رواية بإسم قانون الحب الفصل الثالث 3 بقلم نشوة عادل

رواية بإسم قانون الحب الفصل الثالث 3 بقلم نشوة عادل

رواية بإسم قانون الحب البارت الثالث

رواية بإسم قانون الحب الجزء الثالث

رواية بإسم قانون الحب الحلقة الثالثة

-فتح طارق الاكل ولاحظ وجود ورقة مدسوسة وسط الفراخ اخدها وفتحها ولقى مكتوب فيها: ي حبيبتى ي روقا معقول كان حد يصدق ان واحدة زيك يكون ده مصيرها بس متقلقيش لو الكون كله اتخلى عنك انا مش هسيبك واوعدك انى هخرجك من هنا واللى حصلك بالحجز ده مش هعديه وهدفع كل واحد اذاكى التمن غالى اوى اخوكى كمال ف ضهرك
ايهاب: اظن احنا كده اتأكدنا ان فيه حاجة بينهم والا ايه يخليه عاوز يساعدها؟
طارق: او يمكن فيه حاجة تانية غير المساعدة
ايهاب بعدم فهم: ازاى يعنى؟!
طارق: لما هو عاوز يساعدها ليه يطلب من كل المحامين ان محدش يترافع عنها وكمان فيه حاجة تانية هو عرف ازاى باللى حصل بالحجز!
ايهاب: ليه هو ايه اللى حصل بالحجز اصلا؟!
طارق: شوفت انت نفسك ظابط هنا ومعرفتش باللى حصل هو بقى عرف منين وكمان محدش عرف باللى حصل غيرى انا والعسكرى اشرف
ايهاب: فعلا غريبة طب هو ايه اللى حصل برضه عاوز افهم
حكى له طارق ما حدث …ايهاب: بس انا كده فهمت انت شاكك انه هو اللى وز البت دى عليها تضر*بها
طارق: انا مش شاكك انا متأكد من كده بس لازم اعرف هو بيعمل كده ليه وعاوز ايه ولو اللى ف دماغى صح يبقى هو اللى ملفق ليها القضية
ايهاب: امممم وناوى تعمل ايه ولا تعرف ازاى ؟!
طارق: هتشوف دلوقتى
رن الجرس ودخل العسكرى اشرف: تمام ي باشا
طارق: عاوزك تجيب البت اللى اسمها فادية من الحجز
اشرف: حاضر
راح اشرف جابها وخرج ..فادية بضحك: اكيد ي باشا عرفت ان البت دى بتتبلى عليا وهترجعنى الزنزانة بتاعتى مش كده
قرب طارق منها وعلامات الشر ع وجهه خافت فادية ورجعت لورا ..طارق بفحيح افعى: هتقولى الحقيقة ولا تحبى تشوفى وشى التانى؟
فادية وهى بتبلع ريقها: حقيقة ايه ي باشا؟!
طارق: مين اللى حرضك تعملى كده فيها؟!
فادية: ها هيكون مين يعنى ي باشا واحنا اصلا مرمين ف الحجز لا حد بيجى ولا حد بيروح
طارق: انا كنت عارف انك هتتعبينى بصى ي فادية ما هو ي تعترفى ي اما هلبسك شوية قضايا اوديكى بيها ورا الشمس ..ثم قال بصوت عالى افزعها: انطقى ي بت
فادية بارتجاف: ي باشا صدقنى محدش طلب منى حاجة
طارق : ده انتى مصممة بقا خلاص نخليكى تنطقى …قرب طارق من كورباج متعلق وبدأ يقرب منها واحدة واحدة رفعه ورزعه ع الارض
فادية بخوف: خلاص ..خلاص بالله عليك ي باشا ما تضربنى انا ..انا هقول كل حاجة
طارق : حلو ها هاتى اللى عندك
فادية: اللى طلب منى اعمل كده واحد اسمه مرتضى الزناتى وهو اللى جاب البت عندنا الشقة
طارق: جابها الشقة ازاى؟!
فادية: مرتضى ده زبون عندنا وتقيل قالى انه هيجيب بنت عندنا وطلب مننا نحطها ف اوضة ومحدش يقرب ناحية الاوضة بتاعتها نهائى وكان وشها فقر جابها وانتم كبستوا بعدها بساعة
طارق: وبعدين
فادية: جاتلى زيارة اكل ولقيت ورقة من مرتضى بيقولى اروق عليها واضر*بها وانه هيخرجنى من هنا وهيعطيلى ضعف المبلغ كمان
طارق: فين الورقة دى؟
فادية: والله ي باشا قطعتها ورميتها
طارق: حلو اوى ي فادية انا مبسوط منك اوى عشان كده هرجعك الحجز بس بشرط
فادية: اؤمرنى
طارق: لو مرتضى اخد خبر بأنك اعترفتى بحاجة هو اللى هي*خلص عليكى مش انا
فادية بخوف: انا خارسة اصلا ي باشا
طارق نده لاشرف وقاله ياخدها ع الحبس …ايهاب: يعنى طلعت القضية متلفقة ليها فعلا
طارق: عيب عليك
ايهاب: هتعمل ايه دلوقتى؟!
طارق: هجيب ليها محامى وهخرجها من هنا بس الأول اجمع ادلة براءتها عشان تخرج من النيابة ع طول متتحولش للمحكمة
ايهاب: ربنا يعينك ي صاحبى ولو احتاجتنى انا معاك
طارق: حبيبى مستغناش
فى اليوم التالى كان كمال ف شركته دخلت عليه نانسى: كمال بيه فيه واحد برة عايز يقابلك
كمال: واحد مين ده؟!
نانسى: بيقول اسمه محمد ابو الدهب
كمال بضحكة صفرا: الطعيه برة نص ساعة قوليله عنده اجتماع وابقى دخليه بعدها
نانسى: حاضر
عدت النص ساعة ودخل محمد لمكتب كمال اللى قام وقف: اهلا اخويا الغالى ايه ي عم الخطوة العزيزة دى
محمد: الله يخليك ي غالى انا كنت جايلك ف حوار كده
كمال: ي سلام عنيا بس قهوتك ايه الاول
محمد: ع الريحة
كمال: عنيا …طلب كمال القهوة وبعدها : ها ف ايه؟!
محمد: بصراحة رقية صعبانة عليا اوى رميتها دى بالحجز وعاوز اوقف ليها محامى
كمال: وبعدين برضه قلبك الابيض ده مفيش فيه فايدة حتى بعد اللى عملته
محمد: بس انا متأكد انها بريئة اختى متعملش كده ابدا
كمال: واهى عملت تفتكر لو بريئة كانت فضلت ف الحبس لحد دلوقتى ليه؟ ي راجل دول قابضين عليها بالملاية كبر دماغك ومتورطش نفسك وتو*سخ اسمك معاها
محمد: عندك حق
كمال: طيب مقولتليش ايه رأيك ف حوار الشغل اللى عرضته عليك؟
محمد: موافق طبعاً هو انا هلاقى فين شغل احسن من كده وكمان كفاية انه معاك
كمال: حبيبى خد بقا المبلغ ده خليه معاك
محمد: ده ليه؟!
كمال: عايزك تنزل تروق ع نفسك كده كام بدلة ع كام جزمة عاوزك برنس
محمد: طب ما انا معايا فلوس وهجيب
كمال: ي راجل عيب فلوسنا واحدة
محمد: ربنا يخليك لينا ي غالى هستأذن انا بقا عشان مأخركش ع اشغالك
دخل مرتضى وقال: ده كان هنا عاوز ايه؟!
كمال: قلبه حن ع اخته بس ع مين طيرت الحنية ف ظرف ثانية
مرتضى: محدش وزير الحنية غيرك
كمال: وخلى بالك لانه العصفورة الجديدة بتاعتنا ووو.

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية بإسم قانون الحب)