على الترابيزه وبيكتب القصر
بأسم جلال
أيوب.. انا مش هكتب اى حاجه
جلال.. هموتك.. طلقه واحده فى دماغك وتبقى
فى خبر كان
محمد " ابن العم" طلع المسدس من جيبه 
وصوبه على جلال 
أيوب قام من مكانه 
حوريه ابتدت تخرج بره القصر 
خالد شدها من رجليها 
حوريه بصت وراها.. خالد😰
ومسك ايدها وقومها بسرعه 
يلا بسرعه على بره 
الاتنين بيجروا فى الجنينه 
خالد.. مين دول 
حوريه بتبص وراها.. دول.. دول مصايب 
على إلارض وباين كده مش هتنتهى على خير 
أيوب.. انا مش هكتب حاجه 
وخد المسدس من محمد ووقف قصاد جلال 
راس ب راس 
امل واقفه 😰 جلال حاسب
سالى بتهور جريت على المطبخ وبعدم وعى 
ووقفت ثوانى وقربت من الغاز وفتحته 
خرجت جرى وقالت 
بصرااااخ.. جلال انت مش هتقدر تموت حد فينا 
انت فاهم 
جلال واقف قصاد أيوب وبيدوس على الزناد
لو عاوز تعيش رجعلى الفلوس والقصر 
ومش هحبسك 
سالى بعدم اتزان.. هيعيش غصب عنك 
كلنا هنعيش 
لو ضربت طلقه واحده من المسدس ده 
القصر هينفجر بينا كلنا 
امل.. انتى بتقولى ايه 
جلال.. دى بوق.. سيبك منها 
سالى.. انا فتحت الغاز.. لو قربت من أيوب 
وضربته كلنا هنموت 
وانت هتموت 
أيوب بصلها.. انتى بتقولى ايه 
جلال داس على الزناد 
امل بخوف.. ريحه غاز.. اوعا يا جلال 
دى فعلا فتحت الغاز.. المجنونه دى 
سالى.. مش هيقدر يقرب من اى حد فينا 
احمد فاق ودخل القصر ولما شاف جلال رافع 
المسدس على أيوب 
وطبعا من غير ما يسمع الحوار 
رفع المسدس انا هموتك يا جلال 
امل.. اوعاااااااا تضررررررب لاااا لااااااا
 وضرب طلقه فى قلب جلال
بوم بوم بوم 💥💥💥💥💥💥
🔥 🔥 🔥 🔥 🔥 🔥 🔥 🔥 
القصر انفجر 💥💥💥
حوريه بعيد عن القصر
بصت وراها 😰😱😱😱
القصر انفجر بكل اللى فيه
بقى كله نار نار نار 🔥🔥🔥
خالد.. يا ترى انفجر ازاى؟
حوريه.. انفجر من ظلمهم
دول ناس ظالمه صدقنى.. انا شوفت فى كام يوم
وعشت حياه مش حياتى
بس كانت حياه وحشه اوى.. كلها كذب وظلم وافترى وكله بسبب الفلوس
خالد.. انتى بتقولى ايه انا مش فاهم
مش انتى قولتى يا حور انك صاحبت القصر
حوريه.. انا اسمى حوريه
مش حووور يا خالد
حور هى صاحبت القصر مش انا
وبصت فى ايدها وشافت مكان المفتاح معلم 
فى كف ايدها 
خالد.. فى حاجه؟ 
حوريه.. لا لا.. مفيش 
خالد الوقت متأخر اوى تحبى تروحى على فين 
وخصوصا بعد ما القصر انفجر 
انتى بقى تيجى معايا عند ماما ومنال اكيد 
وحشتيهم ااوى
حوريه.. ما قولتلك انا مش صاحبت القصر ولا انا حور يا خالد وضربته على كتفه
انا ليا بيت وأهل على فكره
خالد.. ايه حكايتك.. عاوز اعرفها؟
حوريه ماشيه معاااه.. حكايتى حكايه 
انا كنت فى ورطه 
وابتدت تحكى حكايتها 
من اول ما الراقصه ضحكت على باباها
لحد ما خرجت من القصر
وصلوا على اول الطريق النهار شقشق والشمس ابتدت تشرق ___
ومن جهه أخرى البوليس والاسعاف متجهين ناحيه القصر
حوريه.. الوقت فات والقصر اكيد بقى رماد
خالد.. يلا نركب
ووقف أوبر وقالت على عنوان الفيلا
الاوبر وصل _
نزلت وودعت خالد
جريت على باب الفيلا وبقت تخبط بجنون
مامى مامى  انا رجعت
الباب اتفتح وكانت الام
خدتها فى حضنها.. حوريه بتحضنها باشتياق
بعد فراق.. كان حضن دافى مليان حب وحنيه❤️
الام بلهفه.. وحشتينى يا بنت عمرى 
حوريه.. وانتى اكتر يا مامى
الام.. بعد تليفونك ليه انا اطمنت عليكى 
بس مش ناويه تقولى انتى كنتى فين! 
حوريه.. كنت مخطوفه 
الام.. مخطوفه.. ازاى ده حصل 
حوريه.. مامى بعدين.. بس فين اخواتى وفين بابى
الام.. اخواتك نايمين وبابى كمان 
اما هشام فالمستشفى ونفسه يشوفك 
 بيسأل عليكى كل يوم 
حوريه.. حاضر يا مامى هو كمان وحشنى اوى 
اغير بس هدومى وبعد الضهر اروح اشوفه
علشان حتى اكون استريحت 
وبلهفه.. مفيش جديد فى موضوع سليم اخويا
الام بحزن.. اخوكى اتجوز بنت من بره
وعايش معاها
حوريه بذهول.. ازاى.. معقول يسبنا ويروح يتجوز
مين اللى قالك 
الام.. عرفت من واحد صاحبه 
حوريه دخلت الفيلا وبصت فى كل اركانها 
وخدت نفس عمييييييق 
يااااه كان وحشنى بيتنا اوى يا مامى
كل ركن فيه كان وحشنى
الحمد لله اننا رجعنا بيتنا❤️
الام.. والله يا بنتى ربك كبير لقيت الراقصه
داخله علينا وقالت إن فى حد سد ديون بابا
كلها ورجعت كل حاجه اخدتها بالنصب والغش
رجعت الفيلا وحته الأرض 
حوريه بداخلها.. دى الحسنه الوحيده اللى عملتها
فيا يا متسول قصدى يا جلال
ومش هقول لمامى على اى حاجه واعكنن عليها
وطلعت على اوضتها ____
نامت نوووم عمييييييق لمده 24 ساعه
وفى صباح يوم جديد تشرق الشمس على غرفه 
حوريه.. قامت من النوم 
ياااه انا نمت كتير اوى 
دخلت الحمام وخدت شاور ولابست طقم 
ونزلت  وكانت السفره جاهزه وعليها أجمل فطار
لاحلى حوريه 
الام.. على فين 
حوريه.. انتى ناسيه ان عندى جامعه انا فى تانيه 
طب يا ماما 
الام.. حبيبتى انا عارفه بس انتى تعبانه وباين 
عليكى الإرهاق 
حوريه بابتسامه.. بالعكس انا فرحانه جدا 
هروح الجامعه وبعد كده المستشفى لهشام اطمن عليه وعندى مشوار مهم جدا 
الام.. حوريه 
حوريه.. عارفه انا هدور على شغل وهساعد فى المصاريف وان شاء الله ربنا معايا 
الام.. الفيلا رجعت والأرض بس انا مش، معايا فلوس ومعرفتش اتصرف فى اى حاجه؟ 
حوريه.. ماما عندى اقتراح بس ياريت توافقى 
الام.. عارفه.. وموافقه 
حوريه ب استغراب.. انتى عرفتى عاوزه ايه الأول 
مش يمكن متوافقيش يا ست الكل 
الام.. انتى عاوزه تبيعى الفيلا 
حوريه.. لا يا مامى 
احنا نبيع الأرض ونفتح حساب فى البنك 
ونعيش من ارباحها وبردوا انا هشتغل 
لان بابى خلاص مبقاش قادر على الشغل
انا عارفه ان الارض غاليه عليكى 
بس ده الحل الوحيد 
الام.. مفيش حاجه غاليه عليه غيرك انتى واخواتك بس.. بيعيها يا حبيبتى واتعلمى 
وان شاء الله تبقى دكتوره كبيره ناجحه 
ومفيش زيك يا ضى عنيه❤️
وبضحكه سخريه.. ما الأرض كانت ضايعه ومش هترجع.. بس ربنا عالم بينا 🥺
انا بشكره فى كل وقت وفى كل اذان 
لك الحمد والشكر يارب❤️🙏
وقربت منها.. مش ناويه تحكيلى كنتى فين؟ 
حوريه بداخلها.. كان نفسى اقولك بس مينفعش
الام.. ايه روحتى فين؟ 
حوريه.. معاكى يا مامى وقاطع كلامهم 
جرس الباب  
حوريه.. يا ترى مين؟ 
وجريت علشان تفتح 
وبذهول.. خالد!؟ .. اتفضل 
الام.. مين يا حوريه 
حوريه.. ده خالد يا مامى.. زميلى 
خالد.. اه انتى بتاعه بابى ومامى 
حوريه بضحكه.. بس جدعه واعرف الأصول 
خالد.. عارف يا حور.. احم.. قصدى يا حوريه 
الام خرجت.. اتفضل يا ابنى تعالى 
مش تعزمى على ضيوفك يا حوريه 
حوريه.. ده مش ضيف يا مامى وبصتلو 
ده صاحب بيت.. تعالى افطر معانا 
خالد.. انتى كنتى خارجه.. شايفك لابسه 
ومتشيكه على الآخر 
حوريه بصت لنفسها.. كده متشيكه ده العادى بتاعى 😂
خالد.. تعالى اوصلك 
حوريه.. عن اذنك ودخلت استأذنت من مامتها 
وخرجت بره الجنينه وبصت لزرع اوى 
وللفيلا كلها.. عارف الفيلا مش كبيره اوى 
والجنينه صغيره بس بحبها جدا 
انا عشت هنا أجمل سنين عمرى 
خالد.. هى فعلا الفيلا حلوه 
حوريه خرجت بره الفيلا 
انا كان عندى عربيه بس راحت فى الديون 
خالد.. يا بنتى خليكى فى اللى جاى 
حوريه.. عارف انا رايحه فين دلوقتى 
خالد.. فين؟ 
حوريه.. كنت رايحه الكليه.. انا فى تانيه طب 
وعندى مستقبل كبير مستنينى ومستحيل 
استغنى عنه 
خالد.. ربنا يوفقك.. انتى بنت تستاهلى كل خير
حوريه.. وانت كمان.. انت بجد جدع وشهم 
وراجل وشوفت ده فى تعاملك مع أهل بيتك 
ومحترم جدا.. محاولتش تستغلنى او تأذينى 
بالعكس كنت بتنقذنى من كل مصيبه 
وتطلعنى منها وبابتسامه.. فاكر الترعه 
خالد.. دى بالذات متتنسيش
حوريه.. هههههه كانت ريحتها وحشه اوى 
مشيت معاااه.. بعد ما اروح الجامعه 
هطلع على هشام علشان اطمن عليه 
خالد.. ممكن اجى معاكى اطمن عليه 
حوريه.. اكيد.. لما يشوفك هيحبك اوى 
أصله اجتماعى وبيحب الناس 
نفسى وامنيه حياتى انه يرجع طبيعى زى الأول 
حبيبى المرض هده وهو صغير ميستحملش
وبدموع.. استحمل كتير من كيماوى ووجع والم 
خالد.. ربنا معاه وان شاء الله لطفه كبير 
حوريه.. يارب وبلهفه.. بقولك ايه 
احنا نروح المستشفى عند هشام الأول 
خالد.. اوك 
وراح معاها وقضوا مع هشام يوم جميل
وبعد ما مشيوا من عنده قعدوا فى كافيه 
خالد.. اكيد عندك اكونت على الفيس
حوريه.. والله انا نسيت الموضوع ده من شهرين 
نسيت الفيس اصلا.. مكنتش فاضيه 
بس عندى اكونت اكيد 
خالد لسه بيفتح الفيس وشاف خبر على جوجل 
تحت صوره قصر فخم كبير 
انفجار قصر والجثث أصبحت رماد 
خالد.. شوفى كده! 
حوريه.. فى ايه؟ 
وخدت الفون وشافت الخبر 
وبصت لخالد والاتنين ضحكوا مع بعض
حوريه.. قصر مين.. انت تعرف حاجه عنه🙃
خالد.. ولا عمرى شوفته! 😃
وبعد مرور شهرين ____
حوريه باعت الأرض وفتحت حساب بيها فى البنك وابتدت حالتهم الماديه تتحسن 
بعد ما استلمت شغل فى شركه ادويه كبيره
كانت بتشتغل وتدرس فى نفس الوقت
اما خالد كان بيتكلم مع حوريه كتير
ومع الوقت اعترف باعجابه بيها وانه حبها
وفى يوم جديد 
الدكتور اتصل ب حوريه وقالها ان هشام 
اتكتبلوا عمر جديد بعد التحاليل الجديده 
السرطان انتهى وخرج من جسم هشام 
وبقى يقدر يعيش حياته زى الاطفال 
وطبعا مع علاج بسيط ونظام غذائى صحى 
حوريه بفرحه اتصلت ب خالد 
هشام خف.. السرطان خرج من جسمه 
وطلبت منه يروح معاها المستشفى 
علشان يخرج معاهم 
خالد كان معاها فى كل لحظه واى وقت 
كان بيشاركها الحزن قبل الفرح 
فى المستشفى 
هشام خارج 
حوريه بتلبسه الكاب 
هشام.. مش انا خفيت خلاص وبكره شعرى يطلع 
انا مش هلبس الكاب ولا هخاف من كلمه أقرع 
حوريه حضنته وبدموع.. ربنا يتم شفاك على خير 
ويشفى كل مريض على وجهه الأرض 
خالد.. انا هعيط.. ودموعه نزلت 
حوريه بدموع.. انا مطلقه يا خالد 
وكنت خايفه اققولك 
خالد.. طنط قالت ليه على كل حاجه 
وبعدين تجربه فاشله مبنيه على الطمع 
ذنبك انتى ايه بقى يا حوريه❤️
حوريه.. انا مش هتجوز غير لما اخلص دراستى 
خالد.. نتخطب وهستناكى المهم اكون جمبك ❤️
هشام مسك ايد حوريه وضمها فى ايد خالد 
مبرووووك❤️
 ومشيوا الطريق مع بعض بفرحه💖
وتمت قصتنا بحمد الله❤️ بنت فى ورطه ❤️

google-playkhamsatmostaqltradent