رواية أحببت طفلا الفصل الرابع 4 بقلم هاجر عمر

 رواية أحببت طفلا الفصل الرابع 4 بقلم هاجر عمر

رواية أحببت طفلا البارت الرابع

رواية أحببت طفلا الجزء الرابع

رواية أحببت طفلا الفصل الرابع 4 بقلم هاجر عمر

رواية أحببت طفلا الحلقة الرابعة

" وقفت مكانها بصدمه "
 انت !!!
 انتى ! 
" بان على وشه ملامح الغضب و اتعصب"
 ايه جابك هنا ؟!
" ببرود "
مش من حقك تسال .. انا ال المفروض اسالك جاى تعمل ايه هنا ؟! 
" ضحكت بتهكم "
 و لا دى تمثلية جديدة 
" قرب منها جامد و اتكلم و هو بيجز على سنانه"
 انتى ازاى تكلمينى كدا ؟! لو كنتى فاكرة انى هعديهالك المرة دى تبقى اتجننتى .. المرة ال فاتت الظابط انقذك المرة دى لا 
" ربعت ايدها و ضحكت بتهكم و بكل ثقة "
و لا تقدر تعملى حاجة و الظابط انقذك انت من ايدى مش انا
" قرب منها بعصبية و ما كانش بيفصلهم حاجة و بيبص ف عيونها بغل " 
انتى از.....
" قاطعته والدته بحزم "
 برق .. ف ايه ؟!
" قربت منه و بصتله و رجعت بصت لهاجر بهدوء "
 خير يا دكتورة
" شاورت عليه باستحقار "
 حضرتك دى الحالة ال عايزانى اعالجها ؟!! .. هو من ناحية العلاج فهو عايز يتعالج فعلا بس من الضحك ع الناس و التمثيل عليهم 
" زعق بعصبية "
لمى لسانك دا لا اقطعهولك
 برق !! 
" بصتله بتحذير و رجعت بصت لهاجر بحرج "
انا بعتذرلك يا دكتورة بالنيابة عنه و ...
" بذهول "
ماما انتى...
" قاطعته بصرامه "
بس يا برق 
"و بصتله بتحذير "
 لما اتكلم يا ريت تحترمنى و ما تقاطعنيش 
" سكت احتراما ليه و بيكتم غيظه "
انا بعتذرلك تانى يا دكتوره ع الاسلوب ال اتكلم بيه ابنى .. و اكيد هو ما يقصدش .. و بعدين ف سوء تفاهم .. دا ابنى برق الصغير لكن ال انتى جاية تعالجيه ابنى الكبير براء 
" بتفهم "
مفيش داعى للاعتذار يا طنط 
" بصلها باحتقار "
ماما انتى بتقولى ايه ! ... بقى دى ال هتعالج اخويا .. يستحيل 
" بهدوء" 
دكتور خالد ال رشحها و انا واثقة ف اختياره جدا و كمان دكتورة هاجر باين انها شاطرة جدا و ان شاء الله شفا براء على ايديها 
 ان شاء الله يا طنط .. ممكن اقابل براء دلوقتي !
 ايوا طبعا .. برق فين براء ؟
" بص ل هاجر من غير نفس وهو بيتكلم "
 دخل يجيب الالوان بتاعته من جوه 
" لمحه جاى من بعيد "
 اهو جاى اهو
" بصت وراها شافت شاب جاى من بعيد كان باين عليه الرجولة و الوسامة على عكس ما قرب و اتكلم و بان عليه الطفولة "
 ماما .. ماما .. ماما .. شوفتى الرسمة بتاعتى 😃 .. شوفى حلوة ازاى ؟!
" مسكتها و ابتسمت بانبهار "
 الله .. جميلة اوى يا حبيبى .. انا ابنى اشطر فنان 
" اول ما شاف هاجر  استخبى ورا مامته بخوف و بص من وراها "
 ماما مين دى ؟!
 دى ..
" هاجر قاطعتها بسرعة"
 انا هاجر 
"و اتكلمت معاه بطفولة و كانها بتكلم طفل صغير"
  سمعت ان ف البيت دا ولد شاطر اوى و بيحب الرسم و جيت عشان يعلمنى 
" بصلها بشك "
 بجد بتحبى الرسم 
" بحماس "
ايوا بحبه جدا .. و كمان جايبالك معايا عصير انت بتحبه
" خرج من ورا مامته بالراحة "
 عصير ايه !!
عصير فراولة .. ايه رايك بقى نلعب مع بعض شوية و تعلمنى الرسم 
" برفض "
لا مش هعلمك 
" بدا يتكلم بغرور طفل " 
عشان دا موهبة مش اى حد يعرف يرسم 
" حطت ايدها على راسها تمثل انها بتفكر "
امممممم طب ايه رايك اقعد اتفرج عليك و انت بترسم 
"  بدات تمثل الزعل "
تعرف انا مش عندى اصحاب خالص .. و مش بلاقى حد العب معاه و دايما لوحدى 
" بدا يقرب منها و طبطب على كتفها "
"اتكلم و هو زعلان"
  ما تزعليش انا كمان مش بلاقى حد العب معاه .. و مش عندى اصحاب 
"و بعدين جاتله فكرة و اتكلم بفرح "
 ايه رايك ابقى انا صاحبك و انتى صاحبتى و نلعب سوا علطول
" فرحت"
  ايه دا بجد !! يعنى هتخلينى العب معاك 
ايوا خلاص .. احنا من انهاردة اصحاب 
" بص لمامته "
شوفتى يا ماما بقى عندى صاحبة جديدة ازاى و شكلها طيبة اوى 
" رجع بص ل هاجر ببراءة "
 صحيح انتى اسمك ايه ؟!
" بابتسامة " 
 انا اسمى هاجر 
" مد ايده  مع ابتسامه كلها براءة"
 و انا براء 
" كان برق و مامته متابعين الحوار كله بين براء و هاجر و ازاى قدرت انها تكسب ثقة براء و تقرب منه بالسرعة دى بالرغم ان كل الدكاترة ال قبلها ما قدروش انهم يقعدوا معاه يوم واحد"
" اترددت ف الاول انها تسلم عليه .. بس افتكرت انه مريض و مدت ايديها تسلم عليه و ساعتها افتكرت الموقف ال مرت بيه مع برق  و بصتله .. برق اتحرج و مد ايده يحك مؤخرة راسه و بص الناحية التانية "
" سحبت ايديها من براء بكسوف "
يلا بينا بقى نلعب سوا 
" براء بحماس "
يلا بينا
" وراحوا خدو الالوان و الورق و قعدت جنبه و هو بيرسم و تحاول تشجعه و كانه طفل .. برق و مامته بيراقبوهم من بعيد "
" بابتسامة "
 لاول مرة اشوف براء كدا .. ربنا يشفيه و يرجعلى زى ما كان .. البنت دى شكلها شاطرة    "بصت لبرق بتحذير "
 انا متفائلة بيها .. برق اياك .. اياك تضايقها و انسي ال حصل دا تماما و اياك يتكرر تانى 
.. يا ماما بس..
 برق انا قولت كلمة .. انا مش مستعدة اخسر اخوك و اخسرها عشان خاطر دلع حضرتك و غلطة انت سببها اصلا .. يا ريت ما تضايقهاش او تسيبنا و تمشي بسبب تصرفاتك 
.. جرى ايه يا ست الكل مين فينا ابنك انا و لا هى 
..... برق مش وقت هزار
" سابته و مشيت خطوتين و بعدين وقفت من غير ما تلفله "
 و يا ريت ترجع للشركة و تشوف فلوسنا ال انت سايبها من ساعة الحادثة 
" و بعدين سابته و مشيت "
عند براء و هاجر *
" قعدت بتعب "
 يااااه انا تعبت اوى
" قعد جنبها بيتنفس بصعوبة "
و انا كمان 
" بحماس " 
إيه رايك نقرا كتاب ؟!
" وقفت باعتراض "
 لا نخلى القراءة بكرة كفاية كدا انهاردة انا لازم اروح عشان اتاخرت 
" بصلها بزعل "
 هتسيبينى و تمشي 
انا هرجع بكرة تانى .. مش همشي خالص 
 لا ما تمشيش .. لو خرجتى مش هترجعى .. برة وحش اوى
" بابا بردو خرج و ما رجعش .. بدا  يبكى و يمسك ايديها جامد "
 ما تمشيش
اهدى يا براء .. انا موجودة قدامك اهو
 لا .. انتى هتسيبينى 
" بقلق "
 خير ف ايه يا هاجر !! .. براء ماله 
 مفيش يا طنط ممكن بس تجيبيلى عصير لمون و حباية مهدئ 
" بلهفة "
حاضر حاضر ثوانى وراجعة
خلاص يا براء انا هنا اهو مش همشي  ششششش ..اهدى 
" جت والدته و مدت ايدها بالعصير و الحباية "
اتفضلى يا حبيبتي العصير 
 اشرب دا يا براء عشان تهدى 
 لو شربته مش هتمشي!! 
 ايوا .. اشربه يلا
 براڤو .. انت ولد شاطر ..  تعالى يلا اطلع اوضتك عشان ترتاح 
حاضر .. تعالى معايا 
" اترددت ثوانى بس نظرته ليها خلتها وافقت " طيب تعالى
يلا نام بقى علشان بكرة هنلعب كتيييير اوى .. و لازم تنام عشان جسمك يرتاح و يبقى ف طاقة لبكرة اننا نلعب 
" حط ايديه على عينه "
حاضر انا نمت اهو
"ابتسمت على تصرفاته الطفوليه و فضلت جنبه لحد ما نام و قامت خرجت"
" بقلق "
خير يا بنتى ايه ال حصل ؟!
 لما عرف انى ماشية اتغير فجأة و عيط و مسك فيا و خاف لا يحصلى زى ما حصل لوالده الله يرحمه
دا حاله من ساعة الحادثة .. حتى انا مش بعرف اخرج طول ما هو صاحى .. و الحل ايه دلوقتي؟!
احنا خدنا انهاردة خطوة مهمة انى اقرب منه و يثق فيا .. الخطوة الجاية لازم يخرج عشان ينسي خوفه دا و يفهم ان برة مش وحش هياكله .. و دا ان شاء الله هبدا فيه من بكرة 
.. تمام يا حبيبتى ربنا يوفقك
..... شكرا يا طنط عن اذنك
" رجعت لبيتها بعد يوم طويل مع براء دخلت البيت " 
... ماما .. مامااا 
..... ايه يا حبيبتي انتى رجعتى 
.. ايوا .. عاملة ايه يا ست الكل 
..... الحمد لله بخير طول ما انتى بخير ... اخبار التدريب ايه ؟!
.. الحمد لله ماشي تمام اوى .. انا هدخل انام بقى عشان هلكااانة و عندى كلية بكرة و بعدين همر على الحالة ال كنت عندها انهاردة
...... طب مش هتاكلى
.. لا انا جعانة نوم .. يلا تصبحى على خير 
عند برق رجع البيت يدور على هاجر 
 بتدور على ايه ؟!
" بتهكم "
 على السيدة المبجلة 
برق اتكلم كويس و لتانى مرة بقولك ما لكش دعوة بيها 
 هو انا جيت جمبها و بعدين انا هريحك و مش هتشوفى وشى طول ما هى ف البيت
 هتروح فين !! .. لا جامعة بتروحها و لا شركة بتروحها .. اكيد هتروح تتلم ع الشلة بتاعتك 
.. ماما لو سمحتى مش كل شوية تفتحى السيرة دى .. و عشان اريحك انا هروح الشركة بكرة اشوف الدنيا ماشية ازاى .. كدا انتى راضية !
... مش اوى بس كويس .. ربنا يهديك 
..... يا رب .. يلا تصبحى على خير 
.. و انت من اهله يا حبيبي
يُتبع ..
google-playkhamsatmostaqltradent