رواية بنات نعمة الفصل الحادي عشر 11 بقلم احمد حسن

 رواية بنات نعمة الفصل الحادي عشر 11 بقلم احمد حسن

رواية بنات نعمة البارت الحادي عشر

رواية بنات نعمة الجزء الحادي عشر

رواية بنات نعمة الفصل الحادي عشر 11 بقلم احمد حسن

رواية بنات نعمة الحلقة الحادية عشر

رياض.. عرفتي اللي حصل ياست نعمه

نعمه .. خير ان شاء الله يا رياض

رياض .. بيقولو الولد ابن مرسي ابراهيم ابن صابر بمطواه 

والولد في المستشفى بين الحياه والموت 

نعمه .. يا ساتر يا رب طب خلي بالك من المحل يارياض لحد

ما اروح اتطمن على الواد

رياض .. ما بلاش احسن يا ست نعمه

 نعمه .. ليه يا رياض !!

رياض .. اصل بصراحه العيله كلها متجمعه هناك وانتي عارفه

 لسانهم يا ست نعمه

 نعمه .. انا هروح عشان اتطمن على الولد وما تخافش انا

 متعوده على كلامهم من سنين 

رياض .. خلاص اللي تشوفيه يا ست نعمه 

فعلا نعمه راحت على المستشفى وبالفعل اول ما دخلت كان

 واقف قدام غرفة العناية المركزة كل افراد عائله المغازي اول 

ما شافوا نعمه جايه عليهم بصو لبعضهم باستغراب 

 توحيد .. جايه عايزه ايه يا نعمه !! 

نظيمه ..  جايه تشمتي يا نعمه !؟

 نعمه .. لم لسانك يا نظيمه انت وامك وخليكم في حالكم

 ومش نعمه اللي تشمت في قضاء ربنا 

صابر .. خبر ايه يا امي ! الست جايه تطمن كتر خيرها معلش

 يا نعمه تعالى حقك علي

نعمه .. خليك واقف جنب امك يا صابر هي فين كوثر 

صابر .. كوثر ضغطها علي مره واحده والدكتور علق لها

 محاليل وهي دلوقتي على السرير جوه في الاوضه التانيه

 تعالي اوديكي عندها 

نعمه .. لا خليك انا عارفه الطريق 

فعلا نعمه راحت على كوثر اتطمنت عليها

 نعمه .. الف سلامه على ابراهيم يا كوثر وان شاء الله يقوم بالسلامه

 كوثر .. ابني حياته أتدمرت يا نعمه

 نعمه .. هدى نفسك يا حبيبتي ما تعيطيش قولي يا رب وهو

 ان شاء الله هيكون بخير

كوثر .. كنت غلطانه يا نعمه يوم مافكرت اجي اقعد في وسط

 الناس دول انا السبب

 نعمه .. يا حبيبتي ما تشيليش نفسك فوق طاقتها قضاء ربنا

 ما فيش حاجه تقدر تمنعه 

كوثر .. حق ابني مش هاسيبه يا نعمه والله لا دفعهم التمن

 غالي أوى

نعمه .. اهدى يا حبيبتي وصلي على النبي دول في الاخر

 عيال مع بعض

كوثر .. حتى انتي كمان هتقولي عيال ! ابن مرسي عنده 22 

سنه وتقوليلي عيال يا نعمه

 نعمه .. طب خلينا نطمئن على ابنك الاول وبعد كده يعدلها ربنا

فعلا بعد فترة خرج ابراهيم من المستشفي على كرسي 

متحرك الغريب في الموضوع إن إبراهيم فقد النطق كمان من 

اثر الصدمة وده ال خلى كوثر وصابر عداوتهم تشتد في 

قلوبهم من ناحية بيت المغازي

ورغم ضغط مرسي و افراد العيله علي صابر وكوثر عشان

 يتنازلوا عن المحضر ويغيرو اقوالهم الا ان صابر وكوثر

 فضلوا مصممين على قرارهم وبالفعل اتحبس فؤاد ابن

 مرسي وخد 15 سنه الكلام ده كان في عام 2007 وطبعا

 مرسي هددهم بطردهم من البيت بس صابر اشترطت عليه

 انه ياخذ ورثه كامل وهو يترك البيت بس توحيد ومرسي

 رفضوا بشده

 اصبح الجميع بداخل بيت المغازي لا يطيقون بعضهم البعض

__________

 بعد مرور سنه عام 2008

تغريد .. جاي متأخر ليه يابيه

رياض .. خلاص يابت مش مرة أخرتها هتعلقيلي عليها

تغريد .. وإيه كلمة يابت ال خدت عليها دي إن شاء الله

رياض .. إن كان عاجبك

تغريد .. لا مش عاجبني 

رياض .. في حواليكي 4 حيطان اخبطي راسك في واحدة منهم

تغريد .. تصدق بقا لأقول لأمي عشان هيا ال قوتك علينا

رياض .. بطلى رغي وقوليلي ، هدي بقالها كام يوم مش باينة 

يعني 

تغريد .. بصراحة في عريس متقدملها وأمي بتحاول تضغط عليها 

رياض .. عريس !!

تغريد .. ومالك ياخويا إتخضيت كده !!

رياض .. لا متخضيتش ولا حاجة كملى كلامك

تغريد .. متقدملها ياسيدي دكتور صيدلي وحالته كويسة 

بس هي رافضة ولما عملت حجتها التعليم الدكتور قال

 موافق إنها تكمل وهيساعدها كمان

رياض .. طب وامك هتعمل ايه

تغريد .. امي موافقة وبتحاول تقنع هدي ، اه صحيح نسيت 

أقولك إن امي كانت عايزاك ضروري وقالتلي أنك لما تيجي 

تروحلها على المحل القديم 

رياض .. ماشي ماشي 

______

رياض .. إزيك ياست نعمة

نعمة .. الحمدلله يارياض

رياض .. تغريد بتقولي إنك عايزاني

نعمة .. اقعد وإسمعني كويس يارياض

دلوقتي هدى جايلها عريس كويس دكتور صيدلي وقريب

 منها في السن وحالته مرتاحة ويعرف ربنا وهي رفضاه

حاولت معاها كتير ومش نافع وأنت عارف إني بعتبرك زي

 ابني وعشان كده هطلب منك تقعد معاها وتعقلها خسارة

 ياابني ده دكتور ابن حلال وأهله ناس طيبين وهيريحها

وكفاية إنه دكتور وهي شوية وهتبقا دكتورة  بدل ما يرسي

 عليها الزمن وتتجوز واحد لا بيعرف يقرا ولا يكتب

أرجوك ياابني حاول معاها 

رياض .. حاضر ياست نعمة 

نعمة .. أنا هرن عليها تيجي وانت اعمل ال قولتلك عليه

رياض .. حاضر

_____________

في وكالة المغازي

وفيق .. ازيك يامرسي 

مرسي .. اهلا وفيق

وفيق .. عملت ايه مع صابر 

مرسي .. المشكلة في صابر 

وفيق .. امال في مين!!

مرسي .. المشكلة في الحية ال اسمها كوثر

وفيق .. بصراحة يامرسي البت دي مش سهلة وذكية وشكلها هي ال مولعة في صابر عشان الورث

مرسي .. فاضلها عندي تكة وأخلص منها الجديد والقديم 

وفيق .. إيه يامرسي انت إتجننت ولا إيه

مرسي .. الست من دول متجيش غير بالضرب على دماغها

 وانا هديها قرصة ودن بس 

وفيق .. طب انا عايز 20 الف جنيه أكمل بيهم على ال معايا 

وأشتري واختك نظيمة حتت أرض معروضة قدامي للبيع

مرسي .. ياخي 20 قرد لما يركبوك 

وفيق .. باه يامرسي 

مرسي .. بو لم يلهفك مفيش ولا جنيه

نظيمة .. عتقوليه عاد يامرسي

مرسي .. اهلا ياختي خطوة عزيزة

نظيمة .. سيبك من الشويتين دول يامرسي وادي الفلوس ل 

وفيق 

مرسي .. الله الله انتو بقا مظبطينها سوا

نظيمة .. ده مال أبونا يامرسي مالك كده محسسني إنك 

هتدينا من جيبك

مرسي .. مالك ابوكي يوم يتقسم ابقي اعملى بنصيبك ال 

انتي عايزاه

نظيمة .. جرا إيه يامرسي إحنا هتكدب الكدبة وتصدقها ولا 

إيه الكلام ده تقولو لصابر 

مرسي .. متفتحيش عليا باب يانظيمة مش هنقدر نقفلو 

بعدين

نظيمة .. مكسب الوكالة والمحلات والمزارع ده لينا كلنا 

يامرسي ومن حقنا ناخد منه في أي وقت

مرسي .. خدي يانظيمة وخلينا نخلوص من حديتك الماسخ

_______________

تليفون نعمة رن

نعمة .. الو مين

كوثر .. انا كوثر ياست نعمة

نعمة .. اهلا اهلا اهلا ازيك وازيي العيال عاملين إيه

كوثر .. كلهم بخير بيسلمو عليكي ياست نعمة

نعمة .. الله يسلمك ويسلمهم

كوثر .. ياستي إبراهيم عايز يشوفك بأي طريقة كل شوية 

يكتبلي أسمك في الورق ويطلب يشوفك

نعمة .. حبيب قلبي الواد إبراهيم سلميلي عليه

كوثر ..بصراحة هو طالبك تيجي تحضري عيد ميلاده النهاردة

نعمة .. اجي فين ياكوثر 

كوثر .. بيت المغازي يانعمة

نعمة .. انتي كده بتحطي النار جنب البنزين ياحبيبتي مينفعش 😅

كوثر .. ياحبيبتي متخافيش انتي هتبقي معايا اتطمني 

قولتلك صاحبتك مسيطرة 😅

نعمة .. ياحبيبتي نعمة ما بتخفش بس الموضوع وما فيه 

هيحسوا ان انا كده بجر شكلهم

كوثر .. يعني يرضيكي تزعلي ابراهيم

 نعمه .. لاياستي ما نقدرش علي زعل ابو خليل وعشان كده

 بطلب منك تجيبيه وتيجي عندنا في البيت حتى البنات يا

 هيصوله شويه 

كوثر .. والله فكره خلاص هاجيبهم واجي النهارده

 نعمه .. تنوري يا ست الكل اهم حاجه الدعوه موجهة ليكي

 انتي وابراهيم وعثمان وبس فهماني يا كوثر

 كوثر .. فهماكي يا ست نعمة وبالمرة عايزة أكلمك في

 موضوع مهم

نعمة .. تنوري ياحبيبتي

______

مواجهة هدي ورياض وتغريد هتكون مؤلمة لأحدهم ،

رصاصة من مجهول ، خطوبة ، إعترافات مؤلمة

ومن شابه أباه فما ظلم ، هدى حياتها هتتشقلب

يتبع..
لقراءة الفصل التالي : اضغط هنا
لقراءة باقي حلقات الرواية اضغط على (رواية بنات نعمة
google-playkhamsatmostaqltradent