رواية إختيار خاطئ الفصل الخامس 5 بقلم إيناس طه

رواية إختيار خاطئ الفصل الخامس 5 بقلم إيناس طه

رواية إختيار خاطئ البارت الخامس

رواية إختيار خاطئ الجزء الخامس

رواية إختيار خاطئ الحلقة الخامسة

ملك فتحت الباب وأول ما دخلت البيت اتصدمت لما شافت نفس الشاب بتاع الصبح عندهم في البيت
ملك بعصبية : أنت
أنت بتعمل إيه هنا
والد ملك : في إيه يا ملك حد يدخل ويزعق كده
ملك : أنا آسفة يا بابا مش قصدي أنا بس..
والد ملك : ممكن تهدي شوية
و علي فكرة أستاذ هشام قالي علي سوء التفاهم اللي حصل
وجاي وطالب ايدك مني
ملك بصدمة : إيه…ازاي
والد ملك : هو إيه اللي ازاي
الشاب جاي يتقدملك محتاجة توضيح دي
هشام : ممكن يا عمي بعد إذنك أتكلم مع الأنسة ملك شوية
والد ملك : مفيش مانع يا ابني
ملك قعدت وكانت مكسوفة وحاسة بالإحراج منه ومن اللي عملته
هشام : أنسة ملك أنا بعتذر منك علي اللي عملته بس مكنش عندي حل تاني و ملقيتش طريقة تانية غير دي
ملك بتوتر : أنا اللي آسفة علي كلامي وأسلوبي مع حضرتك بس أنا يعني…وهشام قطع كلامها
هشام : متكمليش أنا عارف وفاهمك كويس وعندك حق تعملي كده وده اللي عجبني فيكي أكتر وخلاني متمسك بيكي أنا خدت عنوانك وجيت أتقدملك بشكل رسمي وأطلب إيدك من والدك علشان اثبتلك إن كلامي الصبح كان جد

ولو حابة تسألي عن أي حاجة اتفضلي
ملك عجبها رده وقالت بخجل : علي العموم أنا هصلي استخارة و ردي هيوصل لحضرتك مع بابا
هشام بإبتسامة : تمام وأنا هستني ردك
والد ملك جي وهشام أستأذن ومشي
ملك كانت مستغربة شخصيته وحاسة فعلا إنها ظلمته وإنه إنسان كويس جدا ومحترم وكانت مبسوطة من كلامه
دخلت أوضتها واتصلت علي عالية وقالتلها علي اللي حصل
عالية : شوفتي بقي إن كلامي طلع صح
ملك : أنا والله لحد دلوقتي مش مصدقة اللي حصل مش عارفة أعمل إيه
عالية : توافقي طبعا الراجل جالك لحد عندك وطلب إيدك وبتقولي مرتاحة يبقي خلاص
وبعدها قالت بضحك :كويس إنه عدي موقف الصبح وعذرك واحد تاني كان هرب وخاف يكلمك تاني
ملك بضحك : أه والله أنا اتكسفت أوي
خلاص أنا هصلي إستخارة وأرد علي بابا اللي قاعد يسألني كل شوية من لما مشي
وماما كمان شكلهم عايزين يخلصوا مني ولا إيه
عالية بضحك: كلنا عايزين نخلص قصدي نفرح
ملك بضحك : بقي كده ماشي
عالية : خلينا نتكلم جد خدي وقتك وفكري كويس وصلي وإن شاء الله خير
ملك : إن شاء الله
_____________________________
وفعلا ملك فكرت في الموضوع واستخارت ربنا وحست انها مرتاحة جدا وقالت لوالدها إنها موافقة
أما هشام فكان طاير من الفرحة لما والد ملك بلغه بموافقتها
وراح تاني يوم عندها هو وأهله وقروا الفاتحة واتفقوا علي ان الخطوبة تكون بعد ما ملك تخلص إمتحاناتها
___________________________
في بيت مازن
مازن بقي مهتم بالشغل و بس بعد فسخ خطوبته
أما نور حالتها النفسية بقيت صعبة وعلي طول في أوضتها

مازن : مالك يا حبيبتي بقالك فترة علي الحالة دي لا بتخرجي ولا بتتكلمي مع حد…في إيه
نور ساكتة
مازن بحزن عليها : طب في حاجة حصلت أو حد مضايقك احكيلي علشان خاطري اتكلمي قولي أي حاجة بس متسكتيش كده
نور انفجرت في العياط ومازن خدها في حضنه وبيطبط عليها
مازن : قوليلي مالك… إنتي خايفة مني طيب
والله ما هعمل حاجة بس اتكلمي
نور قالتله علي كل حاجة وعلاقتها ب أيمن
نور بدموع : أنا أسفة يا أبيه بس أنا حبيته بجد غصب عني وكنت فكراه هو كمان بيحبني
مازن قلبه وجعه علي أخته الوحيدة وكأن مشهد عالية بيتكرر تاني قدامه وعرف ان اللي بيحصل ده ذنبها هي بسبب اللي عمله فيها و رغم كل ده عرف قيمتها بجد
جرب وحس نفس الوجع و زي ما عمل في بنات الناس ربنا ردهاله في أخته
“فعلا داين تدان”
__________________________
عالية وملك خلصوا امتحانات وبدأوا يستعدوا ويجهزوا للخطوبة
عالية كانت في الطريق و بتكلم ملك في الموبايل
عالية : عروستنا الحلوة عاملة إيه
ملك : إنتي فين يا عالية كل ده يلا مستنياكي
عالية : حاضر ربع ساعة وهكون عندك يلا سلام وقفلت معاها و لقيت مازن واقف قدامها
سابته وكانت ماشية علي طول لكن وقفها
مازن : عالية لو سمحت ممكن تسمعيني أرجوكي
عالية : انت إيه اللي جايبك هنا وعايز إيه
مازن : عايز أتكلم معاكي يا عالية
عالية : مفيش بينا كلام وأنا أصلا مش عايزة اتكلم معاك
مازن : بس أنا بجد عايزك تسمعيني
وقال بندم وحزن : أنا آسف يا عالية سامحيني
عالية : كدبة جديدة دي ولا إيه
أنت لسة عايز تمثل
مازن : والله ما بكدب عليكي أنا عارف ان جرحتك وأذيتك كتير أرجوكي تسامحيني وآسف علي كل حاجة
عالية : آسف..آسف علي إيه ولا إيه
يعني آسف علي كذبك وتمثيلك عليا ولا آسف علي جرحك ليا ولا آسف انك كسرت قلبي
مازن بدموع : حقيقي أنا ندمان علي كل اللي عملته
انا اكتشفت فعلا طول الفترة اللي فاتت دي إن أنا حبيتك بجد وعرفت قيمتك
عالية : اتأخرت أوي يا أستاذ مازن عارف ليه علشان انت دلوقتي مبقيتش تفرق معايا خالص وأحسنلك تبعد عني فاهم ولا لا.. وسابته ومشيت

مازن مقدرش يمنعها كان عارف انها مستحيل تسامحه بعد اللي عمله فيها بس كان نفسه تصدقه المرة دي بجد ويعوضها عن كل حاجة
_____________________________
في خطوبة ملك
كانت ملك زي القمر في الفستان وعالية كمان كانت جميلة أوي ومازن كان موجود و عينه عليها طول الوقت وهي لاحظت نظراته ليها
وبعد شوية عالية خرجت تتكلم في الموبايل وأول ما خلصت لقيت مازن وراها
عالية بنرفزة وصوت عالي : انت ماشي ورايا ولا إيه
مازن : عالية ممكن تهدي واسمعيني أنا بجد ندمان وحابب إنك تديني فرصة تانية اصلح فيها كل حاجة واثبتلك ان بحبك بجد مش بكدب عليكي…واتغيرت مبقيتش زي الأول
عالية : فرصة تانية…
فرصة تانية لو كان لسة في حاجة جوايا من ناحيتك كل حاجة انتهت يا مازن كان زمان
وحبك اللي جوايا أنا محيته نهائي والبركة فيك
انساني يا مازن وشوف حياتك وسيبني في حالي علشان بجد مفيش حاجة هتتصلح ومتحاولش تقرب مني تاني وده آخر تحذير
ومشيت بسرعة من غير ما تسمع رده…راحت تشوف ملك وهي ماشية خبطت في واحد من غير ما تقصد
عالية : أنا أسفة جدا
الشاب بإبتسامة : ولا يهمك
عالية واقفة جنب ملك ولقيوا هشام جاي ومعاه نفس الشاب اللي خبطت فيه
هشام : ده بقي طارق يا ملك…صاحبي اللي حكيتلك عنه
ملك : أه أهلا بحضرتك
طارق : أهلا بيكي وألف مبروك
ملك : الله يبارك فيك
هشام : وصلت امتي يا طارق انا قولت مش هتلحق تيجي
طارق : لسة واصل حالا بس روحت البيت الأول وجيت علي هنا علي طول ما أنت عارف إن خلاص مش هسافر تاني بس يارب متزهقش مني
هشام بضحك : اطمن يا سيدي عمري ما أزهق منك
طول الخطوبة طارق مكنش شايف حد غير عالية وعلي طول سرحان فيها…هشام لاحظ وقرب منه
هشام بهزار : بس فضحتنا الله يكسفك
طارق بتوتر : قصدك إيه
هشام : قصدي اللي واخدة عقلك من ساعة ما جيت وأنت مبلم وباصص عليها…اتشجع واعملها بقي
طارق : تفتكر ممكن توافق
هشام : جرب مش هتخسر حاجة وفي الأول وفي الآخر ده نصيب
طارق : عندك حق
________________________________________
في يوم كانت عالية عند ملك في البيت و قاعدين مع بعض
ملك : عالية كنت عايزة أتكلم معاكي في موضوع
عالية : خير يا بنتي اتكلمي
ملك : هو خير متقلقيش
فاكرة طارق صاحب هشام اللي عرفنا عليه في الخطوبة
عالية : يعني ماله
ملك بتوتر : هو بصراحة معجب بيكي و عايز يجي يتقدملك
عالية بصدمة : انتي بتقولي إيه

ملك : زي ما بقولك كده هو قال ل هشام
علشان كده هشام طلب مني أفاتحك أنا الأول في الموضوع
عالية : ملك إنتي عارفة إن مش بفكر في الموضوع ده
ملك : ليه يا عالية
انتي لسة بتحبي مازن
عالية : لا طبعا
انا مازن مسحته تماما من حياتي
ملك : امال إيه
عالية : كل الحكاية إن أنا متلخبطة…و مش عارفة يا ملك
ملك : علي العموم فكري براحتك
___________________________________
تاني يوم عالية كانت قاعدة لوحدها في كافيه بتقرا رواية ومندمجة فيها أوي وفاقت من شرودها علي صوت و كان طارق
طارق : أنسة عالية ازيك
عالية : الحمدلله ازي حضرتك
طارق : تمام الحمدلله
ممكن أقعد أتكلم مع حضرتك شوية لو مش هضايقك
عالية بتوتر : بس
طارق : صدقيني مش هعطلك
عالية : أتفضل
طارق : كنت طلبت من الأنسة ملك إنها تبلغك إن أنا حابب أتقدم لحضرتك…ممكن أعرف رأيك إيه
عالية : أستاذ طارق حضرتك شخص كويس وألف واحدة تتمناك…. بس أنا رافضة الموضوع ده دلوقتي
طارق : وأنا مش عايز غيرك إنتي
طب ممكن تديني فرصة وتفكري كويس
عالية بتوتر : طالما حضرتك مصمم…يبقي في موضوع لازم تكون عارفه يا أستاذ طارق
طارق : موضوع إيه
عالية بتوتر : أنا كان في حد في حياتي
وقالتله علي كل حاجة و علاقتها القديمة بمازن
عالية : أنا اتكلمت معاك بصراحة
مش عارفة نظرتك عني ممكن تكون ازاي دلوقتي بس المهم عندي إن قولتلك الحقيقة علشان مبقاش كدبت أو خبيت عليك حاجة…
وانا هعفي حضرتك من الإحراج و هنسي كل حاجة و هعتبر إنك مقولتش حاجة عن إذنك
طارق : استني يا عالية أنا مخلصتش
أنا كنت عارف موضوع مازن
عالية بإستغراب : عارف ازاي
طارق : أنا كنت أعرفك قبل كده يا عالية
كنت في يوم رايح ل هشام و شوفتك أول مرة في الجامعة
حبيتك من أول نظرة لدرجة إن بقيت أتحجج و أروح
كل يوم الكلية عند هشام علشان بس أشوفك

عرفت عنك كل حاجة و بعدها عرفت إن في حد في حياتك فقولت لنفسي إنك مش من نصيبي فقررت أسافر وأبعد بس مقدرتش أنساكي لحد ما رجعت وشوفتك تاني قولت إن ربنا عوضني بيكي من جديد ورايد إننا نكون لبعض وإنك نصيبي اللي بتمناه
عالية كانت مصدومة من كلامه و مش مصدقة
عالية : طب ليه فضلت ساكت الفترة دي…ليه ما صارحتنيش
طارق : علشان كنت خايف عليكي حتي من نفسي…مكنتش عايز أعشمك بحاجة أو أقولك أي حاجة غير لما أكون جاهز و علشان لما يجي يوم و أصارحك بالحقيقة أكون فعلا قد كلامي وأحس بجد ان انا أستاهلك
أنا كل اللي طالبه منك إنك تدي نفسك فرصة تفكري مش عايز أسمع ردك دلوقتي
وآسف لو أزعجتك بعد إذنك…و مشي
____________________
عالية روحت البيت وأول ما دخلت اتفاجأت
عالية بفرحة : بابا
وجريت عليه حضنته
عالية : مقولتش ليه إنك جاي النهاردة
والد عالية : و أبوظ المفاجأة علي بنتي
عالية : هي فعلا أحلي مفاجأة
عارف أنا كنت خايفة متعرفش تنزل
والدها : يعني معقول محضرش حفلة تخرج بنتي الصغيرة برضو
عالية حضنته وقالت : ربنا يخليك ليا
______________________________
في حفلة التخرج
بدأ التكريم و عالية كانت الأولي علي دفعتها و فرحة ملك بيها متتوصفش كانت فخورة بيها انها قدرت تعدي كل حاجة مرت بيها
أما عالية كانت فرحانة بوجود أهلها وكل الناس اللي بتحبهم حواليها في يوم زي ده
عالية وملك وهشام كانوا واقفين يتكلموا مع بعض ومرة واحدة لقيت ملك وهشام مبتسمين وبيضحكوا
عالية بإستغراب : مالكم بتضحكوا علي إيه
ملك بإبتسامة : لفي وشوفي كده
عالية بتبص وراها لقيت طارق جاي ناحيتها ومعاه بوكيه ورد
طارق قرب عندها و عطاها البوكيه و قال : مبروووك يا عالية
عالية : الله يبارك فيك…شكرا
طارق بإبتسامة : علي فكرة أنا كلمت والدك وطلبت ايدك منه و وافق مش فاضل بس غير رأيك انتي علشان كده استأذنت من عمي ان أجي النهاردة
بصراحة ملقيتش أحسن من دي مناسبة
وطلع من جيبه علبة قطيفة وفتحها وكان فيها دبل خطوبة
طارق : موافقة يا عالية
عالية بصت علي والدها و والدتها وملك ولقيتهم كلهم بيهزوا دماغهم بإبتسامة كأنها اشارة ليها إنها توافق عليه
عالية بفرحة : موافقة
ولبسوا الدبل لبعض والكل بيسقف وفرحان بيهم جدا
عالية كانت فرحانة أوي و حاسة إن ربنا فعلا عوضها بيه
” الخلاصة إن الحب مش كلام حلو كتير وخلاص علي كده

أصل لو علي الكلام مفيش أسهل منه ، الحب أفعال ، الحب صراحة و وضوح وإنك تكون قد كلمتك
الحب مش إختيار بس لأ..
الحب قدر وإختيار ، ربنا بيهيأ الأشخاص و الظروف اللي بتجمعهم
بييسرلك الشخص و أنت بقي اللي عليك تختار
أنت اللي بتختار بداية الحب سواء صح أو غلط
علشان كده حافظ علي قلبك للشخص اللي يقدر يحافظ عليه اللي ميستغلش حبك وضعفك ويفضل يبيع ويشتري فيك.
متسلموش غير للي تتأكد بجد إنه يستاهله ، و طول ما أنت غالي أوي في نظر نفسك هتبقي غالي في عيون أي حد ”
#تمت

لقراءة باقي حلقات الرواية اضغط على (رواية إختيار خاطئ)