رواية انتقام وعشق الفصل الثامن 8 بقلم اميرة محمود

 رواية انتقام وعشق الفصل الثامن 8 بقلم اميرة محمود

رواية انتقام وعشق البارت الثامن

رواية انتقام وعشق الجزء الثامن

رواية انتقام وعشق الفصل الثامن 8 بقلم اميرة محمود

رواية انتقام وعشق الحلقة الثامنة

انتي كنتي فين دي الوقت

ساره ، كككك

ام ساره ، هو ايه اللي ككك

ساره ، مفيش فرح كانت جيبلنا الهدوم دي فكنت بجيبها 

ام ساره ، بتجيبيها منين 

ساره ، رائد خبط وانتي نايمه وعطهوملي وقالي ممكن تعمليلي حاجه اكلها عشان مش عارف فنزلت وجبتله عصير

رائد واقف بره سامع كل حاجه عشان الصوت كان عالي 

رائد ، لسانها الطويل ده كله ومبتكذبش لا بجد عجبتيني

ام ساره ، معدش يحصل فاهمه واللا لا والهدوم دي مش هتتلبس لأنها جديده وانا مش معايا تمنهم

ساره ، ماهو أنا والله يا ماما مرضتش وهو أسر فقلت اجي أسألك

ام ساره ، طب مسالتنيش ليه قبل ماتنزلي مع شاب في نص الليل افرضي كان عمل فيكي حاجه يا محترمه

ساره بدموع ، ماما انتي عارفه بنتك ازاي تقولي كده وثم أن رائد مبيطقنيش فعشان كده اديت الامان ونزلت

ام ساره ، الغلطه غلطتي اني وافقت اجي هنا اتفضلي ياللا عشان نغور من هنا

رائد خبط عليهم

ام ساره ، نعم

رائد ، أنا اسف غصبا عني سمعت الكلام بس والله أنا ماكان في نيتي حاجه وحشه

ام ساره ، لا وحشه ولا حلوه ياللا يا ست هانم 

ساره مسحت دموعها ، أنا جاهزه 

رائد ، مينفعش تروحوا خالص هناك انهارده صدقيني ايمن ابو فرح حلفان أنه ماهيسكت

سليم خرج ، في ايه ياجماعه ايه الصوت ده

رائد ، عايزين يمشوا دي الوقت

سليم ، ليه في حاجه ضيقتك يا ست الكل

ام ساره بصت لرائد

سليم ، في ايه ياجماعه

ام ساره ، ابعد عن بنتي خالص فاهم اللعبه خلصت وكل حاجه اتكشفت

سليم ، هو ايه اللي حصل حد يفهمني

رائد ، مش انت مراتك طلبت هدوم وسيادتكم نمت وانا استلمتهم ودفعت تمنهم وعطيتهم لساره مردتش تاخدهم حسيت اني جعان بسبب الدم اللي نزل من بطني فقلت لها ممكن تعمليلي حاجه اكلها وبعدين قولت كفايه عصير فلما طلعت قولتلها خدي الهدوم وانتي طالعه فهي كانت هتستاذن مامتها الاول بعدين لقيت اللي حصل ده

سليم ، اه فعلا والله نسيت موضوع الهدوم ونمت بس انتي زعلانه من ايه يا ست الكل

ام ساره ، مينفعش أنها تنزل معاه في الليل ده من غير ماتقولي

رائد ، بس انا كنت دايخ وتعبان 

سليم ، خلاص حصل خير 

ساره بدموع مثل السيل ، بس انا همشي اول مره يا ماما فين ثقتك فيا أنا هروح بيتنا واللي يحصل يحصل

ام ساره اخدتها في حضنها ، أنا اسفه انتي عارفه اني مليش غيرك في الدنيا 

ساره انهارت في حضن امها 

ام ساره ، خلاص بقي يارب اموت لو مبطلتيش عياط

ساره ، بعد الشر عنك يا ماما

فرح واقفه متابعه كل ده افتكرت مامتها وقعدت تعيط

الكل اخد باله من عياط فرح

ام ساره راحت حضنتها ، متعيطيش انتي كمان اي ده بنتين نكد وراحت معيطه جامد خلاص بقي يافرح والله لو مسكتي همشي

رائد ، علي فكره انا امي كمان متوفيه

ام ساره ، ههههه الله يرحمها ياحبيبي 

رائد ، أنا عايز حضن من ده

ام ساره ، عند امك يا حبيبي 

رائد ، أنا عرفت هي جايبه الألفاظ دي منين هههههه

سليم ، هههههه تستاهل ياللا بقي ادخلوا ناموا

ام ساره ، الفجر بيأذن تعلو نصلي جماعه

ساره ،. بس انا مش معايا إسدال

سليم ، هشوف عند نرمين

ساره ، لا بلاش تصحيها حرام

ام ساره ، لا صحيها اهو ناخد ثوابها ياللا ياحلوين مين اللي هيبقي امام بينا

سليم ، رائد طبعا

رائد ، ليه ميكنش انت

سليم ، بقولك ايه أنا طالع اصحي نرمين علي ما انت تجهز

ام ساره ، هو انتو مبتعرفوش تصلو واللا اي

رائد ، لا طبعا بنعرف بس مأصليش كنت أمام

ام ساره ، طب ياللا احنا هنتوضي علي ماتجهز ياحبيبي

رائد ، امرى لله ياللا

فوق عند نرمين

سليم بيخبط 

نرمين ، مين 

سليم ، أنا

نرمين ،. طب ادخل يا حبيبي

سليم ، نرمين عايز اسدالين صلاه وقومي صلي معانا

نرمين ، انت هتصلي 

سليم ، اه

نرمين ، احلف انت دخلت الاسلام

سليم ، اومي يا ظريفه 

نرمين ، طب تعالي اومني 

سليم ،. ياللا هاتي الاسدالين واتوضي وانزلي صلي معانا

نرمين ، خلاص ماشي بس ابقي تعالي نزلني بعد ماتعطيهم الاسدالات

سليم ، اوك

،،،،،،،،،،،،

نرمين نزلت لقت رائد واقف هيصلي بيهم أمام

نرمين ، الله اكبر الإسلام دخل بيتنا الله اكبر

الكل وقع علي روحه من الضحك

ام ساره ، ههههه طب وانتي بتصلي واللا زيهم

نرمين ، طبعا بصلي والله يا طنط ده حتي سليم كان طالع لقلاني صاحيه كنت قايمه اتوضي واصلي

ام ساره ، طب ياللا يا استاذ رائد احنا جهزنا

رائد وقف وهو محروج وبدأ يصلي بكل خشوع الكل انبهر بجمال صوته

بعد الصلاه

ام ساره ، بسم الله ماشاء الله صوتك جميل جدا

سليم ، لا بجد صوتك جميل اوي يا رائد بجد 

رائد ، متشكر يا جماعه والله 

سليم ، الحق ايمن زفت بيرن 

رائد ، في حد يتصل بحد دي الوقت طب رد شوفه عايز ايه

سليم ، عايز اي وبتتصل دي الوقت ليه 

ايمن ، أنا قدام فيلتك لوحدي أنا جاي عايز اشوف بنتي

سليم ، دي الوقت ومش خايف

ايمن ، أنا مكلم ظابط صاحبي وقايله اني جاي هنا وطبعا لو حصلي حاجه الحكايه مش هتعدي بالساهل

سليم ، طب حكايه بنتي دي مش هستوعبها قول عايز ايه واخلص

ايمن ، كلمهم يدخلوني

سليم ، ماشي وقفل في وشه

رائد ، عايز ايه

سليم ، واقف قدام الفيلا عايز يدخل يشوف بنته خليهم يدخلوه بس يفتشوه قبل ما يدخل كويس

ام ساره ، مش عوايده كانت بتبات عندي مكنش بيسأل خالص

سليم ، اهو هيدخل ونشوف عايز ايه

،،،،،،،،،،

بعد شويه ايمن دخل

سليم ، خير عايز ايه

ايمن ، دي تربيتي ليكي تروحي تتجوزي من ورايا يافرح

فرح ، بصت في الارض ومردتش

ام ساره واقفه متنحه

سليم ، جاي عشان تقول الكلمتين دول

ايمن ، أنا جاي بأوراق التنازل أظن انتي بقي عندك واحد وعشرين سنه فطبعا امك كانت كاتبه كل حاجه باسمك فيا له يا حلوه امضي

ام ساره بصدمه ، فتحي

ايمن بصلها جامد واتلقلق في الكلام ، فتحي مين

ام ساره بصوت عالي وهجمت عليه شديته من قميصه ، بنتي فين يافتحي بنتي فين

سليم ، في ايه 

ام ساره بدموع ، ده فتحي ابن عمي زمان اتجوز واحده غنيه وطلعت مبتخلفش اجولي بعد ماجوزي مات وانا كنت حامل في التامن وكنت لسه مدخلتش الكليه اتفقوا هيخدوا مني واحده من اللي في بطني مقابل هيجبولي شقه لأن كنت في شقه ايجار وابويا وأمي متوفين وقالولي هيدوني مبلغ أأمن مستقبلي وأكمل تعليمي وطبعا كنت عيله عندي 17سنه فوافقت اول ماولدت اخدوا بنت وسابولي ساره وبعد شويه كلمتهم عايزه بنتي مرضوش وقولتلهم مش عايزه حاجه هنزل اشحت بيهم واربيهم مرضوش يرجعوهالي وهددوني أنهم هيقتلوني أنا وبنتي فبعدت عنهم 

ايمن ، أنا معرفكيش اصلا

ام ساره ضربته بالقلم ،بنتي فين رد احسنلك 

ايمن جاي لسه يضربها سليم مسك أيده 

سليم ، هتمد ايدك علي ست ياحيوان

رائد ، ربنا يستر من اللي في بالي

ساره بصتله وبصت لفرح بصدمه

سليم ، قول الحقيقه احسن بجد هنخرجك حتت

ايمن ، المقابل أنها تتنازل عن كل الأملاك وتمضي وانا هقول كل حاجه

فرح اخدت الورق بلهفه ومضيته

ايمن ، ايوه انا فتحي واول ماتجوزت سها غيرت اسمي وكل حاجه بتفكرني بالفقر اللي عيشته اتجوزت واستحملت أنها مبتخلفش عشان فلوسها مش اكتر وفرح تبقي بنتك يا منال 

فرح رمت الورق في وشه ، عشان كده عمرك ماحبتني عمرك ماحسستني انك ابويا وعلي فكره يا طنط منال انتي هتفضلي طول عمرك بالنسبالي مامت صحبتي أنا مامي ماتت الام اللي تبيع ضناها متبقاش ام عارفه كانوا اصحابي يقعدوا يقولولي هو انتي وساره اخوات عشان الشبه الكبير اللي مابينا كان بيبقي نفسي اقولهم أيوه اختي ليه عملتي فيه كده انتي عارفه الراجل ده كان بيعمل فيا ايه كان دايما ضرب واهانه ومامي سها هي اللي كانت بتقفله كتبت كل حاجه باسمي أول ماتعبت عشان تضمن أنه ميرمنيش في الشارع اول ما تموت 

ام ساره بعييط ، والله غصبا عني ابوكي مات وسابلي ديون ماتتلم وحتي الشقه كانت ايجار وأما روحت لابن عمي يساعدني عشان عرفت أنه اتجوز واحده غنيه ويقف جنبي رمولي شويه قروش ادفعهم لصاحب الشقه وبعدها اجولي شقتي ومراته شرطت تساعدني تاني مقابل تاخد قلبي قصاد المساعده 

سليم ، حتي بنت عمك طلعت ندل معاها بدل ماتقف معاها في المصيبه بتاعتها طول عمرك شيطان مش اخدت اللي عايزه اطلع بره

رائد ، هات الورق ده اشوف مضت علي ايه اول 

فرح ، أنا طالعه انام 

ام ساره جرت عليها ، ابوس رجلك يا بنتي متسبنيش أنا مبنمش بسبب العذاب اللي عيشته من غيرك متعذبنيش اكتر من كده

فرح ، انتي رمتيني انتي كنتي السبب في عذابي

ساره ، ماما كفايه كده انتي هتبوسي رجليها ياللا نمشي 

ام ساره ، اسكتي انتي مليكش دعوه وراحت بصه لفرح انتي مش كنتي دائما بتقوليلي اني الحضن الحنين عليكي أنا وساره

فرح ، كملي الحضن الحنين من العذاب اللي بشوفه من بابي اللي انتي كنتي السبب فيه

ساره ،. اتكلمي كويس مع امي انتي فاهمه بدل ما تندمي

ام ساره ضربتها بالقلم ، ملكيش دعوه انتي قولت

ساره طلعت تجرى خرجت بره الفيلا

رائد ، أنا هروح وراها هجبها

ساره خرجت تجرى تعيط في الجنينه ولسه جايه تخرج من البوابه 

الامن ، معنديش أوامر تخرجي

ساره ، لا هخرج وحاسب عن وشي احسنلك

رائد اجي وراها ، هتروحي فين

ساره بزعييق ، ملكش فيه ابعد عني

رائد ، تعالي بس اهدي 

ساره ، مش ههدي

رائد بزعييق ،. الكل بيتفرج علينا مينفعش كده

ساره ، قولتلك ملكش فيه

رائد ، طب تعالي اركبي وشوفي عايزه تروحي فين وانا هوصلك

ساره ركبت معاه وفضل سايق لحد ماوصل علي الكورنيش

ساره ، انت وقفت ليه

رائد ، انزلي نقف شويه قدام البحر ونتفرج عالشروق

ساره نزلت ووقفت قدام البحر وفضلت تعيط

رائد ، طب بتعيطي ليه انا مش شايف أن في سبب تعيطي عليه

ساره ، كل اللي حصل ده ومفيش سبب دي أمي اتهانت ولسه واقفه تعتزرلها

رائد ، صاحبتك كانت بتيجي تبات عندك ليه

ساره ، عشان

رائد ، سكتي ليه كملي عشان بتهرب من عذاب ابوها ليها تعرفي أن ايمن قتل ابو سليم وأمه وهو السبب في أن اخته قاعده علي كرسي متحرك

ساره ، بس كانت عايشه ملكه اي حاجه نفسها فيها كانت بتجيبها 

رائد ، لو قولتلك هعطيكي مليون جنيه بس هتضربي وتتهاني بيهم يأما مامتك هتختارى مين

ساره بدموع ، طبعا ماما

رائد ، فهمتي قصدي واللا لا

ساره بابتسامه ، اممم

رائد ، تعرفي أن انتي وفرح فيكوا غمازات من بعض

ساره ، ماشي يا خفيف

رائد كشر مره واحده ،. خفيف بردك ماشي يا سرسور

ساره كشرت جامد وعقدت حواجبها ، عارف لو سمعت الكلمه دي تاني هعمل فيك اي

رائد ، اي

ساره حطت أيدها علي مكان الجرح في بطنه ، هعمل كده

رائد ، ااااه وربنا انتي مفتريه أنا ماشي وهسيبك هنا اياكش يطلعلك قرش من البحر ياكلك

ساره ، امشي يا له من هنا

رائد ، ياله أنا يتقلي ياله ماشي يا سرسور ياسرسور ياسرسور وسابها وراح ركب العربيه

ساره بابتسامه ، وربنا مجنون 

الحق ياله في موزه واقفه عالكورنيش لواحدها اهي

هو القمر واقف لوحده ليه 

ساره ادورت لهم ، في حاجه ياخفيف

لا أصل اللي بتستنيه شكله مش جاي فاحنا اهو موجودين وهنديكي اللي عايزاه 

ساره قامت فيهم شلاليط نيمتهم كلهم في الارض

رائد نزل جرى من العربيه ورايحلها بيبص لقاهم قاموا من علي الارض يجرو

أجرى ياله دي شكلها بتلعب مسارعه محناش قدها

رائد ، هههههههه يخربيتك ده ايه ده اللي حصل

ساره ، مش قولت هتمشي رجعت ليه

رائد ، خلاص بقي ياللا المسامح كريم اركبي عشان اوديكي زى مانتي عايزه

في العربيه

رائد ، هههههههه

ساره ،. هو انت اهبل واللا عليك عفريت

رائد ، وانا اللي خفت عليكي ونازل ادافع عنك طب ما بدالك كده مدفعتيش عني ليه أما كانو بيضربوني

ساره ، عشان معاهم مسدسات وانا الصراحه خفت

رائد ، انتي اللي هيتجوزك لازم يبقي معاه مسدس عشان يدافع عن نفسه

ساره ، اللي هيتجوزني طبعا هيكون بيحبني ومش هيأذيني ولا ااذيه

رائد ، طب افرضي في مره قالك يا سرسور

ساره ، مش عارفه هعمل ايه بس اكيد وجزت علي اسنانها هندمه

رائد ، ربنا يكفينا شرك

أنا هروح بيتنا مش رايحه الفيلا 

رائد ، هو انتي دماغك ناشفه كده ليه اسمعي الكلام وروحي معايا

ساره ، أنا دماغي مش ناشفه بس ماما ضربتني وانا اول مره ايد ماما تيجي علي وشي

رائد ، طب ما أنا ضربتك بالقلم واديكي راكبه عربيتي عادي

ساره ، بس حقي جالي اخت علقه ايه تمام

رائد ، يعني انتي عايزه حقك يجيلك من مامتك

ساره ، انت مجنون ايه اللي بتقوله ده دي لو قتلتني محدش ليه فيه 

رائد ، طب هي مقتلتكيش ياللا بقي فاتها قاعده علي نار

ساره ، تفتكر ورفعت حواجبها وبصتله

رائد ، افتكر طبعا

ساره ، خلاص ماشي روحني علي بيتنا بقي

رائد يصلها بغل ، وربنا انتي مجنونه 

ساره ، هههههه شكلك بيبقي حلو وانت متعصب 

رائد ، والله

ساره ، أمممم عشان كده بحب اضايقك

رائد ، وانتي ضحكتك حلوه اوي 

ساره ، مش اول واحد يقولي كده علي فكره

رائد اتعصب ، هو انتي ماشيه تضحكي للناس وتيجي عليه وتكشري

ساره ، عشان انت بتضايقني فبضايقك وبتتبسط أما يضايقك

رائد ، ماشي ياستي ضايقي براحتك 

ساره ، تعرف صوتك حلو اوي وكله خشوع وانت بتصلي

رائد ، شكرا وانتي 

ساره ، أنا اي 

رائد ، شكلك حلو بالاسدال والطرحه كانت حلوه عليكي اوي

ساره ، نفسي ألبسها تاني

رائد ، هو انتي كنتي لبساها قبل كده

ساره ، اه بس الشيطان وحش

رائد ، فكرى فيها تاني

ساره ، اوك 

رائد ، ياللا وصلنا ياريت مضايقيش مامتك هي متستهلش منك حاجه وحشه هي افتكرت اللي حصل والصدمه كانت جامده عليها 

ساره ، ماشي ياللا 

،،،،،،،،-------------

سليم ، أنا آسف يا طنط بس سبيها تهدي وبعد كده يحلها حلال الصدمه قويه عليها

ام ساره ، والله يا سليم غصب عني

سليم ، عارف والله المهم اهدي انتي كمان وادخلي نامي دي الوقت

ام ساره ، طب وساره

سليم ، دي الوقت رائد هيجبها 

ام ساره ، تمام أنا هطلع الاوضه فوق عما تيجي

سليم ، ماشي وانا هطلع انام تصبحي علي خير

-----------------

سليم ، فرح 

فرح بدموع ، نعم

سليم ، بطلي عياط بقي هي الست الدنيا اجت عليها جامد عارفه اول ما شفتها حسيت انها شبهك خالص علي فكره محدش يصدق أنها امكم هههههههه يعني حماتي اكبر مني بتمن سنين

فرح ، لو سمحت مش عايزه كلام في الموضوع ده

سليم ، لا هنتكلم الست منهاره عشان خاطري تعالي معايا نصالحها 

فرح ، لا

سليم ، فرح دي كانت هتبوس رجلك انا مكنتش اعرف انك قاسيه كده

فرح ، شكرا بس بقي عايزه انام

سليم ، براحتك بس لو حصلها حاجه اكيد مش هتسمحي نفسك 

فرح ، طب تعالي معايا 

سليم ، فين 

فرح ، نروح لها

سليم قام وقف في ثانيه ، ياللا

فرح ، ههه ياللا

،،،،،،،،،،

فرح رايحه مع سليم تصالح امها

ساره طالعه مع رائد تصالح امها

اتقبلو قدام باب الاوضه سليم غمز لرائد ساره اول ماشافت فرح قصادها قعدت تعيط حضنوا بعض وفضلوا يعيطوا

رائد ، طب ادخلوا صالحوا الست اللي جوه دي

خبطوا علي الباب مردتش

ساره قلقت وفتحت الباب لقت امها بتصلي وساجده بتعيط

ام ساره ، الحمد لله يارب انت كبير وقادر على كل شئ الحمد لله انك رجعتهالي ومكسرتش قلبي اكتر من كده الحمد لله وخلصت صلاه

فرح وساره طلعوا يجروا حضنوها وفضلوا يعيطوا في حضنها وهي تبوس فيهم

سليم ، أنا هادخل انام وخليكي مع مامتك انهارده ياللا يا رائد

رائد ، ياللا

،،،،،،،،،،،،،،،،

سليم ، حد يصدق اللي حصل الليله دي

رائد ، ربنا عمل كل ده عشان ترجع لحضن امها

سليم ، سبحان الله يا اخي ده ايمن ده مش شيطان ده ابليس نفسه

رائد ، فعلا والله بعد اللي سمعته انهارده مش قادر اصدق ان الفلوس تدمر عيله وتشتت أفرادها

سليم ، ياللا أنا داخل انام الواحد مش عارف هينام ازاي في ام الليله دي

رائد ، هيييييه اجي انام في حضنك يا سي سليم

سليم ، تعالي يا اختي ده انا هقطعك يا رورو

رائد ، اختشي يا راجل احنا كبرنا علي الكلام ده

ساره كانت نازله تجيب شنطه الهدوم من تحت اللي رائد جيبها سمعتهم وقعت علي روحها من الضحك عليهم

رائد وسليم بصولها بصدمه سليم دخل اوضته من الاحراج متكلمش ولا كلمه ودخل جرى

رائد ، هو انتي واقفه من زمان

ساره ، كنت هههههه كنت نازله هههه اجيب الهدوم

رائد ، أمم ماشي انزلي

ساره ، مش تقول انك

رائد بصلها جامد ، اني ايه

ساره ، هههههه مفيش وربنا قلبي هيقف

رائد ، علي فكره احنا كنا بنهزر

ساره ، بتهزرزوا اممم هههههههه

رائد ، طب وربنا انتي مجنونه امشي يابت 

ساره ، ماشي يا رورو هههههههه

رائد ، رورو مين يا بت 

ساره كشرت ، رورو انت يا حبيبي ههههههه

رائد ، حبيبي

ساره ، سورى يا اختي هههههههه

رائد ، وربنا هرتكب جريمه فيكي انهارده

ساره ، ليه وعلي ايه أنا مش فاكره سيبت الهدوم فين

رائد ، تحت عالكنبه

ساره ، ماشي أما انزل اجيبهم اااه رجلي والنبي يا رورو انزلي هاتهملي احسن رجلي وجعاني 

رائد شد أيدها لفها ورا ضهرها وثبت وشها في الحيطه

ساره ، اااه

رائد ، احترمي نفسك وانتي بتكلميني فاهمه واللا لا

ساره ، سيب أيدي وجعتني

رائد ، ردي عليه فاهمه واللا لا

ساره بدموع ، أيدي وجعتني اااه فاهمه فاهمه

رائد سابها 

ساره ، معدش في كلام بينا 

رائد ، يبقي احسن واترحمت من لسانك الطويل

ساره فضلت بصاله والدموع نازله من عينيها ، شكرا وسابته ودخلت اوضتها

فرح ، مالك وفين الهدوم

ساره ، مليش ومش عايزاهم وبس بقي عايزه انام وقعدت علي الارض وضمت رجليها وحطت راسها في الارض وفضلت تعيط

ام ساره ، مالك بتعيطي ليه وبعدين هتنامي علي الارض كده

الباب خبط

فرح فتحت الباب ، خير يا رائد

رائد ، الهدوم اهي وبص علي الارض شاف منظر ساره

ام ساره ، هو في ايه ردى عليه انتي بتعيطي ليه 

رائد ، عن اذنكم وسابهم وراح اوضته

---------------★★★

رائد ، هو أنا مضايق ليه مش المفروض ابقي فرحان أنها مش هتكلمني أنا مش هعرف أنام وانا مزعل حد اووووف منظرها مبيروحش من عيني هو في حد يمسك ايد واحده ويلويها كده هي اصلا بتحس ماهي لو مكنتش بتحس مكنتش عيطت كده طب هي هتنام ازاي علي الارض كده لا لازم انسي لازم انام ورايا شغل مهم الصبح

،،،،،،،،،،،،،،،،،،

تاني يوم الكل قاعد علي السفره بيفطر بس الساعه اتنين لأنهم ناموا متأخر

سليم ، أنا طلبتلك فستان فوق في الاوضه وبعد اذنك يا طنط أنا حاجز مكان عازم فيه اصحابي انهارده عالضيق نعمل فيه حفله فرحنا هيبقي في ياخت في النيل

فرح ، بجد يا سليم

سليم ، أمم اي رايك يا طنط

ام ساره ، طبعا موافقه يا حبيبي ربنا يسعدكم بس احنا هنروح نجيب هدومنا أنا وساره عشان الحفله

سليم ، أنا جيبلكم كل واحده فيكم فستان 

ام ساره ، ليه كده كلفت نفسك 

سليم ، أنا معنديش اغلي منكم

ام ساره ، ربنا يخليك لينا يا حبيبي

سليم ، تسلمي يا ست الكل اومال ساره فين منزلتش

فرح ، فضلت تعيط لحد ما نامت من شويه هسبناها نايمه ونزلنا

سليم ، هو حد زعلها

فرح ، راحت تجيب الهدوم بليل فجأه دخلت تعيط ومسكتتش غير عالضهر هدت ونامت

سليم بص لرائد ، اكيد حد ضايقها

رائد ، اححم انا هروح عشان اجهز ونتقابل بليل في الياخت

سليم ، اوك ماشي 

رائد ، عن اذنكم وخرج مشي

،،،،،،،،،،،،،،،،

بليل 

فرح ، اي رايك في الفستان يا ط

ام ساره قاطعتها ، يا ايه

فرح ،. يا ماما

ام ساره ضحكت ، قمر ياحبيبتي والله قمر

الباب خبط

فرح ، اكيد سليم أنا هفتح

فرح فتحت الباب

سليم صفر ، اي القمر ده 

فرح ، بجد 

سليم ، والله قمر شكلي وطي وقال في ودنها هاخدك الاوضه بتاعتي ومفيش فرح

فرح ، بس عيب ماما ورايا 

سليم ، احم يا للا بينا 

ام ساره ، تمام أنا وساره جهزنا بس هنركب فين

سليم ، مع رائد 

ام ساره ، ماشي ياللا بينا يا ساره 

،،،،،،،،،

سليم اخد فرح في العربيه وراح يتصوروا صور ذكرى 

ساره ، مش هرمي مع البني ادم ده 

ام ساره ، ليه في ايه ماله

ساره ، مفيش بس مش هركب معاه

رائد ، مش بمزاجك اتفضلي اركبي

ساره ، اوووف اللهم طولك ياروح 

رائد ، اركبي انتي كده يا طنط وراح شادد ساره مركبها في العربيه

ام ساره ، اهدي بقي مالك

ساره ، مليش 

رائد طول الطريق عمال يبصلها في مرايه العربيه لحد ما اخدت بالها

رائد ، وصلنا الياخت اهو ياللا بينا 

ام ساره ، الطالعه بتاعته عاليه اوي

رائد ، أنا هدخل وانتي امسكي أيدي ياطنط

ام ساره ، ماشي ياللا

رائد شد ام ساره دخلها مد أيده لساره

ساره بصت له من فوق لتحت وراحت رافعه الفستان وجايه تطلع فقدت توازنها وكانت هتقع رائد شدها بسرعه لحد ما بقت في حضنه

ساره وشها احمر ، شكرا سيب بقي

رائد ، احمم أنا آسف

ام ساره ، لازم حب الناس هتطلع ازاي

رائد ، المفروض في سلم خشب بيتحط هنا نسوا يحطوه أنا هحطه ادخلوا انتوا 

ام ساره ، ماشي 

،،،،،،،،،،،

في الياخت

العروسه والعريس قاعدين والكل منبهر بجمالها

اسر ، احمد هي اللي لبسه فستان زهرى دي اخت العروسه

احمد ،. اه واللي جنبها مامتها

اسر ، طب عن اذنك

اسر راح قعد علي تربيزتهم

اسر ، أنا اسر ابن عم سليم

ام ساره ،. اهلا يا بني

اسر ، انتي اخت العروسه

ساره ، اه

اسر ، شبها خالص 

ساره ، اه ما احنا توأم

اسر ، أمم عشان كده

رائد واقف يبص عليهم وهما بيتكلموا من غيظه راح قعد معاهم

اسر ، اي يا عم رائد مفيش مكان غير هنا

رائد ، اه مفيش مكان

اسر معبروش ، هو انتو منين

ام ساره ، من سته اكتوبر

اسر ، اهلا بيكم هو انتي اسمك ايه

ساره ، ساره وحين تغيظ رائد أو سو عادي 

رائد بصلها بغل ، ممكن صرصور

اسر ، انت ايه دخلك 

رائد ، اصل احنا معرفه

ام ساره فاهمه رائد قعد ليه وساره بتكلم مع أسر ليه

اسر ، هو انتي بتدرسي

ساره ، أمم في تالته جامعه

اسر ، كليه ايه

ساره ، تجاره

اسر ، مرتبطه واللا سنجل

ساره ، س

رائد ، ساره خطيبتي يا اسر

اسر ، اووف أنا آسف ياله الواحد ملوش نصيب 

رائد ، حصل خير

ساره بصاله بصدمه وسابته وقامت راحت وقفت قدام البحر

رائد ، بعد اذنك يا طنط بقولك مابلاش طنط دي بحس انك قد امي وانتي شكلك اخت فرح وساره 

ام ساره ، ماشي أنا اسمي منال

رائد ، ماشي يا مون هروح لام دماغ ناشفه

ام ساره ، ماشي يا حبيبي بس براحه عليها لأنها لسانها طويل بس حساسه اوي

رائد ، عن اذنك وراح لساره جرى

،،،،،،،،،،،،

رائد ، هتدوخي متركزيش

ساره ، وانت مالك

رائد ، ماقولنا خطيبك

ساره ، غصبا عني يعني

رائد ، ايوه غصبا عنك

ساره ، بس انا مبحبكش ومبطقكش 

رائد ، واي كمان

ساره ، مش احنا اتفقنا مفيش كلام بينا ده حتي ايدك لسه معلمه علي ايدي

رائد مسك أيدها وراح بيسها

ساره ، لا ده انت مجنون بجد

رائد ، فعلا أنا وافتكر أن الكلمه دي كان قالها لمراته 

ساره ، انت اي

رائد ، أنا ماشي عن اذنك 

ساره بدموع ومسكت أيده ، متمشيش انت ايه

رائد ، انا لازم امشي 

يتبع..

لقراءة الفصل التالي: اضغط هنا

لقراءة باقي حلقات الرواية اضغط على (رواية انتقام وعشق)

google-playkhamsatmostaqltradent