رواية ملك ومالك الجزء الثاني الفصل الثاني 2 بقلم امل محمد

 رواية ملك ومالك الجزء الثاني الفصل الثاني 2 بقلم امل محمد

رواية ملك ومالك الجزء الثاني البارت الثاني

رواية ملك ومالك الجزء الثاني الجزء الثاني

رواية ملك ومالك الجزء الثاني الفصل الثاني 2 بقلم امل محمد

رواية ملك ومالك الجزء الثاني الحلقة الثانية

سكتنا شوية وبعدين قال...
- جاية من بدري شكلك.
- اممممم
- ليه.
بصتله - بفكر.
- في اي.
- انا في عريس متقدملي.
استنيت منه يتصدم او يزعل او يهاجمني ويقول لأ .. وايه دا انا بقول اي ! هو هيعارض ليه اصلا ! انا مين وهو مين ! أصدقاء !
- طب واي يعني متشوفيه.
بصتله بتركيز - هشوفه.
مسكت الشنطة ولبست الكوتش وروحت ع طول .. انا .. انا بحبك مالك ! ازاي ! لا لا احنا مجرد أصحاب !
روحت لمنة صحبتي بقالي شهر ماشوفتهاش من وقت ما سبت وائل.
- خير عايزة حد يا آنسة
دخلت - ماتبقى رخمة يا منة.
- لا والله تلاقيكي جاية عشان حاجة اصل كلكم مصلحجية.
بهزار - كلكلم مين يا حسرة انتي ليكي حد غيري.
- ها في اي !
- هو لازم اكون جاية عشان حاجه انا قولت البت منة وحشـ...
قطعت كلامي - انجزي بس من غير فشر.
خدت نفسي وبدأت احكيلها من وقت ما اقابلت مالك من بعد انفصالي انا و وائل لحد اللحظة دي بإستثناء اني بحب مالك.
- وانتي هتعملي اي.
- قوليلي اعمل اي.
- بت انتي هبلة هي حياتي ولا حياتك.
- منا خايفة اقبل العريس يتطلع عتريس زي اللي قبله.
رفعت حاجبها وقعدت جنبي...
- ومالك !
- لا لا مالك انسيه.
- بت انتي بتحبيه.
- لا مش بتاعة حب انا.
رفعت كتفها - شوفي اللي متقدملك ولو كويس وافقي عليه.
زعقت - منة متهبلنيش انا خايفة يطلع زي وائل.
روحت من عند منة وقررت مروحش اشوف مالك تاني .. خليني اشوف حياتي بقا.
عدا اسبوع قابلت فيها عمر اللي كان متقدملي بس رفضت .. كان عايزني ابطل شغل .. اهبل دا ولا اي .. مبقتش انزل اروح الكورنيش أبدًا .. وحشني ابن الإيه.
عدا اسبوع كمان .. لا مبدهاش بقا انا هنزل .. اخدت بعضي ونزلت الساعة 5 ونص كان المكان فاضي .. اخدت نفسي وقولت بصوت واطى بس مسموع...
- شكله مل من الانتظار.
- ابدا.
لفيت بسرعة كان واقف ورايا .. قرب وقف وسند على السور جنبي وبصينا احنا الاتنين للماية .. بصلي وقال وهو مبتسم...
- احكيلك حدوتة.
ابتسمت - احكي.
- كان يا مكان في قديم الزمان أميرة جميلة لابسة فستان جانب شاب طويل ابن صاحب البستان .. الاتنين أصحاب جدًا كل يوم بيقعدوا مع بعض جنب الورد .. وفي يوم تم الحكم ان الاميرة هتتجوز الأمير .. ابن صاحب البستان زعل.
- ليه. 
- عشان بيحبها.
- وليه معترفش ليها.
- عشان هي بتعبره صديق ليها.
سندت أيدي ع السور وحطيت أيدي تحت خدي...
- مش يمكن الأميرة الجميلة مستنية ابن صاحب البستان عشان يقولها انه بيحبها وتطلع هي كمان بتحبه.
- تفتكري فرق الطبقات بينهم هتعمل مشكلة.
اتعدلت - الإجابة عند ابن صاحب البستان لو هو شايف الأميرة نقية مش بيفرق معاها المظاهر وهيروح يقولها انه بيحبها وعايز يتجوزها لأنه عارف انها مش بيفرق معاها.
- بحبك وعايز اتجوزك.
- تتجوزني !
- اتجوزك.
- أنا !
ابتسم - انتي.
" في جوا قلبي حاجة مستخبية 💜".
تمت
لقراءة باقي حلقات الرواية اضغط على (رواية ملك ومالك الجزء الثاني)
google-playkhamsatmostaqltradent