رواية حياتي الفصل الخامس 5 بقلم توتة

 رواية حياتي الفصل الخامس 5 بقلم توتة

رواية حياتي البارت الخامس

رواية حياتي الجزء الخامس

رواية حياتي الفصل الخامس 5 بقلم توتة

رواية حياتي الحلقة الخامسة

حياة : انت بتعمل ايه هنا ؟

إيلان : انتي اللي بتعملي ايه هنا؟

حياة : علفكره أنا اللي سألتك الأول 

إيلان : بشتغل شغلي 

حياة : انت اكيد شغال موظف هنا .. صح 

إيلان : ..........

حياة : يبقى شغال موظف ... عالعموم أنا طالعه التالت

إيلان : انتي تبع د / أمين !

حياة : اه انت ... عرفت منين 

إيلان : هتعرفي بعدين 

حياة : ماشي 

خرجت حياة من الاسانسير في الدور الثالث بينما اكمل إيلان طريقه للدور الرابع حيث مكتبه 

حياة في سرها بعد ما خرجت من الأسانسير : يعني انا كنت طايقاه في البيت لما اطيقه في الشركه كمان يارب ميكونش ليه علاقه بينا 

ثم أكملت طريقها إلى غرفه الانتظار بينما في الأعلى 

إيلان : تاره 

تاره : نعم يا فندم 

إيلان : في مواعيد انهارده !؟

تاره : ايوه يا فندم في مجموعه طلاب الألسن تبع د/ أمين 

إيلان : في مواعيد تاني 

تاره : لا يا فندم 

إيلان : تمام هاتيلي قهوتي تحت 

تاره : تحت امرك يا فندم 

نزل إيلان إلي الأسفل حيث الدور الثالث وباتجاهه إلي غرفة طلاب كلية الألسن تبع د/أمين ثم همم بالدخول الي الغرفه 

إيلان : صباح الخير 

الكل :  صباح النور

إيلان : اهلا بيكو ... أحب أعرفكوا بنفسي أنا هنا المدير العام للشركه 

شهقت حياة وقالت ل براء : مين ده ؟ هو ايه اللي مدير 

براء : في ايه ؟

إيلان : طبعا تاره سكرتيرتي وضحتلكوا اللي بيتم فمفيش داعي أعيد الكلام وعايزين نبدأ شغلنا علطول .....و اه بالنسبه لاي حد فيكوا أنا لسه مش عارف مين اللي هيطلع القائد سواء للمجموعه دي اوي دي لازم يعرف أن الشغلانه مش سهله لانوا بيبقى مسؤول عن أي مشاكل او اي حاجه تخص المجموعه واي غلطه بتحصل هو اللي بيشلها فلازم يكون في أحكام للي هيكون القائد فيكوا 

تاره : القهوه يا فندم 

إيلان : ماشي شكرا يا تاره 

حياة : أنا مش مصدقه أن ده المدير

براء : ليه بقا انشاء الله 

حياة : يعني انا ادعي ميكونش ليه علاقه بينا ولا اي صله وفي الاخر يطلع المدير 

براء : انتي تعرفيه 

حياة : ده إيلان ابن عمي 

براء : بتهزري .. هو ده 

حياة : اه 

براء : لاء بس مز 

حياة : مز مين .. ده معفص ومعصعص 

براء : معفص ومعصعص مين ده جسمه رياضي 

حياة : لاء م

إيلان : انتوا .. اللي بتتكلموا دول 

براء : احنا 

إيلان : مفيش غيركوا بيتكلم ... ياريت تسمعوا اللي أنا بقوله عشان مش هيتقال تاني 

براء : خلاص احنا اسفين 

حياة : اتكلمي عن نفسك

إيلان : يعني ايه 

حياة : يعني انا مغلطتش ومش هعتذر 

إيلان : انتي بتتكلمي وانا بتكلم وده عدم احترام 

حياة : ولو كلمتين محشورين وعايزه اتكلمهم ... وبعدين ده لساني مش لسانك أما ابقى اخد لسانك ابقي اتحشر 

إيلان : خدي بالك من كلامك واعرفي انتي بتكلمي مين 

براء : اسكتي يا حياة 

حياة : أما واخده بالي من كلامي كويس وتقريبا مقولتش حاجه غلط ... وفيها ايه يعني بكلم المدير 

إيلان : انتي كده زودتيها وانا مش عايز اتصرف برد فعل مش هيعجبك

حياة : اتفضل اتصرف برد الفعل اللي مش هبعحبني 

إيلان : الاجتماع منهي عشان في قله ذوق هنا .. تاره ... تعالي ورايا عشان اديكي تقسيم المجموعه 

حياة : مهو ذوقك الراقي 

براء : اسكتي بقا انتي غاويه مشاكل !

حياة : بس لسه مخدتش حقي .. هو مفكر لما يمشي اني مش هعرف اخد حقي 

براء : تاخدي حقك فين تاني ده انتي قومتي بالواجب وزياده 

حياة : بس يستاهل 

_________________

إيلان : ماشي يا حياة .. أنا بقا هوريكي مقامك كويس .. بس اصبري ... تاره 

تاره : نعم يا فندم 

إيلان : فاكره سيرش السنه اللي فاتت .. اللي محدش عرف يعمله وكان صعب 

تاره : اه عارفاه 

إيلان : كويس ... حضريه بقا للمجموعه اللي هقولك عليها ... وكمان زودي عليها أصعب المسائل وياريت اكترها للقائد 

تاره : بس السيرش ده محدش عرف يعمله خالص وكمان جه أمر من د/ أمين بتغييره 

إيلان : تاره ... اسمعي الكلام وانتي ساكته 

تاره : تحت امرك يا فندم ... بس مين اللي هيزود المسائل الجديده 

إيلان : كلمي تميم 

تاره : بس تميم هو اللي عمل نفس السيرش السنه اللي فاتت 

إيلان : عارف وعشان كده عايزه 

تاره : تمام ... اي حاجه تاني 

إيلان : روحي اعملي اللي قولتلك عليه دلوقتي 

________________

براء : انتي نسيتي أنه المدير يا حياة 

حياة : مدير على نفسه 

براء : هيتوصي بيكي جامد في البحث وممكن يخليكي القائد عشان يغلطك دايما  

حياة : ههه شكلك نسيتي أن أنا في البلد كنت الأمين على المدرسه كلها 

براء : بس احنا هنا مش في المدرسه 

حياة : بالنسبالي مش هتفرق .. بس اني أتنازل عن حقي عشان هو المدير مش هيحصل ابدا 

براء : هو انتي كان ليكي حق .. احنا اللي غلطنا عشان اتكلمنا 

حياة : أنا اصلا من ساعه أما جيت وانا مش طايقاه 

براء : هو عملك حاجه 

حياة : خلاص كبري .. مش هنقعد نتكلم عليه طول الوقت 

براء : م اللي انتي عملتيه برضو كان غلط 

حياة : خلاص بقا 

براء : احنا هنعمل ايه دلوقتي 

حياة : ادينا مستنيين

بعد مرور ساعه 

حياة : أنا همشي واللي يحصل يحصل

براء : تمشي ايه انتي مجنونه 

حياة : بقالنا ساعه واقفين الوقفه دي 

براء : مش انتي لوحدك كلنا واقفين 

حياة : مهو مستفز كل ده تأخير 

براء : هو نهى كلامه بس لسه مقسمش المجموعتين وسكيرتيرته جت قالت لما يقسم المجموعه هييجي 

إيلان : أنا بعتذر أن خلتكوا تنتظروا كتير بس على مقسمت المجموعه ... انا خلاص قسمت المجموعه و عينت قائد المجموعتين ... من حرف الألف لحرف الجيم مجموعه ومن حرف الحاء لحرف السين مجموعه وبالنسبه للقائد هيبقي اول واحد بحرف الألف واللي هو أحمد أبو الصعود وده قائد المجموعه بتاعته وبالنسبه للمجموعه التانيه قائدها حياة السويدي ... وبكده تكون المجموعه اتقسمت وتقدروا تتفضلوا وتيجوا بكره الساعه 7:30 عشان هتبتدوا في السيرش من بكره ... بالتوفيق للجميع 

حياة : أنا القائد !

براء : اه بس انا مش هبقى معاكي في المجموعه 

حياة : مش هو قال هناخد القائد أول حرف من المجموعه وانا مش أول واحده في وعه دي 

براء : قولتلك هيتوصى بيكي جامد 

حياة : علفكره عادي بالنسبالي مش فارقه هروح اذاكر كويس 

براء : مش زي م انتي مفكره يا قطه ... سيبك من الثانوي والاعدادي احنا دلوقتي مرحله جديده 

حياة : برضو عادي أنا قدها واقدر 

براء : لما نشوف يا قائده 

حياة : طب يلا نروح بقا عشان أنا فرهدت 

براء : يلا يا منافستي 

حياة : هو عشان انتي مش معايا في المجموعه يبقي بقيتي منافستي 

براء : اوماااال 

حياة : طب يلا يا لمضه 

براء : يلا ... بقولك ايه 

حياة : ايه 

براء : متيجي تقعدي معايا شويه 

حياة : مش انهارده 

براء : ليه 

حياة : عشان اروح اذاكر مش عايزه حاجه تقف قدامي 

براء : ماشي 

ذهبت حياة وبراء خارج الشركه وفي طريقهم للخروج من الشركه 

يتبع..

لقراءة الفصل التالي: اضغط هنا

لقراءة باقي حلقات الرواية اضغط على (رواية حياتي)

google-playkhamsatmostaqltradent