رواية حبيبتي منتقبة الجزء الثاني الفصل الأول 1 بقلم نعمة احمد

 رواية حبيبتي منتقبة الجزء الثاني الفصل الأول 1 بقلم نعمة احمد

رواية حبيبتي منتقبة الجزء الثاني البارت الأول

رواية حبيبتي منتقبة الجزء الثاني الجزء الأول

رواية حبيبتي منتقبة الجزء الثاني الفصل الأول 1 بقلم نعمة احمد

رواية حبيبتي منتقبة الجزء الثاني الحلقة الأولى

"وانا داخله من باب الجامعه خبطت فواحد"

_آسف آسف

_بصدمه:محمد..!

بإستغراب:أنتِ تعرفينى

_آه انا.....

"سكت مرضتش اقوله انى شوفته ف حلم،اكيد هيقول عليا مجنونه"

_لا ، عن إذنك

_بإستغراب :.......

"مشيت وانا بكلم نفسي"

_هو ولا مش هو...لا هو انا مُتأكده

"قعدت على كرسي الكافيتيريا وحطيت ايدى على خدى "

_ايه الملل ده 

"يبص لقدام شويه"

_بفرحه:اي ده!؟

"لقيت علياء والبنات"

روحت جرى عندهم:عليااااء

بإستغراب:انتِ عارفانى

_ابتسمت:آه

_منين

_مش مهم، المهم انى عرفاكى، ومن بدرى كمان

ابتسمت:أنتِ اول يوم فالجامعه هنا صح

_آه

_تعرفينى منين!؟..اتقابلنا قبل كده

_ هو لازم المعرفه تكون بسابق مُقابله

_طبعا

_لا مش دايما

_ابتسمت:يمكن

مدت ايدها ليا:انا علياء

مدت ايدى ليها:وانا نور

_حاسه انى اعرفك

_مش قولتلك ان المعرفه مش شرط تكون بسابق مقابله

_صح

بصت على البنات

_دى مريم 

_مبروكه الشله صح

بصدمه:اي ده !!عرفتى منين

_ودى ميار ودى ريهام ..صح

_صح..وه انتى دجاله ولا ايه

_ضحكت:لا انا زى ما تقولى كده قابلتكو وعشت معاكو كمان فوقت ما، بس امتى..معرفش

_مش مهم، المهم انى حبيتك جدا

_وانا اكتر

"روحنا قعدنا ف الكافيتيريا"

والترابيزه اللى قدامنا كان عليها محمد

كنت عماله ابص عليه كل شويه

معقوله حد يحب حد من مجرد حلم!!

لا طبعاً ايه الجنان ده

بس ده مش حلم، انا اعرفه كإنى كنت عايشه معاه فعلاً

بتفاصيله الصغيره والكبيره

ده مجرد حلم لازم يتنسى،ودى مجرد مشاعر متخلفه وهتمشي

قومت وقفت:انا هروح الحمام

علياء:اهو من هنا

ابتسمت: ماشي

روحت الحمام وغسلت وشي وطلعت

_فوقى بقااا

طلعت ولقيته واقف على جنب

وقفت شويه:ده مجرد حلم سخيف وهينتهى

وانا ماشيه لقيت خيال حد بيمد عشان يسبقنى

وقفت فجأه ولقيت محمد جه وقف قدامى

_هز دماغه لفوق:ايه

_بإستغراب: ايه!!!

_عماله تبصيلى كل شويه

_انا

_لا ، خيالى

_ااه..اصل..لا ..هو يعنى

_عاوز اقولك ان صحابي لحظو ده وبيتكلمو عليكى

_سكت،مش لاقيه حاجه اقولها

_آه ،طيب عن إذنك

"مشيت بإحراج"

_انا مفضوحه اوى كده 

"روحت عند البنات"

_انا جيت

علياء بصتلى ومسكت ايدى

_اقعدى عايزه اسألك على حاجه

قعدت:اسألى

_ليه لابسه ده

وشاورت على النقاب

_اه تقصدى النقاب

_ايوه

_عشان بحبه

_مش خانقك يعنى

_لا مش خانقنى

_طب مش حرانه

_طبعا حرانه

_طب ليه تعذبي نفسك

_كب انتى مش حرانه

_لا حرانه

_شوفتى..يعنى فالحالتين حرانه،سواء بنقاب او غيره

_ايوه صح ، طب وهو حلو..يعنى مرتاحه فيه

_اه طبعاً، حاسه ان العين مش عليا ، ماشيه براحتى كده

_طب ليه بتحبيه اوى كده

_عشان امهات المؤمنين رضى الله عنهم كانو بيلبسوه وانا بحبهم،فالبتالى لما حد انا بحبه يعمل حاجه اكيد هحب انى اعمل زيه واقلده

_عارفه احنا من فتره كده كنا عاوزين نغير من لبسنا شويه ف حسيت انك اكتر واحده هتساعدينا

_ودى حاجه جميله جداً، ربنا معاكو يارب، وانا معاكو لو احتجتونى

علياء:طب يلا بقا عشان المحاضره

"دخلنا المحاضره و الوقت عدى براحه وكنت زهقانه جدا ومن لحظه للتانيه بخطف نظره على محمد، غصب عنى ، وبغض بصرى بعدها واستغفر ربنا لحد ما المحاضره خلصت"

نور:طيب يا بنات انا همشى بقا عاوزين حاجه

_لا يا حبيبتى مع السلامه

كلمت نفسى:انا لازم امشي من الجامعه دى ف اسرع وقت، اللى حصل معايا غريب واللى بيحصل أغرب 

طلعت بره الجامعه و وقفت على الطريق عشان اعدى الشارع 

_الواحد يسمع عن قصص حب كتير بس اول مره اسمع عن حد بيحب حد شافه فحلم، فى مهزله بتحصل هنا

عديت الشارع وانا مش واخده بالى من العربيات وحسيت حد شدنى من ايدى فجاه

_مش تبصى قدامك

_.......

_ايه مش سامعانى

_بصيت عالارض:ايه الحلم البايخ ده عاوزه اقوم بقا

_حلم ايه ، انا بكلمك هنا

_بصيت لقيته محمد:ايه يا اخى بقا مش كل ما اتخمد تطلعلى ف ام النوم

_حلم ايه وبتاع ايه،انتى تعبانه

_قرصت ايدى :ده مش حلم لا

يتبع..

لقراءة الفصل التالي: اضغط هنا

لقراءة باقي حلقات الرواية اضغط على (رواية حبيبتي منتقبة الجزء الثاني)

google-playkhamsatmostaqltradent