رواية ليالي الرعد الفصل السادس عشر 16 بقلم رودينا رودي

 رواية ليالي الرعد الفصل السادس عشر 16 بقلم رودينا رودي

رواية ليالي الرعد البارت السادس عشر

رواية ليالي الرعد الجزء السادس عشر

رواية ليالي الرعد الفصل السادس عشر 16 بقلم رودينا رودي

رواية ليالي الرعد الحلقة السادسة عشر

ليالي بصوت عالي: رعدددددددددد

رعد بخضه ولهفه قام جي عليها وحضنها وقال: كنتي فين

ليالي بهزار: كنت فين مخرتش من بره الشقه

رعد بعصبيه: ليالي كنتي فين بقولك

ليالي بضحك: خلاص يا عم متزعقش كده الله كنت فوق الدولاب

رعد باستغراب: نعم

ليالي بضحك: ايه في ايه كنت فوق الدولاب

رعد باستغراب: كنتي بتعملي ايه فوق الدولاب

ليالي بضحك: كنت مستخبيه

رعد نزل حاجب و طلع حاجب: كنتي مستخبيه من ايه فوق الدولاب

ليالي بضحك: كنت مستخبيه علشان اخضك

رعد: انتي وقعتي قلبي في رجليه

ليالي بهزار: لا المره الجايه ابقي امسكه كويس

رعد: والله وكمان بتستظرفي

ليالي: اهدي يا انشراح يا اختي مش كده الله استهدي بالله كده بس 

رعد مسكها من قفاها وقال: بقي انا حته عيله زيك توقع قلبي في رجليه ها

ليالي بهزار: لا والله مش انا ديه اختي مني

رعد ضحك  وخدها في حضنه وباس دماغها وقال: بعد كده متعمليشش كده تاني انا كان ممكن يحصلي حاجه لو مكنتيش بتهزري ومش موجوده بجد 

ليالي حضنتو هي كمان وقالت: حاضر  وكملت بهزار الواحد ميعرفش بهزر في البيت ده ابدا كده 

رعد بضحك: لا هزري بس مش كده

ليالي: اشطا

رعد: لسه معملتيش الاكل صح

ليالي: لا طبعا وديه تفوتني عملته طبعا

رعد: هيييح الناس كلها بتدور علي اللي يريحها وانتي بتدوري علي اللي يتعبك

ليالي: والله ابدا بس اتعودت وكمان انا بحب الطبخ 

رعد: ماشي يا ستي عملالنا اكل ايه بقي

ليالي: عملت رز وملوخيه وفراخ وبتنجان مخلل

رعد: اشطا  يلا ناكل علشان انا جعان اووي 

ليالي: طيب خد شاور سريع كده عقبال ما اسخن الاكل و احضر السفره

رعد: طيب

ليالي راحت سخنت الاكل و حضرت السفره ورعد خد شاور وخرج لقي ليالي راصه الاكل رصه حلو اوووي

رعد: يا لهوي يا ناس ايه الجمال ده

ليالي: يا بكاش انت لسه دوقت حاجه

رعد: العين بتدوق قبل البوق

ليالي: امممممم طيب

رعد: طيب انا جعااان

ليالي: طب ماتاكل الاكل قدامك اهو 

رعد: يعني هاكل لوحدي

ليالي: مانا مش جعانه بصراحه

رعد: بس انا جعان

ليالي: طيب ماتاكل

رعد: طيب كلي معايا 

ليالي: مش جعانه والله

رعد: علشان خاطري

ليالي: مش جعانه

رعد برجاء: علشان خاطري

ليالي: اوكي

رعد: يلا بقي

ليالي ورعد كلوا وهزروا مع بعض شويه وبعدها ناموا

عند نورسين

نورسين: يا ربي لو بقيت مع رعد ريهام هتسجني أن ما موتتنيش وان بقيت مع ريهام رعد هيقتلني وانا مش عارفه مين فيهم اللي معاه الحق بس لو ريهام معاها الحق هتقتل ناس ملهومش ذنب ليه ................. لقيتها أنا أقوم اصلي صلاه استخاره اني اسمع كلام رعد وقامت صلت استخاره ولقت نفسها مرتاحه فعرفت أنها لما تكون مع رعد فهي كده هتبقي ماشيه في الطريق الصح

تاني يوم الصبح

ليالي صحيت وفضلت تبص لرعد 

رعد: صباح الخير

ليالي: انت صاحي من امتي

رعد: من شويه كده

ليالي: من امتي

رعد: من ساعه مافضلتي تبصيلي عارف اني حلو على فكره

ليالي: انا مش ببصلك علشان كده

رعد: اومال عشان ايه

ليالي: علشان كنت بفكر هقوم ازاي من غير ما اصحيك

( رعد كان حاضن ليالي وهي مكانتش عارفه تقوم من غير ما تصحيه)

رعد بهزار: احم بس ده مينكرش اني حلو

ليالي بهزار: حد يقدر يقول غير كده

رعد: العب

ليالي: نعم

رعد: ولا حاجه

ليالي:😑 ده بجد

رعد: هو ايه ده

ليالي: يعني انا كان عندي حق

رعد: كان عندك حق في ايه 

ليالي: انك بارد

رعد: نعم مين ده اللي بارد وراح يمسكها من قفاها

ليالي بهزار: انا قولت رعد بارد

رعد: ما هو مافيش حد غيري هنا هتكوني بتقولي علي مين يعني

ليالي بضحك: كنت بقول للهوا الهوا بارد انت بتاخد الكلام علي نفسك ليه

رعد: هعمل نفسي مصدقك

ليالي: ماشي سيبني بقي

رعد: ليه ما كده حلو

ليالي: يا عم سيبني بس

رعد: يا عم

ليالي: ايه مش عاجبك

رعد: لا طبعا عاجبني ونص كمان

ليالي: طب سيبني بقي

رعد ساب ليالي وليالي راحت خدت شاور سريع وبعدين دخلت تحضر الفطار و رعد دخل خد شاور سريع و فتح ال لاب توب واشتغل شويه 

ليالي من بره بصوت عالي: رعد تعالي يالا الفطار جاهز

رعد: جاي اهو ثواني بس

رعد خلص اللي كان بيعمله بسرعه وخرج لليالي

وفطروا 

ليالي: رعد هو انت ليه مبقتش تقعد معايا زي الاول

رعد: عندي مشاكل كتير في الشغل 

ليالي: طيب ما تحكيلي صدقني مش هتندم انت لما هتحكي لحد ممكن يقترح عليك حلول وكمان هتبقي خففت عن نفسك شويه وكمان هتبقي بتفضفض

رعد: بس انتي لسه صغيره علي الحاجات ديه مش هتفهميها

ليالي: جربت؟

رعد: لا

ليالي: جرب واحكم

رعد: اوكي هقوم انا اجهز علشان انزل الشغل

ليالي: رعد ممكن طلب

رعد: اتفضلي

ليالي: ممكن اقعد مع طنط ريما النهارده عقبال ما تيجي انت من الشغل وما تخافش الاكل معمول

رعد: مفيش مشكله بس الاكل معمول ازاي

ليالي: صحيت الصبح الساعه خمسه وعملته ويدوبك خلصته الساعه تمانيه و نمت تاني

رعد: اها تمام ادخلي البسي ويلا

دخلت ليالي لبست بنطلون اسود جبردين و شيميز زيتي و كوتشي ابيض وعملت شعرها بالتوكه العضاضه  ورعد لبس بدله لونها اخضر صورتها تحت وكان شكله حلو اوووي فيها

ليالي: رعد يلا انا جاهزه

رعد: يلا يا قلبي

رعد وليالي راحوا عند ريما 

ريما فتحت الباب 

رعد: ست الكل عامله ايه و باس ايديها ودماغها وحضنها

ريما: رعد حبيبي عامل ايه وحشتني اووي

رعد: وانتي كمان والله يا ست الكل

ليالي: طنط ريما عامله ايه

ريما: ليالي وحضنتها وباست خدها وقالت: وحشتيني اووي عامله ايه بقي كده اجوزكوا تنسوني

ليالي بسرعه: لا والله ابدا منسناكيش 

رعد: لا عاش ولا كان اللي ينساكي يا ست الكل انا بس مشغول شويه في الشغل وشويه حاجات كده 

ريما: ربنا معاك يابني وانتي يا قمر عامله ايه

ليالي: الحمدلله يا طنط

ريما: دايما يا روح طنط بجد فرحتوني انكم جيتوا

ليالي: يارب دايما تبقي فرحانه

ريما: عارفه ايه اللي يفرحني اكتر

ليالي: لا معرفش

ريما: انك تقوليلي يا ماما

ليالي: حاضر يا ماما

كل ده رعد متابع الحوار ومبتسم 

رعد: طب استئذن انا بقي

ريما: رايح فين انت لحقت تقعد

رعد: معلش يا امي ورايا شغل

ريما: ماشي يا بني ربنا معاك

رعد: تسلميلي يا امي وباس ايديها ودماغها تاني ومشي

عند ريهام

ريهام: انت بتستهبل احنا مش متفقين على كده

يتبع..
لقراءة الفصل التالي : اضغط هنا
لقراءة باقي حلقات الرواية اضغط على (رواية ليالي الرعد)
google-playkhamsatmostaqltradent