رواية حدث غير لي حياتي الفصل الثامن عشر 18 بقلم رحمة نجاح

 رواية حدث غير لي حياتي الفصل الثامن عشر 18 بقلم رحمة نجاح

رواية حدث غير لي حياتي البارت الثامن عشر

رواية حدث غير لي حياتي الجزء الثامن عشر

رواية حدث غير لي حياتي الفصل الثامن عشر 18 بقلم رحمة نجاح

رواية حدث غير لي حياتي الحلقة الثامنة عشر

امام باب المنزل كان قاسم يفتح باب المنزل لكي يدلف ولكن ما أن دلف وشاهد المنظر حتا احتلته الصدمه ......

شهد. بضحك. حبيب قلبي مصدوم من ايه ..

قاسم. بزهول. انتي مين وفين شقتي ..

شهد. بضحكه رنانه. انا شهد يا عمري ..

قاسم..اه هي دي ضحكت شهد لكن الجسم لا مظنش مش شهد ..

شهد بغيظ. يابني عدي ليلتك متخلنيش انكد عليك في يوم زيي ده بقا ..

قاسم. بضحك..اه هي دي شهد ..

شهد. شوفت بقا ..

قاسم. بس ايه اللي عمل فيكي وفي الشقه كده ...

فكانت الشقه متزينه بطريقه جميله يوجد بقا كثير من البلالين درجه الاناره خافضه جدا تعطي شعور رومنسي وشهد ترتدي فستان من النوع الكب عارياً الذراع ويكاد يصل ركبتيها تضع ميكاب بسيط مما ذاد جمال فوق جمالها ..

شهد.. حبيت اعمل حاجه تغير الروتين شويه ..

قاسم. بس يخرابي عليكي جامده ايه ده ..

شهد بضحك. أقصي طموحك اني جامده ماشي يا قاسم ..

قاسم. معلش اصل مش متعود علي كده اصل حضرتك من ساعة ما اتجوزتي وانتي لابسه بيچامات ويوم ما تفتحيها شويه كانت بتبقا نص كم لكن دلوقتي انتي ماشاء الله يعني فتحاها علي البحري ..

شهد بخجل. ما خلاص بقا يعني انا غلطانه اني لبست كده ..

قاسم وهو يجذبها من خصرها. مين بس اللي غلطان دا اكتر حاجه صح عملتيها من ساعة ما اتجوزتك ..

شهد بنصف عين.. عارفه انا كويس تفكيرك القذر ده ...

قاسم بغمزه. عليكي نور ما تجيبي بوسه بقا ..

شهد وهي تلكمه في صدره. نلم نفسنا شويه عشان نحتفل وعندي ليك مفاجاه ..

قاسم وهو يقبل وجنتيها. طب يالا يا ستي وريني شوفتي انا قنوع ازاي ...

شهد..بضحك. قنوع اوي بصراحه انتا هتقولي ...

لتأخذه شهد من يده وتجلس علي مائدة الطعام ...

شهد..كل ده عمايل ايديا علفكره ..

قاسم وهو يقبل يدها. تسلم ايدك يا وردتي ..

بعد فترة كان قاسم وشهد انتهوا من طعامهم ..

قاسم. الاكل حلو اوي يا حبيبتي ..

شهد. يالا اي خدمه بقا عد الجمايل ..

قاسم. خلاص يا حاجه انتي وايه المفاجأة بقا ...

شهد. تعالا ...

لتاخذه شهد وتتوجه الي الصالون ...

شهد..اقعد هنا ...

قاسم..اديني قعدت ..

شهد..ثواني وجيالك ..

لتدلف شهد غرفة النوم الخاصه بها ثم تخرج ويوجد في يديها علبة ...

قاسم. اي دي ..

شهد. هديه ..

قاسم باستغراب. بمناسبه ايه عيد ميلادي لسه مجاش ...

شهد. مش لازم عشان عيد ميلادك اجبلك شوفها وقولي رايك ...

ليفتح قاسم العلبه التي يوجد بها ثوب خاص بالأطفال ...

قاسم بعدم فهم. ايه ده .. ده بتاع اطفال ..

شهد. اه هو ده مش واكل معاك بأي حاجه ..

قاسم. ثانيه ااه هي يارا حامل ولا ايه ..

شهد بغيظ. هي لو يارا حامل هجبلك انتا هديه للاطفال ليه انتا ناوي تشلني يا قاسم ..

قاسم. بزهول. انتي حامل ...

شهد. بفرحه. اه حامل يا قاسم ...

ظل قاسم ينتظر له يحدق بها ولا يبدي اي ردت فعل مما وتر شهد قليلاً كانت تنظر له تنتظر ردت فعله فهو الي الان ينظر لها فقط ...

قاسم بتلعثم في الكلام. انتي .. انتي حامل بجد ..

شهد. وربنا حامل ورحمة خالي حسن انا حامل اجبلك الدكتوره تثبتلك ....

ابتسامه جميله اشرقت جمال عينيه ليقوم من جلسته يحتضنها بشده يكاد يكسر عظامها في حضنه لا يصدق أنه سوف يصبح اب عن قريب اجمل خبر قد سمعه اليوم عذراً بل في حياته ...

قاسم بفرحه. شهد ده اسعد خبر سمعته انا فرحان اوي ...

شهد. وانا لما عرفت فرحت جدا يا قاسم بجد مصدقتش نفسي لما الدكتور قالتلي فضلت بصلها وروحت مصوطه مره واحده كنت هفضح الدكتوره في العياده ...

قاسم. بضحك. والله يا باشا انتي تعملي اللي انتي عايزاه بس وانتي عرفتي أمته ..

شهد. مش انا قولتلك اني راحه عند ماما انهارده ويارا هتكون هناك ..

قاسم. ايوه ..

شهد. كنت قاعده مع يارا وقولت عايزه اكل جبنه قديمه معرفش ايه اللي خلي امي ويارا متأكدين اني حامل لما طلبت الجبنه ..

قاسم بضحك. غريبه دي ..

شهد. المهم فضلوا يزنوا عليا اننا نجيب اختبار الحمل ده وجبناه وطلعت حامل نسكت لا طبعا ميصحش روحنا عند الدكتوره واتاكدنا كنت فرحانه اوي يا قاسم بجد مش مصدقه اني جوايه حاجه منك ...

قاسم وهو يحرك يده علي بطنها. يعني تسع شهور وتشرف كيان ...

شهد. اشمعنا كيان يا قاسم وليه اصلا بنت ..

قاسم. انا عايز بنت حلوه شبهك كده وليه كيان عشان هي هتبقى كيانه يا شهد وهي ناتج حبنا وهتيجي تضاعف الحب ده ..

شهد. بحبك اوي يا قاسم ربنا يخليك ليا ..

قاسم. ويخليكي ليا يا وردتي ..

يقضوا ليلتهم في فرحه وسعاده كبيره الاثنان يغمرهم السعاده فأخيرا بدأت حياتهم أن تتجه الي الاتجاه الصحيح ف وجود هذا الطفل الذي سوف يفرق في حياتهم كثيراً ......

يمر شهراً كاملاً كانت تجلس شهد تنتظر قاسم وكثير من السناريوهات في مخيلتها ...

شهد. اه طبعاً ما هو ليه حق يبص بره ماشي يا بن عايده ليلتك ملونه معايا ...

وأثناء ما كانت تتكلم بغيظ تجد قاسم يدلف عليها ....

شهد بغيظ. انتا شرفت يا بيه ..

قاسم. في ايه يا شهد ..

شهد. مكلمتنيش انهارده ليه ..

قاسم. مين ده اللي مكلمكيش ده انا معرفتش اشتغل منك اصلا ..

شهد. وكمان بقيت تقيله عليك اه طبعاً ما انتا ليك حق تبص بره ما انا بقيت ليا بطن ومكعبره ..

قاسم. شهد متجننيش انتي لسه مطلعتش ليكي بطن اصلا هبل مش عايز ..

شهد. وكمان بتزعق فيا ..

قاسم. بغيظ. يا صبر ...

شهد. فين ايوب مش المفروض تبقا يا صبر ايوب ...

قاسم. شهد. انتي الحمل جننك صح كل يوم بمزاج شكل واقول ماشي فترة حمل بس لا مش كده بصراحه كده كتير يعني عميله تتصل بيا عشان اشوف شغلها تقولي بخونك معاها شويا عايزاني عالطول جمبك وشويه مش طيقاني ولا طايقه ريحتي أولع في نفسي عشان تستريحي ....

شهد. بدموع. وهي تحتضنه. بحبك يا قاسم ..

قاسم وهو يرتب علي ظهرها. بحبك بس تقلب مزاجك ده هيجنني يا شهد ...

شهد. وانا مالي يا لمبي بنتك هي اللي مجنناني ...

قاسم. بنتي بردو اللي بتحب تقلب المزاج وساعات بتقلب معاها بقلة ادب ..

شهد. بقولك ايه اسكت فين الشكولاته بتاعتي ...

قاسم. الشكولاته اهي يا آخره صبري هخش اخد دوش وانام يلا تصبحي علي جنه ..

شهد. وانتا من أهلها ..

لتأخذ شهد منه الشكولاته وتجلس تاكلها بنهم شديد فهي تعشق الشكولاته كثيرا بعد مرور ساعه ....

شهد. قاسم ..

قاسم. .....

شهد. قاسم بقولك اصحي متنمش وتسبني ..

قاسم. شهد ابوس ايدك سبيني انام واخرجي ..

شهد.انتا بتطردني يا قاسم ..

قاسم وهو يحاول يتحكم في اعصابه. شهد يا روح قلبي يا حياتي اقفلي الباب انا عايز انام وانتي روحي اتفرجي علي كرتون حلو من اللي انتي بتحبيهم ...

شهد. طب قوم اتفرج معايا ..

قاسم بحده. شهد عايز انام بقول ..

شهد. ببكاء. بتزعقلي مبقتش تحبني زيي الاول خدت غرضك مني ورمتني ...

قاسم. بغيظ. هو انا اغت**ك يا بنتي ارحمي امي العيانه بقا ...

شهد. قوم اتفرج معايا علي الكرتون ..

قاسم. بقلة حيلة. حاضر يا شهد يالا لما نشوف اخرة الحمل ده ايه هو جه علي دماغي انا عارف ....

شهد. حد قالك تقل ادبك ...

قاسم. لا دا انا اللي استاهل ...

بعد مرور تسع شهور كانت شهد تجلس علي السرير وقاسم ينام بجانبها ...

شهد.بصراخ. عااااا الحقني يا قاسم ...

قاسم. بخضه. في ايه ..

شهد.بولد يا قاسم الحقني ..

قاسم. العبي غيرها يا ماما ..

شهد. مبهزرش يخربيتك ..

قاسم. مش هصدق تاني كل يوم تصيحني وعلي نفس الحوار بولد يا قاسم نروح المستشفي ومنلقيش حاجه ف نامي واهدي شويه بقا يا حبيبتي ....

شهد. ببكاء. قاسم والله مش بهزر المره دي انا بولد بجد حاسه اني بموت ...

قاسم. بتوتر. ايه ده بجد طب انا اعمل ايه المفروض ايه اللي بيحصل نهار اسوح انا نسيت كل اللي اتدربت عليه ايه اللي بيحصل ...

شهد. عاااا انتا بتسالني انا اتصل بماما يا بني ادم ...

قاسم. اه افتكرت اتصل بماما واقول لدكتور أننا جاين في الطريق واخد شنطة البيبي والشنطه بتاعتك واخيرا اخدك انتي ونروح المستشفي ..... 

في المستشفي كانت شهد تصرخ بألم شديد وقاسم يواسي بها هو و والداتها ...

شهد بصراخ.حسبي الله ونعم الوكيل يا قاسم ..

قاسم بزهول. بتحسبني عليا يا شهد ..

شهد. انتا السبب ..

قاسم. الصبر يارب ...

الممرضه. العمليات جاهزه ..

شهد. مش هدخل غير وقاسم معايا ..

قاسم. خشي وانا هيجيلك ..

شهد. والله ما والده غير لما تخش الاول يا قاسم ...

قاسم. هاروح البس واجي طيب واتعقم ..

شهد. بصراخ. قاااسم تعالي ..

قاسم. ايه ..

شهد. قولي كلام حلو قبل ما أولد ..

قاسم. يارب عملت ايه في دنيتي بس خشي ولما تطلعي هقولك ..

شهد. مش هولد غير لما تقول كلام ..

قاسم. وكان كل الحلو الذي في الدنيا أخذته فيكي انتي يا وردتي ...

شهد. بحبك ...

الام. مش وقته سهوكه وربنا خشي اولدي بقا زهقتينا .....

بعد فتره كانت تجلس شهد علي السرير وقاسم بجانبها يمسك يديها ...

قاسم.. حمدالله على السلامه يا وردتي ..

شهد..الله يسلمك يا قاسم ..

الام. وبقيت تيته لبنوته زيي القمر ..

شهد. بفرحه.. كيان ..

قاسم. كيانا يا شهدي ..

الممرضه. الطفل يا استاذ قاسم ..

لتاخذها شهد وتحتضنها فكانت جميله ...

شهد. بفرحه وهي تقبلها. الله يا قاسم دي جميله اوي ..

قاسم.ربنا يخليكوا ليا ..

بعد مرور سبع سنوات كانت شهد تخرجت من كليه الهندسه منذ فتره وكيان أصبحت بعمر السابعه ومازال عشقهم يكبر يوماً بعد يوم يقولون الحب ينتهي بعد الزواج عذراً الحب الحقيقي لا ينتهي أبدا يبقي مدي الحياه ولكن لا يخلوا من المشاكل الزوجيه فهي أساس اي علاقه فمن وجهة نظري أن المشاكل هي التي تقوي العلاقه الزوجيه أكثر تصبح متماسكه أكثر فكلما مر عليك مشكله ونجحت في تخطيها هذا يعلمك أن لا تكرر هذه مره اخري يقولون الحب ضعف حسنا الحب حقا ضعف لكن الفكره مين اللي هيحترم الضعف الحب هو أن تري عيوب من تحب مميزات وما اجمل الحب عندما يتوج بالزواج ويكون ناتج حبوهم طفلاً وها هي أتت كيان لهم لتضاعف حبهم ....

قاسم بغضب. شهههد ...

شهد بخضه. في ايه يا قاسم بتزعق ليه ..

قاسم بغضب. مين اللي رسم الزفت ده علي الورق ..

شهد. بتوتر. دي كيان كانت قاعده بتلعب يا قاسم ورسمت تنه ورنه ..

كيان. لا والله يا بابا ماما كمان رسمت معايا وهي اللي قالتلي اصلا ..

شهد. يابنت الجزمه انتي ماشي ..

قاسم بغضب. شهد انتي عارفه الورق ده بتاع ايه ..

شهد بهبل. لا ..

قاسم. شهد متعصبنيش في حاجه اسمها زفت قرايه وزفت الورق ده ضروري بكره في الاجتماع وانا مش هعرف اجهزه تاني دلوقتي اعمل فيكي ايييه بس ..

شهد ببكاء. اسفه ..

قاسم. بلا اسفه بلا زفت بقا كل يوم تعملي حاجه غلط وتقولي اسفه مش عارف الطفوله المتأخرة دي هتخلص أمته انا زهقت  ...

ليخرج من الشقه ويغلق الباب خلفه قوه اهتزت شهد علي أثرها ..

كيان. ببراه. ماما هو بابا زعل ليه ..

نظرت شهد بحزن شديد الي الباب فهي من الواضح انها فعلت خطأ لا يغفر هذا المره قاسم ولاول مره يغضب عليها هكذا دائماً تفعل له مشاكل لكن الان هو ترك المنزل ..

كيان. مامي انتي بتعيطي ..

شهد. لا يا حبيبتي انا كويسه خشي نامي انتي عشان المدرسه الصبح ...

كيان. حاضر يا مامي تصبحي علي جنه ..

شهد. وانتي من أهلها يا كياني ..

لتدلف الطفله غرفتها لكي تنام وتظل شهد واقفه تنظر إلي الورق المبعثر علي الارض ..

شهد..جتلي فكره اصالحه بيها ..

لتأخذ الورق وتدلف غرفه المكتب وهي تحاول أن تنقل الموجود في الورق ...

شهد. يارب يطلع هو هو اهو يبقا اعتذار عن اللي هببته ...

بعد أكثر من ساعاتان كانت ما زالت شهد تعمل علي الورق فكان كثير ...

شهد. بصراحه ليه حق يزعل ده انا ضهري انكسر اه ياني ..

قاسم. بهدوء. بتعملي ايه يا شهد ..

شهد. احم انا اسفه يا قاسم بحاول اصلح اللي انا عاملته ..

قاسم. خلاص يا شهد سيبيه وخشي نامي انتي انا هتصرف ..

شهد وهي تحتضنه. قاسم اسفه والله هي وصلت الهبل جت معايا كده متزعلش مني بقا ...

قاسم. كنت زعلان بس خلاص انتي بنتي مش بزعل منك يا شهد أو بمعني اصح مش بعرف اصلا ..

شهد. يخليك ليا يا رب ..

قاسم وهو يحرك يده بحب علي بروز بطنها فهي في الشهر الثامن من حملها الثاني ..

قاسم. سي قاصي ده عامل ايه ..

لتضع شهد يدها علي يده وهي مازالت علي بطنها " بيقولك مامي بتحبك اوي"

قاسم بحب. وانا بعشق مامي ...

شهد. يعني مش زعلان مني ..

قاسم. اسف علي اني زعقت ليكي بس الورق ده بجهز فيه بقالي اكتر من شهر لقيته كله مرسوم عليه اتعصبت وبصراحه دي مش اوي مصيبه ليكي يعني ...

شهد. ياباشا انتا تعمل اللي انتا عايزه زعق فيا فداك بس متخدش راحتك اوي يعني ...

قاسم. بضحك. حاضر ...

شهد. اممم تتفرج علي كرتون ..

قاسم. نتفرج على كرتون ...

شهد وهي تمسك وجنتيه. بحبك اوي يخرابي عليك ..

قاسم وهو يقبل وجنتيها بحب شديد ويقول

 " لقد كان مجيئك مجيئ السلام إلى قلبي بعشقك يا وردتي " 

" اخْبِئْ لَكَ حَبًّا وَلَوْ أَنَّ الْحَبَّ يَرِي لَرَأَيْتُ فِي قَلْبِي مَدِينَةً لَكَ "

تمت

لقراءة باقي حلقات الرواية اضغط على (رواية حدث غير لي حياتي)

google-playkhamsatmostaqltradent