رواية انتقام وعشق الفصل السابع 7 بقلم اميرة محمود

 رواية انتقام وعشق الفصل السابع 7 بقلم اميرة محمود

رواية انتقام وعشق البارت السابع

رواية انتقام وعشق الجزء السابع

رواية انتقام وعشق الفصل السابع 7 بقلم اميرة محمود

رواية انتقام وعشق الحلقة السابعة

الحمد لله الرصاصه مجتش في رجله عدت من جنبها جرحته بس

والله لهندمك علي اللي قولته 

ونزل ضرب في السكيورتي اللي تبع ايمن

ساره ، الو ايوه يا فرح رائد بيتخانق مع الامن تحت خلي سليم ينزله

اتلموا علي رائد ومسكوه وفضلو يضربوا فيه

ساره ، سليم الحق صاحبك هيموتوه

سليم طلع مسدسه ، ابعدوا عنه احسن مااضرب بالنار

الامن تبع سليم وصلوا اول ماسليم كلمهم

كلهم طلعوا مسدسات علي بعض وفضلوا يضربوا نار علي بعض

سليم ، ياللا يافرح اركبي العربيه 

ساره ، ماما ايه اللي نزلك

سليم ، اركبي بسرعه يا طنط انتي وساره 

ساره ، بس رائد فين 

سليم بزعييق ، السكيورتي ركبوه العربيه اللي مشت ياللا بسرعه قبل ماحد يموت فينا 

ساره ركبت بسرعه هي ومامتها

ام ساره ، هو في ايه وايه اللي حصل

ساره ، السكيورتي قالولي كلام قذر و رائد راح يمسك فيهم اتلموا كلهم عليه وضربوه

ام ساره ، يا مصبتي وحصله حاجه

ساره ، مش عارفه هو احنا هنروح فين يا سليم بيه

سليم ، فيلتي اامن مكان

ام ساره ، طب وبيتنا

سليم ، اللي هيرجع هيبقي كبش فدا

ام ساره ، هما مش دول اللي بباكي موقفهم تحت البيت عشان حمايه ليكي يا فرح

فرح ، اه

ام ساره ، طب ماتكلم حماك تحكيله اللي عملوه

سليم ، أما نروح هفهمك كل حاجه بس بالله عليكي مش عايز اسئله خالص

،،،،،،،،،،،

في الفيلا

سليم ،. رائد وصل

الامن ، اه فوق لسه واصل حالا

نرمين ، هو في ايه يا سليم ورائد ماله و فرح انت خطفتها تاني ليه

ام ساره ، خطفتها تاني أنا كده فهمت كل حاجه

فرح ، ياطنط والله هشرحلك كل حاجه

ام ساره ، تشرحيلي كنتي بتستغفليني كل ده يافرح أخص عليكي وانا اللي كنت بحبك زي ساره بالضبط

فرح ، والله يا طنط أنا كمان بحبك والله بس اللي حصل أن سليم خطفني ينتقم من بابي بس والله هو حبني وانا حبيته عشان كده حصل كل ده

ام ساره ، ليه بتحلفي أنه حبك مش ممكن يكون بيكمل انتقام

سليم ، أنا فعلا كنت بنتقم في الاول بس مكنتش اعرف اني هحبها كده والله العظيم فعلا بحبها ومش بس بحبها أنا بعشقها

ام ساره ، هي مراتك دي الوقت لو حبيت تنتقم فأنت كده بتنتقم من نفسك عايز تكمل انتقام كمل بس صدقني انت اللي هتزعل في الاخر لانك هتخسر رجولتك قصاد واحده ست

سليم ، حضرتك هتقعدي معانا كام يوم ولو حسيتي اني بكدب عليها ممكن تنفذي فيا اي حكم وقصادهم كلهم أنا موافق علي حكمك

ام ساره ، لازم اروح ورايا شغل بكره

سليم ، مينفعش ممكن يتعرضولك وغير كده انا هكلم المسؤل عن اداره التربيه والتعليم واخدلك اجازه كمان

ام ساره ، ليه دخلتنا في متاهاتك أنا وبنتي كنا عايشين في حالنا وحتي فرح كانت نسمه بتيجي تنور بيتنا الكام يوم اللي كانت بتقعدهم

سليم ، غصبا عني والله 

ام ساره ، بس علي كده بقي رائد مش عريس والا حاجه دي كانت لعبه

سليم ، بصراحه صاحبي مراته ماتت وهي حامل كان بسبب شغله وحالته النفسية ادمرت ساب شغله بس بعد ماصفاهم كلهم واخد حقها حبيت أخرجه من اللي هو فيه قولتله يشاركني بأسهم في الشركه وبقي دراعي اليمين وبصراحه أنا كان نفسي اجوزه تاني وافرح بيه وكان نفسي اقربه من بنت حضرتك 

ساره بإحراج ، تقربه مني ومين قالك اصلا اني ممكن اوافق عليه

احمد نزل من عند رائد

احمد ، ده اكل علقه موت مين قدر عالوحش ده

سليم ، طب هو عامل ايه دي الوقت

احمد ، اخد حقنه مسكنه وهتخفف عنه الالم شويه 

رائد نزل وراه 

سليم ، ايه اللي نزلك

احمد ، الحقنه سكنت شويه بس لازم ترتاح انت اخد خمستاشر غرزه في بطنك أنا ماشي مش مسؤول عنه لو مشا

رائد ، لا هروح عايز انام

ساره اول ما شفته وهو كله شاش وعنيه حواليها زراق من أثر الضرب قلبها وجعها بس حاولت تجمد قلبها وتبينله أنها شمتانه

ساره بضحك ، اللي يشوفك وانت داخل عليهم بصدرك مفتوح ميشوفكش وانت مفيش حته فيك سليمه

رائد لف وبصلها بصه طويله خليتها زعلت من نفسها

ام ساره ، تصدقي انك قليله الذوق متزعلش يا بني كتر خيرك انك رميت نفسك في النار عشانها وهي البعيده بارده

سليم ، اطلعي يا فرح دخلي ساره وطنط الاوضه اللي كنتي بتنامي فيها

فرح ، ماشي اتفضلي ياطنط 

،،،،،،،

سليم ، اطلع يا رائد ورحمه مراتك لتطلع تنام فوق عشان ابقي مطمن عليك

رائد ، هو انت هتبيت البت دي هنا

سليم ، بت مين

رائد ، ساره زفت 

سليم ، لو رجعوا مش ضامن اللي هيحصلهم 

موبايل سليم رن

سليم ، نعم

ايمن ، خطفتها تاني ليه

سليم ، محدش بيخطف مراته

ايمن ، اتجوزتها 

سليم ، اوف نسيت اعزمك علي كتب كتابنا كان انهارده

ايمن ، ياللا كده حلو اهو كل حاجه هتبقي ملكي اول مابنتي تبقي ارمله

سليم ، لا ده انا اللي هيتمها قريب

ايمن ، بكره نشوف وحسابك تقل معايا اوي

سليم ، قولتلك مبتهددش وقفل السكه في وشه

رائد ،. عرف انك اتجوزت 

سليم ، اه وهدد تهديداته بتاعه كل مره

رائد ، ربنا يستر انت زودتها اوي معاه

سليم ، أنا طالع انام

رائد ، وانا مروح سلام

سليم ، وقسما بالله لو مشيت هقطع علاقتي بيك خالص

رائد ، بس

سليم ، لابس ولا مبسش ياللا تصبح علي خير

رائد ، وانت من أهله وطلع اوضته

،،،،،،،،،

ام ساره ، انتي قليله الذوق الراجل عرض نفسه للموت عشانك وانتي واقفه بتضحكي علي منظره

ساره ، هو اللي عمل فيها ابو الرجاله يستاهل

ام ساره ، الكلام معاكي زى عدمه

الباب خبط

فرح ، مين

سليم ، أنا 

ام ساره ، افتحيله يابنتي

سليم ، هو انتي هتباتي هنا

فرح ، مش عارفه انت قولتلي نطلع الاوضه أنا وطنط وساره

سليم ، تطلعيهم أنا بقيت جوزك اتفضلي تعالي الجناح بتاعي

فرح بصت لام ساره ، اعمل ايه يا طنط

ام ساره ، روحي مع جوزك يا بنتي ربنا يهدي سركم

فرح ، ماشي وراحت مع سليم

،،،،،،،،

في اوضه سليم

فرح دخلت ، اي ده هو كل حاجه لونها ازرق في اسود ليه

سليم ، بحبهم

فرح ، بصراحه هو جميل بس حاسه انها اوضه كئيبه

سليم ، هو احنا هنفضل نتفرج علي الالوان

فرح ، سليم معلش بلاش يحصل بينا حاجه عشان خاطرى أنا عايزه اتاكد انك بتحبني اول

سليم ، ما احنا ممكن ناكد حبنا واحنا مع بعض

فرح ، عشان خاطري

سليم ، ماشي هتنامي فين 

فرح ،طنط معهاش هدوم ولا ساره ولا أنا

سليم ، اوووف راحت من بالي خالص

فرح ، أنا معايا رقم واحده عندها بوتيك وبتبعت الهدوم مع مندوب اكلمها

سليم ، ماشي كلميها عما ابعت هدوم لرائد

،،،،،،،،،،،،

رائد وسليم

سليم ، خد الترنج ده البسه نسيت حكايه الهدوم دي خالص

رائد ، طب وساره وامها 

سليم ، بعت اجبلهم مندوب هيوصل لحد هنا

رائد ، تمام 

سليم ، تصبح علي خير

رائد ، وانت من اهله

،،،،،،،،،،،،

بعد ساعتين

الامن ، الو ايوه يا رائد بيه في واحد جايب شنط فيها هدوم وبنرن علي سليم باشا مبيردش

رائد ، أمممم ابعتهم مع حد علي اوضتي وانا هبعت معاه الفلوس

الامن ، تمام يا باشا

رائد استلم الهدوم من الأمن ودفع الفلوس واخدهم وراح يخبط علي ساره

ساره سمعت خبط براحه علي باب اوضتها 

ساره ، مين

رائد ، افتحي خدي دول

ساره فتحت وخرجت وقفلت الباب عشان مامتها متصحاش، اي دول

رائد ، هدوم تناموا فيها هي مامتك فين

ساره ، نامت جبتهم منين وازاي

رائد ، صحبتك جابتهم من علي النت وانا دفعت حقهم

ساره ، تمام هما بكام

رائد ، ب 630ج 

ساره ، دول اي دول عشان يبقوا بالسعر ده وطلعتهم

رائد ،. اوف الحقي اللي وقع

ساره ، شالتهم في الشنطه بسرعه 

ساره ، بص أنا مش هاخدهم عشان ماما اكيد مش معاها المبلغ ده فشكرا 

رائد ، هتنامي بهدوم الخروج ازاي

ساره ، ماما كانت نازله بالاسدال وتحته هدوم بيت نامت بيها وانا عادي ممكن أنام بهدوم الخروج عادي

رائد ، طب ممكن تعتبريهم هديه مني

ساره ، اولا انا مبخدش هدايه من حد ثانيا دول غاليين قوي وانا محبش البس حاجه ماما متقدرش تدفع تمنها

رائد ، هو انتي بتحبيها اوي كده 

ساره ، ضحت بكل حاجه عشاني فلو محبتهاش احب مين

رائد ، انا جعان تيجي ننزل ناكل 

ساره ، أصحاب البيت نايمين دي تعتبر اسمها سرقه

رائد ، اي اللي هنسرقه ده احنا هناكل خلاص بصي أعمليلي حاجه اكلها عشان جعان اوي عشان مش بعرف والصبح هبقي اقول لسليم 

رائد مش بيتعشي اصلا عشان معدته تعبانه بس هو بيحاول أنها تقعد معاه يضيعوا وقت

ساره ، ماشي طب خد الهدوم 

رائد ، اعمل بيهم ايه مبلبسش ميديام يا اختي

ساره ، هههه 

رائد ، يخربيت جمال غمازاتك ايوه كده اضحكي مش عالطول مكشره

ساره كشرت ، انزل ياللا يا خفيف عشان اعملك تاكل عشان اطلع انام

رائد ، عارفه لو سمعت كلمه خفيف دي هعمل فيكي ايه

ساره ، ايه

رائد ، ولا حاجه

وقعد يضحك هو وساره 

،،،،،،

في المطبخ

ساره ، تاكل ايه

رائد ، شوفي كده عصير في التلاجه

ساره ، اه في كذه نكهه

رائد ، طب هاتيلي فراوله 

ساره فضلت تشب برجليها مش طايله الكوبيات

رائد اجي من وراها جاب كوبيتين

ساره حسن بصهد وراها بتبص لقيته واقف وراها بيجيب الكوبايات

ساره ، كان ممكن تقولي ابعدي مش لازم كده

رائد ، مجاش في بالي قولت اجبهم اساعدك بدالك اوزعه مش طايله

ساره ، طب انت جايب اتنين ليه

رائد ، اشربي معايا

ساره ، لا أنا طالعه انام تصبح علي خير

رائد ، ممكن القيكي كده عالطول هاديه بتبقي طعمه

ساره ، طعمه دي تبقي خالتك

رائد ، خدي الهدوم وانتي طالعه غورى

ساره ، مش هاخدهم فاهم

رائد ، براحتك 

ساره ، تصبح علي خير 

رائد ، وانتي من أهله

يتبع..

لقراءة الفصل التالي: اضغط هنا

لقراءة باقي حلقات الرواية اضغط على (رواية انتقام وعشق)

google-playkhamsatmostaqltradent