رواية المغامرة المجنونة الفصل الثاني عشر 12 بقلم حنين عادل

 رواية المغامرة المجنونة الفصل الثاني عشر 12 بقلم حنين عادل

رواية المغامرة المجنونة البارت الثاني عشر

رواية المغامرة المجنونة الجزء الثاني عشر

رواية المغامرة المجنونة الفصل الثاني عشر 12 بقلم حنين عادل


رواية المغامرة المجنونة الحلقة الثانية عشر

هنا: اضرب ...
وفجأة صوت ضرب نار وقف قلوبهم الكل اتفاجئ ووقف جاسر مش قادر يتحرك من مكانه وهنا غمضت عينيها .....
هنا : هههههه قلتلك مش هتقدر انت بقيت ضعيف ..
ريم: الحب خلاك ضعيف يا حضرة الظابط خلي قلبك يتحكم فيك ..
هنا بانتصار : اديك عرفت يا حضرة الظابط اثبت بقا ..
جاسر: هرميكم في السجن وقلبي اللي خلاني ضعيف ده هاخلعه من مكانه ..
ريم: انت واثق اوي بقا 
جاسر: ايوه واثق بس طالما كل حاجه انكشفت ممكن اعرف ليه ..
هنا: ليه ايه يا حضرة الظابط ..
جاسر: ليه بتسرقي انت علي ما اظن مش محتاجه فلوس. 
هنا: عشان الاثارة والتشويق هههه
جاسر: عارف انك مش هتقولي حاجه بس صدقيني ايام حريتك بقت معدودة بره السجن وانا قد كلامي ..
هنا: افعال ..افعال يا حضرة الظابط مش عايزة كلام ويلا بقا عشان استمتع بايامي المعدودة اللي لسه باقيه في هدوء .هدووء بليييز ..
جاسر بتحدي: اوك يا مدام R الحقي استمتعي بايامك الباقيه انا هامشي بس هاجيلك تاني قريب بس المرة الجايه هتيجي معايا لابسه الكلبشات ..
هنا ببرود:  طيب 
بيمشي جاسر متعصب جدا ..
ريم بتوتر: قلتلك جاسر مش غبي يا هنا هنعمل ايه دلوقتي..
هنا : جاسر مش غبي بس متسرع ومتهور ودي نقطه ضعفه اللي هنشتغل عليها .
ريم: ازاي يعني انتهي الكلام احنا هانمشي انا مش حمل اني اشوفك مرميه في السجن ومش عارفه اعملك حاجه .
هنا : نمشي طيب ومريم يا ريم نسيتيها.  
ريم: انتي اللي مش بتنسيها. 
هنا : ولا عمري هانساها ..
ريم : اللي حصل قضاء وقدر يا هنا 
هنا : قضاء وقدر دا انتحار وقله حيله يا ريم انا ماحكتش ليكي اللي حصل بالظبط . 
ريم: وايه بقا اللي حصل ..
بتفتكر هنا اللي حصل ..
#flash_back
مسك جاسر أيدي بعصبيه وطلعني برة العمارة ...
جاسر: عقوبتك انك مش هتاخدي حاجتك اللي جوا دي هاتمشي بالهدوم اللي عليكي وقفل الباب ...
هنا : انا اساسا ما يشرفنيش اني اسكن في بيت واحد زيك واحد ناقص مش راجل ومشت وسابته .....
جاسر: في ستين داهيه ..
مشيت وانا مش عارفه هاروح فين ..
هنا وهيا ماشيه: يا ربي هاروح فين دلوقتي انا منك لله يا استاذ طماطم منك لله ايه ده في لمه ليه كده ..
طلعت اجري اشوف اللمه دي لقيت مريم واقفه بتعيط ..
هنا: مريم حبيبتي في ايه ..
شاورت مريم علي دم ..بصيت لابعد من الدم لقيت امها وابوها غرقانين في دمهم انتحروا من فوق الكوبري لما ما قدروش يعملوا لبنتهم العمليه اللي محتجاها كانت مريضه لوكيميا وحالتها صعبه الاب كان بيشتغل مش بينام تلات ورديات والام كده بس ماقدروش يجمعوا فلوس عمليه بنتهم القهرة والغلب والعجز موتهم وهما عايشين جابوا اخرهم ..
عافروا وعافروا بس خلاص كل الابواب اتقفلت كان ايه اللي هيحصل غير انهم يستنوا لما يشوفوا بنتهم ماتت قدامهم وهما مافيش في ايدهم حاجه فضلوا الانتحار ماتوا وسابوها وكتبوا ورقه حكوا فيها عن معناتهم بس ما كانش في ايدهم حاجه ..
البنت كانت مصدومه واقفه مش عارفه تعمل ايه سندها وامانها خلاص راحوا ومشيوا وماكانش ليها حد اه اكيد في ناس هاتساعدها بس في الاخر هيملوا ..
ريم :  بس كان المفروض يبقوا اقوي من كده يقاوموا 
هنا : اللي ما اتحطش في الموقف اللي هما فيه عمره ما يعرف احساسهم او هما مروا بإيه 
ريم: بس مش مبرر انك تسرقي يا هنا عشان بنت ..
هنا: اكيد ماكانش اول تفكيري اني اسرق يعني انا عارفه ربنا كويس وعارفه ان ده غلط بس ما كانش قدامي حل تاني البنت كانت بتموت مسكت صندوق زيها ومشيت الف بيه علي الناس محدش ساعدنا قد اللي كانوا بيتنمروا علينا وبيضايقونا ..
ريم: كان في مستشفيات مجانيه 
هنا: كان فعلا بس بالواسطه والمحسوبيه رحت ل احمد سليم مدير مستشفي كبيره حكوميه مجانيه وقفت قدامه زي الشحات اللي مستني صدقته وقبلها قعدت ساعات لما وافق يقابلني دخلت وهوا رافع رجليه علي المكتب وبيتكلم في التليفون فضلت متذنبه قدامه عما حن عليا ورد ..
#flash_back 
سليم: خير ..
هنا : اذي حضرتك يا فندم البركه في ربنا ثم حضرتك مريم بنت يتيمه وعندها ...
سليم: هشششششش  انا ماعنديش وقت للكلام الكتير اختصري قدامك دقيقه .. 
هنا: احم مريم يافندم عندها لوكيميا واهلها ميتين ومالهاش حد والمستشفي هنا مجانيه اه بس بالدور ولما نستني الدور هاتكون ماتت.
سليم: والمطلوب..
هنا: جواب بس يا فندم من حضرتك توصي عليها دي بين الحياة والموت ..
سليم : اه ..
بيطلع 50 جنيه من جيبه وبيرميها علي الارض .
هنا: ايه ده يا فندم .
سليم: خوديها تساعدكم واتفضلي يا استاذة واستني الدور مش كوسه هيا ومافيش اماكن ..
هنا : بس يا فندم ..
بيقاطعها صوت تليفونه بيرن ..
سليم: ايوه يا باشا ايه ..لأ جناح كامل يا باشا نفضيه عشان خاطرك مش سرير ايوه يا فندم وان ماخدمناش جنابك نخدم مين ..دي حاجه بسيطه يا فندم ..سلام
هنا :مش ما كانش فيه سراير فاضيه ..
سليم : انتي لسه هنا .
هنا: يا فندم ارجوك البنت هتموت ساعدنا 
سليم: انا قلت مافيش سراير فاضيه استنوا الدور ..
هنا: انت لسه مكلم حد وقلت ليه تفضيله جناح ولا هيا ماشيه بالكوسه اتقوا الله بقا 
سليم : انتي بتقولي ايه انتي انسانه  مش محترمه يا امن يا امن ..
الامن اجي يا خد هنا يرميها بره ..
هنا : قبل ما امشي عايزة اقلك اني عمري ما هنسي الخمسين جنيه دي وهتتحاسب يا احمد سليم هتتحاسب.  
سليم: ارموها بره .
#back .
ريم: وبعدين يا هنا
هنا ببكاء: وبعدين الدنيا اسودت في وشي ماعتش عارفه اعمل ايه مشيت الم ليها فلوس بس عمرنا ما كنا هنجمع فلوس العمليه ل حد ما اغم عليها قدامي مرة تانيه وحاولت افوق فيها كتير بس مافيش فايده طلعت اجري بيها زي الهبله علي المستشفي 😭
ريم : اهدي يا هنا ..
هنا: طلعت اجري بيها عالمستشفي الدكاترة قالتلي لازم تعمل العمليه يا اما هتموت..
طلعت اجري من المستشفي لقيت كل اللي جمعناه مايجيش حاجه من الفلوس كنا بالليل والوقت متأخر مشيت اعيط في الشارع كنت مكسورة من جوايا مافيش في ايدي حاجه اعملها حبيت مريم من كل قلبي مش هاقدر اخسرها بسهوله كده مش هستحمل ..
ريم: وبعدين .
هنا: كنت معديه من جمب بيت لقيت حرامي بينزل من عليه والناس بتقول حرامي حرامي رمي عليا الشنطه وطلع يجري الناس شافوني فكروني انا اللي سرقتها فكان لازم اهرب منهم فضلت اجري ومعايا الشنطه لحد ماهربت منهم وقعدت استريح بفتحها لاقيتها مليانه فلوس فرحت جدا وطلعت اجري علي المستشفي وبقول للدكتور انا جبت الفلوس اهو  الدكتور قالي خلاص انتي اتأخرتي البقاء لله ..
ما كانتش بنتي ما كانتش اختي مش حتي قريبتي دي كانت ليها مكانه كبيرة جدا عندي يمكن كانت شبهي عاشت نفس ظروفي اتحرمت من امها وابوها بدري جدا ومالهاش حد غيرهم خبر موتها نزل علي قلبي دمره زي الصاعقه ما بتنزل علي شجرة وتحرقها حسيته اتقسم نصين انهرت ماكنتش متحمله فكره انها خلاص هتبعد عني ..
بس الدكتور يومها قالي كلام هوا كان بدايه كل حاجه 
قالي ان مريم ماتت بس في زيها كتير في كتير نفس ظروفها وماحدش بيبصلهم بعين الاعتبار اديت له كل الفلوس اللي كانت معايا عمل عمليه لاتنين انكتب لهم عمر جديد بس كان لسه فيه كتير غيرهم مش عشرة ولا عشرين ولا ميه الاااف قلبي وجعني عليهم. 
كنت عايزة اعمل اي حاجه علشانهم مالقيتش الا الطريقه دي بس الفرق انا مش بسرق فقرا ولا محتاجين انا بسرق ناس تستحق السرقه ناس مصوا دم الغلابه ناس فاسدين غسيل اموال تجاره غير مشروعه مخدرات معدات طبيه ملوثه ناس قمه الوساخه
 وفي نفس الوقت لقيت متعتي لقيت هنا فرحانه ومقتنعه باللي بتعمله لقيت الاثارة اللي كانت مش في حياتي اللي كنت بدور عليها ..
ريم: طب ومدير المستشفي.
هنا: مسافر من يومها نفسي يرجع عشان ادوقه من نفس الكاس اللي دوقهوني احمد سليم هتتحاسب يعني هتتحاسب وحسابك تقيل معايا اوي ..
ترررن ترررن ..
ريم: تليفونك بيرن
بتمسك هنا التليفون من ريم ..
هنا: ايوه ...ايه ...بجد (بفرحه)
ريم: في ايه يا هنا 
هنا وراحت نامت علي السرير بارتياح ..
هنا: خلاص اللعبه شكلها هتخلص ونرتاح 
ريم: مش فاهمه 
هنا: ههههههه دي احلوت اوي....
يتبع...
لقراءة الفصل التالي : اضغط هنا
لقراءة باقي حلقات الرواية اضغط على (رواية المغامرة المجنونة)
google-playkhamsatmostaqltradent