رواية انتقام الفصل الخامس 5 بقلم منار ضيفي

رواية انتقام الفصل الخامس 5 بقلم منار ضيفي

رواية انتقام البارت الخامس

رواية انتقام الجزء الخامس

رواية انتقام الحلقة الخامسة

ايهاب بصدمه ” مستحييييل يعني ايه الكلام دا
اكيد دا حد يعرفني وعايز يهزر معايه بس ازاي مفيش هزار ف الحاجات دي
بعت رساله للرقم ” انت مين
وعايز ايه
الواتس ” مش وقته ابوك عايش ولازم تدور عليه صدقني
ايهاب ” انت فاكر ان هصدق التخاريف بتاعتك دي قول انت مين وعايز ايه بدل ما اعمل بلوك مش ناقصة خوته
الواتس ” حاول تدور ع دليل يجمعك بوالدك ابوك لسه عايش صدقني مماتش
ايهاب ” صدقني هجيبك وهندمك ع التخاريف اللي بتطلع منك دي انت شكلك شارب وجاي تعمل دماغ عليا
الواتس ” طيب عشان تصدق هبعتلك صوره
ايهاب بشهقه ” دي صورة بابا وشكلها متاخده قريب انت جبت الصوره دي منين و ازاي
الواتس ” صدقتني ،،دور ع ابوك هتلاقيه ومتضيعش الوقت ع صاحب الرقم لانك مش هتستفيد حاجه
لازم تدور ع اللي قلك ابوك مات وهتعرف منه كل حاجه
ايهاب ” قصدك ع مــ ، ايه دا عملي بلوك ازاي يتجرأ
بس هو قصده ع مين
مين اللي قالي
انا حاسس ان دماغي هينفجر مش قادر استرجعت ذاكرتي ليوم وفاة بابا افتكرت كل حاجه وافتكرت برضو الدكتور هو وطالع لما قالي
ايوه هو ، هو الدكتور انا لازم اروحله الكلام دا لو طلع بجد مش هيكفيني قتله
جريت وانا ماشي افتكرت إيمان وافتكرت حالتها بس انا لازم اتبع التخاريف دي عشان اريح بالي برغم أن مش مقتنع بس برضو لازم اتأكد
طلعت وانا وخارج قابلت
رياض عزمي ” ايهاب بنتي
بنتي يا ايهاب حصلها ايه
ايهاب بيبصله بقرف ” بنتك كويسه

رياض ” انا لازم ادخل اشوفها ارجوك خليني اشوف بنتي
ايهاب ” مستحيل اخليك تقرب ملي واحد حتي قلتلك بنتك كويسه امشي من هنا ومش عايز اشوف وشك
رياض بعصبيه ” انت اييه ياخي جايب الجبروت دا منين كنت عايز تنتقم مني انتقم مني وسيب بنتي ف حالها خليك راجل و واجه راجل زيك وابعد بنتي من طريقك اذيتها بما فيه الكفايه
ايهاب بنفاذ صبر ” حرمتني من ابويا ومش هرتاح الا لما احرمك من بنتك او بنتك تتحرم منك أيهما أقرب وانا ملمستش بنتك هي اللي دافعت عني وضحت بحياتها عشاني
امشي من هنا يا رياض امشي من هنا عشان دقيقه كمان وهحجزلك اوضه ف المستشفي
رياض ” همشي وهرجع بنتي لحضني تاني اوعي تفكر ان ضعيف لا انا اب والاب يقدر يحرق العالم عشان خاطر ولاده
ايهاب ” مشي وغار ف داهيه
معرفش ليه اتأثرت بكلامه وحسيت أن فعلا ايمان ملهاش دخل بكل دا خصوصا لو لو ابويا طلع عايش بجد ساعتها انا مش هسامح نفسي ع اللي عملته فيها
نزلت بسرعه اخدت العربيه ورجعت ع البيت طلعت اوضتي ادور ف الدفاتر القديمه يمكن الاقي عنوان الدكتور أو اي معلومه توصلني ليه خصوصا أنه كان دكتور معروف بالنسبه لعيلتنا
دورت كتير لحد ما دوخت وتعبت ملقيتش حاجه انا هتجن
نزلت لعم اسماعيل هو اكبر حد واكتر واحد عاش وسطنا
عم اسماعيل عم اسماعيل
” خير يبني مالك ف ايه
ايهاب برجاء وضعف غير عادته ” انا انا عايز كل الدفاتر القديمه اللي كان فيها ارقام الدكاتره والمستشفيات
” قولي انت بتدور ع مين
ايهاب ” الدكتور اللي عمل العمليه ل بابا قبل وفاته
” استني هدخل ادور لك عليه
وبعد ساعه كامله من الانتظار
خرج عم اسماعيل ومعاه العنوان
” لقيته لقيته يا ايهاب بيه

ايهاب بفرحه ” انا متشكر جدا جدا اوعدك أن لو اتحقق اللي ف بالي هخليك تعمل العمره اللي نفسك فيها والحج كمان
عم اسماعيل لنفسه ” انا مصدوم من اللي بيحصل ايه اللي غيرو دا ميعرفش يعني ايه حج اصلا ولما طلبت منه سلفه عشان اروح العمره اتريق عليا وكان هيرفدني من الشغل وهيقعدني ف البت ايه اللي حصله
ايهاب ” اخدت العنوان وطرت بالعربيه ع العنوان اللي ف الورقه بعد نص ساعه بالظبط وصلت ع العنوان نزلت وضربت الجرس فتحتلي بنت
ايهاب ” مساء الخير
البنت ” مساء النور
ايهاب ” هو مش دا بيت الدكتور عبد الله النوبي
البنت ” هو فعلا كان بيت الدكتور بس بعهولنا من سنين وهو مسافر حاليا
ايهاب بصدمه ” مسافر ، مسافر ازاي وفين
البنت ” مسافر بره مصر ،، عن اذنك
إيهاب ” عمري ما انكسرت للدرجه دي ولا حسيت باليأس ف حياتي قد كدا جربت احساس أن الدنيا تضحلك وتفرح فرحة العالم بحاله ولسه هتضحك تقوم الدنيا تتقلب عليك
ركبت العربيه وانا ماشي مصدوم مسكت الفون عشان اطلب من صاحب الرقم مساعده يمكن هو يعرف عنوان الدكتور أو يدلني ع اي معلومه بس للأسف لقيته عملي بلوك حاولت اتصل بيه بس بيديني مغلق
لقيت نفسي وصلت قدام شركة أسر وقفت العربيه ونزلتله من بعد موت بابا وانا حرفيا مليش غيرو هو صاحبي واخويا واللي وقف جمبي وقت الشده وقومني تاني و بقي ليا اسم بسببه
روحت عنده وحكتله كل اللي حصل من اول ما تبعتت الرساله لحد ما انا واقف قدامه
أسر ” وانت هتصدق التفاهه دي يا إيهاب
ايهاب ” أسر انا معرفش بيحصلي ايه بس عندي احساس قوي ان اللي بعت الرساله دي مبيكذبش واكيد ف لغز كبير وانا لازم أحله
أسر ” وانت هتحله ازاي ان شاء الله هتروح تفتح القبر وتتأكد اللي فيه دا ابوك ولا لا
ايهاب بعصبيه ” مش وقت هزار يا أسر انا ع أخري
انا هدور ع عنوان الدكتور وافهم منه كل حاجه
أسر ” هي مش قلتلك انه سافر
إيهاب ” ايوه بس
“صوت مسج واتساب”

إيهاب ” ايه دا ، دا النفس الرقم بعت رساله تاني مكتوب فيها
عنوان معقول
معقول دا يكون عنوان الدكتور
أسر ” رايح فين يا ايهاب
إيهاب ” رايح للعنوان دا هعرف الحقيقه من الدكتور مفيش غيرو اللي هيقولي الحقيقه ولو طلع اللي ف بالي صح مش هرحمه هو واللي معاه مين ما كانوا
أسر بيسحب الفون من إيهاب ” وريني العنوان انا هروح معاك
إيهاب ” لا خليك انت هنا استني مني اتصال
مشيت وانا غضب الدنيا كلها اتجمع فيا
ف خلال ساعه او اقل كنت عند البيت المكتوب عنوانه نزلت وانا خايف لاول مره اخاف بالطريقه دي
كانت فيلا ع الطريق الصحراوي بس باين عليها مهجوره من سنين معرفش ازاي حد ممكن يعيش في مكان زي دا
دخلت الباب اتفتح لوحده ملقيتش حد وراه
دخلت جوا وانا بزعق ” انت فين يا نووووبييي انت فين
الدكتور ” خير ف ايه ليه الصوت العالي دا
“لكمه قويه من إيهاب للدكتور”
الدكتور ” ااااه انت متخلف يا عم انت ايه الجنان دا
ايهاب ” لسه مشوفتش جناني ع أصله
طلعت الفون و وريته المسجات
عايزه افهم ايه دا
كدبت عليا ليه قولت أن ابويا مااات كدبت ليه انطق
الدكتور بعصبيه ” انا اللي بعتلك المسجات دي ايوه انا
إيهاب بصدمه ” يعن يعني ابويا عايش بجد
الدكتور ” عايش وكويس
ايهاب بيمسكه من ياقته ” اومال كذبت عليا يومها ليه يا حيوان انت عارف خربت حياتي ازاي انت عارف انا أذيت كام شخص بسببك

الدكتور هو بيبعد ايد ايهاب ” مكذبتش ومش بسببي بسبب حد تاني صدقني انا كنت تحت تهديد كنت خايف ع مهنتي و ع اولادي
إيهاب ” المفروض اني اصدقك انا بقي
الدكتور ” هحكيلك كل حاجه وهوريك دليل ع كلامي عشان تصدق
ايهاب بخنقه وعصبيه ” احكي ولو كذبت ف حرف مش هرحمك صدقني هدفنك حي يا نوبي
الدكتور ” يوم ما جبت عندي والدك كان متصاب بصدمه موصلتش لازمه ف القلب ولا سكته كانت مجرد صدمه عالجناها من غير عمليه حتي يعني كان بعدها بساعه او اتنين هيفوق عادي
خرجت عشان اطمنك
بس لقيت حد شدني من ايدي جامد ودخلني المكتب وقالي
أن لو مطلعتش قولت أن ابوك مات هيسجني وطلع ورق بيثبت أن بتاجر ف أعضاء الناس وبعمل عمليات غير قانونيه
بس والله الكلام دا ما حصل انا طول عمري ماشي ف السليم الورق كان مزور
ولما رفضت هددني بإبني ومراتي ساعتها مقدرتش ارفض وقررت أن اضحي بشرف مهنتي بس من يومها وانا والله ما بشوف النوم قررت أن احكيلك واعترفلك بكل حاجه بس كان لازم أأمن نفسي وعيلتي اخدت عيلتي وسافرنا بره مصر كام سنه لحد ما استقريت هناك وعملت ليا كيان ورجعت مخصوص ليك عشان اعترفلك واريح ضميري
والله العظيم هو دا كل اللي حصل وانا عندي دليل بيثبت كل كلامي والدك دلوقت قاعد ف مستشفي حكومي قديمه ويمكن توقع قريب للاسف اللي زيك ميعرفش عنها حاجه وحاطين عنده أمن عشان لا هو يقدر يخرج ولا حد يقدر يدخله
ايهاب ” اومال مين اللي اتدفن دا مين اللي كنت بروح ازور قبره كل يوم وأبكي واقول وحشتني يابابا لعبتوا بيا يا ولاد الكلب انا مش هرحمكم عملتوا كدا ازاي
الدكتور ” اللي ف القبر دا كان واحد مات ف نفس الليله ملوش اهل
اللي هددني طلب مني أطلعه مكفن قدامك عشان تصدق وإجراءات الدفن مشيت طبيعي عشان الجثه كانت حقيقه وماتت ف نفس الليله ونفس الوقت
الموضوع كان سهل علينا
عـ عشان حضرتك يعني مش بتؤمن ورفضت تدخل الغسل ورفضت تشوفه هو و بيتكفن
كل دا سهل علينا خصوصاً إن اللي كان بيهددني هو اللي كان مخلص كل حاجه
ايهاب ” مين اللي ورا كل دا
الدكتور ” انا محتفظ بتسجيلات الكاميرا بتاعت المكتب صورت الشخص اللي هددني صوت وصوره شايلها فوق هروح اجبهالك
إيهاب ” دقيقه وتكون هنا
طلع يجيبها عدت دقــ
لااااااااااا
“صوت ضرب نار عم المكان”
***********

ف مركز الشرطه
رياض عزمي ” شريف بيه انا عايز بنتي ارجوك رجعلي بنتي من المجنون دا
الظابط شريف ” رياض بيه دا مش مجنون دا زوجها انا مقدرش أخد واحده من زوجها خصوصا أن بنتك بنفسها معترفه أن زوجها وأنها قاعده معاه برضاها
رياض ” والله كذب بنتي معاه ف خطر ارجوك
شريف ” خلينا نتكلم راجل ل راجل وانسي ظابط نهائي
من خلال معرفتي بإيهاب ومراقبتي ليه الفتره اللي فاتت فأحب اقولك أن بنتك مش ف خطر خالص بالعكس هي ف أمان
ليه بقي لعدة أسباب
أولها أن إيهاب الألفي
ميقدرش يضر اي بنت بريئه ف الدنيا مش بس بنتك وبيشوف كل البنات اخواته مش اكتر ودا بسبب الحادث اللي حصله و هو ف ال 11 بعد ما ماتت أخته اللي كان عندها 7 سنين بالاغتصاب الموضوع دا عمله عقده
لدرجة أن حياته كلها سكر ونسوان لكن عمره ما لمس واحده
رياض ” انا كنت صاحب أبوه وكنت عارف بموضوع أخته دا بسس
شريف بيقطع كلامه ” ايهاب لو عايز ينتقم منك هينتقم منك وش علطول مش هيلمس شعره من بنتك هو يمكن أخدها كوبري عشان يوصلك بس مش اكتر لكن ساعة الانتقام بجد هيجيلك انت
ورغم كدا انا بقولك ايهاب مش هيعملك حاجه بنتك بقالها مده عنده لو كان لسه عايز ينتقم مكانش هيستني للحظه دي
رياض ” وليه ميكونش دا هدوء ما قبل العاصفه
شريف ” وليه ميكونش العاصفه وقعت في عشق حد فقررت أنها تتنازل
رياض ” مش فاهم
شريف ” من خلال مراقبتي لإيهاب لاحظت شوية حاجات
أن إيهاب اتغير كليا
اللي كان بيسهر لوش الفجر ف كبريه وحانات
بقي يرجع البيت اول ما يخلص شغل عشاانن بسس يشوف بنتك اللي عنده
اللي كان مبيحترمش حد بقي يحترم الخدم بتوعه ويكلمهم بكل لطف
واللي كان مش مقتنع بفكرة وجود إله اكتر من مره اشوفه بيبص ع المسجد من بعيد زي اللي عايز يقرب بس خايف
واللي كان عمره ما قلبه يحن ولا يلين
لان لبنتك والخوف اللي كان ف عينه وقت ما الرصاصه جات فيها عمري ما شوفت ايهاب الألفي خايف ع حد زي ما كان خايف ع بنتك فضل جمبها لحد ما فاقت رغم أن الدكتور منعه من ان يدخل بس دخل بالسر من غير ما حد يحس بيه بس هو مكانش يعرف أنه عيوني كانت عليه في كل حركه
دخل عندها ومسك ايدها وقرب منها واعترف بغلطه وان السبب ف اللي حصلها دا هو
و باس راسها ودموعه نزلت بس من غبائي انا خبطت ف الكرسي من غير قصد سمع الصوت واتخض خاف لتفوق تلاقيه ماسك أيدها قرر أنه يكابر ويرضي غروره وساب أيدها وخرج قعد مستني بره
رياض بيه وجود ايمان ف حياة ايهاب هو الحل لصلاحه ياخي مش يمكن يكون ليه نصيب من اسمها وهي اللي تدخل ف قلبه الإيمان كفايه حرمته من أبوه

رياض ” محصلش محمد كان اعز صاحب ليا كل اللي حصل ان
شريف ” رياض بيه متحاولش تضحك عليا انا عارف كل حاجه انا قلتلك بكلمك بصفتي راجل عادي مش ظابط يعني انت دلوقت لو اعترفت بانك قتلت محمد الالفي بإيدك انا مش هقبض عليك
صوت عسكري صدر ” شريف بيه الحق يا شريف بيه جريمة قتل كامله وضرب نار ف فيلا ع الطريق الصحرواي”
شريف ” مين اللي اتقتل
العسكري ” معرفش لسه موصلتش المعلومات الكامله بس انا الباشا مدحت كلمني وبلغني بدا وقال إنه هيرن ع حضرتك يفهمك
” رنة موبايل ”
شريف ” دا مدحت بيمسك الفون ويرد ” اييييييييه إيهاااب
******************

يتبع….

لقراءة الفصل التالي : اضغط هنا

لقراءة الرواية كاملة اضغط على 🙁رواية انتقام)