رواية حب عمري الفصل الأول 1 بقلم عمرو علي

 رواية حب عمري الفصل الأول 1 بقلم عمرو علي

رواية حب عمري البارت الأول

رواية حب عمري الجزء الأول 

رواية حب عمري الفصل الأول 1 بقلم عمرو علي


رواية حب عمري الحلقة الأولى

هو حضرتك العروسة
= هو انت مش جاي تتقدم ، ولا انت جاي تزور خالتك
ايه دا ، انتي بتتكلمي معايا ازاي كدا
= مانت بقالك ساعة ساكت ، وانا بصراحة بنام بدري
= هو آنتي العروسة 
لا ، انا واحدة معدية بالصدفة ، لقيتك قاعد لوحدك ، قولت اقعد معاك شوية ، اكيد انا العروسة امال مين
= اسكتي ، انتي ايه مبتفصليش
سكت اهو
= انا اسمي أيمن ، بشتغل مهندس كمبيوتر ، عندي 25 سنة ، وعندي شقة تمليك ، مرتبي كويس الي حد ما 
كويس ، هتعرف تستحملني
= هحاول بصراحة 
يعني ايه تحاول ، يعني انا مش عاجباك
= لا عجباني ، بس بصراحة انتي دبش اوي
دبشة تقع على دماغك وتفتحها يا اخي
= بتقولي ايه 
احم لا مبقولش حاجة 
= بصراحة سمعت عنك وعن أخلاقك وانك بنت ناس ، قولت مفيش انسب منك 
جاي على السمعة يعني 
= نعم
لا متاخدش في بالك ، بس مكنش ليه لازمة تكلف نفسك كدا
= دي حاجة بسيطة 
يعني داخل علينا ب علبة شيكولاتة ، كأنك بتدفع مقدم عشان تشتري حاجة
= طب مانا فعلا هشتري حاجة 
ايه هي
= انتي
ايه
= انا اسف مقصدش والله 
عادي حصل خير ، " لقيت اهله وبابا وماما داخلين "
..... .......
ايه ، نقول مبروك يا عروسة 
= لا انا عايزة افكر شوية ، عن اذنكو
" مشيت وسيبتهم ، اول مره الاقي حد دبش اكتر مني ، بس ملحوقة "
.... .....
طب نستأذن احنا
= نورتونا والله 
...... ....
ايه يا ايمن اللي انت قولته دا
= قولت ايه يا بابا 
في حد يقول ، انا جاي اشتريكي انتي
= مكنتش اقصد يا بابا
تصدق بالله ، بقالي 60 سنة عايش ، متحطتش في موقف محرج زي النهاردة 
= طب ممكن نأجل كلامنا لما نروح يا بابا ، عشان احنا على السلم دلوقتي
...... .......
ايه رأيك يا رقية 
= لسة هفكر يا ماما 
طب اعملي حسابك ، اننا اتفقنا اننا هنزورهم الاسبوع الجاي
= اكيد طبعا جاية ، عشان ااخد حقي 
.... ...
هاا يا رقية ، شوفتي العريس
= اه شوفته
حلو 
= ما تلمي نفسك ، ولا تاخديلك دبشتين كدا
لا لا خلاص بس مالك 
=تخيلي ان هو كمان دبش
الله ، دي هتبقا علاقة جامدة اوي
= بقولك ايه ، انا مش بحب المحن دا 
يعني عجبك ولا لا
= هو باين عليه ابن ناس يعني 
اسمه ايه
= عايزة تعرفي ليه يا فرح ، خليكي في اللي معاكي 
من باب الفضول يا رقية
= اسمه ايمن ، بس بقولك ايه
نعم
= انا مش هسيب حقي
ازاي 
= بقا انا يرميلي دبش وسط الكلام كدا 
طب خلاص ، قلبك ابيض يا رقية
= قلبي اسود عليه وعلى اللي خلفوه ، وهاخد حقي ، سلام
خلاص يا رقية ، اعملي اللي انتي عايزاه 
= انتي بتكلميني كدا ليه ، مش المفروض تهديني 
مش انتي اللي لسة قايلة سلام ، عشان هتاخدي حقك
= يعني انا كدابة
لا مقصدش
= لا خلاص انا كدابة يا فرح
اه دا انتي عايزة تنكدي ، طب سلام ، هروح اكلمه و ارجعلك 
= هيخزوقك ان شاء الله 
برضو قفلت ، قال ايه بحبه يا رقية نيننيي ، محن بنات فعلا "
...... ........
مرت الايام ، محصلش اي مكالمات بينا ، ووصلنا ل يوم العزومة "
بقولك يا ايمن
= نعم يا بابا
اتكلم براحة مع البنت ، وبلاش دبش 
= انت تأمر يا بابا 
ربنا يسهل عشان تتجوز بقا ونخلص
..... ......
رقية
= نعم يا ماما
اتكلمي مع الواد براحة و بأدب ، بلاش دبش خالص
= من عنيا ، دا انا هبهرك
يبقا هتوديني في داهية ، الله يخربيتك
= ليه كدا يا ماما 
عايزة اتطمن عليكي يا بنتي ، خليكي رقيقة كدا 
= حاضر يا ماما 
قلبي مش مطمن 
= طمني قلبك ، يلا بقا عشان انا جعانة ، واكيد هما عاملين اكل
فعلا ، هي دي الرقة اللي كنت لسة بكلمك عنها ، يلا يا رقية
...... .....
 " وصلنا وبعد سلامات كتير وترحيب ، اخيرا هناكل "
ايه رأيكو في الأكل ، ام ايمن هي اللي عاملة الاكل دا كله بنفسها والله 
كلي يا رقية ، أنتي مكسوفة ولا ايه
= لا خلاص الحمدلله شبعت يا طنط
ايه دا أنتي مكلتيش
= لا والله كلت الحمدلله
خلاص ايه رأيك لو تشربي الشاي في البلكونة ، الهوا بتاعها يرد الروح
= ياريت
وبالمرة ايمن يفرجك على اللوح بتاعته اصله قارفنا بيهم
.... ....
هاا ايه رأيك في اللوحة دي
" بصراحة مقدرتش اسكت " 
= اللوحة دي مكانها في الحمام ، مين اللي جابها من الحمام 
مينفعش تسكتي شوية
= انا هسكت فعلا ، اتفضل وريني فين البلكونة
تعالي
... ..
" قد ايه المنظر جميل والهوا رايح جاي يخبط فيك ، يفكرك ب حاجات عدت ومستقبل مجهول
اتفضلي الشاي بتاعك
= انت ايه اللي جابك هنا
على فكرة ، دا بيتنا 
= طب عن اذنك 
استني
= نعم
هو لسانك دا مش بيسكت ليه
= انا كدا ، دبش وبقول رأيي بصراحة ، عشان كدا تلاقيني مكروهة في المجتمع
طيب ، مش ناوية تكلميني عن نفسك بقا
= يعني عايز تعرف ايه
اعرف كل حاجة عنك
= اااا ، بعد اذنك انا لازم امشي
" و روحنا ، اترددت احكيله ، مش عايزة حد يعرف عني حاجة ، بخاف ، بخاف اوي من قرب الناس و بعدها يبعدو ، لكن في حاجة غريبة بتحصل جوايا ، وانا مش عايزة كدا 
هااا يا رقية
= نعم يا ماما 
موافقة ولا لا
= لا مش موافقة
ليه يا بنتي ، ايمن ابن ناس ومحترم 
= مش مرتاحة يا ماما
خلاص يا بنتي ، اللي يريحك
....... ........
" محستش بنفسي و نمت من كتر التفكير ، فوقت علي صوت مسدج "
مساء الخير يا رقية ، انا حسن ، فاكراني
= انت مش بتحرم يالا
اهدي بس 
= اهدى ، دا انا هعمل منك بانيه
صورك وكل حاجة تخصك عندي على فوني ، هتتكلمي بهدوء ولا انا اللي اعمل منك بانيه

لقراءة الفصل التالي : اضغط هنا
لقراءة باقي حلقات الرواية اضغط على (رواية حب عمري)
google-playkhamsatmostaqltradent