رواية 30 يوم حياة 3 الفصل الثالث 3 بقلم أميرة أسامة
رواية 30 يوم حياة 3 الفصل الثالث 3 بقلم أميرة أسامة
رواية 30 يوم حياة 3 البارت الثالث
رواية 30 يوم حياة 3 الجزء الثالث
رواية 30 يوم حياة 3 الحلقة الثالثة
طلعت بوسي فوق وملامحها ودقات قلبها مش طبيعين لكن قررت من جواها انها لازم تبان عكس ده ولازم تكون قويه ومش مهزوزه خصوصا بعد ما لمحت في عيون صالح الشوق والحزن علي اد ما حالتها كانت نفس حالته لكن حست انها مبسوطه ومنتصره عليه وقررت تبان بصوره قويه ادام الكل .
دخلت بوسي علي باب السطح..وعلي وشها ابتسامه جميله كان الشباب طالعين وراها علي طول.
بوسي…انا جييييبيت
صوتوا البنات وجريوا عليها حضنوها كان بقالهم كتير مش بيشفوها برغم انهم عايشين في مكان واحد.
منار…وحشتيني
وعد اوعي يابت وحشتني انا اكتر
شمس…كده يا بوسي مشوفكيش كل ده
رحاب…اوعوا بقي ابوسها
دخل الشباب في الوقت ده وفضلوا يسلموا علي الكل
مريم….وانا كمان ابوسها ❣️
منه…اللي هيزقني هروقه واجيبه من شعره
بوسي…بضحك اوعي البطيخه بانت😂😂😂😂 وحشتيني
توته….وانا يابت موحشتكيش
بوسي…يالهوي ده انا هموت واشوفك وحشتيني
حضنتها توته.
توته…مالك يابت احلويتي و بقيتي زي القمر كده ليه
بوسي…بغرور طول عمري ياماما🤨
توته….لا وربنا بس احلويتي
شمس….توته معاها حق عيني عليكي بارده بس بقيتي قمر يابت
بوسي…وحشتوني يابنات اوي ووحشتني الاعده معاكم
توته….ابه اللي جابك متأخر ياللي تتشكي
بوسي…انا مخلصه شغل من ساعتين بالظبط وروحت جبت هديه كريم واحمد وجيت علي طول هما فين صحيح
توته…اهم يا اختي هاريين نفسهم رقص مع روحيه
بوسي…هروح اشوفهم واسلم علي الناس اتلهيت فيكم يا جزم
ادهم….ازيكم يا بنات كل سنه وانتوا طيبين
البنات…وانت طيب يا ادهم
وعد…كل سنه واحمد وكيمو طيبين
ادهم…وانتي طيبه يا وعد عقبال يارب ما اشوف ولادك انتي وزين الرجال
وعد…بابتسامه يارب
شهد…ربنا يفرحك بيهم يا ادهم
ادهم…بحزن ربنا يخليكي ياشهد عقبال ما اشيل عيالك انتي والواد لاحه
شهد….بتمني يارب
خافو البنات تقلب نكد فا غيروا الموضوع
ادهم….خدي يابوسي الهدايا بتاعتك اهي اديها لولاد اختك بايدك
خدت بوسي الهدايا وراحت عليهم حضنتهم بحب وادتهم الهدايا بتاعتهم سلمت علي الكل
عامر….واحنا ملناش نفس ولا ايه
بوسي…ازيك يا فنااان
عامر…ازيك يا بوسي عاش من شافك
بوسي….انت هتمثل مانا لسه شيفاك لما جيت تاخد البت منار من السنتر يوم التصوير
عامر…ايه ده تصدقي نسيت
يوسف…ماهو من اعدتك مع روحيه يا مغفل
ضحكت بوسي…ازيك يا چو عامل ايه ايه
يوسف….ازيك يابوسي بقولك ايه ما تحني علي روحيه وتعمليلها لوك حلو كده
بوسي…بضحك والله موافقه وهجيلها بنفسي كمان لحد عندها
يوسف…بس خلي بالك هي ايدها سابقاها خافي علي وشك
بوسي…لا يا اخويا وعلي ايه الطيب احسن هي من غير اي حاجه نقرها من نقري😂😂
بوسي….ازيك يا زين
زين…الحمد لله يا بوسي الشغل خدك مننا
بوسي…موسم بقي غصب عني والله
زين…مبروك عالعربيه😉
بوسي….البركه فيك تسلم ايدك
زين…ربنا يكفيكي شرها يارب
صلاح…بت يا بوسي عملتي بيها كام حادثه لحد الوقت
بوسي…وهي بتفكر و بتعد علي ايدها بطريقه مضحكه
صلاح…احيه انتي بتعدي
بوسي…بضحك الله مش عشان اديك الرقم مظبوط.
عامر….عارفه يا بوسي بتخيلك محمود عبد العزيز في فيلم الكيت كات
بوسي…والله اول ما اتعلمت السواقه كنت شبه
صلاح…طب والوقت
بوسي…عيب عليك انا مولده سواقه اصلا…واحشني يا لاحه
صلاح…والله انتي اكتر امسكي يا ستي
بوسي…ايه ده
صلاح…دي عديتك يابت من عمك لاحه
لوسي…ايه ده الله حلو ده
توتا…تعالو يا بنات عمكم لاحه بيوزع العديه صلاح…يخربيتك يا توته فضيحه
توته…انا اختها علي فكره
ادهم…البس يا ابو قلب حنين😂😂😂
صلاح…جبته لنفسي صح
بوسي…هترجع في كلامك ولا ابه وربنا ما هديهالك
هيما…قفشت في الفلوس
بوسي…بضحك طبعا في حد يقول للعديه لا ده انا بقالي زمن مخدتش عديه عامل ايه يا هيما
هيما…الحمد لله يابوسي
بوسي…ازيك يا بوب
ايهاب….بخير يا بوسي ايه العربيات الجامده دي
بوسي….اي خدمه من بعض ما عندكم يا فنان
عادل…وادي احلي عديه كنان لاخت مراتي
بوسي…دولاا ايه ده انا مجتش من زمان ليه ياولاد
سهير…ابسطي يا اختي بتاخدي عديه زي العيال
بوسي…اعوذ بالله في ايه يا سهير ما تقولي ماشاء الله🤨
سهير…شوفوا بنت الجزمه يعني هحسدك علي ايه يا معدوله
عادل…لا معلش دي بقت مليونيره إلا ربع
بوسي…بضحك قولها والنبي انا خمسين جنيه كمان ومش هعرفها
سهير…اه يا واطيه
احمد العربي كل سنه وانتي طيبه يا بوسي ودي عديتك يا ستي
بوسي…يالهوي انا كده هعيط
حضنها احمد بحب اي خدمه رجعناكي صغيره تاني
شمس…بت يا بوسي مش عايزه حد يشتغل معاكي سواق
بوسي…بضحك عايزه تقلبيني يا جزمه
توته…هو في ايه هي جايه عيد ميلاد ولا جايه تلم عديه ما كنت اختفيت عنكم فتره وادتوني انا
بوسي…اعوذ بالله مالك يابت قلبتي علي امك ليه باصنلي في العديه
ادهم…خدي يابت يا بوسي وغيظي توته
بوسي…لا كده كتير عليا توته هتقطع شراينها
توته…انت يا اخويا بتقويها عليا
ادهم…انتي يابت مش واخده عديتك الصبح
بوسي…ماهي دي كده قطاعت ارزاق
فاروق….ازيك يا بوسي عامله ايه يابنتي
بوسي…بابتسامه حزن ألحمد لله ياعم فاروق واحشني اوي
فاروق…لو واحشك كنتي سالتي بس هعديهالك عشان عارف انك مشغوله
بوسي….والله فعلا كنت مشغوله أسأل امي واخواتي حقك عليا
فاروق…لا ياستي حقي مش عليكي ولا حاجه مفيش اب بيزعل من بنته و كفايه اني شوفتك كويسه ودي عديتي لبنتي
لمعت عين بوسي بالدموع
فاروق…ايه يابت هتكسفي ايدي ولا ايه
بوسي….مقدرش حضنته بوسي بحب
توته…لا انا الم عيالي واخد التورته ونحتفل في البيت ونسيب الحفله لست بوسي هانم
روحيه…انتي يابت مالك ومال البت ما تسبيها تاخد العديه
بوسي…خرجت من حضن فاروق مسحت دموعها بسرعه وهي بتضحك يالهوي روحيه بنفسها بتدافع عني
يوسف…اقطع دراعي ان مكانت طمعانه في الفلوس اللي معاكي
ضحكوا كلهم علي يوسف
سهر…ازيك يا بوسي وحشاني
بوسي…الدكتوره 😍عامله ايه يا سهر
سهر…الحمد لله يا حبيبتي بخير وحشاني والله
بوسي…انتي اكتر والله
سهر…دي هنا اختي
بوسي….ازيك يا هنا عرفت انكم جيتوا بس مشوفتكوش ولا مره
هنا…الحمد لله بخير
سهر…ده بابا عم رضا
بوسي…نورت الدنيا ياعم رضا
سهر…دي بوسي يا بابا اخت توته واحلي ميكب ارتست فالدنيا
بوسي….قلبي
رضا….ازيك يا بنتي
بوسي…بخير يا.عم رضا
وحشتيني يا مديحه
مديحه….انتي اكتر يا بوسي
كل ده كان تحت عيون صالح اللي مبتسم وحزين وجواه كميه مشاعر متلغبطه وخايف تكون نسيته لدرجه انها مش راضيه تسلم عليه لكن خاب ظنه لما سلمت بوسي عليه
بصت بوسي لصالح بابتسامه
أزيك ياصالح
سكت الجميع وكأنهم مترقبين الموقف
صالح…بخير يا بوسي انتي كويسه
بوسي….الحمد لله كل سنه وانت طيب
صالح….وانتي طيبه يا بوسي
ادهم…عشان ينهي الموقف ما تفتحي يا توتا الاغاني يلا وابدأو العيد ميلاد بقي
روحيه…صحيح فين التورته انتو جايبنا تهزئونا أشحال ان مكناش جايبين هديه😒😒😒
يوسف…الله يكسفك يا روحيه
ادهم….بلا با جدعان عشان روحيه أبتدت تعاير وبص ليوسف الله يكسفك انت وامك يا بعيد
يوسف…علي حق يابا والله لو قولت اكتر من كده مش هلومك
زين….امك دي ياض
يوسف…وربنا ما فاكر
عامر…بضحك فقد الذاكره😂😂
شغلت توتا الاغاني واتجمع البنات حوالين احمد وكريم وفضلوا يرقصوا معاهم
ودخلت توته وسطهم ترقص مع ولادها ودخل معاها ادهم شالهم الاتنين يرقص بيهم بفرحه
بوسي…كانت واقفه وسطهم ترقصهم بفرحه وصالح عينه عليها
صلاح….عينك فضحاك يا اخويا لما انت لسه بتحبها بتقاوح ليه
بصله صالح بحزن وسكت
صلاح…انا اخوك يا صالح واوعي تفكر انك لما بتقول نسيتها وخلاص كل واحد راح لحاله بصدقك يا ابن ابويا
الحب مش زرار بندوس عليه وبننهي بيه كل حاجه واوعي تفكر ان هي كمان نسيتك بوسي تبان جامده لكن عينها فضحاها زي ماهي فضحاك يا اخويا….انا بقولك الكلام ده عشان انت عارف اني بحبك ولو الدنيا كلها حبتك مش هتحبك ادي مضيعش عمرك يا اخويا وتيجي علي قلبك عشان كلام فارغ البعد بيولد القسيه بلاش يا اخويا
طبطب صلاح علي كتفه وسابه ومشي
رفع صالح راسه للسما وهو بيتنهد بحزن..
……..
وعد بفرجه ايه رأيك في السطح
زين…تسلم ايدك يا قلبي جميل طبعا مش حبيبتي اللي عملته بس قوليلي البلالين دي كلها نفختيها ازاي دي تقطع النفس
وعد…لا ما هو ادهم بعت مع توته جهاز للبلالين لما تعبنا من النفخ
زين….طب كويس انا راحت عن بالي خالص بس بجد تسلم ايدك
وعد….بطفوله عجبك بجد
زين…بضحك عحبني يا عبيطه
وعد…طيب تعالي نتصور مع احمد وكيمو
زين…يلا😉
اعدت منه بتعب علي الكرسي..
مديحه لمحتها راحتلها
مديحه…مالك يا منه
منه…مش عارفه يا ماما بس حاسه بوجع في ضهري
مديحه…من الرقص والتنطيط اعدي بقي الله يرضي عنك ده غلط يا بنتي عالحمل
منه….بخوف يعني ممكن البيبي ينزل
مديحه…يابنتي فال الله ولا فالك ان شاء الله خير انتي بس اعدي شويه وبلاش مجهود
هيما….في ايه مديحه مالها منه
مديحه…مش عارفه بتقول تعبانه وفي خبط في ضهرها بقولها ترتاح شويه
هيما…بخوف طيب تيجي اوديكي المستشفي
منه…لا مستشفي ايه يا هيما مش مستاهله
هيما…هو ايه اللي مش مستاهله انتي شكلك تعبان
منه…لا والله مش زي ما انت متخبل انا لما حسيت اني تعبت اعدت
مديحه…متخافش يا هيما هي بس عشان عملت مجهود
زين…في ايه مالكم
مديحه…منه تعبانه شويه فا بترتاح ياحبيبي مفيش حاجه
زين…بخوف قومي معايا نروح المستشفي
منه…في ايه با جماعه مستشفي ايه بس
زين…انتي سمعتيني صح
منه…يازين في ايه بس والله مافيا حاجه انا بس حسيت اني تعبت من الوقفه فا اعدت عاجبك كده يا ماما اهم مش هيسكتو هما الاتنين
هيما..طيب نروح نطمن هتخسري ايه
زين…انت بتاخد رأيها هقول ليوسف يجهز العربيه ونروح
منه….يا زين في ايه بس ليه نبوظ اليوم ونكد علي توته انا لو حاسه اني تعبانه اكيد مش هعد وهقولكم انا كويسه وحيات ربنا
زين…بلاش عند يعني انتي خايفه العيد ميلاد يبوظ ومش خايفه علي نفسك
هيما…توته وادهم لو عرفوا اصلا مش هيزعلوا
منه…وحيات ربنا ورحمه بابا يازين ده تعب عادي حسيت بيه زي ما بحس بيه لما بعمل مجهود في الشقه عادي يعني متكبروش الموضوع بقي والنبي
زين…بصلها بغضب ماشي يا منه بس وديني لو انتي تعبانه وبتخبي ما هيحصلك كويس
بصتله منه بزعل
هيما….خلاص يا زين متقلقش انا هتابعها لو لقتها تعبانه مش هسمع كلامها
سابهم زين وبعد
مديحه…اخوكي خايف عليكي متزعليش منه
منه…شايفه بيزعألي ازاي يا ماما يعني هكون تعبانه وهقاوح في تعبي اه تعبانه بس مش لدرجه اروح مستشفي يعني
هيما…في ايه بت خايف عليكي زعلانه انه خايف عليكي
مديحه…انتي عارفه ان زين لما بيسمع ان حد فينا تعبان بيتجنن ومبيبقاش علي بعضه بيخاف من التعب
منه…عارفه يا ماما بس انا كويسه والله
هيما….خلاص خليكي اعده مرتاحه وبطلي شغل جنان
مديحه…انا هعد معاها مش هقومها
هيما…ماشي هروح لزين اطمنه.
…..
بعد وقت بسيط قاموا كلهم عشان يطفوا الشمع
ويقطعوا التورته كان المل مبسوط وفاطمه ماسكه كيمو بترقصه ومش سيباه💔
بعد ما طفوا الشمع اعدوا ياكلو مع بعض
راحت منه حضنت زين من رقبته وباسته من خده
منه…بلاش العصبيه دي ياعم وحشه عليا انا واحده حامل
بصلها زين بطرف عينه وهو رافع حواجبه…بتضحكي عليا صح
منه…والله ابدا فك بقي انا زي القرده اهو
زبن….باسها من راسها خدي بالك علي نفسك عشان خاطري
منه…حاضر يا حبيبي
زين…ومتزعليش مني انا مليش غيركم
منه…بزمتك يبقي عندي اخ قمر كده وازعل منه
زين…ماشي يا بكاشه
منه…شوف البت وعد بصالنا ازاي بغيظ
زين…بضحك هتاكلك ها😂😂
منه….😂😂😂احسن خليها شوف التاني باصصلنا ازاي
زين….لا ده بيفكر الوقت اواي يخلص مني😂😂
منه…بضحك بعد الشر عليك يا حبيبي
زين…طب يلا اعدي بلاش توطي كده🤨
منه…ياساتر حاضر..
عدي وقت طويل وجميل علي الجميع
……..
مريم…يوسف روحيه بتنام علي نفسها
يوسف….روحيه روحيه
روحيه…ايوه مين بينادي
يوسف…بينادي ايه انا بنادي من الشباك يلا تعالي نروح عشان تنامي
روحيه….لا لما ناكل التورته
مريم…بضحك يالهوي 😂
يوسف…تورته ايه يا اما ماخلاص كلنا وهضمنا كمان مالك عامله زي القطط تاكلي وتنكري ليه
روحيه…انا مش ماشيه غير لما اكل التورته
يوسف…خلينا بقي للسنه الجايه😒
………
زين….مالك ياض ساكت ليه
صالح…ابدا يا زين مصدع شويه
زين…وحيات امك عليا بردو
صالح…ايه ياعم في ايه بس
زبن…مش ناوي ترحم قلبك
صالح…بابتسامه سخريه من ايه بس قلبي زي الفل اهو
زين…واضح فعلا بتصيع عليا ياض فاكرني مش حاسس بيك
صالح…مش فاهم تقصد ايه
زين…مش بقولك بتصيع عليا لا فاهم وعارف اني بتكلم عن حوارك انت وبوسي البت بتحبك بجد يا صالح وانت كمان بتحبها بلاش العند يضيع احسن مافيكم انتوا الاتنين بلاش تضيع حبكم ياصاحبي ده الواحد ما بيصدقوحد يحبه بجد
صالح…عايزني اعمل ايه يا صاحبي اروح اقولها اني كنت غلط واني عايزها تسامحني واني من غيرها مش عارف اعيش وان البيت من غيرها زي السجن عايزني ابان ضعيف ادامها واحسسها ان هي كانت صح لما قالتلي هتندم
زين…لو بتحبها ايه المشكله ياصاحبي…وايه المشكله لما تبان ضعيف ادامها وتبينلها حبك وتعوض جزء بسيط من اللي هببته معاها وتثبتلها انك فعلا بتحبها وتنسيها الكلتم اللي سمعتهولها مش عيب انك تبان ضعيف ادام اللي بتحبه لو فعلا متأكد منه حبه ليك وانت عارف انها بتحبك وان هي ضعيفه زيك واكتر منك كمان هيبقي عيب لو انت رامي نفسك عليها وهي مش بتحبك ساعتها هتبقي فعلا ضعيف وبتتعري ادامها..لكن انت مش ضعيف الحب مش ضعف يا صالح بالعكس ده قوه انك تعترف بغلطك مش ضعف
صالح…بس انا مغلطتش با زين
زين…هي دي الكارثه انك مش شايف لحد الوقت انك غلطان وانك فعلا غلطت في حقها
صالح…مقصدش عارف اني غلطت في حقها وعارف اني وجعتها وعارف ان هي اتحايلت عليا كتير افضل معاها وانا رفضت إلا لو عملت اللي انا عايزه بس غصب عني يا زين انت قولت ان حكايه الشغل بتختلف من ست لست بس هي بردو بتختلف من راجل لراجل وانا ربنا خالقني كده مش حابب الشغل يمكن اكون اناني وعايزها ليا بس يمكن بغير زياده عن اللزوم بس انا مش وحش يا زين وعمري ما كنت وحش معاها عمري قصدت اجرحها زي ما هي شايفه بوسي متربيه علي ابدي وقصاد عيني غصب عني خوفت تكبر وتشوف الدنيا بعينها هي بعد ما كانت بتشوفعا بعيني خوفت من طموحها وحلمها اللي بتجري وراه خوفت لما توصل تكره عيشتها معايا
زين…ده علي اساس انك مش لاقي تاكل وهي ما هتصدق تخرج للعالم لما توصل لطموحها ده انت ياض مش واثق في نفسك ولاايه..
اكيد بوسي مش بتعمل ده عشان الفلوس اد ما عشان تحقق حلم نفسها توصله واللي اعرفه ان مفيش في حنيتك يعني عمرك ما بتستخسر فيها حاجه والاهم ان حالك كويس جدا ياصاحبي وشغال كويس ومعاك اللي تقدر تتسند عليه وهي عارفه ده خلبك واثق في نفسك يا صالح بلاش تفكيرك يكون كده خليت ايه للناس الجاهله اشحال ان مكنتش متعلم ياض
صالح…كل اللي انت بتقوله ده انا عارفه بس كمان غصب عني انا بقولك علي اللي بفكر فيه من وجهه نظري
زين…وجهه نظرك غلط ياصالح البت بتحبك وانت بتحبها بلاش تضيعوا الحب ده وبعد اللي عملته فيها عمرها ما هتبدأ لازم انت اللي تبدأ ولازم تستحمل رد فعلها عشان انت مش هتروحلها هتترمي في حضنك بالعكس دي هطلع عينك لحد ما ترد كرامتها اللي جرحتهالها خلي نفسك طويل يا صاحبي واقف معاها وشجعها افرح بيها وهي بتكبر ادامك وجوه حضنك بلاش تقسي يا صاحبي عشان لو قسيت هتبدل حبها ليك بالكره وساعتها هتدور علي قلب يقدرها ويحبها بجد وانت اللي هتندم فاهمني يا صاحبي
هز صالح راسه وهو عينه عليها💔
……
سهير….بت يا بوسي بكره انتي هتتغدي معانا كلنا هنتجمع عندي
بوسي….بكره
سهير…ايه اوعي تقولي عندك شغل
احمد…لا شغل ايه بكره هنتغدي سوا
بوسي…ماشي أن شاء الله هاجي عشان خاطرك با عم احمد
سهير…شوف البت وانا لا
بوسي…بضحك وانا لبا بركه غيرك يا سوسو لا والله هاجي باذن الله انا من اول رمضان مخدتش اجازه وطبعا مفيش اجازه في العيد بس الحمد لله شغلي كله بدري بس اكيد مش هاجي قبل الساعه 6 المغرب
سهير…مش مهم احنا كده كده مش بنتغدي بدري
بوسي…خلاص هاجي اطلع عليكو علي طول
سهير…ان شاء الله.
عامر….بقول ايه تالت يوم هنتجمع عشان نشوف الحلقه بتاعتي انا ومنار
توته….اهو انا هموت واشوف الحلقه دي
عامر….خلاص نشوفها عندنا في البيت
فاطمه…ماتخلينا هنا يا ابني مع بعض
حسني ..لا كفايه عليكم كده ريحوا شويه من التعب بقي
سعيد…تعب ايه بس كفايه اعدتنا سوا
فاروق…معلش اسمحولي بقي المرادي تكون عندي الشقه عندي كبيره وهتساعنا كلنا والكل هيجي مفيش اعذار بص بعينه علي بوسي
فهم الجميع ان حاج فاروق حابب يعمل خطوه تقرب بوسي وصالح من بعض
هز حاج سعيد راسه…وانا موافق ياحاج فاروق
عامر..بص لصالح وانا موافق طبعا
صلاح…خلاص ييقي تالت يوم عندنا
فاروق…مش عايز اعذار من اي حد انا بقول ادام الكل اهو
احمد العربي….الكل جاي باذن الله مفيش اعذار.
خلص اليوم وراح الجميع علي بيته.
…….
عدي تاني يوم اتجمع ولاد العربي عند احمد وسهير وجت بوسي وجت شمس وعادل وقضوا البوم مع بعض في حب ودفئ
…….وخلص اليوم بسرعه
وجه تالت يوم العيد اتجمع الكل قبل عرض الحلقه عند حاج فاروق
وكلمت نعمه الصبح بوسي خافت ماتجيش
كانت بوسي في شغلها لكن وافقت وقالتلها انها هتيجي من الشغل عليهم
………
خلصت بوسي شغلها علي الساعه 6 فضلت تلف بالعربيه كتير بتحاول تهدي نفسها مش قادره تدخل البيت وفي نفس الوقت عايزه تبان قويه ومش عايزه تزعل فاروق ونعمه هما ملهمش اي ذنب
حاولت تجمع نفسها لحد ما قررت انها تروح بصت بوسي في الساعه لقتها 8 فا قررت
تروح خصوصا لما عرفت من توتا انهم راحوا كلهم ومتجمعين ومش باقي غيرها.
وصلت بوسي علي الساعه 8ونص قبل عرض الحلقه بنص ساعه ركنت عربيتها
ونزلت وهي بتاخد نفس طويل راحت علي مدخل البيت ومكانتش واخده بالها من اللي مستني وصولها بفارغ الصبر حاولت تفتح الباب لكن كان مقفول من تحت وطبعا صالح اللي قفله عشان تضطر تقف سمعت بوسي صوته من وراها حست ان قلبها وقع في رجلها علي اد ما حاولت تهدي نفسها وتحاول تستجمع شجاعتها وقوتها ومكانتش عامله حسابها انها تشوفه هو اول واحد جه صالح وهد ده كله في ثانيه وزود توترها
صالح…ازيك يابوسي
بصت بوسي وراها بسرعه
بوسي…صالح🥺 الحمد لله
صالح…واقفه ليه
بوسي…بأرتباك ابدا اصل لقيت الباب مقفول
صالح…اتأخرتي ليه
بوسي…🥺ها لا مفيش كان عندي شغل حاولت تهدي نفسها وتستعيد قوتها من تاني
صالح…..ماشي
بوسي…طيب ممكن تفتح الباب ولا مش معاك مفتاح
صالح…لا معايا فتح صالح الباب دخلت بوسي بسرعه وهي بتحاول تهرب من ادامه
صالح….بوسي
وقفت بوسي وهي مغمضه عينها لفت براحه
بوسي…نعم
صالح….طلع صالح ظرف من جيبه ومدلها ايده
بوسي…ايه ده
صالح…معلش عارف انها متأخره عديتك بس معرفتش اديهالك اول امبارح
ابتسمت بوسي بسخريه…شكرا ياصالح العيد خلص خلاص
صالح… ايه مش عايزه تاخدي مني عديتك ياستي اعتبريني زيهم انتي خدتي منهم كلهم
بوسي….بضحكه بسيطه لاكن كلها قوه وكأن الموقف ده جه في صالحها عشان ترد جزء من كرامتها وتضايقه يمكن لو كنت ادتهالي وقتها معاهم كنت خدتها منك بس مش عشان انا عايزه اخدها منك ده كان ساعتها هيبقي من حسن حظك لاني مكنش هينفع اخد من الكل واحرجك انت ادامهم فا كنت هضطر اخدها لكن الوقت انا مش مضطره اني اخدها منك يا صالح عشان هي متلزمنيش او بمعني اصح اللي بيني وبينك مش كبير لدرجه اني اخدك منك عديه
صالح…واللي بينك وبينهم كبير يا بوسي
بوسي…طبعا اخواتي وولاد حتتي ومتربين سوا
صالح…وانا يا بوسي
بوسي…بضحكه حزن انت مش اخويا يا صالح ولا عمرك كنت اخويا
صالح…ياستي اعتبريني ابن حتتك ومتربين سوا زي ما قولتي
بوسي….مش معني انك ابن حتتي اني اقبل منك عديه علي كده بقي الف علي ولاد الحته كلهم اخد منهم عديه
صالح…وانتي بتشبهيني يا بوسي بباقي ولاد الحته
بوسي…سبق واتشبهت بالشمال يا صالح عادي يعني
أبتسم صالح …ااااه بترديها يعني
بوسي…ولا بردها ولا حاجه انا برد بس علي كلامك وكملت بابتسامه نصر بعد اذنك بقي عشان اتاخرت عليهم
مسكها صالح من ايدها
بصتله بوسي بسرعه وهي من جواها بتترعش
صالح…بلاش المعامله دي معايا يابوسي
بوسي…عايز ايه يا صالح اظن الوقفه اللي احنا واقفنها دي لا هي من حقك ولا من حقي بلاش تخلي الناس تبصلي بصه وحشه بلاش تخليهم يبصولي بعينك
صالح….يبصولك بعيني
بوسي….اه شمال يا صالح كفايه انت شايفني كده بلاش تخلي الناس تشوفني كده
صالح…انا عمري ماشوفتك كده يا بوسي
بوسي….فعلا
صالح…بوسي
بوسي….كفايه كلام ياصالح وسبني اطلع من فضلك
صالح…مش هسيبك يابوسي
بوسي….عايز مني ايه يا صالح
بوسي….عايز نأعد مع بعض واتكلم معاكي
بوسي…احنا مفيش ما بينا كلام يا صالح الكلام اللي كان بينا خلص وكل واحد راح لحاله
صالح….لا الكلام ما خلصش.
وكمل بوجع
انا تعبان يا بوسي💔
حست بوسي بضعف قلبها لما سمعت نبره صوته طالعه بصدق لكن بسرعه قست قلبها عليه.
بوسي….وانا مش دكتوره يا صالح
صالح….بس علاجي معاكي يا بوسي
بوسي….بابتسامه بيتهيألك ياصالح كل واحد فينا لما بيتعب شويه بيفكر ان علاجه مع التاني وللاسف بيبقي موهوم سبق وحسيت بنفس اعراضك دي يا صالح ومش كنت تعبانه بس لا ده انا كنت مدبوحه وضايعه والاغرب اني اتذليت للشخص الوحيد اللي كان معاه علاجي ورفض يدهولي و سابني اطلع في الروح ادامه بس مع الوقت اكتشفت ان علاجي مكانش معاه واني كنت موهومه فعلا واختارت الشخص الغلط اللي بدل ما كان يحاوطني بي دراعاته و ياخدني في حضنه…لا لف دراعاته حوالين رقبتي وخنقني بيهم….بس مع الوقت قدرت اعالج نفسي بنفسي لحد ما وقفت علي رجلي من تاني… اعمل كده يا صالح وبلاش تخلي علاجك في ايد اي حد عشان هتصحي علي وهم كبير..
شدت بوسي ايدها من ايده و سابته وطلعت بسرعه وهي بتمسح دموعها اللي خانتها ونزلت…
فضل صالح بحزن لحد ما طلعت وحس لاول مره اد ايه هو جرحها وحس بوجع كلامها اللي سمعه قبل كده لما كانت بتتوسل ليه ما يسبهاش بس كانت انانيته عمياه ومقدرش يحس كلامها ووجعها…محسش بيه غير لما هو احتاجلها وحس انه مش قادر علي بعدها…لكن قرر صالح ميستسلمش زي ما زين قاله وعرف وقتها انه ادامه طريق طويل عشان يقدر يرجعها ليه من تاني…
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 3)